jayapur se lautakar
teesaraa hissaa
teesaraa hissaa
shaayad vo 17 yaa 18 taareekh kee ek bakavaas see dopahar thee, jab jayapur jaane kaa vakt najadeek aa rahaa thaa aur jayapur litarechar festival kee vebasaait par die sabhee satron kee deetel padhte hue mainne paayaa ki unamen ek naam edam jagaayavaskee kaa bhee hai. oh, ye kyaa ho rahaa hai? ek ke baad ek khushee aur uttejanaa se deevaanaa kar dene vaale shok. mainne turnt geet kaa nnbar ghumaayaa aur use bhee is khabar se khush hone aur mujhase thodee see eershyaa karane kaa maukaa diyaa. main sachamuch behad khush thee ki main jayapur jaa rahee thee.
24 taareekh ko darabaar hol men 11 baje se edam jagaayavaskee kaa seshan thaa – solitaree soleetyood. unase baat kar rahee theen urvashee butaaliyaa. edam ko main beshak tasveeron men dekh chukee thee. lekin tasveer aankhon ke kitanee bhee kareeb kyon n ho, tasveer ke theek bagal men ek adrishy oonchee deevaar hotee hai. haath us deevaar ke paar naheen jaate, lekin is vakt ve theek mere saamane baithe the. main unhen bolate hue sun sakatee thee, haath badhaakar chhoo sakatee thee. mainne haath badhaakar unhen chhuaa bhee thaa. edam ko dekhakar ye naheen lag rahaa thaa ki yah vissaav shinborskaa aur chesvaav mivosh kee dharatee se aane vaalaa ek mahaan kavi hai. vah ek behad saadhaaran saa insaan thaa, jisakee aankhon men bachchon jaisee chamak aur bholaapan thaa. usakee aavaaj dheemee aur kisee gahan kndaraa se aatee maaloom detee thee. lekin usake shabdon men prem aur avasaad kee gaharaaee thee.
ye jaananaa ajeeb hai aur sundar bhee ki snsaar kee har mahaan rachanaa Melancholic hee kyon hotee hai aur rachanaakaar shaant, gaharaa aur udaas. duniyaa ke har shor aur behisaab aavaajon ke beech vah apanaa ek maun ekaant rach letaa hai aur use udaasee ke rngon se sajaataa hai. avasaad ke gaadhe rngon se. is avasaad kaa rng jeevan ke gahare dukhon aur mar jaane kee had tak takaleef dete anyaay aur gairabaraabaree kaa rng naheen hai. yah avasaad jeevan kee asal udaasiyon se bhaagane yaa munh churaane kaa raastaa bhee naheen hai. yah un takaleefon kaa asveekaar hai. dukh aur anyaay kaa asveekaar hai. is Melancholy kaa apanaa sukh hai, apanaa svaad bhee.
us din unhonne vahaan jo kavitaaen padheen, unamen bhee vah svaad thaa. edam kee samoochee maujoodagee men vah svaad thaa. pataa naheen ek gareeb aur chot khaae mulk kee bahusnkhyak aabaadee itanee paripakv hai yaa naheen ki Melancholy ke us svaad ko parakh paae, use jee paae. lekin jinhonne bhee ise khojaa hai, ve jaanate hain isakaa nashaa. isamen doob jaane kee behisaab deevaanagee ko jaanate hain. aur vo baar-baar edam jagaayavaskee, chesvaav mivosh aur shinborskaa kee Melancholic duniyaa men laut-lautakar jaate hain.
vo seshan jindagee ke ek din ko khoobasoorat banaa dene ke lie kaafee thaa. usake baad main binaa kuchh kie bhee idhar-udhar bhatak sakatee thee aur ek ajnyaat khushee kee chaundh apane bheetar mahasoos kar sakatee thee. ek Melancholic khushee. 24 taareekh kee raat tak main behad khush rahee. usee raat hotal ke kamare kee baalakanee men khadee jab main us kavi ke baare men soch rahee thee, jo kahataa hai ki apane padosiyon ke lie vo koee varld poet naheen hai, balki ek aam aadamee hai, jo subah ke naashte ke lie bred khareedane jaataa hai to main kataee ye naheen jaanatee thee ki agale din isee vakt main usase kah rahee hongee ki main aapase bahut pyaar karatee hoon. main use dharatee ke us kone ke baare men bataaoongee, jahaan meraa janm huaa. is desh ke us hisse ke baare men, jahaan main badee huee hoon. main tab ye bhee naheen jaanatee thee ki apanee unheen eemaanadaar aankhon se vo mujhase poochhenge, Manisha, tell me about your country. aur fir main bataaoongee ek desh men basane vaale un asnkhy deshon ke baare men.
25 taareekh kee raat jayapur se door aamer ke kile men raaitars bol thaa. vahaan kuchh chunindaa log hee aamntrit the. yah kilaa shahar se itanaa door thaa ki shahar kee chamakeelee battiyon ke aakhiree nishaan tak vahaan naheen pahunchate the. door tak kaalaa aasamaan thaa aur kile kee bhavy deevaaren. ek haath men vaain kaa glaas aur doosare men sigaret lie main door akelee khadee khush hotee, baaten karatee, naachatee aur sngeet men doobee huee bheed ko dekh rahee thee. bheed men main akasar aisaa hee karatee hoon. khud ko khoyaa huaa saa paatee hoon aur fir ek konaa dhoondhakar apanaa ek surakshaa gheraa banaa letee hoon. is ghere men main khush hotee hoon aur udaas. ek Melancholic khushee.
 |
| main aur edam jagaayavaskee : tasveer jo unakee patnee ne kheenchee thee |
main khadee thee ki tabhee meree najar edam aur un do ladkiyon monikaa aur maareeyaa par padee, jinhonne unakee kavitaaon kaa hindee men anuvaad kiyaa hai. vo donon mujhe ek din pahale edam ke seshan men mil chukee theen aur unhonne bataayaa thaa ki hindee blog vaale seshan men unhonne mujhe bolate hue sunaa thaa aur ye bhee ki mainne sabase achchhaa bolaa. (aisaa unakaa kahanaa thaa.) unhonne mujhe edam kee hindee men anoodit kitaab paraaee sundarataa men ki ek kopee bhent kee.
ab tak vo bhee mujhe dekh chukee theen. unhonne aankhon se svaagat kiyaa aur main unake paas gaee. mausam bahut meethaa aur khushagavaar thaa. edam haath men vaain kaa ek gilaas lie muskuraa rahe the. mujhe lagaa ab main unase vo kah sakatee hoon, jo kal naheen kah paaee. mainne unase vo sab kahaa, jo pichhalee raat hotal ke kamare kee baalakanee men khadee main soch rahee thee.
Adam, I like you and your poems so much that I am almost in love with you.
edam bade pyaar se muskuraae.
Thank you dear.
fir mainne apane pars se ek kaimaraa nikaalaa aur monikaa ke bagal men hee baithee huee ek behad khoobasoorat see stree se poochhaa, Can you please take a picture of us?
Sure.
aur kaimaraa main unake haathon men thamaakar edam ke bagal men baith gaee. meraa haath unake kndhon par thaa. meree aankhon men behisaab khushee kee chamak thee. achaanak vah bol padeen,
Surely I will but please mind, I am his wife.
Oops :(
Well, Its ok. But still you can take one picture.
:)
unhonne hamaaree tasveer lee. ham chaaron aapas men kaafee hnsee-majaak kar rahe the. tabhee monikaa ne poochhaa, Manisha, tell me one thing? Why did you say that you are almost in love? Why not completely?
Well (I looked at his wife, gave her a smile and said) because of her.
 |
| edam apanee patnee ke saath |
edam, unakee patnee, monikaa, maareeyaa aur main, sabhee thathaakar hns pade aur mainne aage jodaa- Because of her and because of my boyfriend.
If he will come to know that you are here, expressing your affection for Adam, will leave all his work and run for Jaipur right away. yah maareeyaa theen. unhonne ek pnjaabee se vivaah kiyaa hai aur pichhale tees saalon se hindustaan men rah rahee hain.
yah savaal maareeyaa aur monikaa donon kaa hee thaa shaayad ki jis tarah us din blog vaale seshan men mainne behisaab, bekhauf baaten keen aur jis tarah sigaret aur vaain ke saath vahaan khadee thee, ek indiyan ladkee hokar main aise jeenaa kaise aford kar paatee hoon.
monikaa polaind men hindee padhaatee hain aur maareeyaa tees saal se hindustaan men rah rahee hain. vah jaanatee hain is desh ko aur is desh kee ladkiyon ko bhee. achchhee indiyan ladkiyaan aisee naheen hoteen. tum indiyan to ho, to kyaa achchhee naheen ho.
beshak mere lie ye aford kar paanaa aasaan naheen hai kyonki main hindustaan ke us mutthee bhar ameer, apar klaas eleet varg se bhee naheen aatee, jisake lie tathaakathit parnparaaen, naitikataa jyaadaa maayane naheen rakhate. ve aadhunik hain, jise paamuk baar-baar kahate hain – Modern. A writer must should be first of all a Modern. ve angrejeedaan hain aur angrejee tamaam gulaamee aur antarvirodhon ke baavajood ek had tak libaret to karatee hee hai. main hindee pradesh ke ek nimn madhyavargeey parivaar kee ladkee hoon aur bahut chhote naitik daayare men hee badee huee hoon. mujhe bahut ladnaa padaa hai aur aaj bhee har din ladtee hoon. apane aasapaas kee duniyaa se aur apane aap se bhee.
lekin meraa javaab bahut saaf thaa -
Monika, I am always considered as a bad girl.
You should have proud to be a bad girl.
Tell me Manisha, what bad things you do? yah savaal edam kee patnee poochh rahee theen.
I said, I live my life the way I want to live.
Oh, that’s the hell, just not bad.
shaayad vo bhee jaanatee hongee hindustaan ko. tabhee to unhen apanee marjee se apanee tarah kee jindagee jeene kaa nirnay sirf buraa naheen, balki narak baraabar lagaa thaa.
 |
| edam aur unakee patnee. saath main hai monikaa brovaarchik. |
maareeyaa hindustaan ke apane anubhav bataane lageen. unhonne kahaa, ab to sthitiyaan fir bhee kaafee badal gaee hain. 25 saal pahale agar main aadhe ghnte ke lie bhee ghar se kaheen baahar jaa rahee hotee to mujhe apanee saas ko bataakar jaanaa padtaa thaa ki main kahaan jaa rahee hoon aur kab lautoongee.
indiyaa ke baare men jaananaa kitanaa intaresting hai n ?
maamoolee insaanee aajaadee ke prati duniyaa ke sabase bade lokatntr kaa jitanaa alokataantrik ravaiyaa hai, kyaa ham kabhee sochate hain ki jyaadaa aadhunik vichaaron vaalee dharatee se aane vaale log is jhooth ke baare men kyaa sochate honge. kitane makkaar hain ham. har cheej men doharaapan. gareebee aur gulaamee kaa kitanaa lnbaa itihaas hai. kaise betarateeb bikhare andhere hain aur us par roshanee kee chamakadaar parten sajaane kee kitanee mustaid parnparaa. hamaaree baar-baar tootee reedh ne, dukh aur gulaamee ne hamen itanee bhee samajh naheen dee, itanaa bhee paripakv naheen banaayaa ki ham in dukhon ko samajh paate yaa kam se kam theek se dekh hee paate. itane to bade ho paate ki Melancholy men ek baar utar paate. hamane gairabaraabaree aur anyaay ko jitanee ijjat se sveekaar kiyaa hai aur kabhee savaal bhee naheen kiyaa, ye khyaal bhee daraataa hai.
edam ne mujhase poochhaa thaa, Manisha, tell me about your country. What India is?
main kyaa kahatee. koee ek hindustaan ho to bataaoon.
yahaan ek desh men kaee desh basate hain.
fir bhee mainne unhen bataayaa apane desh ke baare men.
jaaree……..
pahalaa hissaa
doosaraa hissaa
15 comments:
Came to know about your presence there in Jaipur literature festival by watching you there in the discussion.. I can imagine how exciting is to meet the poet like Adam.. waiting for your answer... India, as Manisha thinks... :)
welcome back after what was such a long hiatus. and thanks for the notes from Jaipur. happy for you that you met Pamuk, Zagajewski and other greats.
love your passion for being "modern" and living life on your terms. keep it up and keep us posted.
just 1 bit about your rant against the "people who read hindi newspapers" or who are in awe of "purity of virginity" or the sundry orthodoxy: having a point of view and defending it is all dandy. being a student of complex human nature has taught me that there is same amount of texture, cognition, emotion and appreciation in so called orthodox bourgeois as there is in Vikram Seth or other luminaries of the lit fest. The difference is in communication and expression. we are all with same frailities and strengths. deep down each of us has stereotypes and framework of experiencing the world (what we call "knowledge"). none of the frames is better than the other.
what you value might be different from what someone else values and that is fine. in fact it is great as the differences manifest in the beautiful complexity of being a human. the problem arise when we start deigning towards the people with different value systems than ours. isnt this, at a certain level, similar to the thoughts of orthodoxy against which you rail so vehemently :)))? food for thought
PS: watch "Whatever Works" if you havent done so already
welcome back again.
har vesh men meraa desh.
Envy you !!
maneeshaa, agalee kisht jaldee.... intajaar sahan naheen ho rahaa.
ek saath maichyor bane rahanaa aur bachchee bhee. haan, aapakee pichhalee aur is post ko padhakar lagaa ki aapake andar ek bachchee abhee bhee bachee huee hai. bachaae rakhie ise.
yah kathan sahee lagaa ki " yahaan ek desh men kaee desh basate hain".
chalie ab agalee kisht kaa intajaar karate hain.
maneeshaa jee aapakee najar men melancholy kaa sahee hindee paryaay vaachee shabd kaun saa hogaa.
mujhe is post ki ye pnkti "pataa naheen ek gareeb aur chot khaae mulk kee bahusnkhyak aabaadee itanee paripakv hai yaa naheen ki Melancholy ke us svaad ko parakh paae, use jee paae." samajh naheen aayee. meree samajh se to
gareeb aur chot khaae logon ko peedaa ki samajh ho sakatee hai chaahe vo shaareerik peedaa ho yaa maanasik, par Melancholy naam ki beemaaree to un bechaaron par hee shobhaa paatee hai jinake pet bhare hote hain.
ham badanaseebon ke lie kyoon eeshyaa paidaa kar raheen hai maim!!!!!
Oh, that’s the hell, just not bad.
And most of the girls cant even dream of this 'Hell'
For them this 'Hell' can thousand times better than their so called Paradise
teenon hisse ek saath padh gayaa, jayapur ke un lamhon ko mahasoos kar paa rahaa hoon. aapako dhanyavaad. kahane kee jaroorat naheen ki agale hisson kaa besabree se intajaar hai.
kaisee hain janaab, tasveer men to behad betakalluf aur khush najar aa rahee hain. itane khoobasoorat lamhen jeene ke baad cheharaa chamakanaa hee chaahie....lekin ye kyaa, sigaret se taubaa kee thee naa. vaain kaa ekaadh glaas theek hai. tumhaare shareer kee aisee-taisee naheen karegaa lekin sigaret is balaa se buree tarah taubaa kar lo...aur kisee ke lie naheen to apane bvoy frend kee hee khaatir .
:)
nice post
kya chhuta hua hissa,jise jaari rahna tha, padhne ka awsar milega ?
behad pathaneey! apan kareebatar hote rahate hain aapakee harek post se. behatar kiyaa aapane yahaan post kar.hamajbaan kee nayee post aatnk ke viruddh jihaad http://hamzabaan.blogspot.com/2011/07/blog-post_14.htmljroor padhen aur is muheem men shaamil hon.
maneeshaa aapakaa blog kaee baar padh chukee hoon, is baar kaafee dinon baad aaee, aofis men ek mitr ke saath aapakaa jikr huaa. main bas apanee marjee se hee jeene ke lie honevaalee mashakkaton se bakhoobee pareechit hoon. kaee baar udaas hotee hoon, kaee baar masheenee jindagee kaa hissaa. edam ke saath aapakee tasveeren dekh aur anubhav jaanakar sachamuch bahut achchhaa lagaa.
aapako shubhakaamanaaen.
Post a Comment