putr divas

safar se pooraa thak kar
kal raat ghar pe aakar
letaa jo bistar par
dabe paanv kamare men
daakhil huee theen tum maan .

meree aankhon se
chashmaa hataa kar
kitaab rakh mej par
odhanaa odhaa kar
baalon men haath fer
nihaaratee rahee theen tum maan.

us sparsh ne naa jaane
kitane naye puraane
jagaa diye afasaane
jo tere mere saajhe
sadaa rahe hain maan .

raat kahaanee sunaanaa,
fir loree gaanaa,
peeth thapathapaa kar meree
sadaa uchhaah badhaanaa
tere kaaran hee aage
badhataa rahaa hoon maan .

chot jo lagee mujh ko
maraham us pe lagaanaa
mere dard men aansoo
mere saath bahaanaa
sadaa meree khushiyon men
haule se muskuraanaa
tumhaare sivaa kaun
karataa rahaa thaa maan .

maatridivas to aaj manaa rahe hain sabhee
tumane to har din putr divas hee manaayaa
hain naa maan ?
btogar bndhu bhaginiyon ko saadar namaskaar . kuchh dinon tak safar men hoon koshish karoongee ki vtog padhatee rahoon .
par aap meree majabooree samajh hee lenge aur tippanee men der huee to kshamaa bhee kar denge .

kuchh aur tridal

aadhee raat
lagaayen ghaat
chor aur premee .

havaa aur man
binaa tan
lagaayen daud .

kisee ke aansoo,
kisee kaa paseenaa,
donon paanee .

netaa aur gunde
dono mustnde
dono looten .

sab beeemaan
bech ke eemaan
dafanaate jameer .

janataa bechaaree
jhooth se haaree
kare samajhautaa

jaisee janataa
vaisaa netaa
kitanaa sach .

betiyaan

garmee men khushaboo vaalee, havaa see, ye betiyaan,
sardee kee dhoop gunagunee jaisee ye betiyaan .

ghar men suron kee taan see bahatee ye betiyaan,
har roj ek kahaanee kahatee ye betiyaan .

jeevan ke rng bhee aur mithaas betiyaan,
har din rachatee koee itihaas betiyaan .

har ghar kaa roop, rng, aur laavany betiyaan,
koshish hamaaree ho ki hon sammaan betiyaan .

mamataa kee mooratee to hongee hee betiyaan,
banen apanee aur hamaaree taakat bhee betiyaan .

hon devee shaaradaa kee upaasak bhee betiyaan,
karen naam apanaa roshan duniyaa men betiyaan .

beton ko ham sikhaayen maan karanaa bahan kaa,
beton se kam kaheen nahee, hotee hain betiyaan.

najaakat to milee hai saugaat men inhe,
banen khud hee apanee rakshak hamaaree ye betiyaan

apanee ho yaa paraaee har naaree hai insaan,
betee teree yaa meree, ik see hai betiyaan .

tab hee pragat aur sabhy desh, ye kahaayegaa,
nishnk aur nidar jab chal paayen betiyaan .

betiyon ko garbh men hee maarane vaalon,
duniyaa hee mit jaayegee jo hongee n betiyaan .

raam janm

ayodhyaa aaj huee hai dhany
dasharath ghar goonje mngal gaan,
upaje putr chaar kul deepak
ateet kaa shaap banaa varadaan .

harshit teenon hee maataayen
sutamukh dekh tript man-kaam
raam, lakshman, bharat shatrughan
aaj avadh aannd ko dhaam .

kaushalyaa, chakit aur vismit
pragat bhaye karunaa nidhaan,
dhany huee hai kokh aaj lagi,
satajanm puny kaa ye varadaan .

putr janm utsav nagaree men
jan jan harashe, man abhimaan
kaushalyaa ghar prabhoo pragat bhaye
baalak ati sundar abhiraam .

charchaa kare nagar nar naaree
nndan, manamohak ghan-shaam
dekhat man aannd se dolat
tan-man pulak, ashru aviraam .

mudit bhaye mahal bheetar sab
nagar bhayo aannd ko dhaam
sooraj bhee ruk gaye do pahar
kyaa aisaa ghatagayaa anaam .

6 tridal

sindooree aasamaan
tumhaaree chunaree
failee ho jaise

neelaa saagar
bhooree ret
aankhen aur dil .

saletee kaalaa,
raat kaa saayaa
gaharaataa dukh .

taare timatim
koee to kiran
roshanee kee .

lnbee raat
binaa baat
khinchataa maun .

suhaanee havaa
bhor ke pnchhee
aas jagaate .

khyaalee pulaav

netaa jo beeemaan kam hote
logon ke ve devataa hote .

chhodate jo pachaas pratishat bhee
pragati men aaj ham kahaan hote .

jo logon ke liye pulis hotee,
log bhee fikramnd naa hote .

aatnkee paidaa bhee tab nahee hote
galat karane se pahale ghabaraate .

padhaate shikshak jo klaas men dil se,
to koching klaas bhee kahaan chalate .

paidaavaar aatee jo sab bajaaron men
cheejon ke oonche daam, kayoon hote .

godaamon men gehoon fir nahee sadataa
apane bhndaarak hee jo sahee hote

sab ko jo kaam kaaj mil jaataa
itane utpaat tab nahee hote .

nyaay kee prakriyaa gar aasaan hotee,
itane anyaay jag men, kyaa hote ?

ghoos se kaam ham n karavaate
tab to fir ghoosakhor naa hote .

khyaalee pulaav pakaao mat aashaa
itane sapane, kab, kisake, sach hote .

mausam

havaa men namee hai thodee aur halakee see garamaahat
shishir vidaaee le rahaa, aur vasnt kee hai aahat .

kaheen khil rahe hain palaash aur fool uthe hain kaheen semal,
naye naye foolon kee khushaboo bheenee bheenee aur komal .

koyal kee kook kabhee kabhee ab goonjatee hai amaraaee men,
rng chhalakane hee vaale hain raadhaa kee anganaaee men .

man rngeelaa tan rngeelaa kaisee ye tarunaaee hai
isake chalate vridhdon nen bhee josh kee been bajaaee hai .

dharatee kee dhaanee chunariyaa saj gaee peele booton se
sarason ke laharaate khet ye, sonaa bikharaa ho jaise .

havaa basntee chalee bajaatee, runajhun kaano men paayal,
kaun hai aisaa jo n huaa ho is madhuvnshee kaa kaayal .

yah mausam thode din kaa hai, isako ham bharapoor jiye
fir n garamiyon se tng honge in yaadon men jo khoyen .