aatmaghaat se buree koee cheej naheen

—chaun re champoo! pichhale dinan men kaun see khabar nai terau dhyaan khainchau?
—chachaa, khbaren to har din desh kee, videsh kee, pariyon kee, parivesh kee aur muhabbaton ke klesh kee saamane aatee hee rahatee hain. annaa hajaare ab jntar par mntar chalaa kar yoo.pee. ke anntar hain. kalamaadee giraftntar hain. saaneen baabaa ke oopar chale jaane ke baad chaalees hajaar karod par sabake pet men marod ho rahaa hai. chunaav hue, ghapale hue. chaaron taraf khbaren hee khbaren hain. haan, yaad aayaa chachaa, ek khbar ne dhyaan kheenchaa.
—bataa voee tau poochh rahyau oon!
—chachaa, ek aadamee ne apane gale par chaakoo rakhakar pulis ko fon milaayaa ki main aatmahatyaa kar rahaa hoon. pulis aa gaee. badee minnaten keen, bhaiyaa daravaajaa khol de. chaakoo gardan se hataa le. nukeelaa hai, galaa kat jaaegaa. vo ad gayaa, naheen jee, main to maroongaa. mujhe to maranaa hai. samajh men aa gayaa ki ye aadamee andar se hilaa huaa hai. aise baat naheen maanegaa. khidkee men ek aadamee ne use baaton men ulajhaayaa aur kisee tarah se chupachaap daravaajaa tod kar pulis ne use dhar-dabochaa. le aaee thaane. ab usakaa akhbaar men foto chhapaa jisamen vah ek pulisakarmee ke saath gale milakar rotaa huaa dikhaaee diyaa. pulisakarmee kaa cheharaa bhee vidaa hotee betee ke baap jaisaa imoshanal thaa. aparaadhee aur pulis gale milen, isase badhiyaa drishy kyaa hogaa, bataao chachaa?
—aparaadh kaa hato vaakau?
—aparaadh ye ki usake gyaarah bachche the. pahalee patnee teen bachchon ko janm dekar paralok sidhaar gaee. jisase doosaree shaadee karee usake paas chhh bachche pahale se the. ho gae chhh aur teen nau. do inakee kripaa se aur ho gae.
—kull gyaarai! achchhaa fir?
—gyaarah bachchon kaa laalan-paalan kaise ho. doosaree beebee kaa sabase badaa bachchaa khaataa-kamaataa hai. shreemaan jee ne usase paise maange, vo nat gayaa. ek to sautelaa baap oopar se paisaa maange. bas isee tanaav men aakar shreemaanajee ne gale par chhuree lagaa lee.
—tau jaamain dilachasp baat kaa bhaee?
—dilachasp baat ye huee chachaa ki vo aadamee jo gale par chhuree lagaakar sabako pareshaan kar rahaa thaa, dayaa kaa paatr ban gayaa. pulis-thaane ke log, jo praay: dayaa naheen jaanate, sabane badee mauhabbat se usake saath foto khinchaayaa. yaanee, pulis bhee dilaviheen naheen hotee. mujhe foto dekhakar majaa aayaa. pulis hamaaree kitanee sahriday hai jo aisee sthitiyon men, jab aadamee pareshaan ho, dilaasaa aur raahat detee hai. aisee khbaron kaa koee foloap to hotaa naheen ki vo aadamee kahaan gayaa, fir usake bete ne kyaa kiyaa, gyaarah bachchon kaa kyaa huaa, doosaree beevee ne usake saath kyaa sulook kiyaa? kyaa vo teesaree kee talaash men nikal gayaa? bairaagee yaa bhagodaa ho gayaa? kyaa huaa kuchh naheen pataa, lekin is tarah ke dukhon ke saath jeene vaale kitane saare praanee hain. har praanee ek kahaanee hai aur usamen agar andar ghuso to kitane hee upanyaas hain. muktibodh kahaa karate the ki mittee ke dhele men bhee kiraneele kan-kan hain. thelaa chalaane vaale men bhee apanee deepti hotee hai. chhh bachchon kee maan ko jab vah byaah kar laayaa thaa to kaun jaane ki kisane kis par upakaar kiyaa. kyaa tamannaaen rahee hongee? kyaa vaade kie honge? kitane aashvaasan die honge? tanaav hotaa hai is cheej kaa ki shaasan kisakaa chalataa hai. jab shaasan naheen chal paataa tab vyakti pareshaan ho jaataa hai aur aatmaghaatee hone lagataa hai.
—aatmaghaat te buree koee cheej naayn.
—shreemaanajee ne to sirf naatak kiyaa thaa, lekin rojgaar ke abhaav men yaa pareekshaa parinaamon ke tanaav men jo kishor aur naujavaan jeevan se haar maanakar aatmahatyaa kar lete hain vah sabase dukhad hai. ek kundaliyaa chhnd sun lo, ’haaro jeevan men bhale, haar-jeet hai khel, chaans mile tab jeetanaa, kar mehanat se mel. kar mehanat se mel, kintu ham kyaa batalaaen, daraa rahee hain, badhtee huee aatmahatyaaen. champoo tumase kahe, niraashaa chhodo yaaro, naheen milegaa chaans, jindagee se mat haaro.
—rijalt aaibe baare ain. bachchan ke taaeen teree seekh saee ai re!

aantarik ooshmaa kee kiranen

—chaun re champoo! tere kitte dost aur kitte dusman ain re?
—chachaa, dostee aur dushmanee ke baare men mere pitaajee ek baat kahaa karate the.
—bataa! bo tau hamesaa achchhee baat kahau karate.
—unakee kathanee men do logon kaa samvaad kuchh is tarah thaa ki main apane dushman se pyaar karataa hoon. kaun hai tumhaaraa dushman? vahee jo meraa dost hai. kaun dost? ye poochhakar kyaa karoge mere dost? chachaa, dostee ek aisee cheez hai, jisamen ek deevaanee dushmanee kee dakhalndaazee lagabhag banee rahatee hai. pyaaraa dost, pyaaraa dushman hotaa hai. chhotee-motee cheejen aatee rahatee hain, jo dushmanee jaisaa aabhaas dilaatee hain. ve aatee hain ekaadhikaar kee pravritti ke kaaran, eershyaaon ke kaaran yaa manonukool kaaryon ke samaayojan ke abhaav ke kaaran, lekin ek baar yadi dostee kee buniyaad pad jaatee hai to pad hee jaatee hai. bhavan kee mnzilen giratee uthatee rah sakatee hain. beej pad chukaa hai to kabhee bhee usakaa killaa foot sakataa hai. chaar din pahale deharaadoon se kavi surendr sharmaa ke saath rel se dillee vaapas aayaa, subah paanch baje. draaivar chhuttee par, ravivaar kaa din. ab kahaan taiksee-skootar dhoodhoon. surendr jee bole— ‘chal main chhod detaa hoon baahar tak.’ mainne kahaa ki yaheen se le letaa hoon. fir bade pyaar se unhonne kahaa— ‘chal chaay pee ke nikal jaanaa ghar se.’ chaay ke pyaare prastaav se puraanee dostee kee kiranen footatee see dikhaaee deen. vaise main aamataur se ghar hee lautanaa pasnd karataa hoon. kaheen kisee ko chhodate hue bhee jaanaa ho to usake yahaan bhee chaay ke lie naheen thaharataa. unake prastaav men narm garmee thee. dostee ke lie zarooree hotee hai ooshmaa. vo bhee andar kee. baahar ke dikhaave kee naheen. dostee men koee baadhyataa naheen hotee. aantarik ooshmaa hee paraspar aakrisht karatee hai. pahunch gae jee unake ghar. unhen bhee naagapur ke lie tatkaal hee nikalanaa thaa. main chaay peete-peete sochane lagaa ki ghar lautane ke raaste men ek shauk pooraa kiyaa jaa sakataa hai.
—kaun sau sauk re?
—are, fotograafee kaa chachaa. lndan se ek dee-naaintee nikon kaimaraa lekar aayaa thaa. mere puraane shauk ke paas nayaa upakaran thaa. achaanak man men aayaa aur surendr jee ko bhee bataayaa ki main puraanee dillee kee un tng galiyon men jaanaa chaahataa hoon jahaan tees-battees saal pahale apane yaar saleem ke saath ghoome the aur kavitaa likhee thee ‘boodhe bachche’, lekin dheelaadhaalaa kurtaa pahan kar kyaa chust fotograafee karenge, chalo vichaar tyaagate hain. kisee din shart-jeens men aaenge. mainne dekhaa ki dostee kee ooshmaa aur badh gaee, unhonne alamaaree khol dee, ‘jo achchhee lage pahan le.’ are, chachaa bataa naheen skataa dostee jab andar se favvaare kee tarah footatee hai to isakee havaadaar fuhaaron men bheeganaa badaa achchhaa lagataa hai. mainne ek tee-shart par haath rakhaa. jhat se unhonne utaar kar de dee. kurtaa ataichee men, tee samaapt, tee-shart shareer par, kaimaraa kndhaaseen. pahunch gae turkamaan get. fon ghumaayaa yaar saleem ko aur yaar saleem kee aavaaz se bhee aantarik ooshmaa kee kiranen nikaleen.

ab unakee umr sattar paar ho gaee hai. ghutane dard karate hain. aamataur se tahalane bhee naheen nikalate, lekin dostee kee ooshmaa ne aisaa zor maaraa chachaa ki teen ghnte tak mere saath ghoomate rahe. ghutane kaa dard pataa naheen kahaan gaayab ho gayaa. dostee ek aisee cheez hai chachaa jo ghutan ko door kar detee hai aur agar usamen ghutan badh jaae to ghutane kyaa sab kuchh kharaab kar detee hai. aadamee ghutane tek detaa hai. dostee nisvaarth ho aur vaqt par kaam aane kaa maaddaa rakhatee ho to koee arth rakhatee hai. pandrah saal se saleem apane ghar bulaa rahaa hai. main jaa naheen paayaa aur jab mile to itanaa aanand aayaa chachaa ki main bataa naheen sakataa. pesh hain teen dohe, dost, priynkar bndhusam, saathee, man kaa meet. hitoo, hitaishee, shubhaishee, hamajolee, manajeet! sngee, sngatiyaa, sakhaa, sahachar, sakhee, azeez. jigaree, yaadee, yaar, yaa yaaraa maadak cheez. hitakaamee snehee kaho, mitavaa yaa ki habeeb, mitr bhale mil naa sake, dil ke rahe qareeb.
—fotoo ainche?
—fesabuk par apane hazaaron ‘doston’ ke lie chadhaa bhee die.

lakadee se tagadee aaree

(kahate hain ki aaree ke paas aankhen naheen hoteen par manushy ke paas to hain.)

jngal men bngale
bngale hee bngale
nae nae banate gae
bngale hee bngale.

bngalon men chaaron or
jngale hee jngale
chhote-chhote bade-bade
jngale hee jngale

jngal se kaatee gaee
lakadee hee lakadee,
cheeree gaee paatee gaee
lakadee hee lakadee.

chaukhat men dvaaron men
lakadee hee lakadee
farshon deevaaron men
lakadee hee lakadee.

maanus ne maar badee
maaree jee maaree,
lakadee se tagadee thee
aaree jee aaree.

aaree ke paas n theen
aankhen jee aankhen,
katatee gaeen katatee gaeen
shaakhen hee shaakhen.

badhate gae badhate gae
bngale hee bngale,
jngal jee hote gae
kngale hee kngale.

haraa rng chhod chhaad
bhooraa bhooraa rng le,
jngal jee kngale
yaa bngale jee kngale?

yaad rakho maut muskaraatee naheen hai

(tum aur tumhaaree maut ek hee lagn men janm lete hain, par maut pahale mar sakatee hai.)

kisee kee umr kam
kisee kee lnbee hai,
aur maut mahaasvaavalnbee hai.
apanaa nirnay svayn legee,
tumhaare chintaa karane se
n to aaegee
n aane se rukegee.
chintaa karake
svayn ko mat sataao,
maut jab bhee foto kheenchanaa chaahe
muskaraao.
raunak aa jaatee hai foto men
tumhaaree do saikind kee muskaan se,
zindagee bhar muskuraaoge to
kabhee naheen jaaoge jaan se.

suno! tumhaare paidaa hote hee
tumhaaree maut bhee paidaa ho jaatee hai.
theek usee ghadee usee muhoort
usee lagn usee vkt
tumase kaheen zyaadaa mazaboot aur sakht.
yaad rakhanaa maut muskaraatee naheen hai,
koyal kee bolee men gaatee naheen hai.
vah to cheel-giddh kauon kee tarah
sir par mndaraatee hai
hnsee use aatee naheen hai.
daant faade jab vo tum muskuraao,
aur jab dahaade tum gunagunaao.

vriddhaavasthaa tak
apanee taaqat khone se
vo khokhalee ho jaaegee,
usake daant barf kee tarah
pighal jaaenge
aur vo popalee ho jaaegee.

tum fir bhee muskuraate rahe
to tumase buree tarah dar jaaegee,
tumhaaree maut tumhaare saamane hee
mar jaaegee.

yuvaa kaa ultaa vaayu

(yuvaa havaaon aur dhaaraaon ke vipareet chalakar bhee mnzil paate hain.)

yuvaa kaa ultaa vaayu
vaayu maane havaa,
havaa kaa ultaa vaah
bas yahee yuvaa kee chaah.
chaahie
vaah, vaah, vaah.

dil ke aramaanon ke
pnkh nikal aae hain,
udanaa seekh liyaa hai
yon par failaae hain.
baadal ke oopar jo
failaa neelagagan hai,
udane kee mastee men
man ho rahaa magan hai.
achchhaa lage n sooraj
gar vo detaa koee salaah.
vaah jee
vaah, vaah, vaah.

dharatee kee godee se
nikalee tarunaaee hai
baahar aakar khul kar
letee angadaaee hai.
snkalpon kee maalaa
isane aaj piroee,
bahataa ye paanee hai
rok n paae koee.
mushkil hai jo mnzil
isane pakadee hai vo raah.
bolie
vaah, vaah, vaah!

khopadee kee khaparail tale

—chaun re champoo! sunee ai kai tainain koee kabataa likhee ai, do aparail aur nau aparail ke baare men, kaa likhee ai?
—chachaa, likh dee, bhej dee, chhap gaee. taazaa kavitaa yaad thode hee rahatee hai.
—are, hameoon bataay dai lallaa!


—chachaa, kavitaa men poochhaa gayaa thaa ki do aprail gyaarah kaa indiyaa get aur nau aprail gyaarah kaa jntar-mntar. bataaie inamen kyaa samaanataaen theen aur kyaa hai antar? hamane kahaa achchhaa hai aapakaa prashn, samaanataa ye hai ki donon men thaa jeet kaa jashn. fir khopadee kee khaparail men do aur nau aprail ke baare men aur baaten aatee raheen. do ko jeet kaa jashn isalie manaayaa gayaa kyonki koshish safal huee thee desh men varld kap laane kee, aur doosaraa nau taareekh ko isalie manaayaa gayaa kyonki samajhaa gayaa jaise koshish safal ho gaee desh ke kap se bhrashtaachaar ko bhagaane kee. donon men akasmaat yuvaa varg saamane aayaa samoochaa, donon men tirngaa huaa oonchaa, lekin chachaa donon men ullaas aur aaveg kaa milaa-julaa mishran thaa. donon ko baareeqee se samajhanaa zarooree hai.
—are, too to kabataa sunaa, bhaasan matee jhaad.
—mainne kavitaa men aage yahee to kahaa thaa ki donon sthaanon par haaee thaa bhaavanaaon kaa voltej. donon ko milee chakaachak meediyaa kavarej. dono teeaarapee badhaaoo the. mobaail kampaniyon ke munaafe gajabadhaaoo the.
—je laayau n hakeekat!
—chachaa haqeekat ye hai ki main apanee kavitaa men haqeekat hee laataa hoon. mainne kahaa ki yuvaa oorjaa ke saath khadee thee har peedhee. donon maidaan samatal, binaa seedhee.
—so kaisai bhaiyaa?
—isalie chachaa, ki bheed jutaane ke lie n to bas laaee gaeen aur n machaan banaae gae. koee poorv-praayojan naheen huaa. jntar-mntar par lagabhag rozaanaa dharane-pradarshan hote hain. kabhee baal mazadooree unmoolan ke lie, kabhee naaree utpeedan ke khilaaf. das-pandrah buddhijeevee jholaa taange vahaan aa jaate the. prais vaalon kee nigaah padee, padee, n padee, lekin yahaan to bheed jut gaee bahut badee. meediyaa ke kaaran bheed aaee, bheed ke kaaran meediyaa aayaa. sab kuchh apratyaashit saa lagaa. jin logon ne bhee annaa ko ye raay dee, ve desh ko bahut gaharaaee se samajhane vaale log the. ve jaanate the ki naujavaanon kee bhaavanaaon ko kaise udrekit kiyaa jaa sakataa hai. ustaad the teleevijan ke rananeetijny. ustaad the kuchale hue raajaneetijny. bade ustaadaanaandaaz men jod-ghataanaa huaa. choonki bhrashtaachaar hai hamaare desh kee ek paavan-pavitr-puneet sachaaee, iseelie naee peedhee jazbaat men aaee. usako aanaa hee thaa. donon maidaan samatal the. samatal isalie bataae ki pahale men ullaas kaa saraleekaran thaa doosare men aaveg kaa saraleekaran aur ye saaraa kaa saaraa gareeb ke lie ek jatil sameekaran thaa.
—firakittee bhaasan dain lagyau!


—chachaa, tum samajhe hee naheen! main bhaashan men kavitaa aur kavitaa men bhaashanabaazee karataa hoon. samaanataa to bataa deen, antar ye thaa ki do aprail ko kriket ke bahaane bharapoor nartan kaa maukaa thaa aur nau ko sarakaar kaa baaundree men annaa kaa parivartanakaamee chaukaa thaa. annaa ne koee chhakkaa naheen maaraa. sarakaar kee baaundree men hee rahakar, chaukaa maarakar, chaunkaa diyaa chaar din men, varanaa sarakaar ke chaukaa-choolhaa band hone kee naubat aa jaatee. sarakaar jaanatee hai ki achchhaa nartan aur sachchaa parivartan yuvaa peedhee hee kar sakatee hai, isalie samajhadaaree se kaam liyaa. akad kee jakadabandee chhod dee. kapil jee bhee theek kahate hain ki yah bil desh kee saaree samasyaaen to naheen sulajhaa degaa. koee bhee bil paas hogaa, snvidhaan ke daayare men rahakar hee to hogaa. lokapaal aur janalokapaal ke oopar bhee koee hogaa ki naheen. oopar rahegaa snvidhaan. aur ye annaa hajaare, kyon lagate hain pyaare? isalie ki sabako lagataa hai ki jitanaa dhaval unakee topee aur kurte kaa rng hai, utanaa hee doodh dhulaa unakaa antar-bahirng hai. teevee men sabane dekhaa ki annaa kee topee par kuchh makkhiyaan baith jaatee hain, isalie main unase kahoongaa ki saare ‘vaam’devon, ‘raam’devon, ‘naam’devon, ‘daam’devon, ‘kaam’devon aur ‘taamajhaam’devon se bachanaa! aisee ho tumhaaree vyooh-rachanaa.
—san gyaarah kee nau aur do aparail kee baat sun laeen, ab nau do gyaarai hai jaa.

darogaa jee samajh naheen paae

(samajhadaar bhaashaa kaee baar naasamajhee kee jananee ban jaatee hai.)
haae haae!
darogaa jee
kuchh samajh naheen paae!

aashchary men jakade gae,
jab sipaahee ne
unhen bataayaa—
raamasvaroop ne choree kee
falasvaroop pakade gae.

darogaa jee bole—
ye kyaa ragadaa hai?
raamasvaroop ne choree kee
to bhalaa
binaa baat falasvaroop ko
kyon pakadaa hai?
sipaahee
baar-baar doharaae—
raamasvaroop ne choree kee
falasvaroop pakade gae.
pakade gae jee pakade gae
pakade gae jee pakade gae!

darogaa bhee lagaataar
us par akade gae.

drishy dekhakar
main achnbhit ho gayaa,
laaparavaahee ke
aparaadh men
bhaashaa-jnyaanee sipaahee
nilnbit ho gayaa.

donon gharon men farak hai

(ghar saaf-sutharaa rakhen to aangan men khushiyaan thirakatee hain.)


farak hai, farak hai, farak hai,
donon gharon men farak hai.

havaa ek men saaf bahe,
par dooje men hai gandee,
dooje ghar men naheen
gandagee par koee paabndee.
yahaan lagataa hai ki jaise narak hai.
donon gharon men farak hai.

pahale ghar men saaf-safaaee,
ye ghar kaashee kaabaa,
yahaan n koee ragadaa-tntaa,
naa koee shor sharaabaa.
isee ghar men sukhon kaa arak hai.
donon gharon men farak hai.
gndee havaa neer bhee gndaa,
din bhar maaraamaaree,
binaa bulaae aa jaateen,
dooje ghar men beemaaree.
is ghar kaa to bedaa garak hai.
donon gharon men farak hai.

gar ham chaahen
achchhee sehat,
jeevan ho sukhadaaee,
to fir ghar ke aasapaas,
rakhanee hai khoob safaaee.
saaf ghar men khushee kee thirak hai.

farak hai, farak hai, farak hai,
donon gharon men farak hai.

prathamaank vimochan

madhyottaree kalaa sngam

lok kalaa v snskriti kee timaahee

snpaadak : ashok chakradhar

is ank men

is ank men jahaan ek or gaveshanaatmak aalekh hain vaheen doosaree or kavitaaen aur kahaaniyaan bhee hain. braj ke lokanrityon, muhoort, lokadharmee naaty parnparaa, aalhaa, birahaa, nautnkee, bundelakhnd ke paarnparik lok-chitraankan, lok kalaaon men striyon kee bhaageedaaree, prayaag, nimaad, sonabhadr ke saanskritik sndarbh, boondee kee kalaa, ilaahaabaad sngrahaalay aur aalok puraanik kaa yaatraa vrittaant, kunar bechain aur vishnu saksenaa ke geet, neelim kumaar, sudheer, maheshvar kee kavitaaen, naresh shaandily evn do. somadatt sharmaa ke dohe aapako samakaaleen kavitaa se roobaroo karaaenge tathaa pradeep chaube kee vyngy chhanikaaen gudagudaaengee aur bhee bahut kuchh milegaa aapako is ank men.

dinaank : 12 aprail, 2011 samay : 6.30 baje, saayn

prekshaagaar : indiyaa haibitet sentar, naee dillee

saath hee paarvatee baaul prastut kiyaa jaaegaa