maine yah post post n kee hotee agar mujhe praveen kee ek naee post ke baare men soochanaa dene kee kavaayad n karanee hotee. yah post draaft men bahut samay se padee thee. aur ab to kaafee ghatanaayen gujar chukee hain. jnyaaneshvaree eksapres ke kaand ke liye baapee mahato ko pakadaa jaa chukaa hai (achchhaa huaa, pakad gayaa, naheen to usake kaamared log samaapt kar dete!)
praveen paandey ne apane blog par naee post likhee hai – 28 ghante. use padhane ke liye aap unake blog par jaayen. yah post padh kar mujhe lagaa jaise nav vivaahit kavi hriday gady men kavitaa likh rahaa ho -
… par tumhaaree aankhen meree or us samay kyon naheen ghoomee jab main chaah rahaa thaa . tumhaaree or dekhate huye tumhaare kandhon ko modnaa chaah rahaa thaa apanee or . lagataa hai, meree aankhon men ab vah bal naheen rahaa jo kheench le tumhaaree drishti, achaanak, balaat, saadhikaar .
mujhe vyagrataa hai ki tumhaaree aankhon ne meree aankhon kee avahelanaa kar dee .
meraa prem rogagrasit hai . pahale to avahelanaa v adhikaar jaise shabd naheen aate the hamaare beech . par pahale to tumhaaree aankhen hameshaa meree or hee mudkar dekhatee thee aur meree yaatraaon ko yathaasambhav chhotaa kar detee thee .…
sarakaaree naukaree men seeniyoritee samay se pak kar milatee hai. jab jooniyar hote hain, to ghar jooniyoritee ke hisaab se chhote milate hain. us samay chhote bachchon ke saath jyaadaa spes – yaanee bade ghar kee darakaar hotee hai. pak kar seeniyar banane par baal bachche kinaare lag gaye hote hain, tab bade ghar milate hain – bade bngale. aur ve itane bade lagate hain ki unake adhikaansh bhaag par bhoot itmeenaan se rahate honge – binaa makaan kiraayaa diye.
sarakaaree naukaree ke baahar dekhataa hoon to paataa hoon ki seeniyaratv umr kee fisalapattee tejee se utarataa jaa rahaa hai. tees – paintees kaa vyakti seeniyar ho le rahaa hai. chaar paanch naukariyaan falaang chukaa hotaa hai. bade jhakkaas padanaam yukt hotaa hai. baink bailens bhee itanaa hotaa hai, jitanaa hamaaree itane saal kee naukaree men n huaa! hamaaree peedhee seeniyarataa ko ped par lage katahal kee tarah dheeme pakaane men nasht ho gayee. aur ab log seeniyarataa leechee kee tarah pakaane lage hain!
akhabaar men hedalaains dekhee ki jnyaaneshvaree eksapres ke kaand ko seeniyar maaovaadee ne haree jhandee dee thee. jijnyaasaa vash khabar padhee to pataa chalaa ki yah seeniyar maaovaadee, koee jayant naamadharmee vyakti un baithakon kee aguaaee kar rahaa thaa, jinamen yah tay huaa thaa ki relagaadee giraaee jaaye.
is jayant kee umr bhee likhee thee – baaees saal! san 2003 men vah bhartee huaa thaa naksal aandolan men; pandrah saal kaa thaa tab. ab vah seeniyar ho chalaa hai. jayant jee ne rel giraaee/giravaaee ho – yah to jaanch tay karegee. hamen to maatr usakee umr aur usakee seeniyoritee se lenaa denaa hai! jaambee thaanaa ke amachooriyaa gaanv ke jayant kee seeniyoritee ko dekh eershyaa hai. rel chalaane men seeniyoritee hamen itane samay baad milee aur rel giraane men seeniyoritee jayant maatr baaees varsh kee umr men paa gaye!
sach men, ek shaanadaar fisalapattee paa gayaa hai seeniyaratv!
