kal main nattoo paande se baat kar rahaa thaa ki unhe is yug men bhaageerath ban kar mritapraay gngaa ko pun: jeevant karanaa hai. nattoo paande saat maheene ke ho rahe hain. pataa naheen agar bhaageerath ban bhee paayenge to kaise banenge. usake baabaa to shaayad usase apanee raajanaitik viraasat snbhaalane kee baat karen. usake pitaa use ek safal vyavasaayee/udyogapati banaane ke svapn dekhen. par use agar bhaageerath bananaa hai to bhaarat ke sookshm tatv ko pahachaan kar bahut chamatkaaree parivartan karane honge bhaarateey medhaa aur jeevan padyati men.
baragad ke chautare par ganesh. banavaaree kee pustak "pnchavatee" kaa ek pannaamujhe itanaa to lagataa hai ki paryaavaran ko theek karane ke pashchimee modal se to yah hone se rahaa. nattoo paande ko is praant-praantar ke baare men bahut kuchh samajhanaa hogaa. jeevan men ashvath, shamee, yajng, van, gau, aayurved, atharvan, udyog, arany, krishi aur n jaane kitane prateekon ko naye sandarbhon men sthaapit karanaa hogaa. jaise krishn ne samajhaa thaa is desh ke maanas ko, usase kam men kaam naheen chalane vaalaa.
praacheen se arvaacheen jahaan judate hain, vahaan bhavishy kaa bhaarat janm letaa hai. vaheen bhavishy ke sabhee samaadhaan bhee rahate hain!
bechaaraa nattoo paande! kitanee apekshaa hai usase!
mujhe janasattaa men banavaaree jee ko padhanaa achchhee tarah yaad hai. dinamaan men padhaa thaa yaa naheen, vah smriti men naheen hai. unakee pnchavatee mere paas angrejee anuvaad (aashaa voharaa dvaaraa) men hai. yah san 1992 men shree vinaayak pablikeshns, dillee ne chhaapee hai. isamen enavironament (paryaavaran) par bhaarateey drishti hai. yah jaroor hai ki kuchh aadhunik logon ko yah avyavahaarik lage. par main is pustak ke punarpathan kee soch rahaa hoon.
sochiye mat kar daalie taaki banavaaree jee ko ham bhee padh len
ReplyDeletevaise aavashyakataa to hai bhaageerath kee aur praant - praantar ko samajhane kee
aapane bahut sahee kahaa
ReplyDelete"praacheen kaal ke bhaageerath prayatn se kaheen adhik kathin prayaas kee darakaar hogee. bhaageerath ko chunautiyaan keval bhaugolik theen. ab chunautiyaan atyadhik buddhinirbhar maanav kee bhog lipsaa se paar paane kee hain. vah kaheen jyaadaa duruh kaam hai."
jbaradast baat kahee. chunautiyaan ab sirf bhaugolik naheen hai nattoo jee kaa kaam adhik dushkar hogaa isamen shak naheen par dekhiye to aapakee baat par ve kitane aaraam se hal nikaal lene kee mudraa men dikh rahe hai.
ReplyDeleteaapke nattu pandey ko shubhkamnae.
ReplyDeletenattoo paande! aay haay!! kitte pyaare..ham to un par mohaay bakiyaa padhe hee naheen...
ReplyDeletegirijesh raav jee kee tippanee:
ReplyDeleteaap kee taajee post par meree yah tippanee:
_______________
kopenahegan ke hopenahegan .. hone kee sambhaavanaa/aashaa par jo tippanee dee thee, yahaan bhee de rahaa hoon:
"hindee blogaree men aise lekhon kee kamee hai. achchhee post.
bhogavaadee vikaas kee avadhaaranaa ne bahut se aisee prakriyaaen shuroo kar sthaapit kar dee hain jinako rivars karane ke lie bahut hee dridh ichchhaashakti aur janataa ko samajhaane kee aavashyakataa padegee. savaal yah hai ki kyaa vaishvik netrittv isamen saksham hai? kyaa vaakaee rokathaam aur rivarsal ke lie eemaanadaar hai?
aarthik vikaas aur rojagaar ke mudde bhee inase jude hue hain. bahut jatil saa maamalaa hai. jaane kyon bhootaan jaise chhote desh se seekh lene ko man karataa hai !"
aadaraneey paandey jee,
ReplyDeleteaapane nattoo jee kee bahut khoobasoorat foto lagaaee hai.is baar ilaahaabaad aaoongee to inase milane jaroor aaoongee.
poonam
behatareen aalekh, sam-saamayik bhee aur generation-next ko snbodhit. ek peedhee par kitanaa dabaav hotaa hai apekshaaon kaa...apekshaaon kaa bhee ek hierarchy hai..vaise isase pratyek peedhee gujare naa gujare is kasautee pe kasee jaroor jaatee hai. paryaavaran kee bahas koee bhee ho mujhe gaandhee sabase praasngik lagate hain. sirf baaharee upaay kaafee naheen honge..prayaason kee umr lambee ho jisake saarthak parinaam bhee hon to apane bheetar kuchh parivartan karane honge. vastuon kaa nyoonatam prayog..mitavyayee jeevan shailee aur ek saaf-sutharee aadhyaamikataa ko bhee apanaanaa hogaa jisase jo bhee samaksh hai jad-chetan..usakee eejjat ho man men. kaee baar sochataa hoon, har jad-chetan men devatv dekhanaa kitanaa theek thaa apane paryaavaran ke lie..khair uchit aur shreshth ke chayan kee aavashyak prajnyaa ke saath nattoo "bhaageerath" paande ko apanee chunautee sveekaaranee hogee. is bhaageerath prayaas men nattoo baabu ko akele chhodnaa theek naheen hogaa. vartamaan kee saaree peedhiyon ko apanaa yog denaa hogaa. aksar aagat peedhee se ham apekshaa jyaadaa rakhate hain aur usakee chunautiyon ko ham underestimate karate hain par yahaan is post men do peedhiyaan ek-doosare kee seemaaon se aur kshamataaon se bhalee-bhaanti avagat lagatee hain..is shubh lakshan ke shubh maayane hain...aabhaar is behatareen post ke lie.
ReplyDeleteyah rachanaa saamayik prashnon kaa uttar dene ke saath-saath jeevan ke shaashvat moolyon se bhee judee hai. maanav baahy jagat se jitanaa judaa hai; utanaa hee vah antarjagat men bhee jee rahaa hai. baaharee snsaar ke nadee, parvat, pashu-pakshee usake man se jude hain ; to vah maanav hokar bhee maanavetar paatron se judaa hai. gatisheel hokar bhee vah sthir,gatisheel moortt-amoortt sabhee kaa sagaa -snbndhee hai. aapane bilkul theek kahaa hai nattoo paande ko is praant-praantar ke baare men bahut kuchh samajhanaa hogaa. aapakaa aabhaar.
ReplyDeleteaadaraneey paandey jee,
ReplyDeletenattoo jee kee tasveer ne to man moh liyaa---is baar inase mulaakaat jaroor karoongaa.
hemant kumaar
badee jimmedaaree hai nattu paande kee.. soree.. nattu "bhaageerath" paande jee kee..
ReplyDeletebehatareen aalekh.
ReplyDeletebehatareen aalekh. ek chutakee sindoor kee keemat tum kyaa jaano ramesh baaboo. ek chutakee sindoor aurat kee maang kaa gahanaa hotaa hai. gahanaa se yaad aayaa ki sone ke daam aasamaan chhoone lage hain. ab aasamaan men sitaaron vaalee vo raunak kahaan? raunak kaa kyaa kahen, keval aasamaan se hee naheen, manushy kee zindagee se chalee gaee hai. jaise-taise zindagee kaat rahaa hai manushy. gngaa ke paanee kee kaat sabase bade prashaant mahaasaagar ke paanee men bhee naheen milegee. gaane ke anusaar jaaen to sabase se badaa mahaasaagar to hind mahaasaagar hai kyonki kavi pradeep ne likhaa thaa ki "dakshin men charanon ko dhotaa saagar kaa samraat hai." samraat ashok kee to kyaa kahane? kahane ko bahut kuchh hai kyonki hameshaa kuchh n kuchh hotaa rahataa hai. hone ko lekar koee pngaa naheen hai. pngaa to raaj thaakare ne liyaa thaa aboo aajmee se. kaifee aajmee ke jile ke hee hain aboo aajmee. vahee kaifee aajmee jinakee suputree shabaanaa aajmee hain. suputriyon ko log-baag jindaa hee naheen rahane de rahe. jindaa rahane kee baat kyaa kahee jaay, insaan kahaan jindaa hai ab? kisee shaayar ne theek hee likhaa thaa ki; "maut to lafj bemaanee hai, jisako maaraa hayaat ne maaraa". kahate hain hayaat kaa matalab hotaa hai zindagee. matalab isalie bataa diyaa ki urdoo n jaanane ke kaaran aapake oopar ek abhiyog lagaa thaa. abhiyog kee kyaa baat kahen, abhiyog to chalate rahate hain aur bhaarateey adaalaton se abhiyogee chhoot hee jaataa hai. lekin nattoo paandey ke oopar bhaageerath prayaas n karane kaa abhiyog naheen lagegaa is baat kaa vishvaas hai mujhe.
ReplyDeletebhaiyaa, ye to gadbad ho gaee. doosaree tippanee ek kavitaa vaalee post ke lie likhee thee mainne. aapakee post ke lie aprasaangik hai yah tippanee.....vaise koee baat naheen, tamaam post par apraasngik tippaniyaan hotee rahatee hain. aapakee post par bhee sahee. vaise bhee aapakee post apraasngik tippaniyaan kabhee dikhaaee hee naheen deteen. isalie ise rahane hee deejiye. dileet mat keejiye. padee rahegee ek kone men.
ReplyDeletenanhee hee jaan par aapane apekshaaon kaa pahaad hee daal diyaa hai. kyaa kyaa karenge bechaare :)
ReplyDelete` pataa naheen agar bhaageerath ban bhee paayenge to kaise banenge. usake baabaa to shaayad usase apanee raajanaitik viraasat snbhaalane kee baat karen’
ReplyDeletechintaa kee kyaa baat hai! aaj kaa har netaa bhaagirath hee to hai.... to natthoo jee raajaneeti men aaen to samajh lo gngaa paar ho gaee:)
nattoo paande jindaabaad , naanaa kaa bhaageerath ,baabaa kaa raajanitik ,paapaa kaa udhyogapati sab kaa sapanaa pooraa karegaa .
ReplyDeleteabhee kal-parason chaalees samathing akhabaaron kaa ek saajhaa editoriyal padhaa thaa, aur ab aapakee yah post...
ReplyDeletesach hai, aashaavaaditaa kee bahut jaroorat hai- hamen aur is srishti ko bhee.
aajakal aamir kee film kaa ek promo aa rahaa hai jisamen bataayaa jaataa hai ki paidaa hote hee pitaa ne paalane men dekhate hue kahaa meraa betaa doktar banegaa.....mujhase kisee ne poochhaa hee naheen ki main kyaa banoongaa.
ReplyDeletenattoo paande jee bhee kaheen kal ko n kahen- mere naanaajee ne paryaavaran, mridaa ksharan aur tarah tarah ke filosifee vaale bhaaree bharakam baaton ko mujhe thamaate gaye auऱ main thaamataa gayaa.... mujhase poochhaa hee naheen ki main kyaa karanaa chaahataa hoon :)
bahut badhiyaa post !! bhaageerath banane ke lie bhaageerathee koshish karane vaalaa kauee najar to nahee aataa.....fir bhee ummeed par duniyaa kaayam hai..
ReplyDelete... prasnshaneey abhivyakti !!!!
ReplyDeletesaarthak chintan ko jagaatee aur apanee agalee peedhiyon ke sammukh mahatee kintu aavashyak apekshaa ko darshaatee post...
ReplyDelete"praacheen se arvaacheen jahaan judate hain, vahaan bhavishy kaa bhaarat janm letaa hai. vaheen bhavishy ke sabhee samaadhaan bhee rahate hain!" saty vachan aur uttam apekshaa
saadhoo! saadhoo !!
dev !
ReplyDeletebukhaar hai so in dinon nishkriy saa hoon..
aapakee post men vartamaan kaa bhavishy se badaa khoobasoorat
snvaad kiyaa gayaa hai , aisee sthiti men ateet 'beneefited'
hogaa hee ..
'' sagaraputron'' ko taarane ke lie bhageerath ne bhaageerath-prayaas
kiyaa , aaj to sab 'sagaraputr' kee traasadee ko praapt ho gae
hai .. 'nattoo paande' par aane vaale vakt men kitanaa dabaav hogaa , yah
sahaj anumey hai !
... kyaa ham nattoo kee peedhee ko javaab de paaenge ..
SMS Comment from Shri Manoj Dube:
ReplyDeleteSir, read your Nattu Bhagirath Pandey blog ... it was so apt... he is blessed to have academic and political input from nana and baba ...let us see he becomes laser like and searchlight like ... am sure you are having best of time with him ... regards, manoj.
praacheen se arvaacheen jahaan judate hain, vahaan bhavishy kaa bhaarat janm letaa hai. vaheen bhavishy ke sabhee samaadhaan bhee rahate hain!
ReplyDelete~~~~~~~~~~~~~~~~~~~~~~~~~~~~~~~~~~~
Sarthak -- Lekhan --
~~~~~~~~~~~~~~~~~~~~~~~~~~~~~~~~~~~
Nattoo " Bhageerath " Pande ko mere dhron ashish va bahut sneh :)
Kitta pyara Laal hai ...Jug Jug jiye ...Sub ki ashaon ko poora kare
ashish sahit,
- Lavanya
bhaageerath ke paas chunautiyaan kam thee to risorses bhee kam the. ab donon badhe hain saath-saath anyonyaashrit sambandh deekhataa hai inakaa. baakee nattoo pande ki tasveer dekhakar hee nihaal ho lie ham to.
ReplyDeletepraacheen kaal ke bhaageerath prayatn se kaheen adhik kathin prayaas kee darakaar hogee. bhaageerath ko chunautiyaan keval bhaugolik theen. ab chunautiyaan atyadhik buddhinirbhar maanav kee bhog lipsaa se paar paane kee hain. vah kaheen jyaadaa duruh kaam hai.
ReplyDelete--aapane sahee kahaa ab chunautiyaan aur bhee kathin hain ab to ghar-ghar men ek nattoo paande kee aavashyakataa hogee.
" jeevan men ashvath, shamee, yajng, van, gau, aayurved, atharvan, udyog, arany, krishi aur n jaane kitane prateekon ko naye sandarbhon men sthaapit karanaa hogaa"
ReplyDeletebahut hee prerak aur vichaaraneey vichaar .maastar nattoo paande jee kee foto bahut badhiyaa lagee .... aabhaar
hamane gngaa se antaarkatik tak kuchh naheen bakhshaa. sab
ReplyDeletejee bhar kar raundaa aur jid bhee kie baithe hain ki kyoton aur kopeheganon ko kisee bhee haal men kaamayaab bhee naheen hone denge..chaahe kuchh bhee ho jaae..
lamhon ne khtaa kee thee sadiyon ne sajaa paaee.
meree aparaadhon kee sajaa ke lie taiyaar rahen bechaare nireeh nattoo paande.