b.j.p men kendreey netritv parivartan,chhatteesagadh men raman snkat ?

lokasabhaa chunaav men karaaree haar ke baad ab bee.je.pee men chaal, charitr aur cheharaa badalane kee kavaayat tej ho gayee hai jisake chalate bee.je.pee ne sabase pahale vo chehare hee badal daalen hai jinakee vajah se pichhale chunaav men unhen haar kaa munh dekhanaa padaa hai, paartee ke sheersh netaa laalakrishn aadavaanee kinaare kar die gae hai vaheen paartee adhyaksh raajanaath sinh ko bhee bahaar kaa raastaa dikhaa diyaa gayaa hai nae adhyaksh ke roop men sngh ke najadeekee maane jaane vaale nitin gadakaree ab paartee kee kamaan snbhaalengen ! desh ke aath raajyon men bee.je.pee.yaa usake samarthan se sarakaaren chal rahee hai, baat agar chhatteesagadh kee kee jaaye to chhatteesagadh men bee.je.pee kee ye doosaree paaree hai, aur doosaree baar bhee mukhyamntree raman sinh hee hai, raman sinh paartee ke poorv adhyaksh raajanaath sinh ke kaafee kareebee rahe hai raajanaath ke rahate raman sinh kee kursee hilaane kee koshish paartee ke hee saansad aur vidhaayako ne khoob kee lekin raman sinh par raajanaath kaa haath rahate unakee ek n chalee ! kabhee aadivaasee raajy hone kaa havaalaa dete hue paartee ke aadavaasee vidhaayak aadivaasee mukhyamntree kee maang par ade rahe, to kabhee raman sinh ke khilaaf ek hue ye aadivaasee vidhaayakon ne aadivaasee eksapres ke naam se muheem chhedee aur svarn mukhyamntree kaa virodh kiyaa doosaree taraf paartee ke varishth netaa v saansad ramesh bais ne bhee o.bee.see kaard khelaa lekin raman sinh kee kursee ko hilaane men naakaam rahe, bastar ke saansad baleeraam kashyap ne bhee sarakaar kee kaaryapranaalee par lagaataar savaal uthaate rahe lekin in sab ke baavajood aalaa kamaan kee nazaron men mukhyamntree do. raman sinh chhaae rahe aur mukhyamntree kee khilaafat karane vaale chhatteesagadh bee.je.pee ke sabhee bade netaaon ke haath maayoosee hee lagee ! lekin bee.je.pee kee kamaan ab gadakaree ke haathon par hai aur lambe samay se bnd padee is muheem ko fir se havaa milee hai paartee men naaraaj chal rahe netaa ek baar fir se raman sarakaar ko snkat men laa sakate hai? raman sinh ke lie bhee ab tasveer kuchh badalee huee hai pahale raman sinh ke saath khade raajanaath ab door nazar aa rahe hai kaheen ye n ho ke mukhyamntree virodhee lahar chhatteesagadh kee raajaneetee men ek nayaa mod laa de ? doosaree taraf paartee ke nae adhyaksh nitin gadakaree ke lie bhee is chunautee se nipatanaa mushkil ho sakataa hai ek taraf to paartee ke bade netaa hai to doosaree taraf mukhyamntree do.raman sinh kee saaf- sutree chhavi ! ye dekhanaa dilachasp hogaa kee raajaneetee ke is khel men shay aur maat aakhir kisakee hotee hai !!