rattaafikeshan yaa rot larning (rote learning) kaa istemaal kaafee kiyaa hai maine. aur shaayad aaj kee kat-throt spardhaa ke jamaane men, jahaan ek do nambar se vaare nyaare ho jaate hain, yah uttarottar badhataa gayaa hai. yaad rakhane ke liye memoree strings banaane aur nemoniks (mnemonics) kaa prayog bahut kiyaa hai. nolej (knowledge) kee spailing “kanaoo-ladagaye” se yaad rahaa karatee thee.
rattaafikeshan ko bahut bhalaa-buraa kahaa jaataa hai. yah kahaa jaataa hai ki rachanaatmak soch yaa seekh ko yah blok karatee hai. mujhe aisaa kuchh naheen lagaa, kam se kam vyaktigat star par.
vaidik richaaon kaa paath rattaafikeshan ke jareeye hee hotaa thaa. vedapaathee braahmanon ko daadur dhvani (mendhak kee tarr-tarr) kar vedapaath karate bataayaa gayaa hai. mujhe naheen maalum ki aadishnkar ne richaayen kaise yaad kee hongee. ve to vilakshan medhaa vaale the. par bachapan men snskrit ke shlok aur hindee kee kavitaayen to rattaafikeshan se hee maine (ausat intelijens vaale jeev ne) yaad kee theen. aur us samay jo yaad huaa, so huaa. ab to yaad rakhane ko bahut jahamat karanee padatee hai. rattaafikeshan kee nindaa karane vaale log agar yah kahen ki unhonne rot larning naheen kee hai; to mujhe vishvaas naheen hogaa. balki, ab kabhee kabhee yaad karane ke liye rattaafikeshan par vaapas jaane kaa man karataa hai. pareekshaa paas karane kaa dabaav naheen hai, kampyootar aur kaagaj-kalam sarvathaa upalabdh hai, is liye ratanaa naheen padataa. lekin n ratane se lagataa hai ki memoree kaa ek hissaa kamajor hotaa jaa rahaa hai.
aap hain rattaafikeshan ke paksh men vot dene vaale?
aap mujhe har baat men rattaa lagaane kaa pakshadhar n maanen. jahaan snkalpanaa yaa siddhaant samajhane kee baat hai, vahaan aap rat kar kaam naheen chalaa sakate. par usake alaavaa larning men bahut kuchh hai jo yaad rakhane par nirbhar hai. vahaan ratan kaam kee cheej hai.
par aapake rattaafikeshan kaa agar ree-kol yaa baarambaar doharaav naheen hai to shaayad aap bahut samay tak yaad n rakh paayen. masalan 13-19 tak ke pahaade kailkyooletar dev kee anukampaa ke kaaran mujhe yaad naheen aate!
rattaafikeshan kaa mazaa hee alag hai | mere kolej men ise mugging kahaten the |
ReplyDelete"yaad rakhane ke liye memoree strings banaane aur nemoniks (mnemonics) kaa prayog bahut kiyaa hai. nolej (knowledge) kee spailing “kanaoo-ladagaye” se yaad rahaa karatee thee"
ReplyDeletesahee kah rahe hain aap. mujhe bhee bachapan men Light ko ligahat padhane kee aadat thee. aadat ab chhoot gayee par speling usee samay jo yaad huee to abhee bhee yaad hai.
ek ullekhaneey post ke liye dhanyavaad.
aap mujhe har baat men rattaa lagaane kaa pakshadhar n maanen. jahaan snkalpanaa yaa siddhaant samajhane kee baat hai, vahaan aap rat kar kaam naheen chalaa sakate. par usake alaavaa larning men bahut kuchh hai jo yaad rakhane par nirbhar hai. vahaan ratan kaam kee cheej hai.
ReplyDelete--yah sahee kahaa aapane. poorn rattaafikeshan sahee naheen kintu teks lo, kampanee lo aadi men sekshan vagairah to ratanaa hee hote the.
sahamat. rattaafikeshan(smritikaran) kaa dhng,kaal evn uddeshy kuchh bhee ho, usake binaa kaam chalataa naheen hai. kabhee-kabhee aisee rate hue par jab baar baar buddhi jaatee hai to usake antarng rahasy khulate hain aur vichaar ko ek nayaa aayaam dete hain.
ReplyDeletejnyaan jee aapane to mere man kee hee baat kah dee hai -totaaratnt ek manushy kaa antarnihit nihit kshamataa thee jo ab vyavahaar menkam aane se kshay praay ho rahee hai -vedapaathee braahmanon ne lnbe kaal tak is maanaveey apratim kshamataa ko banaaye bachaae rakhaa ! pataa naheen aaj ke shikshaavidon ko isase kyon itanaa parahej hai -manushy kaa yah ek behatareen atreebyoot naahak hee upekshit ho chalaa hai ! koee in matibhramit shikshaavidon ko samajhaae !
ReplyDeleteab to rattaafikeshan aavashyak ho gayaa hai . ek kakshaa me 60 ,60 bachche. teechar bhee is vidhi ko badhaavaa de rahe hai . samajhaane kaa taaim kisee ke paas nahee jo likhaa hai rat lo likh do paas ho
ReplyDeletemujhe itihaas ke san yaad rakhane kaa koee lojik nahee milaa aakhir unake liye yahee teknolaajee kaa yooj kiyaa jisakaa jikr aapane kiyaa ;)
ReplyDeleteaap mujhe har baat men rattaa lagaane kaa pakshadhar n maanen.
ReplyDeletesahamati kee gunjaaish chhodne kaa shukriyaa!
ab lagataa hai ki aap yahaan kanfeshan karavaakar hee chhodenge. :)
ReplyDeletehamane binaa rattaabaajee kabhee kuchh kiyaa ho ye yaad hee nahee aataa. aur ab to lagataa hai ki bahut koshish ke baad bhee memoree me kuchh kemikal lochaa shuru ho gayaa hai.
kisake blaag par tipiyaa diye ye tak bhee yaad nahee rahataa. kyaa maine aapake blaag par tipanee kar dee hai? yaad karake bataataa hoon. :)
raamaraam.
chhaatr jeevan ke vyaktigat anubhav ke aadhaar par main bhee isase sahamat hoon ki rataaee utanee buree cheej naheen jitanee samajhee aur prachaarit kee jaatee hai. kaee baar aisaa chamatkaar hote dekhaa hai ki koee kathin bindu kaee baar samajhane par bhee dimaag men ghusane ko taiyaar naheen huaa, haar kar ratanaa padaa. fir kisee kshan anapekshit roop se achaanak hee dimaag kee battee jalee paaee gayee. goodh rahasy apane aap hee prakaashamaan ho gayaa.
ReplyDeletemastishk ke kisee kone men memoree kee varjish to hotee hee hogee rataaee se. lekin is umr men ab mushkil lagataa hai isakaa upayog kar paanaa. navambar men ham bhee 36 paar kar gaye.
vidyaarthee jeevan men yahee ek kaam (rattaa maaranaa) mujhe sabase kathin lagataa thaa. isee kaaran mujhe snskrit men atyadhik ruchi hone ke baavajood isase door honaa padaa. shabdon ke ‘roop’ ratane men hameshaa fisaddee rahaa. pareekshaa ke din raat men ratataa thaa, agale din shaam hote-hote bhool jaataa thaa. :)
ReplyDeletekaheen kaheen par ratnt vidyaa kee bahut aavashyakataa hotee hai ....isake binaa apanaa nnbar kaafee peechhe aa jaataa hai.
ReplyDeletepataa naheen main sahee hoon yaa galat.. magar ratane ke paksh men main kabhee naheen rahaa hoon.. aur binaa ret vidyaarthee jeevan safal ho hee naheen sakataa hai.. to itanaa andaajaa lagaa hee lie honge ki kyaa-kyaa julm huaa hogaa mere saath.. :)
ReplyDeleteaap maanen yaa n maanen, par mujhe rot larning karanaa naheen aa paayaa. mere skool ke jamaane men kakshaa aathaveen tak ek vishay "saamaajik adhyayan" huaa karataa thaa jisake liye rot larning aavashyak thaa aur iseeliye main us vishay men badee mushkil se paas ho paataa thaa.
ReplyDeleteaapako lohadee aur makar snkraanti kee shubhakaamanaaen....
ReplyDeletebilkul sahi kaha sir aapne...
ReplyDeletemugging aaj kal ki jarurat ban gayi hai...
khub yaad dilaayaa aapane vidyaarthee jeevan men jab samajh kaam nahee karatee thee to rattaafikeshan hee ek maatr upaay lagataa thaa hame to pareekshaa me paas hone kaa... ham ise (cramming) bhee kahate the .
ReplyDeleteregards
vaise hamen hameshaa kahaa gayaa ki : ratnt vidyaa falnti naahi
ReplyDeletepar ham ratate hee rahe . khoonte se baandhakar yaad karane kaa mazaa to sabase alag hai . jaise hamen yaad naheen rahataa thaa ki ilektron proton aur nyootron kee khoj kisane kee to yaad kar liyaa eent par naach
aavart saaranee kaa doosaraa kolam yaad kiyaa bheekh maang kar sharam bech rahe
aur trikonamiti kaa sabase pahalaa formoolaa thaa laal bate kakkaa
rattaafikeshan vaalee baat se sahamat honaa kuchh mushkil lag rahaa hai...barason puraane nagmen...jinhen maine naheen gunagunaayaa...mere jehan men bol aur dhun sahit aaj bhee jindaa hain...aap kahenge ki embiens faiktar kaam kar rahaa hai...sahee hai ...magar vaheen embiens faiktar kathaa-keertan kaa bhee hai. bachapan se n jaane kitanee baar raamacharit maanas rediyo se lekar galee-mohalle men sunee par ek chaupaaee yaad naheen ho paaee.
ReplyDeletebaad daraasal graahyataa kee hai. abhiruchi kee hai. mastishk use hee sveekaarataa hai jisake saath taadaatmy ho. maamalaa bhautik kam, raasaayanik jyaadaa hai. rattaa lagaane se bhee saalon tak koee cheej yaad rah jaae, jrooree naheen. ratte ke saath lay ho to shaayad yaad rahe.
ajeet jee to aae aur chhaae kee tarj par baajee maar le gaye...
ReplyDeleteachchhaa huaa main ajeet jee ke kament ke baad aayaa.. unakaa kament mere bahut saare prashno ke uttar de gayaa...
paande jee kaa aabhaar unhone is prakaar ke vishay par post likhee
jnyaan jee, kshamaa karenge main aapakee baat se sahamat naheen hoon. rattaafikeshan adhikatar logon ke liye theek hotaa hai par yah kah denaa ki yah saare kaaryon ke uchit hai, sahee naheen hai. yah un logon ke liye theek naheen hai jo ki mool kaary karate hain yaa jeevan men kuchh nayaa karate hain.
ReplyDeleteadhikatar logon ko mool kaary karane kee kshamataa naheen hotee - shaayad yah keval 1% yaa fir usase kam logon men hotee hai. hamaaree shikshaa pranaalee bhee mool kaary karane ko badhaavaa naheen detee hai yahee kaaran hai ki rattaafikeshan apane desh men safal hai yahee kaaran hai ki apane desh men shoddh oonche star kaa naheen hain n hee ham mool roop se soch paate hain n hee nayaa kar paate hain.
injeeniyaring men khaas taur se rattafikeshan kaa mahatv hai par vishuddh (pure) vijnyaan vishayon men oonche star kaa kaam ke liye anuchit hai. mere putr ne aaeeaaeetee kaanapur se injeeniyaring kee shikshaa praapt kee hai. vah aksar vahaan kee shikshaa pranaalee kee nindaa karataa hai. shaayad yah baate bhaarat ke saare injeeniyaring vidyaalayon men sach ho. usake mutaabik yahaan par padhaaee men vahee achchhe nambar laa sakataa hai jo rat sake par yah koee jarooree naheen ki aise vyakti jeevan men safal honge yaa naam kamaayenge. vah apanee baat par bal dene ke liye vahaan se nikalane vaalee patrikaa ko dikhaataa hai. jisamen jin ladkon ne pravesh karate samay pratham yaa dviteey sthaan praapt kiyaa yaa aaeeaaeetee kaanapur men raashtrapati ke medal ko jeetaa unhen kabhee bhee 25 saal baad vahaan kaa sarvashresht puraatan kshaatr kaa puruskaar naheen milaa.
mere saath bahut achchhe padhne men bahut se achchhe log the ve rattaafikesan ke kaaran achchhe nambar laate the. ve saare sivil sarvis ke uchch pad par hain par yah kah denaa ki ve safal hain shaayad theek n hogaa.
shaayad sabase behatareen chhotee vijnyaan kahaaniyaan kee pustak The Nine tomorrows hai jisamen aaijek eseemov kee nau kahaaniyaan hain. isakee pahalee kahaanee mujhe Profession hai. yah mujhe bahut achchhee lagatee hai. ise aapane naheen padhaa to padh kar dekhen aapako yah sochane par majaboor karegee. ho sakataa hai ki aap meree vichaaradhaaraa ke ho jaayen. main koshish karoongaa ki isakee pustak sameekshaa apane chitthe par karun.
yaad rakhanaa hai to baar baar doharaaen. isase baat dimaag kee sthaaee smriti men darj ho jaatee hai.
ReplyDeleteis rataa siddhaant kaa upayog har umr v kaam ke lie kiyaa jaa sakataa....karanaa chaahie...galat kyaa hai isamen.
rattaafikeshan kee nindaa karane vaale log agar yah kahen ki unhonne rot larning naheen kee hai; to mujhe vishvaas naheen hogaa.
ReplyDeletechaahe aap vishvaas n karen lekin apane vishay men to yahee kahoongaa ki bachapan se lekar aajatak, mujhase kabhee ratte naheen maare gae, is maamale men fisaddee rahaa hoon. kah sakate hain ki is khaamee ke kaaran bhugataa bhee hai jab skool kolej men koee sahapaathee ratte maar paane ke kaaran adhik ank le jaataa thaa, eershyaa bhee hotee thee ki kamabakht ratte maar nnbar le gayaa, lekin man ko saantvanaa de letaa thaa ki vah 2 din baad bhool jaaegaa lekin mainne samajhaa hai achchhe se to mujhe der tak yaad rahegaa! :)
skool ke jamaane me to khoob rattaafikeshan kiyaa hai par ab to aisee koee jarurat nahee padatee hai . :)
ReplyDeleterattaafikeshan bhaaee hame skool me or ghar mai isee dhng se padhane ko kahaa jaataa thaa, lekin ham bhee nahee padhe is dhng se,ek baar jo dhyaan se sun liyaa vo yaad ho gayaa, ek baar jo aankho ke aage se gujar gayaa, vo yaad ho gayaa, lekin jab dar ho yaa rattaafikeshan to kuchh bhee yaad nahee hotaa thaa, is liye bachcho ko saaraa din rattaafikeshan ke sthaan par jitanaa vo ajaadee se padhe kaafee hai,
ReplyDeletekyoki is rattaafikeshan ke baad fir yaad naa hone par jutaafikeshan or pataa nahee kon kon saa fikeshan shuru ho jaataa hai, or bachchaa dar ke maare kuchh nahee yaad rakhataa, or fir vo taaraa jameen kaa ban jaataa hai, naa baabaa naa
dhanyavaad bahut sundar or kaam kee charchaa ke liye
@ unmukt jee !
ReplyDeleteis mudde par mujhe keval itanaa hee kahanaa hai unmukt jee ki ratane kee kshamataa kaee any maanaveey gun -kshamataaon kee hee bhaati ek maanaveey vishishti hai -ise upekshit kar denaa uchit nahee hai -haan is kshamataa kaa durupayog maatr pareekshaaon ko paas karane men hee n ho yah sunishchit karanaa hogaa ! aaj hajaaro varsh pahale kee vaachik paramparaa kaa jo kuchh bhee jnyaan bachaa aur surakshit rah sakaa hai usamen totaaratnt maanaveey kshamataa kee bhee badee bhoomikaa hai ! ab isakaa vivekapoorn sadupayog kaise hoon ise tay kiyaa jaa sakataa hai -mainne to aadhunik shikshaavidon ke bhramit daavon ke chalate apanee aur bachchon kee bhee is kshamataa ko ek tarah se vinasht hee kar daalaa hai ath ab yah chaahataa hoon ki isamudde par koee ativaadee drishtikon n apanaayaa jaay -gnbheer mnthan ho !
ek aur tippanee !
ReplyDeletemujhe to yah bhee lagataa hai ki umr kaa ek kaal khnd-bachapan aur kishoraavasthaa ke as paas tak hee ratane ke lie peek avadhi hotee hai fir yah kshamataa uttarottar hraasonmukh ho jaatee hai -mujhe bachapan ke kuchh shlok ,vaakyaansh aaj bhee shabdashh yaad hai bhale hee unake arth baad men samajh men aae ho aur jab ve samajh men aae to maanon memaree aur bhee reeinfors ho gayee ! ath is kshamataa ke bade upayog ho sakate hain ! is kudaratee kshamataa ko koode men fek denaa bahut naasamajhee lagatee hai mujhe !
magar ab kaee shikshaavid isake khilaaf bren vaash men lage hain ! main khud usakaa shikaar huaa ! aisee baaton ke chakkar men thodee raahat mil jaane se mainne 10 veen ke baad ratanaa chhod diyaa aur ab pachhataavaa hotaa hai -ab to kuchh yaad hee nahee hotaa ! magar ab pachhataae hot kyaa ,,,,,,,
......sahee kahaa aapane.....
ReplyDeletekaee baaton/daataa ko baar baar duharaane /ratane se ve dimaag men sthaaee roop se darj ho jaatee hai.
sarajee rattaafikeshan ke siddhaant baakee aur jagah chalen, to chalen, is khaakasaar ne ekaaoonting ke savaalon men chalaaye hain jee. kakshaa 13 kee ekaaunting men inavestamaint naamak taapik tab samajh naa aayaa karai thaa. pichhale das saalon ke savaal dekhakar yah samajh men aayaa ki ek khaas tarah kaa savaal unhee aankadon ke saath teen baar poochhaa gayaa hai. savaal ko may aankadon samet ghont liyaa jee. voeech kee voeech savaal fir aa liyaa. bagair samajhe, jee utaar diyaa , vishesh yogyataa aa gayee ekaauting men. bndaa snkalp vaalaa ho, to rattaafikeshan se ganit tak men vishesh yogyataa haasil kar sakataa hai.
ReplyDeletepadhaaee men kaee baar /vishay vishesh men rattafication bhee jaruree hai..paribhaashaaen...itihaas men snvat--kaal--vijnyaann menjntuon aur vanaspatiyon kaa classification ,spellings--vard meaning..etak--ke lie ratanaa hee jaruree hai .gaane -kavitaa bhee to baar baar doharaae binaa kahaan yaad hotee hain.are--pahaade!vo to binaa rate kahaan yaad hue kabhee!
ReplyDelete'nolej (knowledge) kee spailing “kanaoo-ladagaye” se yaad rahaa karatee thee. ' aise to hamane bhee bahut speling rate hain. ab bhee kaam aa jaate hain kabhee-kabhee. aisee kaee cheejen ratee bachapan men jo samajhaa baad men... jinamen pahaadaa hee ek hai.
ReplyDelete'jahaan snkalpanaa yaa siddhaant samajhane kee baat hai, vahaan aap rat kar kaam naheen chalaa sakate.'is baat men dam hai. donon kaa apanaa mahattav hai. ganit men rat ke kaam naheen chalaayaa jaa sakataa. alokajee kee ganit tak men vishesh yogyataa laane vaalee baat pareekshaa ke sistam kee kamajoree aur prashnapatr set karane vaale kaa aalas dikhaataa hai n kee ganit men rattaa kee upayogitaa. ganit men pahaade ke aage kaheen rattaa kaam naheen aataa. pareekshaa men ank aa jaanaa vishesh yogyataa to naheen ?
ajitajee kee ye baat 'bachapan se n jaane kitanee baar raamacharit maanas rediyo se lekar galee-mohalle men sunee par ek chaupaaee yaad naheen ho paaee. ' apane saath ultaa huaa... ghar pe hone vaale dainik poojaa-paath aur charchaa men sun kar jitane shlok aur chaupaaee yaad hue utane padh ke naheen ho paaye !
jo bhee ho ratte kaa apanaa mahattv hai... kuchh maamalo men to hai hee. kaee maamalon men dimaag lagaane kee jarurat naheen hotee hai (lagaa ke kabhee kuchh faayadaa naheen) vahaan binaa rattaa kaisaa kaam chal sakataa hai !
aapakaa meree naee post par svaagat hai
ReplyDeletejitendr chaudharee jaisaa sarmapan kahaan se laae
aapakaa meree naee post par svaagat hai
ReplyDeletejitendr chaudharee jaisaa sarmapan kahaan se laae
aapakaa meree naee post par svaagat hai
ReplyDeletejitendr chaudharee jaisaa sarmapan kahaan se laae
ratte se shuroo se hee nafarat see rahee. us kaa bahut nukasaan uthaayaa. par baad men lagaa ki yah bahut jarooree cheej hai. is ke bharose geetaa knthasth karane kaa prayatn kiyaa. pahalaa adhyaay yaad bhee ho gayaa. par vakaalat ke saath aage abhyaas naheen kar paayaa. lekin koee kathin kaam naheen hai. mere maamaa jee kahaa karate the ki tum haridvaar gngaa kinaare saal bhar rah kar raamacharit maanas ke 108 abhyaas kar lo tumhen knthasth ho jaaegee. is ke baad tumhen sabhee siddhiyaan bhee svath hee mil jaaengee. un kee baat bilakul sach thee. vah kar liyaa hotaa to roj n jaane kitane log charan chhoo rahe hote, lakshmee bhee ghaऱ men biraaj rahee hotee.
ReplyDeleteaapakee posten kaee baar goshthiyon kaa ahasaas karaatee hain. ek baar aap vishay pravartan kar dete hain, fir paathak gan baaree-baaree se apanaa vyaakhyaan prastut karate jaate hain. iseelie jab mere paas intaranet upalabdh hotaa hai, main din men ek kaee baar aapake blog se gujarataa hoon. aaj bhee kuchh vaisaa hee ahasaas ho rahaa hai.
ReplyDeleteratnt vidyaa par aravind mishr jee ke vichaaron se meree poorn sahamati hai.
kaahe ko dukhatee rag pe haath rakhate ho sar jee.........ham rol nnbar ek the .....
ReplyDeleterattaafikeshan bhee sabhee kee jarurat hai ye n rahe to pareekshaa men fattaafikeshan hone kee snbhaavanaa adhik ho jaatee hai haa haa haa
ReplyDeletekisee ne sahee kahaa ki aapane dukhatee rag par haath rakh diyaa. hame to aaj bhee "TOGETHER" likhane ke liye yaad hai "tu get har" jo kee kakshaa chaar me maastar jee ne bataayaa thaa.
ReplyDeleteratte kaa mooly badhataa jaa rahaa hai , yahee kar kar ke himesh reshamiyaa naamak praanee gaa kamaa rahaa hai, kamabakht ko gaate sunane par kaan pakane lagate hain, fir bhee ye naam teraa-teraa gaa kar mahaboobaa tak ko pataa letaa hai. aur hamaare netaaon kaa kyaa jo saath saal se vikaas kee rat lagaa kar khaa rahe hain, kambakht dakaar bhee ratate hue le rahe hain aur fir khaa rahe hain.
ReplyDeletenaam teraa ,.......teraa ....naam teraa teraa :)
hamaare guroojee samajhaate the,
ReplyDeleteratnt vidyaa avnt naahee,
thusnt bhojan pachnt naahee|
aajatak unhee kee baat sunate aae hain| jyaadaatar faayadaa hee huaa hai|
achchhee post rahee .kaee mahaanubhaavon ne apanee apanee baaten rakheen ..sabheeko snkraat kee shubhakaamanaaen
ReplyDeletebhaarateey skulon men 'rattaafikeshan" ke suvaa koee vidhyaarthee kaheen paas huaa hai ? yaa achchhe nnbar laayaa hai ?
shikshaa pranaali hee vaisee hai ..par jinake dimaag alag chalate hain unamen
heetalar bhee the aur kaarl maarks bhee the
aur gaandhee baapoo bhee hain ..nyootan bhee hain ..
aur safalataa kee maapadnd bhee kaee alag baabaton pe nirbhar hain -
charchaa khoob lambee ho sakane kee gunjaaish hai :)
'rattaa' to janm ghuttee men hee pilaa diyaa jaataa hai. kintu ajit bhaaee ki baat adhik taarkik aur svaanubhoot hai ki ruchikar baaten binaa ratte ke bhee yaad rah jaatee hain. mujhe mere kaee beemaadhaarakon ke fon nambar aur pate yaad hain, keval isalie ki meree ruchi unamen hai.
ReplyDeletemajedaar post rahee. tippaniyaan dhaansoo. is post ko samajhaa jaa sakataa hai, rattaa naheen maaraa jaa sakataa!
ReplyDeletekampyootar men madar bord se lekar raim ityaadi sab tanaatan ho kintu daataa kuchh bhee n feed kiyaa gayaa ho to aapakee dee huyee kamaand vah enaalaaij yaa sarch kyaa karegaa? daataa ko feed karanen kee kyaa jrurat hai? kyaa usake binaa bhee kaam liyaa jaa sakataa hai? bes memoree aur kaich memoree ke kaary kyaa ek hain? ham kyaa karate hain? knthasth kiyaa huaa kahaan jaataa hai? buddhi kyaa enaalaaij karatee hai? sab kuchh jo mastishk men hotaa hai kyaa buddhi haradam use enaalaaij karatee rahatee hai? snkalp,vikalp evn nishchay ye buddhi ke kaary kahe gaye hain-binaa daataabes ke inakaa yooj end epleekeshan kaise hogaa? Rote,Rut,Root,Route aadi ek hee parivaar ke shabd hain,skaideneviyaa se vaayaa jarmanee angrejee me shaamil hue hain. ‘rit’ vaidik shabd hee naheen finaaminaa hai,vijnyaan parak hai.
ReplyDelete1976 men jab mainen vakaalat chhodee, mere guru sva0 aadyaaprasaad asthaanaa se unake kajin u0pra0haa0kort men mukhy nyaayaadheesh rahe kunvarabahaadur asthaanaa aksar fon par koee n koee rooling poonchhaa karate the aur ve aankh bnd kar kuchh sekends men kahate the A.I.R. 1923 ke pej falaan par dekho, aur manachaahee rooling mil jaatee thee. kaanapur ke vakeel to kaayal the hee.
kyaa maulik kuchh hotaa hai? jaise jaise hamaaree soochanaa kaa kshetr jnyaan kee vibhinn vidhaaon me badhataa hai ham jaan paate hain ki us vichaar yaa vishay par pahale se hee kuchh n kuchh saamagree maujood hai, bhale hee vah kitanee praacheen kyon n ho. khaalee dimaag,bhus bhee n bharaa ho kyaa gaandhee,hitlar aadi banaa sakataa hai? kyaa janm janmaantar kee smritiyon ke anushay jo chitt men rahate hain is kathit maulik ko prakat karanen men sahaayak naheen hote?haan,jo punarjanm naheen maanate unake lie to neem kaa petent bhee maulik ho sakataa hai.
man,buddhi,chitt evn ahnkaar yah milakar mastishk banaate hain,paagal yaa komaa grast men kyaa vikriti aatee hai? O.B.E.(Out of Body experiences) evn E.S.P.(Extra Sensory Perception) ko lekar pashchim men itaneen udhedbun kyon chal rahee hai? ardhachetan,avachetan chetan aadi kyaa smriti se sambandh naheen rakhate? graahy naheen graahakataa smriti sabal honne ke lie aavashyak hai. amerikee samaaj men bhaarateeyon kee buddhi visheshakar smriti ko lekar kaafee charchaa,vivaad evn khojabeen 1990 se jaaree hai. laavanyaa antarman jee theek hee kah rahee hain ki charchaa vistaar maangatee hai.
laajavaab prastuti ...badhaaee !!
ReplyDeletekabhee hamaare blog "shabd srijan kee or" kee or bhee aayen.
jaisaa pratyaashit thaa, adhikatar logon ne kahaa ki ve kabhee rattaa naheen lagaa paaye :-)
ReplyDeletehamane sab kuchh kiyaa hai, rattaa bhee lagaane kaa prayaas kiyaa hai . achchhaa rattaa lagaane kee sabase puraanee yaad kakshaa 7 kee hai jab hamaare naye pradhaanaachaaryajee (sarasvatee vidyaa mandir) ne kahaa ki is baar ek naatak angrejee men kiyaa jaayegaa . hamen honahaar samajhakar ek badaa rol diyaa gayaa aur 2 din men rattaa maarakar saare daayalaag taiyaar bhale hee theek se unakaa arth naheen pataa thaa .
fir 11vee kakshaa men Electrochemical Series/Periodic Table (aavart saaranee) yaad karee . likabaa (Li K Ba) sarakaa (Sr Ca), naamagal (Na Mg Al), manajinakafee (Mn Zn Ca Fe) aadi aadi . Sin/Cos/Tan bhee laal bataa kakaa (lal/kka) se yaad kiyaa thaa, lamba/karn, aadhaara/karn, lamba/aadhaar . vaise "laalaa adhaaree laal kaam karane aaye" bhee prachalit thaa .
usase pahale kakshaa 9 men jeev vijnyaan men glaaeekolisisa/krevs saaeekil kaa bhee rattaa lagaayaa . medhak kee anshamekhalaa (shaayad kndhe kee haddee) ke adaus padaus kee haddiyon ke naam bhee rattaa lagaakar hee to yaad kiye the lekin ab ek bhee yaad nahee rahe .
vijnyaan men utkrisht kaam karane vaalon ke baare men dekhaa hai ki unake kshetr men unakee smriti laajavaab hotee hai . ab ise rattaa kah sakate hain kyaa? shaayad rattaa aur vibhinn tathyon ke aapas men sambandh ko samajh lene ko hee Concept banaanaa kahate hain .
aapane vedon ke rattaafikeshan ke baare men jo tark diyaa usase bahut kuchh sochane ko milaa . kyaa vedon ke aparivartit roop men saikadon varsh binaa likhe Transmit hone kaa kaaran rattaa thaa . agar sabhee ise samajhane kaa prayaas karate to sambhavat: usamen yathaachesht badalaava/jod tod kaa prayaas bhee hotaa .
isee se sambandhit ek aur vichaar man men aa rahaa hai . ab choonki adhikatar kaam kampyootar par hotaa hai, smriti dhokaa de jaatee hai . googal par taaeep karate samay kuchh bhee Approximate saa likh do, pataa hai googal apane aap galatee sudhaar degaa . isase angrejee kee vartanee (Spelling) kee samasyaa utpann ho jaatee hai, bahut se shabd jinakaa arase se istemaal naheen likhaa unako likhate samay adhikatar aalasy aur googal par vishvaas ke chalate vartanee kee gadabadee ho jaatee hai .
aapakee post evn us par milee tippaniyon se nishkarsh nikalataa hai ki ratane kee prakriyaa ko najaraandaaj naheen kiyaa jaa sakataa.kintu keval ratane par hee nirbhar naheen rahaa jaa sakataa. meraa mat hai ki vishay ko samajhane par jyaadaa dhyaan diyaa jaanaa chaahie. aparihaary paristhiti men hee ratane kee prakriyaa apanaanee chaahie.
ReplyDeleterattaafikeshan ke ham bhee pakshadhar hain . 13 se 19 tak ke pahaade hamen bhee ab tak yaad naheen. bees kaa yaad hai fir usake aage ke naheen.
ReplyDeletedurbhaagyavash ..kaafee der se yahaan pahunchaa ...
ReplyDeletepar pooree post ..aur tippaniyaan laajavaav lageen |
rattaa ko mainne bhee maaraa hai ....uname se kaee triks yahaan bataa bhee die gae hain |
jaise Sin/Cos/Tan bhee laal bataa kakaa (lal/kka) se yaad kiyaa thaa aadi |
par ab ..rattaa naheen ..ek doosaraa tareekaa apanaataa hoon ..khud adhik adhik baar likhane kaa prayaas karataa hoon | pataa naheen sahee tareekaa hai yaa naheen ..par dimaag men baat feed ho jaatee hai |