ek nadee jo banaa dee gayee achhoota

pichhale dinon main hindee samaachaar ejensiyon kee ek rapat padh rahaa thaa. use padhkar jhatakaa lagaa. manushyon kaa manushyon ko hee achhoot banaa denaa to ham dekhate-sunate-padhte aa rahe hain lekin nadiyon ko achhoot banaa denaa! vah bhee bhaarat jaise desh men jahaan ped-paudhon, nadee-pahaadon yahaan tak ki kan-kan men eeshvar kaa vaas honaa bataayaa aur maanaa jaataa rahaa hai, maanaa jaataa hai! yah rapat uttaraakhnd se sambndhit thee

yon to uttaraakhnd ko devabhoomi maanaa jaataa hai aur yah bhee maanyataa hai ki yahaan ke parvat, van, nadiyon, teelon tak men devataa vaas karate hain. gngaa, yamunaa jaisee satat pravaahinee nadiyon kaa udgam bhee isee ke gleshiyar kshetr se huaa hai. is kshetr kee any nadiyon ko bhee pavitr maanaa gayaa hai aur yahaan kee lagabhag sabhee nadiyon ke saath gngaa pratyay jodne kee paramparaa rahee hai. lekin isee devabhoomi men ek nadee aisee bhee hai jise achhoot maanaa gayaa hai, aur usakaa paanee peenaa to door, paanee ko chhoonaa tak nishedh hai!
yah nadee hai tauns. tauns ke baare men maanyataa yah hai ki pauraanik kaal men ek raakshas kaa vadh kiye jaane par usakaa rakt is nadee men gir gayaa thaa, jisase yah dooshit ho gayee. yahee vajah hai ki ise tamasaa bhee kahaa jaataa hai.

uttarakaashee janapad men do nadiyaan rupeen aur supeen devaakyaaraa ke bharaadsar naamak sthaan se nikalatee huee alag-alag dishaaon men pravaahit hotee hain. rupeen fate pattee ke 14 gaanvon se gujaratee hai jabaki pnchagaaee, ador v bhadaasoo pattiyon ke 28 gaanvon se jaatee hai. lekin in gaanvon ke log n to in nadiyon kaa paanee peete hain aur n hee inase sinchaaee kee jaatee hai. naitavaad men in nadiyon kaa sngam hotaa hai aur yaheen se ise tauns pukaaraa jaataa hai.

lokamaanyataaon ke anusaar rupeen, supeen aur tauns nadiyon kaa paanee chhoonaa tak pratibndhit kiyaa gayaa hai. vajah dhaarmik maanyataaen bhee hain. kahate hain ki tretaa yug men darath hanol ke paas kiramiree naamak raakshas ek taal men rahataa thaa. usake aatnk se sthaaneey jan behad pareshaan the. logon ke aavaahan par kashmeer se mahaasoo devataa yahaan aaye aur kiramiree ko yuddh ke lie lalakaaraa. bhaynkar yuddh ke baad mahaasoo dev ne aaraakot ke sameep sanel naamak sthaan par kiramiree kaa vadh kar diyaa. usakaa sar naitavaad ke paas sthaaneey nyaayadevataa shiv ke gan pokhoo mahaaraaj ke mndir ke bagal men giraa jabaki dhad nadee ke kinaare. isase tauns nadee ke paanee men raakshas kaa rakt ghul gayaa. tabhee se is nadee ko apavitr tathaa taamasee gun vaalaa maanaa gayaa hai.

ek any maanyataa ke anusaar dvaapar yug men naitavaad ke sameep devaraa gaanv men kauravon v paandavon ke beech hue yuddh ke dauraan kauravon ne bheem ke putr ghatotkach kaa sir kaat kar is nadee men fenk diyaa thaa. isake chalate bhee is nadee ko achhoot maanaa gayaa hai. maanyataa hai ki is nadee kaa paanee taamasee hone ke kaaran shareer men kaee vikaar utpann kar detaa hai yahaan tak ki agar koee lagaataar das saal tak tauns kaa paanee pee le to use kushth rog ho jaaegaa!
saamaajik kaaryakarttaa mohan raavat, seevee bijalvaan, teekaaraam uniyaal aur soorat raanaa kahate hain ki nadee ke baare men ukt maanyataa sadiyon puraanee hai aur pauraanik aakhyaanon par aadhaarit hai. ve kahate hain ki haalaanki is nadee ke paanee ke sambandh men kisee tarah kaa vaijnyaanik shodh naheen hai lekin sthaaneey janataa kee lok paramparaaon men yah maanyataa is kadar rachee basee huee hai ki koee bhoolakar bhee isakaa ullnghan naheen karataa.

not: yah pooree rapat ejensiyon kee hai. ise yahaan prastut karane ke alaavaa isamen meraa koee yogadaan naheen hai.