mujhe jhenp aatee hai ki mere paas vidarbh kee samasyaa kaa koee, bekaar saa hee sahee, samaadhaan naheen hai. vaise bahut vidvataa poorn kahane-likhane vaalon ke paas bhee naheen hai. sarakaar ke paas to nahiynee hai. vah to maatr karj maafee kaa ped lagaa kar vot ke fal todanaa chaahatee hai.
shreeyut shreemohan paandey
hamaare saathee adhikaaree shreeyut shreemohan ne ek pate kee baat bataaee hai. unakaa gaanv baliyaa jilaa men hai. gareebee kaa mool sthaan hai baliyaa. aur aaj bhee gareebee kee bheeshanataa ke darshan karane hon to vahaan jaayaa jaa sakataa hai.
karanaraam, gaanv daamodarapur, paas kaa rel steshan fefanaa, jilaa baliyaa ke nivaasee the. ve 96 saal kee jindagee kaat kar duniyaan se gaye. unake apane paas ek inch jameen naheen thee. gaanv men ek baag men snt kee samaadhi kee dekhabhaal karate the karanaraam jee. aasapaas kee lagabhag ek beeghaa kee jameen men arahar, patasan, chanaa - jo bhee ho sakataa thaa bo lete the. kuchh aur kamaaee ke liye paajaamaa-kurataa-nekar aadi desee pahanaave ke vastr sil lete the. unakee patnee unakee mrityu se teen saal pahale maree theen. arthaat dono pooree jindagee kaat kar duniyaan se gaye. ek ladakaa thaa jise chaturth shrenee men ef see aaee men naukaree milee thee aur jo apane boote par afasar ban gayaa thaa; par karan raam jee aise svaabhimaanee the ki ladake se ek rattee bhee sahaayataa kabhee naheen lee.
dhol
karanaraam jee ebjekt paavartee men bhee pooree jindagee mast malng kee tarah kaat gaye. aur poorvaanchal men karanaraam akele naheen hain. yahaan bhookh ke kaaran maut ho sakatee hai. par vidarbh kee tarah ke kisaanon ke sapane tootane ke avasaad kee aatmahatyaa vaalee mauten naheen hoteen. logon ne apanee krishi se kaish krop ke arithamaitika/kaish-flo vaalee apekshaayen apane par laad naheen rakhee hain. bahuraashtreey kampaniyon ke beche svapn binaa vaastavikataa kaa diskaaunt lagaaye un logon ne sveekaar naheen kar liye hain. un sapanon ke aadhaar par haisiyat se oopar ke karj naheen le rakhe hain. mitavyayataa/froogaalitee unake gunasootr men hai. gngaa kee baadh ne sahastraabdiyon se abhaavon ko sahajataa se lenaa unhe sikhaayaa hai. aap ek aadh chaaravaakavaadee ko uddhrit bhale kar den yahaan ke; par saamaany janasnkhyaa karanaraam jee kee tarah kee hai.
karanaraam jee kaa udaaharan shaayad vidarbh kaa enteedot ho. n bhee ho to bhee usapar vichaar karane se kyaa jaataa hai. apanee apekshaayen kam karane aur thode men prasannataa dhoondhanaa hee to samaadhaan hai. aur koee samaadhaan bhee to naheen hai. hai bhee to laffaajee kee chaashanee men lipataa yootopiyaa hai!
aap bhee sochen!
mujhe pakkaa yakeen hai ki buddhivaadee meree is post ko khaarij karane kaa pooraa man banaayenge. desh ke aarthik vikaas kee bajaay main froogaalitee kee baat kar rahaa hoon. aur asalee baat - kisaan kee aatmahatyaa kaa itanaa badhiyaa muddaa milaa hai sarakaar par kode barasaane kaa, use chhod main patasan ke foolon kee tarakaaree kee vakaalat kar rahaa hoon.
"sarakaaree mulaajim hoon n! so sarakaar ke paksh ke liye maamalaa daaivart kar rahaa hoon!"
man chngaa to kathautee maan gngaa. parasaaee jee ise jeene kee ichchhaa kee gond kahate the. aatmahatyaa ke baare men mnovaijnyaanik bataate hain ki yah bhee ek faishan kee tarah aacharan karatee hai. logon ko ek raastaa dikh jaataa us par chalane lagate hain. aaee.aaee.tee. ke ladake aatmahtyaa karane lage. jaapaan men log tanaav men aatmahatyaa karane lagate hain. tamilanaadu men log apane netaaon ke samarthan men aag lagaa lete hain. vidarbh kee sthitiyaan sach men bhayaavah hain ki itte log aatmahatyaa kar rahe hain aur koee ilaaj naheen hai. yah hamaare samay aur samaaj kee udaaseenataa kee paraakaashthaa hai.
ReplyDelete'mitavyayataa/froogaalitee unake gunasootr men hai.'
ReplyDeletepahale to is sundar se vaaky par badhaaee -aadhunik jnyaan kaa kitanaa sundar aur prabhaavashaalee bhaashaayik-saahityik prayog hai .agretar sarakaar kee tarafadaaree kaa to aapakaa mahaj ek andaaje bayaan hai ,baat aap ne bahut maafik kee hai -bhaarateey jeevan darshan ke hee anuroop .magar bhaaee log maane tab n ........
yah bhee maananaa hogaa ki ham puravaasiyon kee nabj aapane achchhee pakadee hai -anek log ghor pratyaksh vipannataa ke baavajood bhee madamast jindagee jee rahe hain -bhautikavaadee bhale hee use jindagee ke maanadndon ke laayak n maane !
aap ne karanaraam jee kaa udaaharan rakh kar 'meera' maar liyaa hai. meer ko maarane kaa yahee tareekaa hai. baapoo ne bhee yahee kiyaa thaa. unhonne kampanee sarakaar ke maadhyam se british sarakaar tak pahunche upaniveshavaadee sattaa se svadeshee ke maadhyam se hee ladaaee praarnbh kee thee. yah kisee bhee ladaaee men apanee fauj ko sudridh karane kaa ek maatr raastaa hai. in karjon se door bhaaganaa hee hogaa. in se vitrishnaa utpann karanee hee hogee. ham saadhan khade karen magar karjon men doob kar naheen balki tairate hue.
ReplyDeleteaaj koee bhee puraanaa vaad aur tareekaa samaaj parivartan ke lie kaaragar naheen ho sakataa. hamen bhaarateey samaaj men parivartan ke lie naee padyati kaa nirmaan karanaa hogaa. nae kaa nirmaan vahee kar sakataa hai jis ne puraane tareekon kaa sarvaangeen adhyayan kar liyaa ho. sabhee puraane vaadon aur tareekon ko khngaalanaa hogaa. un se apane kaam ke tatv aur aujaar le kar apanee padyati kaa vikaas karanaa hogaa. gaandhee kaa mahatv iseelie hai ki unhonne apanee padyati kaa vikaas kiyaa thaa. lekin aaj vah padyati bhee bhontharee hee siddh hogee. tamaam parivartan kaamee logon ko chaahe ve gaandheevaadee hon yaa maarksavaadee yaa koee aur unhen yahee karanaa hogaa. koee bhee kraanti puraanee padyati par chalakar naheen ho sakatee. yaa to aap ko naee padyati eejaad karanee hogee athavaa puraanee hee kisee padyati kaa vikaas karanaa hogaa.
gunasutr vaalee baat jamee, kyonki ye tareeke ekadam naheen peedhee dar peedhee samajh se upaje hai. inakaa koee tod naheen.
ReplyDeletebilkul alag baat - [gaharee bhee-? - ghor avasaad kee jijeevishaa se chalatee huee spardhaa ?] - vaise anil jee ke post par ek kament yah bhee thaa ki aisaa vidarbh men hee kyon hotaa hai - pichhalee do posten maanasik halachal badhaane vaalee rahee - saadar - maneesh
ReplyDeleteabhaav men ras lene kaa bhaav paa jaae to baat hee kyaa hai
ReplyDeletemitavyayitaa ke mahatv ko najaraandaaj naheen kiyaa jaa sakataa hai. par vidarm men pablik ejukeshan kaa maamalaa bhee hai. maaikro faainens kuchh kaam kar sake vahaan. par vahaan ab itte tarah ke giddh aa gaye hain ki unase chhutakaaraa apane aap men nayee samasyaa hai.
ReplyDeleteis desh me jab bhee yojanaakaar kisaano ke vijnyaan ko samajhenge aur apanee khokhalee neetiyo ko thopanaa band kar denge bhaarateey kisaan apane aap sambhal jaayenge. kaash desh me anusandhaan das varsho tak band kar diye jaaye aur vaijnyaaniko ko esee kamare se nikaalakar khet bhej diyaa jaaye. jo kisaan ke liye achchhaa kare use pramoshan mile aur baaki ko namaskaar kiyaa jaaye. anusandhaan ne is desh kee krishi ko dubo diyaa hai. is par lagaam kasane kee jarurat hai. aap ye lekh padhe to sthiti aur spasht ho jaayegee. peedeeef me hindee lekh hai.
ReplyDeletehttp://ecoport.org/ep?SearchType=reference&ReferenceID=557117
http://ecoport.org/ep?SearchType=reference&ReferenceID=557479
sochane aur manan karane vaalee baat hai.
ReplyDeletesvaabhiman v daridrtaa aksar saath saath dikhaayi padtey hai...karanraam jaisey aneko udhaaran hain....jinkey baarey padh sunkar pet khaul uthhtaa hai .
ReplyDelete"apanee apekshaayen kam karane aur thode men prasannataa dhoondhanaa hee to samaadhaan hai. aur koee samaadhaan bhee to naheen hai. usapar vichaar karane se kyaa jaataa hai. "karanaraam jee ke maadhyam se sahee aur sakaaraatmak chintan ko aapane moortaroop diyaa hai aur yah bhee kahaa hai ki aap bhee sonche , sachamuch aapane sochane par majaboor kar diyaa hai, badhaaeeyaan !
ReplyDeleteham to pahalee laaeen par ruk gaye..padhaa pooraa..magar ruke pahalee laaeen par rahe..jab aapake paas naheen hai koee tod..to hamaare paas kyaa khaak hogaa. aapaki jay ho.
ReplyDeleteBaat sahi hai.
ReplyDeleteShastron mein bhi likha hai:
Gaudhan, gajdhan, bajdhan aur ratan dhan khan.
Jab aaye, santosh dhan, sab dhan dhuri saman.
Lekin phir Charvak saheb ne yah bhi likh diya shartron mein hi:
Yavat jivet sukham jivet,
Rinam kritva ghritam pibet.
Aatmhatya ki baat to shayad kahin nahin likhi hai, ya likhi hai to maine padha nahin. Yah kyon hota hai. Aatmhatya ka n to mujhe karan pata na hi nivaran. Shayad ek karan to "apekshayen" hain. Samaj ka aapse, aapka samaj se, rajneta ka aapse, aapka rajneta se, patni ka pati se, pati ka patni se, bete ka baap se, baap ka bete se, bhai ka bahan se, bahan ka bhai se, bhai ka bhai se, devar ka baujai se, bhaujai ka devar se, agar koi nahin hai to apne aap se.
IIT mein aatmhatya ka karan yah apeksha hoti hai, aur log apekshaon par khare na ho sakane ke dar se bhag khadhe hote hain jindagi se. Apekshayen rakhana bilkul uchit hai, lekin jindagi se bhag jana uchit nahin hai.
Phir bhi mere khayal mein sarkar ko karana chahiye kuchh in pareshan kisanon ke liye.
apanee apekshaayen kam karane aur thode men prasannataa dhoondhanaa hee to samaadhaan hai. aur koee samaadhaan bhee to naheen hai. hai bhee to laffaajee kee chaashanee men lipataa yootopiyaa hai!
ReplyDeletejab bachchon kee maasoom aankhon men bhookh savaaliyaa nishaan ban kar chamakatee hai to shaayad kisaan bhaaee aatmahatyaa men hee is prashn kaa javaab dhoondhate hain.
kam apekshaaen hee prasanntaa kee kunjee hai is se to inkaar naheen kiyaa jaa sakataa n. sach kahaa aap ne
ReplyDelete