kavi tushaar dhaval ke chitr: shiv, prakriti-purush aur velentaains

ek kavi yadi chitr banaaye to kaisaa hogaa? vah jo shabdon se ek snsaar rachataa hai, vahee ab lakeeron aur rngon se snsaar rache to kaisaa hogaa? kyaa shabd lakeer odh lete honge yaa fir vahaan sirf shabdaateet hee hotaa hogaa? kyaa kavi apane bheetar ke kisee alag tahakhaane se chitr laataa hai aur kisee any se kavitaa? yaa fir usakee kavitaa kaa vahee snsaar ek alag roop-rng men chitr ke roop men udbhaasit hotaa hai ? isakee padtaal ke lie alag alag samay par alag alag kavi-chitrakaaron kee kritiyon ko parakhaa gayaa hai aur ab tak is baare men koee sthaaee raay naheen ban paaee hai. vajah ye ki har rachanaakaar kaa apanaa srijan dharm alahadaa hotaa hai, aur yahee vah kunjee hai jo vipul srijan ke vishv kaa taalaa kholatee aur use samriddh karatee hai.

desh aur duniyaa men aise kaviyon kee kamee naheen hai jo chitrakaar bhee hain, yaa the. unheen tamaam logon kee kataar men ek aur naam hai tushaar dhaval kaa. yoon to tushaar dhaval ko hindee ke log ek kavi ke taur par jaanate hain, par chitrakaar ke roop men bhee ve sakriy hain, aur ise hamamen se kam log hee jaanate honge.

pichhale maah dinaank 9 aprail se 14 aprail ke madhy munbaee kee pratishthit 'simarojaa aart gaileree' men tushaar dhaval ke chitron kee pradarshanee aayojit kee gayee jisakaa naam unconscious calling rakhaa gayaa. daraasal yah naam bhee chitrakaar ke man kee paraten kholataa prateet hotaa hai! tushaar daraasal srijan dharmitaa ko achetan man se uthataa huaa paate hain. yahaan un par fraayad ke manovaijnyaanik chintan kaa prabhaav dekhaa jaa sakataa hai. pradarshit chitron men tushaar dhaval ke chitron kee teen shrrinkhalaaon ne vishesh taur par dhyaan aakarshit kiyaa. ye chitr shrrinkhalaaen theen :- shiv, prakriti-purush, aur velentaains. in sabhee chitron men jahaan kramashh unakee chitr yaatraa ko dekhaa jaa sakataa hai vaheen unake achetan man par uthatee chhaviyon ko bhee samajhaa jaa sakataa hai. ye sabhee chitr ek or stree-purush snbndhon kee bauddhik, manovaijnyaanik, bhaavanaatmak aur saamaajik padtaal karate hain to doosaree or unamen fntaasee kaa bhee vipul prayog deekhataa hai. yahaan stree-purush apane shaareerik aayaamon ko todte hue najr aate hai, jaise ek bheetaree tattv inakee deh rachanaa ko tod baahar nikal kar khud ko vyakt karanaa chaah rahaa hai. yahaan tushaar kee hee ye kaavy pnktiyaan barabas yaad aa jaatee hain--

"aao tan badal len
gahare antar men
darak gae hain seemaant
kaal kee shikhaa se tod laayaa yah pal
paridhi ko tod nikalaa
annt yaatraa yah bhee is kathaa kee ...”

apanee kavitaaon kee hee tarah apane chitron men bhee tushaar bhautik se paar-bhautik tak kee yaatraa karate hain. fir chaahe vah shiv kaa sookshm niroopan ho yaa fir ‘shesh 1’, jisamen unhen pahalee baar ek nayaa form praapt huaa, yaa fir prakriti-purush aur velentaains. sabamen chitrakaar is bhautik vishv ke peechhe kee urjaa ko talaash rahaa hai. apane nae muhaavaron men tushaar ke chitrit charitr 'mundaa huaa sar, lambee khinchee huee gardan aur gol uthe hue kndhe' vaale hain aur praayh inakee naak yaa aankh naheen hotee hai. tushaar kaa maananaa hai ki praanimaatr kee bhaav bhngimaaon kaa yadi adhyayan kiyaa jaaye to unakee gardan ke khinchaav se hee unake bheetar ke bhaavon ko samajhaa jaa sakataa hai. saath hee ve machhalee, kamal aur ardhachandr ko bimbon ke roop men laate hain. gauratalab hai ki ye bimb tushaar kee kavitaaon men bhee aate hain. isee talaash men abhivyakti ke nae nae formon par ve abhee kaam kar rahe hain. unakee rekhaaon men ek aantarik lay, jo unakee kavitaaon men bhee paaee jaatee hai, spasht deekhatee hai. isake saath komal rngon ke chatakh sammilan se ve ek sookshm vishv kee rachanaa karate hain jo praayh drishyamaan naheen hai. ek aur baat, apanee "kaalaa raakshas" jaisee lambee kavitaa men jis tarah tushaar ne fntaasee kaa istemaal kiyaa hai, lagabhag vahee roop in chitron men bhee najr aataa hai.

is pradarshanee kaa udghaatan shreematee sngeetaa jindal, jo 'aart indiyaa' naamak pratishthit kalaa patrikaa kee snpaadak hain, ne kiyaa. udghaatan samaaroh men munbaee aur pune kalaa jagat ke kaee parichit cheharon ke saath saath film jagat se jude log, saahity sevee tathaa naukarashaahee se jude log shareek hue.

yah kahaa jaa sakataa hai ki tushaar kee kavitaa aur chitrakaaree ek doosare kee spardhee naheen balki sahadharminee evn sahagaaminee hain tathaa kaheen-kaheen ek doosare kee poorak bhee. jis tarah ek kalaakaar ke bheetar anek rachanaatmak jagat ek saath sakriy rahate hain usee tarah usake antaratam men kaee vidhaaen ekasaath prasfutit hone ke intajaar men rahatee hain. koee kathy yaa vishayavastu dharaatal par kis roop men khile, yah kah paanaa yaa tay kar paanaa hameshaa kathin hotaa hai. in arthon men tushaar jee kee chitrakaaree aur kavitaa ek doosare kaa snbal tathaa vistaar bhee hai. tushaar ek kavi ke roop men adhik mukhar honge yaa ek chitrakaar ke roop men, yaa fir donon hee men unakee gati sam-indradhanushee siddh hogee, yah samay hee siddh karegaa. unakee is ujjaval rachanaadharmee yaatraa ke lie hamaaree shubhakaamanaayen!