hamane padhaa hai ki faintam naamak mashahoor kaamiks kaa charitr bengaalaa naamak afreekee desh (nakshe par naheen milegaa, yah mithakeey desh hai) kaa hai. par hamaare gopaalakrishn vishvanaath jee ko ek any faintam ke darshan unake kaileeforniyaa pravaas men huye. maine unase naheen poochhaa ki unhe daayanaa pomar bhee dikhee yaa naheen. aap poochhane ke liye svatntr hain!
aap unakee is atithi post men unake snsmaranon kee paanchaveen kisht padhen:
ab kuchh nijee anubhavon ke baare men jaanakaaree de doon.
sochaa is baar kam likhoongaa aur chitron ko bolane doongaa.
kepshan : yah hai pados kee ek bahut hee sundar billee jisase mainne baar baar dostee karane kee koshish kee par is ghamandee billee ne har baar meraa dostee kaa haath thukaraa diyaa. koee baat naheen. kam se kam ek din tasaveer lene kee anumati de dee usane.
kepshan: agar pahalee baar safalataa n mile to kyaa, fir yatn karen! (If at first you don't succeed, try again.)
kuchh din baad mainne doosaree billee se snpark karane kee koshish kee. is baar safl huaa.
yah kaalee billee (jisakaa naam thaa fentam - Phantom) roj ek hee samay hamaare ghar ke peechhe ke bageeche men aatee thee aur mujhase dostee karane ke lie raajee huee.
kepshan: ham isase khelane lage the. ek puraanaa tenis kaa gend mil gayaa jo bahut kaam aayaa.
kepshan: ek din bin bulaae, vah ghar ke andar ghus gaee. patnee ko billee se koee lagaav naheen hai. usane billee ko rokane kee koshish kee. par billee (bille) ne kah diyaa, main aapase milane naheen aayaa. ham to vishvanaathajee ke mehamaan hain. :-)
kepshan : bas poore aatmavishvaas ke saath hamaare draaing room ke sofe kee neeche let gaee.
patnee ne mujhe aavaaj dekar aadesh diyaa, tumhaare is dost ko baahar le jaao.
kepshan : ham kahaan maanate patnee kee baat? bas uthaa liyaa use aur godee men rakhakar puchakaarane lage.
naam thaa usakaa vetaal (fentam – Phantom). kaise pataa chalaa? usake gale men pattee baandhee huee thee aur usamen usakaa naam, maalik kaa pataa aur fon nambar bhee likhaa thaa. bade garv ke saath is chitr ko betee ko dikhaanaa chaahaa. usane chetaavanee dee:
khabaradaar jo use kuchh khilaayaa. yadi billee kisee kaaran beemaar ho jaatee hai yaa use chot aatee hai to padosee ham par mukadamaa daayar kar denge! yah bhaarat naheen hai, amareekaa hai!
kyaa huaa yadi amareekee log mujhase dostee karane men hichakate the? kam se kam vahaan kee billiyaan aisee naheen hain. aisaa kyon kah rahaa hoon? mere kuchh katu anubhavon ke baare men bhee aapako bataa doon.
pichhale das saal se meraa naam, kareeb 4 hajaar amareekee logon ko pataa hai. yah isalie ke main kuchh professional yahoo groups kaa bahut hee sakriy sadasy rahaa hoon. aur yah sabhee log mere naam, nivaas-sthaan, aayu, peshaa aur vichaaron se parichit hain. in men se kareeb 100 se bhee jyaadaa log mere achchhe mitr bhee kahe jaa sakate hain kyonki hamaare beech kaafee praaivet patr vyavahaar huaa hai.
yah log bhaarat ke baare men, hamaaree snskriti, itihaas, bhaarat - paakistaan ke beech ho rahee ghatanaaon ke baare men jaanakaaree ke lie mujhe eemel karate the aur uttar dete dete mainne in logon se achchhee dostee kar lee thee. ve log bhee hamase amareekaa men ho rahee ghatanaaon ke baare men hamaaree nishpaksh raay jaananaa chaahate the. yah log meree angrejee se kaafee prabhaavit hote the. inamen se teen aise bhee hain jo kisee kaaran bhaarat aae the aur bengalooru men koee kaam n hote hue bhee keval mujhase milane ke lie ek din bengalooru aae the. mainne unako baaraatee jaisaa treetament diyaa thaa jisakee unhen apekshaa naheen thee.
kailiforniyaa pahunchane se pahale hamane in intaranet ke doston se kahaa thaa ki ham pahalee baar amerikaa aa rahe hain. sochaa thaa inase avasar milane par mulaakaat hogee yaa kam se kam telifon par baat hogee aur hamane inase pataa aur telifon nambar maangaa .
par mujhe niraash honaa padaa. sau se bhee jyaadaa logon men se keval 10 logon ne apanaa telifon nambar aur pataa bataayaa. in sab se meree telifon par baat huee . keval ek mitr ghar se nikal kar, 100 se jyaadaa meel gaadee chalaakar mujhase milane aayaa thaa. do ghnte tak ham baat karate rahe. yah mitr hai kevin (Kevin), jisake saath mainne yah chitr khinchavaayaa.
ek khaas mitr ke baare men aapako bataanaa chaahataa hoon. yah ek mahilaa thee jo kareeb meree hee umr kee thee. inake saath meraa patr vyavahaar sabase jyaadaa thaa. sochaa thaa, chaahe any logon se n sahee, par is mahilaa se avashy miloongaa. par jab pataa maangaa to pataa naheen kyon is mahilaa ne mujhase bachane kee koshish kee! bahaane bhee ajeeb nikale. kahane lagee kee meraa usake yahaan aanaa theek naheen hogaa. usakaa ghar is yogy naheen hai, aur usakee haausakeeping (housekeeping) itanee ghatiyaa hai ki use kisee ko ghar bulaate sharm aatee hai. usane yah bhee kahaa ke usake do kutte bhee hain jo mehamaanon ko kaatate hain.
samajhane vaalon ko bas ishaaraa kaafee hai. ham vahaan naheen gae. telofon par baat karake santusht ho gae.
bhaarat men bhee mere blog jagat ke kaee saare intarnet mitr hain.
avashy, avasar milane par kisee din in mitron se saakshaat bhent karanaa chaahataa hoon aur kuchh logon se bhent ho chukee hai. sapane men bhee soch naheen sakataa ke mere bhaarateey mitr mujhase aisaa vyavahaar karenge jo amareekee doston ne kiyaa.
aaj itanaa hee. sochaa thaa yah antim kist hogee. vishnu bairaagee jee aur smaart indiyanajee to mujhe protsaahit kar rahe hain. yadi kuchh aur dost bhee chaahate hain to ise kuchh din aur jaaree rakhoongaa. apane anubhavon ko aap logon par thonpanaa naheen chaahataa. jnyaanajee kee kripaa hai ham par. paanch kisten bardaasht kee hai. filahaal meraa apanaa blog aarnbh karane kaa koee iraadaa naheen hai. aakhir kab tak unakee udaarataa kaa faayadaa uthaataa rahoon?
shubhakaamanaaen
jee vishvanaath
aur maine vishvanaath jee se kahaa hai ki yah blog unakaa apanaa hee maanen. haan, post kaa din shedyool karane ke maamale men aajakal main kuchh aalasy dikhaataa hoon. aashaa hai ve anyathaa n lete honge. baakee, ve jitanaa man aaye likhen. jab likhane-padhane vaale raajee hain, to ham kaun hote hain fachchar fnsaane vaale! :)
haan, bataur blogar yah jaroor chaahoongaa ki vishvanaath jee apanaa ek blog banaayen!
vishvanaathajee,
ReplyDeleteaapake najariye se aapake anubhavon ko sunanaa bahut rochak lag rahaa hai. jab jnyaanajee raajee hain to aap apane is safar ko jaaree rakhiye, paathakon ko bhee achchhaa lagegaa.
aapake anubhav sunakar badhiyaa lag rahaa hai .....jab tak man kare likhie ....ham padhane kaa pooraa man banaae hue hain !
ReplyDeletebataur blogar hamaaree bhee vahee raay hai ki aap apanaa nijee blog banaaen |
.................. ........bakiyaa to jab jnyaan jee raajee to kaa karegaa kaajee?
kisee din in mitron se saakshaat bhent karanaa chaahataa hoon aur kuchh logon se bhent ho chukee hai. sapane men bhee soch naheen sakataa ke mere bhaarateey mitr mujhase aisaa vyavahaar karenge jo amareekee doston ne kiyaa.
..nishchint rahen aap !!! svaagatam svaagatam !!
anubhav rochak hain. vaise bahaane sachche(virodhaabhaas?) bhee ho sakate hain. pichhale varshon kee aarthik uthaapatak ne kaafee jeevan pooree tarah badal daale hain. vaise bhee maitree kee parikalpanaa desh-kaal ke anusaar kaafee alag hotee hai.
ReplyDeletedo-ek sambhaavanaaen:
beghar kaa vot naheen
ek shaam betee ke naam
@ smaart indiyan - aapakee dono posts dekheen, nishchay hee, mandee ek sambhaavanaa lagatee hai. gahan sambhaavanaa.
ReplyDeleteyadyapi main sarakaaree kshetr men hoon, aur bhaarat men hoon, par mandee ke chalate main bhee ekabaaragee khol men dubak gayaa thaa!
please keep on writting ur guest blog ...I am keeping my tune on for your all forthcoming posts !!!
ReplyDeleteanubhavon ko sunanaa bahut rochak lag rahaa hai.
ReplyDeleteponchaveen kisht paakar (pahale dekhakar aur baad men padh kar) achchhaa lagaa. tasallee huee. apanee post men aapane meraa naamollekh kiyaa isalie aap duniyaa men sabase achchhe aadamee hain. isee tarah 'achchhe aadamee' bane rahiegaa.
ReplyDeleteaapake snsmaranon men bhaashaa kaa aatnk bilakul naheen hai - jaisaa dekhaa, jaisaa lagaa, vaisaa likh diyaa. bhaashaa ke naam par apanee or se koee ghaalamel naheen kar rahe hain aap. iseelie, aapake adhyayan (aabjaraveshan) aur aapake anubhav hee aapakee poston ke naayak hain, aap naheen. yahee in snsmaranon kee visheshataa hai aur aakarshan bhee. kripayaa apane snsmaran, jitane adhik aapake lie sambhav hon, nirantar pradaan karate rahiegaa.
main aapakaa paathak hoon, mitr naheen. kintu bairee bhee naheen. bhaarat men abairee-amitron se milane kaa man ho to ratalaam (madhy pradesh, pashchim relve) aane ke baare men vichaar keejiegaa. meree haausakeeping bhee bahut achchhee naheen hai, so edajastament aapako hee karane padenge.
ratalaam kaa rel-raastaa, jnyaanajee aapako bataa denge. ve yahon afasaree kar chuke hain.
aadaraneey vishvanaath jee ke saath 2 ghnte baithane kaa saubhaagy hai aur pataa hee naheen chalaa ki samay kab furr se ud gayaa, ek thandee havaa ke jhonke jaisaa.
ReplyDeleteyah amerikiyon kaa durbhaagy hai(kevin jee ko chhodkar) jo vishvanaath jee ke satsng kaa laabh n uthaa sake. faintam dekhiye kitanee prasann hai.
taqareeban pandrah baras pahale ek bille ke saath meraa huaa anubhav mere lie badaa bhayaavah saabit huaa, bille ke kaaran naheen, mere apane bheetar bhay ke chalate (abhay ko bahut bhay hain); billaa to mujhase dostee karanaa chaah rahaa thaa, main hee naheen samajh sakaa.
ReplyDeleteis saal mere bhaaee ne ek anaath billee ko god le liyaa, aur jab unake ghar par mainne kuchh din guzaare to us billee ke saath badaa prem aur dostaanaa ho gayaa. abhee bhee usakee yaad aatee hai.
vishvanaath jee ke billee ko god lie hue tasveer bahut pyaaree hai.
vishvanaath jee, rochak prastuti hai, jaaree rakhie.
ReplyDeletekutte kee poonchh tedhee kee tedhee rahatee hai, billee chaahe to seedhee kar letee hai, lekin billee poonchh ainthatee hai aur kuttaa poonchh hilaataa hai.
ReplyDeletevishnu bairaageejee,
ReplyDeletemaine keval aapakaa naam liyaa to main duniyaa men sabase achchhaa aadamee ban gayaa?
ham se achchhe aadamee to aap hain bhaaee.
aap ne hee mujhe sabase pahale protsaahit kyaa.
yah sunakar khushee huee ke meree bhaashaa men "aatnk" nahee hai.
ajee, main is laayak hee kahaan ki kisee padhane vaale ko apanee bhaashaa se aatnkit kar sakoon.
meraa hindee kaa jnyaan to bahut hee seemit hai.
seedhee saadee bolachaal kee bhaashaa hee jaanataa hoon aur usee men likhataa hoon, kyonkee aupachaarik roop se mainne hindee men n BA aur n MA kiyaa hai. bas keval skool men thodee see hindee seekhee thee kyonkee is angrezee maadhyam skool men hindee ek anivaary vishay thaa.
ulataa, kuchh pahunche hue bloggar mitron ke post padhakar main khud aatnkit hotaa hoon.
haal hee men jnyaanajee kee dee huee kadee milane par ek bloggar mahoday ke yahaan gayaa thaa.
padhate padhate paseenaa chhootane lagaa. bhaashaa aur vichaar itane oonche aur amoort ki ek vaaky bhee samajh naheen sakaa.
hindee kaa jnyaanee hone kaa bhram se mukt ho gayaa.
continuued ...
is blog ne meree ahn ko itanee chot pahunchaayee ki ab ek kone men baithakar, apane ghaavon ko chaat rahaa hoon. ab himmat hee naheen hai vahaan fir lautane kee.
ReplyDeletenishchint rahie. hindee bhaashaa men main keval myaanoo karane vaale billee hoon, ek gurraataa huaa sher naheen aur kisee ko aatnkit karane kee kshamataa mujhamen hai hee naheen.
ratalaam aakar aapase milane kaa nimntran ke lie dhanyavaad. kaee baar ratalaam steshan par rukaa hoon, tren se dillee jaate samay.
ratalaam steshan kee chaay aur naashtaa hee ab tak mere naseeb men likhaa thaa. pataa naheen kabhee ratalaam steshan ke baahar aane kaa maukaa milegaa yaa naheen par yadi vahaan aanaa huaa to avashy aap ko bataa doongaa aur milane kee koshish karoongaa. aapakaa "haausakeeping" chaahe kaisaa bhee ho, hamen vishvaas hai ki aap kaa "dil keeping" shreshth hogaa. hamen to aapake dil men jagah chaahie, "haaus" men naheen! aur yadi aap kutte bhee paal rakhe hain to mujhe koee aapatti naheen
unase bhee dostee kar lenge. aap jaise inasaan ke kutte bhee kisee ko kaat naheen sakate.
aapakee is vishesh aur prem se bharee tippanee kaa yah vishesh uttar denaa chaahataa thaa
any mitron kee tippaneeyon kaa bhee do yaa teen din baad uttar bhejoongaa.
shubhakaamanaaen
jee vishvanaath
vetaal kaheen kaa ho, rahataa bhaarat ke jngalon men thaa. kohimaa men. :)
ReplyDeleteaapake snsmaran bahut hee rochak hain..aur andaaj-e-bayaan ekadam sahaj.... kripayaa jaaree rakhen, likhanaa ..ek billee ke saath mulaakaat ko bhee itane sundar dhng se likhaa hai...abhee to yaadon ke khajaane men bahut kuchh hogaa.....aur haan tasveeren bhee bahut achchhee hain.
ReplyDelete`yadi kuchh aur dost bhee chaahate hain to ise kuchh din aur jaaree rakhoongaa'
ReplyDeletevishvanaath jee, lage rahie, koee billee raastaa naheen kaategee :) rochak tathy ke lie aabhaar॥
vishvanaath jee ke lekh se ham sab ko in goro ke baare jarur sochanaa chaahiye, yah bure nahee lekin ek duree rakh kar hee dostee karate he, ham bhaaratiyo kee tarah se nahee ki goraa dekhaa or jhat se chipat gaye,in ke aage palake bichhaa dee,is liye hame bhee in se dostee vesee hee rakhanee chaahiye, or inhe jyaadaa bhaav nahee denaa chaahiye, baakee dusare ki billee yaa kute ko aap kuchh khilaa kar to dekhe..... ham bhaaratiyo jesaa jigaraa duniyaa mai abhee kisee or kaa nahee.
ReplyDeletevishvanaath jee kee baate bahut achchhee lagee shuru se padh rahaa hun, inhone bevaakee se sab likhaa, aashaa karataa hoo aage bhee yuhee likhege, gyaan jee aap kaa or vishvanaath jee kaa dhanyavaad
vishvanaath jee,
ReplyDeleteaap ek safal neteezen hain, aapakaa prem blog lekhakon par bharapoor hai. aise hee aap apane pravaas ke baare men likhate rahen, mujhe aur yahaan kaee logon ko kaafee achchhaa lag rahaa hai..
kevin zaroor pichhale janm men bhaarat nivaasee rahe honge. sau meel se chalakar aanaa sirf prem ke boote hee huaa hai..indaur aane kaa nimntran aapako mil chukaa hai, isase pahale ek nimntran main bhee de chukaa hoon, ummeed hai usapar kuchh vichaar karenge. abhee dedh maheene pahale ek blogar ke shahar sirf isalie pahunch gayaa kyonki unakee likhee kahaaniyaan bahut bhaatee hain. koee kaam naa hone ke baavajood us shahar jaakar jo anubhav huaa usakaa chitran shabdon men naheen ho sakataa. aoto se utarate hee unhonne kahaa - are aapane kahaa hotaa main lene aa jaataa.. mujhe lagaa aapake rishtedaar aapako yahaan drop karenge. mulaaqaat ke baad, unhonne mere laakh manaa karane ke baavajood mujhe apane rishtedaar ke yahaan tak chhodaa.
yah aatmeey rishte hain, ...
aabhaar
manoj
yah chitramay kathaa achchhee lagee .
ReplyDeleteGYAN DUTTJI
ReplyDeleteSADAR NAMAN
AAPKA AMERIKA MEIN SWAGAT KARNE KE SAATH SAATH PAHLE
PRAVEENJEE KO DHANYAWAAD, JINKEE 'TIPPANI' KEE BADAULAT
MAIN AAPKE BLOG TAK PAHUNCHA. SAHAJ ATIMYTA AUR HASYA KEE
RASHMIYON SE NEHLA GAYEE AAPKEE ROCHAK POSTING.
AB ITNEE TAREEF KAR LEE HAI TO AAPSE BAAT KARNE KEE CHAH BHEE PRAKAT KAR LOON.
AGAR NEW YORK PADHARNA HO, TO DARSHAN BHEE HO PAAYENGE.
SHUBHKAMNAON SAHIT
ASHOK VYAS
Punditvyas@gmail.com
PS- NEW YORK STHIT TV CHANNEL ITV KE SAHITYIK KARYAKRIM MEIN "HINDI BLOGGERS" PAR EK YA SERIES OF PROGRAMS BANANE KA VICHAAR HAI, IS SAMABANDH MEIN APNE VICHARON/SUJHAVON/MARG NIRDESHAN SE LAABHANVIT KAREN
@ ashok vyaas - dhanyavaad ashok vyaas jee, yah post shree gopaalakrishn vishvanaath jee kee atithi post hai. main un tak aapake vichaar bhej rahaa hoon.
ReplyDeletepost bahut achchhee lagee,visheshakar billiyon ke kaaran!yadi koee vyakti kutte billiyon ko pyaar karataa ho to vah bhalaa hee hogaa. yadi kutte billiyaan bhee use pasand karen( billee ke maamale men yadi vah vyakti ko jhelane ko taiyaar ho) to vyakti bahut sahee hogaa. so aap utteern hue. badhaaee. yah test praay: achook hotaa hai.
ReplyDeleteamerikaa men hee naheen, bhaarat men bhee ham jaise kutte billee premee kabhee sahan naheen karenge ki koee ajanabee hamaare parivaar ke is chaupaayaa sadasy ko kuchh khilaae. unake aahaar ke prati bahut se log bahut sajag hote hain aur kutte billee viheenon ko bahut see bhraantiyaan hotee hain, jaise billee ko doodh pilaanaa chaahie. billee poornatayaa maansaahaaree hotee hai v shaishav ke baad doodh usake lie upayukt naheen hotaa.
kripayaa use kuchh khilaaiegaa naheen.
foto ke lie aabhaar. mere blaug men bhee bahudhaa v is samay bhee billee kaa foto lagaa huaa hai.
ghughootee baasootee
videshiyon ke saath lambaa patr-vyavahaar (snail-mail) kaa meraa achchhaa anubhav hai par ve adhik nikatataa bardaasht naheen karate. unhen yah bhee lagataa hai ki eshiyan aur afreekee mool ke log unase kisee bahaane paisaa ainth sakate hain.
ReplyDeletemainne apane ghar men koriyan aur fraansisee mitron kee mejabaanee kee hai aur unake hisaab se ghar ko banaane men bahut mehanat chaahie. baatharoom se lekar daayaning tebal tak ko unake upayog ke lie sait karanaa padtaa hai.
amerikans ke saath lambe samay tak nibaah karanaa mushkil hai. mere kuchh mitron ne binaa kisee kaaran ke mujhase snpark tyaag diyaa aur baad men intaranet par milane par bhee berukhee dikhaaee. jab nisvaarth kee mitrrataa ko naheen nibhaa sakate to ghar-grihasthee men unakee sthiti kaa anumaan svath lagataa hai.
yah kisht rochak hai. kisht kee samaapti ke baad bhee chaahoongaa ki vishvanaath jee ko bharapoor padhane kaa avasar milataa rahe.
@Neeraj Rohilla, praveen trivedee, raam tyaagee, abhay tivaaree, manoj kumaar, ajit gupta, Rahul Singh, rashmi ravija, cmpershad, raaj bhaatiyaa, sharad kokaas
ReplyDeleteaap sab ko mere snsmaran padhane ke lie, tippanee bhejane ke lie aur mujhe protsaahit karane ke lie haardik dhanyavaad.
ab aur likhane men mujhe snkoch naheen honee chaahie. pahale dar thaa ke kaheen log bor to naheen ho rahe hain?
kyaa jnyaanajee par bhoj to naheen ban rahaa hoon?
aakhir amareekaa jaanaa aajakal aam baat hai. harek kaa vahaan koee dost yaa rishtedaar hogaa aur meree baaten naee to naheen hain. ab jnyaanajee se bhee anumati mil gaee aur is shrrinkhalaa ko jaaree rakhoongaa kuchh dinon ke lie.
@smaart indiyan
shaayad aap theek kah rahe hain.
aapake donon lekh mainne padhee. maarmik thee.
yadi din achchhe hote to shaayad aur bhee log saamane aate aur mujhase milane kee koshish karate.
@vishnu bairaagee
aapakee tippanee par main pahale hee pratitippnee kar chukaa hoon
ek baar fir dhanyavaad
shubhakaamanaaen
jee vishvaanath
@praveen paandey
ReplyDeletemujhe bhee ve do ghnte yaad hai jab main aapake ke yahaan aayaa thaa.
samay keval aapake lie naheen par mere lie bhee bahut jaladee nikal gayaa thaa.
avashy baar baar milate rahenge, yahee aashaa hai. aur aapako hamaaree revaa gaadee men sair karaane kee ichchhaa bhee hai.
agalee baar patni ko bhee saath le aaoongaa. vah aapakee patni se milanaa chaahatee hai knpost ke baare men adhik jaanane ke lie.
aap relave steshan ke paas shahar ke theek beech men rahate hain par ham to shahar ke dakshin seemaa ke paas rahate hain
main maanataa hoon ke hamen aapake yahaan aane ke avasar adhik milate hai aur aapako yahaan itanee door aane kaa aur koee kaaran naheen hogaa sivaay hamase milane.
to yadi aap kabhee kisee shanivaara/ravivaar ko hamaare yahaan saparivaar aate hain to hamen bahut khushee hogee.
tab tak blog jagat men milate rahenge.
@snjay bengaanee
tippnee ke lie dhanyavaad.
aapase yahaan itane dinon ke baad fir bhent ho rahee hai.
nukkad foram kee yaad hamen sataatee hai.
pnkaj ko bhee meraa namaskaar.
kyaa nukkad kabhee revive hogaa? yadi huaa to hamen kripayaa sachet karen.
yadaa kadaa tarakash blog saait par aataa hoon aur aage bhee aataa rahoongaa.
shubhakaamanaaen
jee vishvanaath
@raaj bhaatiyaa, Manoj Khatri , nishaant mishr
ReplyDeleteaap se sahamt hoon. yah amareekee logon se ham dostee ek seemaa tak hee le jaa sakate hain
hamen yah baat ab hee samajh men aaee.
yadi in amareeki doston ke puraane patr padhakar sunaaoongaa to aap ko bhee unakaa yah asalee rukh se aashchary hogaa.
hamen yah apekshaa naheen thee. smaart indiyan jee ke vichaar se bhee sahamat hoon.
shaayad mandee aur usake kaaran aarthik pareshaanee bhee vajah ho sakatee hain
par Kevin ne compensate kiyaa thaa.
do ghnte baat huee thee. usase meraa das saal se patr vyavahaar chal rahaa thaa.
milane ke ek spataah baad main apane parivaar ke saath, usake faiktaree par gayaa thaa jo kisee paryatak sthal jaate samay raaste men padataa thaa.
vyast hote hue bhee usane ek ghntaa nikaal kar mujhe apanee faiktaree kee sair karaayee.
kuchh aur mitr bhee the jinase telifon par baat huee thee par unake nimntran kee sachchaee/imaanadaaree par meraa vishvaas uth gayaa thaa.
use main keval ek aupachaarikataa maanaa. unake yahaan jaakar dostee parakhane kee himmat naheen huee.
bahaane banaakar apane aap ko bachaa liyaa. gaur talab hai ki ve bhee adhik aagrah naheen karate the.
yahaan bhaarat men to log jor denge, aagrah karenge aur naheen aane par buraa bhee maan jaaenge.
avashy ham log dil se unase jyaadaa dhanee hain aur hamaare rishte adhik mazaboot hote hain.
in doston se ab bhee ee mel sampark jaaree hai.
kuchh log khed prakat kar rahe hain ki ham is baar mil naheen sake par ise to main keval khokhalee aupachaarikataa maanataa hn.
aage satark rahoongaa.
@ mired mirage
ReplyDeleteaapakaa saaeet par jaakar aapakee billiyon se milaa!
bahut pyaaree hain.
kaee logon ko keval kutton se pyaar hotaa hai, billiyon se naheen
hamen donon achchhe lagate hain.
kisee din in donon ke charitr par ek lekh likhanaa chaahataa hoon.
San Francisco chidiyaaghar bhee gayaa thaa aur vahaan ek golamatol roendaar bhed kee peeth sahalaane kaa maukaa bhee milaa thaa.
agalee kiston men chitr prakaashit karoongaa.
blog padhane ke lie aur tippanee ke lie dhanyavaad.
jee vishvanaath
@Ashok Vyas
ReplyDeletejnyaanajeene aapakee tippanee mujhe bhejee.
mere is lekh ko padhane ke lie aur tippanee karane ke lie dhnyavaad. aashaa hai ki aapakaa ullekh mere is lekh se hee hai.
yadi naheen to kshamaa chaahataa hoon.
ham to keval jnyaanajee ke mehamaan hain.
aap unake likhe hue posting bhee padhie.
aashaa karataa hoon unake maanasik halachal aapako rochak lagenge.
meraa apanaa koee thikaanaa naheen hai aur jnyaanajee kaa blog mere lie ek addaa ban gayaa hai jahaan meree kaee rochak hastiyon se mulaakaat huee hai.
aap se milakar bhee mujhe khushee huee.
shubhakaamanaaen
jee vishvanaath
behad rochak snsmaran. aap nirantarataa banaaye rakhen...
ReplyDelete