apane aap se jhooth

pataa naheen yah yahaan sveekaar yaa asveekaar karane se fark padataa hai main jhooth bhee bolataa hoon. jhooth bolanaa maanav svabhaav kaa bahut svaabhaavik ang hai. yah isase bhee sahee lagataa hai ki sadaachaar kee pustakon aur patrikaaon men bahut kuchh bal is baat par hotaa hai ki sach bolaa jaaye. par mool baat yah hai ki aadamee apane aap se kitanaa jhooth bolataa hai.

lalahee chhath

kal lalahee chhath thee. hal chhath – haladhar (balaraam) kaa janm din. kabhee yah praant (uttarapradesh) maatri-shakti poojak ho gayaa hogaa, yaa striyaan snskriti ko jindaa rakhane vaalee rah gaee hongee to use lalahee maataa se jod diyaa unhone.

striyaan is din hal chalaa kar upajaayaa ann naheen khaateen vrat men. lihaajaa prayog karatee hain – tinnee kaa dhaan. tinnee kaa dhaan taalaab men chheentaa jaataa hai aur yoon hee upaj jaataa hai. meree buaa yah vrat kar rahee theen – unase maangaa maine tinnee kaa chaaval. dekhane men saamaany par pak jaane par laalimaa yukt.

bokariyaa, nandee, belapatr aur madhumeh

apanee pooar fotograafee par kheejh huee. bokariyaa nandee ke pair par pair sataaye unake maathe se tatakaa chadhaayaa belapatr chabaa rahee thee. par jab tak main kaimaraa set karataa vah utarane kee mudraa men aa chukee thee!

belapatr? sunaa hai ise pees kar lene se madhumeh naheen hotaa. bokariyaa ko kabhee madhumeh naheen hogaa. pakkaa. kaho to raamadeviyaa shart!

bheeshm uth nirnay sunaao

bheeshm kaa abhishaap yah thaa ki unhone jis kalah se kul ko bachaane ke liye apane sukhon kee bali dete huye bheeshm pratijnyaa lee, usee kul ke snhaar mahaabhaarat ke pratham senaanaayak bane. jis kul kee kalah kam karane ke liye apanaa munh naheen khole, usee kul kaa poorn vinaash yuddhakshetr men lete huye dekhe. is vishay par adhyaay likhe jaa sakate hain ki bheeshm kaa kitanaa dosh thaa. man par maanataa naheen hai ki koee bujurg jo shreshth thaa, vah us samay bhee maun kyon saadhe rahaa jab sabake netr unakee or tike the. bhavishy ke kis kone se yah ghatanaa binaa uttar diye nikal jaane dee jaayegee?

pijjaa, khilaunaa, vikalp aur maanav jeevan

yah praveen paandey kee budhavaasareey atithi post hai. ek saamaany ghareloo sthiti se darshan men kaise utaraa jaataa hai, vah praveen se seekhane yogy hai:

---

bachchon kee pareekshaayen samaapt huyeen aur ghar ke vaataavaran kaa utsaveekaran ho gayaa. ab yuddhakshetr se laute vijayee (lagataa to hai) yoddhaaon ko upahaar chaahiye. nishchay huaa ki pahale vasudhaiv kutumbakam ko charitraarth karate huye domino(amerikan) men pijjaa(iteliyan) binaa chhuree-kaantaa(bhaarateey) udaayaa jaayegaa. yahaan par chhuree-kaante kaa jujhaaru upayog dekhakar yaa kost kating ke chalate yah suvidhaa domino ne hataa lee hai.

baabaa raamadev jee kaa samuchit sammaan ghar men hai par maah men ek din hamaaree soch vaishvik star kee ho jaatee hai.

jeevan kee traasadee kyaa hai?

mere jeevan kee traasadee yah naheen hai ki main beimaan yaa kutil hoon. meree traasadee yah bhee naheen hai ki main jaanaboojh kar aasuree sampad apane men vikasit karanaa chaahataa hoon. meree traasadee yah hai ki main sahee aachaar-vichaar-vyavahaar jaanataa hoon, par fir bhee vah sab naheen karataa jo karanaa chaahiye.

mujhe maalum hai ki eershyaa vinaash kaa kaaran hai. main fir bhee eershyaa karataa hoon. mujhe yah jnyaat hai ki aasuree sampad kaa ek bhaav bhee any sabhee ko mere men jagah dilaa detaa hai. masalan yah ho hee naheen sakataa ki main kaam aur krodh se grast hooon, par mujhame eershyaa n ho. yaa mujhamen eershyaa ho, par kaam-krodh-moh-lobh aadi n ho. aasuree sampad poore lot men milatee hai. aap futakar men bhee len to pooraa kaa pooraa kansaainament aapako milanaa hee hai.

eershyaa karo, vinaash paao!

mahaabhaarat ke teen kaaran bataaye jaate hain.

shaantanu kaa kaam, duryodhan kee eershyaa aur draupadee kaa krodh.

shaantanu kaa kaam bheeshm-pratijnyaa kaa kaaran banaa. duryodhan kee eershyaa paandavon ko 5 gaanv bhee n de sakee. draupadee kaa krodh vinaash patr ke oopar antim hastaakshar thaa.

nattoo "bhaageerath" paande

kal main nattoo paande se baat kar rahaa thaa ki unhe is yug men bhaageerath ban kar mritapraay gngaa ko pun: jeevant karanaa hai. nattoo paande saat maheene ke ho rahe hain. pataa naheen agar bhaageerath ban bhee paayenge to kaise banenge. usake baabaa to shaayad usase apanee raajanaitik viraasat snbhaalane kee baat karen. usake pitaa use ek safal vyavasaayee/udyogapati banaane ke svapn dekhen. par use agar bhaageerath bananaa hai to bhaarat ke sookshm tatv ko pahachaan kar bahut chamatkaaree parivartan karane honge bhaarateey medhaa aur jeevan padyati men.

arahar kee daal aur neelagaay

mujhe pataa chalaa ki uttarapradesh sarakaar ne kendr se neelagaay ko nirbaadh roop se shikaar kar samaapt karane kee chhoot dene ke liye anurodh kiyaa hai. yah khabar apane aap men bahut pakee naheen hai par mujhe yah jaroor lagataa hai ki sarakaar dalahan kee fasal kee kamee ke liye neelagaay ko soolee par taangane jaroor jaa rahee hai. isamen tathaakathit ahindoovaadee sarakaar kaa maamalaa naheen hai. madhyapradesh sarakaar, jo hindoovaadee dal kee hai aur jo gaay ke naam par prachand raajaneeti kar sakatee hai, neelagaay ko maarane ke liye pahale hee taiyaar hai! bechaaree neelagaaya; usakaa koee pakshadhar naheen!

utsukataa v utsaah

natoo paande kee utsukataa, shaayad annapraashan ke pahale kheer kaa vishleshan karatee huee!

utsukataa ek keedaa hai, yadi kaatataa hai tabhee bukhaar chadhtaa hai. kabhee kabhee is bukhaar se peedit vyakti prashn poonchh kar apanee ajnyaanataa ko pradarshit karane men snkoch naheen karate hain. upahaas kee davaaee se yah bukhaar utar bhee jaataa hai. yadi aap paristhitiyon ke liye naye hain to bukhaar tejee se chadhtaa hai aur bahut der tak chadhaa rahataa hai. yadi aap samajhate hain ki aap purodhaa hain to aapakaa man aapakee rakshaa karataa hai aur aapako samajhaa bujhaakar is bukhaar se bachaa letaa hai.

dev deepaavalee @

meree galee men kal raat logon ne diye jalaa rakhe the. dhyaan gayaa ki ekaadashee hai - dev deepaavalee. devataa jag gaye hain. ab shaadee-shubh karm praarambh honge. aaj vaaraanasee men hotaa to ghaaton par bhavy jagamahaahat dekhataa. yahaan to ghaat par gngaajee akele chup chaap bah rahee theen. main aur meree patneejee bhar the jo ekaadashee ke chaand aur torch kee roshanee men ret kee chaandee kee parat aur jalaraashi kaa jhilamilaanaa nihaar rahe the.

shivakutee ghaat par chhath

aaj blogaree ke semeenaar se lautaa to patneejee gngaa kinaare le gayeen chhath kaa manaayaa jaanaa dekhane. aur kyaa manamohak drishy the, yadyapi poojaa samaapt ho gayee thee aur log lautane lage the.

chitr dekhiye:

striyon ke gngaa snaan kaa maheenaa - kaartik

kaartik men savere chaar-paanch baje se striyaan ghaat par snaan praarambh kar detee hain. is baar is or gngaajee kee kataan hai aur veg bhee tej hai. nahaane men dikkat avashy aatee hai. par vah dikkat unhen rokatee ho – yah naheen lagataa.

main to savere paune chh baje gngaa tat par jaataa hoon. bahut see striyaan lautatee deekhatee hain aur kaee to snaan ke baad pandaajee ke paas snkalp karatee paaee jaatee hain. bahut see shnkar jee ke mandir men poojaa-archanaa men deekhatee hain.

hindoo dharm ke rahasyon kee khoj

kal jo likhaa – “libareshanam dehi maam!” to man men yahee thaa ki log in sabhee kamiyon ke baavajood hindoo dharm ko ek mahaan dharm bataayenge. yah naheen maalum thaa ki shree sateesh saksenaa bhee honge jo hindutv ko kosane ko haatho haath lenge. aur main achaanak chahakate huye tham gayaa.

«« gngaa kinaare saveraa.

sochanaa laajamee thaa – is desh men ek aastik viraasat, braahmanik bhoot kaal kaa anajaanaa gaurav, bhaashaa aur logon se gahan taur par n sahee, tathyaatmak khojaparakh kee drishti se paryaapt parichay ke baavajood kitanaa samajhataa hoon hindoo dharm ko. shaayad bahut kam.

libareshanam dehi maam!

adbhut hai hindoo dharm! shivaraatri ke ratajage men choohe ko shiv jee ke oopar chadhe prasaad ko kutarate dekh moolashnkar moortipoojaa virodhee ho kar svaamee dayaanand ban jaate hain. satyaarthaprakaash ke samullaason men moorti poojakon kee bakhiyaa hee naheen udhedate, varan gamachhaa-kurataa-dhotee taar taar kar dete hain. par moorti poojak hain ki abhee tak goeeng strog!

nau din kaa anushthaan

---

un mahilaa ko teen din se shaam ke samay dekh rahaa hoon, gngaa tat par deepak jalaa poojaa karate. kal dhyaan se sunaa. koee shlok-mantr jaap naheen kar rahee theen. apanee deshaj bhaashaa men haath jod gngaa maaee – devee maaee kee guhaar kar rahee theen. kaafee der chalee poojaa. unake hatane par main aur ek kukur dono poojaa sthal kee or badhe. main foto lene aur kukur poojaa sthal par chadhaaye bataashe lene. kukur ko ek laat maar alag karanaa padaa anyathaa poojaa sthal kaa drishy vah bigaad detaa.

teen diye the. foolon ke teen andaakaar deerghavritton men. agarabattee jal rahee thee. shraddhaa kee gndh vyapt thee. main kautoohal bharaa foto le rahaa thaa par kuchh shraddhaa – tvachaa ke kuchh andar tak – to mere shareer men bhee pravesh kar gayee thee. … yaa devee sarv bhooteshu …

snskrit ke chhaatr

---

paas ke sisodiyaa haaus kee jameen kabjiyaane ke chakkar men the log. so use bachaane ko unhone ek snskrit vidyaalay khol diyaa hai vahaan. baarah-chaudah saal ke baalak vahaan dhotee kurataa men rahate hain. savere saamuhik sasvar mantr paath karate unakee aavaaj aatee hai. gngaa kinaare se sunaaee detee hai.

naav

---

machhalee pakadane vaale rahe honge. ek naav par baithaa thaa. doosaraa jameen par chalataa naayalon kee doree se naav kheench rahaa thaa. bahut maheen see doree se bndhee naav gngaa kee dhaaraa ke vipareet chalatee chalee aa rahee thee. main apanee chetanaa ke mool men sammohit mahasoos kar rahaa thaa.

ek maheen see dor! kabhee kabhee to yoon lage, maano hai naheen. vah naav ko nehveeget kar rahee thee. hamamen bhee naav hai jo n jaane kaun see naayalon kee doree se bndhee badhatee jaa rahee hai.

ret ke shivaling

---

daaraagnj ke pandaa ke dusaman fir dikhe. sadyasnaat. gngaa ke jal se geelee baaloo nikaal kar andaakaar pind banaa oordhv khade kar rahe the tat par banaaye ek ghere men. maine poochhaa kyaa hai to bole paanch shivaling banaa rahe hain. foto lene lagaa to kahane lage abhee paanch banaa loon tab leejiyegaa.

banaane men khair der naheen lagee. usake baad unake parivaar kee ek sadasyaa aur unake ek saathee sahaayataa karane lage shivajee ke oopar patr-pushp-akshat sajaane men. ek chhotee see plaastik kee dolachee men ve yah saamaan laaye the. chhotee chhotee sheeshiyon, dibiyon aur pudiyon men kaee cheejen theen. fool aur bilvapatr bhee thaa. badee dakshataa se shringaar sampann huaa.

asalee dikkat huee maachis se deepak jalaane men. anek teeliyaan barabaad hueen. baatee men ghrit kee maatraa badhaaee gaee. yah snvaad bhee huaa ki majekee maatraa men kapoor rakhakar laanaa chaahiye thaa. khair antat: jal hee gayee baatee. lagabhag tees sekend men pooree ho gayee poojaa aur ek minat men shnkar jee visarjit ho gaye gngaa jee men.

gngaajee kee jalaraashi men unakee ret vaapas chalee gayee. saath men le gayeen ve teen vyaktiyon kee shraddhaa kaa bhaav aur ek foto khainchak kaa kautoohal! jay gngaa maaee.

anushthaan ke baad maine unakaa parichay poochhaa. ve hain shree raamakrishn ojhaa. yaheen shivakutee men rahate hain. maideekal kaalej men naukaree karate hain. isee saal ritaayar hone jaa rahe hain. unhone mujhe namaskaar kiyaa aur maine unase haath milaayaa. gngaa tat par hamaaraa yah desee-vilaayatee miks abhivaadan huaa. … raamakrishn ojhaa jee ko maalum n hogaa ki ve hindee blogajagat ke jeev ho gaye hain. gngaa kinaare ke intaraneteey chehare!

aur unhonne yah nayaa naaraa thelaa -

jo kare shnkar kaa dhyaan. khaaye malaaee chaabhai paan. bol gauree-shnkar bhagavaan kee jai!

ojhaa jee agale din bhee dikhe. kachhaar men madaar ke fool talaashate. unase kahaa ki ghaat ke chaaron or to paanee aa gayaa hai – kaise jaayenge. bole aise hee jaayenge. “bol ghadaadhad raadhe raadhe” bolate unhonne apanee gamachhaa numaa lungee kee kachhaad maaree. neeche nekar deekhane lagaa, aur ve paanee men hil kar ghaat par pnhuch gaye!

---

aadarsh aur vichaaradhaaraa kaa dvandv

---

ek vichaaradhaaraa (Ideology) men band honaa aapako ek varg men shaamil karaa kar sikyooritee feeling detaa hai. aap vaamapnthee gol vaalee vichaaradhaaraa kaa varan karen to fokat fand men kraantikaaree chhaap ho jaate hain. aap dakshinapnthee vichaaradhaaraa ke hon to aar.es.es. kee shaakhaaon men bauddhik thel sakate hain. jyaadaa rifaaind thelate hon to aap saahityakaar bhee maan liye jaate hain. bahut see janataa uday prakaash ko sir maathe lene lagatee hai.

par uttarottar uday prakaash vichaaradhaaraa ke majoor hote jaate hain.

meraa, shree uday prakaash ko link karane se, unake baare men chal rahee bahas men apane haath dhone kaa iraadaa kataee naheen hai. n mujhe unakee vichaaradhaaraa se lenaa denaa hai, n puraskaar se aur n hee unake saahityakaar ke roop men kisee moolyaankan se. unhen maine padhaa naheen hai. lihaajaa unake lekhan par koee koee kathan naheen. main unakaa keval prateekaatmak sndarbh de rahaa hoon.

anek math-sampradaay-dal-sngathan bade bade logon ko isee tarah traip karate hain aur majooree karaate hain. ve unhen bauddhik aabhaamandal pahanaate hain aur dheere dheere usee aabhaamandal se unakee vyaktigat aajaadee kaa galaa teepane lagate hain! aap saamyavaadee/samaajavaadee/raamakrishn matha/brahmakumaaree/aashaaraama/saanee baabaa/aar.es.es./maanavataavaada/hena/ten ke saath jud jaaiye. kaafee samay tak kaafee majaa aayegaa.
par fir ek din aisaa aayegaa ki aapako lagegaa aap gulivar hain aur lileeput men baunon ne aapako traip kar rakhaa hai. ham bhee traip huye hain mitr aur bhavishy men traip naheen honge isakee koee gaarantee naheen!
is desh men (main bhaarat kee baat kar rahaa hoon) vichaaradhaaraa (Ideology) kee kamee naheen hai. naye naye vichaaradhaarak bhee popakorn kee tarah footate rahate hain. kamee hai, aur bahut ghanaghor kamee hai, to aadarsh (Ideal) kee. aadarsh aapako kampaas upalabdh karaate hain - dishaa bataane ko. vichaaradhaaraa aapako sadak upalabdh karaatee hai - aage badhane ko. aap sadak badal sakate hain; badalanee hee chaahiye. par aap kampaas naheen badalate.
maje kee baat hai ki uday prakaash jab vichaaradhaaraa vaalon kaa aakraman jhelate hain to aadarsh (charitr aur naitikataa samaahit) kee hee baat karane lagate hain. tab shuroo se hee aadarsh kee baat kyon n karee jaaye? aur baat hee kyon aadarsh par hee kyon n tikaa jaaye!

---

kyaa hai yah (is post men neeche tippanee) aur kisapar kataaksh hai yah shree shivakumaar mishr kaa:

aadarsh aadarsh hai. vichaaradhaaraa vichaaradhaaraa hai. aise men ek aadarsh vichaaradhaaraa khojee jaa sakatee hai. vichaarapoorvak aadarshadhaaraa bhee khoj sakate hain. aadarshapoorvak vichaaradhaaraa khojane kaa auchity vaise bhee naheen hai. aadarsh ko vichaaradhaaraa ke taraajoo par rakhakar taulaa jaa sakataa hai lekin vichaaradhaaraa ko aadarsh ke taraajoo par naheen rakhaa jaa sakataa. taraajoo tootane kaa bhay rahataa hai. vichaar vikasit hote hain, aadarsh kaa vikaas snbhav naheen. vikaasasheel yaa vikasit vichaar kabhee bhee vikasit aadarsh kee gaarntee naheen de sakate. vichaar ko aadarsh kee kasautee par taulen yaa aadarsh ko vichaaron kee kasautee par, lakshy hameshaa pataa rahanaa chaahie. lakshy hee mahatvapoorn hai. vichaaradhaaraa tabhee tak mahatvapoorn hai, jabatak ham usapar chalate hain.
aise men kahaa jaa sakataa hai ki aadarsh par hee chalanaa chaahie.

---