banaaras aur aasapaas

ghnteshvar mahaadev? vaaraanasee se mugalasaraay raah men.

ajnyaat hutaatmaaon ke naam - koee to hai jisane apane vyavasaayik sthaan ko unakee smriti men naam diyaa.

braand aur jaati dono mahattvapoorn hain. kaint steshan ke saamane gokul kaa 'maaravaadee yaadava'

'budhaape kee laathee' n sahee, ham saath saath hain! ________________ vishveshvar galee ke baahar

geruaa tee shart, khaakee ghuttanaa, havaaee chappal aur maathe par gamachhaa baandhe jab main kaashee ke kotavaal ke yahaan se galee galee hote kaashee ke raajaa ke abhishek ke liye nikalaa to raaste men mil gaye galamuchchhe vaale abhayaraaj yaadav, sultaanapur vaasee. garahan ke baad nahaane aaye the. betavaa betavaa kahate mujhase khoob ghul mil gaye. unakee maanen to gaandhee baabaa apane jamaane ke jiyataa manaee the aur unake baad yah desh murdaar ho gayaa. apanee moonchhon par unako bahut naaj thaa aur ek raaj kee baat bataaye ki kisee ghar chale jaayen to thakuraaniyaan bhale sir par palloo n karen lekin sthaan chhod kar aadar se khadee ho jaatee hain!

maliniyaa kul ____________ dashaashvamedh ghaat se baahar aane ke raaste par

not bikate bhee hain!

aise sthaan dekh kar mujhe un vidvaanon par taras aataa hai jo puraataatvik khudaaiyon ke sahaare bhaarat kaa itihaas gadhne ke prayaas karate hain. ____________ banaaras kaa ek ghaat - sambhavat: raajendr ghaat

vaaraanasee nagar bas sevaa - sent parasent sahee baat ____________________ chaalak ke oopar gaadee tej chalaane kaa dabaav n daalen. let aap hain, ham naheen. jiyo aur jeene do.

anu alpanaa

apane blog main ghumntoo par apane judave bachchon ke liye chitthiyaan sahejatee hain blogar anu. nij jeevan ke anubhavon ke nichod bhavishy men bade huye apane bachchon ke liye sahejane vaalee sambhavat: yah akelee hindee blogar hain. bahut baar sochataa hoon ki koee beesek varshon ke pashchaat kisee maun dupahar men teenon ek saath jab in aalekhon ko padhenge to kaal kee seemaayen samaapt ho jaayengee aur bhaavanaayen us kalar boks kee tarah jis par kisee ne paanee udel diyaa ho!

in aalekhon men bade snjeede se kathan milate hain:

• har mod par aise log milenge jo tumhaaraa faayadaa uthaaenge (aur uthaaenge hee. achchhe logon kaa sab faayadaa uthaate hain.) log tumhen dhokhe bhee denge. tumhaare saath freb bhee karenge. unakee fitarat tum naheen badal sakate, lekin apanee fitarat bhee mat badalanaa. unhen ye sochakar maaf kar denaa ki tumase badaa freb ve khud ke saath karate hain. unhen apanee duaaon men dher saaree jagah denaa aur is baat par yakeen rakhane kee koshish karanaa ki duniyaa men insaan jyaadaa hain aur log kam.
• kisee baat kaa afsos mat karanaa. fir bhee afsos ho to vo kaam dubaaraa mat karanaa. ye tumhaaree mukti kaa ikalautaa raastaa hai.
• pyaar bachaae rakhanaa, har keemat par. pyaar bachaa rahegaa to bharose aur ummeed ko bhee jagah milatee rahegee.
• kisee se nafrat mat karanaa. udaaseenataa aur berookhee jyaadaa kaaragar hathiyaar hain.

anu patrikaaon aur akhabaaron ke liye bhee likhatee hain. prem, samasaamayik mudde, filmen, stree vishay aur anadekhe snsaar se aatee khilakhilaahaten - anu kee lekhanee sab sametatee hai.
aur ab pyaar kyaa hai ye bhee samajh aane lagaa hai aur is pyaar ko kaise bachaae rakhaa jaae, ye bhee. pyaar vo hai jo daadaajee chashmaa lagaakar subah kee chaay peete hue meree anapadh daadee ko akhbaar padhkar sunaayaa karate the. pyaar vo hai jo maan daayabitik paapaa ke lie alag se kheer banaate hue doodh men milaayaa karatee hai. pyaar pati ke kharraaton men milane vaalaa sukoon hai. pyaar gais par ubalataa huaa chaay kaa pateelaa hai, jisamen shakkar utanaa hee ho ki jitanaa mahaboob ko pasnd ho. pyaar apanee gairamaujoodagee men bhee maujood rahanevaalaa shakhs hai. pyaar aankhen bnd karake lamhaa bhar ke lie usakee salaamatee ke lie maangee huee duaa hai. pyaar filmon ke jrie hamen sikhaaee-bataaee-samajhaaee gaee anubhooti to hai hee, pyaar ‘dee end’ ke baad kee baakee pikchar hai.

ek bairaagee bhaav bhee inake lekhan men dikhataa hai jisakee udaasee kabhee kabhee bheetar tak samaa jaatee hai. tukadaa tukadaa udaas kshan inake blog par bikhare pade hain jo svayn udaasee kaa atikraman karate lagate hain aur man ke aakaash men geruaa pasarane lagataa hai.

tumane jhaankakar
kamare men dekhaa hai
kahaa kuchh bhee naheen.
meraa tapataa maathaa
tumhaaree ungaliyon kee
chhaanv dhoondhataa hai.
meree garm hathelee par
kyon naheen utaratee
tumhaare paseene kee thndak?
main ghoomakar bistar par se
khidkee ko dekhatee hoon.
do hare parde hain,
aur hai neem kee hariyaalee.
aankhen tab kyon
laal-see lagatee hain?
kyon sab
murajhaayaa lagataa hai?
tum tej chale jaate ho,
main bhee to
thamatee, rukatee naheen aajakal.

navy lekhan ke pratimaan gadhatee anu vasnt ke baare men likhatee hain:
basnt chupachaap apanaa saajo-saamaan baandhane men lagaa hai. foolon ne udaas hokar khilanaa chhod diyaa hai. semal ne naaraaj hokar apane sainkadon fool jmeen par fenk die hain. kachanaar ne foolon kaa gahanaa utaar diyaa hai. ab patton se shrringaar kee baaree hai. kone men khadaa ek tesoo hai jo gard-o-gubaar se nidar yoon hee khadaa rahegaa, kam-se-kam tabatak ki jabatak amalataas aur gulamohar morchaa naa snbhaal len.

is jaate hue basnt ke lie udaas hote-hote rah gaee. is kamabakht kee to fitarat hee aisee hai. manamohanaa aataa hee do-chaar-das dinon ke lie hai. aataa bhee is adaa se hai ki jaise pooree duniyaa ko deevaanaa banaane men hee isake ahn ko tushti milatee ho. pyaas badhaane aataa hai, pyaas bujhaane kaa koee upaay naheen karataa. aankhon par rngon ke parat-dar-parat aise parde daalataa hai ki sach-freb, sahee-galat kuchh najr naheen aataa. rituon kaa raajaa kahalaane bhar ke lie har tarah kee chaalabaajiyaan, har tarah ke chhal-kapat karegaa. agar isakee baaton men aa gae to khud ko naakaam samajh leejie. aise dilafenk, aashikamijaaj, kisee ke naa ho sakanevaale chhaliyaa basnt ke lie kyaa udaas honaa?

kabhee kuchh alag saa yoon hee padhane ko man kare to anu kaa blog ek upayukt sthaan hai. ghumntoo kee anubhootiyon kaa falak vyaapak hai.

alpanaa kaa blog unake naam aur apane naam ke anuroop hai; nishchit jyaamiti men rachee kriti naheen, bikhare rng jinhen kaee baar failaane ke liye paathakon ke jimme kar diyaa jaataa hai, kabhee to aap ne bhee nabh men faile tukadon ko aakaar dene kaa prayaas kiyaa hogaa!
chaah chhaanv meet preet geet arth-bin arth samay-asamay baat -bebaat gun -avagun upekshaa -apekshaa dhundh- svapnashoony- nain

alag se upekshit vishay bhee sametatee hain:
lekin vah ek jinhonne kahaa 'naheen,jeete jee vaseeyat naheen likhanee chaahie, vahee is samooh kee sab se adhik umr kee mahilaa theen. bhay kee chhaayaa unake mukh par dekhee jaa sakatee thee.
unhen sab ne samajhaate hue apane tark die to unhonne kahaa ki is vishay par baat n karo kyonki vaseeyat kaa snbndh mrityu se hai aur abhee se us ke baare men kyon sochanaa ??jab vakt aaegaa tab dekhenge. unake bhaavon kaa sammaan karate hue fir kisee ne us baat par adhik baat naheen kee.

[likhee to mainne bhee abhee tak naheen hai ,n hee ' haan ' kahane vaalon men se kisee ne !]

aur kabhee kabhee rahasyamay bhee ho jaatee hain:
yaad aataa hai ,us saanjh ke dhundhalake men ,n jaane kaise halakee see aankh lagee aur
un kuchh palon men hee saare drishy badal gae the.
badal gayaa aakaash ,badal gayee fijaa..
baadalon kaa rng bhee syaah ho gayaa thaa ,jyoon-jyoon andheraa gaharaa huaa , baadal paanee banate gae.
lagataa hai shaayad usee barasaat men ve motee pighal kar bah gae hain.

chitron ke maadhyam se madhy poorv kee achchhaaiyon se bhee parichit karaatee hain. is blog ko padhate huye kramash: nikharaav ke darshan hote hain. alpanaa gaatee bhee hain. is post ko dekhiye to!
vaastavik jeevan men yoon to har rishte kee apanee ek pahachaan hotee hai unakee ek nazaakat hotee hai ,adhikaar aur apekshaaon se lade bhee hote hain .ek kahaavat bhee hai 'jo paas hai vah khaas hai'. yathaarth se jude aur jodne vaale in rishton se pare hote hain -kuchh aur bhee sambandh ! jo hote hain kuchh khatte , kuchh meethe,kuchh sachche ,kuchh jhoote! yoon to in men aksar satahee lagaav hotaa hai..jo nazar se door hotehee khtam ho jaataa hai. in ke kaee pahaloo ho sakate hain..

apravaasee kee bahuvidhaa ke darshan is aalekh men hote hain:

bhaarat jaate hain to sab ko dekh kar aisaa lagataa hai ...kisee ke paas samay naheenhai,sab kee apanee duniyaa bas chukee hai, bahut aage nikal gae hain parantu ham aajabhee vakt ke puraane kaanton men ruke hue hain!
'desha' chhuttiyon men jaate hain to pahale kuchh din tak ados pados ke log poochhate hain'kab aaye?'kitane din ho?indiyaa vaapas naheen aanaa kyaa?
-------10-15 din gujrate hee unheen logon kaa savaal hotaa hai ' kab kee vaapaseehai? kanaadaa kab jaa rahe ho?indiyaa aakar jaaoge yaa vaheen dubaee se chale jaaoge?
jis kaa dil n ho ..use bhee lagegaa jaise ab to jaanaa hee padegaa...kyonki ab sach men hee lagane lagaa hai ki'en aar aaee' kaa arth hai--Not Required Indians !
badee ulajhan hai......jaaen to kahaan jaaen aur bhaagen bhee to kab tak aur kahaan tak?

achchhaa hai ki ye ulajhan men banee rahen, blog par alpanaa see chhataayen jo bikheratee rahengee!

______________

ab tak:
pratibhaa shilp
heer pukharaaj poojaa
shail shefaalee rashmi
anu alpanaa
aage:
archanaa aaraadhanaa
vaanee rachanaa

shail shefaalee rashmi

shaayaree, gaayan, vyngy, nibandh, stree mudde, khaalis blogaree aadi men nishnaat hain svapn mnjooshaa 'shaila'. kanaadaa men rahate huye bhee bhaarat bhoomi se gaharaaee se judee huee hain. bhaarateey mahaakaavyon ke stree aur any paatron par bhee alag drishti se avagat karaatee hain. inake veb saait par bhee yah vividhaa milatee hai:

rachanaatmak oorjaa aur saahas inakee visheshataa hain; halkee fulkee rachanaayen gudgudaa bhee detee hain:

oopar vaale kee dayaa se
haind too maauth tak aaye hain
daalar kee to baat hee chhodo
sent bhee daant se dabaaye hain
mortagej aur bil kee khaatir
hee to ham kamaae hain
are bade bade gadhon ko ham
apanaa bos banaaye hain
inako sahane kee himmat
raat din ye hee manaaye hain
aise hee jeevan beet jaayegaa
yehee jeevan ham apanaae hain
to door ke dhol suhaavan bhaiyaa
din raat yehee geet gaave hain
foren aakar to bhaiyaa ham
bahut bahut pachhataave hain

stree vishayak aur any samasaamayik muddon par bhee seedhee saaf tippaniyaan karatee hain. jeb se jhaankate huye not kee tarah stree deh men kahatee hain:

stan dikhanaa, koee badee baat naheen hain. baat sirf niyat kee hai, aap ise kis najrie se dekh rahe hain. holeevood kee filmen dekh leejiye, kahaanee ke hisaab se, ye sab dikhaayaa hee jaataa hai, aur vo buraa bhee naheen lagataa. ab to boleevood men bhee ifraat hai ye sab, ye alag baat hai ki kahaanee kee maang kaa koee lenaa denaa naheen hotaa yahaan . khule stan, hamalog to bachapan se dekhate aaye hain. main raanchee kee rahane vaalee hoon, aadivaasiyon ke beech hee rahee hoon, bachapan men yahee dekhaa hai. aadivaasee mahilaaen blaauj pahanatee hee naheen theen. ghar par jitanee sabjee vaaliyaan aateen theen, aisee hee aateen theen, kheton men kaam karane vaaliyaan, kheton men kaam karateen rahateen theen, naukaraaniyaan bartan maanjatee rahateen thee aur unake bachche doodh peete rahate the. naanee, daadee jitanee bhee theen, sabako dekhaa hai hamane binaa blaauj ke bhee aur baad men blaaujamay bhee .aaj bhee bahut see aisee janajaatiyaan hain, jo bahut kam kapade pahanatee hain. maataaon ko stan-paan karaate ham sabane dekhaa hai. isamen itanee vichitr baat kyaa ho gayee ?? sach poochhie to kabhee is baat kee or dhyaan hee naheen gayaa ki kuchh asahaj ho rahaa hai. agar aap is virodh kee mnshaa ko samajhenge to kuchh bhee buraa naheen lagegaa, itane yugon se shoshit jaati, vidroh to karengee hee. jab shoshan karane kee taab rakhate hain log to vidroh jhelane kaa bhee maaddaa honaa chaahie. yahaan videshon men bikanee pahananaa bahut aam hai, isalie ye muddaa itanaa bhee badaa naheen hai jitanaa aap isako banaa rahe hain.

aksar mainne dekhaa hai, stree vimarsh ke maamale men baat hameshaa mudde se bhatak jaatee hai. ham stree-vimarsh kee jagah purush-vimarsh karane lagate hain. purush bhee ab apanaa ronaa lekar baith jaate hain. hamaare samaaj men naaree kee samasyaa 'femena' se kaheen badee hai. is samasyaa ko aap 'femena' ke jhnde tale laakar ise chhotaa banaane kee koshish n karen. naareegat samasyaaon ko purushon ne hameshaa hee, kapadon aur deh ke chakravyooh men fnsaa kar digbhramit karane kee koshish kee hai aur naariyaan bhee isee jhaanse men aakar, khud ko binaa matalab kapadon aur deh jaise muddon men ulajhaa kar, streevaadee kraanti kee kalpanaa karane lagateen hain. deh aur kapadon kee baaten karake yah jng kabhee naheen jeetee jaa sakatee.

jayashnkar 'prasaada' kee amar rachanaa 'arun yah madhumay desh hamaaraa' kaa inakaa gaayan yahaan suniye. blog jagat men 'adaa' takhallus aur 'haan naheen to' jumale se prasiddh hain. aajakal 'ekalaa chalo re' ko apanaa dhvaj vaaky banaaye huye hain, kahatee hain:

thodee shaam kee apanee udaasee, dil bhee thaa thodaa udaas
rngat vaale saare chehare, fir rngat kyoon ud jaatee hai
aksar ajanabiyat ke gilaaf, vo odh saamane aataa hai
shaatiraane khel n khel, 'adaa' pahachaan jaatee hai

vyngy lekhan kaa taajaapan, naveenataa aur sughadataa dekhanee ho to jaaiye svayn ko kumaaunnee chelee kahane vaalee maastaranee shefaalee paande ke blog kumaaunnee chelee par. harasingaar naam se prasiddh shefaalikaa to madhur gandh vaale sundar pushpon kee varshaa se hee jaanee jaatee hai n! inakaa holee aahvaan dekhiye:

mat sun mahngaaee, mat sun kaalee kamaaee
mat sun bhrashtaachaar, mat sun vyabhichaar .
mat kah meree marjee, mat kah elarjee
mat kah shugar, mat kah bladapreshar
mat kah kemikal, mat kah harbal
mat kah bukhaar, mat kah agalee baar.
....
sakhee- sahelee, paas- padosee yaa priyatam ke sng
khel rng kee jng, bas too khel rng kee jng.

vyngy aur blogaree achhoote vishayon par kalamatodee maangate hain. shefaalee kahaan peechhe rahane vaalee hain. vividh bahaane stree sparsh kee chaahanaa poorti vaalon kee malaamat dekhiye:
aap kitanaa bhee apane kndhe ko jhatakaa den, unakaa sar dhakel kar doosaree taraf ludakaa den, kohanee maar -maar ke aapakee kohanee dukhane lag jaaegee, inhen kuchh fark naheen padegaa . ye fir baitalavaa daal par kee tarz par aapake kndhe par tik jaate hain . '' bhaaee saahab, theek se baithiye '' ke aapake nirntar jaap karane kaa in par koee asar naheen hotaa . daraasal ye pooree tarah hosho - havaas men rahate hain . bas mahilaa ke kndhe par hee inhen theek se neend aatee hai . agar koee purush inake bagal men aakar baith jaae to inakee neend vaise hee kaafoor ho jaatee hai jaise sajaa sunakar snjay datt aur usake chaahane vaalon kee . kabhee - kabhee neend ke suroor men ye is kadar behosh ho jaate hain ki inhen apane haath pairon ke idhar - udhar chale jaane kaa hosh naheen rahataa, theek usee tarah jis tarah khenee prasaad varmaa ko apanee jubaan kaa bharosaa naheen rahataa jo maaik ko dekhate hee bekaaboo ho jaatee hai . ye aisaa jaanaboojh kar karate hain yaa vaakaee neend men aisaa ho jaataa hai is vishay par abhee vyaapak shodh kee sambhaavanaa hai .
….
aap inakee dookaan se kuchh bhee khareeden, ye paisaa lete yaa dete samay aapake haathon ko avashy sparsh karate hain . ye sparsh therepee ke speshalist hote hain . inhen bhay hotaa hai ki yadi ye aapake haath ko pakad kar paise naa len to in paison ko shaayad dharatee nigal jaaegee . aapake haathon ko chhookar inhen ehasaas hotaa hai ki paisaa ekadam sahee haathon men gayaa hai . purushon ke saath inhen koee khataraa naheen hotaa hai . … idhar kuchh samay se bhaarat men jo mol kalchar aa gayaa hai usase ye dukaanadaar bahut hataash ho gae hain . yah bhee kyaa baat huee ki kaard se pement kar diyaa jaae aur haathon ko garmee kaa ehasaas hee n ho . is tarah se dukaanadaar aur graahak ke madhy sauhaardapoorvak sambandh kaise sthaapit honge ? reetel men ef. dee. aaee ke. aane kaa jo virodh ho rahaa hai usakaa sabase badaa kaaran yahee hai . lekin ise aaut naheen kiyaa gayaa .
….
agar aap apanaa puraanaa soot naap ke lie denaa chaahen to ye fauran manaa kar dete hain '' naheen jee, ye fiting puraanee hai, ham naee naap lenge .'' …ye mahaashay aapake har ang kee teen - teen, chaar - chaar baar naap letaa hai . aap man masos kar rah jaatee hain . ek hafte baad dee gayee taareekh par aap apane soot ke vishay men poochhane jaatee hain to yah kahataa hai '' deedee, aapakee naap mil naheen rahee hai, dookaan men safaaee kee vajah se kho gayee shaayad ''.
….
inhen bachchon se bahut lagaav hotaa hai khaas taur se bachchiyon se . ye aapake ghar kee bachchiyon par jab tab prem kee varshaa karate rahate hain . bachchiyaan dekhate hee ye apane ko rok naheen paate hain aur lapak kar unhen god men uthaa lete hain, chumbanon kee varshaa karate hain, …pyaar karate - karate ye bhaavaatirek men yah bhool jaate hain kee inake haath - pair kahaan jaa rahe hain . is samay inakee haalat saadhu - mahaatmaa sareekhee ho jaatee hai . vaastav men ye aadhyaatmik uchchataa kee sthiti men pahunch jaate hain . ab aise insaan par ghar vaale kis prakaar sndeh kar sakate hain?

vyngy lekhan vah jo samasaamayik muddon ko uthaaye aur hnsaaye bhee lekin itanee teekhee nidar chot kare ki aparaadhee padhe to glaani ke maare doob mare aur sambhaavit pahale hee kaan pakad le! shefaalee kee lekhanee is kasautee ekadam kharee utaratee hai. kisee din mood banaa kar inakaa pooraa blog padh jaaiye, niraash naheen honnaa padegaa, ulte khaalee samay ke sadupayog bhaav se tripti milegee. man kaa aakaash aur vistaar paayegaa so alag!

ek blog lekh men svayn ko ravijaa kahatee hain rashmi.

ravijaa ke pahale rakhaa thaa, ' rashmi vidhu'. maalatee joshee kee kahaanee men ek ladakee kaa naam 'vidhu' thaa jo bahut pasnd aayaa thaa. aur sirf mujhe hee naheen...vndanaa avasthee dube ne bhee vo kahaanee padhee thee aur itanee prabhaavit huee thee ki jehan men vo naam chhupaa kar rakhaa aur apanee bitiyaa kaa naam 'vidhu' rakhaa hai.
par kuchh dinon baad mujhe kaheen 'ravijaa' shabd dikhaaee diyaa aur ye mujhe jyaadaa upayukt lagaa. ravi + jaa = ravijaa. yaani soory se nikalee huee . rashmi kaa arth to kiran hai hee. yaani soory se nikalee huee kiran.
to meraa naam 'chandr kirana' se 'soory kirana' men badal gayaa. jo shaayad jyaadaa upayukt hai.:)

haan, upayukt naam hai is tejasvinee ke liye! samasaamayik vishayon par khaas bauddhikataa ke saath bahut hee prabhaavashaalee aur saleekedaar dhng se likhatee hain rashmi. rediyo aur chitrakaaree se judee rashmi kaa rachanaa snsaar aupanyaasik prasaar bhee liye huye hai jo paathakon se seedhe judataa hai. rashmi vivaah aur aise hee avasar vishayon par khaalis blogaree kee chhtaa bhee bikheratee hain.

inhen kam padhane kee apanee paramparaa kaa paalan karate huye mainne is baar bhee inhen kam hee padhaa lekin yahee kahoongaa ki yadi aap ne inhen naheen padhaa to hindee blogaree kee ek ooshm taazagee se vnchit rah gaye!
kaishory se hee patr patrikaaon men chhapatee raheen, vivaah ke pashchaat band huaa, blogaree se pun: .... likhatee hain:
...fir dheere-dheere ek ek kar saarikaa ,dharmayug,saaptaahik hindustaan, sab bnd hone lage. main bhee ghar grihasthee men ulajh gayee. munbaee men yoon bhee hindee ke akhabaar-patrikaaen badee mushkil se milate hain....milate hain...ye bhee ab jaakar pataa chalaa...varanaa blogging se judane ke pahale mujhe pataa hee naheen thaa .... hindee se rishtaa khtam saa ho gayaa thaa. ab blog jagat kee vajah se varshon baad hindee padhane ,likhane kaa avasar mil rahaa hai. and I am loving it .

main paataa hoon ki baarah varshon ke baad pun: kalam uthaane, soree! kee bord par shabd utaarane vaalaa main akelaa naheen.
___________

ab tak:
pratibhaa shilp
heer pukharaaj poojaa
shail shefaalee rashmi
aage:
anu alpanaa
archanaa aaraadhanaa
vaanee rachanaa

heer pukharaaj poojaa

krishnaavataar shrinkhalaa men kanhaiyaalaal munshee ko padhate huye maanav krishn ke premil avataar hote jaane ko jaanaa. devakee, yashodaa, shaivyaa, satyaa, rukminee, krishnaa ... in sab par chhaayaa prem, jaane kitane vividh roopon men!

vyaas ko amar maanataa vahee lekhak is yug kee kaalabhoomi men rache gaye ek doosare upanyaas ‘tapasvinee’ men prem kee saandrataa kaa saakshaatkaar karaataa hai, ek stree kaa prem naayak men jaraa jarjar vyaas ko utaarane kaa chamatkaar kar dikhaataa hai. samvedanaayen, prem kee gahanataa, samarpan us ateendriy bhaavabhoomi men le jaate hain jahaan chamatkaar vishvasaneey ho jaate hain, ataarkik hote huye bhee sab kuchh bahut pyaaraa saa, vaanchhaneey lagane lagataa hai – in galiyaan dil n dimaagaan!

amritaa preetam ne saahir ko kis drishti se, kis bhaavabhoomi men dekhaa, sunaa aur jiyaa, jaane imaroj aur amritaa kin tntuon ko bunate rahe; pataa naheen lekin us des jaane par bheeganaa ho hee jaataa hai, tab bhee jab ki yah ishq apane taaip kaa naheen lagataa!

amritaa kee deevaanee harakeerat haqeer heer anubhootiyon ke thaanv chalatee raanjhadaa ke lok men pahunchaa detee hai, jaane kaun hai vo! man men ghumntoo lokagaayak ke svar umadane lagate hain:

chhejee teree sahoo teraa so giaa; main sach dee aakh sunaaee...
dil dariyaa samundaron doongaa, kaun dilaan dee jaane?
biche beree, biche chappaa, beeche bnjh muhaane!
chaudaaree tabak bande bich bas ge, tamboo vaango taane!
je koee thaath dilaan dee bujhe, har dam khushiyaan maane!

harakeerat kee kavitaaee men heer kee yah deevaanagee dikhatee hai - sugandhit chamelee foolee hai, aa mere priyatam, chun lo!

nnge pinde chotaan maariaan, meree hundee nain nimaanee
jihiaan chotaan tan mere laaeeaan, tere ik lage taan jaane!
...suttaa hee, taan jaag pio, chugalaan fal chamelee

heer ke blog par jaanaa maane us pukaar ko sun paanaa – koee kahiyo re ...

gumasum khadee havaaen
daraaron se aahen bharatee raheen
koee ret kaa tinakaa
aankhon men lahoo ban jalataa rahaa
ghupp andhere kee kokh men
vah deeyaa jalaa laut aatee hai
kisee aur janm kee
udeek men .....!!

hriday kaa spndan
aankh , kaan shvaas -prashvaas
sab kuchh shoony mudraa men ni:shabd hai
raat subh ke brahm muhoort kee prateekshaa men baithee hai
vah aaj paavan kumbh ke jal se
kar lenaa chaahatee hai aachaman ...

paarul ‘pukharaaj’ apane parichay men kahatee hain - kisee nakhat ke megh hain bebakhat barase jaa rahe. kahate hain ki angulee men pahanaa gayaa peet pukharaaj shubh le aataa hai lekin kisee ne usase chaand gadh nabh par taank diyaa ho to? dharaa par amrit barasataa hai. utkrisht saahity, geet, sngeet snkalanon ke beech beedaree kee baat dekhiye:

paarul rediyo par bhee hain. kabhee kabhee apanee kavitaaon se paathakon ko mahaadevee aur prasaad jaison kee smriti karaa detee hain:

bngaluroo men kaaryarat hain blogar poojaa upaadhyaay. vijnyaapan snsaar men kopeeraaitar poojaa kaa lekhan oopar kee do blogaron se ekadam alag hai – chulabulaa, bindaas aur alag saa flevar liye snjeedaa bhee. apane paanv jamaaye jamaane ko chunautee see detee ek stree jise padhanaa navy lekhan ke nageene dekhane jaisaa hotaa hai. parichay men kahatee hain:

Some people break rules...some make them...I belong to the second category. I love playing with words,they have been my friends for life. This blog is an extension of myself... Some day I will make a movie...or a couple of them...and write a book...and do so many things... I want to live my life...every moment of it...AND ON MY OWN TERMS

aur usake baad poochhatee bhee hain:
You're going to the moon! What did you forget to pack?

shaayad hee blog jagat men kisee stree ne apane priyatam par vaise likhaa hogaa jaise poojaa ne likhaa hai! aap mugdh hote hain aur tabhee chupake se vah kisee vaaky men chunautee chhod detee hain, sochate hoge kaash! aisee ek ladakee meree bhee hotee lekin aisee ladakee kaa pitaa honaa bahut badee kathin...

padhiye ek aml kaa maafeenaamaa:

_____________________

ab tak:
pratibhaa shilp
heer pukharaaj poojaa
aage:
shail shefaalee rashmi
anu alpanaa
archanaa aaraadhanaa
vaanee rachanaa

pratibhaa shilp

is desh men sekularijm vaise hee hai jaise sabjiyon men tamaatar. uttar bhaarat men donon kamabakht baat bebaat aur daal tarakaaree men aadatan daal diye jaate hain, kabhee tadake ke roop men to kabhee poore konsept kaa kabaadaa karate huye.
kaee dinon pahale sekularijm ke pradooshan se dukhee main blog jagat men aise hee bhatak rahaa thaa ki pratibhaa saksenaa ke blog laalityam ke aalekh vaah tamaatar aah tamaatar par pahunch gayaa. padhane ke pashchaat mere man men huaa bingo! yahee to sekularijm hai! kahanaa n hogaa ki main inake lekhan se bhaynkar prabhaavit ho gayaa.

aage padhane par inake paraas kaa pataa chalaa aur ek akaadamik ke prati jo gahan aadar bhaav honaa chaahiye vah umagataa pagataa chalaa gayaa. draupadee par upanyaas ho yaa paatr bhaanamatee ke maadhyam se chutakiyaan, inakee lekhanee siddhahast hai.
inakee pratibhaa bahuaayaamee hai. shipraa kee laharen blog par loree, dohe, sorathe aur vividh kaavy milenge to lokarng men vivaah geet, batohiyaa, baaul ke flevar. man: raag men lambee kavitaaon ke chhndamukt aur chhandabaddh udaatt saundary ke darshan hote hain to svar yaatraa men shabdon ke sngeet sunaaee dete hain. gady aur pady men samaan roop se siddhahast pratibhaa jee maun saadhikaa hain aur gambheer paathakon ke liye sarasvatee kee nirjharinee!

shilpaa mehataa abhiyaantrikee kshetr se hain aur jeevan samudr ke kinaare ret ke mahal banaatee hain. apane lekhan ko jin do aur khndon men inhon ne baant rakhaa hai, ve hain - aaraadhanaa aur ganit aur vijnyaan. aaraadhanaa par dharm, vijnyaan aur darshan se sambandhit saamagree hai, ganit aur vijnyaan to naam se hee spasht hai.

inake atirikt bhee inakee bahuaayaamee pratibhaa kaa anumaan inake lekhon ke sheershak dekh kar hee lagaayaa jaa sakataa hai.

niraamish aandolan ho yaa dharm, poorvagrahon ke tark hon yaa taarkik dikhate poorvagrah - tippaniyon aur bahas men dikhate shilpaa jee ke akaadamik vishleshan anoothe hote hain. apanee baat dridhataa aur nirbheekataa ke saath rakhatee hain, politikal karektanes ke chakkar men ghumaatee firaatee naheen.
inake dvaaraa rachee jaa rahee saral raamaayan aam jan ke liye gey hai. poorvaagrah aur sabhyataa, shaasan, qaanoon vyavasthaa kee lekhamaalaayen gaharee antardrishti kaa parichay detee hain. nyooral netavark aur any ganit evn vijnyaan vishayak aalekh hindee blogaree men ek rikt se sthaan kee poorti kar rahe hain.

bahuaayaamee pratibhaasampann ye donon shilpee blogar aise hee sakriy rahen, ham sabako apane niyamit lekhan se samriddh karate rahen; yahee kaamanaa hai.

agale ankon men:
heer pukharaaj poojaa
shail shefaalee rashmi
anu alpanaa
archanaa aaraadhanaa
vaanee rachanaa