meree sailaree kam kar do...

ek taareekh kab kaa beet chukaa hai...fir bhee mere chehar par shikan hai...aam taur par aisaa naheen hotaa thaa lekin pichhale
chaar paanch maheene se aisaa hee ho rahaa hai. vo bhee kyaa din the jab maheene kee pahalee taareekh ko meree jeb garm ho jaatee thee aajakal to ye garmaahat jeb se nikalakar sir par chadh gayaa hai. mahaj chaar paanch maheene pahale tak pahalee taareekh ko hee mere mobaail par chir parichit andaaj men ek maisej aa jaataa thaa ki aapake akaaunt men paison kee baarish ho gaee hai...par ab to maheene ke chaar-paanch taareekh tak baink se poochhane par akaal kaa hee sndesh milataa hai...
is baar to maamalaa hee alag ho gayaa hai mere saath kaam karane vaalon kee jeb garm ho chukee hai lekin main door se hee usake jeb men lapakate angaaron ko dekh rahaa hoon...sailaree vibhaag se poochhane par pataa chalaa ki jin logon kee sailaree 25 hajaar se kam thee unako sailaree de dee gaee hai...us vakt mere dimaag men yahee chal rahaa thaa ki kyaa achchhe kaam kee badaulat padonnatee paakar maine koee gunaah to naheen kar diyaa...usee pal mere man men vichaar aayaa ki apane bos se kah doon ki pleej meree sailaree kam kar deejie...shaayad aisaa kahane se main bhee un logon kee shrenee men aa jaaoon jis shrenee ke logon ko pahalee yaa doosaree taareekh tak vetan mil jaataa hai.
main aofis men baithaa hoon lekin abhee se shaam 8 baje ghar men hone vaale sheetayuddh kee thndak ko mahasoos kar paa rahaa hoon...aaj main bhagavaan se manaa rahaa hoon ki kaash mere bos mujhe 24 ghnte kaa ovar taaim karane ke lie kah den...taaki jab main dyootee ke baad kal apanee sailaree lekar ghar lautoon to beevee se najren to milaa sakoon. aur bos par ek ehasaan bhee ho jaaegaa...
is vakt agar mere dimaag ko skain kar liyaa jaae to shaayad akaanuts vaalon ko ek aisaa softaveyar mil jaae jisase ek saath kaee bailens seet banaayaa jaa sakataa hai. is vakt mere dimaag men ek saath kredit kaard, hom lon, ghar kaa bajat, bijalee kaa bil, fon kaa bil aur naa jaane kis-kis mad kaa khaataa khulaa huaa hai...in sab khaaton par meraa dimaag ek saath aankadon kaa khel, khel rahaa hai. aise hee kuchh lamhe hote hain jab main dimaag ko apane puraane doston ke fon nnbar khojane kaa kaam saunp detaa hoon...lekin is kaam ke saath use ye nirdesh bhee de detaa hoon ki keval aise hee doston ke nnbar khoje jaaen jisake haalaat mere jaise naa hon aur jisake akaaunt men sheet yug kaa aagaman naa ho gayaa ho.
aisaa naheen hai ki mere naate rishtedaar meree sahaayataa naheen kar sakate...par unase sahaayataa maang kar main apanee naak neechee naheen karanaa chaahataa hoon ye alag baat hai ki unase door beech baajaar men har maheene kee ek taareekh ko meree naak katatee rahatee hai. main jis sosaayatee men rahataa hoon vahaan kaafee sabhraant logon kaa baseraa hai...jaahir see baat hai ki vo log mujhe bhee sabhraant hee samajhate hain...main bhee usakaa jhoothaa labaadaa odhe gaadee se aofis aataa-jaataa hoon. had to tab ho gaee jab sosaayatee ke karmachaaree log mere ghar par divaalee kee bakhsheesh maangane aa pahunche...unhe to khullaa naheen hone kaa bahaanaa karake taal diyaa lekin ab har doosare din mujhe ye snyog banaanaa padtaa hai ki jab bhee vo mere ghar kaa kolabel bajaate hain to main baatharoom men hotaa hoon ye alag baat hai ki us vakt tak main nahaa dhokar aofis jaane ke lie taiyaar baithaa hotaa hoon॥meree beevee roj-roj unhe taal kar thak see gaee hai...par use kyaa pataa ki roj shaam... main use bhee sosaayatee ke karmachaaree kee tarah hee taalataa rahataa hoon...aofis se lautane ke baad kabhee mere sir men dard hone lagataa hai to kabhee kaafee thakaa huaa mahasoos karataa hoon...ravivaar ke din to meraa beemaar padnaa lagabhag tay hee hotaa hai...jab ye sab bahaane puraane ho jaate hain to fir main kabhee baink kaa eteeem khraab kar detaa hoon yaa fir koee aisee takaneekee ghatanaa ho jaatee hai jisake baare men mujhe bhee pataa naheen hotaa hai.
ab to mujhe apane bete kaa daayapar khareedate vakt bhee aisaa lagataa hai jaise usakaa potee daayapar par naa girakar mere aramaanon par gir rahaa ho...usake soosoo ne to mere sapanon ko bhee geelaa kar diyaa hai. baap banane se pahale main sochataa thaa ki main apane hone vaale bachche ko vo har khushee doongaa jo mujhe naseeb naheen huee...par ab mujhe apane pitaa kee majabooree kaa ehasaas hone lagaa hai. maine beevee ko shaadee kee pahalee saalagirah par jo sone kee chhotee see baalee dee thee usakee kisht abhee tak chukaa rahaa hoon aur ye sochakar pareshaan bhee hoon ki is kisht ke khtm hote hee shaadee kee doosaree saalagirah aa jaaegee. meree beevee abhee se bete ke, pahale janmadin ko dhoomadhaam se manaane kee yojanaa banaa rahee hai lekin shaayad use pataa naheen hai ki usase jyaadaa mehanat main usakee yojanaa ko thnde baste men daalane ke lie kar rahaa hoon. maine to soch liyaa hai ki janmadin ke din beevee ko adhyaatm kaa havaalaa dekar aur paashchaaty snskriti kee buraaee karake...bas poojaa karake bhagavaan se apane bete kee achchhee aur lnbee jindagee kee kaamanaa kar loongaa.
ek taareekh ko sailaree naheen milane ke kaaran main sailaree vibhaag men itanee baar matthaa tekane jaataa hoon ki vahaan ke adhikaaree bhee mujhe pahachaanane lage hain...kaee karmachaaree to mere dost bhee ban gae hain....kaun kahataa hai ki samay par sailaree naheen milanaa kaafee dukhad hotaa hai ?