mujhe bhee apanee zindagee jeene do ,
mainne bhee aakhon men kaee khaab sajaae hain !!!
************
*********************
************************************
bhaarat ke nakshe me agar aap ne kaheen chhatteesagadh ko dekhaa hai yaa ise jaanane kee koshish kee hai to bastar kaa zikr jrur aayaa hogaa ? bastar men rahane vaale aadivaasiyo ko jaanane kee unake jivanashailee ko najdeek se samajhane kee jijnyaasaa ham shaharee logon ko kuchh jyaadaa hee rahatee hai , yahaan tak ke videsho tak se log inapar adhyan karane ke lie chale aate hai lekin inake dard ko aaj tak shaayad hee kisee ne samajhaa hai yaa mahasoos kiyaa hai ?
naksalavaad kee maar jhel rahaa bastar in dinon ek aise vinaash kee or badh rahaa hai jisakaa andaajaa n vahaan rahane vaale logon ko hai aur kaa sarakaar ko ? naksalavaad ko jad se khatm karane ke lie chalaaye jaa rahe salavaa judoom kaa anjaam itanaa bhaynkar ho sakataa hai ke kaheen aisaa n ho ke bastar se aadivaasiyon kaa astitv hee samaapt ho jaae ?
naksalavaad se nipatane ke lie salavaa judoom kaa janm huaa , salavaa judoom men vo aadivaasee shaamil hue jo naksal peedit the , gaanv ke gaanv khalee ho gae aur kampe men rahane lage , lekin ab bhee bahut se aadivaasee apanee jmeen apanaa ghar apanee mitatee ko chhod kar nahee rahanaa chaahate hai vo apanee hee jmeen men jeenaa maranaa chaahate hain ,lekin aise aadivaaseeyon ko ab apanee marjee se apanee zindagee jeene ak hak nahee hai , unakee aazaadee men n jaane kyon grahan lag gayaa hai , gaavn men rahate hai to salavaa judoom ke log unhen naksaliyon kaa samarthak kahate hai ,gaavn men rahate hai to naksalee unhen jeene nahee dete , gaavn men rahate hai to unhen koee bhee sarakaaree suvidhaaen nahee milatee hai, itanaa atyaachaar aadivaasiyon ke saath kyon kiyaa jaa rahaa hai aakhir usakaa kasoor kyaa hai ? vo bhole bhale maasoom apanee zindagee apanee tarah se jeenaa kahate hai lekin unhen vo bhee nahee diyaa jaa rahaa hai aakhir unakaa dard kaun samajhegaa ? unakee aakhon men jeene kee ummeed hai , unhonne bhee kaee khaab sajaae honge , unhen kisee ke sahaare kee jroorat bhee nahee hai naa hee unhen duniyaa kee fikr hai , vo jis haal men hai khash hain , unakaa koee kasoor nahee hai naa vo naksalee hai naa vo salavaa judoom se jude hue hai aur naa sarakaar hain ,
shukr hai is haal men bhee use jeene kee aas hai !!!!!!!!!!!!!!