bhaarateey rel yaataayaat sevaa ke vaarshikotsav par geet gaate shree vivek sahaaya; sadasy yaataayaat, relave bord. vah jamaanaa sattar-assee ke dashak kaa thaa jab sarakaaree grup e sevaa kaa bahut vajan huaa karataa thaa. mujhe em vee kaamath kaa ek akhabaar men lekh yaad hai ki skoolee shikshaa men mairit list men aane par ladake desh nirmaan kee bajaay sarakaaree sevaa men ghus kar apanee pratibhaa barabaad karate hain. aur jab yah lekh main padh rahaa thaa, tab sarakaaree sevaa men ghusane kaa man banaa chukaa thaa.
khair, mere man men sarakaaree naukaree kee maatr job sikyoritee bhar man men thee. yah sattar ke dashak ke uttaraardh aur assee ke poorvaardh kee baat hai. par mere bahut se mitr aur unake abhibhaavak sarakaaree afasaree ke glaimar se bahut abhibhoot the. dukhad yah rahaa ki unamen se bahut se lambe samay tak reeknsaail hee n kar paaye ki ve demee gods naheen hain aur shesh karmachaaree unakee prajaa naheen hain! unamen se bahut se avasaad grast ho gaye aur kaee vichitr prakaar ke khabtee ban gaye.
ham kabhee-kabhee-kabhee bhee demee gods naheen ban paaye! aur meree patneejee to bahudhaa kahatee hain ki tum khush kismat the ki tumhaaree naukaree lag gayee thee, anyathaa tum kisee kaam ke n the. yah vah itanee baar kah chukee hain ki main achetan men is par yakeen bhee karane lagaa hoon.
khair, aam janataa men abhee bhee ham log taait lipd, ghamandee aur ghonghaa (jameenee yathaarth kee samajh se door) maane jaate hain. par taait lipd sivil sevaa ke log bhee jab khulate hain to bindaas khulate hain. is baare men mere ek saath ke adhikaaree shree pradeep sndhoo ne bhaarateey rel yaataayaat sevaa (IRTS) ke vaarshikotsav kaa veediyo link ee-mel kiyaa. usamen hamaare sadasy yaataayaat (Member Traffic) shree vivek sahaay gaanaa gaa rahe hain. sadasy yaataayaat yaanee IRTS kaa sheershasth afasar. aap jaraa veediyo dekhen – theek thaak hee gaa rahe hain shree sahaay – ye hothon kee baat chup hai --- khaamoshee sunaane lagee hai daasataan!
pradeep sndhoo relave sevaa chhod aaee.bee.em. main sevaarat hain. unakaa kahanaa hai ki agar is tarah kee khulee chhavi dikhaane vaalaa veediyo shree vivek sahaay ko pasand n aayaa to vah ise yoo-tyoob se utaar denge. yadyapi unakaa kahanaa hai -
… vyaktigat roop se meraa maananaa hai ki yah achchhaa udaaharan hai ki ham apane sabase seeniyar kaa sajjan cheharaa prastut karen - apane do laakh se adhik karmiyon ke saamane; jinhen ve netritv pradaan karate hain, aur aisaa karane se behatar teem bhaavanaa ko bal milegaa …
dekhate hain; agar rel yaataayaat sevaa demee gods kee maanasikataa vaalee pramaanit hotee hai to yah veediyo utar jaayegaa! par meraa maananaa hai, vaisaa naheen hogaa. veb 3.0 ke jamaane men sarakaaree sevaayen vaisee insyular naheen raheen! afasaron kee chhavi men bahut badalaav hai.
taait lipd .
ReplyDeletebahut hee sahee aur saaragarbhit prastuti...aur ekadam praktikal baaten aur mudde ko aapane chhuaa hai....
ReplyDelete.
.
http://laddoospeaks.blogspot.com/2010/03/blog-post_27.html
unamen se bahut se avasaad grast ho gaye aur kaee vichitr prakaar ke khabtee ban gaye.
ReplyDeletesarakaaree tntr vyakti ko jadataa hee pradaan karataa hai
sundar aalekh
geet sundar rahaa hoon karnapriy hai
aam janataa men abhee bhee ham log taait lipd, ghamandee aur ghonghaa (jameenee yathaarth kee samajh se door) maane jaate hain...
ReplyDeletejanataa men yah chhavi ab badalane lagee hai ....aakhir sahajataa se koee kab tak bhaag sakataa hai ....
sarakaaree afasaron kaa kalaa paksh yahaan bhee dekhaa jaa sakataa hai
http://paraavaani.blogspot.com
dukhad yah rahaa ki unamen se bahut se lambe samay tak reeknsaail hee n kar paaye ki ve demee gods naheen hain aur shesh karmachaaree unakee prajaa naheen hain!
ReplyDeletematalab aam janataa yahaan nadaarad hai! sarakaaree karmachaaree aur adhikaaree aam janataa ke sevak hain. unako shakti,adhikaar aur any suvidhaayen aam janataa kee sevaa ke liye milee hain. yah baat jab tak sahee tareeke se n samajhee jaayegee tab tak sab aise hee ainthoo samajhe jaayenge. imej badalanaa bahut mushkil kaam naheen hotaa khaalee jaroorat hotee hai ki sahee bhaavanaa se kaam kiyaa jaaye aur naatak se door rahaa jaaye.
aaj ke jamaane men agar apane ko koee adhikaaree karmachaariyon kaa demee god samajhataa hai to usase bevakoof aur ghaamad shaayad hee koee mile. vyaktigat vyavahaar kee baat hataa den lekin samooh ke roop men kisee bhee snsthaan ke karmachaaree prajaa to kattaee naheen hain.
veediyo utaranaa to naheen chaahiye. naam hataa den aur saath ke log n dekhen to kaun kah paayegaa ki yah kisake honth hain aur kisakaa galaa hai.
geet atyant madhur aur hriday se udgamit hai .
ReplyDeletegeet ke bolon ko dekhen to ek bhaav to shrringaar kee or ingit karataa hai aur doosaraa hamaare demeegodeey aavaran ko shanai shanai utaarataa huaa prateet hotaa hai .
haan, british raaj kee viraasat hai hamaaree aisee chhavi banaane men jo ki naagarikon ke man bhaavon ko n samajhane vaalee lagatee hai . par yah nishkarsh poorn naheen . kaaryaalayon men log aate hain aur achambhit tab hote hain jab unake kaary turant hee nishpaadit ho jaate hain . unakee khushee par ham bhee alp-abhimaan kar lete hain, ab kadaachit yahee demeegodeey tatv shesh rakhaa hai hamane .
sarakaar men padasth adhikaariyon se mil ke to dekhiye, aapakee hee tarah gaate, gunagunaate, muskaraate, aapakee samasyaaon par hriday udelate aur apane aap ko vyakt karate huye mil jaayenge . kuchh demeegod hain par ve ab oonchaaiyon ke ekaant men hain .
khud raajaa banane kaa yah shauk jo n karaaye vahee kam hai.
ReplyDeletebhaabheejee kee baaton men ab yakeen ho chalaa hai. kyaa yah ek prakaar kaa staakahom sindrom to naheen. geet theek thaak lagee.
ReplyDeletedaa. mahesh sinhaa kee ee-mel se praapt tippanee:
ReplyDeleteaam aadamee ke lie to sarakaaree afasar khudaa se kam naheen .vaise bhee rel apane karmachaariyon ko jeetanee suvidhaa detee hai any koee sarakaaree vibhaag naheen detaa . ek jamaanaa thaa jab log naukaree karane ko achchhaa naheen maanate the aur usame bhee rel, mel aur jel se door raho kahaa jaataa thaa .
paandey jee, saadar yahee kahanaa chaahataa hoon ki apavaadon ko chhodakar saare sivil aur pulis afasar apane liye raajaa se kam naheen samajhate aur aisaa karate bhee hain. yadi ve snvedanasheel hote to samaaj aisaa n hotaa jaisaa aaj hai.
ReplyDeletedev ,
ReplyDeleteaapako gaate hue sunaa par theek theek cheharaa naheen dekh paayaa .. deekhataa to aur majaa aataa ..
taait lipd, ghamandee aur ghonghaa ........... aadi aadi to sunanaa hee hotaa hai , antath
geet kee pnktiyon kaa sach hee bachataa hai ; '' n tum mujhe jaano , n main .......... ''
'' sivil sarvisej '' par kyaa kahoon , main bhee to apane jismo-jaan par us jamaat men
daakhilee ke poorv kaa rndaa chalaa rahaa hoon ! chhilataa jaa rahaa hoon , jaane kitanaa chhilanaa baakee hai !
jabaki yah sach aapane sateek hee bayaan kiyaa hai ---- '' ...... pataa naheen antat: kyaa dashaa rahee
hogee us mahilaa aur us sapoot kee; par use moh bhng avashy huaa hogaa '' ........... aabhaar !
veb 3.0 ke jamaane men sarakaaree sevaayen vaisee insyular naheen raheen! afasaron kee chhavi men bahut badalaav hai.
ReplyDeletebilakul aayaa hai jee, afasar kyaa aur mntree kyaa, aajakal sabhee blog likhane padhane lage hain, tvittar par chahakane lage hain, ee badalaav hee to hai! :)
n jaane kyoo shuruaat se sarakaaree naukaree se chidh thee.. aas paas ek ajeeb see daud dekhee thee isake liye.. sabako demee gods bananaa thaa aur hamaare yoopee ke samaaj me ye kahanaa faishan hai - "sivil kee taiyaaree kar rahaa hoo...."
ReplyDeletebaad me vo sarakaaree naukaree ke naam par kisee bhee gred kee naukaree karate hue paaye jaate hai, nahee to kisee skool ke teechar aur vo apane vidyaarthiyo ko
bhee vahee demee gods banane ke hee sapane dikhaate hai..
ham povar bhakt log agar shikshako ko demee gods maanate to kitanaa achchhaa hotaa.. aaj hamaaraa best tailent vahaa hotaa aur vo n jaane kitano ko reeyal god banaataa..
jnyaan jee, aapake ek vidyaarthee praveen paandey ko jaanataa hoo.. fir aise n jaane kitane hote!!
P.S. soree agar main topik se bhatak gayaa hoon to :( fir bah gayaa bhaavanaao me..
bach gaye aap !!
ReplyDeletebhaabhee jee sach hee bolatee hongee jee.....:)
ReplyDeletekshamaa ;
ReplyDelete'' Indian Railways. Song sung by Me .....'' itanaa hee likhaa dekhaa aur mati lodhaay gayee :)
maan baithaa thaa ki aap hee gaa rahe hain ...
ab meree saaree baaten sahaay jee par ! aabhaar !
ye demee gods kee maanasikataa vaale har jagah mil jaate hai | sarakaaree kshetr men naheen nijee kshetr kee kampaniyon men bhee is maanasikataa vaale adhikaaree bhare pade hai | kaee baar is maanasikataa vaale taait lipd, ghamandee aur ghonghaa taaip adhikaaree jab kisee din kisee nijee kampanee men mil jaate hai tab main unake baare men sochataa hoon yahaan nijee kshetr men inakaa ye haal hai to ye yadi sarakaaree naukaree men chayanit ho jaate to inakaa vyavahaar kaisaa hotaa ?
ReplyDeletetheek kahaa aapane, kendreey sevaa - vah bhee prashaasanik, pulis yaa any snbandhit sevaaen - aur hindeebhaashee pradesh! yah sevaa aisee hee samajhee jaatee thee jaise shikshaa ke baare men sookti padhee thee bachapan men - "kim-kim n saadhayati kalpalatev vidyaa" aur agar aap in sevaaon men naheen hain to aap prajaa to hain hee, bhale hee bheetar rah kar bhee raajaa n ban paanaa aapakee naisargik ayogyataa - akshamataa ho.
ReplyDeleteapanee ek puraanee vyngy rachanaa yaad aa gayee -
"afasaron kee qaum men paidaa huaa hoon
bhains ho yaa aql, donon se badaa hoon
baaqee teeelabeees (TLBS)
paapaajee ke ek chaparaasee ki yaad aa gaee ise padhakar.. ham jab bhee patanaa se bikramagnj jaate the to vah ham bachchon ke charan chhoone daudte the, chamachaagiree se naheen pooree shraddhaa se.. kaafee umr thee unakee, 60 se adhik hee rahe honge.. aur jab bhee vah aisaa karate the tab ham bachche sharm se paanee-paanee ho jaate the.. kitanee baar bhee samajhaayaa magar unakaa kahanaa hotaa thaa ki aap raajakumaar log hain..
ReplyDeleteab sochataa hoon ki shaayad angrejon ke jamaane men saamnton yaa bade adhikaariyon ke maatahat kaam karane vaale aise hee karate honge jis kaaran yah god vaalee prathaa par log vishavaas karane lage honge.. magar jmaanaa ab bahut badal chukaa hai..
hamane ek achchhee naukaree iseelie chhodee kyonki mujhe lagaa saamane vaalaa khud ko demee god maan kar mujhase baat kar rahaa thaa aur vaise hee vartaav ki mujhase ummeed bhee lagaa rahaa thaa..
geet achchhaa gaa rahe hain.. unase kahiye ki indiyan aayadal kaa aodishan chal rahaa hai, usame traaee karen.. ;)
geet hataane kee koee vajah najar naheen aatee hai.
ReplyDeleteyah sahee hai ki kitane hee afasar apane aapako demee god maane baithe hain..fir ritaayarament ke baad pachhataate hain.
ham kabhee-kabhee-kabhee bhee demee gods naheen ban paaye! aur meree patneejee to bahudhaa kahatee hain ki tum khush kismat the ki tumhaaree naukaree lag gayee thee, anyathaa tum kisee kaam ke n the. yah vah itanee baar kah chukee hain ki main achetan men is par yakeen bhee karane lagaa hoon.
ReplyDeleteaapake is aalekh kee kaee baaten bahut kuchh likhane ko prerit kar rahee hain. par aaj jyaadaa likhane ke mood men naheen hoon. bas oopar jo likhaa hai vah aaj bhee bhoganaa / jhelanaa padaa jab gngaa sagaar se lautate vakt sarakaaree bhesal (vahaan ke log is steemar ko yahee kah rahe the) lo taaid ke naam par chhootane ko tayaar nahee thaa aur paaivet vaale hamen le jaane ko taiyaar naheen the to shreematee jee kah raheen theen tum kisee kaam ke naheen ho.
aur udn tastaree jee ne kitanaa sahee kahaa hai ki yah sahee hai ki kitane hee afasar apane aapako demee god maane baithe hain..fir ritaayarament ke baad pachhataate hain.
ReplyDeletevah jamaanaa sattar-assee ke dashak kaa thaa jab sarakaaree grup e sevaa kaa bahut vajan huaa karataa thaa.
ReplyDeleteman naheen maan rahaa ath is ukti par bhee apane anubhav sheyar kar loon ... haan vajn itanaa thaa ki rijlt nikalate hee binaa nambar kee braand nyoo gaadee ke saath ladkee ke pitaa rishtaa banaane aate the. faaundeshan kors ke dauraan vajnee logon ko pachaas laakh se ek karod men bikate dekhaa. mere jaise graameen vaataavaran se aae log un demee gaadon ko dekh dekh pareshaan hee rahataa thaa.
aur in demee gaadon ko baad men apane maatahaton se kabhee anushaasanik kaarravaaee ke naam par, to kabhee kisee ko naukaree dilaa dene ke naam par to kabhee traansafr-posting ke naam par blesings baantate dekhaa to in devataaon ke charanon men sheesh shraddhaa se nat mastak hee ho gayaa.
yah bilakul sach hai ki sarakaaree adhikaaree khud ko adheenasth karmachaariyon aur naagarikon kaa raajaa hee maanate hai. akhil bhaarateey sevaaon (aaeeees, aaeepeees, aaeeaaraes, aaeeaarateees aadi aadi) ke adhikaariyon ke to jalave hee alag hote hain. rel adhikaaree ek khaas maayane men alag hote hain. ve to jis shahar men naukaree karate hain, us shahar se apanaa koee naataa-rishtaa-vaastaa maanate hee naheen. mere kasbe kaa rel mandal kaaryaalay maano mere kasbe kaa naheen, kisee aur hee duniyaa kaa hissaa hai, apanee ek alag duniyaa kee tarah, samandar men taapoo kee tarah. yah tab bhee vaisaa hee thaa jab aap mere kasbe men afasaree karate the aur aaj bhee vaisaa hee hai.
ReplyDelete........tum khush kismat the ki tumhaaree naukaree lag gayee thee, anyathaa tum kisee kaam ke n the. yah vah itanee baar kah chukee hain ki main achetan men is par yakeen bhee karane lagaa hoon.
ReplyDelete......i kaa kah rahe hain?
jeevan ke samar kee raah vichitr hai. om prakaash aadity kaa ek vyngy
ReplyDeleteek laalaa jee se meree mitrataa huee thee yaaro
shuroo me mile the ham dono san saath me
jeevan ke samar kee raah chunane ke liye
dono ne vichaar kiyaa baith kar baat me
saahity kee sevaa ke liye main ghaat pe gayaa
laalaa gaye sadar bazaar ek haat me
laalaa jee ne lohaa benchaa, maine ek dohaa likhaa
laalaa ab thaath me hai, mai padaa hun khaat me.
...... kitane hee afasar apane aapako demee god maane baithe hain..fir ritaayarament ke baad pachhataate hain.
ReplyDeleteNo harm living half your life in illusion (khushfehmi).
vel, pichhalee post kee tarah is post par kuchh kahate naheen ban rahaa. us dashak tak hee naheen abhee bhee yahee haal hai. ek tipannee men mainne kahaa thaa... mere kalig kahate hain chalo darogaa hee ban jaate hain :)
ReplyDeletemere kaee dost hai sivil sarvises ke adhikaaree kuchh trening men, 2-4 sarvis men bhee. mere ek dost kahate hain 'adhikaaree ban kar main to vaise kaa vaisaa rah gayaa, kaheen aur bhee hotaa to aisaa hee hotaa baakee mujhe jaanane vaale sabhee bade log ho gae, koee aaeees kaa pitaa koee maan to koee dost !' aur log bhee milane aate hain: 'tumhaare pitaajee se to hamaare bade ghanishth sambandh the, jaraa khayaal rakhanaa betaa'. aur moh bhng kaa to aisaa hai ki hamen vo aur unhen ham (praaivet naukaree vaale) achchhe lagate hain (kam se kam aaj ke jamaane men). aur mainne apane dost ko salaah dee kee kar lo trening... kuchh din sarvis... kuchh aur padhaaee aur aa jaao hamaaree taraf hee :)
hamase farst iyar men kisee ne poochhaa kyaa karoge? mainne kahaa 'staits men peeechadee' vo kanfyooj ho gayaa... 'aaeeees kee taiyaaree naheen karoge?' vel... mainne peeechadee naheen kee aur vo aaj aaeeaaraes hai. ilektiv korson ke saath-saath mere interest badalate gae. khair filahaal to donon hee sntusht taaip hain... kabhee-kabhee instaint asntushti ko chhodakar. apanaa koee us tarah kaa moh to thaa naheen, usakaa bhng hone men thodaa taaim lage shaayad :)
"aam janataa men abhee bhee ham log taait lipd, ghamandee aur ghonghaa (jameenee yathaarth kee samajh se door) maane jaate hain" sunaa hai sarakaaree aofisars kee lokapriyataa kaa ek mejarament ye bhee hotaa hai ki unhonne kitane logon kee naukaree lagaaee :) hamaare gaanv men poore ilaake ke log bahut gaalee dete hain un aofisars ko jinhonne kisee kee naukaree naheen lagaaee... paisaa lekar lagaane vaale kee jyaadaa ijjat hotee hai naa lagaane vaale se !