snyog

usakee sohabat men koee kamee to naheen

kas ke pakadaa thaa haath usane bhee

mere saath ko bhee vishvaas thaa bahut...

bas iseelie saath palanaa chaahaa

kintu....
imaarat par agar ped uganaa chaahe...

daraar padtee hai....kamajor karatee hai....

ped bhee der saber sookh hee jaataa hai

naa jaden tikatee hain...

naa buniyaad hee snbhalatee hai...

.....................

fir bhee yakeen hai tujhako agar

saath nibhaane kee jid bhee man men thaanee hai

shaayad nibh bhee jaaye...kise khabar

apavaad se ham kahaan inakaar karate hain

oob

hotaa hai naa aisaa

koee din

bahataa huaa

ikatthaa hone lagataa hai

kisee keechad bhare

dabare kee tarah

rukaa huaa

.........



sochatee hoon

saath hote

to shaayad

chappal khol

kuchh der fudakate

aur din aage badh jaataa

.................

nivedan

kuchh nayaa likho....

jab giraa thaa ghonsalaa
jag uthaa tab hausalaa
ik taraf baadh thee
aur ik taraf naav thee

akasmaat jab hue
sab khade saath the
baal baal bachaa liyaa
vo baal thaa kisee aur kaa


aansuon kee dhaar se
aas kee fasal ugaa rahe
arth saarthak ho gayaa
bhookh jab usase mitee

haat men jab bam fataa
haath shareer se kataa
ungalee pakad sahamee khadee
behosh thee par bach gaee

raushanee pyaar kee
is kadar thee har jagah
raat thee gaharee bahut
par raaste sab saaf the

shahar giraa aur neenv bhee
gharon kee chhat gir gaee
need kintu bach gaye
jo sneh se bane

bahut huaa

khabar kee kabr par
roj fool chadh rahe
kuchh ank khap gaye
kuchh roj mar rahe
.....
kalam se tumhaare
srijan ho, nirmaan ho
.....
ummeed likho
geet likho
hnsee likho
bebasee ke baavajood
milee har khushee likho
...............
kuchh nayaa likho

madhyavargeey ladkee

bas kee bheed men fnsee huee
ledis knpaartament men khadee huee
hameshaa thodee jaldee men
kumakum men aur haldee men

aate men paanee kitanaa ho
aur diyaa kee battee kaisee ho
saas kee chaay kee shakkar aur
teeke lagavaane ke chakkar sab

chashme ke peechhe aam shakl
par karmath tan, bejod akl
kaar chalaanaa seekhatee hai
shering aoto se aatee hai

yah log jo isake saath khade
sab frem men achchhe lagate hain
par chahakatee see vah aam hnsee
sab frem badalanaa jaanatee hai


najdeek se dekho jab usako
thodee divaanee lagatee hai
apanon ke sukoon ke khaatir
jaan daanv par lagaa aa jaatee hai


bhoochaal kaheen
aakrosh kaheen
akhabaar men sab chhapate hain
khaamosh see ye baat jo chal nikalee
aandhee men nakshe dhah jaayen

jaao patree sab padh aao
takadeer badalane vaalee hai
koee vidroh naheen naa anashan hai
bas inakee fasal taiyaar khadee....

khoye shabd

shabd chhoote the sabhee
ve maun se samajhadaar jo naa the
ateet ko fusalaa kar
vyaakaran men
snjo kar rakhaa karate the
smriti ko paribhaashaa men
baandh kar rakhaa karate the
kuchh chhoote kuchh chhod die
yoon hee
apanee baat kahanaa bhee ham bhool gae
............
aaj toofaan hee ne jhakajhoraa hai
baarish ne shabdon ko fir pukaaraa hai
nanhe konpal se ye jmeen se nikal aaye hain
kenchue se ye rengate bhee dikhate hain
baat jo khatm thee
unapar fafoond se ug aaye hain
galatee lakadee par bhee
masharoom see hai chhataree kholee....

.........
shabd aakul hain
jeevan abhee jaaree hai
kavitaa likhane ko kaee...
abhee baakee hai....

main ghar lautanaa chaahatee hoon

esabestas kee banee chhat kee chhed se
kaisaa to badaa aasamaan dikhataa thaa
kabhee lagataa thaa raat ko jab aankh lagee hogee
taaraa koee bistar par ludhk giregaa
ghar jisake konon par maine pensil se
apanaa naam likhaa thaa
kaisee puraanee see divaaren thee
unapar haraa distempar
naayalaan kee us lnbee see rassee par
maan kee saadee,
paapaa kaa bushart
maan kee saadee se kaisee to
maan see khushaboo aatee thee
ghar men kaise gunagun karate
main aur bhaiyaa rahate the
maan paapaa kee baaten sunate
jaane kab so jaate the
jab haule se haath jo firataa
neend tab khul jaatee thee....
kaisee pyaaree dhoop nikalatee
kaise chidiyaa gaatee thee
......
fir aaj dobaaraa
ghar laut kar jaanaa hai
distempar par feeke padte
likhe naam pahachaanane hain....
.......
thodaa saa bachapan kaa jaadoo
baandh sng le aanaa hai
bahut akelepan men sunane ko
paapaa kee loree laanee hai.......

svaabhaavik

samay kaa svabhaav thaa
so gujar gayaa
sooraj kabhee chadhaa thaa
fir utar gayaa
yah bhaavukataa kaa vishay naheen
tathy hai
naisargik
chir nirntar kaa sach

kahate hain
gujaraa samay lautaa naheen karataa
par fir bhee
lagataa hai yoon ki
yah ubharataa hai
jaise jalate kaagaj par
akshar saaf hote hain
puraane khaane kaa svaad
khattee dakaar men
uthataa hai
tasveer kee jhurriyaan bhee
hnsatee prateet hotee hai
aavaaj sunaaee naheen detee
par usakaa jaayakaa
jeebh men ghulataa hai
kaheen kisee likhaaee ke jaane pahachaane
tirachhepan se
samay ladkhadaa jaataa hai

apane hee svabhaav se majaboor
samay beetataa jaataa hai
khud apane seene par
parat dar parat
nayee kahaaniyaan rakh kar
usake neeche dabataa hai
................
patte utar jaate hain
fir bhaaree baraf ke bheetar
jamakar dafn hote hain
sammoorchhit
nishkriy

samay beetataa hai
gujarataa hai
aur beetaa huaa samay
fir anukool hotaa hai
konpal footate hain
fool lagate hain
itihaas fir
khud ko doharaataa hai….

...
yah bhaavukataa kaa vishay naheen
tathy hai ....
ki is beech jeevan
gujar jaataa hai....