lokopakaar aur vikaas

red tep niraakaran jarooree hai!

lokopakaar – filenthropee ek glaimaras muddaa hai. jab maine pichhalee post likhee thee, tab is kon par naheen sochaa thaa. lokopakaar men nihit hai ki abhaavon ke antim chhor par log hon aur ham - madhyamavargeey log apane arjan kaa ek hissaa - ek yaa do pratishat - daan yaa jakaat ke roop men den. vah daan kis tarah se sahee tareeke se niveshit ho, usakee sochen.

is daan se koee sine staar, koee raajanetaa, koee dharmaachaary sahaj jud sakataa hai. is mudde kee bahut imoshanal vailyoo hai. koee bhee apanee chhapaas door kar sakataa hai kisee bade din kambal-katoree daan kar. agar aap nekee kar dariyaa men daalane vaale hain to fir koee kahane kee baat hee naheen!

kuchh ubhar rahee shnkaayen

pichhale chaar-paanch maheenon men soch men kuchh shnkaayen janm le rahee hain:

1. agar mukt hotee arthavyavasthaa sahee hai, to chhatteesagadh-jhaarakhand-odisaa ke aadivaasiyon kee (kam yaa nagany) muaavaje par jameen se bedakhalee ko sahee kahaa jaa sakataa hai? maaovaadiyon yaa laaimalaait talaashatee un deviyon kee tarafadaaree ko nakaaraa jaaye, tab bhee.
2. mukt arthavyavasthaa kee or yatn karate bhaarat ke dedh dashak se jyaadaa ho gayaa. aath-nau parasent kee groth ret aane lagee hai. par n karapshan kam ho rahaa hai n kraaim. badhataa hee najar aa rahaa hai. gadabad kahaan hai?
3. praaivet sektar prodakt bechane men bahut tatpar rahataa hai. par jab sevaayen dene kee baat aatee hai, to ladakhadaane lagataa hai. chaahe vah prodakt sambandhit sevaayen hon yaa fir vishuddh sevaayen - safaaee, projet ke theke, khaanapaan.
4. kampyootaron par sarakaaree daftaron men beshumaar kharch hai. par karmachaariyon kee bharamaar men kaam karane vaale karmachaaree deekhate hee naheen. kampyootar bhee menten naheen - n dhng ke enteevaairas, n stareey prograam.

3jee kee 67,000 karod kee neelaamee

mere dono akhabaar – bijanes stendard aur indiyan ekspres badee hedalaain de rahe hain ki sarakaar ko 3jee kee neelaamee men chhapparafaad (unake shabd – Windfall aur Bonanza) kamaaee huee hai.

teen dashak pahale – jab main jooniyar afasar thaa to 150 logon ke daftar men paanch-saat fon the. unamen se ek men esateedee thee. ghar men fon naheen thaa. peeseeo booth bhee naheen the. ab mere ghar men laindalaain aur mobaail milaa kar saat-aath fon hain. sabhee lokal aur door-kol men saksham. haal hee men relave ne ek atirikt simakaard diyaa hai. isake alaavaa hamaare bhrity ke paas alag se do mobaail hain.

baapeeyotik poston kee darakaar hai!

baapee odeesaa jaane ke baad kyaa kar rahaa hai? main sateesh pncham jee se folo-ap kaa anurodh karataa hoon.

baapee vaalee post ek mahatvapoorn post hai hindee bloging kee – bhaashaa aur vishay vastu men nayaa prayog. yah binaa folo-ap ke naheen jaanaa chaahiye. agar aapane sateesh jee kee ukt post naheen padhee hai to kripayaa padhen. baapee mumbaee kee jindagee kee karamaghasetee ko kin tarkon ke saath tilaanjali detaa hai, aur kis bhaashaa men, vah padhane kee cheej hai.

rivars maaigreshan ek svapn kee vastu naheen hai. arthavyavasthaa men achchhee vriddhi dar ke saath samriddhi chhote shaharon/gaanvon/kasbon men paseejanee chaahiye. anyathaa asamaan vikaas apane ko jhel naheen paayegaa.

teleeveejan (yaa rediyo) kee jaroorat

lambe samay se maine teleeveejan dekhanaa band kar rakhaa hai. main film yaa seeriyal kee kamee mahasoos naheen karataa. par kuchh din pahale savere jab main apanee maalagaadiyon kee pojeeshan le rahaa thaa to mujhe bataayaa gayaa ki daadaree ke paas log traik par aa gaye hain aur dono or se tren yaataayaat thap hai. poochhane par bataayaa ki samaajavaadee paartee vaale mnhagaaee ke virodh men bhaarat band kar rahe hain.

pradhaan, pokharaa, grees aur purtagaal

main pichhale maheene men pradhaan jee se kaee baar baat karane kaa yatn kar chukaa. har baar pataa chalataa hai ki pokharaa (taalaab) khudaa rahe hain. lagataa hai naregaa kee skeem unakaa bahut samay le le rahee hai. sarakaar bahut kharch kar rahee hai. paisaa kaheen se aa rahaa hogaa.

fereevaale

bahut se aate hain. bahut prakaar kee cheejon ko bechate. vividh aavaajen. kaee baar ek baar men saudaa naheen patataa to palatakar aate hain. ve cheejen bechanaa chaahate hain aur log khareedanaa. jabaradast kampeeteetiv sinarjee hai ki kaun kitane munaafe men bech sakataa hai aur kaun kitane kam men khareed sakataa hai. vin-vin sichayuyeshan bhee hotee hai aur bhin-bhin sichayuyeshan bhee! yooforiyaa bhee aur badabadaahat bhee!

ek saahabee aatmaa (?) ke pralaap

maanasik halachal ek braaun saahabee aatmaa kaa pralaap hai. jise aadhaarabhoot vaastavikataayen jnyaat naheen. jisakee ichchhaayen batan dabaate poorn hotee hain. jise agale din, maheene, saal, dashak yaa shesh jeevan kee fikr karane kee jaroorat naheen.

is aakalan par main aahat hotaa hoon. kyaa aisaa hai?

samasaad miyaan - ath seekvalokhyaan

heeraalaal naamak charitr, jo gngaa ke kinaare stretejik lokeshan banaa naariyal pakad rahe the, ko padh kar shree sateesh pncham ne apane gaanv ke samasaad miyaan kaa aakhyaan ee-melaa hai. aur heeraalaal ke seekval (Sequel) samasaad miyaan bahut hee pathaneey charitr hain. shree sateesh pncham kee kalam us charit se bahut jastis karatee lagatee hai. aap unhee kaa likhaa aakhyaan padhen (aur aise sashakt lekhan ke liye unake blog par niyamit jaayen):

utkramit pravrajan

meraa vaahan chaalak yahaan se ek-savaa ghante kee dooree se savere apane gaanv se aataa hai. der raat ko vaapas lautataa hai. lagataa hai agar kaam usako jam jaayegaa to yaheen ilaahaabaad men deraa jamaayegaa. vah pratham peedhee kaa pravrajak hogaa. is shahar men aur any shaharon men bhee pichhale pachees tees saal men gaanvon se aaye logon kee taadaad tejee se badhee hai. yadyapi bhaarat abhee bhee gaanvon kaa desh hai, par jaldee hee aadhee se jyaadaa aabaadee shaharee ho jaayegee.

shikshaa vyavasthaa

kuchh varsh pahale naalandaa ke khandahar dekhe the, man men poorvajon ke prati kritajnyataa ke bhaav jage. takshashilaa aakramanakaariyon ke ghaat n sah paayaa aur maatr smritiyon men hai. gurukul keval “kaangadee chaay” ke vijnyaapan se jeevit hai. aaeeaaeetee, aaeeaaeeem aur aims jaise snsthaan aaj bhee hamen utkrishtataa v sheershatv kaa abhimaan v aabhaas dete hain. shesh sab shoony hai.

kaun chaahataa hai ilektonifikeshan ?

---

injeeniyaring kee assee pratishat padhaaee maine slaaidarool aur logarithmik tebal kee sahaayataa se kee gaee gananaa se paar kee thee. padhaaee ke chauthe aur paanchaven saal men kailkyuletar najar aane lage the. jab maine naukaree karanaa praarambh kiyaa thaa, tab ilektonik taaiparaaitar bhee ikkaa-dukkaa hee aa rahe the. mujhe yaad hai ki us samay maine padhaa thaa ki do dashak men seepeeyoo kaa maas prodakshan itanaa hone lagegaa ki utanee jatil chip dedh dolar men aane lagegee.

byoorokresee ilektroneefikeshan naheen chaahatee. isase usakaa kilaa dhahataa hai. paavar kam hotee hai. janataa empaavar hone lagatee hai. jo bhrasht hain, unake khelane khaane ke avasar kam hone lagate hain.

par usake baad to korporet jagat men jabaradast vistaar huaa. soochanaa aur doorasnchaar kee takaneekon men to visfot saa huaa. nandan nilekanee kee pustak “imaijining indiyaa" (Imagining India) padhate samay yah mere man men baarambaar aayaa ki yah kraanti maine keval saaidalaain men khade ho dekhee.

yah hataashaa avashy hotee hai ki ye log jab infosis banaa rahe the tab ham daftar kee faail men noting pej aur karospondens pej par nambar daalane aur flaig lagaane men mahaarat haasil kar rahe the. yaad padataa hai ki hamaare divijanal rel mainejar ne assee ke uttaraardh men paanch panne kaa ek mahatvapoorn not likhaa thaa ki faail kaise menten kee jaaye!

aur ab bhee rel bhavan (rel mntraalay) ko jaane vaalaa maasik ardhashaasakeey patr jisamen saikadon pej hote hain aur bees pachchees logon ko pratiyaan bhejee jaatee hain, kaagaj par jaataa hai. isakaa 5 pratishat (main jyaadaa aashaavaadee hoon kyaa?) hee padhaa jaataa hogaa. ee-mel kaa prayog shaayad (?) kuchh junoonee karate hain aur puraanaa maal parosatee chirakut see sarakaaree veb saaiten munh chidhaatee prateet hotee hain.

sivaay baat karane men haaitek jaahir hone kee jaroorat ke; byoorokresee (man se) ilektroneefikeshan naheen chaahatee. isase usakaa kilaa dhahataa hai. paavar kam hotee hai. janataa empaavar hone lagatee hai. jo bhrasht hain, unake khelane khaane ke avasar kam hone lagate hain. rel kee dashaa to fir bhee behatar hai. baakee vibhaagon ke eteetyood ko dekh bahut maayoosee hotee hai.

at: “yooneek aaidentitee athoritee aof indiyaa” ke roop men nandan nilekanee agar vah kar gujaren jo ve apanee kitaab men likhate hain to aanand aa jaaye!

san 2010 tak to shaayad beemaaroo raajyon kee janataa kaa nambar malteeparapaj neshanal aaidentitee kaard milane men naheen lagegaa. par jin raajyon men laagoo hogaa, vahaan ke laabh dekh kar yojanaa ke vyaapak kriyaanvayan ke dabaav badhane kee sambhaavanaayen banatee hain.

yah “yooneek aaidentitee athoritee aof indiyaa” to ek paksh hai. ilektronifikeshan se kaee kshetron men sudhaar apekshit hain. kuchh sudhaar to aarakshan aur sabasidee ke gorakhadhandhe ko tarkasngat tareeke se khatm karane hetu hain, jinase bhrashtaachaar kam ho aur laabh seedhe taarget varg ko mile. par vah sab ilektronifikeshan kaun maangataa hai?

asal men ilektronifikeshan koee chaahataa naheen. janataa isake laabh kee seedhe-seedhe kalpanaa naheen kar sakatee. par isake laabh jaise jaise udghaatit honge, vaise vaise isake laagoo karane ke dabaav badhenge. aur chaahe mulaayam sinh jee hon yaa koee aura; apane raajanaitik risk par bhee use rok n paayenge. vah jamaanaa gayaa jab tark hote the ki kampyootar aayegaa to naukariyaan khaa jaayegaa! relave kampyootareekrit tikat pranaalee kaa yooniyanen vyaapak virodh kar rahee theen kuchh dashak pahale aur ab snchaar-link thodee der ko band hotaa hai to karmachaaree hee shor machaate hain.

shreeman, yah paanch sau pejon ki kitaab ek baar padh len. honaa vahee hai – jaise pragatit hogaa. par use padhane se aap use behatar samajh sakenge aur shaayad behatar svaagat kar saken.

---

hundai le lo hundai!

---

hundai vaalon ne tamboo taan liyaa hai hamaare daftar ke baahar. do tho kaar bhee khadee kar lee hain. hamaare daftar ke baaboogan kaar khareedane men jut gaye hain. ee.em.aaee. hai teen hajaar saat sau rupaye maheenaa.

sadak kaa ye haal hai ki haaeekort ke paas jaam lagaa hai. aadhaa ghantaa angoothaa choos kar daftar pnhuchaa hoon. jo kaam daftar pnhuch kar karanaa thaa, vah raaste men mobaail fon par kiyaa.

hundai (Hyundai Hundai) vaale kee bajaay heero/etalas saaikal vaalaa kyon naheen lagaataa tamboo? yaa aalok puraanik chhaap tamboo aaloo vipanan sngh kyon n lagaataa ki das saal kaa falaanee ee.em.aaee par 80 kilo maheene kaa aaloo karaar aur saath men ek kattaa arahar kee daal free!

vikram tempoo, rikshaa, beshumaar kaaren, saaikal kee bajaay badhe skootara/motarasaaikalen, sadak ke atikraman aur beech men gade bijalee ke khambhe/traansafaarmar – in sab se vaise hee naak men dam hai. oopar se yah hundai ke tamboo hundai bech bech kar sadak-yaataayaat tntr kee enjiyoplaastee karaane laayak banaa chhodenge.

hamaaraa galee main sabjee vaalaa aavaaj lagaataa hai – aaloo le lo, nenuaa, bhindee, katahar, aaloo! usee tarj par hundai kee vaan aur tamboo vaale aavaaj lagaate prateet hote hain - hundai le lo hundai!

aatm-kuboolan: mere paas koee vyaktigat vaahan naheen hai aur abhee lene kee koee yojanaa naheen hai. chaah hai to keval ek saaikal yaa bijalee se chalane vaalee moped lene kee. lihaajaa vaahan ke vishay men meree soch tented ho sakatee hai.

---

haaeekort ke paas traifik jaam

yaataayaat jaam karane ke nihitaarth jitane samay kee barabaadee men hain, usase adhik paryaavaran ke ksharan ke hain. agar log apanaa sadak prayog kaa anushaasan naheen sudhaarate aur agar infraastrakchar par dhyaan naheen diyaa jaataa to kaarban utsarjan badhaane men amerikaa kee bajaay bhaarat ko jyaadaa kosaa jaayegaa.

mekenjee kee ek riport ((The McKinsey Quarterly kee muft men milane vaalee sadasyataa jarooree hogee yah padhane ko) ke anusaar cheen is dishaa men badee saarthak yojanaayen rakhataa hai. aur agar usake anusaar chalaa to vahaan kaarban utsarjan san 2030 men aaj ke star se badhegaa naheen. aap yah riport yahaan se padh sakate hain. is riport men ghataav kaa seeneriyo bataataa hai ki udyog, bijalee utpaadan aur yaataayaat ke kshetron men behatar takaneekee prayog, behatar bhavan nirmaan, bahutaayat men bijalee se chalane vaale vaahanon kaa prayog aur kaarban kaipchar aur storej kee takaneekon se san 2030 men greenahaaus gaison kaa utsarjan 7.8 geegaatan hogaa jo san 2005 men 6.8 geegaatan thaa. aur cheen aaj kee takaneekon ke aadhaar par chalataa rahaa to yah utsarjan 22.9 geegaatan ho jaayegaa!

lekin bhaarat kyaa yojanaa rakhataa hai? koee ghataav kee polisee (abatement scenario policy) bhaarat men banee hai yaa naheen? yahaan to yojanaaon men janataa kee lachar aadaten paleetaa bhee lagaatee hain.

---

kyaa “left”, “raait” naheen hai?

---

main ghar se baahar jaa rahaa thaa. mere daayen haath men breef kes thaa. achaanak yaad aayaa ki maine pars naheen liyaa hai. maine hameshaa kee tarah jor se bolaa – pars denaa. meree 34 saal kee nishthaa se bndhee patnee tejee se bedaroom kee taraf gayeen aur pars le aayeen.

shree jee vishvanaath aur unakee patnee shreematee jyoti. yah post shree vishvanaath kee atithi post hai.

yah unake liye baarambaar kaa puraanaa ruteen thaa – kabhee rumaal, kabhee mobaail aur kabhee kaar kee chaabhiyaan main poket men daalanaa bhool jaataa thaa. poore nisprih bhaav se ve mujhe thamaane hee jaa rahee theen meraa pars.

meraa daayaan haath breef kes pakade fnsaa thaa. so maine baayaan haath badhaayaa pars lene ke liye. ek jhatake men meree grihalakshee ne apanaa haath peechhe kheench liyaa. jaise koee spring lagee ho. khair, mujhe turnt samajh men aa gayaa – main “lakshmee” ko galat haath se le rahaa thaa. is mahaan mahilaa se vivaahit jeevan ke dashakon ke anubhav ne mujhe yah sikhaa diyaa thaa ki koee tark karanaa bekaar hai.

ek saans kheench kar maine apanaa breefakes neeche rakhaa. daayen haath se apane puraane mude-tude pars ko liyaa, jeb men daalaa aur fir breefakes uthaayaa aur ravaanaa huaa.

meraa baayaan haath paramparaavaadiyon ko kyon galat lagataa hai jee? kyon main ise kaee prakaar ke kaaryon ko karane se pratibandhit kiyaa jaataa hoon? yah baraabar ke saaij aur lambaaee kaa hai|

agar maine is haath ko daayen haath kee tarah kaam men laane ke liye apane ko prashikshit kar liyaa hotaa to yah pooraa kaam karataa likhane men bhee. kee-bord par yah daayen haath kee dakshataa ko ungalee dar ungalee baraabaree karataa hai. (vaise main lagabhag 70 shabd pratiminat kee dar se taaip kar letaa hoon.)

vaayalin vaadak aur vainik apane baayen haath kaa prayog sur (nots) nikaalane men karate hain. daayen haath se to keval dhvani nikaalate hain. unakee dakshataa baayen haath men hotee hai, daayen men naheen. baansureevaadak shree hariprasaad chaurasiyaa “ulte” tareeke se baansuree bajaate hain. isake baavajood aur baavajood isake ki haath dhote samay main apane baayen haath ko bhee utane dhyaan se dhotaa hoon, jitane se daanye ko; meraa baayaan haath “asvachchh” “pradooshit” “abhadr” aur “khuradaraa” kyon maanaa jaataa hai?

agar koee sabake saamane baayen haath se khaataa hai to aas-paas ke log ghooratee nigaah se dekhate hain. ek petoo sooar kee tarah thoons-thoons kar khaaye, vah sveekaary hai par ek sabhy aadamee kaa saaf baayen haath se khaanaa jaayaj naheen! kyon naheen? aapane shishuon ko dekhaa hai. ve apanee feed botal dono haath se pakadate hain. keval daayen haath se naheen. maan ke baayen stan se bhee utanaa aur vaisaa hee doodh nikalataa hai, jaisaa daayen stan se.

“left” ko nimn star kaa kyon maanaa gayaa hai? hindoo hee naheen, non-hindoo bhee baayen ko upekshit karate hain. baayen haath se haath milaanaa ashishtataa maanaa jaataa hai. ham “left hainded kompleement” (left handed compliment - prashnsaa kee chaashanee men doobee katu-aalochanaa) kyon dete hain? kyaa ham saamyavaadiyon ko leftist is liye kahate hain ki ham unase aruchi rakhate hain? mailaa uthaane kaa kaam baayen haath ko kyon saunpaa jaataa hai? savere shauch ke baad dhone ke liye baayaan haath hee naamit hai! ek bachchaa jo baayen haath kaa prayog karataa hai, ko hatotsaahit kar daayen haath kaa prayog karane par jor daalaa jaataa hai.

kyaa isakaa bachche par manovaijnyaanik prabhaav padataa hai? kyaa khabboo jeevan men apane ko siddh naheen kar paate? kaee mahaan kriketar baayen haath se khelane vaale huye hain. bil klintan, gairee sobars, sachin tendulakar aadi kaee mahaan khabboo hain.

vivaah ke samay shree aur shreematee vishvanaath

aaratee karate samay daanyaa haath jalate kapoor vaale deepak ko liye rahataa hai aur baanyaa haath ghantee bajaataa hai. kalpanaa karen ki koee isakaa ulat kare.

vah to skendal ho jaayegaa! pujaaree hameshaa daayaan haath prasaad dene ke liye karataa hai. ham bhee daayen haath se prasaad lete hain. baayen se kabhee naheen. haath dono baraabar banaaye hain bhagavaan ne.

ham apane daayen haath se bahut kaam karaate hain aur baayen ko andar yootilaaij karate hain. shaastr kyaa kahate hain is par? maine jaati-varn-dharm ke aadhaar par bhed-bhaav sunaa hai. par ham kyaa shareer ke dishaatmak bhedabhaav ke doshee naheen hain?

meraa jab vivaah huaa, tab meree patnee mere daayen khadee theen. kyaa isee kaaran se ve “baitar-haaf” hain? bas yoon hee soch rahaa hoon!

saadar,
jee vishvanaath
je.pee. nagar, bengalooru

---

praveen paandey kee tippaniyaan kaafee damadaar hotee hain. unase main kah bhee chukaa hoon ki apanaa nijee blog n praarambh kar rahe hon, to bhee vishvanaath jee kee tarah atithi post is blog par thel sakate hain. dekhate hain, kyaa mnshaa hai.

---

udyam aur shram

---

udyamainev sidhyanti kaaryaani, n manorathai.
nahi suptasy sinhasy: pravishanti mukhe mrigaa:॥

aur bahudhaa ham udyam ko shram samajh lete hain. shram par adhipaty laal jhandaa jataataa hai. laal jhandaa maane akaaryakushalataa par preemiyam. usase kaary siddh naheen hote.

maine savaaee maadhopur men ek band seement kampanee ke rivaaival kaa yatn dekhaa hai. baat shuroo huee naheen ki laal jhande pahale tan gaye. lihaajaa ek graam seement bhee n ban sakaa. apane do saal ke us kshetr men pravaas ke dauraan jhaalaavaad-kotaa-baaraan-savaaeemaadhopur kshetr men yooniyan ektivitee se kaee udyogon ko rugn hote dekhaa. (aur vyaapak paimaane par dekhanaa ho to bngaal ko dekhen.) kotaa men sabase badaa udyam bachaa koching indastree, jisame yooniyan yaa shramik niyamon kee dakhalndaajee naheen hai. yah dedh dashak pahale kee baat hai. aaj pataa naheen kyaa dashaa hai vahaan.

aravind ko main self employed udyamee maanataa hoon. apane kakadee-kheeraa-nenuaa-laukee ke khet men udyam kar usane is seejan men ek laakh se jyaadaa kamaayaa hogaa. lakshmeejee kee kripaa rahee hai us par is baar.

udyam (aontrepinyoraship) aur shram(lebar) men kanfyoojan naheen honaa chaahiye. “shram” ke dambh ne shramik kaa bahut nuksaan kiyaa hai. yooniyanaaijd lebar isee dambh aur shram kaanoonon ke rifaarm ke n hone se keval do pratishat par simat gayaa hai. aorgenaaijd lebar aakalan se 30% kam hai isee ke chalate. pichhale dashakon men job kriyeshan jin kshetron men huaa hai – anaupachaarik kshetr men shramik, desh ke baahar ke job, praaivet sektar men job, aaeetee/beepeeo ke job aadi - unamen shramik yooniyanon kaa rol naheen jam paayaa. karmiyon nen svay in kshetron men aruchi dikhaaee hai yooniyan banaane men. aur dhan kaa srijan bhee in kshetro men adhik huaa hai. in kshetron men udyam ne khul kar apanee rachanaatmakataa dikhaaee hai.

shram kaanoonon kee roodhataa ke chalate, bhaarat men poonjee kaa mahatva; baavajood isake ki bahut badee janasnkhyaa kaam maangatee hai; jyaadaa hee hai. poonjee kaa matalab masheenen hain jo mainyoofekcharing aur sarvis ke kshetr men shramik ke sthaan par laaee jaa rahee hain. masheenen n yooniyan banaatee hain, n gairajimmedaar saudebaajee karatee hain. yah jaroor hai ki masheenen mainyoofekcharing (manufacturing) men achchhaa rol adaa karatee hain, par sevaayen (services) pradaan karane men unakee apanee seemaayen hain. lihaajaa kaaryakushal logon kaa vikalp naheen hai. aur baavajood lambee vark-fors ke hamaare desh men sevaayen pyootrid (putrid – sadee-galee) hain.

khair, udyam men poonjee, shram aur dimaag sab lagate hain. bhaarat ko udyamee chaahiyen.

---

ek aur muddaa, jis par main alag (raidikal?) soch bhaav rakhataa hoon, vah aatnk se nipatane kaa muddaa hai. aatnkee nirmam aur barbar hote hain aur unako unheen kee tarah se nipatanaa chaahiye. kepeees gil ne jo pnjaab men kiyaa, shreelnkaa men raajapakshe ne jis tarah se litte ko nipataa yaa chechanyaa men roos ne jis tarah se kiyaa, vahee tareekaa hai. bhaarat men jis prakaar se kasaab ko deel kiyaa jaa rahaa hai – vah naheen jamataa. agar mukadamaa bhee ho to saddaam husain saa honaa chaahiye.

majedaar ho ki is mudde par refarendam karaa liyaa jaaye! aatnkee ke saath shathataa aur aam janataa ke saath nyaay – yah honaa chaahiye. aap agar donon ke saath mulaayam hain to aap yaa to lnth hain yaa parale darje ke kutil!

---

pratispardhaa

---

main muththeegnj men daal ke aadhtiye kee gaddee par gayaa thaa - arahar kee pachaas kilo daal laane ke liye. daal koee aur laa sakataa thaa, par maatr jijnyaasaa ke chalate main laane gayaa.

pratispardhaa karmath vyakti ko aage badhaatee hai. takaneekee vikaas yah faiktar laa rahaa hai bijanes aur samaaj men. yah pratispardhaa uttarottar svasth (naitik niyamon ke antargat) hotee jaaye, to vikaas tay hai.

saamane dukaan ke kamare men do takhte bichhe the. unapar gadde aur safed chaadaren theen. do muneem jee vaalee desken rakhee theen gaddon par. aadhatiyaa jee baithe the aur teen chaar log aur the. kisee ko koee afaraatafaree naheen. alasaayaa saa bhaav.

maine dekhaa ki koee laipatop yaa kampyootar naheen thaa. kisee prakaar se yah naheen lagataa thaa ki ye sajjan kamoditee ekschenj se aon-laain jude hain. en.see.dee.ee.eks yaa em.see.eks kaa naam bhee n sunaa thaa unhonne. koee laind-laain fon bhee n dikhaa. tab maine poochhaa – aap bijanes kaise karate hain? koee fon-von naheen dikh rahaa hai.

bade khush mijaaj sajjan the ve. apanee jeb se unhonne ek saste modal kaa mobaail fon nikaalaa. usakaa disple bhee kalar naheen lag rahaa thaa. nishchay hee ve usakaa prayog maatr fon ke liye karate rahe honge. koee esaemaes yaa intaranet naheen. bolane lage ki isase sahooliyat hai. hameshaa kaam chalataa rahataa hai. pichhalee baar raanchee gaye the rishtedaaree men, tab bhee is mobaail ke jareeye kaarobaar chalataa rahaa.

maine baat aage badhaaee – achchhaa, jab har sthaan aur samay par kaarobaar kee kanektivitee hai to bijanes bhee badhaa hogaa?

un sajjan ne kuchh samay liyaa uttar dene men. bole – isase kampeeteeshan bahut badh gayaa hai. pahale postakaard aane par bijanes hotaa thaa. haftaa-das din lagate the. laindalaain fon chale to kaam naheen karate the. ham log teleegraam par kaam karate the. ab to har samay kee kanektivitee ho gayee hai. graahak aardar men mobaail fon kee sahooliyat ke chalate kaee baar badalaav karataa hai saude ke antim kriyaanvayan ke pahale.

kampeeteeshan – pratispardhaa! bahut sahee bataayaa un sajjan ne. pratispardhaa karmath vyakti ko aage badhaatee hai. takaneekee vikaas yah faiktar laa rahaa hai bijanes aur samaaj men. yah pratispardhaa uttarottar svasth (naitik niyamon ke antargat) hotee jaaye, to vikaas tay hai.

ve to daal ke aadhatiye hain. daal ke bijanes kaa kendr naagapur hai. lihaajaa vahaan ke sampark men rahate hain. usase jyaadaa kamoditee eksachenj men sir ghusaanaa shaayad vyarth kaa soochanaa sngrah hotaa ho. apane kaam bhar kee jaanakaaree thee unhen, aur paryaapt thee – jaisaa unakaa aatmavishvaas darshit kar rahaa thaa. unake paas pndrah minat vyateet kar unake vyavasaay ke prati bhee raag utpann ho gayaa. kitanaa badhiyaa kaam hai? aapakaa kyaa khyaal hai?

aadhat kee gaddee par baith kaam karate shree jayashnkar “prasaad” banane ke chaansej banate hain. par kyaa bataayen, “kaamaayanee” to likhee jaa chukee!

---

amerikan modal se vikaas ke maayane

---

pichhalee paryaavaran vaalee post - "saadaa jeevan aur garm hotee dharatee" men maine aashnkaa jataaee thee ki amareekee star kaa vikaas aur madhy varg men upabhoktaa banane kee lalak paryaavaran kee samasyaayen paidaa kar degee. yah kahanaa, amerikan maanas ko gair jimmedaar bataanaa naheen thaa. yah keval spasht karanaa thaa ki pooraa vishv vikasit ho kar amareekaa naheen ban sakataa. agar banaa to oorjaa aur paryaavaran ke gambheer snkat khade ho jaayenge, jo khade bhee hone lage hain.

duniyaan bhar ke shahar amareekan efluyenjaa (affluenza – sampannataa kaa rog) se grasit ho rahe hain, aur yah sabase badaa snkraamak rog hai. yah thomas freedamaan kaa kathan hai.

aaj ke din men do amareekaa hain – ek uttar-amareekaa men aur ek yorop men. vikasit deshon men naye amerikaa khade ho rahe hain. agale bees saal men 8 amerikaa ho jaayenge.

“koee desh apanee vikaas kee masheen band naheen kar sakataa – yah politikal aatmahatyaa hogee. chunki koee akelaa aatmahatyaa naheen karanaa chaahataa, sab mil kar saamuhik aatmahatyaa ko taiyaar hain.” – nandan neelekanee.

kyaa gngaajee mere jeevan bhar baarahamaasee nadee rah paayengee? yah chitr faafaamaoo pul se liyaa gayaa hai.

prati vyakti upabhog kee dar agar keeniyaa men 1 hai to cheen men 3 aur amerikaa men 32. jab cheen aur bhaarat aur madhy poorv aur ye aur vo bhee 32 ke upabhoktaa star aa jaayenge to oorjaa kaa prayog kitanaa ho jaayegaa?! aur saaraa CO₂ utsarjan – jo vaataavaran men is samay 280 peepeeem se badh kar 384 par hai, kahaan jaa kar rukegaa?

bhaarat men abhee asur kee tarah eendhan khaane vaalee badee kaaren, vyaapak vaataanukoolan, bhojan men shaakaahaar kee bajaay maans kaa adhikaadhik prayog (jisase ann upajaane kee jaroorat kaee gunaa badh jaayegee) aur raajy dvaaraa soshal sikyooritee dene ke kharche jaisee cheejen naheen hain. par yah sab aane vaalaa hai.

amerikaa kee sampannataa dharatee jhel paaee. par us sampannataa ko pooree dharatee par failaanaa (bhale hee logon me amerikaa ke star kee udyamitaa aur vaataavaran ke prati sensitivitee ho jaaye), binaa vikaas ke modal men badalaav ke karanaa saamuhik aatmahatyaa hogaa!

oh! hindee men paryaavaran ko samarpit ek blog kyon naheen hai? vaise paathak rispons ko dekhate huye kah sakate hain ki yah vishay badaa boring (ubaasee ) saa lagataa hai hindee paathak ko!

---

trak parivahan

---

apane javaanee ke dinon men ek kaam jo mujhe kar lenaa chaahiye thaa, vah thaa, ek din aur ek raat trak vaale ke saath safar karanaa. yah kisee trak draaivar-kleenar ke saath snvedanaatmak sambandh sthaapit karane ke dhey se naheen, varan unake relave ke pratidvandvee hone ke naate unake dhanaatmak aur rinaatmak binduon ko samajhane ke liye hotaa. ab lagataa hai ki unake saath yaatraa kar us leval kaa dis-knfart sahane kee kshamataa naheen rahee hai.

trak parivahan men ek faiktar aksham traifik siganaling aur udaaseen traifik pulees-vyavasthaa bhee hai. khainee malataa trefik puleesavaalaa - bade tenatetiv bhaav se haath kaa ishaaraa karataa aur use n maanate huye log, yah drishy to aam hai. apanee len men n chalanaa, galat saaid se ovaratek karanaa, doosaree or se aate vaahan vaale se beech sadak ruk kar konfrens karane laganaa, yah raashtreey charitr hai. kyaa kar lenge aap?

fir bhee, main chaahoongaa ki kisee bijanes egjeekyootiv kaa is tarah kaa trevalog padhane men aaye.

itane intarastet bairiyar hain, itane thaane vaale unako duhate hain. aar.tee.o. kaa bhrasht mahakamaa unakee khalee men se bhee tel nikaalataa hai. fir bhee ve thraaiv kar rahe hain – yah mere liye aashchary se kam naheen. bahut se dabng log trakars bijanes men hain. unake paas apane trak kee reeyal-taaim moneetaring ke gaijets bhee naheen hain. mobaail fon hee shaayad sabase prabhaavashaalee gaijet hogaa. par ve sab uttarottar dhanavaan huye jaa rahe hain.

kis star kee naitikataa rakh kar vyakti is dhandhe se kamaa sakataa hai? ve apanee soshal netavarking ke jareeye kaam karaa lete hon, to theek. par mujhe lagataa hai ki pag pag par vitaamin-aar® kee goliyaan baante binaa yah dhandhaa chal naheen sakataa. jis star ke mahakamon, rngadaaron, naksaliyon aur maafiyaaon se har kadam par paalaa padataa hogaa, vah keval “kisee ko jaanataa hoon jo kisee ko jaanate hain” vaale sameekaran se naheen chal sakataa yah bijanes.

shaam ke samay shahar men trakon kee aavaajaahee khol dee jaatee hai. agar ve chalate rahen, to unakee 40ki.mee.pr.gh. kee chaal se trefik jaam kaa savaal kahaan paidaa hotaa hai? par unakee cheking aur cheking ke naam se vasoolee kee prakriyaa yaataayaat ko cheentee kee chaal par laa dete hain. is akaaryakushalataa kaa tod kyaa hai? yah tod bhaarat ko naye aarthik aayaam degaa.

lade trak par ek din-raat kee yaatraa bhaarateey relave traifik sarvis kee indakshan trening kaa ek anivaary ang honaa chaahiye – lekin kyaa relave vaale meraa blog padhate hain?!

---

saadaa jeevan aur garm hotee dharatee

---

yah post aage aane vaale samay men paryaavaran parivartan, oorjaa kaa prati vyakti andhaadhundh badhataa upabhog aur usake samaadhaan hetu shree sumant mishr kaatyaayan jee ke sujhaaye saadaa jeevan uchch vichaar ke baaren men meree vichaar halachal ko le kar hai.

“saadaa jeevan uchch vichaar” – agar isako vyaapak star par vyavahaaragat banaanaa ho to - keval vaichaarik anushaasan kaa maamalaa naheen hai. isakaa apanaa pukhtaa arthashaastr honaa chaahiye. kabhee padhaa thaa ki baapoo ko harijan bastee men thaharaane kaa kharch bahut thaa. saadaa jeevan jatilataa ke jamaane men kathin hai.

meree ek puraanee post:
kahaan gayee jeevan kee prachurataa
mere hee bachapan men havaa shuddh thee. gngaa men bahut paanee thaa - chhote-mote jahaaj chal sakate the. gaanv men khet baaree taalaab men logon ke ghar atikraman naheen kar rahe the. bisalaree kee paanee kee botal naheen bikatee thee. ...
ek aadamee kee jindagee men hee dekhate dekhate itanaa parivartan?! prachurataa ke niyam (Law of abundance) ke anusaar yah prithvee kaheen adhik logon ko paalane aur samriddh karane kee kshamataa rakhatee hai......

froogaalitee (frugality – mitavyayataa) achchhaa aadarsh hai. par jab arthavyavasthaa 7-9% se badh kar madhy-aay-varg ko badhaa rahee ho aur sab ke man men meediyaa aur vijnyaapan amerikan star ke jeevan kaa svapn bo rahe hon; tab mitavyayee kaun hogaa? paisaa ho aur kharch karane ko n kahaa jaaye to badee aabaadee avasaad kaa shikaar ho jaayegee. amareekan jeevan star kaa aadarsh kaise dimaag se nikaalaa jaaye javaan (aur adhed bhee) peedhee ke man se! aur yah savaal kisee ek vyakti, raajy, desh ke saadaa jeevan jeene kaa bhee naheen hai – jab bhaarat se itar cheen aur saaraa madhy-poorv paise kee badhat se kharch karane par aamadaa ho to maamalaa global ho jaataa hai.

aise drishy badhane chaahiyen dharatee par

madhyavarg kaa badhanaa aur oorjaa kaa prayog badhanaa shaayad samaanaarthee hain. jyaadaa oorjaa kaa prayog aur vaayumandal ko pradooshit karane vaalee gaison kaa utsarjan abhee kaaran-parinaam (cause – effect) najar aate hain. yah sambandh todanaa jarooree hai. us arth men amerikan jeevan shailee kee bajaay any jeevan shailee ban sake to kaam chal sakataa hai.

samatal hote vishv men janasnkhyaa visfot shaayad ruk jaaye. par madhy-aay-varg visfot naheen rukane vaalaa. madhy-aay-varg ko akshama/bhrashta/taanaashaahee saamya/samaajavaad kee taraf naheen lautaayaa jaa sakataa jisamen saadaa jeevan stet diktetaraship ke jareeye aataa hai. ab to pablik traansaport kaa prayog, kamyoon men rahanaa, apanaa upabhoktaa kaa star tyoon daaun karanaa aadi agar madhyavarg ke vyakti ko aarthik roop se mufeed baithataa hai, to hee ho paayegaa. kaarban seekvestreshan (carbon sequesteration) yaa jngalon kee faainenshiyal riport agar arthashaastr ke anusaar tatvayukt huee to vaataavaran sudharegaa. aur antat: aisaa kuchh hogaa hee!

Evan Pickett kaa tartal frog kaa foto.

dharatee par hamaaree dashaa us mendhak sareekhee hai jise bahut bade tave par halke halke garam kiyaa jaa rahaa hai. garam honaa itanaa dheemaa hai ki medhak uchhal kar tave se kood naheen rahaa, sirf idhar udhar sarak rahaa hai. par antat: tavaa itanaa garam hogaa ki medhak tave se koodegaa naheen – mar jaayegaa. hamamen aur medhak men itanaa antar hai ki medhak soch naheen sakataa aur ham soch kar aage kee taiyaaree kar sakate hain.

main jaanataa hoon ki main yahaan bhavishy ke liye samaadhaan naheen bataa rahaa. par main yah spasht kar rahaa hoon ki samaadhaan aatm nakaar (self denial) yaa andhaadhundh amareekee modal par vikaas – dono naheen ho sakate.

---

bhavishy kee or lautanaa

---

ek naee peedhee dekh kar aayaa hoon. usake saath bhavishy kee or lautanaa laajamee hai. naatee hameshaa fundanedaar topee hee pahane thode rahegaa. use is shataabdee ke paar le jaanaa hai is desh ko, duniyaan ko. kaisee hogee duniyaan? kaisee hogee chunautiyaan?

al gor ke shabdon men kahen to dharatee ho bukhaar hai. satat peraasetaamol par chal rahee hai. yah bukhaar chalataa rahaa to shataabdee ke ant tak taapakram 4 digree badh jaayegaa. koyalaa aur khanij tel isee tarah prayukt hote rahe to CO₂ badhatee rahegee. bhaarat kee arthavyavasthaa agar 8% se badhee to jo kaarban utsarjan hogaa, vah paudhon-jngalon ke bas men naheen niyntrit karanaa. dharatee vaasiyon ko uttarottar garmee, sookhaa, baadh, aur toofaanon kaa adhikaadhik saamanaa karanaa hogaa.

uttarottar pend kam honge aur khanij eendhan kaarban utsarjan karataa rahegaa.

nattoo paande ko abhee tak vaataanukoolan se bachaa kar rakhaa gayaa thaa, jisase koee snkraman n ho. par bhavishy men shaayad satat eyarakandeeshan men rahane kee aadat pade.

aur vah eyarakandeeshaning aur garam karegee dharatee ko. mujhe yakeen hai ki nattoo paande paryaapt saksham honge aarthik roop se – meree peedhee se kaheen jyaadaa. par agar unhen netritv^@ karanaa hai apane samaaj aur duniyaan kaa to kaheen badaa chailenj fes karanaa hogaa.

gngaa ke meethe jal kee dolfin (soeens) to mere jamaane men naheen rahee. giddh viluptapraay hain. gauraiyaa aur mor bhee jaa rahe hain. cheen men bhee yaangtsee nadee men paaee jaane vaalee dolfinen vilupt ho gaee hain. nattoo ko kaun kaun jeev saath denge?

al-kaayadaa aur naksalee to shaayad ek dedh dashak men chuk jaayenge. par paanee ke liye jaddojahad nattoo kee peedhee ko jhelanee hogee.

khair, mujhe yakeen hai ki nattoo aur usakee peedhee hamase jyaadaa jimmedaaree se chalaayenge duniyaan ko. unhen in chunautiyon ko n keval jhelanaa hai, par naye noaa kee naav men duniyaan ko bachaa kar sakushal rakhanaa hai.

@ bechaaraa chhatnkeelaal! usapar netritv kee apekshaayen thelee jaa rahee hain!

---

kataraa, ilaahaabaad ke chauraahe par netaraam kee chhat par teevee enteenaa tovar: kitanaa steel lagataa hai teleekom rivolyooshan men?! aap to metala/steel men nivesh kar deejiye! sarakaar banee hai to keval naregaa (neshanal rooral employament gaarantee ekt) se naheen chalegee. infraastrakchar vikaas par dhyaan jaroor degee.

---