meree patneejee apane parivesh se judanaa chaahatee theen – log, unakee samasyaayen, melaa, teej-tyohaar aadi se. maine bhee kahaa ki bahut achchhaa hai. par yah judanaa kisee bhee star par pulees yaa prashaasan se intarekshan maangataa ho to door se namaskaar kar lo. is baat ko pratyaksh parakhane kaa avasar jald mil gayaa. vah vardee vaalaa pulisiyaa dambhee akad ke saath baithaa rahaa muhalle kee melaa-baithak men. meree patneejee ne parichay karaane par usakaa abhivaadan karane kee galatee bhee kar lee. [1]
hamen snskaar mile hain ki agar jhaadoo lagaane vaalee stree bhee theek thaak vastron men saamane aatee hai (aur parichay karaayaa jaataa hai, yaa naheen bhee karaayaa jaataa) to apanee kursee chhod khade ho kar usakaa abhivaadan karanaa hai. naaree kee ijjat sikhaaee gaee hai bachapan se. aur yahaan thaa yah dande kaa jor jaanane aur saanskritika/naitik moolyon se shoony vardee vaalaa!
neech!
nattoo paande kaa dhol bajaataa bnjaniyaa (khilaunaa) jyaadaa maanaveey hai pulees vaale kee apekshaa:
netaaon ne prashaasanik aur pulees sevaaon ko aajaadee ke baad bhee apane faayade ke liye bhaarateey sevaaon ke roop men banaaye rakhaa. agar ye bahut achchhaa prabandhan karane vaalee sevaayen hain to bhaarat itanaa ladar fadar kyon hai? janataa abhee bhee inako demee-gods ke roop men kyon dekhatee hai? kyon hai itanaa bhrashtaachaar? agar yah prashaasan kaa steelafrem hai, to maaf karen, steel jnga/morchaa khaa gayaa hai. khurachiye to morchaa hee nikalegaa. lohaa najar hee n aayegaa. das parasent lohaa bachaa ho shaayad. aur vartamaan naukarashaahee kaa dashamaansh hee shaayad jarooree hai bhaarat ke liye.
bahanajee dalit banaam savarn vaalee varnavyavasthaa badalane kee baat karatee hain. par shaayad jyaadaa jarooree hai ki sarvisej kee varnavyavasthaa kaa tyaag kiyaa jaaye. dukhad hai ki ve; aur badalaav kee baat karane vaalee sabhee paartiyaan; inhee sarvisej kee mathanee se desh duhanaa chaahatee hain/duh rahee hain. koee is mathanee ko naheen chhodanaa chaahataa.
hamaaraa prajaatantr in sarakaaree sevaaon kee savarnataa ko poshit karataa hai. usakee bajaay to raajashaahee behatar! usamen jo bhee gnd ho, is tarah kaa dumunhaapan to naheen hotaa!
[1] yah ghatanaa chh aath maheene pahale kee hai. main isake baare men likhataa bhee naheen; agar ek naaee kee dukaan par bade staail se ek bande ko pulees ko “haraamee” sambodhan dete n sunaa hotaa.
post par ree-vijit:
log kisee sarvis (prashaasan yaa pulees) ko usamen mile achchhe yaa bure logon se aank rahe hain. savaal unakaa naheen hai.
ek bandaa, paryaapt aadarshavaadee, ek sarvis jvaain karataa hai. vah apanaa charitr sarvis ko denaa chaahataa hai. par kuchh hee samay men vah sarvis use nigal letee hai. log jabaree rishvat dete hain aur use dene ke naayaab tareeke nikaal lete hain. vah bandaa "lene" par bhee apane ko eemaanadaar honaa jasteefaaee kar letaa hai. lugaaee aatee hai aur vah suvidhaayen (aur paisaa) chaahatee hai. fir padosee kee saamarthy se tulanaa kaa daur aataa hai. aadarshavaad chen bol jaataa hai. achchhe vyavahaar kaa chhotaa saa dveep bachataa hai - jise vah bandaa apanee kavitaa/snsmarana/pustakon/blog par chamakaa kar taangataa hai.
bladee/shita/neecha/baastarda/badatameej aur aakanth akshamataa men doobee sarvis use leel letee hai. anyathaa, bhaarat ladar fadar kyon hai? :)
inhen kabhee aage se namaste n karen to hee behatar hai. ye dhan ke aage natamastak hain, us ke lie ek baar netaajee ko bhee gariyaa sakate hain. dhan kee sattaa ke pratham vaahak aur rakshak ye hee hain.
ReplyDeletedas parasent lohaa bachaa ho shaayad.'
ReplyDeleteyah das parasent bhee shaayad isaliye bachaa hai ki fir se jng lagane kaa aadhaar banaa rahe.
mujhe inase nafarat hai.
ReplyDeletebahut chhutapan men main jab nanhee saaikal chalaanaa seekh rahaa thaa tab ek din saaikal lekar galatee se pulis graaund men ghus gayaa. us din neech pulisavaale ne itanee see baat par ek saat-aath saal ke bachche ke kaan umethe aur chaantaa lagaayaa, is baat ko jindagee bhar naheen bhooloongaa. maanavataa aur kshamaasheelataa jaaen bhaad men.
shaastron men to pahale hee kahaa gayaa hai ki neech se n to mitrataa karen n hee shatrutaa mol len.
is aaine men ham, aap apanaa aur samaaj kaa cheharaa dekh sakate hain. vah kabhee khud saa kabhee paraayaa najar aataa hai.
ReplyDeleteaajaadee ke baad honaa yah chaahiye thaa ki angrejon dvaaraa bhaarateeyon ke daman hetu banaaee gaee har vyavasthaa ko nakaaraa jaataa. fir chaahe vah pulis vyavasthaa hotee yaa kaanoon athavaa shikshaa kaa maikaale dijaayan. pashchimee itihaasakaaron dvaaraa bhaarateeyon ko neechaa dikhaane ke uddeshy se likhe gaye itihaas ko bhee nakaaranaa chaahiye thaa. saikadon saalon kee gulaamee ne bhaarateeyon kaa jo nukasaan kiyaa us nukasaan kee poorti tabhee ho sakatee thee, jab pratyek kshetr se gulaamee ke maanasik prateekon ko ukhaad fenkaa jaataa. bhaaratavaasiyon ke andar aatmavishvaas jaagrat karane ke prayaas kiye jaate, unhen bhaarat ke gaurav kee yaad dilaaee jaatee. unake andar aatmasammaan, aatmabodh jaagrat kiyaa jaataa aur kaale ko kaalaa, safed ko safed bolanaa sikhaayaa jaataa,. us poore sistam ko jo angrejon ne bhaarat ko gulaam rakhane ke liye banaayaa thaa, nestanaabood kar diyaa jaataa. lekin khed ki aisaa kuchh bhee naheen huaa. mainne kisee aaee0see0esa0afasar kee aapabeetee ke baare men padhaa thaa jisamen usane likhaa thaa ki "jab aajaadee milane ke snket milane praarambh ho gaye to ham sabhee aaee0see0esa0 afasar bade chintit ho gaye. hamen lagaa ki hamane abhee tak bhaarat kee janataa par jaane-anajaane men julm kiye hain, ab kaheen aisaa n ho ki aajaadee milane par ham sab logon ko sevaa men n rakhaa jaaye. is aashnkaa ke saath ham ...... jee se milane gaye. milakar hamen badaa sukoon milaa jab hamen aashvaasan diyaa gayaa ki hamaaree sevaayen surakshit rahengee." mujhe lagataa hai ki ..... jee ne desh kee shaasan-vyavasthaa ko suchaaroo roop se chalaaye rakhane ke liye in afasaron ko banaaye rakhane kaa faisalaa kiyaa hogaa. lekin shaayad unhen yah aabhaas bhee naheen hogaa ki angrejon ke banaaye gaye dhaanche ko barakaraar rakhane ke unake nirnay aage chalakar bhaarat ke nivaasiyon ke liye hee dukhadaaee saabit honge. bhaarat kee pulis ne samay-samay par is ke liye saty pramaanit kiyaa hai.. tippanee ke roop men ek lekh kaa ansh hai. maaf karenge..
ReplyDeletepulis se tees saal pahale mere kuchh katu anubhav yaad aa rahee hai.
ReplyDeletesnkshipt men yahaan itanaa hee kahoongaa ki main apanee motar saaikal chalaa rahaa thaa
meraa takkar ek aur motar saaikal se huaa jis par do pulas ke karmachaaree savaar the.
galatee unakee thee.
fir kyaa huaa?
kahaanee lnbee hai.
fir kabhee sunaaenge.
is samay inakaa kaam duhane kaa hai ....so usake aage kuchh naheen !
ReplyDeletesadaa galaa sistam hai to sarvis bhee to aisee hee hongee .yakeen maanaeeye jab ham shaktishaalee the to kaee aaee.pee.es mujhe namaste karate the insapektar sipaahee kyaa karate hoge isakee aap kalpanaa kar sakate hai .
ReplyDeleteyoon pulis tntr se meraa bhee door kaa naataa hai, aur yah vibhaag sarvaadhik bhrashton kee soochee men snbhavath sabase oopar hai, magar yahaan bhee apavaad svaroop maanav hote hain.
ReplyDeleteneeche dee gaee post kee kadee ek pulisiyaa kee hee hai -
http://kuchehsaas.blogspot.com/2010/03/blog-post_27.html
@ ravi ratalaamee - maine sateesh datt paandey aaee.pee.es. (ritaayard) kee pengvin se chhapee dauraan-e-tafateesh khareedee. is dhyey se ki pulees kaa pulisiyaa paksh bhee dikhegaa. par vahaan yahee so-kold hyooman fes hee failaa deekhaa.
ReplyDeleteyah prashasti gaayan sabhee kee baayograafikal cheej men najar aataa hai. hamaaree turahee (blog) men bhee hogaa.
@vishvanaath jee-bahut jaldee se bataaiyegaa...
ReplyDelete@ratalaamee jee-pulis men apavaad bahut hee kam hote hain matalab n ke baraabar. pataa naheen trening ke dauraan inake dil nikaalakar patthar rakh diye jaate hain kyaa..
jis bhaashaa kaa prayog pulis aapas men karatee hai usase hee usak charitr saamane aa jaataa hai. desh kaa kaanoonee maanyataa praapt sabase badaa maafiyaa sngathan .
ReplyDeleteek misaal yahaan dekhiye ;-
http://www.visfot.com/index.php/voice_for_justice/4193.html
duhane kee laayasens milee huee hai.
ReplyDeletemere ek mitr hain pulis upaadheekshak. shahar men ek aspataal men ek mitr kee patnee aur bachche ko dekhane gaye. binaa vardee men. baahar bheed adhik thee. ek bench par baithane ke liye ek vardeedhaaree sipaahee se thodaa khisakane ke liye kahaa jo poore itmeenaan se pasaraa thaa. nateejaa usane ek bhaddee see gaalee uchhaal dee. saamane se fir gaaliyon kee bauchhaar ho gayee. vardee samajh gayee ki saamane bhee saadaa kapadon ke andar vardee hee chhupee hai..
ReplyDeletesarakaaree sevaayen, svatantrataa ke pashchaat janaman kee aakaankshaaon par aur adhik dubakee lagaa chukee hain. sheeghr hee yah avishvaas avyavasthaa ko badhaa jaayegaa prashaasan ke prati. sudhaar aavashyak hai, bade star par.
ReplyDeletebhaarat me agar kisee ne in pulis vaalo ko paanee bhee pilaa diyaa dayaa kar ke to samajho aafat mol le lee, vese to pulis, netaa, rishvat khor,desh drohee, or naye naye or jaldee jaldee bane ameer sab ke sab...???.. kee aulaad he
ReplyDeletehamaare desh men aaj prashaasan janataa kee bhaavanaaon ke saath khilavaad kar rahaa hai ,oonche padon par vaithe log vyavasthaa ko sudhaarane ke bajaay use bigaadne kaa kaaran ban rahe hain, aapake vichaar bahut umdaa aur chintaneey hain...shukriyaa
ReplyDeletekaee pulisavaale mere mitr hain. unake bhale-bure men shareek hotaa hoon. unase door hotaa hoon to vahee sochataa hoon jo yahon aapane aur any tippaneekaaron ne likhaa hai. kintu jab unake beech hotaa hoon to saaf-saaf anubhav hotaa hai ki unake baare men jo kuchh kahaa/likhaa jaataa hai, vah unake jeevan kaa ek paksh hai, sampoorn jeevan naheen. hon, yah paksh itanaa vyaapak hai ki usane unake sampoorn jeevan ko dhnk liyaa hai.
ReplyDeletebarason pahale, saaptaahik ravivaar ke ek ank men sampoorn upanyaas prakaashit huaa thaa - 'sabase badaa sipaiyaa.' usamen pulis kaa chitran padh kar ek pulisavaalaa mitr padhane ke lie le gayaa. aaj tak naheen lautaayaa. vah upanyaas pathaneey hai. padhenge to paaenge ki aapake/hamaare likhane ke lie kuchh bhee naheen bachaa hai.
prasngavash film gngaajal kaa ek samvaad yaad aa rahaa hai - hamen vaisee hee pulis milee hai, jaise ham hain.
aapane vistrit vimarsh kaa muddaa prastut kiyaa hai - hari kathaa anantaa kee tarah.
ye pulis vaale kyaa apane janm se hee aise hote hain? hamaare isee samaaj se khulee pareekshaa ke maadhyam se usee prakaar chunakar aate hain jaise baakee naukariyon men. fir inakaa charitr ek khaas prakaar kaa kyon ho jaataa hai? yah british shaasan kee viraasat bhar naheen hai, hamaaraa samaaj jis prakaar kee pulis se niyntrit hone ko taiyaar hai vaisee hee pulis hamen mil rahee hai.
ReplyDeletesattaa ke kaaleen par chalane kaa bhaunde tareeqe ke liye janataa zanaardan kaa dosh kam nahee hotaa
ReplyDeletebahut hee saarthak baat ho rahee hai yahaan. jnyaanajee aapakaa dhanyavaad.
ReplyDeletefilahaal itanaa hee kahoongaa ki aapakee post aur tippaniyaan milakar ek kampleet 'food for thot' mil gayaa mujhe. tippaniyon men die hue link khngaal rahaa hoon.
aabhaar
manoj khatree
@bairaagee jee-ham vaise naheen hain, jaisee pulis hamen milee hai.. yadi aap aisaa sochate hain to yah uchit naheen.
ReplyDeletebade sahriday, vinamr aur susnskaarit pulisakarmiyon se badaa najdeekee parichay hone ke baavajood aapakee baat se poorn sahamati hai. hamaaraa samaaj snskaaraheen logon se bharaa padaa hai aur ye begairat jab kisee bhee shakti se snpann ho jaate hain to poore daanav ban jaate hain - chaahe kar vibhaag ho, pulis ho, yaa koi aur vibhaag.
ReplyDeleteree-vijit par ree-teep -
ReplyDeletemere ek pulisiyaa mitr ke saath baat chhatteesagadh kee ho rahee thee jahaan traifik pulis ke roop men badee maatraa men mahilaa pulis kee naee-naee niyukti kee gaee thee. mainne prasann svar men kahaa ki ab jyaadaa maatraa men mahilaaon ke aane se shaayad pulis tntr kee imej thodee sudhare.
mitr ne chhootate hee kahaa - mahilaa pulis to purushon ko bhee aage chhod detee hain tamaam bhrasht kaaryon men. yahaan indeevijualitee kaa koee rol hai hee naheen. tamaam tntr hee bhrasht hai.
post par bhaaree pad rahaa hai ree-vijit. 'achchhe vyavahaar kaa chhotaa saa dveep' kyaa kahane hain.
ReplyDeleteyah tntr kuchh is tarah kaa ban chukaa hai jahaan padhe likhe aaeepeees afasar kee pahalee trening thaane men hotee hai, kyaa hotee hai yah anumaan lagaanaa kathin naheen hai . afasar sipaahee kee maanasikataa ko naheen badhaataa balki usake star par gir jaataa hai.
ReplyDeletejahaan tak mujhe jaanakaaree hai shaasakeey sevaa men do hee aise ang hain jinhe aasaanee se sevaa mukt(terminate) kiyaa jaa sakataa hai pulis aur vidhik ? isake dabaav men baakee prashaasan inase kuchh bhee karavaataa rahataa hai .
ek pulis vaale kaa kathan thaa ki is naukaree se achchhee to veshyaavritti hai .........