mutaapaa kisake liye faayademand?

---

mekinje (McKinsey) kvaartaralee ne chaart-fokas nyooj laitar ee-mel kiyaa hai, jisamen motaape kee vishvamaaree (mahaamaaree kaa vaishvik snskaran – pandemic) par kiye jaa rahe kharchon ke baare men bataayaa gayaa hai. masalan briten men motaape se sambandhit rogon par davaaiyon kaa kharch £4,000,000.000 hai. ek dashak pahale yah isakaa aadhaa thaa. aur yah rakam 2018 tak aath hajaar paaund ho sakatee hai.

par jaisaa yah nyoojalaitar kahataa hai - kharchaa keval davaaon kaa naheen hai. davaaon se itar kharche davaaon par hone vaale kharche se tigune hain. masalan amerikaa $450biliyan kharch karataa hai mutaape par davaaon se itar!

is vishay men post aap meree maanasik halachal par padhen:
motalle logon kee duniyaan

---

lokopakaar aur vikaas

red tep niraakaran jarooree hai!

lokopakaar – filenthropee ek glaimaras muddaa hai. jab maine pichhalee post likhee thee, tab is kon par naheen sochaa thaa. lokopakaar men nihit hai ki abhaavon ke antim chhor par log hon aur ham - madhyamavargeey log apane arjan kaa ek hissaa - ek yaa do pratishat - daan yaa jakaat ke roop men den. vah daan kis tarah se sahee tareeke se niveshit ho, usakee sochen.

is daan se koee sine staar, koee raajanetaa, koee dharmaachaary sahaj jud sakataa hai. is mudde kee bahut imoshanal vailyoo hai. koee bhee apanee chhapaas door kar sakataa hai kisee bade din kambal-katoree daan kar. agar aap nekee kar dariyaa men daalane vaale hain to fir koee kahane kee baat hee naheen!

bhaag 7 – kaileeforniyaa men shree vishvanaath

yah shree gopaalakrishn vishvanaath kee kaileeforniyaa pravaas par saataveen atithi post hai.

---

is baar bhee tasaveeron ke maadhyam se aap ko apanee baat bataanaa chaahataa hoon.

yahaan tasaveeren chhotee aakaar men dikhengee. yahaan tasaveeron ko resize karake yahaan pesh rahe hain taaki pannaa jald hee lod ho jaae. saath hee pikaasaa slaaid-sho kaa prayog kiyaa jaa rahaa hai, jisase pannaa bhee jyaadaa skrol n karanaa pade.

aapakee yadi mool tasaveer men ruchi hai to post ke ant men dee huee kadee par jaakar pooree tasaveer dekh leejie. pichhale post par kuchh mitron ne tippnee kee thee ke chitr bahut chhote hain, is liye is baar hamane yah tareekaa apanaayaa.

paryatan kyaa hai?

main paryatan par naineetaal naheen aayaa. agar aayaa hotaa to yahaan kee bheed aur shaanepnjaaba/sherepnjaab hotal kee roshanee, jheel men tairatee batakh numaa naaven, kacharaa aur kuchh n kuchh khareedane/khaane kee snskriti ko dekh paryatan kaa maayane kho baithataa.

bhaag 6 - kaileefirniyaa men shree vishvanaath

yah shree gopaalakrishn vishvanaath kee amareekee/kaileeforniyaa pravaas par chhathee atithi post hai.

---

is baar baaten kam karenge aur keval chitron ke maadhyam se aap se snpreshan karenge.

shoping:
=========
ek jamaanaa thaa, jab ham videsh se cheejen khareedakar laane men garv mahasoos karate the. ab bhool jaaie is baat ko. kuchh cheezon ko chhodakar, ham bhaarateeyon ke lie vahaan se kuchh khareedanaa moorkhataa hee lagataa hai.

sab kuchh yahaan bhaarat men upalabdh hai aur bahut hee kam daamon men.
kaee saaree cheezen to bhaarat, cheen, bngalaa desh se vahaan bhejee jaatee hain jahaan teen yaa chaar gunaa daamon par bikatee hain.

bhaag 4 – kaileeforniyaa men shree vishvanaath

yadi aapako gaadiyon kaa shauk hai to avashy ek baar vahaan (kaileeforniyaa) ho aaie.

kaaron kee vividhataa, gati, shakti aur andar kee jagah aur suvidhaaen dekhakar main to dng rah gayaa.
shaayad hee koee hai jisake paas apanee khud kee kaar n ho.

ausat madhyavargeey parivaar ke to ek naheen balki do kaaren thee. ek miyaan ke lie, ek beevee ke lie.

---

yah shree gopaalakrishn vishvanaath kee unakee kaileeforniyaa yaatraa ke dauraan huye aobjarveshans par aardhaarit chauthee atithi post hai.

---

gairaaj to itane bade ki kam se kaam do kaaren agal bagal isamen aasaanee se khadee kee jaa sakatee hain.

gairaaj ke andar jagah itanee ki bhaarat men to itanee jagah men ek pooraa ghar ban sakataa thaa.

bhaag teen – kaileeforniyaa men shree vishvanaath

yah shree gopaalakrishn vishvanaath kee unakee kaileeforniyaa yaatraa ke dauraan huye aobjarveshans par aardhaarit teesaree atithi post hai:

---

bhaag do - kaileeforniyaa men shree vishvanaath

yah shree gopaalakrishn vishvanaath kee atithi post hai:

ek aur baat mainne not kee aur vah hai ye amareekee log apanee praaivesee (privacy) par kuchh jyaadaa hee jor dete hain. amareekee naagarik khulakar baaten naheen karate the ham logon se. ham jaise kamyooniketiv (communicative) naheen hote. shaayad meraa yah anumaan galat hai aur sirf mere saath aisaa huaa. yaa fir main hee kuchh jyaadaa bolataa hoon!

raaste men tahalate samay, ajanabee log bhee bhale "Hi" yaa "Hello there" yaa "Good morning" kahate, par usake baad jhat se nikal jaate the.

madhugiri ke chitr

yah slaaid-sho hai madhugiri ke chitron kaa. pikaasaa par ap-lod karanaa, chitron par kaipshan denaa aur post banaanaa kaafee ubaaoo kaam hai. par maine pooraa kar hee liyaa!

lalakaaratee-gariyaatee posten likhanaa sabase saral bloging hai. parivesh kaa vailyoo-badhaatee posten likhanaa kathin, aur monotonee vaalaa kaam kar post karanaa usase bhee kathin! :-)

madhugiri

vishv ke dviteey v eshiyaa ke sarvaadhik bade shilaakhand kee vishaalakaayaa ko jab apane sammukh paayaa to prakriti kee mahattaa kaa anubhav hone lagaa. jameen ke baahar 400 mee kee oonchaaee v 1500 mee kee chaudaaee kee chattaan ke shikhar par banaa kilaa dekhaa to prakriti kee shreshth santaan maanav kee jeevatataa kaa bhaav v sannihit bhay bhee drishtigochar hone lagaa.

bngalor se lagabhag 110 kimee kee dooree par sthit madhugiri tumakur jile kee ek sabadiveejn hai. vaheen par hee sthit hai yah vishaal shilaakhand. ek or se madhumakkhee ke chhatte jaisaa, doosaree or se haathee kee soond jaisaa v any do dishaaon se ek khadee deevaal jaisaa dikhataa hai yah shilaakhand. googal maip par oopar se dekhiye to ek shivaling ke aakaar kaa dikhegaa yahee shilaakhand.

billiyaan

aaropon ke kaal men kutte billiyon ke oopar likhe gaye blog hey drishti se dekhe gaye the. isaliye jab bitiyaa ne billee paalane ke liye hath kiyaa to usako samajhaayaa ki gaay, kutte, billee yadi hindee blog men hey drishti se dekhe jaate hain to unako ghar men laane se meree bhee hindee bloging pratibhaa v rainking par pratikool prabhaav pad sakataa hai.

baalaman pashuon ke prem v aatmeeyataa se itane otaprot rahate hain ki unhen bloging ke saundaryabodh kaa jnyaan hee naheen. bitiyaa ne mere tarkon par bhaunhe sikodkar ek avarnaneey vichitr saa munh banaayaa aur saath hee saath yaad dilaayaa ki kuchh dinon pahale tak isee ghar men saat gaayen aur do kutte rahate the. yah dekh sun kar meraa saaraa blogaratatv pnchatatv men vileen ho gayaa.

haree oorjaa kraanti, bhaarat aur cheen

baajoo men maine mekenjee kvaatarlee (McKinsey Quarterly) kee lekhon kee vijet lagaa rakhee hai. pataa naheen aap men se kitane use dekh kar usake lekhon ko padhate hain. main bahudhaa usake lekhon ko haard kaapee men nikaal kar fursat se padhataa hoon. isamen bhaarat aur cheen vishayak lekh bhee hote hain.

sapaataa aur sannaataa

jnyaataa kahate hain ki vishv sapaat ho gayaa hai. n keval sapaat ho gayaa hai apitu sikud bhee gayaa hai. soochanaa aur vichaaron kaa aadaan pradaan saralatam sthiti men pahunch gayaa hai. ab sabake paas vah sab kuchh upalabdh hai jisase vah kuchh bhee ban sakataa hai. jahaan hamaaree soch ko vividhataa dee nayee dishaaon me badhne ke liye vaheen sabhee ko samaan avasar diyaa apanee pratibhaa ko pradarshit karane kaa. ab nishchay yah naheen karanaa hai ki kyaa karen apitu yah hai ki kyaa n karen. yah sochakar bahut se duniyaa ke mele men pahunchane lagate hain.

spaim (SPAM) ke maayane

---

maine apane mahaaprabandhak mahoday ko ek ee-mel bhejee thee - saadhe teen em.bee. ke ataichament ke saath. unake yah kahane par ki vah unhen milee naheen, maine pun: preshit kar dee – mujhe ataichament ke aadhaar par prashaasanik saport kee jaroorat thee. par doosaree baar bhee unhen mel n milane par ajeeb lagaa, so main vyaktigat roop se unake paas pen draaiv men ee-mel ke ataichament le kar pnhuch gayaa.

vahaan unhone jab apane ee-mel ko dhyaan se sarch kiyaa to paayaa ki mel ko, googal, spaim (Spam) filtar men daale baithaa thaa.

tab spaim par charchaa chalee. spaim kaa matalab kyaa hai - unhonne poochhaa. maine kahaa ki spaim ko main kachare ke roop men hee jaanataa hoon. yaanee, anaayaachit, thok ke bhaav bhejee gaee ee-mel. shabd ke mool ke baare men to pataa naheen.

---

shree sudesh kumaar, mahaaprabandhak, uttar-madhy relave. kal ye pres pratinidhiyon ko sambodhit kar rahe the. aur skraaibs agar behatar taiyaaree kar savaal kar rahe hote to jyaadaa aon-d-rikord nikalavaa paate.

unhone hee bataayaa ki is shabd par unhone kaafee maathaa-pachchee kar rakhee hai. yah "Shoulder of Pork and Ham" hai. yah hormal kampanee banaatee thee. naam huaa karataa thaa - hormal spaaisd haim (Hormel Spiced Ham). jab is utpaad kaa maarket girane lagaa to ek naamakaran pratiyogitaa ke aadhaar par yah nayaa naam spaim (SPAM) rakhaa gayaa san 1937 men.

spaim nishchay hee kacharaa veraaitee kaa maans rahaa hogaa/hai. maine padhaa ki yah amerikaa men kaafee lokapriy hai, par ise aarthik tngee se jod kar dekhaa jaataa hai - yah sastaa jo hai. jo sastaa aur upekshit so spaim! spaim ko nishchay hee jnk food maanaa jaataa hogaa aur jnk food ke samatuly jnk mel. lihaajaa jnk mel spaim ho gayaa.

ab hamaare saamya/samaajavaadee ek aandolan chalaa sakate hain ki kacharaa mel ko spaim n kahaa jaaye. saste aur lokapriy utpaad kee chheechhaaledar gareeb kaa apamaan hai.

vaise ham non-lahasunapyaajeriyan ke liye spaim, "spaim" ho yaa chiken-kabaab, kyaa fark padataa hai. dono hee varjaneey hain!

“spaim” kaa chitr vikeepediyaa ke is pej se.

---

vikeepediyaa (Wikipedia) kee vishvasaneeyataa

---

jab main vidyaarthee thaa; aur yah bahut pahale kee baat hai; tab mujhe print maadhyam ke prati shraddhaa thee. “aisaa falaanee kitaab men likhaa hai” yaa yah “d hindoo men chhapaa thaa” kah kot karanaa ek saty ko prakatit karane jaisaa hotaa thaa. fir yah prakatan huaa ki yah likhane vaale bhee ham jaise hain aur ve anajaane men yaa jaanaboojh kar asaty thel jaate hain. lihaajaa print kaa glaimar dhundhalaa pad gayaa.

kuchh shraddhaa bachee rah gayee. kuchh klaasiks ke prati. ensaaiklopeediyaa britenikaa ke prati bhee. sarakaaree vetan men itane paise ekamusht jugaad n kar paayaa ki ensaaiklopeediyaa britenikaa khareed paataa. usake baad intaranet kaa jamaanaa aa gayaa. vikeepediyaa kaa vyaapak prayog karane lagaa. par kabhee n kabhee vah fej aanee hee thee ki isake meteeriyal par snshay hotaa. sumant mishr jee dvaaraa diye gaye ek link se vah bhee hone lagaa aur jabaradast hone lagaa.

vikeepediyaa-vaach naamak is saait kaa aap avalokan karen. main isakaa mureed banane kaa aavaahan naheen kar rahaa. main keval yah bataane kaa prayaas kar rahaa hoon ki vikeepediyaa kee saamagree par sent-par-sent nirbharataa sahee naheen hai.

badaa masaalaa hai is vikeepediyaa par. angejee men hee > 29,26,275 lekh honge. saare maal matte ko print kiyaa jaaye to vah itanaa hogaa jitanaa britenikaa ke 952 vaalyoom men samaaye. snlagn chitron men rob maithyooj naamak sajjan ne isakaa 0.01% (~ 5000 pej) print kiyaa hai. badaa impresiv lagataa hai. par kaun padhegaa itanee motee kitaab!

vikeepediyaa men feechard aarteekal aur chitr aadi ke roop men chhaanane kee paramparaa hai. lekin koee tareekaa naheen lagataa ki sarch injan keval feechard kantent par hee le jaaye. at: aapakee sarch se saamane aayaa kitanaa khaalis maal hogaa, kitanaa churaatatv aur kitanaa bandal vikeepediyaa par, kahaa naheen jaa sakataa! hindee blogon se jyaadaa hogaa yaa kam?

agalee baar aap vikeepediyaa par jaayen to bataur prayoktaa jaayen aur apanee snshayaatmikaa buddhi apane saath rakhen!

---

pepar yaa plaastik ke thaile?

---

yah mere manapasand vishay par reedars daaijest se liyaa gayaa masaalaa hai. choonki ab sarvottam naheen chhapataa aur main yah angrejee naheen hindee men prastut kar rahaa hoon – at: mere vichaar se yah churaatatveey hote huye bhee chal jaayegaa.

meree patnee jee kaa jholaa.

vaise bhee shabd mere apane hain – reedars daaijest ke naheen.

plaastik ke thailon ke nimaan men khanij tel kaa prayog hotaa hai. tel kaa utkhanan, shodhan aur antat: plaastik thaile banaane men bahut jhnjhateey takaneekee jarooree hai. par vahee haal lakadee se kaagaj aur kaagaj ke thaile banaane men hai. kaagaj kee milen bhee amleey varshaa, global vaarming aur shvaans kee beemaariyaan badhaatee hain. aur kaagaj banaane men bahut see oorjaa aur jal lagataa hai. kaagaj ke thaile plaastik ke thailon se chh gunaa jyaadaa vajanee hote hain. at: unakaa parivahan bhee eendhan maangataa hai aur jahareelee gaisen utsarjit karataa hai.

aur agar aap kahate hain ki plaastik lainndafil men nasht naheen hotaa aur kaagaj ho jaataa hai, to bhee aap sahee naheen hain. laindafil men lagabhag kuchh bhee vighatit naheen hotaa. inamen kacharaa havaa aur jal se achhootaa rakhaa jaataa hai - jisase dharatee kaa jal pradooshit n ho. aur jo baayo-deegredebal hai; vah bhee dasiyon yaa saikadon saal le legaa. yah hone men vah meethen gais bhee chhodegaa jo global vaarming karegaa hee.

reedars daaijest uvaach:

pepar yaa plaastik ke thaile – dono hee bekaar vikalp hain. aap to apane pun: istemaal hone vaale joot yaa kapade ke thaile kaa prayog karen.

---

vijay kaa ek kadam?!

---

saadaa jeevan aur garm hotee dharatee

---

yah post aage aane vaale samay men paryaavaran parivartan, oorjaa kaa prati vyakti andhaadhundh badhataa upabhog aur usake samaadhaan hetu shree sumant mishr kaatyaayan jee ke sujhaaye saadaa jeevan uchch vichaar ke baaren men meree vichaar halachal ko le kar hai.

“saadaa jeevan uchch vichaar” – agar isako vyaapak star par vyavahaaragat banaanaa ho to - keval vaichaarik anushaasan kaa maamalaa naheen hai. isakaa apanaa pukhtaa arthashaastr honaa chaahiye. kabhee padhaa thaa ki baapoo ko harijan bastee men thaharaane kaa kharch bahut thaa. saadaa jeevan jatilataa ke jamaane men kathin hai.

meree ek puraanee post:
kahaan gayee jeevan kee prachurataa
mere hee bachapan men havaa shuddh thee. gngaa men bahut paanee thaa - chhote-mote jahaaj chal sakate the. gaanv men khet baaree taalaab men logon ke ghar atikraman naheen kar rahe the. bisalaree kee paanee kee botal naheen bikatee thee. ...
ek aadamee kee jindagee men hee dekhate dekhate itanaa parivartan?! prachurataa ke niyam (Law of abundance) ke anusaar yah prithvee kaheen adhik logon ko paalane aur samriddh karane kee kshamataa rakhatee hai......

froogaalitee (frugality – mitavyayataa) achchhaa aadarsh hai. par jab arthavyavasthaa 7-9% se badh kar madhy-aay-varg ko badhaa rahee ho aur sab ke man men meediyaa aur vijnyaapan amerikan star ke jeevan kaa svapn bo rahe hon; tab mitavyayee kaun hogaa? paisaa ho aur kharch karane ko n kahaa jaaye to badee aabaadee avasaad kaa shikaar ho jaayegee. amareekan jeevan star kaa aadarsh kaise dimaag se nikaalaa jaaye javaan (aur adhed bhee) peedhee ke man se! aur yah savaal kisee ek vyakti, raajy, desh ke saadaa jeevan jeene kaa bhee naheen hai – jab bhaarat se itar cheen aur saaraa madhy-poorv paise kee badhat se kharch karane par aamadaa ho to maamalaa global ho jaataa hai.

aise drishy badhane chaahiyen dharatee par

madhyavarg kaa badhanaa aur oorjaa kaa prayog badhanaa shaayad samaanaarthee hain. jyaadaa oorjaa kaa prayog aur vaayumandal ko pradooshit karane vaalee gaison kaa utsarjan abhee kaaran-parinaam (cause – effect) najar aate hain. yah sambandh todanaa jarooree hai. us arth men amerikan jeevan shailee kee bajaay any jeevan shailee ban sake to kaam chal sakataa hai.

samatal hote vishv men janasnkhyaa visfot shaayad ruk jaaye. par madhy-aay-varg visfot naheen rukane vaalaa. madhy-aay-varg ko akshama/bhrashta/taanaashaahee saamya/samaajavaad kee taraf naheen lautaayaa jaa sakataa jisamen saadaa jeevan stet diktetaraship ke jareeye aataa hai. ab to pablik traansaport kaa prayog, kamyoon men rahanaa, apanaa upabhoktaa kaa star tyoon daaun karanaa aadi agar madhyavarg ke vyakti ko aarthik roop se mufeed baithataa hai, to hee ho paayegaa. kaarban seekvestreshan (carbon sequesteration) yaa jngalon kee faainenshiyal riport agar arthashaastr ke anusaar tatvayukt huee to vaataavaran sudharegaa. aur antat: aisaa kuchh hogaa hee!

Evan Pickett kaa tartal frog kaa foto.

dharatee par hamaaree dashaa us mendhak sareekhee hai jise bahut bade tave par halke halke garam kiyaa jaa rahaa hai. garam honaa itanaa dheemaa hai ki medhak uchhal kar tave se kood naheen rahaa, sirf idhar udhar sarak rahaa hai. par antat: tavaa itanaa garam hogaa ki medhak tave se koodegaa naheen – mar jaayegaa. hamamen aur medhak men itanaa antar hai ki medhak soch naheen sakataa aur ham soch kar aage kee taiyaaree kar sakate hain.

main jaanataa hoon ki main yahaan bhavishy ke liye samaadhaan naheen bataa rahaa. par main yah spasht kar rahaa hoon ki samaadhaan aatm nakaar (self denial) yaa andhaadhundh amareekee modal par vikaas – dono naheen ho sakate.

---

bhavishy kee or lautanaa

---

ek naee peedhee dekh kar aayaa hoon. usake saath bhavishy kee or lautanaa laajamee hai. naatee hameshaa fundanedaar topee hee pahane thode rahegaa. use is shataabdee ke paar le jaanaa hai is desh ko, duniyaan ko. kaisee hogee duniyaan? kaisee hogee chunautiyaan?

al gor ke shabdon men kahen to dharatee ho bukhaar hai. satat peraasetaamol par chal rahee hai. yah bukhaar chalataa rahaa to shataabdee ke ant tak taapakram 4 digree badh jaayegaa. koyalaa aur khanij tel isee tarah prayukt hote rahe to CO₂ badhatee rahegee. bhaarat kee arthavyavasthaa agar 8% se badhee to jo kaarban utsarjan hogaa, vah paudhon-jngalon ke bas men naheen niyntrit karanaa. dharatee vaasiyon ko uttarottar garmee, sookhaa, baadh, aur toofaanon kaa adhikaadhik saamanaa karanaa hogaa.

uttarottar pend kam honge aur khanij eendhan kaarban utsarjan karataa rahegaa.

nattoo paande ko abhee tak vaataanukoolan se bachaa kar rakhaa gayaa thaa, jisase koee snkraman n ho. par bhavishy men shaayad satat eyarakandeeshan men rahane kee aadat pade.

aur vah eyarakandeeshaning aur garam karegee dharatee ko. mujhe yakeen hai ki nattoo paande paryaapt saksham honge aarthik roop se – meree peedhee se kaheen jyaadaa. par agar unhen netritv^@ karanaa hai apane samaaj aur duniyaan kaa to kaheen badaa chailenj fes karanaa hogaa.

gngaa ke meethe jal kee dolfin (soeens) to mere jamaane men naheen rahee. giddh viluptapraay hain. gauraiyaa aur mor bhee jaa rahe hain. cheen men bhee yaangtsee nadee men paaee jaane vaalee dolfinen vilupt ho gaee hain. nattoo ko kaun kaun jeev saath denge?

al-kaayadaa aur naksalee to shaayad ek dedh dashak men chuk jaayenge. par paanee ke liye jaddojahad nattoo kee peedhee ko jhelanee hogee.

khair, mujhe yakeen hai ki nattoo aur usakee peedhee hamase jyaadaa jimmedaaree se chalaayenge duniyaan ko. unhen in chunautiyon ko n keval jhelanaa hai, par naye noaa kee naav men duniyaan ko bachaa kar sakushal rakhanaa hai.

@ bechaaraa chhatnkeelaal! usapar netritv kee apekshaayen thelee jaa rahee hain!

---

kataraa, ilaahaabaad ke chauraahe par netaraam kee chhat par teevee enteenaa tovar: kitanaa steel lagataa hai teleekom rivolyooshan men?! aap to metala/steel men nivesh kar deejiye! sarakaar banee hai to keval naregaa (neshanal rooral employament gaarantee ekt) se naheen chalegee. infraastrakchar vikaas par dhyaan jaroor degee.

---

svaagat!

---

svaagat!

yah kating maine beebeesee hindee kee saait se utaaree hai. mujhe yah naheen maalum ki nepaal men kyaa hone jaa rahaa hai. par yah achchhaa lagaa ki senaa men maaovaadee dakhalndaajee ko nepaal kee janataa ne sahee naheen maanaa.

dahaal ne kahaa; "mainne (nepaal ke) pradhaanamntree ke pad se isteefaa de diyaa hai. raashtrapati kaa kdam asnvaidhaanik aur lokatntr ke khilaaf hai. desh kaa antarim snvidhaan raashtrapati ko ek samaantar shakti ke roop men kaam karane kee anumati naheen detaa." agar raashtrapati asnvaidhaanik hain to dahaal unhe hataane kaa upakram karate. isteefaa kaa matalab to raashtr unake saath naheen hai.

bhaarat men bhee anek pradhaanamantree pad ke ummeedavaaron kee baat hai. saamyavaadee pradhaanamantree bhee usamen charchaa men hain. agar vaisaa huaa to bhaarateey senaa men bhee saamyavaadee dakhal sambhav hai? kalpanaa karanaa bahut priy naheen lagataa.

---

jee vishvanaath: mndee kaa mere vyavasaay par prabhaav

---

main ek strakcharal injeeniyar (structural engineer – snrachanaa abhiyntaa) hoon. meraa vishesh jnyaan aur anubhav ispaat ke bane hue audyogik snrachanaaon ke abhikalpan ke kshetr men (Design of steel structures in Industrial buildings ) hai.

shree jee vishvanaath ne apane mandee se sambandhit anubhav ko is atithi-post men bakhoobee vyakt kiyaa hai. meraa saubhaagy hai ki mujhe apane blog par vah prastut karane kaa maukaa milaa hai. kyaa achchhaa ho ki is maadhyam se mandee par ek saarthak charchaa praarambh ho sake!

aap shree jee vishvanaath vishayak posten lebal sarch se dekhane kaa kasht karen.

maine 26 saal tak ek sarakaaree snsthaan men kaam kiyaa. fir dhaaee saal ek praaivet knpanee men mahaaprabandhak (General Manager) kee post par kaam karane ke baad 2004 aprail men, 55 saal kee umr men hamane naukaree chhodakar apanaa khud kaa ek chhotaa saa KPO (Knowledge process outsourcing) kaa vyavasaay aarnbh kiyaa thaa.

us vyavasaay men 90 pratishat poonjee lagaaee thee amareekaa men base mere ek mitr ne jo bhaarateey thaa lekin ab amareekaa men basakar amareekee naagarik ban gayaa hai. unako mujhapar pooraa bharosaa thaa. mere lie vahee venchar kepitalist (Venture Capitalist) the. mainne koee khaas risk naheen lee thee is vyavasaay men aane men. vaise bhee teen saal men mujhe ritaayar honaa thaa. mainne sochaa yadi, kaireeyar kee ant se pahale kuchh karanaa/ kamaanaa hai, to yahee maukaa hai. aoutasorsing ke lie yah boom kaa samay thaa. maine sochaa ki bahatee gngaa men yadi haath dhonaa hai, to isase badhiyaa avasar kabhee naheen milegaa.

hamaaraa nayaa vyavasaay thaa amareekee febriketars ke lie amareekee vaastuvida/injeeniyars ke dijaaina/droings par aadhaarit, vistrit dhaanchaagat draaing (Detailed fabrication drawings) taiyaar karanaa. saath men ham, Bill of materials, bolt list, CNC files (computer numerically controlled files), 3D models vagairah bhee supply karate the.

ek audyogik steel abhikalpanaa

hamane kaee laakh rupaye laaisens yukt softaveyara/haardaveyar khareedane men lagaa die the. isake alaavaa keval paanch laakh kaa kharch karane se, apane ghar men hee maine apanaa kaaryaalay khol diyaa. shuroo men 17 eenjiniyara/diplomaa vaale kaam par lagaa die the. kaam seekhane ke baad ek ek karake yah log chhodakar jaate the. unake badale men ham naye logon kee bhartee karate rahate the. ab das log bache hain.

mere amareekee paartanar kaa jimmaa thaa kaam dhoondhanaa, mujh tak pahunchaanaa, graahak ke saath snpark rakhanaa, aur pement ugaahanaa/praapt karanaa. meraa jimmaa thaa karmiyon kaa rikrootament, trening, utpaadan aur utpaad supurdagee. aamadanee ham aapas men baantate the (karj ke kiston ko samaayojit karane ke baad).

shree gopaalakrishn vishvanaath apanee teem ke saath

hamaaree safalataa isee men thee ki amareekaa men yahee draaing banaane men un logon ke lie kharch chaar yaa paanch gunaa hotaa. ham yahee kaam yadi deshee febriketars ke lie karate to daam ek chauthaaee hee milataa. yadi ham dugunaa bhee maangate tab bhee amareekaa vaalon ke lie aadhe daam par hamaaree sevaaen upalabdh hotee. yahee vin-vin sichayuyeshan (Win-Win situation) hai – aautasorsing dhndhe kee safalataa kaa raaz. is vyavasaay men hamaaraa aautaput aisaa thaa jo ham aasaanee se, binaa paise kharch kie, intaranet ke maadhyam se un logon tak pahunchaa sakate the. jab main sarakaaree snsthaan men kaam karataa thaa to kaagaz ke faailon ko ek vibhaag se, usee imaarat men sthit kisee doosare vibhaag tak pahunchaane men kabhee kabhee ek din bhee lag sakataa thaa! vah poornat chaparaasee kee kripaa par nirbhar hotaa! yahaan ham ek faeel keval paanch minat men hazaaron meel door pahunchaate the.

samay bhee anukool thaa. jab ve (amareekee) sote the, ham yahaan kaam jaaree rakhate the. ham jab sote the, unakaa kaam bhee jaaree rahataa thaa. projekt kaa kaam kabhee rukataa naheen thaa. subah aur shaam ko hamaaraa snpark kaa samay rahataa thaa (Skype/MSN Messenger/Yahoo Messenger ke jariye). angrezee bhaashaa men hamaaree dakshataa se ve kaafee prabhaavit hote the.

yah vyavasaay, binaa koee rukaavat paanch saal chalaa. in paanch saalon men hamane amareekee mitr kee poonjee kee vasoolee bhee kee. ham karj se mukt hue. achchhee kamaaee bhee huee. ausat taur par, net aamadanee sarakaaree tanakhvaah se teen gunaa jyaadaa thee aur is beech ham bengalooru men ek apaartament bhee khareedane men kaamayaab hue, (meree Reva Car so alag!). in paanch saalon men kam se kam 30 nae injiniyaron kaa hamaare kaaryaalay men prashikshan bhee huaa. un logon kaa vetan dugunaa huaa. aur kaee log hamase vidaa hokar any bade knpaniyon men isase bhee achchhee naukaree paane men safal hue.

achaanak yah mandee kaa daur chalane lagaa. pichhale saal se hee hamane isakaa prabhaav mahasoos kiyaa thaa par shuroo men ham adhik chintit naheen hue the. hamane sochaa -

“har vyavasaay men utaar chadhaav to hotaa hee hai. bas kuchh maheene kamar kasakar jeenaa seekho. kharch kam karo. nae nivesh par rok lagaa do. karmaachaariyon kee saalaanaa vetan vriddhi sthagit kar do. ab nukasaan to naheen hogaa. karj kee vasoolee to ho gaee hai. bas jab tak aamadanee kharch se kam naheen ho jaataa, ham yoon hee vyavasaay chalaate rahenge. din avashy badalenge aur ab, jab karj se mukt ho gae hain to aage chalakar khoob munaafaa hogaa.”

par takadeer ne hamaaraa saath naheen diyaa. haalat bigadatee gaee. nae projekt aane band ho gae yaa sthagit hone lage. apane febriketar se poochhane par maaloom huaa ke vah bhee utanaa hee pareshaan hai. vah janaral kontrektar (General Contractor – GC) ko dosh dene lagaa jisane pement rok rakhaa thaa. GC ne graahak kee taraf ishaaraa kiyaa. graahak ne bainko ko dosh diyaa jahaan se paisaa aanaa thaa.

kuchh chhote mote projekt aane lage hamaare paas par aamadanee ghatatee gaee.

san 2008 ke ant tak paanee chadhakar naak tak pahunch gayaa aur hamaaraa nirnay lene kaa samay aa gayaa. yaa to doob maro, yaa apane aap ko kisee tarah bachaa lo. chaahe aage aamadanee n ho par kam se kam ghaate se apane aap ko bachaa lo. apanaa ghar giravee rakhakar shaayad ek aur saal kaam chalaa sakataa thaa par is umr men itanaa badaa jokhim uthaane ke lie ham taiyaar naheen the. kyaa pataa ek saal baad ghar bhee bah jaae.

sahee samay par mujhe apane aapako bachaane kaa avasar mil gayaa. meraa to dhandhaa chhote paimaane par chal rahaa thaa. mujhe log chhotaa par achchhaa bandaa (small but good fry) maanate the. is dhandhe men meraa achchhaa naam bhee thaa. isee dhandhe men chennai men sthit ek aur knpanee hai jisake sau se bhee jyaadaa karmachaaree hain aur jinakaa tarnaovar mere se 15 gunaa jyaadaa hai. meree knpanee khareedane ke lie yah log raajee ho gae. mandee aur haalaat se pareshaan hokar mujhe apanee knpanee kee hissedaaree (shares) ko mooly par (at par) bechanaa padaa. mere karmachaariyon kee bhalaaee isee men thee. aur main dukhee naheen hoon.

aaj, dinacharyaa pahale jaisee hee chal rahee hai. knpanee ko main hee chalaa rahaa hoon lekin ab mujhe tanakhvaah milatee hai. aage jo hogaa vah ab meree chintaa naheen. yadi mandee se bachakar ham bhavishy men unnati karate hain to munaafaa meraa naheen hogaa. yadi haalat aur bigad jaatee hai to nukasaan bhee meraa naheen. bas ritaayar hokar, jnyaanajee ke blog par jaakar sharan lenge aur khoob tippanee karenge!

--- gopaalakrishn vishvanaath, bengalooru.

---

mahen kee pichhalee post par tippanee:

mndee kee charchaa blogajagat men n dekhakar mujhe bhee thodee hairaanee huee magar mujhe lagaa shaayad apane gaayab rahane kee vajah se mujhe pataa naheen chalaa hogaa. magar mujhe naheen lagataa ki jin logon ko mndee kee chapet lagee hai, yaa jo isase bahut prabhaavit hue hain, aise logon kee upasthiti hindee blogajagat men jyaadaa hai. jo hain, meree tarah, unakee sittee-pittee meree hee tarah gum hai aur blogajagat se gaayab rahene kaa sabab bhee yahee mndee hai. ho sakataa hai meraa mat galat ho.

---