meree naukaree kee dimaand rahee hai ki meraa ghar relave ke niyntran kaksh ke paas ho. lihaajaa main dashakon relave kaalonee men rahataa rahaa hoon aur bahut se sthaanon par to daftar se sataa ghar mujhe milataa rahaa hai. aadat see banee rahee hai ki dopahar kaa bhojan ghar par karataa rahaa hoon. yah kram ilaahaabaad men hee tootaa hai. yahaan main pitaajee ke makaan men rahataa hoon jo daftar se pndrah kilomeetar door hai. so dopahar men ghar aa kar bhojan karanaa sambhav naheen. 
ghar aur daftar ke beech kauvvaaudaan kee dooree!daftar men kuchh din aise hote hain, jab mujhe akele apane kamare men lnch karanaa hotaa hai. chaparaasee plet-paanee aur tifan-boks lagaa detaa hai. aur main kaafee tejee se lnch pooraa karataa hoon.
us din maine tejee se bhojan to kar liyaa, par fir ruk gayaa. patneejee ne bade man se gujhiyaa aur matharee saath men bhejee thee alyoomeeniyam foil men vraip kar. matharee to speshal hai – chukandar, dhaniyaa aur haldee ke praakritik rngon se banee rngabirngee matharee.
main pun: plet saaf karataa hoon. matharee aur gujhiyaa ko plet men rakh kar foto letaa hoon. shaant bhaav se duharaataa hoon – “brahmaarpanam brahmahavi, brahmaagnau brahmanaahutam… .” main bhagavaan ko aur apanee patnee ko dhanyavaad de kar udarasth karataa hoon – matharee aur gujhiyaa.
akele, chupachaap lnch kaa neeras anushthaan bhee yajng honaa chaahiye, bandhu! bhale hee usamen ek post nichodane kee ichchhaa nihit ho.
aur yah leejiye tirree kaa baapa; jugaad:
 |  |
yah vaatar-pamping ke liye prayukt deejal injan kaa prayog karataa hai aur binaa rajistreshan ke vaahan ke roop men poore uttar bhaarat men lokapriy hai. kahanaa n hogaa ki samapaar faatak (relave leval kraasing) par bahut see durghatanaaon kaa nimitt jugaad hai.
yah chitr bhee hamaare aleegadh ke mandal yaataayaat prabandhak shree dee. minj ke saujany se hai.
mere aur nishaant mishr men kyaa saamy hai? shaayad kuchh bhee naheen. nishaant ek daksh anuvaadak lagate hain. unakee jena/taao/soofee/hindoo prerak kathaaon ke anuvaad mujhe apane mohapaash men baandh chuke hain. itanaa sundar anuvaad --- aur main angrejee se hindee banaane ke atapate shabdon se ulajhataa rahataa hoon.
mujhase bees saal chhote nishaant mujhe eershyaagrast kar rahe hain apanee kepebiliteej se. apane baunepan par keval haath hee mal sakataa hoon main! aur yah aashaa kar sakataa hoon ki furasatiyaa isase mauj n nichod len!
jab khaane vaalaa bhee vahee ho jo khaayaa jaa rahaa hai to duniyaa men yajng ke sivaa koee gatividhi hai kyaa. mujhe to lagataa hai gati, kaal aur yajng teenon paryaay hain.
ReplyDeletejugaad hamaaree vyavasthaa kaa ek sundar namoonaa hai.
ek saujanyataa poorn sujhaav hai -lnch par kabhee aamntrit kar sakate hain -akele kuchh bhee udarasth karanaa hinsr vritti hai ! bulaaen to aaoon bhee bin bulaae yah shakhs bhee bhagavaan ke paas bhee n jaaye !
ReplyDeletenishaant mishr sachamuch dijarv karate hain yah meree ek bahut sammaanit mitr kee tippanee se bhee poorv pramaanit hai !
furasatiyaa jee bas apanaa man bahalaav kar rahe hai varanaa sachamuch hindee bloging men kuchh khaas ab bhee naheen hai !
ye tirree to bahute khataranaak hai..dhany hue dekh kar. nishaant jee ke lekhan ke ham bhee mureed hai.
ReplyDeletematharee, gujiyaa dikhaa kar lalachavaa rahe hain.
matharee gujhiyaa kee foto dekh kar to lagaa ki aapakaa kitanaa saadaa khaanaa hai? ek tamaatar kee slaaees aur ek chheelee huee sev (epal) kaa tukadaa lagaa hamen to. vaakaee banaane vaale ko bahut badhaaee. aur ye jaanakar aur bhee achchhaa lagaa kee praakritik rngo se banaaee gaee hain.
ReplyDeleteaur jogaad to hamaare harayaanaa me ham kaafee samay se dekhate aa rahe hain.
raamaraam.
ye matharee aur gujhiyaa dekhakar to jeebh lapalapaayee. chukandar aur dhaniyaa. vaah kyaa baat hai.
ReplyDeleteaapase blogaree men ‘jugaad’ kee khoj karane kaa tareekaa seekhenge ham. haailee jugaadaatmak post thel dee aapane. hen hen hen hen :D
akele bhojan karanaa to bahut hee kathin hai.vaise ye aapake jugaad ne bhee chaunkaa kar rakh diyaa.
ReplyDeletejyaadaa matharee aur gujhiyaa sehat ke lie haanikaarak ho n ho par apane se chhoton se eershyaa jaroor haanikaarak hai
ReplyDeletepranaam
ReplyDeletegujhiyaa aur matharee dekh kar to laalach aa gayaa .
nishaant jee dvaaraa prastut kee gayee kahaaniyaa bahut achchhee aur preranaa daayak hain .
ham to khaanaa khud hee banaate hai aur akele men khud hee udarasth karate hai.. mntrochchaaran ki aavashyakataa to hotee hee hai.. kyonki khaanaa khud banaa rahe hai.. kabhee mirchee jyaadaa ho jaatee hai to kabhee haldee.. par sochate aayee kis baat ki jaldee.. to ab to sab masaalo se dostee ho gayee.. ab khaanaa achchhaa banataa hai..
ReplyDeletekhair jugaad ke baare to hamane bhee bataayaa thaa.. aapane to foto hee chipakaa dee.. aap to bade forvard nikale..
par ye eershyaagrast hone vaalee baat jamee nahee.. apane ko to koee apane se ikkees mil jaae to svasth pratiyogitaa jroor kar lete hai.. khair aapako kyaa samajhaae aap to svayn jnyaanee hai..
khaanaa ham bhee kaaryaalay men hee khaate hai, ghar door naheen magar samay bachataa hai.
ReplyDeletepahale yah vaaky : "matharee aur gujhiyaa ko plet men rakh kar foto letaa hoon."
ReplyDeletefir yah : "shaant bhaav se duharaataa hoon – “brahmaarpanam brahmahavi, brahmaagnau brahmanaahutam… .”
kitanaa vishaal samanvay hai kriyaa ke vipareet svabhaav kaa . foto n huee, mntrochchaar ke pahale kaa snskaar ho gayaa .
sarajee khaane ke maamale men main ekaidam ekaantapriy hoon. pablik sektar khaane men khaane kaa pataa naheen chalataa ki kittaa khaayaa gayaa. kam yaa jyaadaa kaa pataa naheen chalataa. khaane ke saath padhne kee buree lat aapako hai yaa naheen.
ReplyDeleteare ye to naee tarah kee matharee pataa chalee . reetaa jee ko dhanyavaad kahiyegaa .
ReplyDeleteaur is tarah ke jugaad to hamane khoob dekhen hai .
sachamuch akele men bhojan karanaa badaa akhar jaayaa karataa hai...
ReplyDeletejugaad to ekadam laajavaab hai...
achchhee jaanakaaree.
ReplyDeletebas lnch kaa samay aur chhap jaataa to achchhaa rahataa.
bhaarat to jugaad se hee chal rahaa hai .
ek post nichodane kee ichchhaa hee lagatee hai anyathaa (aap chaahe jo samajhen) akele bhojan karanaa mujhe to kisee kathor dand se kam naheen lagataa.
ReplyDeletepataa naheen kyon sab log 'jugaada' par itanaa itaraa rahe hain. mere kasbe men bhee thok men upalabdh hain.
lnch yajng yaa yajng lnch?
ReplyDeletetheek kah rahe hai anupam jee lnch kaa samay chhaap dete to ilaahabaad ke chakkar men kisee roj aapako kampanee de dete....ye gunjiyaa kyaa aal seesan avalebal rahatee hai aapake ilaahabaad men ?
ReplyDeleterangeen mathri bananey ki vidhi bhi likiye kripyaa ..
ReplyDeletekalar ful lnch . aap jaise alpahaaree ke lie , itanaa to ham lnch ke baad khaate hai
ReplyDeletegazab. vaise aapakaa jugaad poore uttar bhaarat naheen, sirf pashchimi uttar pradesh aur hariyaanaa men chalataa hai. aapake ilaahaabaad men hee maine kabhee naheen dekhaa.
ReplyDeletematharee aur gujhiyaa ko udarast karake aapane bhaabheejee ke prem kaa sammaan rakh liyaa:) badhaaee.
ReplyDeletechaliye khaaeeye aap, hame ko lalachaavaa rahe hai? baakee yah jugaad to mujhe bahut hee khataranaak lage...
ReplyDeletematharee aur gujhiyaa ko udarast karane kaa aannd mai jab tak ilaahaabaad men rahaa tarasataa hee rah gayaa kyonki vah daur hostal men rahane kaa thaa 1985 se 1998 tak | fir hostal vaale ladkon ko kaun ghar bulaataa hai khaas karake apane ilaahaabaad men|aapakee post se aur maanachitr se apanaa ilaahaabaadee jeevan yaad aa gayaa |
ReplyDelete...aur yah aashaa kar sakataa hoon ki furasatiyaa isase mauj n nichod len!
ReplyDeleteaapakee aashaa kaa sammaan karate huye kuchh naheen likh rahaa hoon!
shiv jee ne gujhiyaa sammalen men kitane taaip kee gujhiyaa banavaaee thee aur ek aap hai, khaalee foto dikhaa rahe hain...bhaee kam se kam matharee kee recipe to daal dete...ham jaison kaa kuchh bhalaa ho jaataa.
ReplyDeleteaap kaa lnch bas itanaa saa![shaayad dieting par hain??]
ReplyDeletevaise itanaa to khaane ke baad khaayaa jaataa hai...
'matharee to speshal hai – chukandar, dhaniyaa aur haldee ke praakritik rngon se banee rngabirngee matharee.'
gujiyaa aur maththee kaa chitr dekh kar hee man khush ho gayaa .
aisee maththee pahale kabhee naheen dekhee..itanee rng-birngee !vaah!
bhojan to apanaa bhee ghar par hee hotaa hai, daftar aur ghar ek hee hai! pahale jab alag the to sahakarmiyon ke saath bhojan kaa alag mazaa thaa, vah mazaa akele bhojan karane men naheen hai lekin ab thodee aadat ho gaee hai. :)
ReplyDeleteham to lnch men jo khaate hain naa hee bataaen to behatar hai. abhee shukulajee ne ek din fon par kahaa : 'kyaa maigee khaane ke lie hee mammee-paapaa ne padhaayaa thaa !' ant-shnt khaakar pareshaan ho chuke hain. par haan akele kabhee naheen karate :-)
ReplyDeletemarafee kaa niyam fir saty saabit huaa, aap ko aashaa men nihit dar lagaa aur aur furasatiyaa ne mauj nichod hee lee - jaise ki aapane dar ko vyakt naheen kiyaa, vaise hee protokol men furasatiyaa ne bhee kah diyaa ki aapakee aashaa kaa sammaan hai.
ReplyDelete"jugaad" ko to ham aprashikshit bhaarateeyon ke yaantrikee kaushal ke roop men dekhate the aur sammaan karate the. aapane usake asurakshaa vaale pahaloo kee or dhyaanaakarshan karavaayaa hai.
zen kathaaon kaa prastuteekaran vaastav men saraahaneey prayaas hai. yah baat aur hai ki ham irshyaa kar hee naheen sakate kyonki ham likhate hee naheen hai (lagabhag) isaliye koee irshyaa bhee naheen.
ghar kaa khaanaa aur mntrochchaar,
ReplyDeletebhojan aarogy pradaayak banaa detaa hai
nishaant bhaaee dvaaraa prastut kee huee kathaaen
bahut achchhee hain
- laavanyaa
are! hamen prasidd hue itane din ho gae aur hamen aaj pataa chal rahaa hai! dhanyavaad, jnyaanadatt jee! mere blog par aanevaale aur usakee prashnsaa karanevaale any blogar mitron kaa bhee main aabhaaree hoon.
ReplyDelete