chalie ...jmee par khudaa dhoondhte hai !!!

main... ek din kuchh apanee jindagee se pareshaan ...apanee kismat kaa hisaab kitaab kar rahaa thaa , hazaaro savaal mere ird gird ghoom rahe the aur mujhe chidhaa rahe the baar baar mujhase ye kahate ...aakhir main hee kyoon ? hameshaa mere saath hee aisaa kyoon hotaa hai ? ye takaleefen ye museebate hameshaa mujhapar hee kyoon aatee hai ? isee tarah ke hazaaro savaal meree becheniyon ko aur bhee badhaa rahe the ,savaal jo kabhee thamane kaa naam hee naheen le rahe the ?...aur javaab jo mujhase koso door the ...kaheen sunaa thaa ke khudaa to har jagah hai to lagaa ke jmee par khudaa dhoondhte hai ....

abhee bas chalanaa shuroo kiyaa hee thaa ke achaanak nazar us jagah par padee jahaan kabhee doston kee mahafile sajaa karatee thee , usee jagah ek dost bhee milaa musaafiron kee tarah ...mulaakaat bahut dinon ke baad thee shaayad isalie milanasaaree bhee kuchh kam naheen thee , mainne usakaa haal chaal jaanaa aur apanaa bhee bataayaa ...kuchh haalaat munaasib naheen hai kuchh pareshaan saa hoon ...usane saaree baaten sunakar mujhase kahaa ...fikar mat kar yaar ...ek din sab theek ho jaaegaa ...bhagavan sab theek kar degaa ...usake paas naa hee mere koee savaalon kaa javaab thaa aur naa hee meree kisee pareshaaniyon kaa koee hal ...lekin fir bhee usakee baat mujhe sukoon pahunchaa rahee thee ...shaayad vo jo kah rahaa hai vaisaa hee kuchh ho ?....thodee see ummeed lie main apanee agalee mnjil kee taraf chal nikalaa ...

safar to lnbaa thaa lekin pareshaaniyaan bhee saath chal rahee thee ...thodee door tak chalane ke baad ,meree yaamaahaa khraab ho gaee , kuchh door dhakkaa dene ke baad mujhe ek bord dikhaa { satapaal sarvising sentar } likhaa thaa ... hamaare yahaan ॥hondaa yaamaahaa skootar theek kiyaa jaataa hai mainne use pareshaanee bataaee aur baaik banavaa kar chal diyaa ...dhup thodee badh rahee thee ...galaa bhee sookh rahaa thaa ...sadak par hee ek ganne ke ras kee dukaan thee { bajarng gannaa ras } ek gilaas peene par gale ko badaa hee sukoon milaa ...lekin main thodaa jaldee men thaa ...main vahaan se chalaa gayaa ...jis kaam se aayaa hoon vo to abhee tak puraa huaa naheen hai ...chaloon apanee talaash jaaree rakhoon ...

shaam hote hote main kuchh naaumeed saa hone lagaa , main jisakee talaash men nikalaa hoon vo to mujhe kaheen naheen milaa ...subah se shaam hone ko hai , savaal fir se the kyaa main fizool mahanat kar rahaa hoon kuchh naheen milanaa julanaa hai ...sadk ke paas apanee baaik khadaa kar ke baithaa rahaa ...sadak par sanasanaatee bhaagatee gaadiyaan aur haarn kee tej aavaaz ... thodee der baad mainne apane doston se fon par baat kee aur unhen apane paas bulaayaa ...shiv to aa gayaa lekin khomendr ko aane men vakt lagaa ॥use aofis men kuchh ziyaadaa kaam thaa ...main aur shiv aapas men baat karate rahe ॥isee beech mainne apanee aofis se jude kuchh kaam use bataaye aur usane use muskuraate hue karane kee baat kahee ...mujhe thodaa kaa sooku aur milaa unakaa javaab sunakar ...khomendr bhee apane kaam se kuchh pareshaan thaa vo mujhe apanee pareshaaniyaan bataa rahaa thaa ...mainne use sab theek hone kaa bharosaa diyaa aur raat hone kaa havaalaa dekar sab apane apane ghar aa gae !

raat thodee ziyaadaa hone kee vajah se ghar kee laait bnd ho gaee thee ॥mujhe lagaa sab so rahe hai ...lekin aisaa naheen thaa meree aahat sunakar ammee aur abboo jaag gae shaayad vo soye hee naheen the ...vo meraa intajaar kar rahe the ...mere kamare men aakar abboo ne puchhaa ...anavar too aa gayaa ..main ...haan ... tab hee ammee kee aavaaj aaee ..khaanaa likaal doon ... main ..haan ...khaanaa khaa lene ke baad bistar par lete hue sochataa rahaa ...aakhir khudaa hai kahaan ? ....is jmee par usake naam kaee hai koee khudaa kahataa hai to koee bhagavaan koee rab ...to koee aur kuchh kahataa hai lekin vo hai kahaan jise main din bhar dhoondhataa rahaa vo is zameen par hai bhee yaa naheen ???....thodee der sochane par mujhe isakaa javaab mil gayaa !!!

jindagee ....

jindagee shabd hee apane aap men bahut prabhaavit karene vaalaa shabd hai ise jaanane kee koshish to sabhee ne kee hai lekin ise samajhanaa badaa hee kathin hai ?...is saral se shabd ke peechhe insaan kee saaree jindagee ke raaj chhupe hue hote hai ...insaan jindagee se sab kuchh chaahataa hai ...har chhotee badee khushee ...hazaaron hasaraten lie sab kuchh haasil kar lenaa chaahataa hai ...kisee ko saaree kaayanaat to kisee ko chhotaa saa aashiyaanaa ...har koee apanee jindagee men khushiyon ko talaashataa ...insaan ...ye bhool jaataa hai jo usake saath hai vo hee usakee khushiyaan hai ...vo dhoondhte rahataa hai...saaree jindagee ...thodaa saa sukoon...kisee ko milataa hai ...kisee ko milataa bhee naheen ......

har soorat ke peechhe kitane khaab hai ...aur unhen hakeekt men laane ke lie kitanee jaddojahad...har lamhaa isee bekaraaree ke saath gujr jaataa hai...kaheen peshaaniyon men shikan hai ...to kaheen chamakatee aakhon men sunahare khaab ...lekin khvaaishen har vakt jindaa rahatee hai ...isee ummeed ke saath ke kabhee to vo pureen hongee ...jindagee ne hameshaa sabhee ko kuchh to diyaa hai ...kisee ne kuchh haasil kiyaa to kisee ne kho diyaa ....

ummeedon kaa safar hameshaa jindagee ke saath chalataa rahataa hai ...vo kabhee thamataa naheen ...thakataa bhee naheen ....haan ...kabhee kabhee thodaa udaas kabhee thodaa pareshaan saa jroor hotaa hai lekin kabhee haarataa naheen hai ...kaee mushkilen kaee pareshaaniyon se gujrataa hai lekin ye safar badastoor chalataa rahataa hai ...

jindagee badee dilachasp hai ...kisee ke lie sab kuchh ...to kaheen sifar hai ...kaheen khushiyaan to kaheen aasoon hai ...kaheen dard hai to kaheen raahat bhee hai ...kaee aarazoo apane par failaaye aasamaan kee bulndiyon ko chhu lenaa chaahatee hai to kaheen chhote se khaab hai kaheen chhotaa saa aasamaan ...jindagee har haal men khubasurat hai ....

mujhe khbar naheen ...

bhaarat men hue 26/11 ke aatnkee hamale ke baad mile saboot men paakistaan kaa haath hone kee pushthee se bhaarat ne paakistaan par dabaav banaanaa shuroo kar diyaa hai , vaheen chautarafaa dabaav ke chalate paakistaan ne bhee aatnkee sngathano par sheeknzaa kasanaa shuroo kar diyaa hai ॥lekin mujhe khbar hee naheen ...

desh aur videsh men chhaaee aarthik mndee se nipatane ke lie saarthak kadam uthaaye jaa rahe hai , nijee kampaniyaan kharch kam karane ke lie kaast kating men lagee huee hai , hajaaron naukariyaan jaa rahee hai sheyar baazaar kaa haal behaal hai ...lekin mujhe khbar hee naheen ...

desh kee raajaneetee men amar sinh jaise netaaon kee dakhalndaazee badh gaee hai lenn den aur gathabndhan kee raajaneetee shuroo ho gaee hai bahan jee kaa janmadin chnde se manaayaa jaataa hai chndaa naa milane mar jaan se maar diyaa jaataa hai ...fir usee laash par raajaneetee kee jaatee hai ghapalon aur ghotaalon men bade bade netaa aur mntree fes hue hai kes chalataa rahataa hai ...lekin mujhe khbar naheen ...

pados ke hee ghar se ek mahilaa kee aavaaj aane lagee ...suno raashan kee dukaan men { sarakaaree } chaanval aur shakkar aa gaee hai yaad se laa lenaa ॥pataa naheen is baar kaisaa hogaa pichhalee baar to bahut knkar the ...aur haan ...aate aate bachchon kee skool kee fees bhee de aanaa ...main shaam ko doodh vaalee ko paisaa de aaungee ..he bhagavaan ..pataa naheen ye kaam vaalee ko kyaa huaa hai do dinon se aa bhee naheen rahee hai ...itanaa kuchh ho rahaa hai ...lekin...mujhe khbar naheen ....

desh men kitane ese bachche hai jo baal shramik hai jo skool naheen jaate , jinakaa koee sahaaraa naheen hai ...kitane ese log hai jinhen do vakt kee rotee bhee naseeb naheen hotee hai ...raat men bhookhe sote hai ॥sone ke lie bhee jagah naheen milatee ...roj jo jindagee se ladate hai ...kitane ese hai jo tren yaa bas ke peechhe daudte rahate hai bhaagate rahate hai ...kisee kee naukaree to kisee ko usakee talaash ...har koee pareshaan saa hai ...apanee hee majabooriyon se bndhaa hai ...lekin mujhe khbar naheen ...

kitanaa bebas hai aaj kaa insaan ...sab kuchh dekhataa rahataa hai ॥sab jaanataa bhee hai ...lekin kuchh naheen kahataa ...jindagee kee is ulajhanon men fasaa insaan ...fasaa hee rah jaataa hai ...koee koshish karataa hai to koee karataa bhee naheen ...badaa laachaar saa hai ..ye vo insaan hai jise log aam insaan kahate hai ..vese to ye aam insaan bhee badaa khaas hotaa hai lekin kabhee kabhee ...ye sab kuchh jaanataa hai lekin kahataa hai ..mujhe khbar naheen !!!

chaharaa ..chahare par ...chaharaa ...???

tejee se bhaagatee huee jindagee men n jaane kitane chahare dekhen honge ... sadak par ...chauk ..chauraahon par ..yaa kisee baazaar par ...har chaharaa jaise kuchh kah rahaa ho ...koee apanaa koee anajaanaa saa ...kisee chahare par khushee ...to kisee par shikan ...kuchh majaboor ..to kuchh laachaar ...kuchh dard ko chhupaate hue chahare par muskaan lie ...to koee sach men khushee kaa ahasaas karate hue ...kitane chahare ...kuchh yaad hai kuchh bhool gae ..........chahare ...kitane ...chaharo par chahare ..kitane ...kabhee sochaa hai ???

kudarat se hame jo ek chaharaa milaa hai , us chahare par ham n jaane kitane chaharon kaa bhojh lie ghoom rahe hai ? ...yoon to chaharaa ek hee hotaa hai lekin doosaro kaa use dekhane kaa najriyaa alag alag hotaa hai ...har shaks ke lie ek nayaa chaharaa ?...apanee kaar se jyaadaa chamachamaatee apane mitr kee kaar dekh use door se muskuraate hue haath hilaanaa ...aur milakar apanee mitrataa kaa parichay denaa ....fir thodee hee door kisee trefik men fas kar kisee ...rikshe ॥yaa thele ..vaale par apanee shaaleenataa kaa parichay denaa ?...

aofis pahunchate hee ...bahaar khade gaad se kahanaa ...abe oye ॥idhar aa ..ye le paisaa ..falaan cheej lekar mere chaimbar men aanaa ..aur haan ...jaldee aanaa ...samajhaa naa ...aofis kee mahilaa rishepshananist ke helo ..kaa muskuraate hue javaab denaa ..aur fir apane chaimbar kee taraf chale jaanaa.....bos ke bulaave par ...unake saamane ...sar ..sar ...sar ...main ise abhee dekh letaa hoon ...dubaaraa esaa naheen hogaa ?..bahaar nikalate hee ...apane kalig se ...bahut hee sanakee aadamee hai ye ...ise to dekh loongaa ?...haath men saamaan lie khadaa gaad..sar ...hmmm ...jaa vahaan rakh de ?...

halaanki ye to kisee upanyaas ke beech kaa hissaa lagataa hai ...lekin is baat men kaee had tak sachchaaee chhupee huee hai ...har kisee ke lie ham apane chahare ...charitr ko badalate hai...har kisee kaa najriyaa hame dekhane kaa alag hotaa hai ...naa jaane har roj ham kitane chahare badalate hai ...kuchh log apanon kee shakl men to hote hai ...lekin apane kabhee naheen ho sakate ?...kabhee paraayaa saa lagane vaalaa hee apanaa ho jaataa hai ....

shaayad dusare ko dekhane kaa hamaaraa ye najriyaa ....vo saamaajik najriyaa ho sakataa hai ...jisame ham pad..paisaa ..yaa povar ke aadhaar par tulanaa karate hai ?... lekin kaheen n kaheen ham apane khud ke vajood ko khatm karate jaa rahe hai ?...khud apane chahare par itane chahare lagaate jaa rahe hai ॥ke khud ko pahachaananaa bhee mushkil hotaa jaa rahaa hai ?...kisee vidvaan ne kahaa hai ..aap kaa asalee chaharaa vo hee hai ....jis tarah aap apane naukar se pesh aate hai ...