dev deepaavalee @

meree galee men kal raat logon ne diye jalaa rakhe the. dhyaan gayaa ki ekaadashee hai - dev deepaavalee. devataa jag gaye hain. ab shaadee-shubh karm praarambh honge. aaj vaaraanasee men hotaa to ghaaton par bhavy jagamahaahat dekhataa. yahaan to ghaat par gngaajee akele chup chaap bah rahee theen. main aur meree patneejee bhar the jo ekaadashee ke chaand aur torch kee roshanee men ret kee chaandee kee parat aur jalaraashi kaa jhilamilaanaa nihaar rahe the.

haankoge to haanfoge

vivaah ke turant baad hee mujhe ek vishesh salaah dee gayee:

’haankoge to haanfoge’

goodh mantr samajh men aane men samay lagataa hai| har baar vichaar karane men ek nayaa aayaam saamane aataa hai. kuchh mantr to siddh karane men jeevan nikal jaate hain.

sonis hone kee gavaahee

nishaadaghaat par ve chaar baithe the. maine pahachaanaa ki unamen se aakhiree chhor par avadhesh hain. avadhesh se poochhaa – daalfin dekhee hai? sonis.

uttar milaa – naaheen, aaj naaheen dekhaani (naheen aaj naheen dikhee).

lekin dikhatee hai?

haan kaali rahee (haan, kal thee).

javaahiralaal beemaar hai

javaahiralaal gngadarabaaree (batarj raagadarabaaree) charitr hai. kachhaar men unmukt ghoomataa. savere vaheen nipataan kar vaitaranee naale ke anirmal jal se hastaprakshaalan karataa, usake baad ek mukhaaree tod pandaajee ke bagal men der tak munh men koonchataa aur beech beech men beedee sulagaa kar intaraval letaa vah apane tarah kaa anoothaa insaan hai.

kutton aur bakariyon kaa priy paatr hai vah. aadamiyon se jyaadaa unase sampreshan karataa hai. kutton ke to naam bhee hain – nepuraa, tilngee, kajaree. aap javaahiralaal se poorvaparichit hain. teen posten hain javaahiralaal par -

shivakutee ghaat par chhath

aaj blogaree ke semeenaar se lautaa to patneejee gngaa kinaare le gayeen chhath kaa manaayaa jaanaa dekhane. aur kyaa manamohak drishy the, yadyapi poojaa samaapt ho gayee thee aur log lautane lage the.

chitr dekhiye:

avadhesh aur chirnjeelaal

main unakee deshaj bhaashaa samajh rahaa thaa, par unakaa haasy mere palle naheen pad rahaa thaa. paas ke kevat the ve. savere ke nipataan ke baad gngaa kinaare baithe suratee dabaa rahe the hoth ke neeche. nishaadaghaat par ek kinaare bndhee naav ke paas baithe the. yah naav maalyaa pvaaint se deshee sharaab traansaport kaa bhee kaam karatee hai.

ve unmukt bhaav se hns rahe the aur main apanee thuddee sahalaa rahaa thaa – aakhir isamen hnsane kee baat kyaa hai? badaa konsteepeted samajhadaan hai hamaaraa – logon ke saral haasy tak naheen pnhunch paataa. main unase baat karane kaa prayaas karataa hoon – yah naav aapakee hai? pahale ve chup ho jaate hain fir ek javaab detaa hai – naheen, par hamaare paas bhee hai, abhee jhoore (sookhe) men hai. jab sabjee hogee to us paar se laane ke kaam aayegee.

sapaataa aur sannaataa

jnyaataa kahate hain ki vishv sapaat ho gayaa hai. n keval sapaat ho gayaa hai apitu sikud bhee gayaa hai. soochanaa aur vichaaron kaa aadaan pradaan saralatam sthiti men pahunch gayaa hai. ab sabake paas vah sab kuchh upalabdh hai jisase vah kuchh bhee ban sakataa hai. jahaan hamaaree soch ko vividhataa dee nayee dishaaon me badhne ke liye vaheen sabhee ko samaan avasar diyaa apanee pratibhaa ko pradarshit karane kaa. ab nishchay yah naheen karanaa hai ki kyaa karen apitu yah hai ki kyaa n karen. yah sochakar bahut se duniyaa ke mele men pahunchane lagate hain.

chappalaa pahir k chalabe?

ek ladkee aur do ladke (kishoraavasthaa kaa aaidiyaa mat futaaiye), chhote bachche; divaalee kee logon kee poojaa se bache diye, kele aur prasaad been rahe the. teeno ne plaastik kee panniyon men sntoshajanak maatraa men jamaa kar lee thee saamagree. ghaat se lautane kee baaree thee.

utkramit pravrajan

meraa vaahan chaalak yahaan se ek-savaa ghante kee dooree se savere apane gaanv se aataa hai. der raat ko vaapas lautataa hai. lagataa hai agar kaam usako jam jaayegaa to yaheen ilaahaabaad men deraa jamaayegaa. vah pratham peedhee kaa pravrajak hogaa. is shahar men aur any shaharon men bhee pichhale pachees tees saal men gaanvon se aaye logon kee taadaad tejee se badhee hai. yadyapi bhaarat abhee bhee gaanvon kaa desh hai, par jaldee hee aadhee se jyaadaa aabaadee shaharee ho jaayegee.

shikshaa vyavasthaa – jnyaanadatt paandey

ek baat jo sabake jehan men baithee hai ki formal shikshaa vyavasthaa aadamee kee safalataa kee reedh hai. is baat ko prob karane kee jaroorat hai.

main rich daid pooar daid padhataa hoon aur vahaan dhanavaan (padhen safal) banane kee shikshaa bade anaupachaarik tareeke se rich daid dete paaye jaate hain. main maastar mahaashay ke raamakrishn paramahns ke snsmaran padhataa hoon. raamakrishn nirakshar hain. ve jod ke baad ghataanaa n seekh paaye – aamee vijog korabe naa! aur maastar mahaashay yoonivarsitee ke praadhyaapak hote huye bhee raamakrishn paramahns ke saamane natamastak hain.

shikshaa vyavasthaa

kuchh varsh pahale naalandaa ke khandahar dekhe the, man men poorvajon ke prati kritajnyataa ke bhaav jage. takshashilaa aakramanakaariyon ke ghaat n sah paayaa aur maatr smritiyon men hai. gurukul keval “kaangadee chaay” ke vijnyaapan se jeevit hai. aaeeaaeetee, aaeeaaeeem aur aims jaise snsthaan aaj bhee hamen utkrishtataa v sheershatv kaa abhimaan v aabhaas dete hain. shesh sab shoony hai.

ret, vaitaranee naalaa aur bandar paande

kabhee kabhee gathee huee post naheen nikalatee savere kee gngaa kinaare kee sair men. yaa fir san ke reshe hote hain par aapakaa man naheen hotaa usamen se rassee bunane kaa. par san ke reshon kee kvaalitee bahut badhiyaa hotee hai aur aap yoon hee faink nahee sakate un reshon ko.

so banatee hai gaddamadd post – jaise ki yah!

striyon ke gngaa snaan kaa maheenaa - kaartik

kaartik men savere chaar-paanch baje se striyaan ghaat par snaan praarambh kar detee hain. is baar is or gngaajee kee kataan hai aur veg bhee tej hai. nahaane men dikkat avashy aatee hai. par vah dikkat unhen rokatee ho – yah naheen lagataa.

main to savere paune chh baje gngaa tat par jaataa hoon. bahut see striyaan lautatee deekhatee hain aur kaee to snaan ke baad pandaajee ke paas snkalp karatee paaee jaatee hain. bahut see shnkar jee ke mandir men poojaa-archanaa men deekhatee hain.

patajhad

kab hotaa hai patajhad?
rituyen hain – greeshm, varshaa, sharad, shishir, hemant vasant. patajhad kyaa hai – aotam (Autumn) sharad bhee hai aur hemant bhee. dono men patte jhadte hain.

kaheen dhoop to kaheen chhaanv

yah post shree praveen paandey kee budhavaasareey atithi post hai.

maine ek baar apane ek mitr se milane kaa samay maangaa to unhone badee goodh baat kah dee. ’yahaan to hameshaa vyast rahaa jaa sakataa hai aur hameshaa khaalee.’ main sahasaa chintan men utaraa gayaa. aisee baat yaa to bahut bade mainejament guroo kah sakate hain yaa kisee sarakaaree vibhaag men kaaryarat karmachaaree.
aap yadi apane kaary kshetr men dekhen to vyaktitvon ke 4 aayaam dikhaayee padenge.

hindoo dharm ke rahasyon kee khoj

kal jo likhaa – “libareshanam dehi maam!” to man men yahee thaa ki log in sabhee kamiyon ke baavajood hindoo dharm ko ek mahaan dharm bataayenge. yah naheen maalum thaa ki shree sateesh saksenaa bhee honge jo hindutv ko kosane ko haatho haath lenge. aur main achaanak chahakate huye tham gayaa.

«« gngaa kinaare saveraa.

sochanaa laajamee thaa – is desh men ek aastik viraasat, braahmanik bhoot kaal kaa anajaanaa gaurav, bhaashaa aur logon se gahan taur par n sahee, tathyaatmak khojaparakh kee drishti se paryaapt parichay ke baavajood kitanaa samajhataa hoon hindoo dharm ko. shaayad bahut kam.

libareshanam dehi maam!

adbhut hai hindoo dharm! shivaraatri ke ratajage men choohe ko shiv jee ke oopar chadhe prasaad ko kutarate dekh moolashnkar moortipoojaa virodhee ho kar svaamee dayaanand ban jaate hain. satyaarthaprakaash ke samullaason men moorti poojakon kee bakhiyaa hee naheen udhedate, varan gamachhaa-kurataa-dhotee taar taar kar dete hain. par moorti poojak hain ki abhee tak goeeng strog!

pakalle be, nariyar!

---

paanch bachche the. log navaraatr kee poojaa saamagree gngaa men pravaahit karane aa rahe the. aur ye paanchon us saamagree men se gngaa men hil kar naariyal lapakane ko uddhat. shaam ke samay bhee dhundhalake men the aur savere paune chh baje dekhaa tab bhee. savere unakaa thailaa naariyal se aadhaa bhar chukaa thaa. nishchay hee bhor footate se hee kaaryarat the ve.

gareeb, chapal aur prasann bachche.