| maine praveen paandey se vindoj mobaail men hindee kee-paid Eyron(mobile keyboard) kaa prayog kar hindee farraate se likhane kaa jugaad poochhaa. jo upaay bataayaa, use saral hindee men kahaa jaayegaa – abhyaasayog. jitanaa prayog hogaa, utanaa tej banegaa aujaar. mene sochaa, yah iti hogee ee-mel vaartaalaap kee. par hindee ke prayog par praveen ne ek atyant stareey post likh daalee hai. aap yah post dekhen. |
bachapan men hindee varnamaalaa seekhane ke baad jab aanglabhaashaa seekhanee praarambh kee to vaishaakhiyaan hindee kee hee theen. ’Apple’ abhee tak dimaag men ’eppal’ ke roop men dhnsaa huaa hai. ek bhaashaa se doosaree bhaashaa ’lipyntaran’ (Transliteration) ke maadhyam seekhanaa svaabhaavik hai. angrejee seekhanaa any bhaashaayen seekhane se aur bhee kathin thaa kyonki yahaan jo likhaa jaataa hai vahee bolaa naheen jaataa hai. dugunaa parishram. sochaa ki antarraashtreey bhaashaa hai, parishram to karanaa hee padegaa. bhaukaal thaa. koee kaheen angrejee men sarapatiyaataa thaa to lagataa thaa ki jnyaan, faishan aur aakarshan teenon ek saath avatarit ho gaye hain. ek baar savaaree karane ke baad to binaa hindee kee sahaayataa ke angrejee ke ghode sarapat daudaane lage yadyapi bolanaa seekhane men do dashak aur lag gaye.
 |
 |
| is kunjeepatal ko ab bhaarat sarakaar ne bhee aadhikaarik ghoshit kar diyaa hai . Eyron(mobile keyboard), Microsoft, shabdakosh.kom v any ne bhee isee le-aaut ko maan liyaa hai . |
abhee tak hindee aur angrejee dono hee man men svatantr roop se jee rahee theen. koee vyavadhaan naheen. jahaan ek or shikshaa, pareekshaayen aur prashikshan aadi angrejee men beet rahaa thaa vaheen doosaree or abhiruchiyaan, lekhan aur paathan maatribhaashaa hindee men magan theen. sauhaardapoorn sahaastitv. pustaken padhate the aur daayaree men likhate the . kaagaj ne bhee kabhee hindee-angrejee kaa bhed naheen kiyaa, donon ko samaan roop se sveekaar kiyaa aur prastut kiyaa.
samasyaa tab praarambh huyee jab kampyootar aur intaranet kaa praadurbhaav huaa. angrejee jnyaan ke kaaran is kshetr men ham bhaarateey bahut aage badh gaye. taarkik kshamataa se yukt bhaarateey saare vishv men chhaane lage. angrejee dvaaraa shaasit is kshetr men hindee kee dashaa fir bhee dayaneey rahee. us samay silikaan vailee men hindustaanee apanee pratibhaa ke pataakhe chhodne men vyast the.
sabase pahale font kee samasyaa aayee. prayaas jo bhee the, saraahaneey the par bikhare the. har font ke liye alag alag kunjeepatal. pahalaa taaip karane men samasyaa, use doosare kampyootar men padhne ke liye font ke saath lod karane kee samasyaa aur un sabase yadi ubar liye to intaranet par apalod karane kee samasyaa.
yah post shree praveen paandey kee budhavaasareey atithi post hai. praveen bengaluroo rel mandal ke varishth mandal vaanijy prabandhak hain. seedaik naamak snsthaa ne is dishaa men samyak prayaas kiye aur aon-skreen hindee kunjeepatal taiyaar kiyaa. googal mahaaraaj ne apanee vistaaravaadee neeti ke antargat hindee ke liye ek traansalitareshan (Transliteration) kaa maadhyam taiyaar kiyaa jo ki badaa daataabes hone ke kaaran sarvar besd thaa aur intaranet ke maadhyam se hee chalataa thaa. usee ko aur vikasit kar kuchh dinon pahale ek aur softaveyar aayaa hai jo ki aof laain bhee kaary karane men saksham hai aur Word based hai. baraaha/baarah kaa bhee softaveyar aayaa jo ki vahee kshamataa rakhataa hai par vah Characters based hai. yah achchhee baat huyee ki jo font aayaa vah yooneekod thaa aur vah har jagah chal sakataa th.
bachapan kaa badalaa aaj nikaalaa jaa rahaa hai. jo kal tak vaishaakhee thee aaj usee ko vaishaakhee kee aavashyakataa pad rahee hai. aaj yadi hamen 'seva' likhanaa hai to 'sev' taaip karanaa padegaa aur vahee man men dhnsaa huaa hai. yadi aap ’kshamaa’ yaa ’jnyaan’ jaise shabd sahaj roop se likh sakate hain to aapako hindee men dokteret paane kaa poorn adhikaar hai. ek akshar likhane ke liye teen chaar baar kunjeepatal dabaanaa padtaa hai.
kampyootar men to fir bhee thodaa sthaayitv aa gayaa hai, mobaail jagat men abhee bhee hindee kaa naamalevaa koee naheen hai. yadaa kadaa koee esaemaes hindee men aataa hai to vah bhee dabbaakaar banakar rah jaataa hai . mobaail men hindee kunjeepatal hai hee naheen. tachaskreen seton men aonaskreen kunjeepatal vindo mobaail chhodkar kinhee aur seton men naheen hai. vah ek ijraayalee kampanee (jee, haan! bhaarateey naheen) ne vikasit kiyaa hai. aaeefon ne to hindee yaa kisee any bhaarateey bhaashaa ko is yogy naheen samajhaa ki jinakaa saport unake dvaaraa vikasit kiyaa jaaye. hindee ke bhavishy kaa saaraa daaromadaar ab kis par hai, kisee ko pataa naheen . ham kadaachit us samaaj kaa ang ho chuke hain jise jo mil jaaye usee men prasann rahanaa aataa hai.
kuchh dinon pahale Indic inscript keyboard par taaip karane kaa prayaas kiyaa. samay adhik lagaa par sntushti milee. apanee bhaashaa taaip karane ke liye angrejee kee sahaayataa n lene kaa hath bachakaanaa ho sakataa hai par dheere dheere taaiping kee gati bhee sudhar jaayegee aur man kee gat bhee.
yah teen saal pahale thaa, jab maine kampyootar par pahale pahal hindee men likh kar blog par post kiyaa thaa – faravaree 22’2007 ko. kyaa sanasanee thee.
aur kal raat mobaail fon par ukt Eyron aon skreen kee-bord se likh kar rajaaee odhe odhe post kiyaa to vaisaa hee sanasanaahat kaa maamalaa thaa. kaee bade, mahaan aur seeniyar blogar honge. par kaun aisee sanasanaahat anubhav karataa hai ek foto aur teen laaine post kar! haan jee, anoop shukl kee dedh gajee posten jahaan jaanaa chaahen jaayen. apan to isee men prasann hain!
apadet (11 baje) - "badhaaee" kee bali chadhatee ek aur post! :-)
inskript se hindee taaip karane men vahee aannd hai jo hindee likhane men hai. jab ham roman kee bord ke maadhyam se hindee likhate hain to lagataa hai ham ne baisaakhee lagaa rakhee hai. inaskript kee bord itanaa vaijnyaanik aur suvidhaa janak hai ki is men gati ke maamale men angrejee se mukaabalaa kiyaa jaa sakataa hai.
ReplyDeleteaap niyamit rup se pndrah bees minat roj taaip karenge to aasaanee se gati pakad sakate hain.
is inaskript hindee rajaaee post kaa tahe dil se svaagat hai -aap niyamit hogen to ham faalo bhee karegen !
ReplyDelete@ shree aravind mishr - main inaskript se likhee post kee yaa is post kee baat naheen, Eyron se likhee teen laain kee is post kee baat kar rahaa hoon - vaisee post niyamit honaa shaayad ho,shaayad n bhee ho!
ReplyDeletebaat takaneekee suvidhaa kee hai.
bloging ke teen saal poore hone kee badhaaee.
ReplyDeletegoogal traansalitreshan ,insakript aur baarahaa ke pahale ek takhtee saaftaveyar chalataa thaa. jay hanumaan jee naam se. usamen kat-pest se hee likhane kee suvidhaa thaa. iseeliye ham kahate hain-ham takhtee ke jamaane ke blogar hain.
aaj dhed gajee post likhane vaale anoop shukl kee pahalee post men kul jamaa nau shabd the aur inshaaallaah kam bhar kee sanasanee bhee. dekhaa jaaye pahalee post anoop shukl kee:
ab kabatak ee hogaa ee kaun jaanataa hai
haan inskript raaiting men sntushti to hai hee !
ReplyDelete’barahaa’ ke baad doosare kaee aujaar bhulaa diy gaye ham logon dvaaraa !
’bazaanaa’ kyaa mobaail-bloging ke liye atirikt blog hai ?
’j’ par nuktaa kyon hai bazaanaa men ! koee doosaraa matalab to naheen !
@ Himanshu - bazaanaa men j ke neeche nuktaa hai - yah hindee shabd naheen hai. maine sochaa ki Buzz chhotee posten badhiyaa chalaa sakataa hai. ve mobaail par post kee jaa sakatee hain. lihaajaa Buzz kaa hindee karan bazaanaa! :-)
ReplyDeleteEyron mainne bhee dekhaa thaa par majaa naheen aayaa; doosare, sabhee mobaail par hindee faant abhee bhee door kee kaudee hee hai alabattaa nokiyaa jaise kuchh haindasait hindee saksham hain ... hindee-taaip kee pahalee posten dekhakar achchhaa lagaa...sahee men, kaafee raastaa tay kiyaa hai hindee ne. achchhaa lagataa hai.
ReplyDeleteteen saal poore hue..so badhaaee..bakiyaa to aage peechhe dekh hee lenge. :)
ReplyDeleteek baat aur...aapakee is post ko padhkar main eyron kee saait par fir gayaa aur saaftaveyar daaunalod kar hee liyaa...isakaa jo sabase badaa faayadaa huaa vo ye ki isake saath-saath hindee faant instaal ho gayaa jisake chalate ab main dheron hindee- yooneefaant faailen padh paa rahaa hoon. pun: udvelit karane ke lie aabhaar.
ReplyDeletenav-anubhav par badhaaee.
ReplyDeleteteen saal poore hone kee badhaaee.ham bhee aajakal taqaneek ke baare me poochhataachh karanaa shuroo kar diye hain.ab lagane lagaa hai ki kaam chalaaoo staaeel theek nahee hai.
ReplyDeletepahale to badhaaee sveekaaren.
ReplyDeleteab bataaen yah "bhaukaal" kyaa hotaa hai?
desee shabd thelane jaaree rahe, bhaashaa ke bhaarateeyapan ke lie jarooree hai. bas ham jaise ahindeebhaashee kshetr vaalon ko arth bataate rahen.
aaeefon par ek aip hai to hindee keebord kaa. free naheen hai isalie daaunalod naheen kiyaa. traaee kiyaa to bataataa hoon kaisaa hai.
ReplyDeletepahale badhaaee to sveekaaren :)
apane pichhadepan kaa aabhaas hotaa hai in naee takaneekon ke baare men padhakar. kuchh karanaa padegaa.
ReplyDeleteteen varsh poorn hone kee pahale badhaaee sveekaaren baaki baad men padhne aur karane ke baad...aabhaar.
ReplyDeleteaage kaa kathin raastaa bhee ham tay kar lenge, yahaan tak to pahunch hee gaye ham .
ReplyDeletehamen yaad hai ek baar aapane blog ko bhaar-mukt kiyaa thaa . kitanaa khush huaa thaa . ab fir dheere dheere karake bahut vijet laadate jaa rahe hain . bechaaraa blog !
ReplyDeletebahut upayogee post---kaafee achchhee jaanakaariyaan dee gayee hain .
ReplyDelete@ vivek jee, - hamen yaad hai ek baar aapane blog ko bhaar-mukt kiyaa thaa . kitanaa khush huaa thaa . ab fir dheere dheere karake bahut vijet laadate jaa rahe hain
ReplyDeleteaur ek najar bagal men dikh rahe aaj vaale suvichaar vindo par bhee daalaa jaay....
suvidhaayen mehamaan kee tarah aatee hain. pasar jaatee hain lambe samay taka; aur mejabaan ban jaatee hain. antat: ve aapako daas banaa letee hain :)
achchhee jaanakaaree hai....ham to apane googal se hee khush hain....vaise seekhanaa hai bahut kuchh
ReplyDeleteaapakee baat se sahamat hoo..traansalitareshan ne hame apanee soch me thodaa aur aalasee kar diyaa hai...
ReplyDeletehame keebord kraanti kee ek adad jaroorat hai..kuchh varchual kee bord ke jaisaa...jab hindee me taaeep karanaa huaa, varchual kee bord se hindee me likhaa..vaise yah hamaar jaroorato par bhee nirbhar karataa hai...
kuchh din pahale hindee me domen naam shuru hue hai aur bhaarateey sarakaar ne .hindee shaayad buk bhee kar liye hai..shaayad vo hamaaree jaroorat bane..jab hame URL taaeep karane ke liye english me svich n karanaa pade...
Chinese, Arabic and Hindi domain names to go up for sale – finally!
a snippet from http://www.thestandard.com/news/2008/07/08/chinese-arabic-and-hindi-domain-names-go-sale-finally#comment-6454
ReplyDeleteAside from this, the opening of domain names to non-Roman characters should open the Internet to more people than ever before. Consider India. According to a Domain Name Industry Brief from VeriSign:
“India, with more than 41 million Internet users, ranks as the eighth largest Internet population in the world. Yet, with such a large population, this represents only about 4% of the Indian population. The number of Internet users is growing rapidly, 25% in the last year alone. As the number of Internet users continues to grow and Internet adoption increases, India is emerging as an increasingly important country for domain names.”
You can bet that the new non-Roman domain names will be a direction that India will head quickly once the resolution takes effect.
"yadi aap ’kshamaa’ yaa ’jnyaan’ jaise shabd sahaj roop se likh sakate hain to aapako hindee men dokteret paane kaa poorn adhikaar hai. " aage se aapakaa naam daa.jnyaanadatt.. :)
ReplyDeleteaur haan, agar hindee men es.em.es.chaahiye to ek baar apanaa nnbar hamen de dijiye.. kaee log shikaayat karate hain ki dabbe vaalaa maisej kyon karate ho? :)
bahut achchhaa lekh, ruchikar evn pathaneey.
ReplyDeleteeppal --> aepal (athavaa bhaarateey varjn:aeppal) par eppal lipyantaran galat hai.
font --> font
baraaha/baarah --> barah
yooneekod --> yoonikod
vindo mobaail --> vindoj mobaail
aaeefon --> aaifon
"seedaik naamak snsthaa ne is dishaa men samyak prayaas kiye aur aon-skreen hindee kunjeepatal taiyaar kiyaa."
seedaik ne aonaskreen kunjeepatal naheen balki inaskript keebord kaa leaaut taiyaar kiyaa jise baad men vibhinn utpaadon men lagaayaa gayaa tathaa is leaaut par vibhinn oaes men varchual keebord jode gaye.
googal ke aujaar se kaafee saal pahale barah aa chukaa thaa. googal vaalaa tool baad men aayaa.
"yadi aap ’kshamaa’ yaa ’jnyaan’ jaise shabd sahaj roop se likh sakate hain to aapako hindee men dokteret paane kaa poorn adhikaar hai."
ham fonetik tathaa inaskript donon men is prakaar ke shabd sahaj rup se likh sakate hain. doktaret kahaan se milegaa jee? dilavaaiye hamako :-)
inaskript charchaa
inaskript keebord hindee ko romana/angrejee kee daasataa evn taaiping aujaaron ke jhamelon se mukt karataa hai. chaahe koee saa oaes ho yaa koee saa taaiping aujaar, leaaut vahee. ise ham kah sakate hain ek platform independent tathaa typing tool independent keebord.
aur haan inaskript ke prayog se vishisht hone kaa jo ehasaas hotaa hai vo alag. :-)
vaise tachaskreen fon ke maamale men inaskript seekhane vaalee koee baat naheen. sab akshar saamane hote hain, isamen tach taaiping kee tarah ungaliyon kee railetiv pojeeshan yaad naheen rakhanee hotee. aksharon kee aebasalyoot pojeeshan jaldee hee yaad ho jaatee hai.