manasik halachal

aage kee sabhi posten "meri manasik halachal" par

2011-04-21T00:02:00.000+05:30

aage meri sabhi posten mere vardapres vale blog meri manasik halachal par hain.
aap kripaya us blog par padhar kar blog fid aura/ya ee-mel sadasyata grahan karane ka kasht karen.

pandit ramalochan brahmachari aur hanumat niketan

2011-04-10T04:00:00.007+05:30

hindoo mandiron men bahut pichir pichir hoti hai. dher sare fool-malayen sadati hain. usapar jal, akshat, roli, sindoor, kajal, kaduaa tel aur janaboojh kar banaye gaye sankare raste - jisase pand-pujari apani vailyoo bana-bench saken. kamobesh sab mandiron men hai yah. amooman jitana bad mandir utana jyada gand!
ilahabad men sivil lainsa/bas adde ke pas hanumat niketan ka mandir is mamale men bahut saf suthara hai. isako banane men pandit ramalochan brahmachari ji ne kuchh vaisa hi kiya tha, jaise mahamana madan mohan malaviy ji ne banaras hindoo vishvavidyalay banane ke liye kiya tha. apani saikal par gali kasbe chhane the unhone. logon ne kaha ki ve bad dan de kar banava dete hain mandir. par ramalochan ji ko vah gavara nahin tha. logon se ek do rupaye chande ke ikaththe kiye. ilahabad ke san sattar ke aasapas ke logon ko yad hoga apana chanda dena.
aur vahan panditaji kee saikal aur khadoon rakhi hai.

pandit ramalochan brahmachari ji, 1 julaee 1985 ko nirvan. pratima hanumat niketan mandir parisar men hai.)
mere siniyar transaporteshan mainejar, shraeeyut shraeemohan pandey yahan aksar aate jate rahate hain. shayad chhatra jivan men kuchh tyag kar chanda bhi diya tha mandir nirman men. ve behatar inaput de sakate hain. unhone bataya:

pandit ramalochan ji us jamane (san 1973-74) men, jab shraeemohan intar ke chhatra the, apani saikal par unake kalej men yada kada chale aate the. kabhi kisi kakshaaa men aur kabhi kisi laib men. har chhatra rupaya athanni unakee jholi men dl dete the. sab men utsah tha - mandir banana prarambh ho gaya tha aur har chhatra jaldi se mandir bana dekhana chahata tha!

pandit ramalochan brahmachari ji ko bhagvad-prerana mili san 1937 men. san 1957 se unhone chanda ikaththa karana prarambh kiya. aur ab jab mandir parisar poorn ban gaya hai, tab vahan hanuman ji ka mandir, shivalay, sangrahalay, pustakalay, yogalay, jimnaijiyam aur aayurvedik tatha homiyopaithik aushadhalay hain.
main mandir men gaya to ek kone men prasad-pede kee dukan valon ke dheron tada/nariyal ke patton ke bane done rakhe dikhaee diye. in dono ke sath ve dhakkan nahin, matra mahuye/chhiyula/baragad (ya kisi any ped ka) sookha patta dete hain. mujhe to mithaee rakhane ka patra bahut pasand aaya - n gatta, n polithin kee koee banavati chij. bayo digredeshan ka jhamela hi nahin!

tada/nariyal ke patton ke donon ka dher

mithaee rakha dona, oopar patte ka dhakkan

hanumat niketan dekh man men vichar ho aaya hai ki yada kada daftar se lautate huye is mandir men ho hi aaya karoon. prasad ke roop men ped 120 rupaye kilo hai aur bundiya ka laddoo 140 rupaye kilo. jyada baojh nahin dlenge hanuman ji jeb par agar ek pav prasad loon to!
sahi rahega n?!

mujhe yah purana blog isakee tempalet kee suvidha ke liye priy hai, par isamen tippani vyavastha bekar hai. ~~lihaja mai diskas ka ed-aon jod kar isi blog par post kar raha hoon - dekhata hoon, mitragan aate hain ya nahin!~~
diskas kee tippani vyavastha ka prayog main pahale bhi kar chuka hoon - ~~lagabhag sal bhar pahale aur is sait ka kahana hai ki ab yah pahale se behatar hai! dekhiye!~~

kantiyayug kee aasann garmiyan

2011-03-27T17:47:00.003+05:30

garmiyan aane ko hain. dastak de hi di hai. bijali kee killat aasann hai. har gali kooche ke kinare lage transafarmar garm ho kar bam baolenge. fir nithalle logon kee fauj khadi ho kar ghanton dekhegi ki kaise thik karate hain unako bijali karmi. bahudha transafarmar badale jate hain. unaka tel risata hai ya chori jata hai!
aur bhi kaee tarah kee chijen kharab hongi. tharmal ya haidal (nirbhar karata hai ki aapake ilake ke pas kaun sa bijali ka jenareshan sors hai) se bijali jayegi. kaee bar andaragraund kebal pankchar ho jaya karegi. kaee bar be mausami aandhi-pani se bijali band hogi. kaee bar lagega ki bijali yada kada jati hai to kaee din aise lagenge ki bijali yada kada aati hai!
par ek chij kantiyafansaoo yooporiyan vatavaran men tay hai, vah hai ekses kantiya fansane kee badaulat bijali ke tar tootane ya bijali jane ka niyamit khel. yahan shivakuti men pichhale panch sal se rahate huye main yah khel yoon dekhata raha hoon, jaise dhritarashtr kee sabha men sabhasad aaye din shakuni ko pase fainkate dekhate rahe honge - baor hote, par asahay!
kantiya fansane ke karan jab bijali jati hai, tab gali muhalle ka bhalantiyar dal sakriy ho jata hai. vahi dal pahale kantiya fansata hai aur bijali fel hone par bijali ke daftar par dharana deta hai. ve antatogatva bula late hain bijali karmiyon ko.
agar bhalantiyar gan n hote to is prant ka kya hota? thisis ban sakati hai - rajy ke bikas (spailing?) men bhalantiyaron ka yogadan.
khair, bijali karmi aate hain - do saikal savaron ka ek maltipal set. dono saikalon ke bich lambi sidhi hoti hai aur ve hato hato kee aavaj lagate chalate hain, jisase unaka yah jugadatantra saikal maltipal dharashaee n ho jaye!
gantavy par aa kar ve sidhi khambhe ke sath tikate hain. bijali kati jati hai aur tar jode jate hain. log tamashabin bane dekhate hain. aadhe paune ghante men bijali aati hai. fir in tamashabinon men saksham log in bijali karmiyon ko chayapani kee dakshaina dete hain. khela khatam.
garmi aane lagi hai aur yah khela shuroo ho gaya hai!

amavasa snan, kohara aur parul jayasaval

2011-02-04T04:00:00.000+05:30

amavasa^[1] ka snan tha do faravari ko. magh-mela kshaetra (sangam, prayag) men to shahi snan ka din tha. bahut bhid rahi hogi. main to gangaji dekhane apane ghar ke pas shivakuti ghat par hi gaya. savere chh baj gaye the jab ghar se nikala; par nadi kinare kohara bahut tha. ret men chalate huye kabhi kabhi to lag raha tha ki agar aankh par patti bandh kar koee ek chakaraghinni ghuma de to aankh kholane par nadi kis disha men hai aur mandira/sidhiyan kis taraf, yah andaj hi n lage. naya aadami to rasta hi bhula jaye!

vaise raste kee achchhi rahi – pachapan sal kee siniyoriti ho gayi, par abhi tak malum nahin ki jana kahan hai aur rasta kahan hai. yah janane-bhulane kee bat to chhalava hai. kisi emechyor darshanik ka shabdon se khelana bhar!

----

[1] amavasa ka snan - magh mahine men sangam par kalpavas karate shraddhalu aamavasya ke savere mukhy snan karate hain. sthaniy bhasha men ise amavasa ka snan kaha jata hai. sangam par amavasa ka mela lagata hai. bahut bhid jutati hai!

poori post mere vardapres vale blog "meri manasik halachal" par padhen:

amavasa snan, kohara aur parul jayasaval

sarapat kee or

2011-02-02T04:00:00.001+05:30

sirasa ke uttar men ganga men maje se pani hai. ilahabad men yamuna milati hain ganga men. usake bad panasa/sirasa ke pas tauns. tauns ka pat bahut chaud nahin hai, par usamen pani utana hai jitana sangam men milane se pahale ganga men hai. at: jab sirasa ke pahale tauns ka pani ganga men milata hai to lagata hai ki marij ganga men paryapt bald transafyoojan kar diya gaya ho. ganga maee jivant ho uthati hain.

pontoon ka pul hai gangaji par sirasa se saidabad kee taraf gangapar jane ke liye. chaupahiya gadi ke liye pachchis rupaye lagate hain. rasid bhi katata hai mangane par. n mango to paisa usakee jeb men chala jata hai. ek do lal tikoni dharm dhvajaye hain. aasapas ke kisi mandir se kuchh shlok sunaee pad rahe the. gangaji kee bhavyata aur shlok - sab milakar bhakti bhav jaga rahe the man men.

tarakeshvar babba ne bata diya tha ki gadi dhire dhire chale aur lohe ke patiyaon se niche n khisake. varna ret men fans jane par chakka vahin ghurr-ghurr karane lagega aur gadi ret se nikalana mushkil hoga. draivar sahab ko yah hidayat sahej di gayi thi. dhire chalane ka ek aur nafa tha ki gangaji kee chhata aakhon ko pine ka paryapt samay mil raha tha.

is poori post ko mere vardapres vale blog meri manasik halachal par padhen:

sarapat kee or

bundelakhand eksapres aur bayodijestar toyalet

2011-01-30T21:25:00.001+05:30

mujhe bataya gaya ki yah baiktiriya siyachin gleshiyar par sena ke toyalets ka thos apashisht padarth ksharit karane ke liye prayog men laya jata hai. itani sardi men apashisht padarth ksharit karane men any koee jivanu kam nahin karata.

ab yah bektiriya relave prayog kar raha hai apane trenon ke toyalets men. trayal ke taur par bundelakhand eksapres ke 23 koch isake prayog ke liye taiyar hain aur 17 janavari se chal bhi rahe hain.

aatm-kathy - main relave ke liye pres vigyapti thelak nahin hoon aur uttar-madhy relave ke liye yah blog soochana disimeneshan (dissemination - prasaran) ka madhyam bhi nahin hai. par roj ke kam men jab mujhe yah bayodijestar toyalet kee janakari mili, to laga ki yah sab ke liye rochak aur mere sarakari dayitv ke sandarbh men kantakahin vishay hai jis par likh sakata hoon blog par.

poori post aap padhen meri manasik halachal par:

bundelakhand eksapres aur bayodijestar toyalet

mutapa kisake liye fayademand?

2011-01-27T04:28:00.001+05:30

mekinje (McKinsey) kvartarali ne chart-fokas nyooj laitar ee-mel kiya hai, jisamen motape kee vishvamari (mahamari ka vaishvik sanskaran – pandemic) par kiye ja rahe kharchon ke bare men bataya gaya hai. masalan briten men motape se sambandhit rogon par davaiyon ka kharch £4,000,000.000 hai. ek dashak pahale yah isaka aadha tha. aur yah rakam 2018 tak aath hajar paund ho sakati hai.

par jaisa yah nyoojalaitar kahata hai - kharcha keval davaon ka nahin hai. davaon se itar kharche davaon par hone vale kharche se tigune hain. masalan amerika $450biliyan kharch karata hai mutape par davaon se itar!

is vishay men post aap meri manasik halachal par padhen:
motalle logon kee duniyan

kalloo ka bijooka

2011-01-24T04:00:00.002+05:30

aravind vahin tha, ganga kinare apane konhad-nenuaa ke khet par. ab vah mujhe pahachanane laga hai; so door se hi usane namaste kari. main usakee or mud to baola - jara bach ke aaiyega. niche nenuaa ke paudhe hain. pichhale dinon kee sardi se panape nahin. vastav men niche sam doori par jara-jara se paudhe the. main bach kar chalane laga.

aravind paudhe ke pas favade se ret khod raha tha. usamen gobar kee khad mere samane hi bichhaee. baola - isapar ek gilas yooriya dl kar samatal kar denge aur usake bad bas sinchaee hi karani hai.

pahale vah mujhase kahata tha - kya karen babooji, yahi kam hai. par ab vah mujhase parichay hone par khul gaya tha aur behatar aatmavishvas men laga - is kam men majoor bhi laga den to aadha-tiha kam karenge. pata bhi n chalega ki khad poori dli ya nahin. ab khud ke pas samay hai to mehanat karane men kya jata hai?

[poori post vardapres vale blog par yahan padhen.

faibar aoptiks kee chori

2011-01-20T04:00:00.000+05:30

kripaya mere vardapres blog meri manasik halachal par nimn post dekhen:

faibar aoptiks kee chori

mera vardapres par blog

2011-01-17T19:44:00.001+05:30

maine tay kiya hai ki vardapres par blog posten likhane ka yatn karoon. usaka pramukh karan yah hai ki vahan tippani ka pratyuttar dene kee achchhi suvidha hai. at: aage posten aapako vardapres par milegi.

aapase anurodh hai ki aage posten meri manasik halachal par padhane ka kasht karen aur us blog kee fid fidaridar ya ee-mel ke madhyam se sabaskraib karane ka kasht karen.

meri manasik halachal kee fid ka link

meri manasik halachal par yah post dekhen:

paryavaran, vikas aur tharmal pavar haus

lokopakar aur vikas

2011-01-15T04:00:00.004+05:30

red tep nirakaran jaroori hai!

lokopakar – filenthropi ek glaimaras mudda hai. jab maine pichhali post likhi thi, tab is kon par nahin socha tha. lokopakar men nihit hai ki abhavon ke antim chhor par log hon aur ham - madhyamavargiy log apane arjan ka ek hissa - ek ya do pratishat - dan ya jakat ke roop men den. vah dan kis tarah se sahi tarike se niveshit ho, usakee sochen.

is dan se koee sine star, koee rajaneta, koee dharmachary sahaj jud sakata hai. is mudde kee bahut imoshanal vailyoo hai. koee bhi apani chhapas door kar sakata hai kisi bade din kambal-katori dan kar. agar aap nekee kar dariya men dlane vale hain to fir koee kahane kee bat hi nahin!

par kyon ho dan kee ekyoot aavashyakata? kyon n ho samaj ka utthan? kyon rahen musahar, musahar? kyon n ho vikas? infrastrakcharal devalepament kee yojanayen kyon shilir shilir chalen aur shoshebaji vali skeemon ke bal par sarakaren ban jayen - skaim karane ke liye?

bade saval hain jo lokopakar jaisi aatmatushti kee bhavana se kahin jyada mahatvapoorn hain! (vaise bhi aap baban pandey kee bat manen to filenthropi karate aap bihar men kambal bantate bantate thak jayenge!)

mere parivesh men, ilahabad ke samip, tin mega tharmal pavar steshan aane vale hain - karachhana, meja aur shankaragadh (baran) men. pratyek kee kshamata do hajar megavat kee hogi. inake aane se is kshaetra ka vikas jaroor hoga. paryavaraniy pany-pany hogi; par garibi rahe to paryavaran le kar kya karen? chaten?

isi tarah ganga/yamuna ekpres haeeve kee yojanayen hain. dekhen kab poori hoti hain. unake aane se bahut kuchh badalega paridrishy. jamin adhigrahan jaroor ek kathin mudda hai; par sarakar-korporet sektar aur kisan kee eemanadari se vah bhi salat sakata hai. eemanadari? thodi reyar kamoditi hai jaroor!

inake alava shikshaaa, svasthy, sarvajanik suvidhayen aur shram aadi ke kshaetra kee dasha dekh to man bujh jata hai. bahut kuchh karana hai vahan.

lokopakar se kahin jyada in yojanaon kee badhayen door karana, unake lal-fite hatana jaroori hai. usake liye kahin jyada samajik jagarookata aur vyaktigat-samajik-sarakari ektivijm kee darakar hai.

aaj ke shapit-skaimit¹vartaman se us bhavishy kee or chalana hai. usake liye ham apana yogadan karen; lokopakar ke dan ke sath sath!

1. skaimit - embroiled in scam.

musahar, nat aur filenthropi men nivesh

2011-01-13T04:00:00.002+05:30

hamamen se har ek dan deta hai. sab se aasan hai relave steshan ya hanuman mandir par upalabdh bhikhari ko dan dena. par vah dete samay man men yah bhav hota hai ki ek aadami ko akarmany banane men ham yogadan kar rahe hain. at: in bhikhariyon ko anadekha karane kee bhavana bhi man men sthaee roop se aati gayi hai. fir bhi in bhikhariyon kee badi sankhya ko dekhate huye lagata hai ki yah filenthropi (philanthropy - lokopakar) ka tarika bahut lokapriy hai.

shayad yah filenthropik inavestament (pi.aaee.) ka sabase sugam tarika hai. jaise pi.aaee. ka myoochual fand ho! par mere khyal se is inavestament ka ritarn bahut kam hai. sidhe pi.aaee. kee ikviti men nivesh karana chahiye.

pi.aaee. ka ritarn is tarah se mapana chahiye ki usase kitane kee jan bachi, kitane ko aapane sakshar banaya, kitane ko aankhon kee jyoti di, kitane logon ko aapane apane parivesh ke prati jagarook banaya, aadi...

shraeemati aaradhana dube

is bar maine kuchh gramin musaharon ko kambal dene ka nirnay kiya. meri patniji ka vichar tha ki musaharon ko nahin, unakee straiyon ko diye jane chahiyen ye kambal. anyatha musahar to turant bech kar paise kee daroo pi jayega. bahut sahi vichar tha. par kriya roop dena saral kam nahin tha.

ek tarika to yah tha ki kisi enajio ko talash kar use paise de diye jayen. isamen aapako enajio par vishvas hona chahiye. par gujarat bhookamp ke dauran kaee farji enajio dekhane ke bad unapar yakeen nahin hota hai. doosare yah bhavana hoti hai ki jab aasapas itane jarooratamand hain to enajio tak jane kee kya jaroorat?!

at: hamane doosara tarika apanaya. katara ja kar kambal kharide. fir hamane apane sale sahab se fon par anurodh kiya ki ve inhe musaharon men bantava den. unaka uttar tha ki unake ganv se musahar palayan kar gaye hain. aur any utane hi jaroorat mand ko agar ven denge bhi to (unake rajanaitik jiv hone ke karan) log yah tohamad lagayenge ki gramavikas ka paisa apane nam se bant kar ve dhandhali kar rahe hain!

bhagavan kee kripa se mere doosare sale ji kee patniji (shraeemati aaradhana dube¹) ne yah kary sampann kar diya. ve banaras ke pas ek gramin praimari skool kee pradhanadhyapika hain. skool ke pas hi nat rahate hain. atyant vipann. unake liye ve svayan bhi purane ooni kapade aadi le ja kar deti rahati hain. bahut aabhari huye ham unake.

hamare pi.aaee. ka ritarn? mere khyal se bahut adhik! char-panch sal pahale ek chhoti si khabar padhi thi ki hamare sasural ke ganv ka ek musahar sardi se mar gaya tha. ye kambal ek bhi jindagi bachate hain ya ek bhi nat ko bimar hone se bachate hain to hamara labh bahut bahut adhik huaa.

1. aaradhana dube ne yah sahayata kee. ek doosari aaradhana kee blog post padhate samay yah kambal dene ka vichar aaya tha! dono aaradhanaon ko bahut dhanyavad.

shivakumar mishra ka kahana hai ki ve duryodhan kee dyari ek sath lik karane ke liye edit kar rahe hain. aapane padhi yah tippani?

duryodhan kee dyari ke lik

2011-01-08T06:28:00.001+05:30

shivakumar mishr, duryodhan kee dyari ke pachchis-chhabbis panne chhap chuke hain. duryodhan ne ab tak is par etaraj nahin kiya, so man sakate hain ki unakee sahamati hai. anyatha yah sahastraaabdiyon ka sabase bad lik hota!

yah bahut lokapriy lik kyon hai? sabhi kalakar rajanetaon ke liye duryodhan se bad aaikon kaun ho sakata hai? ravan men vah politikal chatury nahin dikhata. barbarata dikhati hai – sitamata ke sath anyay karate huye. duryodhan ka sofistiketed kainyapan kahan milega!

shivakumar mishra ke pas jabaradast dastavej hain aur ve sare ke sare lik nahin kar rahe hain. pata nahin jan dabav kyon nahin padata ki ve sare ke sare ek sath lik kar den.

main vahi dabav dlana chahata hoon.

chiththacharcha kee ekatarfiyat

2011-01-01T10:54:00.008+05:30

aap charcha karen, par aap ek vad kee tarafadari karen to ham jaise kya tiperen? ek sajjan nrishans maovadi naksali hatyaron ke samarthaka/sahayak hain. ek kort unhe dandit karati hai to bahut pany pany machati hai. vaise bhi aajakal samajh ka ulatafer chal raha hai. ham jise gaddar samajhate hain, vah buddhijiviyon kee samajh men mahan desh bhakt ya manavata bhakt nikalata hai. jise buddhivadi mahan samajavadi samajhate hain, vah vah desh bech-khane vala nikalata hai. jise rajaneta samajhate hain vah … lihaja binayak sen ke mamale men ham jajamental kaise banen? kuchh hindoovadi thame gaye hain, unake bare men bhi jajamental nahin hain.

par yah dekhate aaye hain ki yah naksalavad koee kranti franti karane vala nahin. shuddh mafiya hai. rangadari vasoolak. tarah tarah ke asur isase jude hain. kuchh siddhantavadi bhi shayad honge. par ve chin ke ishare par tis sal se khurapench kar rahe hain. ve adaravaij riketi demokresi ka rakt nikal rahe hain. sath sath janata ka bhi. aur inase aadivasi ka ~~chavanni~~ athanni bhar bhi kalyan huaa ho, lagata nahin.

yah hindi blogajagat jitana buddhi ka darshayak hai; utana bhavana ka bhi. janata ka bahut bad varg naksal aatank se tang aa chuka hai. polis agar lad rahi hai naksal se to vah polis ke sath hai. aur buddhi ka elit agar us janata se taras khane kee mudra akhtiyar karata hai to buddhi par taras aata hai.

main is bat men nahin jata ki binayak sen kis had tak naksali ke sath hain aur kis had tak sarakari julmon ka virodh karate huye naksali julmon ka bhi virodh karate hain. par aise mamale men jis tarah ke log tarrane lagate hain, ve hi ab tarra rahe hain. aur unaka likha padh kar riyekt karane ka man nahin hota.

aise men chiththacharcha kee ekatarfiyat jami nahin! agale janam men bhagavan intelekchual banayen to shayad bat kuchh aur ho. filahal to jo hai so hai.

agar blogajagat men matra rachanadharmita kee charcha hoti hai, to charchakar apani pasand kee kavita/kahani/post kee charcha karen to thik. par agar ek vivadaspad mudde kee charcha ho to ek tarafa vivaran charchamanch ka misayooj hai, ek vad kee tarafadari failane ke liye. yah ho sakata hai ki charchakar apani pasand se 60:40 ya 70:30 ka anupat bana sakate hain. par ek tarafa bat karana charitraik dosh hai aise manch ka.

nairashy ke hiro

2010-12-31T16:43:00.002+05:30

print men do logon ka vandan chal raha hai. vikeeliks ke shraee asanje aur kantrolar evam aoditar janaral shraee vinod ray. ye hiro hamen koee naya path naya lakshay nahin dikha rahe; keval aasapas faili sadndh aur bajabajahat kee parat ughad kar dikha rahe hain.

inamen se koee aane vale samay ko badalane ka bloo-print nahin janata. inakee jitani sochata hoon, utana man men nairashy upajata hai.

maharani, yuvaraj, tilakadhari/traishool vale, lal patti vale - koee nahin the mere hiro. de dont inspayar. end so dont asanje/vinod ray.

kya nahin malum tha ki sab bajabaja raha hai? kya nahin malum tha ki rajaneta charitra-bhrasht hain? kya nahin malum tha koraporet-politishiyan-midiya-naukarashahi lootatantra ka ~~madhur~~ besura sangit baja rahe hain kaee dashakon se? bas fark yah hai ki asanje/ray chhap log bata rahe hain aur usapar soshal midiya tvit-tvit-tvitar kar raha hai.

forbs indiya men shraee vinod ray par ek panna

soshal midiya yoojak (Social Media Users) bande khaye-aghaye hain. hi-hi-fi-fi men mahir log. jab tak bhrashtachar men sanasani rahegi, tvitiyayenge. thak jayenge. fir koee naee munni badanam hath lagegi to naye rang men aa jayege.

kaha ja raha hai ki naye dashak men bahut kuchh lik hoga. vakaee? kitana nairashy jhelenge ham hashiye par baithe log? isi nairashy se khelate bajar ke khiladi jo uthapatak karenge, usase to kahin mera gadhi kamaee ka provident fanda/bachat jharr n ho jaye!

agar ye koee rah nahin dikhate to ye nairashy ke hiro mere hiro nahin hain!

aur han, naye dashak kee mangal shubhakamanayen!

aravind pun:

2010-12-27T04:00:00.006+05:30

aravind se main san 2009 ke prarambh men mila tha. ganga kinare kheti karate paya tha use. tab vah har bat ko poora kar vah samput kee tarah baol raha tha - “aur kya karen, babooji, yahi kam hai”.

kal vah pun: dikha. vahin. ret men kheti karata. aasapas mujh jaise do tin tamashabin the. konhad kee kataren badi ho gayi thin. vah konhad ke aas pas tin gadhdhe khod raha tha - karib do hath gaharaee vale. unamen vah gobar kee khad dlakar kuchh yooriya dlega. konhade kee jad itani niche tak jayegi. vahan tak unako poshak tatv degi khad.

khodate huye vah kahata bhi ja raha tha - "kya karen, yahi kam hai."

baol raha tha ki pichhali kheti men nafa nahin huaa. usake pahale kee men (jisakee pahale vali post hai) thik thak kamaee ho gaee thi. "abakee dekhen kya hota hai?"

vyathit hona aravind ke parsona ka sthaee bhav hai. kah raha tha ki ganga bahut pichhe chali gaee hain; so khodana favade se nahin ban pa raha. vah yah nahin kah raha tha ki ganga itana pichhe chali gaee hain ki kheti ko bahut jagah mil gaee hai!

"jisase khod rahe ho, vah kya hai?"

"ramba kahate hain." is upakaran ko tin-char bar ret men thonk kar bahar ret nikalata tha. "ham log favade se hi kam karate hain. ramba se kam karana atapata hai."

badhiya laga upakaran mujhe. usaka vidiyo aap dekhen.

aravind ka kahana hai ki ek kumhade ke paudhe se pachchis-tis fal milenge. usake liye tin gadhdhe khodana; fir khada/yooriya dlana aur tab sinchaee/rakhavali! mehanat kee ritarn kaisi hai? mere khyal se bahut kam. usapar agar ret kam rahe to jay ram ji kee! shayad aur vikalp hota to aravind yah kam nahin karata. par main galat bhi ho sakata hoon - kaee bar hota raha hoon.

hori, tum shashvat sat‍y ho!

2010-12-25T04:00:00.006+05:30

‘‘pipali laiva‘‘ fil‍m dekhi . fil‍m kee visheshata bharatiy ganv ka sajiv v yatharth chitran hai ,jisame kisanon kee karj men doobane ke bad aat‍mahat‍ya kee badhati pravrit‍ti kee prishth bhoomi men kookaramut‍ton kee tarah faile khabari n‍yooj chainalon tatha desh kee rajaniti par karare v‍yang kiye gaye hain.

yah rashmi baghel kee ek atithi post hai. rashmi mere jhansi rel mandal men mandal parichalan prabandhak hain.

fil‍m kee chus‍t pat‌katha aur chhayankan kee ooghedabun ke bich ek khamosh patra dikhaee diya - hori. paridhan saj‍ja ke nam par gandhivadi langot dharan kiye gaye hue vah had-mans ka pind poori tal‍linata v nirvikar bhav se ek gaddha khodata rahata hai . gaddhe ke ut‍khanan se nikali mit‌ti hi karj men doobe usake parivar kee aajivika ka ek matra sadhan hai. is bhagirath prayat‍n se usake rin kee ek bhi paee to k‍ya kam huee hogi, lekin shayad usakee aat‍ma men nihat param tat‍v ne hi karunavash ek din hori kee karmabhoomi gaddhe men hi use sansar ke prat‍yek rin se urin kar diya.

fil‍m men to hori kee is poornahuti ko "khabari" chainalon v desh ke karnadhar netaon kee sanvedana n mil sakee kin‍tu k‍ya darshak bhi is patra ko utani hi saralata se bhool sakate hai?

vas‍tav me, 21vin sadi kee fil‍m ke is mook patra ko dekhakar sahasa hi 19 vin sadi kee prishthabhoomi men likhe gaye premachand sahit‍y ke patra manas patal par mano jivan‍t ho uthate hai. sadiyon ka yah an‍tar hori ke mook as‍tiv me jakar khat‍m hone lagata hai. k‍ya yah hori vikram vetal kee kahaniyon ka shapit vetal hai jo har yug aur har sadi men bharatiy kisan kee pith par tanga rahata hai? ya yah is desh ka ek shashvat sat‍y hai jo parivartan jaise prakritik niyam ko bhi thenga dikhakar aaj bhi apane moolaroop me vidyaman hai!

vicharon ke is jhanjhavat ke bich ek prashn uthata hai ki k‍ya aane vali pidhi bhi hori ke is shashvat s‍varoop ka hi sakshaaat‍kar karegi aur isase bhi mahat‍vapoorn prashn yah hai ki k‍ya yah haeetek pidhi hori kee v‍yatha ko samajh payegi? is prashn ka samadhan vartaman pidhi ke tathakathit‌ buddhijivi varg ko hi khojana hoga.

gyaaanadatt pandey uvach:

1. maine film nahin dekhi hai. at: mera uvach nirarthak bhi kaha ja sakata hai.
2. anusha rijavi (film kee nirdeshak) ne kaha hai ki hori mahato namak charitra film men munshi premachand ko shraddhanjali svaroop hai. yah batane ke liye hori mahato film men hai ki premachand se ab tak ke samay men kisan kee halat nahin badali hai.
3. yah to saty hai ki bharat ek do shati men nahin, do sau sadiyon men ek sath jita hai. aur agale kuchh dashakon men narega/manarega ke bavajood jiyega hi hori. us garib ko choosane ke liye santari se le kar mantari tak sabhi rahenge. aur usakee halat bayan karane ko syoodo-intelekchual nahin, sahi mayane men sanvedan shil log bhi rahenge! aap apane bachchon ko vah sensitiviti denge n? main to nattoo pande ko vah sanvedana jaroor doonga!

moti-manoo

2010-12-19T04:00:00.013+05:30

nattoo pande aajakal nanihal aaye huye hain. ab dedh sal ke huye hain to karakunni bhi usi star ke hain. kuchh jyada hi. unakee nani magan bhi hain aur pareshan bhi rahati hain. ajab kombineshan hai unakee khushi aur unakee vyagrata ka.

nana; pandit gyaaanadatt pandey unhe pradhanamantraee banana chahate hain aur ve hain ki apani thumuki chalat vale fez kee gatividhiyan karane men hi vyast hain. koee gambhirata nahin dikha rahe aage kee jimmedariyon ke prati!

unako bhojan karana ek projekt hota hai. ek chhoti si thali, jisamen katori embeded hai; men unaka khana nikalata hai aur usake sath hone lagate hain unake nakhare – n khane kee mudrayen dikhane vale. tab ghar ke sare log unhe bhojan karane men jut jate hain. koee tali bajata hai. koee munni badanam sunane lagata hai to koee jo bhi shlok yad hai, usaka path karane lagata hai. yah sirf is liye ki nattoo pande ka dhyan bante aur unake munh men ek kaur aur dl diya jaye.

moti manoo ek kalpanik moti si billi ya billa hai. bhayanak aur kale rang ka. nattoo pande ko malum hai ki vah aayegi aur pakad kar unaka vah hal karegi jo lashkare tayabba vale bhi kya karenge.

par jab yah sab kam nahin karata aur apane munh men dala kaur ugalane lagate hain nattoo; tab moti-manoo kee naty prastuti kee jati hai. moti manoo ek kalpanik moti si billi ya billa hai. bhayanak aur kale rang ka. nattoo pande ko malum hai ki vah aayegi aur pakad kar unaka vah hal karegi jo lashkare tayabba vale bhi kya karenge. lihaja ve bhojan karane lagate hain.

moti-manoo naty tin ankon ka hai. pahale charan men ghar kee dor-bel koee bajata hai aur nattoo ko bataya jata hai ki moti manoo aa gaee hai. jor se chilla kar kaha jata hai – nahin aana moti-manoo, raja beta kha raha hai khana. ek do kaur dhakele jate hain nattoo ke munh ke andar. agale charan men moti-manoo ke roop men koee dining room ka daravaja pitata hai. fir jor se chilla kar kaha jata hai – nahin aana moti-manoo, raja beta kha raha hai khana. isase ek do kaur aur dhakele jate hain. tisare charan men moti manoo fon karati hai. spikar fon men gadagadti aavaj men baolati hai – main moti-manoo baol rahi hoon. raja beta khana kha raha hai ki main aaoon? fir jor se chilla kar kaha jata hai – nahin aana, nahin aana moti-manoo, raja beta kha raha hai khana.

natoo pande ka bhay badh jata hai. aur kam ho jata hai bhojan ka kaur svikarane ka avarodhan!

in tin ankon ke natak manchan se nattoo ko bhojan kara diya jata hai. kisi jamane men babban ka adarak ke panje hit natak tha; aajakal to moti-manoo kee takkar ka koee natak nahi!

pata nahin, kab tak rahega moti-manoo ke aatank ka tilasm. kab tak karenge nattoo isake saye men bhojan!

hathi raja bahut bhale
soond hilate kahan chale
kan hilate kahan chale
mere ghar aa jao na
haluva-poodi khao na!

(meri bitiya kee narsari raim. ab usake bete vivasvan (nattoo) pandey ke kam aayegi.)

suresh josef

2010-12-17T04:00:00.007+05:30

suresh josef se main mila nahi‍. janata bhi nahin. par gauri saksena ne mujhe unake bare men bataya.

gauri meri sahakarmi hain. ve uttar-madhy relave ka samany vanijy prabandhan dekhati hain – vaise hi jaise main malagadi prabandhan dekhata hoon. paraso‍ unhone bataya ki suresh josef unase milane aa rahe hain. aayenge to ve mujhe fon kar milavayengi. par josef ke aane par main kisi aur kam men vyast tha, aur mulakat n ho sakee.

josef rel adhikari the, meri tarah ke. fir unhone relave chhod di. usake bad kochchi men ek kantenar tarminal ka kam dekha. vah projekt poora hone par is sal unhone apani ladakee kee shadi kee. ab apane ek mitra kee ek maruti svift kar udhar le kar akele bhraman par nikale hain bharat ka. bahut achchhi tarah niyojan kar yatraaa prarambh kee hai aktoobar’10 ke prarambh men.

o, madarasi, tum utane hi pagal ho, jitana tis sal pahale the! main vahin hoon, jahan tum shuroo huye the. gudalak!

josef kee yatraaa shuroo karate samay unake blog par ek tippani.

ab tak ve kochchi, bengalauru, haidarabad, vijayavad, vishakhapattan, bhuvaneshvar, sambhalapur, rayapur, bilasapur, bishraaamapur, ranchi, kolakata, sundaraban, malada, siligudi, gangatok, dhubari, guvahati, shilang, karimaganj, agaratala, silachar, ajail, manipur sima, deraganv, kohima, imfal, tejapur, eetanagar, nyoo koochabihar, katihar, patana, varanasi, ilahabad tak kee yatraaa maruti svift men akele kar chuke hain. is samay shayad lakhanaoo men honge.

suresh yah yatraaa vivaran apane blog – The Travels of A Railwayman men likh rahe hain. paryapt pathaniy hai yah blog. assi se adhik posten ho chukee hain usamen|

main suresh josef aur unakee yatraaa ke bare men kyon yah post likh raha hoon, jabaki unase batachit nahin hai aur bhavishy men milane kee sambhavana bhi kam hi hai. keval aur keval is liye ki yayavari ka vichar mujhe faisinet kar raha hai. mera svasth sikyor nahin hai aur mera aarthik paksha bhi paryapt sikyor nahin hai. par dil kee ichchha hai to hai.

suresh ko apani is yatraaa ke svapn ko moort roop dene men ek dashak lag gaya. ho sakata hai mujhe sapanon ko rang dene aur sakar karane men usase bhi kam samay lage. shayad.

aap unaka blog khangalen!

kuchh ubhar rahi shankayen

2010-12-12T11:27:00.001+05:30

pichhale char-panch mahinon men soch men kuchh shankayen janm le rahi hain:

agar mukt hoti arthavyavastha sahi hai, to chhattisagadh-jharakhand-odisa ke aadivasiyon kee (kam ya nagany) muaavaje par jamin se bedakhali ko sahi kaha ja sakata hai? maovadiyon ya laimalait talashati un deviyon kee tarafadari ko nakara jaye, tab bhi.
mukt arthavyavastha kee or yatn karate bharat ke dedh dashak se jyada ho gaya. aath-nau parasent kee groth ret aane lagi hai. par n karapshan kam ho raha hai n kraim. badhata hi najar aa raha hai. gadabad kahan hai?
praivet sektar prodakt bechane men bahut tatpar rahata hai. par jab sevayen dene kee bat aati hai, to ladakhadne lagata hai. chahe vah prodakt sambandhit sevayen hon ya fir vishuddh sevayen - safaee, projet ke theke, khanapan.
kampyootaron par sarakari daftaron men beshumar kharch hai. par karmachariyon kee bharamar men kam karane vale karmachari dikhate hi nahin. kampyootar bhi menten nahin - n dhang ke entivairas, n stariy program.

prajatantra janata ke liye achchha hai - ji sarakar! soshal velafeyar skeemen janata ke fayade ke liye hain - bahut sahi saheb! libaralaijeshan se naukariyan banengi, samriddhi badhegi - yas sar, yas sar! --- bhay lagata hai ki koee buddhiman yah bhi n kahe ki kuchh rishvat, kuchh bhrashtachar bahut jaroori hai 12% groth ret pane ke liye; aur ham gadhede kee tarah mundi hilayenge - vajib maee bap, aapaka sir dukh raha hoga mera itana bhala soch kar, navaratan tel laga kar champi kar doon kya!

kabhi koee ek chij sahi batata hai, kabhi koee doosari. jitana pragati ho rahi hai, utana vahin hain ham. nadi-jangal-hava-pani sab mare ja rahe hain hamen jinda rakhane kee kavayad men.

intelekchual jagalari; maee fut!

oh, girijesh, yahi hai!

2010-12-11T04:00:00.006+05:30

blog par ek sashakt trevalog - jisamen sapatabayani nahin santriptabayani ho, usaka pratiman mila girijesh rav ke kal diye unake blog ke link men:

bhang, bhaiya, bhatin, bhabhiyan, gajar ghas ... tin jodi labalab aankhen

aathavan bhag maine padha intaranet par. usake bad bakee sat bhag vard dkyooment men kopi kiye. unaka printaaaut liya. aur fir itminan se padha.

kaun mugaliya badashah (?) tha, jisane kashmir ke bare men kaha tha:

‘‘gar firadaus bar rue jamin ast.
haminasto, haminasto haminast’’

girijesh kee post se -

yad hai, sadak kinare khade ho dakshain kee taraf munh kar kisi ne shap diya tha... baoring, jal, rakhavali..lakh jatan hue lekin kadhuvar men machhali palan nahin ho paya to nahin ho paya. shap falit huaa, pitaji kahate hain, is jamane men varadan nahin lekin shap falit hote hain, aneko udaharan hain. ... mere dekhate dekhate samay kitana badal gaya! ab shap bhi nahin falate. ...shap ko ghatit kahoon ya falit? ...

jaisa svargik aanand ka bhav mugaliya badashah ko kashmir kee sundarata dekh aaya tha, vaisa hi bhav mere man men girijesh kee ye posten padh kar aaya. "oh, girijesh, yahi hai, yahi hai trevalog kee bloging"!

pahale dekhin jaroor thin ye posten. kam se kam shuroo kee kuchh (usake bad main asvasth ho gaya tha). par padhi nahin thin - lambi posten padhane ka dhairy nahin dikhaya tha.

girijesh kee lekhani ka to vaise hi koee javab nahin; aur in poston men to apani samagrata hi undel di hai unhone. ek mitra ke sath holi ke samay gorakhapur-padarauna-ramakola men shahar-ganv kee spes (space - sthan) men yatraaa ke sath aaj se bachapan tak kee samay (time - kal) men yatraaa bhi hai. aur jab aap apane bachapan tak men jate hain to sabhi parivartan sapat bhav se nahin, poori sentimentaliti ke sath goonth kar anubhav karate hain. aapakee lekhani men agar vah bayan karane kee takat hai, to jo kuchh nikalata hai, abhootapoorv hota hai.

girijesh ne vahi kiya hai.

ho sakata hai aap meri tarah atenshan-span sankuchit rahane kee samasya se grast n hon; tab to aapane ye posten jaroor padh li hongi. n padhi hon to jaroor padhen. inhe padhane ka badhiya tarika to yahi hai ki sab ek jagah dunalod kar itminan se padhen. ve ek laghu-pustak ke roop men jyada aanand deti hain.

aasha hai girijesh inakee ekeekrit pidief fail apalod kar usaka link apane blog par denge. aur n den to kya, nami aalasi hain ve!

trevalog par fir

2010-12-10T04:00:00.002+05:30

malum hai, log saksham hain trevalog aardharit hindi men blogon ke dasiyon link thel dene men. par fir bhi vishayanishth blogon kee bat karoonga to trevalog aardharit blog usamen ek jaroor se tatv honge.

bahut kam yatraaa karata hoon main. filahal dktari salah bhi hai ki n yatraaa karoon rel kee patari ke ird-gird. sankalp lene ke bavajood yahan se tis kilomitar door karachhana bhi n ja paya hoon. fir bhi sadh hai yatraaa karane aur trevalog likhane kee.

trevalog mujhe vah intelekchual santushti dega, jo aaj tak n mil sakee. aur, shartiya, sahityakar marmagy ji, jo kahate hain ki main nirarthak likhata hoon, ko bhi kuchh kam kee chij mil sakegi - unakee kavita ke pasang men/aas pas!

bahut se blog hain yayavari par. aur foto/vidiyo ne unaka kam aasan bhi kar rakha hai. par kam aasan karane ka arth yah hai ki pahale se aur bhi janadar trevalog samane aane chahiyen, behatar takanikee saport se. hindi men any bhashaon se jyada anoothe aur adhik vilakshan trevalog samane aane chahiyen. vegadaji kee narmada parikrama kee tarah!

ab tak jo kuchh abhivyakt karane ko mila, vah apane kam aur apane adhyayan se mila. kuchh mila savere kee sair ke anubhav (ganga vishayak posten usi se nikali hain) se. ab vanaprasth aashram karib hai. jo kuchh aage abhivyakt karane ko hoga, vah adhikanshat: ghoomane se nikalega.

aoftarol nahin chahoonga ki koee nirarthak dikleyar kare! ya kar sakate hain? karen. hoo keyars!

vidhata ne mujhe lekhak nahin banaya. yah unaka vidhan hoga. par yah abhivyakti ka madhyam mujhe diya hai - adhapakee/anagadh abhivyakti ka - blogari. usamen vah garv nahin hai. par ek apana aayam to hai. vidhata mujhe shayad isi aayam, isi junoon ke sath ke sath jilana chahate hain.

jahi bidhi rakhe ram tahi bidhi rahiye.

vishayanishth blogaron ke kloj-nit grup

2010-12-07T04:00:00.004+05:30

forbs indiya; jon ef hairis, editar in chif politiko, ke sat chuninda blogars kee list deta hai:

mujhe rajaniti ya rajanitishastra men bahut ras nahin aata. vah bhi amerika kee rajaniti ko le kar. lihaja in blogs ka niyamit pathak nahin banoonga. par in blogs par ek sarasari nigah dlane par ek bat to man men aati hai – hindi ke blogs ko kantent men aur niyamitata men abhi bahut kuchh mukam hasil karane hain. abhi to blogari ke bachapane aajamaye ja rahe hain yahan. post thelana, usapar tippaniyan ginana aur ha ha hi hi hu hoo he hai ho hau kee barah khadi padhana adhik chal raha hain. sivay kavita-kahani-sansmaran ke any kisi vishay par gambhir lekhan khoonta gad nahin paya hai.

hindi blogari kee shuruaat ek chhote se par kloj-nit grup(close-knit group) ke roop men huee thi. aur shuroo ke dinon men us grup ne bahut mehanat kee. vahi kam ab shayad rajanitishastra ya darshan ya kisi any vishay par hindi men pahal karane valon ko karana hoga. ek kloj-nit grup! oorjavan aur sinarjetik - paraspar grup sadasyon ko prerana dene vala. tabhi vividh vishayon par sarthak hindi lekhan panap sakega.

blogar baithaken bahut ho chukeen. bahut gini ja chukee tippaniyan. visheshata-yukt lekhan vale kahan hain? ek dikhate hain - puratatv par likhane vale shraee pi.en. subramaniyan. aur shayad sharad kokas (yadyapi utana pvainted nahin). puratatv par pvainted likhane vale 10-15 aur?

isi tarah ke any vishayon par any gup?

kaisa tha vah man - aap padh kar dekhen!

2010-12-05T04:00:00.015+05:30

ek kitab, upanyas, vah bhi ek nari ka likha. padhate samay bahut se prashn man men aate hain - kaise likhati hain upanyas ve. kitana vastavikata hoti hai, kitana mithak. kitani komalata, kitani sensitiviti, kitana jabari kee narivadita aur kitana abhijaty yukt chhadm. chahe shivani ho, chahe mahashveta devi. chahe arundhati roy hon. padhate samay in sab binduon par lekhan ko tolata rahata hai man. aur bahudha adhapadhi rah jati hai pustak.

par yah upanyas - kaisa tha vah man - to lagabhag nirantar padh gaya main.

ek chhote shahar kee ladakee, ek madhyavitt parivar ke ladake se vyahi jati hai. ladaka ban gaya hai afasar. shayad rel ka. aur vah ab us afasar ke sath jagah jagah rahati hai. bade bangale, unamen akela pan aur unamen narsari raims aur bal kathayen bunati yah mahila. kuchh alag si hai yah mahila.

samanyat: maine afasaron kee biviyon ko dekha hai. klab aur mahila samiti men apane aap ko projekt karane kee udhedabun men lipt. ek doosare kee buraee aur apane ko sabhy batane kee hod men jindagi ganvane vali aurate. tij tyuhar men deshaj samajh se anajan ek ajib sa afasarapan dikhati auraten. bekar si auraten.

upanyas ansh:

... (java kee) nani ne sunaya tha ki ... vah aurat chudil thi, jisake panje pichhe the, edi aage. gusse men usane pichhe mud kar nani ko fatakara tha - kaisan chachi hau?
... dipavali kee rat bhadehar bhane ke bad (java kee) badi amma sir ka palla khinch kar kahani shuroo karatin - "ek the rahalin amavas, ek jani rahalin punavasi. doono jani bahin rahalin. amavas amir rahalin aur punavasi garib!" ...
bhid bhad se gujarate java (peris men) ke man men bhay ek dar fail gaya tha, yadi kahin saumitra ka sath chhoot jaye to java ka kya hoga? java ke pas to n apana pasaport tha, n french karensi aur n french bhasha ka gyaaan ...

lekhika (nishi shraeevastav) ke bare men:

ve n to kasbaee jivan men palin thin, aur n hi avadhi/bhojapuri unakee matribhasha thi. jo likha hai vah apane gahan aobjarveshan ke aadhar par hi. unake pas hindi/hindi sahity kee koee formal sanad nahin thi. ve jiv-rasayan men snatakottar aur sooksham jaivikee men pi.ech.di./vaigyaaanik thin.
ve ab nahin hain.
unaka janm san 1953 aur nidhan san 2004 men huaa.

pustak prabhat peparabaiks (prabhatbooks@gmail.com), 4/19 aasaf ali rod, naee dilli ne chhapi hai. mooly 95/-

par yah upanyas jis mahila ke charitra ka prakatan karata hai, usakee saralata aur lekhika kee chhoti chhoti baton ko bhi pakadane-likhane kee kshamata mujhe bahut prabhavit kar gaee. kaisa tha vah man? bahut nirmal, bahut apana sa ji.

aur us man ka itana vistrit varnan hai ki lagata hai yah upanyas nahin, aotobayografi ho. mujhe bataya gaya ki yah aotobayografi nahin hai. aur is bat se lekhika - nishi shraeevastav - kee lekhan kshamata aur bhi sashakt malum padati hai.

bahut kam likha dekha hai itani saralata aur itane vistar se poorvanchal ke chhote shahara/kasbaee auraton kee charya aur ek saral si mahila ka ek kam men lage rahane vale afasar ke sath jivan yapan ka varnan.

man ka varnan.

aur ant men man chal padata hai anachinhi pagadandi par - telifon kee ghanti, dktar, embyoolens!

kaisa tha vah man - aap padh kar dekhen!

yah pustak aap flipakart ya hindibuk sentar par ja kar net par bhi kharid sakate hain.

sahity aur pustakon kee duniyan men jabaradast lobiing hai. bhayankar gutavad. pratishthit hone men keval aapaka achchha lekhan bhar paryapt nahin hai. vah hota to yah pustak shayad behatar jani jati. yah to mera apana, kinare khade vyakti ka, dekhana hai.

tvits se visheshagyata

2010-12-02T04:00:00.005+05:30

dim! liks aur teps ke jamane men instent kaments aur instent visheshagyata ka vistar ho raha hai. enaditivi ka das baje ka karyakram dekh #barakhaget par tvitar kaments kee bharamar ho gayi hai. val strit jarnal ka indiya riyalataim ka blog-chhatta fatafat posta/kamenta/pols diye ja raha hai.

main is finomina ( net par jan aavaj) se chamatkrit hoon aur ise samajhane ka yatn kar raha hoon. par isase tad se nishkarsh nikalane kee dasha men nahin hoon.

vinitakumar to manikantrol par diye gaye kaments aur enaditivi kee stok vailyoo ke jariye visheshagya post thel de rahe hain – pit raha hai enaditivi ka sheyar, barakhadatt ka jald hi hoga patta saf . vah, sheyar sab ke pite hain. (hamara muraina se soya kee khali aur tel ladan karane vale tel shodhak ka sheyar bhi lagabhag utana hi pita hai jitana enaditivi ka!¹) par agar aap midiya speshalist hain to chindiyan bator kar bhi buddhimatta poorn post tika sakate hain aur hindi blog ke ham bhakuaa padhavaiyye kahate hain - vicharaniy ...chintaniya/bahut achchhi khabar di!

is post par sahi tippani niraj rohilla kee hai, aur usi ne mujhe yah post likhane ka dhyey diya:

vah,

gest post aur forams se badhiya nishkarsh nikale hain. agali bar redif aur taeems aaf indiya ke kaments se bharat kee videsh niti bhi nirdharit ho sakati hai.

badhaee

hamen lagata hai ki ham bhi ek tho buddhimata ka kot silavay kar guru-gambhir tarike se hunkaratmak thela karen. roj tvitar kee tvits bator kar.

hindi blogari men visheshagyata kee jay ho!

1. tel shodhak ka sheyar girane par shivakumar mishr ne mujhe aur kharidane ko kaha. enaditivi kee sheyar kharidi kee jaye kya?