aatmasnvaad

koshish to yahee thee ki kisee tarah aatmasnvaad bane . kintu yah itanaa aasaan naheen thaa . apane hee antarng men dhoop aur saayon ke beech raushanee kaa srot dhoondhanaa thodaa kathin hai . jis jagah men yah snbhav thaa, usakee praasngikataa kisee aur ke hone par hee banatee. jaise khud kaa bimb dekhane ke lie darpan kee jaroorat ho. kisee aur kee jaroorat shaayad khud kee shinaakht karane ke lie bhee anivaary thee .
jagah kaheen naheen thee. aisee jagah jise main sirf apanee kah sakatee . sab kuchh shoony thaa . aur jo jagah thee vo saajhaa kee huee thee .
aisee jagah jo shoony se khud b khud aakaar letee hai. anubhootiyon ke maheen sparsh se spndit ... apanee ek jmeen banaatee hai , aur apanaa ek aasamaan taanatee hai .
auron ke sandarbh men ubharee meree pahachaan ke auron se prithak koee maayane naheen the . meree apanee koee kahaanee naheen thee .jo thaa vo ek doosare se behad buree tarah gutthaa huaa thaa.
main yaadon ke bhoole raaston men ghoom aanaa chaahatee thee.akelee.
par yah mumakin naheen thaa .
pichhalaa puraanaa ho chukaa thaa. aur kisee nae saathee ke saath vahaan jaanaa snbhav naheen thaa .
nayaa kitanaa bhee pareechit lage nayaa hee hotaa hai . vahaan saajhaa kiyaa har pal amal.
samay kaa apanaa chakr hai,apane niyam . kisee bhee doharaav kee bebasee se anabhijng vah chalataa chalaa jaataa hai .
.........
snbhaavanaaon se inakaar naheen hai, par ateet ke khndahar ko aaj kee dhoop men dekhane kee jid ,aakhir jid hee hai.

ghar

maan ghar lautanaa chaahatee hai. usee ghar jisakee jmeen naanaa ne pasnd kee, fir paapaa aur mammee ne usamen ek mahal kaa sapanaa dekhaa. main chhotee thee tab. shaayad aath saal kee. garmee kee chhuttiyon men main sab ke saath jagah dekhane gaee. naariyal ke ped, imalee ke ped, kaajoo gire hue, naarngee ladee huee.....aur bahut saare laajavntee ke paudhe jinamen halke gulaabee fool khile the.
sapane jaisaa hee to thaa sabakuchh. maine apanaa aur bhaiyaa kaa kamaraa dekhaa. chhat par guddee ke saath khelane kee jagah sochee. aam ke ped aur unapar chadhe hue mere saare dost dekhe.
naanaa maamaa ko lekar aaye. ve sivil injeeniyar the. unhone sapane ke ghar kaa ek khaakaa taiyaar kiyaa.
ek el dee see klark aur tekneeshiyan kee naukaree men ghar banaanaa itanaa aasaan naheen thaa. maan kee dahej men ek sone kee maalaa aur baalee ke alaavaa kuchh naheen aayaa thaa. apane bachchon ko sabakuchh sabase achchhaa dene kee jid men bachat yoon bhee mumakin naheen thee.
jod tod kar neenv banaanaa shuru kiyaa. neenv jmeen par khaake kee tarah khadee ho gaee. fir ek do saal tngee men yoon hee khadee rahee. paapaa kaa tabaadalaa raajasthaan se gujaraat ho gayaa. main kuchh gyaarah saal kee.
har saal chhuttiyon men ham apanee jagah dekhane jaate. fir unhee pedon ko dekhate jo kuchh aur bade ho gaye the. mammee paapaa ne fir himmat kar kaam shuru karavaayaa.
eent ke beech se khidkiyaan nikalane lagee. daravaajon par lakadee ke kinaare lagane lage. paapaa chhuttiyon men jaate the. aur naanaa baakee sab kaam dekhate the.
samay jyon jyon gujaraa kaam fir atakane lagaa. naanaa kee tabiyat kharaab rahane lagee. pahale bistar pakadaa fir yaadadaasht gaee. aljmeyars ke shikaar naanaa meree terah baras kee aayu men chal base.
kaam fir rook gayaa. mere sapanon men mere sapanon kaa ghar badalane lagaa. khud ke ladkee hone kaa ahasaas aur byaah kar doosare ghar jaane kaa khyaal chintit aur romaanchit karane lagaa. mammee aur paapaa ko bhee shaayad yahee baat sataa rahee thee. ladkee ke byaahane se pahale to makaan ban hee jaanaa chaahiye.
naanaa is beech chal base. aur mammee kee jid ne fir jor pakadaa. is baar imaarat uthee aur ithalaa kar khadee ho gaee. teen bedaroom, kichan ke saath stor, baraamadaa, aangan, chhat aur chhat kee munder.
solah saal kee umr men grihapravesh. naam rakhaa aashiyaanaa....tinakaa tinakaa jod kar jo banaayaa thaa.
shaadee vaheen huee. vidaaee bhee. bhaaee kee shaadee ke baad ek mnjil aur jod dee gaee.
maan ke liye vahee ghar hai. saalon sarakaaree naukaree ke chalate kvaartars men rahane ke baad kuchh saal chain se mammee aur paapaa ne gaanv men bitaaye. jmeen khareedee. khetee kee. naariyal ke ped lagaaye. aam, aanvalaa, imalee, cheree, amarood, naarngee, kelaa, katahal.....mirchee, adarak, lahasan, ... hariyaalee aur apanatv.
maan usee kee talaash men fir lautanaa chaahatee hai. main naheen lautanaa chaahatee. paapaa ke jaane ke baad us ghar kee saanse hee chhin gaee hain.
main bhee ghar lautanaa chaahatee hoon. par ghar sarak kar naa jaane kahaan chalaa gayaa hai. kabhee bahut udaas hotee hoon to paapaa aate hain sapane men. sapane men bhee ghar kaa raastaa dhoondhate paapaa ke peechhe chalatee hoon. uthate hee lagataa hai ki dahaleej par pahunch raastaa fir kho gayaa hai.
mere liye ghar hameshaa apanon ke saath men basaa. shabdon men aur ni shabdataa men. kisee ke hone ke aabhaas men...to kuchh paane ke prayaas men..... ghar kitaabon men milaa....to kabhee kisee geet kee dhun men.....
main bechain rahatee hoon. kisee dhun kee rassee pakad fir ghar pahunchanaa chaahatee hoon.
vaise to mere aanchal men bhee ek ghar basataa hai. bitiyaa daud kar jab simat jaatee hai use usakaa ghar mil jaataa hai. neend men aaj bhee betaa meree khushaboo men sharan paa letaa hai. ajanabee bhee ghar talaash kar paas hee ruk jaate hain. do baaten senk sukoon saa paa lete hain.
raat ko sab kivaad dekh jab bistar tak aatee hoon. lagataa hai....ghar hai ..... mere bheetar....
aa jaao maan.... ghar laut aao...

38 veen saalagirah

dedh saal huaa bhaarat laute. bahut saare chhote bade iraade the. apane logon ke beech apane logon ke lie kaam karanaa thaa. mammee paapaa ko kaakaraapaar kee usee kolonee kee sair karaanee thee jisamen maine bachapan ke kitane saal bitaaye. appan ammaa ke budhaape men unake saath rahanaa thaa.
jeevan kaa apanaa ek lay hotaa hai. sabhee ichchhaayen pooree naheen hotee.
haal kee meree naukaree kee ichchhaa ko shuru men sabhee ne sanak hee samajhaa thaa. aur shaayad mujhe hosh men laane ke lie hee poochhaa thaa. tum najdeek ke is gaanv ke lie kyaa kar sakatee ho?!!
kareeb saat sau logon kee bastee. jisamen gin ke das log bhee padhe likhe naheen. koee ekaadh jise deshee daaroo kaa nashaa naheen. aur paanch se bhee kam pakke makaan. kaam mushkil thaa aur mujhe koee anubhav naheen thaa. tootee footee gujaraatee, thodaa prayaas, thodaa vishvaas..... aur dher saaraa josh.

har prayaas ke do nateeje hote hain. lihaajaa ek us badalaav kee taraf ke badalate kisse jise lakshy banaa kar badhaa jaa rahaa hai aur doosaraa vo jo prayaas karane vaale ke vyaktitv par hotaa hai.
gaanv men kyaa badalaa yah to main naheen kah sakatee. kintu mere lie jeevan ko dekhane kaa pooraa najriyaa hee badal gayaa hai.
dedh saal. paapaa ko kho diyaa. appan ko bhee. naee jagah, naye log, naye tareeke. kaam aisaa jisakaa profaail behad dhundhalaa thaa. ulajhee huee is gutthee kaa har siraa ulajhaa najr aataa thaa. apanee samajh se siraa pakad sulajhaatee gaee. aur saath hee pataa naheen chalaa khud kin rishton men bndhane lagee. mere din ke sabase khoobasoorat pal main gaanv ke in bachchon ke beech chunane lagee. pataa naheen nanhee munnee gol mol aankhon men kab shnkaa kee jagah sneh ne le lee. bahut dheere lekin baat badalatee gaee.
maine seekhaa hnsanaa kitanaa aasaan hai. aur khush honaa bhee. do saal ke bachche kee samajh aur paanch saal kee bachchee kee khaanaa pakaane kee himmat. skool men padhne kee lagan aur ek doosare ke samajhane samajhaane kaa hunar. skool ke maastar, aanganavaadee kee bahan aur javaan kishoree ladkiyaan.
ghar men gaalee galauch, daaroo, sharaab, maarapeet kuchh naheen badalaa....lekin har subah nahaa dhokar yah bachche baalon men tel lagaa kar, apanaa bastaa uthaa kar skool aa jaate hain. skool saaf kar fir praarthanaa kee sabhaa kee taiyaaree. muskuraate hain, khelate aur padhte hain.
main stabdh hotee hoon. unakee ladaaee se sann ho uthatee hoon. vo sochate hain mere paas unakee himmat hai. main roj unase thodee himmat udhaar le aatee hoon.
chaahatee main hee thee ki apanaa janmadin inake saath manaaoon. bataayaa naheen thaa. par jab pahunchee to unakee saugaat se meraa man bhar aayaa. kek, gubbaare, aasopaalav ke toran....foolon kee pnkhudiyaan aur itanee saaree muskuraahaten.
isase khoobasoorat koee janmadin kabhee manaayaa naheen. aur man ....vah sadaa ke lie unake sneh kaa rinee ho gayaa.

haippee barthade paapaa

13th February 2011
sabase pyaare paapaa,
subah uth kar sabase pahale aapako fon karane kaa man thaa. main apanee hnsatee aavaaj men gaatee haippee barthade aur aapakee muskuraatee aavaaj javaab men poochhatee," too kab aa rahee hai?" main fir uchhal kar poochhatee ,"abhee aa jaaoon paapaa?"......aap hns dete.
der ho gaee. mujhe lagaa thaa vakt hai. aap fir kahe binaa kaheen bhee kabhee gae naheen. mujhe bharosaa thaa aap rukenge.
shaayad aapako bhee bharosaa thaa ki jaane se pahale main aa sakoongee.
yahaan mausam ab achchhaa ho gayaa hai. bageeche men dher saare fool hain. bachche bhee apane kaam khud nipataane lagen hain. aapakee gudiyaa bhee badee ho gaee hai. apanee puraanee foto dekhakar jabatab hnsatee hai. aapako yaad hai kisatarah aap use ek kamar par bithaa kar sabhee kaam karate the? aur vo laar tapakaatee hnsatee gaatee banee rahatee thee. usakee hnsee bahut pyaaree hai.....bilkul aapakee jaisee.
aapakee yaad aatee hai paapaa. bahut. keral pahunchane par eyaraport par aap naheen honge ,yah soch kar hee man dukhee ho jaataa hai. ghar ke baalakanee par aapakee kursee kee jagah.....ab shaayad khaalee ho. ghar men har jagah ek jagah khaalee hai. main vahaan hotee hoon aur naa jaane kahaan kahaan se aavaaj aatee hai...bijoo...
mujhe ab vahaan jaanaa achchhaa naheen lagataa.
kaam kar rahee hoon. poore dil se. jab thakatee hoon aap yaad aate hain.
jab hausalaa tootataa hai....aap kahate hain....tum chintaa kyon karatee ho, main hoon naa....
badee dukaanon par khadee hotee hoon...aur gudiyaa koee khilaune kee jid karatee hai to use samajhaatee hoon...yah khareedane kaa koee matalab naheen. fir khud khadee kisee cheej ko dekh asnmajas men khadee hotee hoon...to vah kahatee hai...."man hai to le lo naa mammee."... aur lagataa hai jaise aap hee ne usase kahalavaayaa ho.
ek pooraa jeevan. bas dete rahe. kaise kiyaa aapane paapaa? main naheen kar paatee. dene kaa, lene kaa sab hisaab rakhatee hoon. aasaanee se maaf naheen karatee....kisee ko bhee naheen, khud ko bhee naheen. dene kee vajah dhoondhtee hoon. naaraaj hotee hoon.
par fir paatee hoon ki aap paas hee khade hain. mere har dvandv ke ekadam kareeb.
ab aasaan ho gayaa hai. sabakuchh. meree aatmaa kaa pataa naheen par aap saath chalate hain. sahee par muskuraate hain. kabhee gussaa karate hain. kabhee yoon mujhase hataash dikhate hain ki main apane nirnay aap hee badal detee hoon.
koshish karatee hoon paapaa.... har samay vo karanaa jo sahee hai aasaan naheen hotaa.
naheen kar paatee.
udaas hotee hoon fir.
par aapakaa sneh kaa haath fir sapanon men firataa hai. aur hausalaa bndh jaataa hai.
.............
baakee baad men. fool chunane hain. mammee ko fon karanaa hai. aapake pasnd kee kheer banaanee hai. kitane to kaam hai.

snde kitanaa kitanaa to pyaaraa huaa karataa thaa aapake saath. apane haath kaa sahaaraa naa sahee....kabhee apanee thos aavaaj se hee chhoonaa paapaa..... kaheen bhee ho...main snbhal jaaoongee.

hameshaa aapakee
bejee

bhraanti

sapane aur sach men bas jaagane bhar kee dooree hai. uneendaa men rekhaayen aur unamen bndhee seemaa dhundhalaane lagatee hain. sapanon kee antee khulakar sach par bikharatee hain. aur sach par kritrim rng chadhte hain. sach sapanon kee tapish men pighalataa hai,mom kee tarah roop men dhlataa hai ,pnkh banate hain aur udaan ban titaliyon se sapanon ke aabhaasee duniyaa par mndaraane lagataa hai. dhadkanon kee gati badalatee hai....aankhon se samndar chhalakataa hai....toofaan men sach dagamagaane lagataa hai aur raastaa aur aspasht ho jaataa hain. sach baukhalaa jaataa hai aksar...aur vyaakul ho chaitany ko thaamataa hai...jaagataa hai . sapanaa toot jaataa hai aur chetanaa par kisee kasaile svaad saa ruk jaataa hai. sach tahakeekaat karataa hai. sapane kaa rng kyaa thaa? svaad? komal thaa yaa khuraduraa ?. kaisee khushaboo thee? usakee aavaaj kaisee thee? pareechit aayaamon se sapane kaa praaroop banaanaa chaahataa hai. sach apane hee prayaas men hataash hotaa hai. thak kar kahataa hai...sab jhooth hai.

prateeti

maan bhaaee ke saath chalee gaee. saath men paapaa kee vah tasveer bhee le gaee jisapar roj fool chadhaatee thee. maan kaa kamaraa khaalee ho gayaa hai.
maine naheen poochhaa unhe yoon jaanaa kaisaa lag rahaa hai. koee samay shaayad aisaa rahaa ho jab maan akele bhee duniyaa ko apane bas men karanaa chaahatee ho. par mujhe unakaa akelaa honaa yaad naheen . paapaa kee duniyaa maan se shuru ho vaheen khatm ho jaatee thee. paas kee dukaan le jaane se lekar sadk paar paapaa hee karavaate the. aakhiree baar aaee see yoo men le jaate vakt paapaa haanf aur saans ke beech maan ke aaraam kee chintaa kar rahe the.
maan ke chashme men paapaa kee tasveer aur tasveer ke frem men maan kee jhalak dekh mujhe unake saath hone kaa dilaasaa hotaa thaa.
maan ne paapaa kee tasveer apanee shol men lapet kar haind baigej men rakhee thee. dil ko sadamaa saa pahunchaa thaa. fir yaad ho aaee maan ke saath kee paapaa kee nishchint see chhavi.
maan ko maine naheen rokaa.
kuchh dilaason ke jhaanson par hee sahee...... jab tak paapaa hain maan kee chintaa karane kee jaroorat naheen.....

bas itanaa saa khvaab hai....Total Sanitation

teen saal kee lakshmee kee aankhen peelee thee. udaas see vah thakee ek kone men baithee huee thee. yoon to hameshaa se usakee aankhen kaale chehare par chhalakate motee see prateet hotee thee. main aksar usake chehare par aakar ruk jaatee thee. maasoomiyat kaheen anubhav men ulajhee see milatee thee.


usakee maan kee poochhatee aankhon kaa javaab diyaa thaa. “peeliyaa huaa hai ise.“
aanganavaadee men baithe sab bachchon kee taraf dhyaan gayaa thaa. ab yah naa jaane kis kis ko hogaa. mere haath men kuchh khaas naheen thaa. haath dhone tak kee hidaayat to paanee aane par hee dee jaa sakatee thee. aur baakee roj sndaas ke lie gaanv kee koee bhee jagah kaa istemaal kiyaa jaa sakataa thaa. usake baad agar bimaaree failatee hai to kisee kee balaa se.
kuchh hee din pahale charchit ek vaaky par man laut rahaa thaa.


Commonwealth Games Organising Committee (CGOC) secretary-general Lalit Bhanot said standards of cleanliness and hygiene differed from one person to the other and what one thought was clean may not appear that clean to others.

ek aisee baat jisako bhaarat kee beijjatee kaa naam lekar dutkaar diyaa gayaa thaa. sabhee ko etaraaj thaa....galat jagah par,galat andaaj men aur apane bachaav men kiyaa gayaa ek bhaddaa majaak. kintu kyaa isamen kuchh sachchaaee naheen thee ?!!

meraa dhyaan khud par jaataa hai. bhaarat vaapas lautate samay saarvajanik sthalon ke shauchaalay badee chintaaon men se ek thaa. tren se baahar dekhate samay pnkti men baithe hue log malotsarg karate paaye jaa sakate hain. aur yah dekhakar shikan kee lakeer bhee naheen ubharatee hai. ham aadee ho chuke hain. ham vahee dekhate hain jo ham dekhanaa chaahate hain,jitanaa ham dekhanaa chaahate hain. madhyavargeey bhaarateey kee kharch karane kee shakti men achchhaa ijaafaa huaa hai. bade kanasept mol aur usake saath ke achchhe taayalets ,big baajaar ke tng toyalets, haaeeve ke nihaayatee badaboodaar aur asvachchh shauchaalay aur gaanv ke gaanv dabbe lekar shaam ko apanaa konaa dhoondhte hue log. hamaare lie sab jaane pahachaane tathy hain. aur inase hamaaree shaan men koee khaas fark naheen padtaa. meediyaa ke lie yah aisaa vishay naheen hai jisapar frnt pej divot kiyaa jaa sake. haan aprel kee chaudah taareekh ko has khabar ko jagah dee gaee thee.


Mobile telephones more common than toilets in India, UN report finds


14 April 2010 – More people in India, the world’s second most crowded country, have access to a mobile telephone than to a toilet, according to a set of recommendations released today by United Nations University (UNU) on how to cut the number of people with inadequate sanitation.
“It is a tragic irony to think that in India, a country now wealthy enough that roughly half of the people own phones, about half cannot afford the basic necessity and dignity of a toilet,” said Zafar Adeel, Director of United Nations University's Institute for Water, Environment and Health (IWEH), and chair of UN-Water, a coordinating body for water-related work at 27 UN agencies and their partners.The UNU report cites a rough cost of $300 to build a toilet, including labour, materials and advice.
India has some 545 million cell phones, enough to serve about 45 per cent of the population, but only about 366 million people or 31 per cent of the population had access to improved sanitation in 2008.

sarakaar aur samaaj kee upekshaa samajh se baahar hai. mujhe forensik medisin ke profesar yaad aate hain. “d hol aof indiyaa is a toyalet”; vah kahaa karate the. aur yah ek bahut badaa aur kadvaa sach hai. jise najrndaaj karanaa aapake aur mere lie mushkil naheen hai. ham hamaare gharon ke svachchh kamaron men baith apane teevee sets par haath dhone kee jaroorat ke baare men vijnyaapan dekhakar hee apane kartavy ko snpann karate hain.


“Anyone who shirks the topic as repugnant, minimizes it as undignified, or considers unworthy those in need should let others take over for the sake of 1.5 million children and countless others killed each year by contaminated water and unhealthy sanitation,” said Mr. Adeel.


un logon ke lie jo nafaa aur nukasaan kee bhaashaa samajhate hain ,ve aage kahate hain


“The world can expect, however, a return of between $3 and $34 for every dollar spent on sanitation, realized through reduced poverty and health costs and higher productivity – an economic and humanitarian opportunity of historic proportions,” added Mr. Adeel.

varld toyalet aorganaaijesan ke foundar aur president jaik sim has vishay men kaafee dilachaspee lete hain . unhone isee dauraan apanee chintaa prakat kee thee.

In particular, Sim questioned whether the authorities in New Delhi were doing enough to provide adequate public toilet facilities for the 2010 Commonwealth Games, which will draw tens of thousands of foreign visitors.


unakaa kahanaa thaa ki agar hamaare paas shauch ke lie achchhe aur saaf vikalp naheen hain to hamaare yahaan paryatan udhyam ko bhaaree nukasaan ho sakataa hai. unhone kahaa ki aakhir shauchaalay ke upayog men aane kee dar aur jaroorat dono snbhog se adhik aur jarooree hai. yah aavashyakataa har kisee kee hai. aakhirakaar har kisee ko yahaan jaanaa hotaa hai. yah ek achchhaa anubhav honaa chaahie. surakshit aur saaf.

ve kahate hain, har samasyaa vyaapaar kee snbhaavanaa hai. shauchaalay kaa har jagah hone kaa matalab poore shahar aur poore desh kee aarthik sthiti kaa sudharanaa hai.

aur majaal hai jo desh ko yah baat samajh naa aaee ho. aarthik sthiti men hamaaree dilachaspee yoon bhee svaabhaavik hai.

1999 men total saineetaishan kaimpen (tee es see) laanch kiyaa gayaa.


Total Sanitation Campaign (TSC)


Total Sanitation Campaign is a comprehensive programme to ensure sanitation facilities in rural areas with broader goal to eradicate the practice of open defecation. TSC as a part of reform principles was initiated in 1999 when Central Rural Sanitation Programme was restructured making it demand driven and people centered. It follows a principle of “low to no subsidy” where a nominal subsidy in the form of incentive is given to rural poor households for construction of toilets.




desh bhar men itane toyalets.....kitane toyalets....
har roj kee moneetaring....
taaraget se bas itanaa door....jraa saa.....


jis aanganavaadee men ham baithe hain bijalee naheen hai....paanee kee suvidhaa bhee naheen.....
................................................................................................
aankade kahate hain is aanganavaadee men shauchaalay hai. yah bhee badee baat hai ki aanganavaadee hai. naheen to aankadon ke hisaab se aisee aanganavaadiyon men bhee shauchaalay hai jo astitv men naheen hai.

jis chhotee see jagah ko aanganavaadee kaa naam diyaa hai theek usake saamane kyoobauid jaisaa strakchar hai...usapar kapade latake hain....andar lakadee rakhee hai. poore gaanv men jagah jagah yah khade hain......yahee shauchaalay hain. yahee gujaraat ke tee es see kee ek chhotee see kaamayaabee hai.

yahee kahaanee naa jaane kitane raajyon kee....

lagabhag poore desh kee...
.....................................................

lakshmee thodaa aur thak chukee hai. main bhee.
kitane bachche. aur kitanee bimaariyaan..... jng chaaloo hai. taayafoyad,haipaataaitij,daayariyaa,skin diseesas.........
lakshmee jaanaa chaahatee hai.usakaa man achchhaa naheen hai. ubakaaee aa rahee hai.
mujhe bhee....
par kahaan....kis ke paas.....
vikalp kaheen naheen hai.....
yahaan sab beemaar hain....

...................................................................
aur komanavailth gems kee tarah aisee koee baat naheen ki hamaaraa saamoohik jajbaa kaam kare.....yaa pradhaanamntree ko hastakshep karanaa pade....

haath dhone ke snsaadhan to naheen hain.....
haath jhaad ke chale jaane ke hain.......