CYA matalab 'kavar yor aisa', RAB kaa matalab kyaa?

subhaash ghaee kee film 'saudaagara' kaa vah gaanaa to aapako yaad hogaa- 'iloo kaa matalab aaee lav yoo." aap soch rahe honge ki yah main bemausam kaa raag kyon alaapane lagaa! baat daraasal ye hai ki mere ek mitr ne jab mujhase 459 kaa matalab poochhaa to main niruttar rahaa. fir door kee kaudee laakar kahaa ki shaayad 768 kee tarah hee yah allaah, eeshvar yaa any kisee devee-devataa ke pavitr ankon kee vyavasthaa hogee.

vishvaas kiyaa jaataa hai ki 786 kaa matalab hai -'bismillaahir rahamaanir raheema' jo kuraan kee pahalee aayat bhee hai.lekin mere mitr ne raaj kholaa ki 459 kaa matalab hai 'aaee lav yoo'. fir usane samajhaayaa ki mobaail haindaset par jin batanon ko dabaakar aaee lav yoo ke pahale akshar praapt kie jaate hain ve batanen hain 459. yah tathy mujhe le gayaa pichhale jmaane kee esaemaesing kee taraf jahaan ek anokhee bhaashaa gadh lee gayee thee sndesh bhejane ke lie. jaise ki let ke lie 18 tathaa bee raait baik ke lie brb istemaal hotaa thaa

ham sab jaanate hain ki bhaashaa vichaaron kee abhivyakti kaa maadhyam hai. lekin yuvaa peedhee ko abhivyakti ke lie itanaa samay kahaan hai. isalie har peedhee ke yuvaa poore shabd taaip karane ke bajaaye apanaa bhaashaa kod khud gadh lete hain. kuchh bhaashaa vijnyaanee is naee bhaashaa ko ''teksateeja' ' naam de rahe hain. aapako yah jaanakar taajjub hogaa ki jab selafon kee kalpanaa bhee naheen kee gayee thee, yaanee dviteey vishv yuddh ke jmaane men, tab bhee us daur ke yuvaaon ne 'seeld vith a laving kisa' kaa short kamaand SWALK eejaad kar liyaa thaa. theek aaj kee filmon ke snkshipt naamon kee tarah, jaise ki dilavaale dulhaniyaa le jaaenge ko deedeeelaje yaa rab ne banaa dee jodee ko aaraenabeedeeje kahanaa.

lekin aaj es em es kee bhaashaa aur jatil ho gayee hai. ise dikod karanaa puraanee peedhee ke lie aasaan naheen hai. baanagee pesh karataa hoon-

RAB kaa matalab hai- jisake paas koee rananeeti n ho yaa fir aisaa aadamee jo apane pairon par kulhaadee maar rahaa hai. yah kod vard jonaathan ros aur rasel braand (ros end braand yaanee aar end bee) naamak beebeesee rediyo-2 prejentaron kee durgati se prerit hai jinhonne abhinetaa endrayoo saichs se aon-eyar farjee majaakiyaa intaravyoo karake apanaa kairiyar samaapt kar liyaa thaa.

kod 18- yah us vyakti ke lie istemaal kiyaa jaataa hai jisake lie 'teknolojee' kaalaa akshar bhains baraabar hai. aaeetee ke log ek is kod kaa istemaal karate hain jisakaa arth hotaa hai ki galatee upabhoktaa kee hai, softaveyar men koee khraabee naheen hai.

GOOD job: yah nauven dashak ke get-out-of-debt pad se uthaayaa gayaa hai jisakaa daraasal matalab hai buraa kaam.

404: mobaail par agar yah snkhyaa dikhe to samajh jaaie ki koee aapako 'klyoolesa' bataa rahaa hai. is snkhyaa ko istemaal karane kaa tark bhee majedaar hai. daraasal jab intaranet braaujr kisee vebasaaeet kaa pataa naheen lagaa pataa to khaalee pej par likhaa rahataa hai 404 irar. bas vaheen se bhaaee log prerit ho gae.

BAB: boring. yah aayaa hai 'bring a buka' pad se. isakaa arth yah hai ki koee cheej itanee ubaaoo lag rahee hai ki isake bajaae aap kitaab padhnaa jyaadaa pasnd karenge.

CYA: matalab hai 'kavar yor aisa'. kaam bigadne par jab lagataa hai ki ab khair naheen tab yah kod istemaal kiyaa jaataa hai.

to dekhaa aapane, yah yuvaa mobaail peedhee kitanee rachanaatmak hai. apane lie aisee bhaashaa gadh rahee hai jise vahee likhatee hai aur vahee samajhatee hai. yahaan yah spasht kar denaa aavashyak hai ki abhee in bhaashaa kod kaa istemaal pashchimee deshon, khaasakar gret briten men adhik ho rahaa hai. kalpanaa hee kee jaa sakatee hai ki ise bhaarat pahunchane men bhalaa kitane din lagenge? yahaan prastut kuchh esaemaes kod vard intaranet kee madad se mainne jugaade hain. kaun jaane is beech is shabdakosh men kuchh aur kod shabd jud gae hon!