mehadee hasan saahab kaa bhaarat se aisaa rishtaa hai ki jise kahate hain ki unakee to yahaan naal gadee hai. raajasthaan men jahaan vah paidaa hue the unake loonaa gaanv ke puraane log pyaar se unhen mahediyaa kahakar bulaate the. mehadee hasan apanee janmasthalee se gahare jude hue the. vah vibhaajan ke baad teen baar gaanv aaye. vahaan apane daadaa kee majaar banavaaee. gaur karane kee baat yah hai ki vah jab bhee gaanv aate the to gaanvavaalon se shekhaavatee bolee men hee baat karate the. gaanv vaalon ne ek ejensee ko bataayaa ki mehadee hasan ko gaane ke saath-saath pahalavaanee kaa bhee shauk thaa aur jab pichhalee baar vah gaanv aaye the to unake bachapan ke ek dost arjun jaangid ne majaak-majaak men kushtee ladne kee chunautee dekar puraanee yaadon ko taajaa kar diyaa thaa. ab arjun jaangid bhee is duniyaa men naheen rahe.
.pataa naheen kyon kisee bade fnakaar ke gujr jaane ke baad use har maadhyam men dhoondh aur paa lene kee bechainee dam naheen lene detee. yoon to mere mobaail ke memoree kaard men hasan saahab kee kaee gajlen hain jinhen main aksar sunaa karataa hoon, lekin parason (13 joon 2012) jab unake nidhan kee khbar sunee to sann rah gayaa aur unhen bahut kareeb se paa lene ke lie chhatapataane lagaa. intaranet par vividh saamagree unake baare men padh daalee. yoo tyoob par unakee gaayee amar gajlen aankh moonde sunataa rahaa aur n jaane kis kis duniyaa kee sair karataa rahaa.
jin logon ne mehadee hasan saahab ko gaate sunaa aur dekhaa hai unhen main bhaagyashaalee samajhataa hoon. teevee par svarakokilaa lataa mngeshakar, khaiyyaam saahab, aabidaa paraveen, hariharan, pnkaj udhaas, talat ajeej aur any sngeet nageenon kee raay mehadee saahab ke baare men dekhataa-sunataa rahaa. lataa jee ne to unake baare men ek baar kuchh is tarah kahaa thaa ki mehadee hasan saahab ke gale se khudaa bolataa hai.
mainne ilektraunik upakaranon ke jariye hee mehadee saahab ko sunaa hai lekin unakee aavaaj masheen ko bhee insaanee galaa de detee hai. unakee aavaaj men mulaayamiyat hone ke saath-saath vah vajn bhee hai jo shaayar ke shabdon aur bhaavanaaon ko shrotaa kee ragon men utaar detaa hai. yahee vajah hai ki unakee gaayikee sarahadon kee dooriyaan paat detee hai. havaaon aur paaniyon men ghulakar ek se doosare des nikal jaatee hai. bekhyaalee ke aalam men main sunataa rahaa- 'rnjish hee sahee dil hee dukhaane ke lie aa, aa fir se mujhe chhod ke jaane ke lie aa', 'jindagee men to sabhee pyaar kiyaa karate hain, main to mar kar bhee meree jaan tujhe chaahoongaa', 'abake ham bichhade to shaayad kabhee khvaabon men milen, jis tarah sookhe hue fool kitaabon men milen,' 'mohabbat karane vaale kam n honge, teree mahafil men lekin ham n honge', 'pattaa pattaa bootaa bootaa haal hamaaraa jaane hai, jaane n jaane gul hee n jaane, baag to saaraa jaane hai,' 'gulon men rng bhare baad-e-naubahaar chale, chale bhee aao ke gulashan kaa kaarobaar chale', 'donon jahaan teree mohabbat men haar ke, vo kaun jaa rahaa hai shab-e-gm gujaar ke,' 'aaye kuchh abr kuchh sharaab aaye, usake baad aaye jo ajaab aaye', 'raftaa raftaa vo meree hastee kaa saamaan ho gae.....list bahut lambee hai. lekin jab bhee main unakaa gaayaa 'pyaar bhare do sharmeele naina' sunataa hoon to meree vaanee mook ho jaatee hai. jis tarah se unhonne 'pyaar bhare' kee shuruaat kee hai vah bhalaa koee kyaa khaakar kar sakegaa.
mehadee hasan ko sunate hue kabhee abhijaatapan kaa ehasaas naheen hotaa. lagataa hai jaise apane hee parivesh kaa koee desee aadamee pakkaa gaanaa gaa rahaa ho. unakee aavaaj men raajasthaan kee gamak ko saaf mahasoos kiyaa jaa sakataa hai (mehadee hasan kaa janm 18 julaaee 1927, raajasthaan, jilaa-jhunjhanoo, gaanv-loonaa, avibhaajit bhaarat men huaa thaa). unakee gjl gaayikee shaastreey hote hue bhee mittee kee khushaboo se saraabor hai. vah jahaan pooree mahafil ke lie gaate prateet hote hain vaheen ek ek shrotaa ke lie bhee aur sabase badhkar vah svayn men khokar svayn ke lie gaate prateet hote hain. gjl samraat jagajeet sinh jee ne mujhase ek baar mere plas chainal ke dinon men kahaa thaa- "naee peedhee ke gjl gaayakon ko agar lambee res kaa ghodaa bananaa hai to unhen apanaa shaastreey aadhaar pukhtaa karanaa hogaa aur yah baat unhonne mehadee hasan saahab se seekhee hai."
mehadee hasan saahab ne badee saadagee se raag yaman aur dhrupad ko gjalon men dhaalaa aur gjl gaayikee ko us daur men paravaan chadhaayaa jab gjl gaayikee kaa matalab ustaad barakat alee khaan, begam akhtar aur mubaarak begam huaa karataa thaa. haalaanki hasan saahab koee gjl gaayak banane kaa uddeshy lekar naheen chale the. aath saal kee umr men unhonne faajilkaa bngalaa (avibhaajit pnjaab) men apanaa jo pahalaa parafauramens diyaa thaa vah dhrupad-khyaal aadhaarit thaa...aur unhen jab pahalaa badaa maukaa milaa 1957 men paakistaan rediyo par, to vah thumaree gaayan ke lie thaa. dhrupad shaastreey sngeet ke kuchh sabase puraane roopon men se ek maanaa jaataa hai. khaan saahab kee trening hee dhrupad gaayikee men huee thee. unake pitaa ustaad ajeem khaan aur chaachaa ustaad ismaail khaan saahab bachapan se hee rojaanaa unhen dhrupad kaa riyaaj karaate the. daraasal mehadee hasan saahab kaa pooraa khaanadaan hee gaayikee parnparaa se judaa chalaa aa rahaa thaa. vah aksar jikr karate the ki unakee peedhee 'kalaavnt gharaanaa' kee 16veen peedhee hai.
lekin rediyo paakistaan ke do adhikaariyon jedae bukhaaree aur rafeek anavar saahab ne mehadee hasan kee urdoo shaayaree men pragaadh abhiruchi ko dekhate hue unakaa protsaahan kiyaa aur gajlen gaane kaa maukaa diyaa. mehadee hasan in donon sakhshiyaton kaa saarvajanik taur par jindagee bhar aabhaar maanate rahe. aaj duniyaa bhar ke gjl premee bhee unakaa aabhaar maanate hain ki unhonne hamen 'shahnshaah-e-gjla' diyaa aur gjl gaayikee ko usakaa nayaa rahanumaa.
mehadee hasan saahab kee jindagee kisee samatal maidaan kee tarah kabhee naheen rahee. vah vakt ke thapedon se do-chaar hote rahe. unakaa kalaakaaron se bharaa-pooraa parivaar aarthik snkaton se ghiraa hee rahataa thaa. bachapan men mehadee hasan saahab ko avibhaajit pnjaab soobe ke chichaavatanee kasbe kee ek saaikal sudhaarane vaalee dookaan men kaam karanaa padaa. thodaa badaa hone par vah kaar aur deejal traiktar maikenik kaa kaam seekh gae aur parivaar kee madad karate rahe. jav vah 20 saal ke hue to bhaarat-paak bntavaaraa ho gayaa aur vah parivaar ke saath paakistaan chale gae jahaan aarthik mushkilon kaa nayaa daur shuroo huaa. is sabake baavajood unhonne sngeet ke prati apanee lagan men kamee naheen aane dee. vahaan chhote-mote prograam karate rahe. aur tabhee unako milaa pahalaa brek paakistaan rediyo par, jisakaa jikr ham pahale kar chuke hain.
gjl gaayikee men sthaapit hone ke saath hee unhen paakistaan film indastree ne haathonhaath liyaa. unake gaaye filmee nagamen, dogaane, gajlen paakistaanee film sngeet kee viraasat ban gae hain. malikaa-e-tarannum noorajahaan ke saath unakaa gaayaa 'aapako bhool jaaen ham, itane to bevafaa naheen' (film-tum mile pyaar milaa, 1969), naaheed akhtar ke saath 'ye duniyaa rahe n rahe mere hamadama' (meraa naam hai mohabbat, 1975), 'aaj tak yaad hai vo pyaar kaa mnjar mujhako' (sehare ke fool), 'jab koee pyaar se bulaaegaa' (jindagee kitanee haseen hai, 1967), 'duniyaa kisee ke pyaar men jannat se kam naheen' jaise saikadon suparahit filmee nagamen unake naam darj hain.
ek gaayak ke taur par mehadee hasan kaee baar bhaarat aaye. bhaarat ke sngeet rasikon ne hameshaa unhen sar-aankhon par bithaayaa. unake krej kaa andaajaa isee baat se lagaayaa jaa sakataa hai ki jab khaan saahab pahalee baar bhaarat aaye tab 'taaims aof indiyaa' ne pahale pej par kisee raashtraadhyaksh ke aagaman kee tarah badee-see tasveer chhaapee thee aur kaipshan diyaa thaa- 'mehadee hasan eraaivsa'. sach hai, is kaayanaat men gjlon kaa agar koee raashtr hotaa ho to vah usake aajeevan raashtraadhyaksh hee the. aakhiree baar jab vah san 2000 men bhaarat aaye the to jald hee fir aane kaa vaadaa karake gae the lekin unakee fefadon kee beemaaree ne aisaa gheraa ki saans saath chhodne lagee. khudaa kee aavaaj kaa ehasaas karaane vaale fnakaar kee dheere-dheere aavaaj bhee jaatee rahee aur antath fnakaar bhee hamase rukhasat lekar sadaa ke lie duniyaa se chalaa gayaa.
mujhe ab bhee yah khabar jhoothee lag rahee hai. magar mrityu ek kadvee sachchaaee hai. menhadee saahab ko shraddhaanjali dene ke lie unheen ke gaaye shabd udhaar lekar itanaa hee kahataa hoon- ‘aa fir se mujhe chhod ke jaane ke lie aa.....’
koee tippanee naheen:
ek tippanee bhejen