‘aho roopam – aho dhvani’, chamagaadad aur hindee ke chitthe

---

intaranet kee jaalee par kaee alag alag samoohon me anek prajaatiyon ke chamagaadad latak rahe hain. ye chamagaadad tejee se fal fool rahe hain. inamen se ek prajaati hinndee ke chitthaakaaron kee hai. unakee kaalonee kaa darshan mai pichhale do dinon se kar rahaa hoon.
ye chamagaadad buddhimaan taaip ke hain. aapas men ‘aho roopam – aho dhvani’ ke aalaap ke saath apanee, jo bhee kamajoriyaan hon, unapar se dhyaan hataa rahe hain. paraspar prashnsaa ke saath ek doosare kee saait par klik karane kaa khel bhee khel rahe hain. apanee saait kaise chamakaaee jaaye ki vah jyaadaa klik ho sake, usake liye ek doosare kaa maal churaa kar apane chitthe par chaspaan karane kaa rog bhee kuchh men hai.

intaranet par dukaan jamaane men kharchaa naheen lagataa. blog kee feseeleetee ne sabako avasar de diye hain. beeesaenal kee madad se braadabend bhee sastaa ho gayaa hai. so hindee ke chitthaakaar chamagaadadon kee prajaati baagabaag ho kar fal fool rahee hai. kal tak jo akhabaar-patrikaaon men chhapaas ke liye pareshaan rahate the, ve aaj intaranet par fokat men chhap le rahe hain. ab chhapaas ke sthaan par rog 'padhaasa' kaa ho gayaa hai. kitane log blog padh rahe hain, yah naapane ke liye chitthaakaaron ne apane blog par kaauntar bhee chipakaa rakhe hain.

jyaadaatar is prajaati men futakar lekhan vaale hee hain. jnyaan-vijnyaan ke ek hindee blog par letest entree 2005 kee hai. arthashaastr par koee gambheer chitthaa naheen hai hindee men. hindee jaanane vaale ke paas agar arthashaastr kee samajh hai to vah staak maarket men paisaa banaayegaa yaa hindee ke yooneekod se joojhegaa? visheshajnyon ke blog hindee men aane men shaayad samay lagegaa. abhee to ‘janasattaa’ ke patan ke baad 'ajadaka' chhaap achchhe lekhan se vnchit logon ko sahooliyat mil gaee hai hindee ke chitthon se. majaa aataa hai use padhane men.

geduraa (chamagaadad) ke mehamaan aaye to jyaadaa se jyaadaa ve bhee ek daal pakad kar latak jaayenge. aap bhee ek blog banaaiye aur ghus jaaiye geduraa kee prajaati men. apan to gest aartist hai. yadaa kadaa chipakaate rahenge apanaa chitthaa...

---

deenadayaal birad snbhaaree

---

avasaad se grast honaa, n pahale badee baat thee, n ab hai. har aadamee kabhee n kabhee is duniyaa ke pachade men fns kar apanee neend aur chain khotaa hai. fir apane akhabaar usakee madad ko aate hain. roj chhapane vaalee – ‘galaa ret kara/slfaas kee madad se/faansee lagaa kar mauton kee khabaren’ use preranaa detee hain. vah jeevan ko khatam kar aavasaad se bachane kaa short kat bunane lagataa hai.

aise men mntr kaam kar sakate hain.

mntr jaap kaa alag vijnyaan hai. main vijnyaan shabd kaa prayog ek desee baat ko vajan dene ke liye naheen kar rahaa hoon. mntr aato-sajeshan kaa kaam karate hain. jaap kisee baat yaa aaidiyaa ko antasth karane men sahaayak hai.

arjun vishaadayog kaa samaadhaan ‘maamekn sharanamn vraj:’ men hai. arjun ke saamane krishn upasthit the. krishn usake aato-sajeshana/ripeeteeshan ko propel kar rahe the. hamaare paas vah suvidhaa naheen hai. hamaare paas mntr jaap kee suvidhaa hai. aur mntr koee snskrit kaa tng-tvistar ho, yah kataee jarooree naheen. tulasee baabaa kaa nimn pad bahut achchhaa kaam kar sakataa hai:

deen dayaal birad snbhaaree. harahu naath mam snkat bhaaree.

---