hindee kavitaa

dosto, bhaashaasetu aur hindee saahity kee duniyaa men pahalee baar daakhil hone vaale ye hain nafees khaan. 30 navambar 1986 ko betiyaa, bihaar men janme nafees jeenayoo men chaaineej bhaashaa ke snaatak hain aur hindee saahity se inakaa door door tak koee vaastaa naheen thaa. nihaayat hee pahalee baar inhonne yah kavitaa likhee hai, jisamen jeenayoo kaa lokel ek kiradaar ke roop men maujood hai. dekhate hain hindee ke paathak nafees aur inakee is pahalee kavitaa ko kaise lete hain.

nafees khaan

ye amalataas ke peele fool

ye amalataas ke peele fool

n jaane kab se

mahak rahe hain

binaa khushabuon ke

in pattharon kee vaadiyon men

apane hone ko ukerate hue

har saal kuchh peelaapan

chhod jaate hain in laal pattharon ke seenon par

beetate hain ye fool bhee

itihaas ke pannon kee tarah

ek nae adhyaay kee taraf

ek nae adhyaay ke intazaar men

in pattharon kee vaadiyon men
ye amalataas ke peele fool

n jaane kab se mahak rahe hain

apanee khushabuen lutaa ke.