sarvisej

meree patneejee apane parivesh se judanaa chaahatee theen – log, unakee samasyaayen, melaa, teej-tyohaar aadi se. maine bhee kahaa ki bahut achchhaa hai. par yah judanaa kisee bhee star par pulees yaa prashaasan se intarekshan maangataa ho to door se namaskaar kar lo. is baat ko pratyaksh parakhane kaa avasar jald mil gayaa. vah vardee vaalaa pulisiyaa dambhee akad ke saath baithaa rahaa muhalle kee melaa-baithak men. meree patneejee ne parichay karaane par usakaa abhivaadan karane kee galatee bhee kar lee. [1]

lalloo

hamen bataayaa ki lohe kaa get banataa hai aaloo kold storej ke paas. vahaan ghoom aaye. mittee kaa chaak chalaate kumhaar the vahaan, par get banaane vaale naheen. ghar aa kar ghar kaa rinoveshan karane vaale mistaree-in-chaarj bhagat jee ko kahaa to bole – oonhee t baa, patanjalee ke lagge (vaheen to hai, patnjali skool ke paas men)!

yaanee bhagat jee ne hamen galat pataa diyaa thaa. patnjali skool kold storej ke vipareet dishaa men hai.

atikraman hataa; fir?

gngaa tat kee seedhiyon kaa atikraman hat gayaa.

is kaam men kaee log lage the, par hamaaree or se lage the shree vinod shukl. pulees vaalon se aur sthaaneey logon se sampark karanaa, unako ikaththaa karanaa, samay par atikraman hataane kee kaarravaaee men sahaayak bananaa – yah unhone kiyaa. maine vinod shukl ko dhanyavaad diyaa. ek din pahale jab ve bataa rahe the ki kuchh ho naheen paa rahaa hai to ve vilen najar aa rahe the. maine unhe hee naheen, jaane kin kin ko kosaa thaa.

gngaa kinaare kee rah chah

ghar se baahar nikalate hee ushtraraaj paande mil gaye. hanumaan mandir ke snhajan kee pattiyaan khaa rahe the. unakaa foto lete samay ek raah chalate ne naseehat dee – jaraa snbhal kar. oont bigadataa hai to seedhe garadan pakadataa hai.

baad men yahee ushtraraaj gngaajee kee dhaaraa paidal chal kar paar karate deekhe. badee tejee se nadee par ug aaye dveepon ko paar karate gaye. taapuon par laukee khoob utarane lagee hai. usakaa parivahan karane men inakaa upayog ho rahaa hai.

praveen – jute huye bail se roopaantaran

pichhalee post par prashaant priyadarshee aur antar sohil ne praveen paandey kee pratikriyaa kee apekshaa kee thee. praveen kaa patr meree patneejee ke naam snlagn hai:

---

aadaraneeyaa bhaabheejee,

pahale aapake prashn kaa uttar aur usake baad hee traifik sarvis kee tees vyakt karoongaa.

bachchon ko padhaanaa - ek ghareloo tippanee

meree patneejee (reetaa paandey) kee praveen paandey kee pichhalee post par yah tippanee praveen par kam, mujh par kaheen gambheer prahaar hai. praveen ne bachchon ko padhaane kaa daayitv sveekaar kar aur usakaa safalataa poorvak nirvahan kar mujhe nishaane par laa diyaa hai.

samasyaa yah hai ki mere oopar is tippanee ko taaip kar post karane kaa bhee daayitv hai. khair, aap to tippanee padhen:

---

priy praveen,

mujhe tumase pooree sahaanubhooti hai. bachchon kee chunauteepoorn mudraa se to aur bhee aashnkit hoon. tumhaaraa kaam (unhe padhaane kaa) vaakaee men duruh hai. yah main apane anubhav se bataa rahee hoon. samay ke saath yah chunautee prabal hotee jaayegee.

nattoo paande, nattoo paande kahaan gaye the?

nattoo paande nattoo paande kahaan gaye the?
jhoole men apane so rahe the
sapanaa kharaab aayaa ro pade the
mammee ne haal poochhaa hns gaye the
paapaa ke kahane pe bol pade the
snjay ne haath pakadaa dar gaye the
vaakar men dhakkaa lagaa chal pade the
nattoo paande nattoo paande kahaan gaye the?!

thakoham

mujhe andeshaa thaa ki koee n koee kahegaa ki gngaa vishayak post likhanaa ekaangee ho gayaa hai. meree patneejee to bahut pahale kah chukee theen. par kaalaantar men unhe shaayad theek lagane lagaa. abhee ghost bastar jee ne kahaa -

lekin thode jhijhakate hue kahanaa chaahoongaa ki maamalaa thodaa prediktebal hotaa jaa rahaa hai. blog posts men vividhataa aur sarapraaiz eleement kee kuchh kamee mahasoos kar rahaa hoon.

relagaadee kaa intajaar

---

meree jindagee relagaadiyon ke prabandhan men lagee hai. odhanaa-bichhaunaa rel may hai. aise men gujaratee tren se svaabhaavik oob honee chaahiye. par vaisaa hai naheen. koee bhee gaadee gujare – barabas usakee or najar jaatee hai. dibbon kee snkhyaa ginane lagate hain. tren sabhee ke aakarshan kaa kendr hai – jab se banee, tab se. steem injan ke jamaane men bahut mesmaraaij karatee thee. deejal aur bijalee ke injan ke yug men bhee aakarshan kam naheen hai. jaane kyon hai yah. manovaijnyaanik prakaash daal sakate hain.

savere tren kee aavaaj aa rahee thee. yah lag rahaa thaa ki kuchh samay baad faafaamaoo ke pul se gujaregee. main kayaas lagaa rahaa thaa ki yah das dibbe vaalee paseejar (paisenjar)hogee yaa badee vaalee bundelavaa (bundelakhand ekspres). apanaa kaimaraa veediyo rikaarding mod men set kar gngaa kee retee men khadaa ho gayaa. teliyaragnj kee taraf se aane vaalee relagaadee jab pedon ke jhuramut ko paar kar deekhane lagegee, tab kaa veediyo lene ke liye. par anumaan se jyaadaa samay le rahee thee vah aane men.

rel kee seetee, pataree kee khatar patar sunate sunate patneejee boleen – tum bhee ajab khabtee ho aur tumhaare saath saath mujhe bhee khadaa rahanaa pad rahaa hai. aane jaane vaale kyaa sochate honge!

antat: tren aayee. vahee das dibbe vaalee paseejar. dason dibbe ginane ke baad vahee anubhooti huee jo narsaree skool ke bachche ko homavark pooraa karane par hotee hogee!

yah haal nity 400-500 maalagaadiyon aur do sau injanon ke prabandhan karane vaale kaa hai, jo savere paanch baje se raat das baje tak maalagaadiyon kaa aadaanapradaan ginataa rahataa hai to relave se n jude logon ko to aur bhee aakarshit karatee hogee rel!

---

apadet saadhe chh baje -

aaj shraavan kaa antim somavaar hai. aaj bhee chenchaamechee machee hai shivakutee ke koteshvar mahaadev mandir par. snperaa bhee aayaa hai do naag le kar. yah rahaa usakaa veediyo:

---

nattoo paande kaa jhoolaa

---

nattoo paande, apane doosare maasik janmadin ke baad bokaaro se ilaahaabaad aaye aur vaapas bhee gaye.

unake aate samay unake kaaravaan men ilaahaabaad relave steshan par main to aage aage chal rahaa thaa, ve peechhe rah gaye. mud kar dekhaa to unakee naanee utarate hee unhen steshan ke pletafaarm nambar ek par ant men banee hajarat saiyad karaamat alee urf laain shaah baabaa kee majaar par pranaam karavaa rahee theen.

mere saath unake kaee lambe aur gahan snvaad huye. desh kee arthavyavasthaa se le kar bhoomandaleey paryaavaran, bhaarateey darshan aur bhaarat ke bhavishy ke baare men bahut monologeey daayalaag huye. main samajhataa hoon ki unhone bhavishy men sab theek kar dene kee haamee bharee hai.

laain shaah baabaa kee majaar ko maine kabhee bahut dhyaan se naheen dekhaa thaa. natoo paande kee maarfat meree dharmik aasthaa men aur vistaar ho gayaa.

nattoo paande apanaa jhoolaa le kar aaye the. jaalee vaalaa havaadaar jhoolaa. usamen makkhee-machchhar naheen jaa sakate. sabhee ne us jhoole ke saath baaree baaree foto khinchaaee! usake baad yahaan chauk se unakaa nayaa peraambuletar bhee aayaa. sabase chhote praanee ke liye ghar bharaa bharaa saa lagane lagaa.

unake saath aur sabhee ne apane tareeke se sevaa kee aur khele. kyaa mauj thee!; pooraa parivaar unakee chaakaree men lagaa thaa. mere saath unake kaee lambe aur gahan snvaad huye. desh kee arthavyavasthaa se le kar bhoomandaleey paryaavaran, bhaarateey darshan aur bhaarat ke bhavishy ke baare men bahut monologeey daayalaag huye. main samajhataa hoon ki unhone bhavishy men sab theek kar dene kee haamee bharee hai. unake is promis ko mujhe baarambaar yaad dilaate rahanaa hai!

nattoo paande vaapas bokaaro ke liye jaa chuke hain. unake kaaryakalaap abhee bhee man men naach rahe hain.

---

avasaadahaarinee gngaa

---

gngaa kinaare jaanaa avasaad shaman karataa hai. utfullataa laataa hai.

us din mere rishte men ek sajjan shree praveenachandr dube [1] meree mere ghar aaye the aur is jagah par ek makaan khareed lene kee ichchhaa vyakt kar rahe the. main ghar par naheen thaa, at: unase mulaakaat naheen huee.

tootee sadak, ovaraflo karatee naaliyaan aur sooaron se samriddh is jagah men vah kyon basanaa chaahate hain to meree patneejee ne bataayaa ki “vah bhee tumhaaree tarah thodaa krainkee hain. paisaa kaudee kee bajaay gngaa kaa saameepy chaahate hain”.

ab dekhen, patneejee bhee hamaaree krainkiyat ko ahamiyat naheen deteen, to aur log kyaa denge! shree praveenachandr dube kee patnee se naheen pataa kiyaa – shaayad vahaan bhee yahee haal ho!

khair, shaayad yah “baik aof d maaind” rahaa ho - kal savere savere gngaa kinaare chalaa gayaa. paanv men havaaee chappal daal rakhee thee. ganeemat hai ki halkee baarish ho chukee thee, anyathaa retee men chalane men kasht hotaa. bhinasaare kaa alasaayaa sooraj baadalon se chuhul karataa huaa saamane thaa. kachhaar men laukee-nenuaa-konhadaa ke khet ab khatm ho chuke the, lihaajaa gngaamaaee kee jaladhaaraa door se bhee najar aa rahee thee.

gngaa snaan ko aate jaate log the. aur mile do-chaar kukur, bhainsen aur ek ushtraraaj. ushtraraaj gngaa kinaare jaane kaise pnhuch gaye. maje men char rahe the – koee maalik bhee paas naheen thaa.

gngaa kinaare is ghaat kaa pandaa snaan kar chukaa thaa. vaapas laut kar chandan aadi se apanaa mek-ap kar takhte par baithane vaalaa thaa. ek sajjan, jo nahaa rahe the, kisee jngalee veraaitee ke kukuron kaa bakhaan kar rahe hai - “are onhane jabar jngalee kukur hotheen. onahee ke saaheb log gare men pattaa baandhi k ghumaavatheen” (are ve jabar jngalee kutte hote hain. saaheb log unhee ko paalate hain aur gale men pattaa baandh kar ghumaate hain). shareer ke mool bhaag ko snaanoparaant gamachhaa se ragadate huye jo ve shvaan puraan kaa pravachan kar rahe the, use sun meraa avasaad bebind (pagahaa tudaa kar, bagatut) bhaagaa!

gngaamaaee men thodaa aur jal aa gayaa hai aur thodaa bahaav ban gayaa hai. achchhaa lagaa. main to greeshmakaal kee mritapraay gngaa kee chhavi man men le kar gayaa thaa; par ve jeevant, avasaadahaarinee aur jeevanadaayinee dikheen.

jay gngaamaaee!

---

[1] mujhe bataayaa gayaa; shree praveen chandr dube reevaan men cheef knjarvetar aof forest hain. main unase aamane saamane milaa naheen hoon (anyathaa yahaan unakaa chitr hotaa jaroor). ve ab indaur jaayenge sthaanaantaran par. unake prabhaav kshetr men idaur-jhaabuaa-dhaar ke jngal rahenge. aur main vah maalav kshetr ek baar pun: dekhanaa chaahoongaa!

praveen, jaisaa mujhe bataayaa gayaa, estrolojee men gaharee dakhal rakhate hain. kisee ko prabhaavit karane kaa jyotish se koee badhiyaa tareekaa naheen!

---

sarakate botalaneks (Bottlenecks)

---

jahaan kaheen kataar lagee dikhe to maan leejiye ki aage kaheen botalanek hai. botalanek maane botal kee snkaree gardan. kisee asembalee laain yaa yaataayaat vyavasthaa men isake darshan bahudhaa hote hain. relave aarakshan aur poochhataachh kee kyoo men isake darshan aam hain. botalanek kaise door karen?

agar sistam bahut jatil hai to usamen botalanek ko chinhit karanaa hee kathin kaam hai. bade bade prabandhan ke diggaj isamen galatiyaan kar jaate hain. kisee bhee shahar ke sadak yaataayaat prabandhan ke sistam mujhe jyaadaa jatil naheen lagate. par naee kaaloniyaan kaise aa rahee hain, log kaise vaahan par chalenge aane vaale samay men. naye emplaayars kahaan set-ap kar rahe hain apanaa upakram – yah sab traifik plaaning kaa ang hai. aur is plaaning men chook honaa saamaany see baat hai.

abhee padhaa hai ki varlee-baandraa samudr par link banaa hai. yah dooree aur samay kam kar rahaa hai. yah padhate hee lagaa thaa ki agar yaataayaat plaanars ne botalaneks par poornat: naheen sochaa hogaa to botalanek door naheen huaa hogaa, maatr sarakaa hogaa. aur vaisaa hee nikalaa.

bijanes staindard ke is sampaadakeey par najar daalen:

… mahaaraashtr sarakaar ne donon binduon ke beech 7.7 kilomeetar kee dooree ko 7 minat men pooraa karane kaa vaadaa kiyaa thaa. lekin sarakaar ke jyaadaatar vaadon kee tarah yah bhee ek adhooraa sapanaa hokar rah gayaa hai.

… haalaanki isase vyast samay men maujoodaa sadak maarg par lagane vaale jaam men bhaaree sudhaar aaegaa, lekin samasyaa us jagah par shuroo hogee jahaan see link varlee seefes par 90 ansh ke kon par milataa hai.

dakshin aur kendreey kaarobaaree jilon ko jodane vaale lav grov jnkshan tak 1 kilomeetar lnbe raaste par gati kee adhikatam seemaa 30 kilomeetar prati ghntaa hai. is beech paanch traifik signal aur itanee hee snkhyaa men daayavarjan aur mod hain.

antim daur men hee 10 se 15 minat tak kaa samay lag sakataa hai, aur is kaaran see link par yaataayaat baadhit ho sakataa hai.

ab lagataa hai n ki botalanek sarakaa bhar hai. main isake liye un logon ko dosh naheen detaa. maalagaadee ke yaataayaat men main bhee aisee samasyaaon ke samaadhaan talaashataa rahataa hoon. aur bahudhaa botalaneks door kar naheen, varan sarakaa-sarakaa kar hee samaadhaan nikalate hain. aakhir akushal prabandhak jo thaharaa!

is thiyaree aof botalaneksa/kanstraints (Theory of bottleneck/constraints) ke baare men main relave men apane 40 kaary-ghante lagaa kar ek pravachan logon ko de chukaa hoon. aap jaanakaaree kee utsukataa rakhate hon to yah vikeepediyaa kaa link khngaalen. mere pravachan kaa kabhee maine hindee anuvaad kiyaa to prastut karoongaa.

---

meree patneejee kaa kahanaa hai ki banaaras ke sadak ke botalaneks to sarakate bhee naheen. beech sadak ke saand kee tarah ad kar khade rahate hain. jyaadaa bolo to kahate hain - ham inhee rahab! kaa tore baap k sadak hau!

---

vrikshaaropan ॥ baatee prakriti hai

---

pandit shivaanand dube

mere shvasur jee ne paudhe lagaaye the lagabhag 15 varsh pahale. ve ab vriksh ban gaye hain. is baar jab maine dekhaa to lagaa ki ve dharatee ko svachchh banaane men apanaa yogadaan kar gaye the.

asal men ek vyakti ke paryaavaran ko yogadaan ko isase aankaa jaanaa chaahiye ki usane apane jeevan men kitane stomaitaa koshikaaon ko panapaayaa. badhatee kaarban daai aaksaaid ke jamaane men ped paudhon kee pattiyon ke prishth bhaag men paaye jaane vaalee yah koshikaayen bahut mahatvapoorn hain. aur pandit shivaanand dube apane aane vaalee peedhiyon ke liye bhee puny de gaye hain.

ve naheen hain. unake gaye ek dashak se oopar ho gayaa. par ye vriksh unake hare bhare hastaakshar hain! kyaa ve paryaavaranavaadee the? haan, apanee tarah ke!

khetee men unhone anek prakaar se prayog kiye. us sab ke baare men to unakee bitiyaa jee behatar likh sakatee hain.

baatee prakriti hai:

torch kee roshanee banatee baatee

inhee pedon kee chhaayaa men raat men baatee banee thee. baatee, chokhaa aur arahar kee daal. bhojan men svaad kaa kyaa kahanaa! yah avasar teen saal baad milaa thaa. fir jaane kab mile.

par yah “fir jaane kab mile” kee sochane lagen to kisee bhee aanand kaa khameereekaran ho jaaye!

amritalaal vegad jee ke shabdon men kahoon to baatee prakriti hai, rotee snskriti aur poodee vikriti! raat men khule aasamaan men saptarshi taaraamandal nihaarate baatee kee prakriti kaa aanand liyaa gayaa!

---

pepar yaa plaastik ke thaile?

---

yah mere manapasand vishay par reedars daaijest se liyaa gayaa masaalaa hai. choonki ab sarvottam naheen chhapataa aur main yah angrejee naheen hindee men prastut kar rahaa hoon – at: mere vichaar se yah churaatatveey hote huye bhee chal jaayegaa.

meree patnee jee kaa jholaa.

vaise bhee shabd mere apane hain – reedars daaijest ke naheen.

plaastik ke thailon ke nimaan men khanij tel kaa prayog hotaa hai. tel kaa utkhanan, shodhan aur antat: plaastik thaile banaane men bahut jhnjhateey takaneekee jarooree hai. par vahee haal lakadee se kaagaj aur kaagaj ke thaile banaane men hai. kaagaj kee milen bhee amleey varshaa, global vaarming aur shvaans kee beemaariyaan badhaatee hain. aur kaagaj banaane men bahut see oorjaa aur jal lagataa hai. kaagaj ke thaile plaastik ke thailon se chh gunaa jyaadaa vajanee hote hain. at: unakaa parivahan bhee eendhan maangataa hai aur jahareelee gaisen utsarjit karataa hai.

aur agar aap kahate hain ki plaastik lainndafil men nasht naheen hotaa aur kaagaj ho jaataa hai, to bhee aap sahee naheen hain. laindafil men lagabhag kuchh bhee vighatit naheen hotaa. inamen kacharaa havaa aur jal se achhootaa rakhaa jaataa hai - jisase dharatee kaa jal pradooshit n ho. aur jo baayo-deegredebal hai; vah bhee dasiyon yaa saikadon saal le legaa. yah hone men vah meethen gais bhee chhodegaa jo global vaarming karegaa hee.

reedars daaijest uvaach:

pepar yaa plaastik ke thaile – dono hee bekaar vikalp hain. aap to apane pun: istemaal hone vaale joot yaa kapade ke thaile kaa prayog karen.

---

vijay kaa ek kadam?!

---

sarakaaree naukaree mahaatmy

---

nav snvatsar praarambh ho chukaa hai. navaraatr-vrat-poojan chal rahaa hai. devee upaasanaa darshan poojaa kaa samay hai. jnyaan bhee tarah tarah ke chintan men lage hain – mool tatv, myool tatv jaisaa kuchh ajeeb chintan. paaras patthar talaash rahe hain.

shreematee reetaa paandey kee post. ek nimn-madhyavargeey yooporiyan (uttarapradesheey) maahaul men sarakaaree naukaree kaa mahatv, putr ratnon kee aavashyakataa aur dahej ke prati jo aasakti deekhatee hai - vah anubhoot saty unhonne aaj likhaa hai.

main hee chhudr praanee hoon. chhotee-chhotee paarivaarik samasyaaon men ulajhee hoon. koolar kaa pnkhaa aur ghaas ke paid badalavaaye hain aaj. bharatalaal kee shaadee hone jaa rahee hai. usakee patnee ke liye saadee kahaan se khareedavaaoon, ataichee kaun se rng kee ho. in chhote chhote kaamon men hee jeevan lage jaa rahaa hai. vyarth ho rahaa hai jeevan. mujhe isase oopar uthanaa hee hogaa.

yah soch jaise hee maine sir oopar uthaayaa – ek mahaan mahilaa ke darshan huye. ve navaraatr kaa navadin vrat karatee hain. roj gngaa snaan karatee hain. paidal jaatee hain. muhalle kee raat kee shaanti kee paravaah n karate huye raatri jaagaran karavaatee hain. unake hee anusaar unhen dhan kaa tanik moh naheen hai. jo kuchh dhan thaa, usakaa sadupayog kar ghar kaa farsh-deevaar sngamaramar se midhavaa diyaa hai. ghar taajamahal ban gayaa hai. sab unake pati kee sarakaaree naukaree kaa mahaatmy hai!

bhagavaan kee kripaa se unake anek heere hain. pratyek ko talaashate kaee motiyon ke abhibhaavak dahej naamak mail kee thailiyaan liye ghoom rahe hain. unakee samasyaa hai ki kis motee aur kitane mail ko sveekaar karen. ve baat baat men ek doosaree mahilaa ko jnyaan baantatee hain – “are ab tumhaare pati kee sarakaaree naukaree lag gayee hai, ab ek bachche par kyon ruk rahee ho. ab to itmeenaan se paidaa karo.”

itane mahatvapoorn jnyaan ke prakaash se aalokit kar diyaa hai mujhe ki is jnyaan ko sarvatr failaane kaa man ho rahaa hai. bhaarat ke nav yuvak-yuvatiyon utho, sarakaaree naukaree par kabjaa karo aur hindustaan kee dharatee ko putr ratnon se bhar do. bhavishy tumhaaraa aur tumhaare putron kaa hai. unake maadhyam se sab snpadaa tumhaaree hogee!

jay hind! jay jay!

---

shreematee reetaa paandey kaa ukt dharmanishth mahilaa ke vishay men post skript - puchhallaa:

falaane kee avivaahataa bitiyaa gngaa men doob gayee thee. dukhad prasng thaa. par charchaa chalane par in divy mahilaa ne kavitt bakhaanaa:

bin maare dusaman mare, khadee oonkh bikaay.
bin byaahee kanyaa mare, yah khushee kahaan samaay॥

---

ek grihanee kee kalam se

---

reetaa paandey ne yah chaar pej kaa apanee haindaraaiting men likhaa kisee notabuk ke beech kaa pul-aaut post banaane ke liye diyaa. vah main yathaavat prastut kar rahaa hoon.

singamand froyad ne kabhee kahaa thaa ki striyaan kyaa chaahatee hain, yah bahut badaa prashn hai aur “main isakaa uttar naheen de sakataa”.

yah ek badee sachchaaee hai ki purush yaa pati yah jaanataa hee naheen ki stree (yaa usakee patnee) usase kis prakaar ke sahayog, sneh yaa sammaan kee apekshaa karatee hai. par yahee sachchaaee striyon ke saamane bhee prashn chinh ke roop men khadee hai ki kyaa unhen pataa hai ki unhen apane pati se kis tarah kaa sahayog chaahiye? hamen pahale apane aap men yah spasht honaa chaahiye ki ham apane pati se kyaa apekshaa rakhate hain.

bahut gaharaaee men jhaank kar dekhen to striyaan bhee vah sab paanaa chaahatee hain jo purush paanaa chaahate hain – safalataa, shakti, dhan, haisiyat, pyaar, vivaah, khushee aur sntushti. purush pradhaan samaaj men yah sab paane kaa avasar purush ko kaee baar diyaa jaataa hai, vaheen striyon ke liye ek yaa do avasar ke baad raaste band ho jaate hain. kaheen kaheen to avasar milataa hee naheen.

naaree antarman kee yah peedaa aur kuchh haasil kar lene kee apekshaa unhen ek anaboojh pahelee ke roop men saamane laatee hai. mere vichaar se agar hamen yah spasht ho ki hamen kyaa chaahiye to hamen apane pati se bhee spasht roop se kah denaa chaahiye ki ham unase kyaa chaahate hain -

1. ham pati se nishchhal prem kaa vyaktigat pradarshan chaahate hain. hamen kisee keematee upahaar kee bajaay unakaa hamaaree hnsee men hissedaar bananaa hee bahut badaa upahaar hogaa.
2. prashnsaa ek bahut badaa upahaar hai. patnee apanee prashnsaa sunanaa chaahatee hai. aap ghumaa-firaa kar prashnsaa karane kee bajaay sateek prashnsaa keejiye. prashnsaa se to kitanee hee samasyaaon kaa samaadhaan ho jaataa hai.
3. aurat apane kaam ke prati gambheer hotee hai. chaahe grihasthee kaa kaam ho yaa grihasthee ke saath saath baahar kaa kaam ho. koee bhee kaary purushon ko haisiyat aur unakee pahachaan detaa hai. auraten bhee yahee chaahatee hain ki unake kaam ko utanaa hee mahatv mile jitanaa purush apane kaam ko dete hain. kamase kam purushon ko striyon ke kaam men ruchi avashy dikhaanee chaahiye.
4. striyon ko sahaanubhooti kee aavashyakataa hotee hai. purushon ke liye baatacheet samasyaa bataane, vyaakhyaa karane aur samaadhaan nikaalane kaa aujaar hai. par striyon ke liye baatacheet apanee bhaavanaaon ko doosaron ke saath baantane aur dil halkaa karane kaa tareekaa hai. bhaavanaaon ko kuredakar lambe snvaad sunane kee apekshaa pati se karatee hai patnee – yadi pati men thodaa dhairy ho.
5. striyaan samasyaaon kaa samaadhaan bahut achchhaa karanaa jaanatee hain. striyaan aur purush alag alag dhng se samasyaayen sulajhaate hain. purush samasyaa par seedhaa vaar karataa hai. seedhaa raastaa chun kar usapar chalane kaa prayaas karataa hai. parntu striyon ke saath bhaavanaaon kaa jaal bahut ghanaa hotaa hai. ve apanee samasyaaon ko le kar ad naheen jaateen. samasyaaon ko sulajhaane men apane parivaar ko ast-vyast naheen karanaa chaahateen. ve apane samasyaa sulajhaane ke prakaar kaa samarthan aur sammaan chaahatee hain purush se. ve chaahatee hain ki purush unhen kamajor n samajhen.
6. ghar men rahane vaalee grihanee shaayad hee apane pati se ghar kaa kaary karavaanaa chaahegee. par din bhar ke kaam se thakee patnee ko pati kaa sneh aur sahaanubhooti bharaa sparsh hee oorjaa pradaan kar degaa. aur aap rasoeeghar men saath khade bhar ho jaayen aap dekhenge ki saamaany saa khaanaa lajeej vynjan men badal jaayegaa. haan, jo striyaan baahar bhee kaam karatee hain ve jaroor chaahengee ki pati grihakaary men baraabar kaa hissedaar ho. stree ko is baare men aakraamak rukh akhtiyaar karane kee bajaay sneh poorvak kahanaa chaahiye.
7. striyaan apane jeevan saathee ko sachamuch apane baraabar kaa dekhanaa chaahatee hain. aise vyakti ke roop men jo unakee bhaavanaaon kaa sammaan kare. snvedanaa, sahaanubhooti aur surakshaa kaa aashvaasan de.

---

vifalataa kaa bhay

---

vifalataayen antat: safalataa men badalatee hain. n badalatee hoteen to linkan linkan n ban paate. tab vifalataaon kaa bhay kyon lagataa hai?

(main apanee kahoon to) ek bhay to shaayad yah hai ki pahale asafal hone par lagataa thaa ki aage bahut samay hai safal hone kaa, par ab lagataa hai vifalataa chipak jaayegee. usake ulat yah bhee hai ki ab vifalataaon kaa parinaam utanaa bhayaavah naheen hogaa. kul milaa kar anisht kee aashnkaa samaan honee chaahiye. antar shaayad yah hai shareer ab asafalataa sahane kee utanee kshamataa naheen rakhataa. yaa jyaadaa sahee hai ki shaaririk akshamataa ko manasik roop se gadh liyaa hai maine?!

meree patnee mere aatm-dhikkaar kee manovritti se bahut khafaa hain. ve meree “ineeshiyal edavaantej” n hone kee frejolojee (phraseology – shabdavinyaas) ko nihaayat ghatiyaa soch maanatee hain. is post kee shuruaat bhee main us “ineeshiyal disaedavaantej” kee baat se kar rahaa thaa – aur usase aatmadayaa kee bhaavanaa par shaayad kuchh sahaanubhooti yukt tippaniyaan mil jaateen; par kyaa bataayen, itanee subuk-subukavaadee dhaansoon shuruaat kee red maar dee reetaa paandey ne! aur meree himmat naheen hai ki aatmadayaa chhaap kuchh thelane kee!

honaa yah chaahiye ki har asafalataa ke baad doshaaropan kaa jo anivaary khel hotaa hai, aur aatm-dhikkaar kaa silasilaa chalataa hai, vah n ho. asal men koee shikaar naheen hotaa vifalataa men. sab asafalataa ke vaalantiyar hote hain. aap chun sakate hain ki aap vaalantiyar honge yaa vifalataa se seekh kar safalataa kaa varan karenge. saamaanyat: ham vifalataa ke vaalantiyar banane kee aadat paal lete hain, jaane anajaane men.

vifalataa kaa sahee sabak len to logon kee sahee pahachaan ho sakatee hai. vipadaa men hee mitr yaa shatru kee sahee pahachaan hotee hai. feyar vedar mitr to sabhee hote hain. in sahee mitron kaa bhavishy kee safalataa kaa bhaageedaar chunanaa asafalataa kaa bahut badaa plas pvoint hotaa hai.

vifalataa kaa vishleshan ek jarooree ang hai safalataa sunishchit karane kaa. jaise main yah paataa hoon ki rijarv nechar (introvart honaa) bahut baar meree ghabaraahata/chintaa kaa snvardhak hotaa hai aur main uchit samay par uchit logon se snpreshan naheen kar paataa. yah badalane kaa sayaas yatn kiyaa hai, par vah shaayad kaafee naheen hai. isee prakaar sabhee log apanee vifalataa se seekhane kaa yatn kar sakate hain. aur tab vifalataa kaa bhay khaane kee bajaay usase sakaaraatmakataa nirmit ho sakatee hai.

(yah to futakar soch hai. anyathaa, vifalataa kaa bhay to aisaa vishay hai jisapar anant likh kar aur kuchh n kar itmeenaan se asafal huaa jaa sakataa hai!)

---

kuhare ke baare men pichhale dinon bahut kuchh jhelaa-sochaa-likhaa aur sunaa gayaa hai mere relave ke parivesh men. ek mahatvapoorn baat saamane aatee hai ki jab kuchh dikhaaee n de rahaa ho, tab tren chaalak ko pukhtaa jaanakaaree dilaanaa ki vah kahaan chal rahaa hai – ek mahatvapoorn surakshaa aujaar hai. isee ko le kar ek kal ek kampanee vaale kee or se paavarapvaaint prejenteshan thaa ek upakaran ke vishay men jo global-pojishaning setelaaits kaa prayog kar relagaadee ke chaalak ko aage kaun saa steshan, pul, leval kraasing get yaa siganal aane vaalaa hai, usakee poorv soochanaa praapt karaataa hai. yah soochanaa kohare ke samay men bahut mahatvapoorn hai. abhee ham yah jaanane ke liye ki steshan aane vaalaa hai, ek khalaasee ko kohare ke samay steshan ke baahar bhejate hain jo rel pataree par pataakhe lagaataa hai aur relagaadee ke injan ke oopar se gujarane par pataakhe kee aavaaj se chaalak ko pataa chalataa hai ki steshan aane vaalaa hai. yah bahut badhiyaa sistam naheen hai. bahut kuchh pataakhe vaale kee kaaryakushalataa par nirbhar karataa hai ki usane samay par pataakhe lagaaye yaa naheen. jiyo-steshanaree setelaaits se yah aasaanee se pataa chal sakegaa.

global pojishaning sistam kaa prayog kar anekaanek prakaar ke bahuupayogee upakaran saamane aayenge. yah fogasef unamen se ek hai.

---

priy bhaiyaa kharee kharee jee,

---

priy bhaiyaa kharee kharee jee,

aashaa hai aap kushal se honge. maine apanee pichhalee post par aapakee tippanee dekhee thee:

pate kee baat likhee hai aapane reetaa deedee par kyaa aapane ghaayalo ke liye kuchh kiyaa kyaa? yaa jnyaan jeejaajee ne????? yaa kuchh karenge kyaa??????

aapakaa prashn badaa svaabhaavik hai. kaee log nisvaarth ho kar kuchh karane ko samaaj sevaa kaa bhee naam dete hain. kaafee mushkil hai yah kaary aur akele men to yah bahut kathin ho jaataa hai. jnyaan kee relave kee naukaree ne mujhe bahut kuchh sikhaayaa, bahut anubhav diye aur bahut aatm-sntushti bhee. relave men “mahilaa samaaj sevaa evn kalyaan samiti” jaisee snsthaa hai. yah “chaay-samosaa” samiti naheen hai.

main naheen chaahataa thaa ki reetaa paandey is tippanee par koee pratikriyaa vyakt karen. par unhonne vyakt karane kaa man banaa liyaa to mere paas vikalp naheen hai use n prastut karane kaa. is post men kaee baaten aisee hain jo mujhe avasaad grast kar detee hain. main unhe bhoolanaa chaahataa hoon. meree patnee mujhase jyaadaa majaboot insaan hai. is tathy ko kubool karane men mujhe koee jhijhak naheen hai.

yah moolat: rel karmachaariyon ke parivaar ke liye kaary karatee hai. agar mahilaayen vaastav men kuchh samaaj kalyaan kee or unmukh hain to is snsthaa ke maadhyam se apanee rachanaatmakataa ko vistaar de sakatee hain. mujhe yaad hai ki isee snsthaa se jude hone ke kaaran maine udayapur men kaee din lagaa kar skool tekst-buks ke aodiyo tep taiyaar kiye the – jisase andh vidyaalay ke bachche apanee pareekshaa kee taiyaaree kar saken. aur mujhe sukhad aashchary huaa thaa ki unhonne tep kee kitanee kaapiyaan banaa lee theen. kitanaa prayog kar rahe the ve.

rel durghatanaayen to rel chalane se judee hee rahatee hain. kisee rel durghatanaa hone par jab rel karmachaaree aur adhikaaree saait restoreshan ke liye joojh rahe hote hain, tab mahilaa samiti peediton ke liye raktadaan, bhojan kaa intajaam aur any prakaar se madad kaa kaam snbhaalatee hai. isake alaavaa mujhe yaad hai ki ham logon ne paisaa aur saamaan ikaththaa kar udeesaa ke chakravaat, poorvee tat par aaee sunaamee yaa kachchha/bhuj ke bhookamp ke liye sahaayataa bhejane kaa kaam kiyaa thaa. anek din ham savere se der shaam tak is kaam par lag jaate the. mere bachche kuchh bade ho gaye the, lihaajaa samay nikaalane men itanee pareshaanee naheen hotee thee. bhuj ke bhookamp ke samay to aas paas ke mandalon se rel mahilaayen mauke par jaa kar khud kaam kar rahee theen. skaaut-gaaid ke bachche aur kishor hamaare is baare men vishesh sahaayak hote hain.

ek rel durghatanaa ne to mere parivaar kaa jo nuksaan kiyaa hai, vah shabdon men sametanaa mere liye kathin hai. us ghatanaa kaa jikr main chikitsakon ke vyavahaar kee vajah se kar rahee hoon. bhusaaval men meraa betaa maut se joojhataa padaa thaa. sahee nirnay ke abhaav men 22 ghante nikal gaye. vahaan ilaaj kee mool suvidhaayen naheen theen. turat seetee-skain (jisakee suvidhaa n thee) kar aage kaa ilaaj tay honaa thaa. nyooro sarjan vahaan upalabdh n the. par aspataal vaale n kuchh kar rahe the, n koee vaikalpik yojanaa soch paa rahe the. ham use apane risk par bhusaaval se le kar jalagaanv pnhuche – ek nyoorosarjan ke paas. ve nyoorosarjan devatuly the hamaare liye. theek isee tarah indaur ke choitharaam aspataal men jo daaktar mile, ve bhee devatuly the. unhonne mere bete ke sir kaa aopareshan kiyaa. ham usake baad mumbaee ke ek nyoorolojist se salaah lene gaye – bngalor men nimahns jaane ke pahale. ye sajjan apane ek ek minat kaa paisaa lete the par jabaan se jahar ugal rahe the. unhonne hamen jhatak diyaa aur hamane unhen. aakhir ve mere bhagavaan to n the! mere bhagavaan se jo baat huee thee, usake anusaar unhonne hamen dilaasaa dee thee ki hamaare jaddojahad kee seemaa hamaaree haar jeet kaa faisalaa karegee. aur main apanee jeet maan kar chal rahee thee.

--- baat bam dhamaake kee huee thee. banaaras men steshan kee lobee men aur snkatamochan ke parisar men bam fate the. jnyaan us din ghar pnhuche hee the ki teevee par yah samaachaar aane lagaa. ye to ulte pair bhaage. sadk sef n lagee to rel pataree ke kinaare-kinaare paidal chalate steshan pnhuche. tren ke saghan talaashee, ghaayalon ko aspataal bhejanaa, mrit shareer aur angon ko morcharee ravaanaa karanaa; yah sab kaam nipataa kar jab jnyaan ghar vaapas aaye to raat ke do-teen baj chuke the.

ek din baad ham aspataal gaye ghaayalon ko dekhane. bahut dardanaak drishy thaa. achaanak ek parichit cheharaa dikhaa. vah hamaare vaanijy vibhaag kaa karmachaaree thaa. usake dono bete snkatamochan ke dhamaake men ghaayal ho gaye the. bade ko to dischaarj kar diyaa gayaa thaa farst ed ke baad. par chhote kaa pair buree tarah ghaayal thaa. daaktar saahab ne hamen bataayaa ki agar usakaa pair kaat diyaa jaaye to shaayad jaan bach jaaye. pitaa bhaav shoony aankhon se dekh rahaa thaa. main chaah kar bhee us pitaa ko yah salaah n de paaee ki vah pair kaa aopareshan karaane de. chaar din baad us bete kee mrityu ho gaee. baarood kaa jahar poore shareer men fail gayaa thaa.

to bhaiyaa kharee kharee, yah meraa apanaa bhogaa yathaarth hai. jindagee kee jaddojahad se khuradaree jameen par chalane kee aadat pad gaee hai. kharee kharee sunane par kabhee kabhee maun toot jaataa hai.

kabhee ilaahaabaad aayen to miliyegaa.

aapakee bahan,

reetaa paandey.

---

udhar bhee jhaank aate log

---

mumbaee haadason ne sabake man men uthal puthal machaa rakhee hai. sab kee bhaavanaayen kisee n kisee prakaar se abhivyakt ho rahee hain. jnyaan bhee kuchh likhate rahe (unakee bhaashaa men kahen to thelate rahe). kuchh teekhaa bhee likhate, par use pablish karane se apane ko rokate rahe. unhonne mujhase bhee poochhaa ki tumhaare man men kyaa chal rahaa hai? eemaanadaaree se kahoon to mere man men nipat sannaataa thaa. antarman men kuchh ghumad rahaa thaa, par aakaar naheen le paa rahaa thaa.

shreematee reetaa paandey kee likhee post. aap unake any lekh "reetaa" lebal par sarch kar dekh sakate hain.

kal thodee der ko teleeveejan ke saamane baithee thee. chainal vaale bataa rahe the ki logon kee bheed sadakon par umad aaee hai. log gusse men hain. log momabattiyaan jalaa rahe hain. chainal vaale unase kuchh n kuchh poochh rahe the. unase ek savaal mujhe bhee poochhane kaa man huaa – bhaiyaa tum logon men se kitane log ghar se nikal kar ghaayalon kaa haalachaal poochhane ko gaye the?

kaee baar mujhe apane sochane ke tareeke par khud ko ajeeb lagataa hai. jo mar gaye, ve kaise mare, unhen kisane maaraa, surakshaa naakaam kaise huee – is sab kee cheer faad hotee hai. par durghatanaa men jinakaa ek pair chalaa gayaa, haath chalaa gayaa, aankhen chalee gayeen; unake parivaar vaale unhen le kar kaise saamanaa kar rahe honge aage kee jindagee kaa? milane vaale muaavaje par vakeel aur sarakaaree amalaa kis tarah giddh kee tarah toot padataa hogaa. kameeshan par unake kes lade jaate honge muaavajaa treebyoonal men. aur sahaanubhooti kee lahar khatm hone par daaktar log bhee kannee kaatane lagate hain. in sab baaton ko bhee udhedaa jaanaa chaahiye. momabattee jalaane vaale thodaa vahaan bhee jhaank aate to achchhaa hotaa.

mujhe yaad aa rahee hai vah ladakee jisake tren visfot men dono pair ud gaye the. us samay ham banaaras men the. rel surakshaa aayukt ke saath jnyaan bhee aspataal gaye the ghaayalon ko dekhane aur unase haal poochhane. us ladakee ke baare men logon ne bataayaa thaa ki usake maan-baap pahale hee gujar chuke hain. vah apanee bahan ke ghar jaa rahee thee ki yah haadasaa ho gayaa tren men. jnyaan ne surakshaa aayukt mahoday se kahaa thaa - “sar, agar aap is jaanch ke dauraan aspataal kaa do chaar baar dauraa aur kar lenge to daaktar thodaa aur dhyaan denge is ladakee par.”

ghar aa kar jnyaan ne mujhe is ladakee ke baare men bataayaa. mujhe lagaa ki yah ladakee bechaaree to do paaton men fns gaee. muaavaje men kameeshan to vakeel aur sarakaaree amalaa le jaayegaa. bachaa paisaa bahanoee rakh legaa, bataur gaarjiyan. ek gareeb ladakee, jisake maan-baap n hon, dono pair n hon, vah is bedard duniyaan men kaise jiyegee? maine eeshvar se praarthanaa kee – bhale jeevan amooly ho, par bhagavaan use apane paas bulaa lo.

pataa naheen us ladakee kaa kyaa huaa.

---

chhote chhote pille chaar!

---

mere ghar ke saamane badaa saa plot khaalee padaa hai. achchhee lokeshan. usake chaaron or sadk jaatee hai. kisee kaa hai jo bechane kee jugaad men hai. yah plot saarvajanik sampatti hotaa to bahut achchhaa paark ban sakataa thaa. par nijee sampatti hai aur maalik jab tak vah isapar makaan naheen banaataa, tab tak yah kacharaa fainkane, sooaron aur gaayon ke ghoomane ke kaam aa rahaa hai.

reetaa paandey kee post. aap unakee pahale kee posten reetaa lebal par klik kar dekh sakate hain.

plot kee jameen upajaaoo hai. at: usamen apane aap ugane vaalee vanaspati hotee hai. madaar ke fool ugate hain jo shnkarajee par chadhaane ke kaam aate hain. kuchh maheene pahale mittee le jaane ke liye kisee ne usamen gaddhaa khodaa thaa. kachare se bhar kar vah kuchh uthalaa ho gayaa. pichhale hafte ek kutiyaa us uthale gaddhe men mittee khurach kar plaastik kee panniyaan bhar rahee thee.

sandeep ke bataane par bharatalaal ne anumaan lagaayaa ki vah shaayad bachchaa dene vaalee hai. dono ne vahaan kuchh chithade bichhaa diye. raat men kutiyaa ne vahaan chaar pillon ko janm diyaa. sndeep kee uttejanaa dekhane laayak thee. haanfate huye vah bataa rahaa thaa - kuli kariyaa-kariyaa hayen, hamare ki naaheen (sab kaale kaale hain, meree tarah)| kutiyaa bachchaa dene kee prakriyaa men thee tabhee maine usake liye kuchh daal bhijavaa dee thee. subah usake liye doodh-bred aur do paraanthe bheje gaye.

raat men meree chintan dhaaraa alag bah rahee thee. sadk kee us kutiyaa ne apanee dileevaree kaa intajaam svayam kiyaa thaa. koee haay taubaa naheen. kisee aurat ke saath yah hotaa to hadkamp machataa – gaadee/embyoolens bulaao, daaktara/narsing hom kaa intajaam karo, tarah tarah ke injekshan-drips aur jaraa see der hotee to daaktar seejeriyan kar chaalees hajaar kaa bil thamaataa. fir tarah tarah ke bhojan-kapade-davaaon ke intajaam. aur pataa naheen kyaa, kyaa.

prakriti apane par nirbhar rahane vaalon kee rakshaa bhee karatee hai aur unase hee intajaam bhee karaatee hai. eeshvar kare; is kutiyaa ke chaaron bachche surakshit rahen.

---

pun: – kutiyaa aur bachchon ke liye sndeep aur bharatalaal ne ek ghar banaa diyaa hai. niyam se bhojan dete hain. kutiyaa koee bhee samasyaa hone par apanee koon-koon se inhen guhaar lagaane pnhuch jaatee hai. vah jaan gayee hai ki yahee usakaa sahaaraa hain. pillon ne abhee aankh naheen kholee hai.

---