khidamat : hasan ke intajaar men patharaaeen maan kee aankhen...

-firadaus khaan
jab ghar kaa chashmo-chiraag kaheen kho jaataa hai, to usakee yaad men kis tarah dil tadpataa hai aur aankhen gngaa-jamunaa kee dhaaraa ban jaatee hain, isake tasavvur se hee rooh kaanp uthatee hai. agar jaane vaale ko isakaa ahasaas ho to kabhee vah khvaab men bhee apane ghar-parivaar ko chhodkar jaane kee baat naheen sochegaa. uttar pradesh ke mujffranagar jile ke kasbe budhaanaa ke 10 saal ke mohammad hasan kee gumashudagee ko chaar saal hone vaale hain. usakee maan aayashaa kaa ro-rokar buraa haal hai. unhonne apane laal ko har jagah talaashaa, magar vo kaheen n milaa. subah sooraj kee pahalee kiran se hee pooraa ghar apane laadale ke intajaar men palaken bichhaa letaa hai, ummeed kee ek lau kaayam rahatee hai ki kabhee koee to aaegaa, unake bete kee khabar lekar, lekin jab raat dhalatee hai aur hasan kee koee khbar naheen aatee to dil bujhane lagataa hai.

mohammad hasan ke pitaa mohammad furakaan kaa kahanaa hai ki unhen kyaa pataa thaa ki unakaa betaa unase bichhad jaaegaa. ve to bas itanaa chaahate the ki madarase se aane ke baad hasan yahaan-vahaan khelakar vakt barbaad karane ke bajaay unake kaam men haath bntaae, taaki use kaam karane kee aadat pad jaae. ve kahate hain ki ham to khetee karane vaale log hain. subah pau fatane se lekar der raat tak kheton men khoon-paseenaa bahaanaa padtaa hai tab kaheen jaakar ghar-parivaar ke gujaare laayak aamadanee jutaa paate hain. ham bachapan se hee bachchon ko kaam kee aadat daalate hain, taaki bade hokar ve mehanat-majadooree kar saken. bas, khet men kaam karane kee baat ko lekar hee bete par unakaa haath uth gayaa aur vah kaheen chalaa gayaa. apanee is galatee ke lie ve aaj tak pachhataa rahe hain. kaash, unhonne apane bete ko maarane ke bajaay pyaar se samajhaayaa hotaa to aaj vah hamaare saath hee hotaa. unhonne apane bete ko aasapaas hee naheen door-daraaj tak ke ilaakon men dhoondhaa, magar vah kaheen naheen milaa. unhonne apane sab rishtedaaron ke yahaan jaakar bhee bete ko talaash kiyaa.

bachche kaa maamoo jaan kaaree mohammad aarif saahab kaa kahanaa hai ki mohammad hasan apane pitaa mohammad furakaan se bahut darataa thaa. usake pitaa usase khet men kaam karane ko kahate the. isee baat ko lekar kaee baar ve apane bete ko peet bhee chuke hain. isase pahale do baar vah apane pitaa kee maar khaane ke baad apane maamaa ke paas bnteekhedaa aa gayaa. baad men vo use samajhaa-bujhaakar usake ghar chhodkar aae. ve bataate hain ki hasan padhne men bahut hoshiyaar hai. use paas ke hee madeenaa-ul-tuloom madarase men kuraaan hifj yaani munh jabaanee yaad karane ke lie daakhil karaayaa gayaa thaa. chhotee-see umr men hee usane teen paare adhyaay hifj kar lie the. use kriket khelane kaa bahut shauk hai. nam aankhon se ve kahate hain ki hasan jahaan kaheen bhee hogaa, kriket jaroor khelataa hogaa.

kaaree saahab kahate hain ki aaj bhee dehaat ke musalamaanon men foto khinchavaane kaa chalan naheen hai. jab kabhee dastaavejon ke lie jaroorat padtee hai, tabhee log foto khinchavaate hain. ek din unhonne yoon hee madarase men bachchon ke saath apane bhaanje hasan kee foto khinchavaa lee thee, varanaa aaj usakee talaash ke lie ek tasveer tak unake paas naheen hotee.

hasan kaa badaa bhaaee mohammad mubaarak 15 saal kaa hai. poliyo kee vajah se ek pair se laachaar hone ke baavajood ve bhee apane bhaaee kee talaash men jagah-jagah bhatakataa rahataa hai. usakaa kahanaa hai ki bas use ek baar usakaa bhaaee mil jaae, ve use kaheen naheen jaane degaa. hasan kaa chhotaa bhaaee abdul kaadir, bahanen aarifaa aur mntashaa bhee apane bhaaee ko dekhane ke lie taras rahee hain. ve din-raat yahee duaa karatee hain ki bas ek baar unakaa bhaaee ghar vaapas aa jaae. (staar nyooj ejensee)

varchual dostee ke khtare...

-firadaus khaan
jhooth kee buniyaad par banaae gae rishton kee umr bas us vakt tak hee hotee hai, jab tak jhooth par pardaa padaa rahataa hai. jaise hee sach saamane aataa hai, vo rishtaa bhee dam tod detaa hai. agar kisee insaan ko koee achchhaa lagataa hai aur vo usase umrabhar kaa rishtaa rakhanaa chaahataa hai to use saamane vaale vyakti se jhooth naheen bolanaa chaahie. jis din usakaa jhooth saamane aa jaaegaa. us vakt usakaa rishtaa to toot hee jaaegaa, saath hee vah hameshaa ke lie najron se bhee gir jaaegaa. kahate hain- insaan pahaad se girakar to uth sakataa hai, lekin najron se girakar kabhee naheen uth sakataa. aisaa bhee dekhane men aayaa hai ki kuchh aparaadhee pravriti ke log khud ko ati sabhy vyakti bataate hue mahilaaon se dostee gaanthate hain, fir pyaar ke daave karate hain. baad men pataa chalataa hai ki vo shaadeeshudaa hain aur kaee bachchon ke baap hain. daraasal, aise baap taaeep log heen bhaavanaa kaa shikaar hote hain. aparaadhee pravriti ke kaaran unakee n ghar men ijjt hotee hai aur n hee baahar. unakee haalat dhobee ke kutte jaisee hokar rah jaatee hai yaanee dhobee kaa kuttaa n ghar kaa n ghaat kaa. aise men ve soshal netavarking saait par apanaa achchhaa saa profaail banaakar khud ko mahaan saabit karane kee koshish karate hain. vah khud ko ati buddhimaan, ameer aur n jaane kyaa-kyaa bataate hain, jabaki hakeekt men unakee koee aukaat naheen hotee. aise logon kee sabase badee 'upalabdhi' yahee hotee hai ki ye apane mitron kee soochee men jyaadaa se jyaadaa mahilaaon ko shaamil karate hain. koee mahilaa apane stets men kuchh bhee likh de, fauran use 'laaika' karenge, kaments karenge aur use chane ke jhaad par chadhaa denge. aise log samay-samay par mahilaaen badalate rahate hain, yaanee aaj isakee prashnsaa kee jaa rahee hai, to kal kisee aur kee. lekin kahate hain n ki kaath kee haandee baar-bar naheen chadhtee.

vakt dar vakt aise maamale saamane aate rahate hain. briten men hue ek sarvekshan men kahaa gayaa hai ki aonalaain romaans ke chakkar men takreeban do laakh log dhokhaa khaa chuke hain. dhokhaa dene vaale log apanee asalee pahachaan chhupaakar rakhate the aur aakarshak modal aur senaa adhikaaree kee tasveer apanee profaail par lagaakar logon ko aakarshit kiyaa karate the. aise men soshal netavarking saaiton kaa istemaal karane vaale logon kaa unake prati judaav rakhanaa svaabhaavik hee thaa, lekin jab unhonne jhoothe profaail vaale logon se milane kee koshish kee to unhen saaree asaliyat pataa chal gaee. kaee log apanee tasveer to asalee lagaate hain, lekin baakee jaanakaaree jhoothee dete hain. jhoothee profaail banaane vaale yaa apanee profaail men jhoothee jaanakaaree dene vaale log mahilaaon ko faansakar unase vivaah tak kar lete hain. sach saamane aane par usase judee mahilaaon kee jindagee barbaad hotee hai. ek taraf to usakee apanee patnee kee aur doosaree us mahilaa kee jisase usane doosaree shaadee kee hai.

beete maah maarch men ek khbar aaee thee ki amerikaa men ek mahilaa ne soshal netavarking saait fesabuk par apane pati kee doosaree patnee ko khoj nikaalaa. fesabuk par baithee is mahilaa ne saaid men aane vaale popaap ‘peepul yoo me no’ men ek mahilaa ko dost banaayaa. usakee fesabuk par gaee to dekhaa ki usake pati kee veding kek kaatate hue foto thee. samajh men naheen aayaa ki usakaa pati kisee aur ke ghar men veding kek kyon kaat rahaa hai? usane apane pati kee maan ko bulaayaa, pati ko bulaayaa. donon se poochhaa, maajaraa kyaa hai? pati ne pahalee patnee ko samajhaayaa ki jyaadaa shor n machaaye, ham is maamale ko sulajhaa lenge. magar itane bade dhokhe se aahat mahilaa ne ghar vaalon ko isakee jaanakaaree dee. usane adhikaariyon se is maamale kee shikaayat kee. adaalat men pesh dastaavej ke mutaabik donon abhee bhee pati-patnee hain. unhonne talaak ke lie bhee aavedan naheen kiyaa. ab doshee paae jaane par pati ko ek saal kee jel ho sakatee hai. piyars kaauntee ke ek adhikaaree ke mutaabik, elan oneel naam ke is vyakti ne 2001 men elan falk ke apane puraane naam se shaadee kee. fir 2009 men pati oneel ne naam badalakar elan karavaa liyaa thaa aur kisee doosaree mahilaa se shaadee kar lee thee. usane pahalee patnee ko talaak naheen diyaa thaa.

daraasal, soshal netavarking saaits ke kaaran rishte tejee se toot rahe hain. amerikan ekedamee aof maitreemoniyal loyars ke ek sarve men bhee yah baat saamane aaee hai. sarve ke mutaabik talaak dilaane vaale kreeb 80 feesadee vakeelon ne maanaa ki unhonne talaak ke lie soshal netavarking par kee gaee bevafaaee vaalee tippaniyon ko adaalat men ek saakshy ke roop men pesh kiyaa hai. talaak ke sabase jyaadaa maamale fesabuk se jude hain. 66 feesadee maamale fesabuk se, 15 feesadee maaeespes se, tvitar se paanch feesadee aur baakee doosaree soshal netavarking saaits se 14 feesadee maamale jude hain. in dijital futaprints ko adaalat men talaak ke evidens ke roop men pesh kiyaa gayaa. pichhale dinon abhinetree ivaa laangoriyaa ne baasket baal khilaadee apane pati tonee paarkar kaa talaak de diyaa. ivaa kaa aarop hai ki fesabuk par usake pati tonee aur ek mahilaa kee najdeekee jaahir ho rahee thee. briten men bhee soshal netavarking saaits kee vajah se talaak ke maamale tejee se badhe hain. apane saathee ko dhokhaa dekar aonalaain baat karate hue pakade jaane ke kaaran talaak ke maamalon men ijaafaa huaa hai. british nyooj pepar 'd sana' ke mutaabik, pichhale ek saal men fesabuk par kee gaeen aapattijanak tippaniyaan talaak kee sabase badee vajah baneen. rishte khraab hone aur tootane ke baad log apane saathee ke sndesh aur tasveeron ko talaak kee sunavaaee ke dauraan istemaal kar rahe hain.

soshal netavarking saaits ke jahaan kuchh faayaden hain, vaheen nuksaan bhee hain. isalie soch-samajh kar hee inakaa istemaal karen. apane aasapaas ke logon ko vakt den, unake saath rishte nibhaaen. soshal netavarking saaits ke aabhaasee mitron se paraspar dooree banaakar rakhen. kaheen aisaa n ho ki aabhaasee frjee doston ke chakkar men aap apane un doston ko kho baithen, jo aapake sachche hitaishee hain. (staar nyooj ejensee)

auraton ke hak men ek ftavaa

firadaus khaan
shaayad pahalee baar desh kee pramukh islaamee shikshan snsthaa daarul uloom devabnd ne muslim auraton ke hak men ftavaa jaaree kiyaa hai. khair, ham to yahee kahenge ki der aayad durust aayad… is nek kaam ke lie devabnd kee saraahanaa kee jaanee chaahie...

daarul uloom devabnd ne hindustaanee musalamaanon se kahaa hai ki ek beevee ke jindaa hone kee haalat men ve doosaraa nikaah naheen karen, kyonki aisaa karane se donon beeviyon ke saath naainsaafee hogee. pahalee beevee ke jindaa rahate doosaree shaadee karane kee khvaahish jaahir karane vaale ek vyakti ke savaal par devabnd kee taraf se die gae ftave men kahaa gayaa hai- '‘shareeyat ek saath do patniyon kee ijaajt detee hai, lekin bhaarateey parnparaa men isakee ijaajt naheen hai." daarul uloom ne yah bhee kahaa ki do beeviyaan hone kee haalat men vyakti donon ke saath jimmedaariyon ke lihaaj se insaaf naheen kar paataa. is vajah se pahalee beevee ke hote hue doosaree shaadee karane kaa khyaal jhan se nikaal denaa chaahie.’

doosaree shaadee ke savaal men vyakti kaa kahanaa thaa, apane kolej ke samay se main ek yuvatee se prem karataa thaa, lekin usakee shaadee naheen ho sakee thee. ab ham fir se snpark men aae hain aur nikaah karanaa chaahate hain. meree beevee evn do bachche hain aur aisee sthiti men doosaree shaadee jaayaj rahegee?’ usake isee savaal ke javaab men devabnd ne yah ftavaa diyaa hai.

daarool uloom devabnd se ek vyakti ne yah bhee savaal kiyaa ki usakee patnee aur maan ke beech naheen banatee aur beevee saas-sasur ke saath rahane ko taiyaar naheen hai. aisee haalat men use kyaa karanaa chaahie? isake javaab men kahaa gayaa hai ki aisee haalat men islaam beevee ko talaak dene yaa use khud se alag karane kee ijaajt naheendetaa. maan-baap kee naaframaanee karanaa bhee glat hai. aapako beevee ke lie doosaraa ghar lenaa chaahie aur saath hee apane maan-baap kee dekhabhaal karanaa chaahie. islaamee shikshan snsthaa daarul uloom kaa kahanaa hai ki patnee kaa hak adaa karane ke saath hee maan-baap kee dekhabhaal karanaa har vyakti kee jimmedaaree hai aur donon jimmedaariyon ko nibhaane kee koshish karanaa chaahie.

duniyaa kee kreeb aadhee aabaadee mahilaaon kee hai. is lihaaj se mahilaaon ko tamaam kshetron men baraabaree kaa hak milanaa chaahie, lekin aisaa naheen hai. kamobesh duniyaabhar men mahilaaon ko aaj bhee doyam darje par rakhaa jaataa hai. amooman sabhee samudaayon men mahilaaon ko purushon se kamatar maanane kee pravritti hai. hindustaan men khaasakar muslim samaaj men to mahilaaon kee haalat behad badatar hai. sachchar samiti kee riport ke aankade bhee is baat ko saabit karate hain ki any samudaayon ke mukaabale muslim mahilaaen aarthik, saamaajik aur shaikshik drishti se khaasee pichhadee huee hain. yah ek kadvee sachchaaee hai ki muslim mahilaaon kee badahaalee ke lie 'dhaarmik kaarana' kaafee had tak jimmedaar hain. inamen bahupatnee vivaah aur talaak ke maamale khaas taur par shaamil hain.

beshak, daarul uloom devabnd ke is ftave se muslim auraton ko kaafee faayadaa hogaa. saath hee isase dharmaantaran ke aise maamalon men bhee kamee aaegee, jinamen gair muslim mard kaanoon kee sajaa se bachane ke lie islaam kubool karake doosaree shaadee kar lete hain. sirf ftavaa dene se hee kaam naheen chalegaa. daarul uloom devabnd ko muslim auraton ke hak men kuchh aur faisale bhee denge honge, taaki ve bhee ek achchhee jindagee basar kar saken...

jal sevaa : paanee hee amrit hai

firadaus khaan

hamaare desh men hameshaa se hee sevaa kee parnparaa rahee hai. jal sevaa bhee isee snskriti se prerit hai. upanishad men kahaa gayaa hai ki 'amrit vai aap:' yaanee paanee hee amrit hai. isake alaavaa paanee ko 'shivatam: ras:' yaani pey padaarthon men sabase jyaadaa kalyaanakaaree bataayaa gayaa hai. garamee ke mausam men pyaase raahageeron ko sheetal jal pilaane kee kaee misaalen aasapaas hee mil jaatee hain. pahale jahaan raahageeron ke lie sadakon ke sameep kuen khudavaae jaate the aur jagah-jagah ghane darakhton ke neeche paanee ke matake rakhe jaate the, vaheen ab pakke pyaaoo banaae jaate hain aur kaee jagah thnde paanee kee tnkiyaan bhee rakhee jaatee hain. dehaat aur kasbon men aaj bhee paanee ke matake dekhe jaa sakate hain. isake alaavaa kuchh log apanee dinacharyaa men se kuchh samay nikaalakar raahageeron ko svayn paanee pilaate hain.

hariyaanaa ke bhivaanee jile ke gaanv lohaanee men pichhale paanch dashakon se sheetal jal sevaa badastoor jaaree hai. gaanvavaale bataate hain ki baabaa yogee netaanaath ne logon ko jal sevaa ke lie prerit kiyaa thaa. unheen ke aadesh par ve samay nikaalakar garamee ke mausam men raahageeron ko paanee pilaane lage. gaanv ke yuvak bas adde par thnde paanee se bharee baaltiyaan lekar khade rahate hain aur jab koee bas aatee hai to usake musaafiron ko paanee pilaate hain. gaanvavaalon kaa maananaa hai ki jab se yahaan jal sevaa shuroo huee hai tab se gaanv par koee praakritik aapadaa naheen aaee hai. gaanv men n to kabhee sookhaa padaa hai aur n hee olaavrishti huee hai. unakaa yah bhee kahanaa hai ki yahaan n to kisee mahaamaaree ne paanv pasaare hain aur n hee beemaaree se kisee pashu kee maut huee hai. is sukh-shaanti ko gaanvavaale jal sevaa ke puny kaa hee fal maanate hain. baabaa yogee netaanaath ke samaadhi lene par gaanvavaalon ne unakaa mndir bhee banavaayaa hai. filahaal jal sevaa kee aguvaaee baabaa mastanaath kar rahe hain.

raajy ke bas addon aur relave steshanon ke sameep mausamee pyaaoo dekhe jaa sakate hain. bhivaanee nivaasee raajendr chauhaan kahate hain ki bas addon aur relave steshanon par svachchh peyajal kee vyavasthaa n hone kee vajah se musaafiron ko khaasee pareshaanee kaa saamanaa karanaa padtaa hai. bas addon aur relave steshanon par pyaaoo ke aasapaas failee gndagee kee vajah se bhee log yahaan paanee peene se kataraate hain. baar-baar snbndhit adhikaariyon ko is samasyaa se avagat karaayaa gayaa, lekin nateejaa vahee 'dhaak ke teen paata' rahaa. aakhir prashaasanik ravaiye se pareshaan hokar shahar ke ganamaany log chndaa ikatthaa kar bas addon aur relave steshanon par raahageeron ke lie ni:shulk sheetal jal kee vyavasthaa karavaane lage. isee tarah baajaaron men bhee dukaanadaar aapas men chndaa ikatthaa kar thnde paanee kee tnkee rakh lete hain.
anuraag saahity kendr kee adhyaksh chaandanee kahatee hain ki paanee kaa mol to koee pyaase se poochhe. vah kahatee hain ki aaj bhee haalat aise hain ki logon ko peene kaa saaf paanee tak mayassar naheen ho paataa. relave steshanon aur bas addon kee haalat to bahut buree hai. kaee jagah to peshaab yaa shauchaalayon ke paas hee paanee ke nal lagaaye gae hain, aise men musaafir yahaan se paanee lene men kataraate hain. samaaj sevee snsthaaon aur nijee taur par logon dvaaraa shuroo kee gaee jal sevaa behad raahat dene vaalee hai.

yuvaraaj ke lie ek sndesh

kisee bhee paartee kaa kaaryakartaa us paartee kee buniyaad kaa sabase aham hissaa hotaa hai...isalie yah jrooree hai ki jmeenee star par kaam karane vaale aur paartee ke lie khoon-paseenaa bahaane vaale kaaryakartaaon kee kdr kee jaae...unakee pahunch apanee paartee ke mukhiyaa tak honee chaahie...yah kahanaa ktaee glat n hogaa ki kaaryakartaa hee paartee kee jaan hote hain...jin paartiyon ne apane kaaryakartaaon ko najr andaaj kiyaa unhen isakaa khaamiyaajaa bhee bhugatanaa padaa... uttar pradesh vidhaanasabhaa chunaav men kaangres ko kaamayaabee n milanaa isakee taajaa misaal hai...

kaangres ke yuvaraaj raahul gaandhee ko kaangres kee buniyaad majboot karanee hogee... unhen yah sunishchit karanaa hogaa ki har kaangresee binaa kisee pareshaanee ke unase mil sake...unake saamane apanee baat rakh sake... unhen un kaaryakartaaon kaa vishvaas jeetanaa hogaa, jo kisee bhee vajah se paartee se door hote jaa rahe hain... agar raahul gaandhee kaangres sngathan ko majboot karane men kaamayaab ho gae to fir kaangres ke lie aagaamee lokasabhaa chunaav jeetanaa koee mushkil naheen hai...
-firadaus khaan