ee-pothi

hindustan

2012-04-21T21:20:00.000-07:00

hindustan kee pahachan anna , teri thamas , shraee shraee ravi shankar jaiso se hai n ki ........... .

anna - rag

2011-12-06T04:59:00.000-08:00

anna ke lokapriy hone par, rajaniti ko apana ekadhikar kee vastu samajhane vale logo me khalabali mach gayi hai. aise vyaktiyon kee samajh par janata ko taras hi aata hai, jo gahe-bagahe apani tulana anna se karate hai aur apane karmo ka aatmavishleshan nahin karate hai aur jo vastav me ana ke pag kee dhool bhi nahin hai.

gustakhi maf – 1

2011-05-20T04:39:00.000-07:00

bhrashtachariyo ko pakadane ke lie ek mashin bani ,
amerika me--- ek din me 9 pakade gae ,
chin me --- 30 ,
inglaind me --- 50 ,

aur indiya me --- ??????

1 ghante me mashin chori ho gayi !

bharat ek mahan desh hai .

anna ham sharminda hai ki bhrashtachar jinda hai !!

2011-04-08T10:14:00.000-07:00

rashtrapita mahatma gandhi kee samadhi se pavitra sankalp lekar mahan samajasevi karyakartta anna hajare ke sath janata dvara bhashtachar ke viruddh shuroo kiye gae pavitra yagya kee garmi ko poore desh men mahasoos kiya ja raha hai. log sadak,chaurahon,karyalayon,galiyon yahan tak ki gharo men is mahayagya kee charcha kar rahe hai. uddeshy kee pavitrata hi sadhak ko vah shakti pradan karati hai ki jisakee tapan men badi se badi sarakare hil jati hai. sevak se svami ban baithe tathakathit rajanetaon ne barasati medhako kee bhati vibhinn rajanaitik partiyon ko taiyar kar ek hi udyeshy poorti hetu alag alag muddon ko bech kar, chunav poorv ek doosare par chillane, ek doosare kee partiyon kee sarakaron men hue ghotalo par anargal baolane, vikas ka jhootha nara dene, garibi door karane sanbandhi jhoothe v khyali vadon ko karane men tatha chunav ke uparant gathjodakar sarakar men shamil ho malaee khane apane rajanaitik kairiar ko chamakane men jitana dimagi kasarat karate hai usase sarakar aur janata ke bich kee doori ko samay dar samay badhaya hai. vishv men ho rahe sattadhariyo ke virodh men janakranti isaka yathart udaharan hai.

bhrashtachar ko door kar jinda rahane ka ehasas keejiye

2011-04-06T10:26:00.001-07:00

kya aap is desh ka ann ka upayog apana jivan chalane ke lie nahin karate hai?

kya is desh kee aabaohava aapake svanso ko gati nahin deti?

kya is desh kee bhoomi aapako sharan nahin deti?

jis desh men jivan paya ,usake sansadhanon ka upayog kiya, kya usake prati hamari javabadehi nahin hai?

sabhi bharatavasi ekajut ho aur apane jinda rahane ka ehasas kare.....

bhrashtachar ko jad se samapt kare .

garv se kaho ki ham bhrashtachari hai.

2011-04-04T11:00:00.000-07:00

jab is desh me svechchha se bhrashtachar ko janata ke upar thop diya gaya hai, jab is desh kee janata dvara banaee gayi sarakar men bhrashtachar ko door karane kee adamy ichchha nahin. janata kee ichchha se apana bhagy banate in rajanetao ne is desh kee janata ko hi unake bhagy ke bharose se chhod diya ho. netaon, naukarashahon, aparadhiyo ke gathajod ne lokatantra kee jad ko smarak pratik ke roop men sanjokar samanantar bhrashtachar rupi stambh khad kar lokavrichh ko thik usi prakar jinda rakha hai jaise eest indiya kanpani ne navabao ko janata ke pratik ke roop men jinda rakh kar briten kee tijori ko bharane kee niti banaee thi. aam hindustani yadi bhrashtachar ko ukhadakar fek nahin sakata to use isaka virodh karane ka koee haq nahin.isaliye garv se kaho kee ham bhrashtachari hai.

nivesh mantr

2010-12-24T06:50:00.000-08:00

blog me pahale mainne likha tha ki nivesh ek japani bans kee tarah hota hai, jo pahale 6 sal me 6 inch badhata hai aur agale 6 mahine me 90 fut. yah ek purani kahavat hai, lekin aaj ke parivesh me nivesh ke oopar ekadam fit baithata hai. nivesh ke lie tin bat atyant mahatvapoorn hai - gyaaan,dhairy aur dhan. inako dhyan me rakh kar hi koee niveshak safal ho sakata hai. gyaaan ke bina dhan kee kalpana nahin kee ja sakati hai. jis prakar moorkh ke pas aaya dhan bhi nasht ho jata hai aur dhan ka samuchit prabandh ka gyaaan nahin hone ke karan uchit labh nahin ho sakata hai, usi prakar se bina uchit gyaaan ke dhan ka nivesh bemani hai. dhan ke nivesh me dhairy kee aavashyakata hai. adhirata v asavadhani se kiye gae nirnay se nivesh me koee labh nahin hota hai varan ulta nuksan hi hota hai. gyaaan,dhairy ke sath sath dhan ka hona bhi nivesh ka aashcharyajanak saty pahaloo hai. aakhir gyaaan ka sarthak upayog nivesh me dhan lagane aur kiye gae nivesh ko aur badhane me hai.

man kee chah

2010-11-22T00:47:00.000-08:00

khyalo kee udan lie ,

baith khatole me nikala ,

vishv bhraman kee chah lie ,

mai man araman lie ,

dekhoo nar-narayan ko ,

kheto me jo mar mitata hai ,

data hai jo ann ka ,

kintu khali hai jisaka pet ,

khyalo kee udan lie ,
baith khatole me nikala ,
vishv bhraman kee chah lie ,
mai man araman lie ,

dekhoo un jangalo ko ,

sikude har pal bhent chadhe ,

manav vikas kee bedi par ,

kurbani jisakee 'aaha' lie ,

khyalo kee udan lie ,
baith khatole me nikala ,
vishv bhraman kee chah lie ,
mai man araman lie ,

dekhoo un nadiyon ko ,

jo vishv-vikas kee gatha thi ,

pani jisaka har pal hue ,

dooshit,kalushit aur kam hue ,

khyalo kee udan lie ,
baith khatole me nikala ,
vishv bhraman kee chah lie ,
mai man araman lie ,

kramash: .......

joote kee chah

2010-11-20T09:24:00.000-08:00

joota mai chamade kee khal priye ,

jisase nikala usakee 'aaha' priye ,

chah nahi mai pairo me ghisa jaoo ,

chah nahi mai trak ke aage lataka jaoo ,

chah nahi mai buri najar utarata rahoon ,

chah nahi mai mirgi ko bhagata rahoon ,

joota mai chamade kee khal priye ,
jisase nikala usakee 'aaha' priye ,

keemat meri 'mahamana' jane ,

navab ke joote kee keemat sareaam lagavaee ,

joota mai chamade kee khal priye ,

jisase nikala usakee 'aaha' priye ,

chah lagoo bhrashtachariyo ke munh par

chah lagoo ghoosakhoron ke munh par ,

chah lagoo kanyabhroon hatyaron ke munh par ,

chah lagoo milavatakhoro ke munh par ,

joota mai chamade kee khal priye ,
jisase nikala usakee 'aaha' priye ,

kramash: .......

gyaaan:- fors patraika ke anusar duniya ke pratham tin takatavar vyakti hai -(1) hoon jintao ,rashtrapati chin (2) barak obama,rashtrapati amerika (3) abdulla bin abdul ajij al saood,shah saoodi arab

sukh kee chah

2010-11-19T02:06:00.001-08:00

ek samay kee bat hai ek vidvan ja raha tha , marg me use ek majadoor nim ke peda ke niche sota huaa dikhaee diya.
vidvan ne use jagate hue kaha - "kuchh kam kyo nahi karate ho ?"
majadoor ne lete hue kaha - "pet bharane bhar majadoori kar leta hoon ."
"kya tum nahi chahate aur adhik kam karo "-vidvan ne use dhikkarate hue kaha .
"usase kya hoga !"
"adhik kary se adhik dhan kee prapti hogi . "
"usase kya hoga !"
"adhik dhan se ann-bhoomi kee adhik prapti hogi "
"usase kya hoga !"
"samaj me tumhari pratishtha badhegi , man-samman badhega "
"usase kya hoga !"
"usase tumhe sukh kee prapti hogi "- vidvan ne khisiyate hue kaha.
"vahi sukh to mai le raha tha , aur aapane mujhe jaga diya "
vidvan niruttar ho apane marg par chala gaya .

mantr

2010-11-19T00:59:00.001-08:00

naukari karate hue manushy aise parajivi (pairasaits) kee bhanti hota hai, jo apana jivanayapan to kar sakata hai lekin apana vikas nahin kar sakata hai.madhyam aay varg kee visheshata hoti hai ki vah apani aay ka lagabhag poora bhag apani rojamarra kee jarooraton kon poora karane ,apane lie jamin kharid kar makan banane aur jivanayapan karane me kharch kar dete hai .jisase jane-anajane aur majaboori me apani poonji se doosaro ko amir banate hai. jisase unakee agali pidhi me rojagar kee samasya fir jas kee tas bani rahati hai. yah ek aisa dushchakr hai jo aasani se toda nahin ja sakata hai.

bharat svabhiman manch ka ejend

2010-11-18T07:56:00.001-08:00

bharat svabhiman manch ka ejend nimnalikhit prakar se hona chahie :-

1- is manch se jude vyaktiyon ko koee rajanitik ya sarvajanik pad nahin lena chahie , jisase iname pad ,dhan aur pratishtha ka lobh n aa pae .

2- usaka koee aaparadhik rikard nahin hona chahie .

3-nyayalay dvara sajayafta nahin hona chahie, yadi ho to usake dvara kiye gae aparadho ke bare me bharat svabhiman manch ke kendriy karyakarini me avashy vichar karana chahie .

4- sarvajanik jivan me kisi bhi prakar ke chal-achal sampati ka svami nahin hona chahie .yadi ho to imanadari se usaka bharat svabhiman manch ke dvara prati varsh jari kiye jane vale svet-patra me usaka ullekh ho.

5- jan seva ka achchha kamakaj tatha rikard hona chahie .

6- janata ke bich usakee samajik chhavi achchhi honi chahie , jisake babat samay-samay par usake ilake me sarve karakar is sambandh me bharat svabhiman manch ke kendriy karyakarini dvara janakari ekatra kee ja sakati hai.

7- desh me vyapt bhrashtachar aur kalabajari kon khatm karane ka dridh sankalp lena hi nahin balki vastavikata ke dharatal par apane karyo dvara apane sankalp kon parilachachhit karana bhi hai.

8- videsho me jama kala dhan aur desh me ekatrait kala dhan donon kon japt karake samajavad aur sarvajan hitay ke udyeshyo ke lie usaka upayog desh me vyapt garibi,ashikshaaa aur berojagari kon mitane me imanadari se prayas karana.

ayodhya -2

2010-10-05T21:00:00.000-07:00

kastoori kundal base, mrig dhoodhe jag mahi. usi prakar ayodhya ka hal ayodhya me hi hai, avasaravadiyon ke khokhale bayan me nahin, jinakee roochi samasya ke aakhairi samadhan me nahin varan vivad ko jinda rakhane me hai. aakhairakar janata kee samajh ne rajanetao,roodhavadiyon,dhogi,pakhandiyo aur avasaravadiyon ko berojagar kar hi diya.

ayodhya -1

2010-10-05T10:21:00.000-07:00

ayodhya masale par kort ke faisale ne rajanitiko aur sankeern vicharadhara ko dar kinar kar sachche man se donon samudayon ke aam jan ko karib lane ka kam kiya hai. jinaka udyeshy roti,kapad,makan ke sath-sath vikas bhi hai.

beti hai dil ke karib

2010-06-09T05:30:00.000-07:00

mere ghar me ek nanhi si jan ghoomati hai, kabhi is kamare me kabhi us kamare me. ithalati, itarati,apani masoom ada se ham sabaka man mohati. vashikaran mantr usaka aisa chalata ki chahe man kitana bhi tanav me kyon n ho, samudr ke gahare jal jaisa shant aur gomukh ke jal jaisa svachchh ho jata hai. usake masoom chehare aur baolane ka havabhav barabas hi dhyan khichata hai. bholi adao se man, man hi man muskarata hai.
ek bar subah hi subah chakalet ke lie jid karane lagi, mainne bhi jan chhudane ke lie sham ko lane ka vada kiya. sham ko jaise hi ghar panhucha, bel bajayi, usane hi get khola. mere ghar ke andar ghusane ke lie kadam uthane se pahale hi usane saval daga- "papa chakalet laye ho"? mai sann rah gaya, kam ke dhun me subah ka kiya vada bhool gaya tha. samane aakho me prashnavachak bhav dekh kar samarpan kiya, baola-" abhi laya". fir vade ko nibhana pada.

gustakhi mafa

2010-05-01T22:59:00.000-07:00

shmashan ghat kee or ja rahi bhida me aage jane vale vyakti se kalloo ne kaha -" bade afasos kee bat hai ki aapakee patni ka dehant ho gaya! vaise unaka dehant kaise huaa ?"
us vyakti ne ishara karate hue kaha ki - "vo jo aage mera kutta ja raha hai,usi ne kata tha ."
kalloo ne prarthana karate hue kaha ki -"bhaee vo kutta mujhe ek din ke lie de do. "
us vyakti ne ghoorate hue kaha -"chal laeen me lag ja ,ye mere pichhe jo bhida chali aa rahi hai vo usi kutte ko lene ke lie hai. "

bichauliya ki jay ho !

2010-03-30T22:52:00.001-07:00

mahangaee hai ki parachhaee kee tarah jan hi nahin chhodati , oopar se bichauliyo kee mar to kamar hi tod deti hai. jab har jagah se aas chhootati hai to hamesha kee tarah bhagavan ka hi aasara hai.jab se ye suna ki aaloo 2 roopaye kilo kisan bech rahe hai to bade araman se sina fulate hue bajar gaya yah sochate hue ki aaj to hapte bhar kee sabji to kharid hi dloo ,ye roj-roj ka jhanjhat bada kharab hai.
garajate hue thele vale se poochha - "aaloo kya bhav de rahe ho!"
thele vale ne ghoorati nigahon se prashnavachak chehara banate hue palat kar kaha -"babooji bas 8 roopaye kilo hai."
mainne bachav mudra me aate hue kaha -"are kisan to 2 roopaye kilo bech rahe hai."
thele vale ne kaha - "to babooji yahan kahe aaye ho? deerekt kisan se hi le lo n."
"itana prafit lete ho,janata ko loot rahe ho!" - darshanik bhav se mainne kaha.
"babooji ham kahan loot rahe hai , loot to rahe hai oo bichauliya jo garib kisanan se sasta kharid rahe hai aur hamaka mahanga de rahe hai to ham sasta kahan se bechen "-thele vale ne safaee dete hue kaha .
punahthele vale ne nishkarsh nikalate hue kaha -"ee khel me to mare ja rahe ya to kisan ya to bechen vale aur bichauliyon kee mauj hi mauj hai."
ab tak mera saste ka nasha kafoor ho chala tha. bat ko khatm karane ke uddeshy se mainne kaha - "bhaiya ek pav aaloo de do. "
aur ghar ulate panv lautate hue man hi man vichar karane laga ki jo bat sarakar ko nahin samajh me aaee vo thele vale bhi janate hai.

aaeepiel - 3 ka tikat fri

2010-03-30T05:06:00.001-07:00

aaeepiel - 3 ka tikat fri me mile aur us par kriket ka maja , lagata hai ki hamare bhagy khul gae ,poorv janm ka koee satkarm hai jo ab falibhoot huaa hai. gali -mohalle me garv se sir oocha kar chalenge.

bas aisi hi hamari manodasha ko bhunate hai kuchh dimagadar log , jo manoranjan ko mirch-masala lagakar charam par pahuchane ke bad usako kaish karate hai. unake lie yah khel sirf paisa kamane kee mashin bhar hai. desh me is khel kee bhavanao ka aisa bavandar khad kar dete hai ki bas jahan bhi suno bas isakee hi charcha hai. kya akhabar kya tivi chainal , gali-mohalle se lekar shahar ke har chaurahon v sadako par lage bade-bade hordings par bas isi kee hi charcha hai.

mai poochhata hoon ki kya yah khel jisase kuchh log arabao kamate hai, is desh garib janata ko ek vakt kee roti de sakata hai,kya isake dvara desh ke vikas me ansh matra ka yogadan hai? mera mantavy yah kataee nahi hai ki mai kuchh logo ke is khel ko vyavasay ke roop me apanane ke unake maulik adhikar ko chunauti de raha hoon. afasos to yah hai ki is mamale me hamari sarakar kya kar rahi hai? kya yah kabhi aakalan kiya gaya hai ki is desh ki kitani oorja in khelo ko dekhane, sunane me jaya hoti hai? vyavasay ke roop me in khelo se rashtriy aay v rashtriy vikas me kya yogadan hota hai?

lagabhag 4 arab 13 karod dlar kee kamaee kar chuke is khel me timo kee keematon par gaur kare :-

munbaee indiyans ---------------- 11.19 karod dlar

rayals chailenjars bangaloor ------- 11.16 karod dlar

dekkan charjars ---------------- 10.7 karod dlar

chenneee supar kings ------------- 9.1 karod dlar

deyar devils ------------------- 8.4 karod dlar

kings ilevan panjab ------------ 7.6 karoda dlar

kolakata naeet raeedars -------- 7.5 karod dlar

rajasthan rayals --------------- 6.7 karod dlar

apil

2010-03-25T10:48:00.000-07:00

dinank 27.3.2010 ko "arth aavar "jo varld vaild laif fand for nechar dvara 2007 se sidani se shuroo kiya gaya abhiyan hai, ke din jalavayu parivartan ke prati jagarookata hetu samay 20.30 se 21.30 baje tak vidyut ke samast upakaran ko band rakhe jane kee apil.

chand par basane kee socho kyoki prithvi par jagah nahi !

2009-09-25T05:55:00.000-07:00

khushakhabari ! chand par pani mila. chalo rahat kee bat hai kyoki dharati par nahi hai pine yogy pani. chand par kahi bhi aaram se rah sakate hai kyoki pradooshan nahi hai chand par,kyoki dharati par svachchh jal aur vayu nahi. ham insanon ne apani is dharati ka kabad kar diya hai. jaharili hoti yah dharati aur yahan kee hava khud insanon ke hi rahane ke yogy nahi rah gaee hai. is krity ka sabase bada jimmedar aaj ka yah manav hai.

sach ho rahi hai nastraedamas kee bhavishyavani

2009-09-14T05:26:00.000-07:00

1. kya sansar ke alag-alag bhagon me lagi aag matra sanyog hai?
2. kya sansar ke alag-alag bhagon me aaee badh matra sanyog hai?
3. kya sansar ke alag-alag bhagon me usar hoti jamin tatha upaj me aaee bhari kami matra sanyog hai?

4. kya sansar ke alag-alag bhagon me achanak hue mausam me parivartan matra sanyog hai?
5 kya dharati ka badhata tapaman khatare ka sanket nahi hai?
6. kya pighalate gleshiyar dharati par vartaman jivan me bhari parivartan ka sanket nahi de rahe hai?
7. kya samudr ka jal-star nahi badh raha hai? aur nichale sthaliy bhagon ke pani me doob jane tatha unaka astitv samapt ho jane ka khatara nahi badh raha hai?

is khoobasoorat dharati par apana poorn adhikar samajhane vala,dharati ke sabhi jiv-jantu me apane ko shraeshth samajhane vala tatha upabhog karane vala aaj ka buddhiman manushy hai. fir vahi manushy is dharati ka vinash kyo kar raha hai? kyo badhate huai khataron se anjan bana huaa hai? ham aane vali apani pidhi ko kaisi dharati aur kaisa paryavaran denge? aaj der hi nahi bahut der ho chukee hai. ham kabhi bhi poori nahi ho sakane vali chhati kee or badh chuke hai.

shayad kuchh log in bato ko kori bakavas samajhe. lekin yah sach hai kee kal is lekh ko likhane ke lie n ham honge n aap aur n hi ise padhane ke lie hogi hamari manav pidhi.

svain floo

2009-08-13T20:56:00.000-07:00

Dear All,

The deadly Swine Flu has reached the Indian shores following the global outbreak and now, claimed one life. However, Swine Flu is certainly one of those diseased where an ounce of prevention is worth a pound of cure. Here are ten tips for you to keep away from the pandemic. (Health Department )

1. Wash your hands frequently
Use the antibacterial soaps to cleanse your hands. Wash them often, at least 15 seconds and rinse with running water.

2. Get enough sleep
Try to get 8 hours of good sleep every night to keep your immune system in top flu-fighting shape.

3. Drink sufficient water
Drink 8 to10 glasses of water each day to flush toxins from your system and maintain good moisture and mucous production in your sinuses.

4. Boost your immune system
Keeping your body strong, nourished, and ready to fight infection is important in flu prevention. So stick with whole grains, colorful vegetables, and vitamin-rich fruits.

5. Keep informed
The government is taking necessary steps to prevent the pandemic and periodically release guidelines to keep the pandemic away. Please make sure to keep up to date on the information and act in a calm manner.

6. Avoid alcohol
Apart from being a mood depressant, alcohol is an immune suppressant that can actually decrease your resistance to viral infections like swine flu. So stay away from alcoholic drinks so that your immune system may be strong.

7. Be physically active
Moderate exercise can support the immune system by increasing circulation and oxygenating the body. For example brisk walking for 30-40 minutes 3-4 times a week will significantly perk up your immunity.

8. Keep away from sick people
Flu virus spreads when particles dispersed into the air through a cough or sneeze reach someone else nose. So if you have to be around someone who is sick, try to stay a few feet away from them and especially, avoid physical contact.

9. Know when to get help
Consult your doctor if you have a cough and fever and follow their instructions, including taking medicine as prescribed.

10. Avoid crowded areas
Try to avoid non veg including Kabab, Egg, and paneer (Cheez),& also unnecessary trips outside

Thanks.

sant vichar

2009-04-25T20:10:00.000-07:00

nirarthak aashankae, parinam ke prati utavalapan, nirantar hin bhavana evan aparadhabaodh manushy me tanav ke hetu ban jate hai. tanav vastutah ek rog hai, jo hamare vyaktitv me anek vikritiyan aur visangatiyan utpann kar deti hai. tanav, karan n ho kar kary kee shraeni me aata hai, vah hetu n ho kar ek prakar se hamari durbal manasikata ka parinam hota hai.
poorvagrah, hathadharmita, anavashyak shankashilata athava aashankao dvara grasit rahana, eeshya dveshabhav aadi manasik tanav ke karan banate hai. manasik tanav se bachakar ham apani anek manasik bimariyon se bach sakate hai.
saty hai :- "hamara mahanatam yash sadaiv safal hone me nahi hai, apitu pratyek patan ke bad utthan me hai. "

desh

2009-04-20T08:31:00.000-07:00

hay re ! desh tera kya hal ho gaya hai,
kahan gae vo lahalahate khet,
kahan gae vo bagiche,
kahan gaee vo ganvo kee chaupal,
jis par baithakar pradhan karate the ,
ganvo ke bhavishy ka faisala,
ab bhi lahalaha rahe hai ,
lekin ve khet nahi,
aabadi hai ,
bagiche nahi ,
barbadi hai,
ganvo kee chaupal nahi ,
gundon kee jamaghat hai,
jo faisala karate hai ,
vyakti ka hi nahi,
ganvo ka hi nahi,
is desh ke bhavishy ka bhi .

aavara

2009-04-18T21:40:00.000-07:00

us vibhatsy ! drish ko dekh kar ,

kop gaya mera antarang ,

mere rovon ke tar me ,

kapakapi si ho gaee ,

us aavara lash ko ,

jisaka is sansar se ,

rishta n ab koee tha ,

kha rahe the ,

giddh noch-noch kar.