vo chhah kahaaniyaan

(hns ke disnbar 2011 ank men meree donon kitaabon kee sameekshaa aaee hai. sameekshaa saritaa sharmaa ne likhee hai. use yahaan lagaa rahaa hoon taaki jo hns naheen padhte, ve bhee is par ek najr daal saken.)

**

geet chaturvedee kee lnbee kahaaniyon men vibhin‍n kalaa maadh‍yamon kaa is‍temaal karake gadhee gaee bhaashaa, a‍rthon ke anek s‍tar aur aapas men gunthee vishayavas‍tu aur paatr, un‍hen an‍y naee kahaaniyon se alag s‍thaan pradaan karate hain. un‍hen kavitaa 'madar indiyaa' ke lie bhaarat bhooshan puras‍kaar mil chukaa hai aur haal hee men indiyan ek‍sapres ne un‍hen das sarvashresh‍th yuvaa lekhakon men shaamil kiyaa hai.

vah lekhan ke puraane dharre ko todte hue paathakon ke lie chunautee pras‍tut karate hain.

'saavnt aantee kee ladkiyaan' kahaanee sngrah men teen lnbee kahaaniyaan 'saavnt aantee kee ladkiyaan', 'sau kilo kaa saanpa', aur 'saahib hai rngarej' men theem, bhaashaa aur parivesh kee saam‍yataa hai. inamen kiradaaron kee lagaataar aavaajaahee hotee hai. pahalee kahaanee ke gaun kiradaar agalee kahaanee ke mukh‍y kiradaar ho jaate hain aur mukh‍y kiradaar haashiye par chale jaate hain. nim‍n madh‍y varg ke mukh‍y kiradaar daraasal gaun hee hote hain aur arth kaa vis‍taar karane par ham paate hain ki har kis‍m kee pramukhataa, kaee saaree gaunataaon kaa guch‍chhaa hee hotee hai. in kahaaniyon men shahar ke bheetar base kas‍be-gaanv kaa maahaul hai, s‍tree kee prem kee aakaankshaaen, asafalataaen aur unake jeevan par fil‍mon ke prabhaavaa ke jrie provinshiyal jiyograafik ek‍sapreshan ko chitrit kiyaa gayaa hai.

'saavnt aantee kee ladkiyaan' men yuvaa hotee betiyon ke vivaah ke lie chintit maataa-pitaa aur parnparaaon ko todkamar prem karake jeevanasaathee kaa chunaav karane ko aatur betiyon ko madh‍yavargeey jadtaa ke parivesh men dikhaayaa gayaa hai.

nndoo prem kee dhaaranaa se itanee abhibhoot hai ki usakaa koee n koee prem snbndh chalataa rahataa hai. aur vah premee ke saath bhaag jaatee hai. magar har baar pakadee jaatee hai. antat: usakee shaadee maataa-pitaa kee marjee se hotee hai. doosaree or padhaakoo chhotee bahan sudhaa khud ko in jhnjhaton se door rakhatee hai. kahaanee ke ant men jab vah bhee maataa-pitaa ke chunaav ko dhataa bataakar premee ke saath bhaag jaatee hai, to padosee, maataa-pitaa hee naheen, paathak bhee s‍tab‍dh rah jaataa hai. do peedhiyon ke beech kee dooree bhee isakaa kaaran hai. paarvatee ko hameshaa is baat kaa dukh rahataa hai ki usake pati ko gus‍saa k‍yon naheen aataa ? 'jis baap kee chaar-chaar ladkiyaan hon aur javaan ho gaee hon, us baap ko kisee baat par gus‍saa naheen aataa, yah kaisee sharmanaak baat hai.' nndoo kaa prem fil‍mon se itanaa prabhaavit hai ki jab babal‍yaa ko usake pitaa ne peet diyaa to, 'apane premee men satat ek heero kee talaash karane vaale nndoo ko usase nafrat ho gaee' . yahee haal bndoo jaadhav kaa huaa-- 'aaj vah use duniyaa kaa sabase badasoorat insaan lagaa- kaalaa bhujng. vah pachhataane kee raat thee. k‍yaa dekhakar vah usake saath bhaagee thee ? ' nirnay lene men aarthik s‍vatntrataa bahut mahat‍vapoorn hai. hemnt aur nndoo kaee din saath rahane ke baad bhee shaadee naheen kar paae k‍yonki unamen se koee bhee apane pairon par khadaa naheen thaa, jabaki sudhaa ne apanaa nirnay chupachaap le liyaa k‍yonki usakaa kriketar premee kamaataa thaa. yah kahaanee ladkiyon ke manojagat aur prem kee aakaankshaa kee kahaanee hai jise nae muhaavare aur munbaiyaa bhaashaa ne bahut dilachas‍p banaa diyaa hai.

'sau kilo kaa saanpa' apekshaakrit chhotee hone ke baavajood itane s‍tar aur arth samete hue hai ki aam paathak ke lie kaee antardhaaraaon ko samajh paanaa dush‍kar ho sakataa hai. isamen saanp pakadkar gujaaraa karane vaale bndoo naagamode aur usakee betee kamalaa kee aniyntrit ich‍chhaaon kee v‍yathaa-kathaa hai. yah daark hyoomar aur vidnbanaat‍mak hai ki logon ke saanp kaate se bachaane vaale bndoo ke pitaa, pat‍nee aur betee kee maut kaa kaaran saanp hee banate hain. vas‍tut: saanp ich‍chhaaon ke prateek hain. hamaaree aniyntrit ich‍chhaaen, chaahe ve prem kee hon yaa dhan paane kee, antat: hamen apanaa shikaar banaa letee hain. kamalaa khtaranaak jhareele kobaraa ko gale men latakaakar usase khelatee hai aur badamaash arjun gadhvaalee ke saath shaadee karake sukhee jeevan bitaane ke sapane dekhatee hai. usakaa balaat‍kaar ho jaataa hai aur kobaraa use dns letaa hai. prateekaat‍mak roop se ich‍chhaaen niyntrit n karane par dns letee hain.

ich‍chhaa dodhaaree hotee hai. kahaanee kee mukh‍y drishti yahee hai ki prem vish‍vaason kee bali le letaa hai. kahaanee men bndoo jab sarapnch se jameen kaa saudaa karane jaataa hai to vahaan buree tarah pit jaataa hai aur usakaa hunar dagaa de jaataa hai. 'vah khud ko kisee thietar men mahasoos kar rahaa hai, jahaan koee sas‍tee fil‍m chal rahee ho.' pat‍nee sakhoobaaee ke saath khush rahane ke baad bhee bndoo kaam karane vaalee ramaabaaee ke saath shaareerik snbndh banaa letaa hai. ' bndoo kaakaa naagamode ke dil men ek aurat rah rahee thee. ek aurat vahaan rooh kee shak‍l men thee. ek aurat deh banakar. ek aurat s‍mriti thee. ek aurat vartamaan. ek aurat ke saath usakaa rish‍taa bahut pavitr kis‍m kaa thaa. ek aurat kee or use najr naheen uthaanee thee aur ek aurat ko use sirf deh pakadakar uthaa denaa thaa.' shaareerik aakarshan aur a‍aatmik prem ko yahaan bahut sundar dhng se paribhaashit kiyaa gayaa hai. saanp ko bhee kahaanee ke ant men bahut sooksh‍m tareeke se jodaa gayaa hai.

'saahib hai rngarej' men dinpaa kee maan aur usake pati devid ke prem aur nafrat bhare rish‍te ko ghaat-‍pratighaat ke saath ubhaaraa gayaa hai. devid apanee pat‍nee se behad prem karataa hai magar usake khulepan se sashnkit hokar usakee buree tarah pitaaee kar detaa hai. daanpat‍y prem kee yah kuchh had tak yathaarthavaadee tas‍veer hai ki pat‍nee kuchh samay tak pratirodh ke baavajood pati ko chhod dene ke vikal‍p ko naheen apanaatee hai.

is kahaanee ke aayaranee aur daark hyoomar men kahakahe kaa anuvaad ak‍sar viral rudan men hone kee aashnkaa banee rahatee hai. pitaaee ke drish‍y men kal‍panaa ke mel se bhayaavahataa aur badh jaatee hai- 'dar ke lihaaf men lipatakar anaavrit‍t daudtee bhav‍y s‍tree. bel‍t laharaate daudte aate pati ko baar-baar mudkar dekhatee bhav‍y s‍tree. thodee der pahale tak p‍yaar ke mahaasaagar men gote lagaane ke baad nafrat ke rng men pagee bhav‍y s‍tree. kuchh der pahale tak saahib kee chhuan se laal huee aur ujalepan se aakraant ek bhav‍y s‍tree.'

peetane ke baad jab devid maafee maang kar pat‍nee se p‍yaar karataa hai to vah sab bhool jaatee hai. 'saahib hajaar baar maar... har roj maar.. teraa gus‍saa.. teree maar.. sab sir maathe hai...

is kahaanee kee vishayavas‍tu yahee hai ki prem jitanaa muk‍t karataa hai ek yaa donon ko, utanaa hee ek lnbee gulaamee bhee hai. prem, premee ko gulaam banaa detaa hai. dinpaa kee maan devid se prem karatee hai, usakee hinsaaon ko jhelatee hai to apanee aat‍maa kaa patan mahasoos karatee hai. usake prem men doobatee hai to apanaa aat‍maa kaa ut‍thaan paatee hai. usamen donon sheds hain. un donon kaa prem bhee utanaa hee gaharaa hai aur ek-doosare ke prati hinsaa bhee. itanee hinsaa ke baavajood vah use chhodkar naheen jaatee k‍yonki use devid se hinsaa mnjoor hai. vah prem se baahar naheen honaa chaahatee aur yahaan aakar prem ek gulaamee men badal jaataa hai. aisaa aarthik gulaamee ke kaaran naheen hai, k‍yonki devid kaa ameer dos‍t use dinpaa ke saath dubaee le jaane ko taiyaar hai. vah pichhalee kahaanee ke nndoo se kahatee hai, 'nndoo, too to bhaag bhee sakatee hai. unake baare men sochaa hai kabhee, jo apanee marjee kaa kar bhee naheen paate.' kabhee-kabhee use lagataa hai ki ' usake bheetar bhee thodee see nndoo saavnt hotee, to ach‍chhaa thaa.' magar vah maanatee hai ki devid dil se ach‍chhaa hai.

doosare kahaanee sngrah 'pink slip daidee' men baajaar, upabhok‍taavaad, vaish‍veekaran aur udaaravaad ke madh‍yavarg par padne vaale du sh‍‍parinaamon ko bahut baareekee se dikhaayaa gayaa hai. 'gomootra', 'simasima' aur 'pink slip daidee' in teenon kahaaniyon ke naay kaarporet jeevan shailee ke chalate akelepan aur tootan ke shikaar hain.

'gomootra' men bhaarateey arthav‍yavas‍thaa aur baajaar kee nirmamataa ko naayak ke antardvndv aur tanaav ke maadh‍yam se darshaayaa gayaa hai. isamen abhaavon aur laalasaaon se lalachaaye madh‍yavarg ke sapanon kee katu hakeekat ko atiyathaarth aur faintesee kaa sahaaraa lekar v‍yak‍t kiyaa hai. yah edam jagaayevas‍kee kee kavitaa 'aaga' kaa bhaarateey sndarbhon men punarpaath bhee hai. isakaa naayak madh‍yavargeey naukareepeshaa yuvak hai jo vijnyaapanon ko dekhakar aur pat‍nee kee laalasaaon ko pooraa karane ke lie kredit kaard se itanaa udhaar le letaa hai ki samay se chukaa naheen paataa. bainkavaale rakam kee vasoolee ke lie use pareshaan karane lagate hain to vah apane aasapaas ke lagabhag sabhee logon ko usee tarah kee samas‍yaa kaa saamanaa karate hue paataa hai. 'jab main udhaar ke baare men sochataa hoon, to mujhe madar indiyaa kaa suk‍khee laalaa yaad aa jaataa hai, godaan kaa horee yaad aataa hai.'

kathaavaachak ke jeevan men sab kuchh vikhndit hai. vijnyaapan har vas‍tu ko bechane ke lie aurat kaa sahaaraa lete hain. v‍yng‍y se kathaavaachak kabhee pat‍nee ko khaanaa banaane vaalee to kabhee p‍yaar karane vaalee bataataa hai. vah madh‍yavargeey chaalaak v‍yakti hai jise arthav‍yavas‍thaa dil‍do se adhik kuchh naheen samajhatee. vah apane afasar baabaa ko khush karane ke lie usakee bakavaas sunataa rahataa hai magar baabaa bhee use dil‍do hee maanataa hai aur jaroorat padne par usakee koee madad naheen karataa. naayak aur baabaa alag-alag hain lekin donon kee chhal, palaayan aur aat‍madaaridry kee maanasikataa samaan hai. hamaaree sns‍kriti par paash‍chaat‍y prabhaav itanaa pad gayaa hai ki ham un jaise hote jaa rahe hain. yahee ekaroopataa hai. yah kahaanee aadamee ke 'ahn brahmaasmi' se 'ahn braandaasmi' kaa safar darshaatee hai jisamen shikaaree hee shikaar hai. madh‍yavarg ko snbodhit karate hue kahaa gayaa hai- 've sab s‍teeriyotipikal imejes men hee jiyaa karate the, ve sab prototaaip the mere varg ke, jise madh‍yavarg kahaa jaataa hai.' kredit kaard dene vaalon ke tark sunakar naayak bhramit ho jaataa hai. 'ham aapako paisaa udhaar naheen dete, balki ek behatar jeevan dete hain.' aadamee kee takaleefon ko bhee chainal vaale baajaar men bech dete hain. naayak ko bakaraa maanate hain to vah apanee laachaaree par kahataa hai, 'aap meraa bhee apamaan bechenge teevee par. meraa apamaan, meraa dar, meree ghabaraahat, meree khisiyaahat- sab aapake lie bikaaoo hai'.

'simasima' jindagee kee shuruaat karate yuvak aur jeevan ke ant par khade aur badalatee duniyaa men apraasngik ho chuke ek boodhe ke aapasee snbndhon kee kahaanee hai. kahaanee kee bunaavat fil‍m kee patakathaa jaisee hai. isamen prem ke prati do peedhiyon ke fark ko darshaayaa gayaa hai. kahaanee men jitane chaip‍tar hain, jitane kot hain, utanee hee theem hai, koee ek kendreey theem naheen hai. sabhee drish‍yon kee kahaanee se brihat‍tar kahaanee kee rachanaa hotee hai aur har drish‍y kahaanee ke gal‍p men vikaas karake kath‍y dhaaraa ko aage badhaataa hai. kahaanee ke aarnbh men nadee ke sadk men badal jaane kaa roopak hai. 'nadee jab sadk banatee hai, to sabase pahale apanee raftaar kho detee hai. jaise agale pan‍non men chalane vaale ye saare log kho gae.' jeevan aur prem nadee kee tarah pravaahit hotaa hai. sajal naheen, to nadee naheen hai. nadee kaa sookh jaanaa jeevan aur prem kaa sookh jaanaa hai. kahaanee men saare kiradaar apane jeevan kaa jal kho baithe. kahaanee men g‍lobalaaijeshan ke varchas‍vavaadee s‍varoop ke yathaarth kee bhee jhalak dikhaaee gaee hai. prish‍thabhoomi men ek jarjar pus‍takaalay hai jahaan koee kitaaben lene naheen jaataa hai. si‍masim do peedhiyon, do dh‍vaniyon, do samayon, ateet aur vartamaan, kal‍panaa aur yathaarth, tathaa s‍vap‍n aur s‍mriti kaa rahas‍y dvaar hai jisakaa kisee mntr se khulanaa tay hai. ek hee khidkee vah chaabhee hai, jo do alag-alag umr ke logon ko alag-alag aabhaas detee hai. boodhaa 52 saal puraanee ladkee ke vis‍mrit prem ko khidkee par khadee ladkee ko dekh yaad karataa hai. usee khidkee aur ladkee ko dekhakar naee umr kaa ladkaa bhee saan‍ketik prem men chalaa jaataa hai. isase s‍mriti kaa mool‍y aur kal‍panaa kaa avamool‍yan ujaagar hotaa hai. donon ek saath prem men hain. boodhaa apanee s‍mriti se prem kar rahaa hai aur ladkaa apanee kal‍panaa se. boodhe ko khidkee ke tootane par bahut dukh hotaa hai k‍yonki vah usase s‍mriti ke taar par judaa huaa hai. ladke ko khidkee ke tootane kaa dukh hai lekin vah jal‍d hee usase baahar aa jaataa hai.

kahaanee men shak‍it kaa vimarsh bhee hai. bhoom‍aafiyaa ke paas shakti hai, vah usakaa upayog karataa hai. raaj‍y ke paas poonjee kee shakti hai. vah vikaas ke naam par vidh‍vns karataa hai. sindhu laaibreree aur dilakhush samose vaale kee dukaan ko todkar vahaan naee imaaraten khadee kar dee jaatee hain. yah sirf imaaraton kaa vidh‍vns naheen hai, s‍vap‍non, lagaavon, s‍nehon aur judaavon kaa vidh‍vns hai. raaj‍y ko kisee ke s‍neh se koee lenaa-denaa naheen hotaa. mngan kee maan ajan‍me bete ko apane gudde men dekhatee hai aur use mngan maanakar usakaa dh‍yaan rakhatee hai. boodhaa kitaabon se bach‍chon kee tarah prem karataa hai. dilakhush bhee sabhee se ach‍chhaa bartaav karataa hai, magar sabhee charitr traasad sthiti men pahunch jaate hain. khidkee ke tootane par ladkaa, boodhe ke baare men sochataa hai, 'us deevaar aur khidkee ke tootane par jitanaa bhee malabaa banaa hogaa, main usake chehare par dekh sakataa hoon.'

aarthik asngitayon ke bhaavanaat‍mak ut‍paat aur advait kee vishayavas‍tu antim kahaanee 'pink slip daidee' men bahut ut‍katataa se ubharakar aatee hai. yah ek sataayar hai jisamen kaarporet uch‍ch madh‍y varg kee aakaankshaaon aur dhoortataaon kaa chitran hai. naayak praful‍l shashikaant urf peees daadheech ke maadh‍yam se samaaj ke baahy yathaarth ke saath saath usakee maanasik snrachanaa bhee dekhane ko milatee hai. korporet poonjee ke vikaas ke dush‍parinaamon men v‍yakti kaa jeevan apane mool‍y kho rahaa hai. isamen kaee dharaatal ek saath chalate hain jaise prem, chhal, safalataa kee kaamanaa, akelaapan, bhram aur alag-thalag pad jaane kee prakriyaa. har cheej ko haarajeet men taulaa jaataa hai chaahe vah aapas men baatacheet ho yaa prem aur sek‍s ke kshan hee k‍yon n hon. yahee poore samaaj kee sach‍chaaee hai. akelepan se bachane ke lie safalataa paane kee kitaaben padhee jaatee hain aur dharmaguruon kee sharan lee jaatee hai. yahaan tak ki aam aadamee ko trening dekar baakaayadaa dharmaguru banaayaa jaataa hai aur usakee maarketing kee jaatee hai. tairo kaard reedar prishilaa paande aur madar sebaastiyan aisee hee haaee profaail aadh‍yaatmik guru hain. naayak ko vifalataa se bachane ke lie sis‍tam kee haan men haan milaakar s‍taaf kee chhntanee karanee padtee hai. vah aisee duniyaa kaa his‍saa ban jaataa hai jahaan prem aur ghrinaa ke beech koee fark naheen rah jaataa. chaalaakee, mak‍kaaree, dhoortataa, naatak kaa is‍temaal kiyaa jaataa hai aur eemaanadaaree, sachaaee, nish‍thaa jaise gun vahaan bekaar hain. paavar politik‍s aur aham ke takaraav kaa silasilaa vahaan chalataa rahataa hai. neeche ke logon kee koee bisaat naheen. snbndhon kee garimaa aur paarivaarikataa ko koee mahat‍v naheen diyaa jaataa. snbndhon kaa is‍temaal seedhee ke roop men kiyaa jaataa hai.

peees daadheech split parsanailitee kaa shikaar hai. usake anek mahilaaon se snbndh hain. usakee pat‍nee sabeenaa paal use chhodkar chalee jaatee hai k‍yonki vah pati kaa udaaseenataa aur apane akelepan ko bardaash‍t naheen kar paatee. mahilaa charitron ko bahut manovaijnyaanik dhng se vikasit kiyaa gayaa hai. pati ke sek‍s s‍kaindal se hataash misej laal kee chup‍pee aur antat: aat‍mahat‍yaa kar lenaa, prishilaa paande kaa logon ko apane lie is‍temaal karanaa, sabeenaa laal kaa jhatake se pati ko chhod jaanaa, ajaraa jahaangeer kaa josh aur safalataa kee kaamanaa aur ut‍prekshaa joshee kee prem ke prati udaaseenataa un‍hen yaadagaar banaa jaataa hai.

is snkalan kee sabhee kahaaniyon men ek sooksh‍m antardhaaraa chalatee rahatee hai jo paathakon ko vichalit karatee hai. korporet varl‍d kee aantarik gatividhiyon aur nim‍n madh‍yavarg par kisee aur lekhak ne itanee gaharaaee se naheen likhaa hai. inamen nae muhaavare gadhe gae hain aur shab‍don kaa naye dhng se prayog hai jaise rajakaneeti, bhramaasmi, braandaasmi, karjayoddhaa. antarvas‍tu aur bhaashaa men ye kahaaniyaan vilakshan hain aur paathakon ko chunautee detee hain.

madhu mngesh karnik kee maahim kee khaadee kee tarah munbaee ke aam logon ke jeevan ko bhaashaa kee rachanaat‍makataa aur saamaajik sarokaaron se lais karake dikhaayaa gayaa hai. haalaanki seedhee-sapaat v‍yaktigat anubhavon par likhee gaee chuteelee kahaaniyon ke paathakon ko sabhee chhah kahaaniyaan bahut lnbee aur at‍yadhik goodh arthon vaalee lag sakatee hain magar mithakon aur dntakathaaon kaa upayog karake geet chaturvedee ne kahaaniyon ko pathaneey aur pravaahamayee banaa diyaa hai.