us din daftar men vyast thaa. savere kaa samay. somavaar. kaee fon aur kaee masale. igyaarah baje kaa taarget. is beech adhed umr kaa ek ardh shaharee vyakti mere kamare men aayaa. meraa chaparaasee shareef chhaap hai – kisee baaharee ko rok naheen paataa.
vah vyakti khade khade bolaa – “pahichaanyai hamen?”pichhale hafte mere gaanv ke paas ke steshan se gujar rahee thee meree tren. main dekh rahaa thaa ki ek saptaah se jyaadaa gujar gayaa hai julaaee kaa. baarish naheen huee. kheton men fasal dikh hee naheen rahee. kyaa sookhaa padegaa? mere gaanv men kaisee bechainee hogee ise le kar?
mere asamnjas ko dekh khud hee bolaa – “ghunnan”!
yah aisaa naam hai jo mujhe turant bachapan men le gayaa. gaanv me skool jaate samay ghunnan kaa saath rahataa thaa. mujhase ek darjaa aage rahaa hogaa vah. ab jor dene par bhee tasveer naheen aatee dimaag men. par naam aisaa hai jo turant klik karataa hai.
hamaare ghar ke paas usakaa ghar thaa. usake pitaajee the luddhur. mujhe unakaa vaastavik naam naheen yaad. ghunnan kaa vaastavik naam bhee naheen yaad. braahmanon kaa gaanv hai to koee paande/sukula/misir hee honge.
kursee men fon ke saath dhnsaa n hotaa to uthakar “beeyar hag” men letaa bachapan ke sakhaa ko. par main uth n paayaa. ghunnan apane rijarveshan kee deetels mere sahaayak ko de kar chalaa gayaa. shaayad vah jaldee men thaa. koee sampark nambar bhee naheen hai mere paas ki baat kar sakoon. kaam se nipat kar maine keval yah kiyaa ki sahej kar usake rijarveshan ke liye sambandhit adhikaaree se svayn baat kee.
paas men hee meraa gaanv hai – chaalees kilomeetar door. vahaan jaataa naheen – ghar kaa koee rahataa naheen. ghar bhee jeernaavasthaa men hai. ghunnan se milanaa hogaa, kah naheen sakataa.
chaar, saadhe chaar dashak aur ham ajanabeeyat ke kagaar par pnhuch gaye hain. main apane bachapan ke sahapaathiyon ko n pahachaan paaoongaa. apane khet cheenhanaa bhee kathin hogaa. apanee baaree (bageeche) ke aam ke vrikshon ke naam aur svaad bhee ree-kaip karane men jaddojahad karanee padegee. mahuaa ke pend to yaad bhee naheen kis or hain.
vaapas lautanaa, apane gaanv-khet par lautanaa, apanee jadon par lautanaa kyaa ho paayegaa?! baune bonsaaee kee tarah jeene ko abhishapt ho gaye hain ham!
haan, ghunnan tumhen tumhaare naam se cheenhataa hoon.
hamaaraa aagrah hai ki ghunnan jee se milen jaroor ,
ReplyDeleteho sake to apane gaanv bhee ho aayen . jaakar to dekhie .
( post padhakar anaayaas hee premachand kee kahaanee 'gullee-dandaa' kee yaad aa jaatee hai )
vaah,
ReplyDeleteman khush ho gayaa,
ek din ham bhee baithe puraane skool ke saathiyon ko yaad kar rahe the, kuchh yaad rahe kuchh bhool gae| kaash hamaare skoolon men bhee amareekaa kee tarah 10/20/30/40 vaarshik (pahale saalee likhane vaale the) ree-yooniyan hotee| lekin kahaan jaa paate, jab n apane bee tek kee digree samaaroh men jaa sake n em. ee. vaalee men|
naam bhee keval vahee dimaag men aate hain jinake saath kisse jude hue hain yaa jinake vishuddh rochak nik-nem the, anaakondaa, sheshanaag, maoo, robot, ityaadi ityaadi|
aapakaa gaanv ko 40 kimee par hee hai, kabhee bhee chale jaaie, badhiyaa yaaden judengee|
sabhee ke ghunnan gum ho gaye hain. aap khushakismat hain ki kam se kam vo to jaanataa hai ki aap kahaan hain.
ReplyDeleteittee see jindagee aur itte saare naam, kaise yaad rakhenge bhalaa! jabhee to sntajan ek hee naam kee aasaan kunjee banaa gae hain - bhaj man raam naam...ityaadi.
ReplyDeletesach sabake ghunnan gum ho gaye hain, aap bhaagyashaalee hain ki vah to aapako jaanataa hai!
ReplyDeletegaanv chhoot jaataa hai ...bachapan bhee ...magar yaaden kabhee naheen !!
ReplyDeleteaapane gaanv se judaa rahanaa itanaa aasaan naheen hai. bahut samay, dhairy aur prabandhan kaushal kee aavashyakataa hai. sabake saath ruchi kaa honaa bhee aavashyak hai. yah sab jugaad ho jaane par jab gaanv pahunch jaataa hoon to bahut kuchh sahejane kaa man karataa hai. par laakh koshish ke baavajood sahej naheen paataa.
ReplyDeletelekin ab gaanv bhee tejee se badal rahe hain. ab baag-bagichaa kam ho rahe hain, vyaapaar adhik badh gayaa hai.
behatareen post. yah sabakee kahaanee hai. shahareekaran kaa ek yah bhee pahaloo hai.
ReplyDeleteusake pitaajee the luddhur. aur aapake baal sakhaa ghunnan ! in naamon kee kathaa kaa rahasy bhee bataa den ...
ReplyDelete- laavanyaa
seemaab akabaraabaadee kaa ek sher hai-
ReplyDeletekahaanee meree roodaade jahaan maaloom hotee hai.
jo bhee sunataa hai useekee daastaan maaloom hotee hai..
saadar
shyaamal suman
09955373288
www.manoramsuman.blogspot.com
shyamalsuman@gmail.com
achchhaa hai aapako baal sakhaa mile... ham to bahutonko yaad karaten hai.. shaayad kabhee mile...
ReplyDeleteaapako bachapan kaa koee milaa to sahee....ab to koee mil bhee jaae to pahachaananaa mushkil ho jaae.
ReplyDeletegaanv jaaen magar use vaisaa naheen paaenge jaisaa yaadon men hai. nijee anubhav hai bhaee...
"paande/sukula/misir hee honge. ..." kyaa ye sabhee ghunnan hai:-)
ReplyDeletebehatareen post. aap to apane hee ilaake men hain. fir jadon kee sinchit karate rahane men kyaa dikkat hai.
ReplyDeletemujhe khushee hai kee aap abhee bhee apanee jadon se jude hai varnaa ghunnan kabhee aap se milane n aataa .
ReplyDeletebahut sundar yaade, mai agar jindaa rahaa to jarur lotoogaan apane desh mai jahaan mene chalanaa seekhaa, bolanaa seekhaa...dhunnn sab pataa nahee kahaan kho gaye yah sab,aankhe to bahut dhudhatee hai...
ReplyDeletepuraane doston kee jagah aur koee naheen le sakataa...aapane unase dhng se n mil kar theek naheen kiyaa...
ReplyDeleteneeraj
kahanaa achchhaa naheen lag rahaa lekin... mitrataa ke naate aapake saath kuchh sheyar karanaa chaahataa hoon.
ReplyDeletefon ke saath kursee men dhnsane kee aapakee adaa ne us nirmal graameen ko snket diyaa hogaa 'to.. kyaa' kaa. mai khud bhee kaee baar aisee galatiyaan kar chukaa hoon. premachnd kee hee ek kahaanee hai. usamen bete kee teebee kee beemaaree kaa eelaaj karaane kee bajaay ek baap apane doosare bete ko inglaind bhejane men paisaa nivesh karataa hai. bade bete kee maut ke baad dhoom-dhaam se usakaa kriyaakarm kiyaa aur braahmanon ko jimaayaa.
kursee par ignaur karane ke baad aapako apane vyavahaar par glaani huee aur ab tak ke sabase edavaans maadhyam par aapane apane mitr ghunnan ko yaad kar usakee poorti karane kee koshish kee. ise main puraane dinon kee yaad naheen vartamaan kaa praayashchit kahoon to shaayad galat naheen ho.
kuchh kadvaa kahaa hai lekin ummeed karataa hoon ki aap ise is post ke sndarbh men hee lenge.
aapakaa fain
siddhaarth joshee
beekaaner
biyar hag kar hee lenaa thaa...
ReplyDeleteaapakee saafagoi padh kar achchhaa lagaa...
ReplyDeleteaadamee naheen to n sahee, jaden khud khod nikaalatee hee hain hamen.
haan jinake bhee ghar gaam chhut gaye un sabhee ke ghunnan lupt ho gaye hain. aaj to lagataa hai aapane hamaare dil kee baat ko bhee shabd de diye hain.aur bhee mere jaise kitane hee honge aur post ke ant kaa yah vaaky jhakajhor gayaa : "baune bonsaaee kee tarah jeene ko abhishapt ho gaye hain ham"
ReplyDeletelagataa hai ham sachamuch hee baunasaaee ho gaye hain.
raamaraam.
is baar gonvon men sookhe kee naubat buree khabar hai.
ReplyDeleteman men baat aa gaee hai to 40 ki.mee. kee dooree bhee koee dooree hai.
mujhe abhee bhee apane hisse ke ’ghunnan’ mil jaate hain . kuchh hee hain jinamen abhee bhee bachapan kee puraanee yaaden ras ghulakar bharee huyee hain, saath baithakar sasvaad ho baahar aatee hain . kaee log bahut hee snkochee hote hain aur aavaran utaarane men bahut samay lete hain . kintu ek baar khulane ke baad puraane kisson kaa jo daur chaaloo hotaa hai to samaapt naheen hotaa . avismaraneey hotaa hai apane bachapan kaa itihaas .
ReplyDeletejado se katane kaa dard yahaan bhee hai . lagataa hai shuooaat huee hai . sameer jee ko to yah bimaaree bahut pahale se hee thee .
ReplyDeleteaapakee yah kasak asnkhyon un hridayon kee kasak hai jo rotee paanee kee jugaad men apanee jameen se bichhude hue hain.....
ReplyDeletehaan sachamuch bachapan kitanaa peechhe ho chalaa hai !
ReplyDeletebachapan ke aise kaee saathee jo sirf naam se yaad rahate hai hameshaa
ReplyDeletechaalees kilomeetar kee dooree chnd minaton men naapee jaa sakatee hai par shaayad aapane hee apanee or se koee roochi n lee ho tabhee aap vahaan ek had se jyaadaa apane ko naheen paa rahe hain.
ReplyDeletemujhe to ye maukaa mile ki paitrik ghaऱ se chaalees kilomeetar dooree par kaam karoon to main us khushee ko lafjon men naheen bayaan kar sakataa.....shaayad lafj rajaaee odhe chukkee mukkee ho baith jaany :)
sachchee bhautaee umdaa
ReplyDeletejooniyar besik paathashaalaa,graam pnchaayat - dhikiyaapur,jilaa itaavaa men ek hamaae’u sngai hate sobaran (shyobaran).dubare-patare ekadammai mariyal se . ek daany unnai klaas ke sabase jabar ladakaa ke teen kee slet fenk kai maar daee hatee . vaake baad maathe men gadee slet aur bahat bhae khoon kai dekh kai jittee jor sai vo jabaraa roo, vaasai jaadaa jor sai sobaran roe ki are joo kaa huy gao .
ReplyDeletepachcheesek saal pahalai ek daany knchausee gae hate tau ve bazaar men taat bichhaaen sabjee bech rae hate . hamain binaa paisaa laihain koee sabjee daibe kee cheshtaa’u karee hatee unnai . ab pataa naiyain kahaan hain kaise hain .
aap to punn vaale hain ki gaanv nageechai hai aur ghunnan khudai aay kai darshan dai gae . yo kurasee men dhnsabo aur fon men fnsabo’u bauhat jaalim cheez hai . par eemaanadaaree ko ’rigret’ sabai cheejan pai bhaaree hai . eemaanadaaree aur karunaa manushyataa ko pahalo aur aakharee aasaro hai so banaaain rakhiyo daddaa.
sameer jee kee baat steek hai, vaakaee.
ReplyDeleteskool kolej ke sahapaathee mitron se snpark n ke hee baraabar hai. abhee kuchh din pahale fesabuk par skool ke kuchh sahapaathee mile to unako mitr ke roop men apane khaate men jod liyaa, maano jeevan ke beete adhyaay kaa ek bhaag jo kitaab se alag hat gayaa thaa punh jud gayaa!
oopar neeraj rohillaa kee baat sahee lagee, hamaare yahaan skoolon men amerikee skoolon kee bhaanti reeyooniyan kaa kansept naheen hai, honaa chaahie, isee bahaane puraane sahapaathiyon (khaasataur se jinase snpark naheen rahaa) se mulaakaat ho jaatee hai!
itane barason baad mile aur bas rijarveshan kee baaten hee huee? ham to samajh rahe the ki bachapan kee sharaaraten, gillee dndaa, imalee aadi sab kuchh yaad kiye honge.. khair shaayad kursee ne yah sab naheen karane diyaa ho.
ReplyDeleteek baar ghunnan ko ghar bulaayen yaa chaalees kilomeetar kee yaatraa kar hee len, isee bahaane ek baar bachapan ko jee lenge aur hamen ek post padhane kaa masaalaa.
:)
jadon ke paas dobara lautna mumkin hai ki nahi, yeh is baat par nirbharkarta hai ki man mein iccha hai ki nahi...?lekin is baat ka yakeen zaroor hai ki agar iccha hai to sab kuch mumkin hai. Aapki post ne mujhe apne us gaaon mein le ja kar dobara khada kar diya, jo ki Allahabad se kuch 1 ghante ki doori par hai "Kala Kaakar, PAriyanvan".. Naani ka ghar hota tha kabhi wahan...kitni hibachpan ki yaadein... kacche aam ki khushboo... ber ke junglelaal amrood ki laali ....aur chane ke ki sondhi mehak mein lipat gayee hoon main !! Shukriya is post ko share karneke liye ...
ReplyDelete