notabuk !!

• disnbar kee us sard raat bistar par usake baajoo men letaa usakaa nanhaa achaanak usase poochhataa hai "oopar bhagavaan jee ke paas daark gre rajaaee hai paapaa ! "

vo kisee kitaab se baahar nikalataa hai "daark gre " ?
"tabhee to vo kisee ko naheen dikhatee" chhotaa dheeme se fusafusaataa hai .
bachapan kaa eeshvar skool men bhee rahataa hai !

• likhanaa daraasal apane aap ko eksatend karane jaisaa hai . 12 saal kee umr se 35 ke beech kahee bhee aasaanee se daudaa jaa sakataa hai .binaa girane kaa dar lie .likhanaa daraasal dobaaraa kuchh raasto par gujaranaa hai. kuchh kivaado ko kholanaa .

• apane ko sunane kaa vaqt duniyaa ke sabase achchhe vakto men se ek hai !

• kbhee kabhee ubataa hai vo bhee is sadak se ,apane aofis se , apanee resepshinist se , ,chillaate rediyo jaukee se ,akhabaar ke khel panne se ,seminaaro men falasafaa padhte bujurgavaaro se . kyaa ubataa hogaa prem geet likhane vaalaa lirist bhee kabhee prem se ? pujaaree bhee eeshvar se ? maalee bhee gulaab se ? parinde bhee aasamaan se ? koee puraanaa makaan kisee galee se ? sanyaasee snnyaas se ?

• duhkh kee tarah sukh ke bhee ab sthaaneey dhruv hai !

• paark kee bench par khaamosh baithaa vo bujurg aaj udaas hai .roj kabootaron ko daanaa daalane vaalaa vo shakhs kabhee daanaa bechane vaale bachche se maul- bhaav naheen karataa . jeevan ke kuchh sandarbh taatkaalikataa se upajate hai .bachcho kee apanee duniyaa hai , unakee duniyaa men chahalakadamee saamaany naheen hotee . . aadhunik duniyaa kee bhee apanee roodhiyaa hai .aadhee umr ke baad apane jeevan saathee ko khonaa jyaadaa takaleef deh hai. koee yog koee elopaithee apanee snvedanaa ko bachaaye rakhane kee "ekasarasaaij" naheen khoj paayaa hai .

duniyaa ke ek hisse men jeevan bhee ek bhautik kriyaa hai !

• sb premikaae ek see naheen hotee . sab chokalet kutar kutar kar naheen khaatee ,sabako gulaab pasnd naheen hote ,sab baal khule rakhakar sundar naheen lagatee .sabase pyaar karane ke baad aap men or pyaar naheen jaagataa .(sab premikaae naheen daratee kokaroch se ,sab naheen padhatee vumen maigajeen ,sab naheen jaatee avasaad men brek ap ke baad ,sab kaa fevaret naheen hotaa pink kalar ,sabake lie naheen hotaa prem pahalaa or aakhiree.)

.roomaanee duniyaa kee bhee apanee snkeernataaye hai

• aarambh or ant ke beech kuchh cheejon kaa upasthit honaa anivaary naheen hai .jeevan or mratyu ke beech ek cheej or hai jisakaa jikr kisee kitaab men naheen hai . aaee. see. yoo ! jahaan har bed ke saath ek kaagaj atechd hai . bed nnbar ek gyaarah laakh , bed nnbar do pndrah laakh bed nnbar siks baaees laakh . paise apane saath itihaas naheen laate ,naa upajee paristhitiyaa ! akaaunt dipaartamenta kaa knpyootar bed nnbar siks kee gaanv kee bikee jameen ko bil kee risipt men darj naheen karegaa . aspataal ke beecho beech ek mndir bhee hai

• eeshvar kaa bhee traansafar hotaa hai !

yadi jnyaan detaa manushyatv to / buddhimaano men naheen hotaa "igo " ./ sukho ke naheen hote paale / duhkh hote smritiheen / prithvee naheen badalatee bhoogol apanaa / roj naheen ugate nijee eeshvar / badhte naakhoonon kee tarah roj badhataa prem / tum jab likhate kavitaa / vo naheen sahejataa din bhar bhookh.

Ctrl +Alt + Love

vo de skolar thee ghar se kolej .......kolej se ghar ....us umr kee jyaadaatar ladakiyon kee tarah .jo apanee maan ko din bhar kee saaree baat bataatee.hai ...un saheliyo ke saath usakaa jyaadaa vaqt bitaatee jo skool taaim se usake saath thee ...topar khaanadaan kee topar bitiyaa ... kul jod nikaale to ek aadarsh ladakee ......or vo hostal vaalaa thaa ...usakaa apanaa bigadail gaing ...padhaaee men saadhaaran ....duniyaa kee jyaadaatar buree aadate usame thee ... .vo hameshaa agalee bainch par baithatee or vo pichhalee do baincho ke daramiyaan rahataa....... vo hameshaa klaas top karatee vo bamushkil paas hotaa vo apane men simatee or vo duniyaa bhar ke lie khulaa ...... aksar hospital ke baahar vaale kone men sigaret peete kabhee kabhee dikh jaataa yaa apanee "garl frend" ke saath kisee pikchar haul men .....usakee garlafrend jooniyar baich men thee ...jo jyaadaa vaqt jeens men rahatee ...kolej ke saare ladake jis par lattoo rahate ...usakee klaas ke bhee ...kul milaakar un donon ne aapas men poore teen saalo men shaayad chhah dafe baat kee ho ..goyaa ve n behad achchhe dost the n dushman .or haan use kabhee pyaar naheen huaa thaa or vo aathavee klaas men hee apane teechar ke pyaar kee pahalee kampalasaree shart pooree kar chookaa thaa .
unakee pahalee mulaakaat ........jise mulaakaat kahaa jaa sakataa hai kolej ke festival dinon men huee thee ..us din vo jab ghar se kolej ke lie nikalee thee to rediyo par "o hnsanee" baj rahaa thaa ......usakee "garlafrend "ghar gayee huee thee .... ...vo shaayad .kahee se bhaagaa aayaa thaa haanf rahaa thaa .....tabhee usane usase poochhaa thaa
tum meree paartanar banogee ?
gem thaa mel paartanar kee shev banaakar daudkar doosare kinaare jaakar ek medikal pajl solv karanee hai jo pahale karegaa vo jeet jaaegaa .
"mainne kabhee shev naheen banaayee"
usame karanaa kyaa hai ...ledar banaa kar shev karanaa hai fataafat .....kam aon !!
vo usake saath aayee hai .
vo shev karate vaqt usakaa cheharaa chheel detee hai ...par pajl solv paanch sekand men kar detee hai
ve donon jeet gaye hai....use .usake chehare par khoon dekhakar afasos hai vo rumaal se pochh rahaa hai.par jeet se khush hai.
vining gift hai ... shahar ke femas chaainaaiz resataronent men lnch ke do koopan agale ek hafte tak velid hai .
"sande chalogee .
"mammee se poochhanaa padegaa sande ke lie"
usake dost use aavaaj de rahe hai,
"ye koopan rakho ..agar mammee haan bole to sande mere saath chalanaa naheen to apanee kisee fevaret sahelee ke saath ho aanaa ...shanivaar ko meraa maich hai injeeyaring kolej se ..
usane soch liyaa thaa vo usake saath naheen jaayegee ...kal hee use koopan thamaa dengee .
agale teen din tak vo klaas men naheen aataa .....ajeeb ahamak hai use gussaa aataa hai ....usakee garlafrend dikhatee hai ..usase poochhoo kyaa ? naheen khaamakhaan pataa naheen kyaa sochegee ? par ye hai kahaan ?
shanivaar subah vo apanaa kaainetik kolej men paark kar rahee hai ....koee motarasaaikil aakar rookatee hai
kyaa kahaa mammee ne ? vahee hai
vo sar hilaatee hai
gud ....kainteen ke saamane theek ek baje .......furr se motarasaaikil se gaayab .
ajeeb aadamee hai ! pataa naheen vo isake saath kyon jaa rahee hai .. apanee garlafrend ko kyon naheen le jaataa ! vo apanee "best frend "kee sharan letee hai . difensiv mat rahanaa ...."ataik is best difens " vo tumhaaree aankhon kee taareef karegaa ,tumhaare kapado kee ....tumhaaree baat baat men taareef karegaa bhaav mat denaa .
sande dopahar ek baje kolej kainteen ke saamane
tumhaaree garl frend shahar men naheen hai kyaa
garlafrend ?
vo tumhaaree garlafrend naheen hai ?
saath ghoomane se koee garlafrend ho jaataa hai
vo use ghooratee hai ...aadhaa din tum log saath gujaarate ho .
hamm .vo apanee baaeek men jhukakar neeche kuchh chek karataa hai
"saath rahane se pyaar hone kee probebalitee jyaadaa hotee hai ".....vo fir kahatee hai
vo muskaraataa hai ."ladakiyon men "
haan ladakiyon men ...
jaanatee ho ham jisake saath vaqt gujaarate hai dil ke bheetare hisse se usake baare men sab jaanate hai ."..sab !!
vaise ham donon ke beech bahut achchhee andar stending hai vo kisee or ko pasnd karatee hai or ham donon ke beech pyaar naheen hone vaalaa
vo ab bhee baaeek men neeche jhuk kar kuchh kar rahaa hai
tumhaare baare men jyaadaatar logo kee raay achchhee naheen hai
use lagaa vo baaeek chhodkar gusse men khadaa hokar kuchh kahegaa .par vo neeche jhukaa huaa kahataa hai
"opiniyan pol" haaeeve ke trak draaivar kee tarah hote hai ..un par etabaar naheen karanaa chaahie ...or ye achchhee buree cheeze badee kamaal kee hotee hai ... shaayad pndrah saal baad achchhaa" buraa" ho jaae or buraa "achchhaa "
fir najare uthakar usakee aankhon men dekhataa hai ....kabhee draaiv kiyaa hai haaee ve par
fir saath kyon ghoomate ho
ham donon ek doosare kee kampanee relish karate hai ....daits eet .
usane raaste men kahee brek naheen maare ...baaik bhee tej naheen chalaayee...vo pichhalaa hissaa pakad kar sef distens par baithee rahee .par usake dyoo kee khushabu achchhee hai
usakee baaeek chaaineej restrorent ke baahar aakar rukee hai
....tum non vej khaatee ho ?
aaee lav non vej .mammee ke haath kaa khaayoge to ungaliyaa chaatate rah jaaoge
vo usakee or dekhataa hai " mainne abhee abhee relish karanaa seekhaa hai ...ek seeniyar haan or naa ke beech thaa to apanaa duhkh baantane ke lie yahaan le aataa thaa.....mai sirf soop peetaa or usakee baat sunataa dheere dheere jab test devalap huaa to usakee garlafrend ne haan bol dee or .....aaee o dis test too deyar lav ...
"relish "!! tum cheejon ko relish bahut karate ho
vo not karatee hai ..... usakee ek din kee badee daadhee hai green green see...... shev banaakar bhee naheen aayaa bevakoof ! vo hotee to ........
.restaraa men "o hnsanee "kaa instroomental baj rahaa hai
mujhe ye gaanaa bahut pasnd hai vo kahatee hai
mujhe bhee
vo batalaanaa chaahataa hai vo apanee so kaald garlafrend ke saath do baar aayaa hai par jaane kyon ruk gayaa hai .is ladakee ke andar ek ajeeb saa inosens use pasnd hai ...ghar lautate vaqt vo yaad karatee hai usane usakee taareef bilakul naheen kee vo apane maich , kriket or injiyaarning or medikal kolej ke fark kee baat karataa rahaa.....or jagajeet sinh ke baare men ......use gajale samajh naheen aatee .

o hnsanee meree hnsanee
usake baad ....usake kaainetik ke paas se koee tejee se gujarataa or jor se "hailo" kahakar daraa detaa,
ek sande vo subah subah kisee guroodvaare se nikaalataa takaraa gayaa .....yahaan ?
guroodvaare kaa prasaad bahut achchhaa hotaa hai ...usane aankh maaree thee .....ek roj shor machaane par use klaas se baahar nikalaa gayaa ...baahar kainteen ke saamane vaalee deevaar par usake paas gujarate hue usane use kahaa thaa "kyon karate ho aisaa "? bade ajeeb dhng se dekhataa rahaa thaa vo binaa bole use ...der tak usakee un aankho ne peechhaa naheen chhodaa thaa ladakee kaa .......dilavaale dulahiniyaa le jaayege ke tikat laayee thee usakee best frend ...kitanaa khush thee ve teen chaar saheliy ....par pikchar haul men use usakee garlafrend ke saath dekhakar jaane kyon film men man naheen lagaa thaa usakaa .
tay kar liyaa thaa usane aage se kabhee baat naheen karegee usase .
fir us roj peeth par koee baig laade sadak par baaeek ghaseetataa milaa thaa ...kyaa huaa ?
kuchh gadbad hai mujhe aage tak drop kar daugee... makenik tak
vahee dyoo kee khushabu .
usakaa baig usake paas rah gayaa thaa .kisee kaa baig kholanaa galat baat hai par raat ko khol hee liyaa usane .......
.do nayee kaisat ..kishor kumaar or jagajeet , ek rajistar ...viviyan richards kee baayograafee or ek sigaret laaitar.....us raat vo der tak apane bistar par vaalkmain lagaakar sunatee rahee......sote vaqt aakhiree gaanaa usane do baar sunaa ......." o hnsanee .meree hnsanee "

AIIMS NEW DELHI
...do din se bukhaar thaa par usane peraasitaamol khaa khaa kar use chadhane naheen diyaa hai ...maleriyaa kee golee bhee khaa lee hai ..use yahaan aanaa thaa ....pahalee baar ghar se itanee door nikalee hai .best frend saath hai shaayad isalie mammee ne bhej diyaa hai
desh bhar ke medikal kolej kalcharal festival ke lie jutate hai ....usakee garlafrend bhee hai par usakee koee riletiv hai isalie raat ko hee aatee hai...us roj sab kutubameenaar dekhane nikale the..... usakee tabiyat kharaab huee hai ..vo use chhod ne aayaa hai aoto se utaarate vaqt vo chakkar saa mahasoos karatee hai isalie usakee baanh pakad letee hai ....kolej men aane ke baad bhee vo use garls hostal naheen le jaataa graayoond ke theek saamane padee patthar kee bencho par donon baithate hai .binaa baat kiye der talak ..vo apanee jeb men haath daalakar apanee hathelee failaataa hai .
"khaaogee "inhen hamaare yahaan boondee kahate hai
boondee ...vo peele rng ke un daano ko dekhatee hai
jaanatee ho mai bachapan men ek vaqt men halavaaee bananaa chaahataa thaa .....fir paailat or kabhee teechar .......bachapan ke hamaare makaan tak kuchh aavaaje .guroodvaare se aatee thee ..kitane gharo ko paar karake .galee se mudake usakee khidkee tak ..."gurubaanee " hai daar jee ne bataayaa thaa daar jee sab unhen daar jee kahate the .unakaa sab kuchh safed thaa daadhee ,bhaunhe , moonchhe sar kee pagadee .usake ghar se chauthe makaan par rahate the ..
."praarthanaa rab se baatacheet kaa jariyaa hai ".ve kahate
"par rab se roj ek hee baatacheet kyon hotee hai " mai unase poochhataa thaa to vo jor jor se hnsate the daar jee bahut achchhe the har mngalavaar mutthee kholate to haath men boondee ke bade bade daane nikalate..
vo mahasoos karatee hai jaise vo ek chhotaa bachchaa hai ....apanee aankhon men chamak lekar kuchh kuchh bataataa hai .....vo usake paas or khisak jaatee hai
"pahalee baar daar jee ke saath mainne galee kaa doosaraa konaa paar kiyaa thaa guroodvaare ke vaaste ...., har itavaar jaanee pahachaanee gndhe vahaan hotee ....gndh kaa bhee svaad hotaa hai shaayad ......aaloo kee gndh ,halave kee gndh ,rotee kee gndh .har itavaar vahaan melaa saa lagataa .badee badee bhattiyaa badee badee kadhaaeeyaa . chane halave se milakar kitanaa achchhaa svaad detee hai .maan aise kabhee naheen banaa paatee .ek roj patng lootate lootate mai gaadee ke taayar ke beech aa gayaa ....pair kee haddee gayee ..daar jee seediyaa naheen chadh sakate the...neeche khidkee se aavaaje dete ...ek roj mere sote sote apane rab ke paas chale gae"
vo usake najadeek ho gayee hai itane kee usake badan kee khushabu mahasoos kar sakatee hai .ek ajeeb see gndh ...bhalee see ..kabhee kabhee aap baraso kisee shakhs ke saath ek tay samay gujaar kar use jaan naheen paate ...har shakhs ke kitane hisse hai usakaa kaun saa hissaa kab khulataa hai...vo usakee baanh pakad kar usake kaandhe pe sar rakhakar is dhoop men baithanaa chaahatee hai ....binaa logo kee paravaah kiye.....dillee kee us roj kee ye dhoop usake bheetar tak utaratee hai .
pndrah din baad kaa koee ek budhavaar
vo kainteen men usake paas aayee hai
"kaisee ho" vo poochhataa hai .usakee green daadhee or green lagane lagee hai
vo use ghoor kar dekhatee hai .....vo saindavich khaane men bijee hai" chaay piyogee " vo poochhataa hai
use gussaa aataa hai .usakee saindavich kee plet apanee or kheenchatee hai
. .".kyaa huaa ?"
tumhe vaakaee koee fark naheen padtaa ? vo gusse men hai
kis baat kaa ?
mai pndrah dinon se tumhe ignor kar rahee hoon ...baat naheen kar rahee hoon ..poochhoge naheen kyon ?
vo usakee or dekhataa hai ...par poochhataa naheen...... vo fir bhee batalaatee hai
pndrah din pahale mai garls hostal men gayee thee vahaan ladakiyon ne kahaa .vo ruk gayee hai ....sar neeche jhukaae.....".ke tum "..........tum kaee ladakiyon ............
"ke saath so chookaa hoon " vo chaay ke ghoont peetaa peetaa usakee baat pooree karataa hai ..
vo haamee men sar hilaatee hai
"binaa kisee kee marjee ke usake saath soyaa jaa sakataa hai ? vo chaay kaa aakhiree ghoont hue poochhataa hai
usakee chaay aa gayee hai .vo chaay men bevajah chammach ghumaa rahee hai .
tum jise meree "garlafrend "kahatee ho usame or tumame yahee antar hai vo kabhee mujhase ye savaal naheen poochhatee ke mai tumase kyaa baat karataa hoon ....kyon karataa hoon
" garlafrend "kaa bevaajib jikr jaane kyon usame gussaa bharataa hai .....tum use har baar beech men kyon laate ho ? vo ghar se door hostal men hai ....mai yahaan lokaalaaeet hoon....mere apane snskaar hai ....meree apanee ghar kee kuchh vailyoo .... meree apanee inahibishan ....meraa apanaa najariyaa hai achchhaa or buraa ....usakee aavaaj tej ho gayee hai ....kainteen men kuchh sar unakee or mud gaye hai
ek khaamoshee fir unake daramiyaan pasar jaatee hai
imoshan hamen "ridyoos" karate hai....vo kahataa hai ...fir uth gayaa hai ..
.vo pareshaan ho gayee hai .vo yahaan ladane naheen aaee thee
vo baaeek staart kar rahaa hai ...vo kainteen se baahar nikal usake peechhe peechhe aayee hai .use "soree "kahanaa chaahatee hai
par vo gusse men hai
"ho sakataa hai vo buree ho ,par usame ek achchhee baat hai usane kabhee tumhe" buraa "naheen kahaa ......usake paas achchhe bure kee koee list naheen hai jisake saaid baar men raaeet kaa aopshan ho .........or haan mai "varjin" naheen hoon !
vo baaeek staart karake chalaa gayaa hai or vo ro padee hai
ye pyaar bheetar se beehad or khuraduraa jngal hai jahaan kaee jagah akelaapan hai !
gar yaad rahe
ikjaam khtm hue hai . intarnaship ke pahale chhah maheene idhar udhar kee posting men nikal gae hai ....agale teen maheene kee
posting usane dillee lee hai kahataa hai paapaa kaa opareshan honaa hai .isalie use teen maheene vahee rahanaa padegaa idhar vo apane lie aaye sab rishte vo manaa karatee hai ...ek...do...teen !
ek rishtaa baahar kaa hai ,maan ke man men vahee atakaa hai
kahee tum usase pyaar to karane naheen lagee ?
naheen ! vo apanee maan se kahatee hai
shaayad ! vo apanee buaa se kahatee hai
"haan" vo apanee best frend se kahatee hai
"use maaloom hai "?usakee best frend poochhatee hai
shaayad !
or vo tujhe pyaar karataa hai ?
shaayad ?
"shabbaa khair " usakee best frend saans letee hai
vo tumhaare lie raaeet choyes naheen hai ....usakee best frend use kahatee hai ....usakee buaa bhee ......binaa poochhe usakee maan bhee .....usakaa dimaag bhee !
bas usakaa dil alag baate kahataa hai
kuchh do maheene atthaaees din kitane alag hote hai
"vo mere jjbaat ke aadhe hisse par ek vaqt se kaabij hai binaa meree marjee ke ."vo tren men apanee garlafrend se usake baare men kahataa hai
tum usase kah kyon naheen dete
mai use dijrv naheen karataa ...vo bahut achchhee hai . mai use kharaab naheen karanaa chaahataa
" or tum bahut bure " .paagal ! dikkat ye hai ke usake doston kee tarah tumane bhee use achchhaa hone kaa taig lagaa diyaa hai ..sab vaqt ko vahee poj kar rahe hai .vo use usee tarah se dekhanaa chaahate hai jis tarah se baraso se dekhate aaye hai ...sab bhool gae hai usake paas bhee imoshan hai...... normal imoshan
vo apanee dost kee baat sunataa hai ....tren ke daravaaje par khade sigaret peete peete sochataa hai kolej pahunchate hee use kah degaa !!
do din se use dhoondhataa hai.....
vo lokar room ke baahar dikhatee hai .apanee best frend ke saath
haay ....kahaan ho yaar tum
vo javaab naheen detee .usakee best frend javaab detee hai
ek gud nyooj hai ...... isakee shaadee tay ho gayee hai ....agale teen maheene men amerikaa jaa rahee hai abhee saare sarateefiket ikaththaa karane hai or taiyaaree bhee
.vo sar jhukaae khadee hai
vo kongrets naheen kahataa
usakee best frend aage badh gayee hai ... aavaaj de rahee hai ....vo use dekhanaa bhee chaahatee hai par apanee aankhe dikhaanaa naheen chaahatee .aahistaa aahistaa chal detee hai ......daratee hai.. vo abhee peechhe se aavaaj degaa ....rokegaa ...par .vo kuchh kahataa naheen .paarking men apane kaainetik ke paas aakar vo rotee hai .

khate hai usake baad us ladake ne kabhee pyaar naheen kiyaa ,vo kolej kee kisee ladakee ke saath naheen soyaa , koee maich naheen khelaa ... hostal vaale kahate the agale teen saal har subah usake room men sabase pahalaa gaanaa bajataa "o hnsanee "!

vilupt naheen hotaa pyaar ...n bnd hotaa kisee pairaagraaf kee aakhiree laainon men ......fulastop lagaakar ,
bachaa rah jaataa hai mere tumhaare bheetar thodaa thodaa .!!
(.or haan kisee bhee kathaa ke paatr kaalpanik naheen hote prem kathaao ke to bilakul naheen)

....devadaas ab yahaan naheen rahate !

vo disnbar ke aakhiree hafton vaalee sard raat thee ..aadhee raat mobaail ne jagaayaa thaa
"duniyaa bhar kee ladakiyaa ek see hotee hai pyaar dil se karatee hai or faisale dimaag se ".......us or nashe men rundhee aavaaj .....
"neelaabh "??
......"tumhaaree" destinee" vaalee suee ab mujhape aakar rukee hai " udaas hnsee !
"too kahaan pe hai"? akelaa hai yaa koee saath men hai ? mai uneedee aankhon se ghadee dekhee thee .. fon ke baik graayoond men shor thaa .vo baahar thaa ...yoo es men itane kadaake kee thand men .
"mai usase pyaar karataa thaa yaar ...."
is savaal kaa javaab baraso se jaane kis tahakhaane men dafan hai ! ! !
"mujhe lagaa upar vaalaa mujhe baaeepaas kar jaayegaa .....par usake paas bhee maarkar hai shaayad !"
koee baat naheen ,vaqt hee hai saalaa gujar jaaegaa ..naheen to dhakkaa de denge ise .....mainne use jhoothaa dilaasaa diyaa
"saale khudaa ke offis men ghoos naheen chalatee tujhe to maaloom hee hai ."
baraso baad duniyaa ke apane apane hisse men ek doosare ko binaa bataaye ham fon ke doosaree taraf roye the .!
baaj vakto men kuchh gm kitte bade gm maaloom hote hai .....dil ke gm !

koee ded maheenaa gujaraa mainne aihetiyaatan khaamoshee odh lee ...vo vaqt aisaa hee hotaa hai" imtehaanee kism" kaa ....badaa takaleef deh .....meelo door tak failee thndee sannaato bharee sadako saa ..jo kahaan khtm hotee hai dikhataa naheen !
vo fir fon par thaa ......is dafe snbhalaa huaa , thodaa snjeedaa
."baichain rahaa yahaan vahaan bhatakaa .....hospital naheen gayaa .....kuchh dinon baad hospital gayaa to ek 16 saal kee neegro ladakee ko dekhaa ....preganent....vo bhee tvins .....hospital staaf ne .bahut samajhaayaa eborashan ke lie ...naheen maanee ...bolee lad loongee ...kar loongee .jee loongee ........16 saal kee ladakee yaar ! or ham saale padhe likhe aadamee !!....duniyaa khtm kare baithe hai ! mai kisase khauf jadaa hoon yaar ...kisase bhaag rahaa hoon .....khud se ."

beech men vahee gaip jo aksar sigaret ke kash lene ke dauraan hotaa hai ...

kaee roj se aspataal men ek boodhaa beemaar haalat men thaa ,aayaa thaa to teen din tak rotaa rahaa ..apane beto ko yaad karake .ve use ghar men naheen rakhanaa chaahate .........do din pahale usake beto ko bulaayaa gayaa .kaayoonsiling kee ...jab ve taiyaar ho gae to achaanak us raat boodhe ne manaa kar diyaa mujhase bolaa "do ve apane bheetar se mere lautane kaa velakam naheen karate .....preshar men kar rahe hai ,mai aisaa rishtaa naheen chaahataa .....

fir vahee gaip.....

" jaanate ho us raat ghar lautate vaqt mujhe lagaa mai bhee to aisaa hee kar rahaa hoon ......".doosaraa shakhs us rishte ko jaaree naheen rakhanaa chaahataa ..or mai use is rishte men rokanaa chaahataa hoon kyon ? kyoonki mai usase pyaar karataa hoon...par mai ye kyon naheen eksept karanaa chaahataa kee ab vo mujhase pyaar naheen karataa ...ye to ekatarafaa pyaar jaisee jid huee naa ."

is baar do kash vaalaa gaip ...
"tay kar liyaa usakee feeling kee respekt karoongaa or "vee vaalk laaik edalt " ! (ek saans ).....................mushkil thaa par sach hai ..."

.aisaa lagaa jaise usakee sigaret bhee khtm ho gayee hai ...yaa usane khaalee jalane chhod dee hai ...

"sun ,dabloo .ech .o men apalaai kiyaa hai ,,,kuchh positiv saain hai nikal jaayoongaa"
"or amerikaa .....teraa to sapanaa thaa ....ab pooraa hone vaalaa hai fir ....."
"kuchh hai jo sapano se alag hai ....kyaa hai ?eksaplen naheen kar sakataa ..tempareree hai yaa paramaanent ... naheen jaanataa ..par kuchh hai "........
.vo snjeedaa thaa usakee snjeedagee ke bekagraaund men gam kee milaavat naheen thaa ...ek ajeeb see majabootee thee ....
"too theek hai naa ?
haan ....

jindagee kee talabo men ferabadal laajimee hai ..
usake baad mere mobaail men ajeeb ajeeb se nabar sev hote fir badal jaate ! .alag alag desho se alag alag vakto men kaee desh afreekaa naambiyaa .ithopiyaa .. ..iraak or n jaane kahaan kahaan ...saal dar saal gujare....
usakee baate badalanee lagee " jo duhkh "mere" ke daayare se baahar ho vo hamaare lie indiketar hai ....or ham sochate hai koee doosaraa ruk jaayegaa"
apane pitaa kee khabar sunakar sirf teen din ke lie aayaa thaa vo...maan usakee pahale se naheen thee....usake shahar tak jaane men vaqt lagataa hai .ham chaar ghnte ke lie saath the us din. par baat sirf kuchh minaton ke lie ho paayee thee ...usake ghar men kamare kee baalakonee men ..... .mainne sigaret chhod dee hai par mai usase kahataa naheen . vo apane haath kee sigaret baat karate karate aage badhaataa hai to ...pee letaa hoon
" ye desh beemaar hai ... mar rahaa hai.... daaiganos sab kar lete hai ...kaaranon ko bhee pahachaan lete hai par kamaal hai ise rokane ke lie koee kuchh karataa dikhaaee naheen detaa .....usake paas kahane ko bahut kuchh hai ,vo bahut se cheejon ko durast karanaa chaahataa hai !

tarakeeban saat maheene baad
usake bhaaee fon par hai ..mujhe lagaa usakee shaadee kee baabat yaa bhaarat laut kar aane ke baare men mujhase kahege.......par unakee naaraajagee doosaree hai ........ tumhaaraa dost pagalaa gayaa hai ...karodo kee jameen trast ko de rahaa hai ....skool chalaayege ... zamaanaa ab vaisaa naheen rahaa hai....indiyaa ke haalaat use pataa naheen hai "
ve or bhee bahut kuchh kahate hai ......par mujhe sunaaee naheen detaa !
pitaa se vaseeyat men milee jaayadaad .ko vo......
.duniyaa kaa eksapojr apane aap men ek alahadaa kism kee kitaab hai ! tamaam vaqt gujar jaate hai ,aise vaqt bhee jo lagataa hai gujarege naheen....

vajahe bhee hai ..mausam bhee hai ..khyaal bhee hai ....baharakaif jindagee zaaree hai !!

mausam thndaa hai ...apane hone kee ittilaa de rahaa hai .. kamare gaaliban thande hai ...laaibreree men paas kee kursee par baithe kisee intelekachuval kampeniyan kee tarah khaamosh .......ghadee kee tik tik in dinon raat ko yoon sunaaee detee hai kee lagataa hai garmiyon men apanee aavaaj kaaboo men rakh ke chalatee hai ..aalas kee jnjeere bistar ke saath atech hai muee ....ek baar usake aagosh se nikal jaao to rajaaee muaaf naheen karatee ..tumhaaree tarah kaa mijaaj paayaa hai ! har baar mijaajapursee maangatee hai ....par rajaaee se nikalanaa padegaa ..baahar nikal kar taiyaar hotaa hoon ..... havaa gair-hamadard tareeke se aatee hai .... jaiket kee jeb men ab bhee vahee sigaret hai jo tumhaaree rakeeb huaa karatee thee . sardiyon men sadake jaldee so jaatee hai ...baaj khambe khade kitane veeraan tanhaa dikhaaee padte hai ... inhen der raat kabhee dahashat naheen hotee .....par peele rng kee raushanee is kadar achchhee lagatee hai ...kee kamare men bhee sardiyon men laimp musalasal jalaa kar chhodtaa hoon .....
relave steshan ke baahar utarataa hoon ...to ahasaas hotaa hai aaj mausam badaa purakaifa hai ! sigaret ke paiket ko jaiket kee jeb men haath daal kar chhootaa hoon .. fira kuchh mohalat ke lie multavee kar detaa hoon.....pletaform apane aap se badaa muttaasir saa hai ...thand kee paabndee se beasar ...vahaan maujood har shakhs ke mausam ke mutaallik khyaalaat ek se hai.... tren let hai .....trenon ke draaivar jaane in thndee hamashakl patariyon pe gujarate kyaa sochate hoge .... kaee minat akhabaar men kharch karataa hoon....
seedhe haath pe bench par vo ladakee itanee gair -tavajjo detee hai ke shak hotaa hai jaise zehan padhane ke hunar se vaakif hai ....usakee badee badee aankhe badee gair takalluf hai ....tumhaaree baat yaad aatee hai "us umr kee aankhe aksar sab tatolanaa chaahatee hai" .....usake daaee or baithee doosaree do aurat kuchh rukhee see hai ....khushk ..kuchh aurate badee rukhee see dikhaaee padatee hai ...apane aap se beparavaah ....... shaayad use daastaane kahane kaa badaa shauk hai chup hotee hai to maaloom hotaa hai apane khilaaf jaakar vo chup hotee hai.!daaee or ek kone men khade ek saahab hai .......intazaar men intazaar lambe ho jaate hai ..akhabaar utanaa dilachasp maaloom naheen hotaa ......
tum fir" bevakt " or "bevajah "zehan men daakhil hotee ho ....kolej ke kaee shakhs (unhen dost naheen kahoongaa ) yaad aate hai jo mujhe dekhakar tumhe yaad karate the mumakin hai unakee dilachaspee mujhame tumhaaree vajah se rahee ho !
jaanatee ho kaee baar mai tumhaare lie " aasaan" huaa hoon ... ye jaanate hue ke tumhaaree fitarat men padhanaa naheen hai khaas taur se ve cheeze jo tumhe mushkil lagatee hai ..meree tumhaaree dilachaspee bhee mukhtalif cheejon men hai....fir vo kyaa cheej hai jo tumhe mujhase jode rakhatee hai .....
pyaar hisson se naheen kiyaa jaataa !
matalab ??
" kaee tukade .jod karake aadamee kee soorat banatee hai ...usame ve tukade bhee hai ..jiname mai maujood naheen rahatee.".. padhanaa likhanaa tumhaaraa sirf ek hissaa hai .......or mai tumase pyaar karatee hoon !! ........mai tumase tab bhee pyaar karatee hoon jab tum kuchh likh -padh naheen rahe hote .......samajhe !!
(tum usase kahee jyaadaa samajhadaar ho jitanaa mai tumhe sochataa hoon)
sochataa hoon kitane jjbaat kis paimaane pe kis dil men daale jaaye ye kaun tay karataa hogaa ...khudaa yaa usakaa koee kaarindaa ? or khvaahisho par ikhtiyaar aadamee kee jaat pe chhodaa hai ( muaavaaje ke taur par ) ? par n maaloom kaisee haseen kamajoree hai jo apanee jehanee pukhtagee ke baavajood har shakhs is pe nisaar hai ..apane daro kee vajah se hee aadamee apane khyaalaat men or iraadon men judaa hotaa hai or amal men judaa ! jeb men haath daalakar laaitar tatolataa hoon ab sigaret jalaanee padegee thand badh gayee hai . shukr hai aise vaahiyaat khyaalo kaa rakeeb nikotin hai !!

us jaanib se jab utaroge tum !!

vo kaun saa lamhaa hai jo tabdeel karataa hai aadamee ko ek doosare aadamee men !vo kaun see shai hai jo dho detee hai pichhale daago ko ...jaane kyaa oondelatee hai bheetar ke baahar sab kuchh chhanaa-chhanaa saa nikalataa hai ... .t"aaruf karaatee hai nae maano se jo kahate hai pichhalaa jo jiyaa ....sab" raf -vark" thaa .
.kyaa lohe ke bane the sukaraat - yaa budd ...yaa baayas hokar koee judaa rooh dhakelee thee khudaa ne kabeer men ...! duhkh kyaa alaarm klok hai jisakee saaund myoot kar chhodee hai hamane ? .khudaa koee aboojh pahelee hai yaa aisaa faarmoolaa jisakaa tajurmaa mumakin naheen ......


sunaa hai
kuchh baras pahale
yoon karaar huaa
donon ke daramiyaan
binaa jism ke
"enarjee " ghoomegee
us jaanib "geleksee" men ,
is jaanib "arth" pe
binaa rooh ke
jism apanaa" saaikal "
pooraa karege !

(gaaid ke is seen ke baraks gujarate hue .....)

Guide - Hey Ram Hamare Ramchandra - Funny videos are here

("kaainaat men kaee tarah kee jindagee ke amakaanaat hai ! ek amakaan ye bhee hai ki jahaan jindagee binaa jism ke sirf enarjee ke roshan nukato ki tarah ghoomatee hogee" - kitaab " pndrah paanch pachahatar "kaa pej nnbar chaalees kaa ek bayaan )

or haan.. sheershak.... gulazaar saahab kee nazm ke kisee tukade ko aundhaa karane se vahee kareeb men padaa milaa