aravind kaa khet

---

gngaa kinaare ghoomate huye khet men kaam karate aravind se mulaakaat huee. khet yaanee gngaa kee retee men konhadaa, laukee, nenuaa kee sabjiyon kee buaaee kaa kshetr. aravind vahaan roj saat-aath ghante kaam karataa hai. vah kshetr mujhe apane dainik jhamele ke ruteen se anavaainding kaa maukaa de rahaa thaa. par shaayad aravind ke liye vah drajaree (drudgery – bojh) rahaa ho. har baat ko pooraa kar vah samput kee tarah bol rahaa thaa - “aur kyaa karen, baaboojee, yahee kaam hai”.


deepaavalee ke samay gaanv vaale bntavaaraa kar lete hain gngaa ke kinaare kaa. aravind ke hisse sabjee ke paudhon kee terah kataaron kee jameen aaee hai. deepaavalee ke baad se hee ye log kaam men jut gaye hain. gngaa jaise jaise peechhe hat rahee hain, vaise vaise inake khet aage badh rahe hain gngaa tat tak. is hisaab se aravind kaa khet abhee lambaaee men do-dhaaee gunaa badhegaa.


apanee kamar se oopar haath rakh kar aravind bataataa hai ki har thaale ke liye lagabhag itanee khudaaee karanee padatee hai baaloo kee – tab tak, jab tak paanee n nikal aaye. us gaddhe men dedh haath gobar kee khaad daalee jaatee hai, fir ek gilaas yooriyaa. oopar ret bhar kar beej boyaa jaataa hai. sabjee kee jaden panap kar paanee tak pahunchatee hain.

paanee dene ke liye kund khodate hain ye log. roj paanee denaa hotaa hai paudhon ko. jab fal bade hone lagate hain to vahaan raat men ruk kar rakhavaalee karanee hotee hai. khet ke teen taraf baad lagaaee jaatee hai (chauthee or gngaa tat hotaa hai). yah baad chhote paudhon ko ret ke toofaan aur logon ke ghusane se bachaatee hai. jab paudhe paripakv ho jaate hain to isakee upayogitaa kam ho jaatee hai – tab ret ke toofaan kaa asar naheen hotaa unapar.

aravind ke khet men konhade kee bel. ret men failee is bel men ek fool aur ek fal dhoondhiye!

mere sir par maalagaadee parichaalan kaa bojh hai. lihaajaa main aravind ke kaam men ras letaa hoon. par aravind kahataa hai:

“aur kyaa karen, baaboojee, yahee kaam hai”.

---

log gngaajee kee parikramaa ko uddhat hain. paidal chalane kee apanee lambee dooree kee akshamataa ko maddenajar main saaikal se chalanaa jyaadaa suvidhaajanak samajhoongaa. jo log is kaam men daksh hain, apane patte khol sakate hain. anyathaa hamaare jaise post dar post thyoree boonkate rah jaayenge. aur yaatraa gngaajee se jitanaa paas se ho sake utanaa achchhaa. mai lagabhag ek saptaah is kaam ke liye alag rakhane kee soch sakataa hoon.

---

paltee maaratee gngaa

---

pichhalee julaaee men likhee post men gngaa kee badhee jal raashi kee baat kee thee maine. ab gngaa viral dhaaraa ke saath mere ghar ke paas ke shivakutee ke ghaat se paltee maar gaee hain faafaamaoo kee taraf. lihaajaa is kinaare par aadhaa kilomeetar chaudaa reteelaa kachhaar ban gayaa hai. yah abhee aur badhegaa. gngaa aaratee log ab gngaa kinaare jaa kar naheen, shivakutee ke kotiteerth mandir ke kinaare se kar rahe hain.

kachhaar men ham kaafee door tak gaye. khateekon ne jagah gher kar apane apane khet banaa liye hain. apane apane khet men gaddhe khod kar paanee ke kund banaa kar gngaa ke andarakarent kaa sinchaaee hetu istemaal karane ke liye jugaad bhee kar liyaa hai. mehanatee log hain ye aur gngaamaaee is seejan men inhen mehanat kaa achchhaa pratifal dengee.

kaafee door jaane par dekhaa - daladal praarambh ho rahaa thaa gngaa ke thahare paanee kaa. usake aage the kuchh chhote chhote ban aaye dveep. aur unake baad gngaa kee viral dhaaraa. gngaajee kitanee slim ho gayee hain! itanee jabaradast daaiting karaaee hai janataa ne unhen.

khatikon ke kheton men kumhadaa aur kakadee ke paudhe deekhe. ek jagah jhonpadee bhee banee deekhee. ek vriddh apane naatee ke saath jaa rahe the. naatee kaa naam thaa rishi. gngaa ke kachhaar men rishi ke bhee darshan ho gaye.

yah likhate shree amritalaal vegad jee kee pustak “saundary kee nadee, narmadaa” kee bahut yaad aa rahee hai. narmadaa to kaee jagah sthaaee paltee maaratee nadee hain. gngaajee kee asthaaee paltee paanch-saat maheene ke liye jeevanacharyaa men bahut badalaav laa detee hai!

---

parakammaavaasee narmadaamaaee kee parikramaa karate hain. vahaan shoolapaan kee jhaadee ke assee meel lambe vistaar men aadivaasee bheelon se poornat: loote jaane kee baadhaa bhee paar karate hain. yahaan gngaamaaee ke tat par shoolapaan kee jhaadee shaayad naheen hai. par fir bhee gngaajee kee parakammaa kee koee paramparaa naheen hai. sambhavat: bahut lambaa vistaar hai gngaa kaa.

fir bhee ilaahaabaad se vaaraanasee dakshin tat se paidal hote huye uttar tat par baabaa vishvanaath ke darshan kar lautane kaa sapanaa hai. shaayad kabhee pooraa ho paaye!

---

apanee teevr bhaavanaayen kaise vyakt karen?

---

bloging abhivyakti kaa maadhyam hai. par saarvajanik roop se apane ko abhivyakt karanaa aap par jimmedaaree bhee daalataa hai. lihaajaa, agar aap vah likhate hain jo apriy ho, to dheere dheere apane paathak kho baithate hain.

teevr pratikriyaayen aamantrit karatee post likhanaa ripalsiv pratikriyaayen dilaa sakataa hai. par isase n saarthak bahas ho sakatee hai aur n hee ek bhee vyakti aapake vichaaron kee or vin-ovar kiyaa jaa sakataa hai.

yah samaaj men intarekshan jaisee hee baat hai. bhaddaa, bhonndaa, kadavaa, anargal yaa prasngaheen kahanaa aapako dheere dheere samaaj se kaatane lagataa hai. lagabhag vahee baat blog par laagoo hotee hai.

sampreshan kaa ek niyam hotaa hai ki aap kahen kam, sunen adhik. bloging men sameer laal yahee karate hain. likhate snyamit hain, par tippanee bahut karate hain. tippaniyaan yah afarmeshan hai ki padh rahe hain, sun rahe hain.

teevr bhaavanaayen vyakt karane men aanan-faanan men post likhanaa, use edit n karanaa aur pablish batan dabaane kee jaldee dikhaanaa – yah nihit hotaa hai. anyathaa agar aapamen teevr bhaavanaayen hain, aap post likhate aur baarambaar sochate hain to edit kar usake shaarp ejej (sharp edges) mulaayam karate hain. aur tab aapase asahamat hone vaale bhee utane asahamat naheen rahate. maine yah kaee baar apanee poston men dekhaa hai.

ek udaaharan ke roop men anil raghuraaj jee kee posten hain. narendr bhaaee kaa ek sadgun teevr pratikriyaatmak post thee. usamen jaldabaajee men yah bhee dhyaan naheen rakhaa gayaa ki snjay bengaanee ne paanch naheen, das bindu ginaaye the. yah teevr pratikriyaayen aamantrit karatee post thee, so aaeen. aur usake baad bhee silasilaa chalaa agalee post dashaanan ke chehare men bhee. yah sab karanaa gahan ripalsiv pratikriyaayen dilaa sakataa hai. par isase n saarthak bahas ho sakatee hai aur n hee ek bhee vyakti aapake vichaaron kee or vin-ovar kiyaa jaa sakataa hai.

apanee teevr bhaavanaayen vyakt karane ke liye likhee poston par pablish batan dabaane ke pahale paryaapt punarvichaar jarooree hai. kaee baar aisaa hogaa ki aap post dileet kar denge. kaee baar usakaa aisaa roopaantaran hogaa ki vah mool draaft se kaheen alag hogee. par isase sampreshan kaa aapakaa mool adhikaar hanan naheen hogaa. antar bas yahee hogaa ki aap aur jimmedaar blogar ban kar ubharenge.

jimmedaar blogar? shabdon men virodhaabhaas to naheen hai n?

---

shaayad samaadhaan slo-bloging men hai. slo-bloging kyaa hai? yah ek abhiyaan hai jo samagr roop se vichaar ke baad bloging par jor detaa hai, banispat atirek men bah kar post thelane ke. safal blogars apanaa blog niyamit apadet karate hain, par slo-bloging blogars ko slo-daaun karane kee salaah detee hai. isake meneefesto men tod seeling likhate hain ki yah “turat lekhan kaa negeshan hai. … yah mahatv kee baat hai ki sabhee achchhee pathaneey saamagree jhatapat naheen likhee jaa sakatee”. ---- ke. savitaa, haidaraabaad| taaims aof indiyaa ke “opan spes” kolam men.

---

jootamapaijaareeyataa banaam hegiyograafee

---

krishchiyan hegiyograafee ke baare men mujhe khaas jaanakaaree naheen, par aaj kee pustakon men hegiyograafee (hagiography – prashnsaatmak baayograafee) bahut dekhane ko milatee hai. praayojit baayograafee anek hain. sab kuchh achchhaa achchhaa jaanane ko milataa hai. glosee pannon kee kofee tebal pustaken jinamen raajanetaa yaa udyogapati laarjar-den-laaif najar aataa hai; bahutaayat se dikhatee hain.

dheere dheere (main) yah samajh rahaa hoon ki yahaan blogaree main apanee kheejh aur kunthaa nikaalane naheen aayaa, varan any logon ko samajh kar, protsaahit kar, protsaahit ho apanee sakaaraatmak vailyooj pusht karane aayaa hoon.

hindee blogaree, jahaan tippanee ekschenj ek mahatvapoorn gatividhi hai; vahaan hegiyograafik lekhan svat: sfoort baahar nikalataa hai. ham paraspar achchhe bindu talaashane lagate hain saathee blogaron men. yah jootamapaijaareey lekhan kaa vipareet dhruv hai. aur mere khyaal se hindee blogaree jootamapaijaareeyataa se naheen, hegiyograafee se pusht ho rahee hai.

mujhe aar.em. laalaa kee jamashetajee taataa aur je.aar.dee. taataa kee baayograafee yaad aatee hain. mujhe em.vee. kaamath kee vargees kuriyan, charataraam aur tee.e. pai kee hegiyograafee bhee yaad aatee hain. inamen se kuchh ko maine padhaa hai. in charitron se main prabhaavit huaa hoon – yadyapi man men yah bhaav hameshaa banaa rahaa hai ki kyaa is hegiyograafik lekhan se itar bhee in logon kaa kuchh charitr rahaa hai.

pandit javaaharalaal neharoo kee kaee hegiyograafee padhee hain aur kaalaantar men unake samaajavaadee charitr ko chheelate huye guracharanadaas kee “indiyaa anabaaund” bhee padhee. nishchay hee guracharanadaas kee pustak kaa prabhaav jyaadaa gaharaa aur taajaa hai. par usase hegiyograafeej kee upayogitaa samaapt naheen ho jaatee.

main apanee blogaree ke shuruaat men paryaapt chhidraanveshee rahaa hoon. saamy-samaajavaadee-patrakaar-saahityakaar chhaap khemaabandee karate log kam hee ruchate rahe hain. par samay ke saath main sab men prashnsaa ke bindu talaashane lagaa hoon. dheere dheere yah samajh rahaa hoon ki yahaan blogaree main apanee kheejh aur kunthaa nikaalane naheen aayaa, varan any logon ko samajh kar, protsaahit kar, protsaahit ho apanee sakaaraatmak vailyooj pusht karane aayaa hoon.

jootamapaijaareeyataa banaam hegiyograafee men hegiyograafee jindaabaad!

---

hindee, ingalish, hingalish!

---

bhaashaa rojagaar kaa vaahak hai. maatr raashtreey garv yaa sampreshan kee dakshataa ke aadhaar par bhaashaa kee baat karanaa gaun hai. antat jo naukaree degee, vahee bhaashaa praathamikataa paayegee.

hindee haartalend (abhee ke beemaaroo praant) antat: sampann honge aur unakee sampannataa hindee ko vyavasaayik shreshthataa pradaan karegee. ek-dedh dashak kaa samay lagegaa.

main apane aasapaas ke “apavard mobaail” logon ke bachchon ko dekhataa hoon. ghar men hindee bolee jaatee hai, par padhaaee men jor angrejee par hai. pahaade angrejee men rate jaa rahe hain. adhyaapak se “vairee gud” kee apekshaa karate hain bachche, “ati sundar” kee naheen. vaishveekaran ke yug men angrejee achchhe rojagaar yaa achchhe vyavasaay kaa vaahak hai. in "apavard mobaail" men kaee hindee ke naam par rotee khaane vaale maataa-pitaa bhee hain!

maatribhaashaa ke bajaay angrejee kee praathamikataa ek dedh dashak men n keval bhaarat men badhee hai – cheen men bhee yuvaa angrejee ke dam par aage badhane kee sochane lagaa hai. bhaarat ko laabh yah hai ki usake paas sabase jyaadaa angrejee jaanane vaale takaneekee yaa vyavasaayik javaan kaamakaajee logon kaa samooh hai. hamaare yahaan se injeeniyar, daaktar, prabandhak aur adhyaapak aadi anek deshon men naukaree paa rahe hain – isaliye ki ve angrejee jaanate hain.

jab main hindee men likhane aur use net par badhaane kee sochataa hoon, to yah vyavasaayagat bhaashaa kee seemaa (limiteshan) saaf najar aatee hai hindee kee. main sunishchit naheen hoon, par sochataa jaroor hoon - hindee haartalend (abhee ke beemaaroo praant) antat: sampann honge aur unakee sampannataa hindee ko vyavasaayik shreshthataa pradaan karegee. abhee ek-dedh dashak kaa samay lagegaa.

log hingalish kee baat karate hain. hingalish kee pakshadharataa men yah bhaavanaa hai ki aadamee ek hee bhaashaa men praveen ho sakataa hai. par meree tarah nayee peedhee men bhee aage badhane vaale shaayad kam se kam do bhaashaaon par kamaand rakhane vaale honge. ve dono bhaashaaon kaa prayog karenge. angrejee ke saath saath apanee hindee (yaa isakee jagah padhen maatribhaashaa, jo tamila, kannad yaa cheenee bhee ho sakatee hai) par adhikaar avashy hogaa unhen. bhaashaa ke roop men angrejee ko darakinaar naheen kiyaa jaa sakegaa par uttarottar hindee men milataa vyavasaayik maailej hindee ko pusht karegaa. any bhaashee (videshee samet) hindee seekhenge aur prayog karenge apanee vyavasaayik unnati ke liye.

likhit hindee dekhataa hoon, to usamen hingalishiyaa durgati najar naheen aatee. aur bolachaal men yah durgati shaayad bahut lambee n chale. hindee kee oorjaa shaayad apane ko roopaantarit kar apanee sundarataa aur astitv banaaye rakhe. hindee aur angrejee rahegee. hingalish jaayegee choolhe men. yaa jyaadaa hingalishiyaa kahen to jaayegee ovan men!

aap sahamat hain, yaa ise maatr ichchhaa-kalpit soch maanate hain?!

---

baraakobaamaa ban gaye raashtrapati. kyaa ineeshiyal disaedavaantej naam kee koee cheej naheen hotee, jee!

---

janasnkhyaa kaa sailaab

---

yaatraa ke dauraan maine yatr-tatr-sarvatr jan sailaab dekhaa. ilaahaabaad se bokaaro jaate aur vaapas aate log hee log. savaaree dibbe men bhare log. yah yaatraa kaa seejan naheen thaa. fir bhee trenon men lambee dooree ke aur hoping savaariyon kee achchhee taadaad thee.

bheed mujhe utsaahit naheen karatee. vah mujhe vah bojh lagatee hai. mere bachapan ke dinon se use kam karane ke prayaas chalate rahe hain. pahale “ham do hamaare do” kee baat vijnyaapit hotee rahee. fir “hamaaraa ek” kee charchaa rahee. sattar ke dashak men hameshaa aashnkaa vyakt hotee rahee ki bhaarat bhaynkar akaal aur bhukhamaree se grast ho jaayegaa. ham kitanaa bhee yatn kyon n karen, yah janasnkhyaa vriddhi sab chaupat kar degee. usee samay se bheed ke prati ek nakaaraatmak najariyaa man men paith kar gayaa hai.

jhaarakhand men raajy kee sarakaar kaa pojitiv rol kaheen najar naheen aayaa. saaikal par avaidh khanan kar koyalaa le jaate log dikhe. tarah tarah ke log bnd kaa elaan karate dikhe. in sabase alag janataa nisprih bhaav se apanee din charyaa men rat dikhee. mujhe bataayaa gayaa ki kisee bhee aontreepenyor kaa kaam kaa praarambh ghoos aur sarakaaree amale ke tushteekaran se hotaa hai.

par akaal kee horar storeez sach naheen hueen. aur nabbe ke dashak ke uttaraardh men to sunaaee padane lagaa ki bhaarat aur cheen kaa plas pvaaint unakee yuvaa janasnkhyaa hai. ab sunane men aataa hai ki amerikaa ke beebee bebee boomars yug ke log vriddh ho rahe hain. use mandee se ubaarane ke liye javaan aur karmath logon kaa totaa hai. dam hai to bhaarat ke paas. hamaare paas padhee-likhee aur angrejee-takaneekee jaanakaaree yukt vark fors hai.

apanee jindagee men soch kaa yah yoo-tarn mujhe bahut vismayakaaree lagataa hai. bahut kuchh aisaa hee bhaarateey relave kee bhavishy ko jhel lene kee kshamataa ko le kar bhee huaa thaa. nabbe ke uttaraardh tak hamen rel kaa bhavishy andhakaaramay lagataa thaa. bahut se uchchaadhikaaree yah bolate paaye gaye the ki “pataa naheen hamen apanee penshan bhee mil paayegee”. log apane provident fand men adhik paisaa rakhane ke paksh men bhee naheen the – pataa naheen relave difoltar n ho jaaye. par is dashak men aisaa tarn-eraaund huaa ki sabhee notis karane ko baadhy ho gaye.

vahee notis karanaa janasnkhyaa ke saath bhee ho rahaa hai. hamaare in beemaaroo praanton kee janasnkhyaa jis samay jaati, varg aur shortakats kee manasikataa se ubar legee, jis samay saamy-samaaj-naksal-sabasidee vaad se yah ubar kar kaam kee mahattaa aur usake aarthik laabh ko jaan legee, us samay to chamatkaar ho jaayegaa bndhu! aur ab mujhe lagataa hai ki yah meree jindagee men hee ho jaayegaa.

---

kahaan gayee jeevan kee prachurataa?

---

mere hee bachapan men havaa shuddh thee. gngaa men bahut paanee thaa - chhote-mote jahaaj chal sakate the. gaanv men khet baaree taalaab men logon ke ghar atikraman naheen kar rahe the. bisalaree kee paanee kee botal naheen bikatee thee. dast-elarjee se bachane ko maask lagaane kee talab naheen mahasoos hotee thee. baaltee bhar aam choose jaate the aur ifaraat men matar kee chheemee, chane kaa saag khaayaa jaataa thaa.

ek aadamee kee jindagee men hee dekhate dekhate itanaa parivartan?! prachurataa ke niyam (Law of abundance) ke anusaar yah prithvee kaheen adhik logon ko paalane aur samriddh karane kee kshamataa rakhatee hai.

prakriti ke saath hamaaraa jo baink akaaunt hai, usamen … jamaa bahut kam kiyaa gayaa hai. yah akaaunt abhee satyam ke akaaunt saa naheen banaa hai, par yahee ravaiyaa rahaa to ban jaayegaa. aur tab har aadamee doosare ko raamaling raajoo bataataa firegaa.

par kyon haanf rahee hai dharatee? shaayad is liye ki prithvee paal sakatee hai unako jo prakriti ke prati jimmedaar aur usake niyamon kaa paalan karane vaale hon. vah lobh aur laparavaah upabhogavaadee pravritti se pareshaan hai. shaayad vah maanav ke vijnyaan aur takaneekee ke rekales yooj se bhee pareshaan hai.

ab bhee shaayad samay hai; ek prabhaavee karektiv kors aof ekshan sambhav hai. gngaa ke gngaa bane rahane aur naalaa yaa vilupt sarasvatee men parinat hone se bachane kee pooree aashaa kee jaa sakatee hai. maanav kee laalach, shortakat vritti aur laaparavaahee kam ho; tab.

prakriti ke saath hamaaraa jo baink akaaunt hai, usamen se nikaalane kaa udyam pichhale sau-pachaas saalon men bahut huaa hai. is akaaunt men jamaa bahut kam kiyaa gayaa hai. yah akaaunt abhee satyam ke akaaunt saa naheen banaa hai, par yahee ravaiyaa rahaa to ban jaayegaa. aur tab har aadamee doosare ko raamaling raajoo bataataa firegaa.

ham dharatee ko skaiyarsitee mentaalitee (Scarcity Mentality) ke saath dohan kar rahe hain. kuchh is andaaj men ki fir mile yaa n mile, abhee le lo! asurakshit aur gairajimmedaar vyavahaar hai yah. is maanasikataa, is pairaadaaim ko badalanaa jarooree hai.

---

(main aaj yaatraa men rahoongaa. at: tippaniyaan pablish karane men kuchh der ho sakatee hai – chalatee tren men net kanekshan kee gaarantee naheen. agrim kshamaayaachanaa.)

---

rattaafikeshan

---

rattaafikeshan yaa rot larning (rote learning) kaa istemaal kaafee kiyaa hai maine. aur shaayad aaj kee kat-throt spardhaa ke jamaane men, jahaan ek do nambar se vaare nyaare ho jaate hain, yah uttarottar badhataa gayaa hai. yaad rakhane ke liye memoree strings banaane aur nemoniks (mnemonics) kaa prayog bahut kiyaa hai. nolej (knowledge) kee spailing “kanaoo-ladagaye” se yaad rahaa karatee thee.
rattaafikeshan ko bahut bhalaa-buraa kahaa jaataa hai. yah kahaa jaataa hai ki rachanaatmak soch yaa seekh ko yah blok karatee hai. mujhe aisaa kuchh naheen lagaa, kam se kam vyaktigat star par.

vaidik richaaon kaa paath rattaafikeshan ke jareeye hee hotaa thaa. vedapaathee braahmanon ko daadur dhvani (mendhak kee tarr-tarr) kar vedapaath karate bataayaa gayaa hai. mujhe naheen maalum ki aadishnkar ne richaayen kaise yaad kee hongee. ve to vilakshan medhaa vaale the. par bachapan men snskrit ke shlok aur hindee kee kavitaayen to rattaafikeshan se hee maine (ausat intelijens vaale jeev ne) yaad kee theen. aur us samay jo yaad huaa, so huaa. ab to yaad rakhane ko bahut jahamat karanee padatee hai.

rattaafikeshan kee nindaa karane vaale log agar yah kahen ki unhonne rot larning naheen kee hai; to mujhe vishvaas naheen hogaa. balki, ab kabhee kabhee yaad karane ke liye rattaafikeshan par vaapas jaane kaa man karataa hai. pareekshaa paas karane kaa dabaav naheen hai, kampyootar aur kaagaj-kalam sarvathaa upalabdh hai, is liye ratanaa naheen padataa. lekin n ratane se lagataa hai ki memoree kaa ek hissaa kamajor hotaa jaa rahaa hai.
aap hain rattaafikeshan ke paksh men vot dene vaale?

---

aap mujhe har baat men rattaa lagaane kaa pakshadhar n maanen. jahaan snkalpanaa yaa siddhaant samajhane kee baat hai, vahaan aap rat kar kaam naheen chalaa sakate. par usake alaavaa larning men bahut kuchh hai jo yaad rakhane par nirbhar hai. vahaan ratan kaam kee cheej hai.
par aapake rattaafikeshan kaa agar ree-kol yaa baarambaar doharaav naheen hai to shaayad aap bahut samay tak yaad n rakh paayen. masalan 13-19 tak ke pahaade kailkyooletar dev kee anukampaa ke kaaran mujhe yaad naheen aate!

---

thok kat-pesteey lekhan

---

kuchh blogar, jinase oreejinal^* nayaa apekshit hai, thok kat-pesteey thelate paaye gaye hain. aisaa naheen ki vah padhanaa kharaab lagaa hai. bahudhaa ve jo prastut karate hain vah pahale naheen padhaa hotaa aur vah stareey bhee hotaa hai. par vah unake blog par padhanaa kharaab lagataa hai.

satat likh paanaa kathin kaary hai. aur apane blog par kuchh nayaa pablish dekhane kaa laalach bhee bahut hotaa hai. par yah shortakat faayademand naheen hotaa. aap apane khet men ugaane kee bajaay maarket se le kar yaa kisee aur ke khet se ukhaad kar prastut karane lagen to der tak chalegaa naheen. bhale hee aap saabhaar men us sors ko uddhrit karate hon; par agar aap lok-stok-bairal kat-pestiyaa thelate hain, to bahut samay tak thel naheen paayenge.

log maulik likhen. apane blog par yaataayaat badhaane ke liye apane blog se kuchh jyaadaa padhe jaane vaale blogon par achchhee tippaniyaan karen. unapar gest post likhane kaa yatn karen. apanaa netavark badhaayen. yah to karanaa hogaa hee. kisee any kshetr men ve selibritee hain to doosaree baat hai; anyathaa blogaree kaa koee shortakat hai – aisaa naheen lagataa. koee ovaranaait anoop shukl ban kar dikhaaye!

---

* - vaise oreejinal lekhan apane aap men koee khaas maayane naheen rakhataa. aap sochate hain - usamen aapakaa pathan-paathan aur aapake saamaajik intarekshan aadi ke roop men bahut kuchh auron kaa yogadaan hotaa hai. par usamen aapakee soch aur shailee milakar ek flevar detee hai. kat-pesteey lekhan men vah flevar gaayab ho jaataa hai. aapakee vibhinn poston men vah jaayakaa gaayab hone par aapake blog kee alag pahachaan (yoo.es.pee.) naheen ban paatee. kaee log is flevara/jaayake ko mahatv naheen dete. par ise mahatv diye binaa paar bhee naheen paayaa jaa sakataa paathakeey bairiyar ko!

vishayaantar: anoop shukl kee yoo.es.pee. (Unique Selling Proposition) hai: ham to jabariyaa likhabe yaar hamaar koee kaa karihai? aur yah ab yoo.es.pee. lagataa hee naheen. asal men ham bahut se log jabaree likhane vaale ho gaye hain. masalan hamaaree yoo.es.pee. ho sakatee hai: ke roke hamaar jabaree thelan!
novaaoo (Nouveau – tatake) logon kee cha** tolee hai yah blogaree aur sthaapit saahity-stambh vaale log keval haath hee mal sakate hain blogaron ke jabariyatv par! anyathaa unhen aanaa, rahanaa aur jeetanaa hogaa yah spes, is spes kee sharton par.

---

fijiyotherepee

---

main apanee patneejee ko lekar aspataal gayaa thaa. reedh kee haddee me dard ke liye daaktar saahab ne eks-re, sinkaaee aur fijiyotherapee kaa nirdesh diyaa thaa. eks-re saamaany thaa. sinkaaee das din karaanee hai aur fijiyotherapee kaa paalan karanaa hai.

maine aspataal men kaee logon ko fijiyotherapee kee vibhinn kriyaayen karate dekhaa. adhikatar adhed aur vriddh log the. unake ang theek se kaam naheen kar rahe the. par kuchh javaanon ko bhee us khand men vyaayaam karate aur laain men lage paayaa.

kyaa hamaaree saamaany jindagee men angon kaa prayog kam ho gayaa hai, jisake chalate klinikal tareeke se fijiyotherapee jarooree hotee jaa rahee hai?

log paidal naheen chalate. saaikal kaa prayog naheen karate. kampyootar ke saamane jyaadaa samay bitaate hain. striyaan sil-batte aur chakaree-jaant kee bajaay miksee kaa prayog karatee hain. aangan duaar naheen leepanaa hotaa. savere daravaaje par alpanaa-rngolee naheen banaanee hotee. hathayog ke aasan kaa shaukiyaa prayog hotaa hai – yaa naye saal ke rijolyooshan kaa ang bhar ban jaate hain ve. lihaajaa daaktar kee sharan men jaane par fijiyotherapee ke roop men ang snchaalan kee kriyaayen karanee hotee hain.

kyaa hamaaree saamaany jindagee men angon kaa prayog kam ho gayaa hai, jisake chalate klinikal tareeke se fijiyotherapee jarooree hotee jaa rahee hai?

kyaa naheen theek ho sakataa fijiyotherapee se! asthamaa, kamar kaa dard, hriday rog, gathiyaa, maanasik rog, alsar, haddee kaa tootanaa … anek avasthaaon men yah laabhakaaree hai. spondilaaitis ke maamale men mere liye to trekshan aur fijiyotherapee hee nidaan hai.

bhautik, maanasik, saamaajik aur samagr svaasthy ke liye fijiyotherapee aavashyak (aur kuchh dashaaon men keval) upachaar hai. par shaayad usase adhik jarooree hai ki ham aur ektiv banen – usase jyaadaa, jitane abhee hain.

---

samajh naheen aataa ki log apane blog par raait-klik baadhit kar kyaa haasil karate hain? unake blog kee ful feed agar milatee hai to post kaa saaraa kantent kaapee ho sakataa hai! aur agar feed naheen dete to kitane log jaayenge un tak! aur saamaanyat: unake blog kee ful feed, feed-reedar men mil rahee hai!

---

satyam safalataa

---

main vifalataa-safalataa kee baat kar rahaa thaa. satyam kee veb saait, jo ab badee kathinaaee se khul rahee thee (bahut se jhaankane kaa yatn kar rahe honge), ke mukhy panne par bane vijnyaapan men ek chhavi yoon hai:

safalataa lakshya/parinaam par satat nigaah rakhane kaa masalaa hai.

kaash satyam ne yah kiyaa hotaa.

satyam chhaap kaam bahut see kampaniyaan kar rahee hongee. aur aas paas dekhen to bahut se log vyaktigat star par us prakaar ke chhadm men lipt hain. antar keval digree yaa intensitee kaa hai. midil leval intensitee vaale “satyamaaij” hote hain. bade paapee maarket leedar ho jaate hain. chhote chhadm vaalon ko koee notis naheen karataa.

baaibal kee kathaa anusaar patitaa ko patthar maarane ko bahut se taiyaar hain. pahalaa patthar vah maare jo paak-saaf ho!

satyam kaa sheyar 39-40 rupaye par bik rahaa hai. khareedane vaale to hain. sab patthar maar rahe hain to kaun khareed rahaa hai?

---

shree bhaironsinh shekhaavat bhaajapaa ko bagalen jhaankane ko vivash kar rahe hain. chhiyaasee saal kaa sher main eetar ho gayaa hai kyaa? ab jaane kitane bhaajapaa ke netaa bhaarat ko karapshan free banaane aage aayege. amerikan presidenshiyal chunaav kee preelimanaree kaa majaa aane lagaa hai bhaarat men! @@@ aur soren guroojee go-vent-gon?

---

vifalataa kaa bhay

---

vifalataayen antat: safalataa men badalatee hain. n badalatee hoteen to linkan linkan n ban paate. tab vifalataaon kaa bhay kyon lagataa hai?

(main apanee kahoon to) ek bhay to shaayad yah hai ki pahale asafal hone par lagataa thaa ki aage bahut samay hai safal hone kaa, par ab lagataa hai vifalataa chipak jaayegee. usake ulat yah bhee hai ki ab vifalataaon kaa parinaam utanaa bhayaavah naheen hogaa. kul milaa kar anisht kee aashnkaa samaan honee chaahiye. antar shaayad yah hai shareer ab asafalataa sahane kee utanee kshamataa naheen rakhataa. yaa jyaadaa sahee hai ki shaaririk akshamataa ko manasik roop se gadh liyaa hai maine?!

meree patnee mere aatm-dhikkaar kee manovritti se bahut khafaa hain. ve meree “ineeshiyal edavaantej” n hone kee frejolojee (phraseology – shabdavinyaas) ko nihaayat ghatiyaa soch maanatee hain. is post kee shuruaat bhee main us “ineeshiyal disaedavaantej” kee baat se kar rahaa thaa – aur usase aatmadayaa kee bhaavanaa par shaayad kuchh sahaanubhooti yukt tippaniyaan mil jaateen; par kyaa bataayen, itanee subuk-subukavaadee dhaansoon shuruaat kee red maar dee reetaa paandey ne! aur meree himmat naheen hai ki aatmadayaa chhaap kuchh thelane kee!

honaa yah chaahiye ki har asafalataa ke baad doshaaropan kaa jo anivaary khel hotaa hai, aur aatm-dhikkaar kaa silasilaa chalataa hai, vah n ho. asal men koee shikaar naheen hotaa vifalataa men. sab asafalataa ke vaalantiyar hote hain. aap chun sakate hain ki aap vaalantiyar honge yaa vifalataa se seekh kar safalataa kaa varan karenge. saamaanyat: ham vifalataa ke vaalantiyar banane kee aadat paal lete hain, jaane anajaane men.

vifalataa kaa sahee sabak len to logon kee sahee pahachaan ho sakatee hai. vipadaa men hee mitr yaa shatru kee sahee pahachaan hotee hai. feyar vedar mitr to sabhee hote hain. in sahee mitron kaa bhavishy kee safalataa kaa bhaageedaar chunanaa asafalataa kaa bahut badaa plas pvoint hotaa hai.

vifalataa kaa vishleshan ek jarooree ang hai safalataa sunishchit karane kaa. jaise main yah paataa hoon ki rijarv nechar (introvart honaa) bahut baar meree ghabaraahata/chintaa kaa snvardhak hotaa hai aur main uchit samay par uchit logon se snpreshan naheen kar paataa. yah badalane kaa sayaas yatn kiyaa hai, par vah shaayad kaafee naheen hai. isee prakaar sabhee log apanee vifalataa se seekhane kaa yatn kar sakate hain. aur tab vifalataa kaa bhay khaane kee bajaay usase sakaaraatmakataa nirmit ho sakatee hai.

(yah to futakar soch hai. anyathaa, vifalataa kaa bhay to aisaa vishay hai jisapar anant likh kar aur kuchh n kar itmeenaan se asafal huaa jaa sakataa hai!)

---

kuhare ke baare men pichhale dinon bahut kuchh jhelaa-sochaa-likhaa aur sunaa gayaa hai mere relave ke parivesh men. ek mahatvapoorn baat saamane aatee hai ki jab kuchh dikhaaee n de rahaa ho, tab tren chaalak ko pukhtaa jaanakaaree dilaanaa ki vah kahaan chal rahaa hai – ek mahatvapoorn surakshaa aujaar hai. isee ko le kar ek kal ek kampanee vaale kee or se paavarapvaaint prejenteshan thaa ek upakaran ke vishay men jo global-pojishaning setelaaits kaa prayog kar relagaadee ke chaalak ko aage kaun saa steshan, pul, leval kraasing get yaa siganal aane vaalaa hai, usakee poorv soochanaa praapt karaataa hai. yah soochanaa kohare ke samay men bahut mahatvapoorn hai. abhee ham yah jaanane ke liye ki steshan aane vaalaa hai, ek khalaasee ko kohare ke samay steshan ke baahar bhejate hain jo rel pataree par pataakhe lagaataa hai aur relagaadee ke injan ke oopar se gujarane par pataakhe kee aavaaj se chaalak ko pataa chalataa hai ki steshan aane vaalaa hai. yah bahut badhiyaa sistam naheen hai. bahut kuchh pataakhe vaale kee kaaryakushalataa par nirbhar karataa hai ki usane samay par pataakhe lagaaye yaa naheen. jiyo-steshanaree setelaaits se yah aasaanee se pataa chal sakegaa.

global pojishaning sistam kaa prayog kar anekaanek prakaar ke bahuupayogee upakaran saamane aayenge. yah fogasef unamen se ek hai.

---

kuhaasaa

---

mausam kuhaase kaa hai. shaam hote kuharaa pasar jaataa hai. galan badh jaatee hai. trenon ke chaalak ek ek siganal dekhane ko dheeme hone lagate hain. unakee gati aadhee yaa chauthaaee rah jaatee hai.

ham log jo aakalan lagaaye rahate hain ki itanee trenen paar hongee yaa itane esets (injan, dibbe, chaalak aadi) se ham kaam chalaa lenge, achaanak paate hain ki aavashyakataa se pachchees tees pratishat adhik snsaadhan se bhee vah parinaam naheen laa paa rahe hain. saaraa aakalan – saaree plaaning thas ho jaatee hai.

saaree bloging band. saaraa pathan – saaree tippaniyaan band. faayar faaiting (yaa sahee kahen to kuhaasaa faaiting) chaaloo. jab tak mausam naheen sudharataa, tab tak yah khinchaav banaa rahegaa.

meraa kamaraa, mere fon, meraa intraanet (jo maalagaadee parichaalan bataataa hai aonalaain) aur mere kaagaj – yahee saathee hain. khud to baahar nikal kuhaasaa dekh bhee naheen paa rahaa.

chaar ghante ho gaye pahale ke diye nirdeshon ko. chalen, dekhen, kitanee badhee gaadiyaan. kitanaa sudharaa yaa kharaab huaa tren parichaalan. (kal shaam ko likhaa gayaa| yah ruteen pichhale kaee dinon se chal rahaa hai. aur shaayad kaee dinon tak chalegaa.)

---

yah badaa hee achchhaa lagaa ki daa. e.pee.je. abdul kalaam desh ke andar aur baahar ke aatnkavaadiyon ke thikaanon ko ataik karane aur unhen dhvast karane kee salaah de rahe hain. islaamee aur naksalee/any kshetreey aatnk ke adde desh men maujood hain. unhen dhvast karane kee baat maananeey kalaam saahab kar rahe hain.

isake atirikt pados ke deshon men bhee yah adde hain jinakaa seedhaa sambandh bhaarat men aatnk failaanaa hai. unhen dhvat karane kee snkalp shakti desh men chaahiye. janataa kaa agalaa mendet shaayad is faiktar ko dhyaan de. par isake liye janamat kaa vyaapak mobalaaijeshan yuvaashakti ko karanaa hogaa! par yuvaa kaun hai? daa. kalaam yuvaa hain!

---

bhay aur ajnyaan kee utpaadakataa

---

pichhalee post par kaee tippaniyaan bhay ke paksh men theen. baalak ko bhay dikhaa kar saadhaa jaataa hai. yah bhee vichaar vyakt kiyaa gayaa ki vifalataa kaa bhay safalataa kee or agrasar karataa hai - arthaat vah pojitiv moteevetar hai.

pataa naheen. lagataa to hai ki tippaniyon men dam hai. bhay se jadataa door hotee hai. bhay karm men pravritt karataa hai logon ko. par bhay chintaa bhee upajaataa hai. chintaa vyakti ko kinkartavyavimoodh karatee hai.

bhay ke kuchh shortatarm faayade honge. par vah dee-janaret karataa hai vyaktitv ko. bhay kampaaund (compound - snvardhit) hotaa jaataa hai. yah bahut kam hotaa hai ki bhay aapako kaam men pravritt kare aur usase utpann safalataa se aap bhay ko saramaaunt (surmount - paar paanaa) kar jaayen. antat vah maanav ko snjnyaashoony karataa hai. bhay kee lambe samay men utpaadakataa rinaatmak hai.

ham ek prabuddh aadamee kaa udaaharan len. bhagavaan mahaaveer kee baat naheen karoongaa - unhe to eeshvaratv mil gayaa thaa. baapoo kee baat karen. vah haaf neked fakeer (bhale hee ham unase sahamat n bhee hon kaee baaton men) kabhee bhay men to nivaas naheen kiyaa. aur baapoo kee prodaktivitee kee alp maatraa bhee ham paa saken to mahaan ban jaayen. ham apane parivesh men kuchh upalabdh karane vaalon ko dekhen to adhikaansh apane bhay par vijay paa kar hee aage badhe hain.

ajnyaanee ko, karm men pravritt karane ko bhay kaam aataa hai. par vah bachche se kaam karaane yaa revad haankane jaisee cheej hai. antat: ajnyaan mitaane aur bhay ko nasht karane se hee safalataa milanee hai.

aisaa naheen hai ki abhay aur sntosh se aadamee akarmanyataa ko praapt hotaa hai. raajasik veeratv abhay se hee aataa hai aur saatvik "haaipar ektivitee" abhay kaa hee parinaam hai.

mere kaaryakushal karmachaaree ve hain, jinake liye mujhe dand yaa bhay kaa sahaaraa naheen lenaa padataa. aur mere sarvottam upalabdhataa ke kshan ve rahe hain, jab maine selfamoteeveted aur nirbhay dashaa men kaary kiyaa.

khaira; pichhalee post par aalok puraanik jee kee badee achchhee tippanee hai -

daranaa jaruree hai
kyonki kasab hai
daranaa jaruree hai kyonki maut kaa ek se badhkar ek sabab hai
daranaa jaruree hai ki bamon kee ful taiyaaree hai
dariye isalie ki pados men jaradaaree hai
dariye ki ummeed agar hai to dikhaaee naheen detee
dariye ki ab to jhoothe ko bhee sach kee aavaaj sunaaee naheen detee
dar jaaiye itanaa itanaa ki fir dar kee seemaa ke paar ho jaayen
fir uthen aur kahen ab dar tujhase aankhen chaar ho jaayen
par vahaan tak pahunchane ke lie kaee pahaadon se gujaranaa hai
kaee bamon kee geedadon kee dahaadon se gujaranaa hai
dar ke mukaam se paar jaane kee taiyaaree shuru karataa hoon
2009 kee shuruaat men isalie sirf darataa hoon sirf darataa hoon

---

naye saal par bhay kee baat maine shuroo naheen kee. aabhaa jee ne dushynt kumaar kee gajal n thelee hotee to main bhee fool-pattee-momabattee kee foto lagaa nayaa saal mubaarak kah rahaa hotaa.

is bhay chhaap post se main aapako chhoonchhaa "nav varsh kee shubhakaamanaayen" kah satak lene kaa maukaa to naheen de rahaa. baakee aapakee marjee!

---