thappaa lagavaa lie(bhaag 2)

singaapur earaport se baahar nikale to dekhaa hamaare naam kee takhtee le kar koee naheen khadaa. treval aijent ne jo lokal nnbar diyaa thaa vo dhoondh hee rahe the ki ek mahilaa bhaagatee huee aayee, let hone ke lie maafee maangate hue usane jaldee jaldee vain kee dikkee kholee aur hamane saamaan rakhanaa shuru kiyaa. pataa thaa videsh men sab kaam khud karane padate hain draaivar aa kar saamaan naheen rakhegaa. gaadee men baithe to vo mahilaa draaivar kee seet par viraajamaan ho gayee. tab pataa chalaa ki ye aath vyaktiyon ko dhone vaalee toyetaa gaadee yahee mahilaa chalaayegeen. baad men hamane dekhaa ki singaapur men jyaadaatar gaadiyaan mahilaayen hee chalaatee hain fir vo chaahe vain ho yaa trom yaa bas yaa kuchh aur. bambaee men hamen bataayaa gayaa thaa ki singaapur kaa mausam bambaee jaisaa hee hai, din men 31 digree to raat men 24 digree. isee baat ko le kar ham toor kainsal kar denaa chaahte the par doston kaa isaraar thaa. par yahaan aate hee dekhaa ki bharee dupaharee men bhee jaraa bhee garmee naheen lagatee.vahaan kee sarakaar ne itane ped lagaa rakhe hain sab jagah ki pahale baingalor kee tarah use gaardan sitee kahaa jaataa thaa aur ab sitee in gaardan kahaa jaataa hai. isee tarah se kaheen koee dhool mattee udatee naheen dikhatee. mittee ko yaa to
pedon kee jadon ne pakad rakhaa hai yaa fir ghaas ne. usee din naait safaaree dekhane gaye par majaa naheen aayaa, doosare din sitee ke sarshan karaane ke lie ek chaainees gaaid upasthit thaa. us se pataa chalaa ki singaapur men sabhee maltipal jobs karate hain jaise vo toorisam padhaataa bhee thaa aur gaaid kaa kaam bhee karataa thaa. shahar ke darshan karate hue halkee boondaabaandee shuru ho gayee. hamaaraa gaaid mistar jaikee bahut pareshaan ho gayaa. use baarish bilkul achchhee naheen lagatee thee, vo bhagavaan se kah rahaa thaa ki baarish bnd ho jaaye aur ham bhagavaan se kah rahe the ki bhagavan aap hamen is tarah mat chidhaao, ye bhee koee baarish hai. us din to naheen par doosare din bhagavaan ne hamaaree sun lee aur khoob jam kar baarish huee.

yahaan baarish ne hamen chidhaayaa

chaainees mndir

inhen jalatee huee sigaret kaa bhog lagaaiye tabhee prasann hogen

chaainees mndir dekhate hue ehasaas huaa ki chaainaa aur hamaaree snskriti men kitanee samaanataa hai. jaikee bataa rahaa thaa ki chaainaa men anaginat devee devataa hai aur aisee maanyataa hai ki aadamee marane ke baad paataal men jaataa hai aur vahaan usake karmon ke anusaar nishchit hotaa hai ki vo aage narak men jaayegaa yaa svarg men. paataal ke darabaan ko bhee devataa maanate hue unhen puraane jamaane men opiyam kaa bhog lagaayaa jaataa thaa aajakal log sigaret jalaa kar sigaret kaa bhog lagaate hain. lekin ajeeb baat ye thee ki chaainees mndir men bahut saare chamagaadad chhat se latake dikhaayee diye. jaikee ne bataayaa ki chaainaa men chamagaadadon ko shubh maanaa jaataa hai aur ye chamagaadad khoon naheen peete, shaakaahaaree hain. khair ham to us kamare se bhaag liye, pataa naheen kab unakaa man badal jaaye.

bard paark

sho kee pahalee paraformens dene ko aate ye lnbee taangon vaale pakshee

usake agale din draaivar ne kahaa ki aap ko bard paark le jaayegen. ham soch rahe the ki ham kyaa bachche hain jo hamen chidiyaaghar dikhaane le jaa rahe hain. par jab ham vahaan pahunche to hairaan rah gaye ye dekh kar ki koee pinjare naheen hai. opan aoditoriyam men sho hote hai. bardas kaa sho dekh kar hamaaraa bachapan laut aayaa.

hamen dar thaa ki shaakaahaaree hone ke kaaran hamen kaafee dikkat saamane aayegee, lekin aisaa kuchh bhee n huaa. vnhaa to pooraa bhaarat basataa hai. mahaj chh: daalar men ek vakt kaa khaanaa aaraam se khaayaa jaa sakataa hai. dukaane raat ko gyaarah baje tak bhee khulee rahatee hain aur mustafaa sentar to chaubison ghnte khulaa rahataa hai. selsamain bataa rahaa thaa ki akasar bhaarateey sailaanee subah saadhe teen baje shoping karane aate hain. lekin hamen to vnhaa sab kuchh bahut mnhagaa lagaa. so hamane kuchh naheen khareedaa sirf bete kee faramaaish par usake lie 'geleksee nota' le kar aaye…:)



chaar din kaise beet gaye pataa hee naheen chalaa. jab vaapas aiaraport kee taraf ravaanaa hone kaa samay aayaa to ham sab ke man men ek hee baat thee ki kaash ham kuchh din aur yahaan ruk paate. jaane se pahale main ne sunaa thaa ki singaapur men ped binaa sooraj kee roshanee paaye bhee khoob falate foolate hain. yahee dekhane ke lie botenikal gaardan gaye the, vahaan to aisaa kuchh dekhane ko naheen milaa par earaport men chaik in karane ke baad jo najaaraa dekhaa vo aap bhee dekhiye.


earport

earaport ke andar jahaan sooraj kee roshanee naheen pahunchatee

thappaa lagavaa lie(bhaag 1)

ushaa aagaamee akedemik varsh ke shuruvaata men is naukaree ke atthaais saal poore kar ritaayar ho jaayegee. hamaare grup kaa ek aura sadasy chalaa jaayegaa soch kar hee man udaas ho jaataa hai. do maheene pahale achaanak ushaa ne sujhaayaa ki kyun n ham teenon ek saath chhuttee manaane chalen. jhatapat prograam banane lagaa. hamane patidev ko daftar men hee fon dhanaghanaa kar kah diyaa ki chhutatee ke liye arjee de do. ek maee se chhuttiyaan shuru hotee hain aur do taarikh ko nikalane kaa prograam banaa liyaa gayaa. taareekhen tay kar ke sochaa gayaa ki kahaan jaayaa jaaye.

baayen se vainkat, ushaa, maalaa(amitaa kee chhotee bahan), amitaa, main aur vinod

kesaree trevals ke daftar par dhaavaa bolaa gayaa, kaee tarah ke prograam dekhe gaye aur tay huaa ki main aur amitaa apane apane naye navele paasaport kaa udaghaatan karegen, paasaport ke kore pannon par ek thppaa to laganaa hee chaahie. to prograam banaa singaapur jaane kaa.

hadataal

ek maheenaa pahale mahaaraashtr men koleja teechars hadataal par chale gaye aur pepars jaachnne se saaf inkaar kar diyaa( binaa roye to sarakaar ke kaan par joon bhee naheen rengatee n, chhathaa vetan aayog ab tak snpoorn naheen, aur milane kee aashaa bhee naheen) ulataa chor kotavaal ko daante, ek to sarakaar hamaare hisse ke paise kendra sarakaar se le kar hajam kar gayee aur saath men hadataaliyon ko nilnbit karane kee dhamakee bhee de rahee hai. hadataal aur sarakaar ke ravaiye par fir kabhee…॥ khair, hamane jaise taise kuchh teecharon ko ekatr kar pepars jaanchane kaa kaam jo mere netrittv men pooraa honaa thaa use ek taareekh tak pooraa kiyaa aur do taareekh kee raat ko chal pade ek naye anubhav kee or.

bambaee raat kee baahon men

subah teen baje jab sadaken kaafee hadd taka khaalee hotee hain(sunasaan to kabhee naheen hoteen) aur samudr se aatee thndee havaayen chehare se takaraatee hain to bambaee aur haseen lagatee hai.aadatan taiksee vaale se batiyaaye, meroo taiksee( praaivet knpanee kee taiksee) knpanee kee kaaryapranaalee ke baare men jaanaa, taiksee draaivara kee dikkaten, aamadanee, aur n jaane kyaa kyaa poochh daalaa. usakee bhaashaa se saaf jaahir thaa taiksee vaalaa yoo pee kaa hai(aam bhaashaa men tanik shabd kaa istemaal koee bambaiyaa to karegaa naheen.), poochhane par hichakate hue usane bataayaa ki vo banaaras kaa hai. usakee hichak ko dekhate hue hamane poochhaa kyaa kisee raajaneetik kaaranon se use koee pareshaanee kaa saamanaa karanaa padataa hai? usane bataayaa ki raajaneetijng to naheen par kaalee peelee taiksee vaale bahut pareshaana karate hain, maarapeet par bhee utar aate hain, paisenjar bhee kabhee kabhee kiraaye ko le kar jhagadaa kara baithate hain to unase kaise nipataa jaataa hai.achaanak vo sirf taiksee draaivar n ho kara insaan dikhane lagaa. aur bhee bahut kuchh poochhanaa thaa us se par tab tak aiaraport aa gayaa.

bor n hue hon to batalaaoon aage kaa jo afasaanaa hai…J

judee ek aur kadee

maneesha kumaar kaa jab mel milaa ki vo apane kolej men bloging par seminaar karane jaa rahaa thaa to siddhaarth jee ke vardhaa men karavaaye seminaar kee sukhad yaaden taajaa ho gayeen. fir ye seminaar to hamaare ghar se mahaj 50 ki mee kee dooree par ho rahaa thaa. jaanaa to tay thaa.

siddhaarth jee kaa fon aayaa ki ham aap ke shahar aa rahe hain aap shahar men hee hogeen yaa kaheen baahar . batteesee pooree baahar aa gayee, hamane kahaa ham n sirf shahar men hogen balki seminaar men bhee aayegen aur aap ghar par bhee aaiegaa. dar asal vardhaa jaane se pahale siddhaarth jee mere lie eka sirf naam bhar the, ek ajanabee, lekin unakee aur unakee patnee kee aatmiyataa aur mejabaanee ne aisaa jaadoo daalaa ki jab tak ham vardhaa se vaapasee kee tren par baithe hamen lagaa ham apane chhote bhaaee ke ghar se vaapas jaa rahe hain. khushee to honee hee thee.

pataa chalaa shailesh bhaaratavaasee bhee aa rahaa hai. hamane sochaa lage haathon ham bhee apane kolej ke bachchon ke lie ek chhotee see varkashop rakh len blog kaise banaayaa jaataa hai sikhaane ke lie. prisinpal se baat kee, baat aage badate badate yahaan tak pahunchee ki ham bhee apane koleja men seminaar kam varkashop rakh len. hamane maneesh se baat kee ki usake risors parasan hama istemaal kar len to koee etaraaj, usane saharsh sahamati de dee. to nishchit ye huaa ki kalyaan kaa seminaar 9-10 disnbar ko hai aur ham apanaa seminaar 8 disnbar ko rakh len.

hamane apanaa seminaar subah saadhe aath baje se shaam ke chh: baje tak rakhane kaa nishchay kiyaa. aath kee subah aath baje jab ham intajaam karane kee aapaa dhaapee men the siddhaarth jee kaa fon aayaa. hamane poochhaa kalyaan pahunch gaye kyaa to bole naheen hamaaree to tren chhoot gayee ab ham plena se aa rahe hain shaam tak pahunchegen. us samay ditels lene kaa samay n thaa hamane kahaa ham shaama ko fon karegen. shailesh jis dost ke ghar thaharaa thaa vo dost kaa ghar mere ghar se paancha minit kee dooree par thaa. khair shailesh dopahar ko apane aap kolej pahunchaa aur shaam ko ham saatha men vaapas aaye. ab hamane siddhaarth jee ko fon lagaayaa, kareeb saat baje hogen. hamane kahaa shailesh bhee yaheen hai aap bhee raveendr aur avinaash jee ke saath aa jaaie saath men khaanaa khaayegen. unhon ne man to banaa liyaa lekin shaayad gaadee kaa intajaam n ho paayaa. unhon ne kahaa ye nimntran kal tak ke lie sthagit kar diyaa jaae. prastaav maan liyaa gayaa aura shailesh apane dost ke ghar chalaa gayaa. agale din vaise bhee shanivaar thaa, hamaare pati dev ko aofishalee chhuttee hotee hai matalab us dina thodaa jaldee aofis se aa jaate hain. hamane bataa diyaa ki hamaare vardhaa vaale mitr aa rahe hain, kaheen aisaa n ho ki aap kee vajah se hamen khaane kee tebal par intajaar karate rahanaa pade. javaab men ek halkee see muskuraahat milee.

hamen kabhee kalyaan jaane kaa avasar naheen milaa thaa,kyaa root lenaa hai is baat ko le kar thodee chintaa thee. patidev ne pooraa rut likh kar diyaa, saath hee kaafee daraa diyaa thaa - agar vaapasee men der ho jaae to short kat se mat aanaa, snkaree rod hai do pahaadiyon ke beech men, street laait bhee naheen hai, trakon kaa trefik milegaa. khair ham chal die.

vahaan jaa kar siddhaarth jee, avinaash jee, ashok mishr jee, raveendr jee se mil kar vardhaa mulaakaat ko chaay kee chuskiyon ke saath taajaa kiyaa jaa rahaa thaa ki ravi ratalaamee jee dikh gaye, vo do saal pahale mere kolej men seminaar men aa chuke the, do saal baad unase mil kar bhee ham khush ho rahe the. shailesh to aate hee laaiv vebakaasting ke chakkar men vyast ho gayaa aur ham sab sabase aage vaale sofon par pasar gaye. hareesh arodaa jee aur kevalaraam jee se main pahale naheen milee huee thee, unase mil kar bhee aisaa naheen lagaa jaise pahalee baar mil rahee hoon. kevalaraam to baatacheet men itane vinamr rahe ki mujhe lagaa apane kisee chhaatr se baat kar rahee hoon.

maneesh ne namaskaar karate hee kah diyaa ki aap sirf gappen naheen maaregeen aap ko kaama bhee karanaa hai. ab ek shahar ke hain, blogar bndhu hain ek hee profeshan ke hain to itanaa to hak banataa hai usakaa. usane hamen kahaa ki aap ko donon din kee sabhee satron kee riporting karanee hogee. lo jee yahaan bhee kalam ghaseetee. n nukura karane kaa to savaal hee naheen uthataa thaa .

siddhaarth jee ne laaiv seminaar kee kamaintree dene ke lie apanaa laipatop snbhaalaa aur hamane kaagaj kalam. ham donon ke beech men baithe raveendr jee kabhee laipatop men jhaankate to kabhee hamaaree chalatee kalam. jaise hee maneesh ne mnch snbhaalaa aur bolanaa shuru kiyaa ham samajh gaye ki jis tejee se ye bol rahaa hai ham utanee tejee se likh naheen paayegen aur riporting men kuchh n kuchh jaroor chhoot jaayegaa. to hamane jo kuchh bolaa jaa rahaa thaa usako usee samay angrejee men anuvaadit kar likhanaa shuru kar diyaa. raveendr jee acharaj men the ki jis dhaaraapravaah men bolaa jaa rahaa hai ham usee dhaaraapravaaha men use anuvaad kar kaise likh rahe hain. hamane kahaa baad men ham isakaa fir hindee anuvaada kar riport likhegen.

shaam ko nikalate nikalate saadhe paanch baja gaye. vaade ke mutaabik siddhaarth jee, raveendr jee aur avinaash jee ko mere saath ghar chalanaa thaa, meree hee gaadee men. shailesh to thaa hee saath men. avinaash jee daant ke dard se peedit the, unhon ne aane se manaa kar diyaa. ab raveendr, siddhaarth, shailesh aur main vahaan se nikale, shaam ke chh: baj gaye the. andheraa gaharaane lagaa thaa aur ham men se kisee ko raastaa naheen pataa thaa, poochh poochh kar jaanaa thaa.

saadhe chh: baje patidev kaa fon aayaa main aa gayaa hoon. hamen ghar pahunchane men kam se kam do ghnte aur lagane vaale the, sab ko joron kee bhookh lagee huee thee. hamane patidev se kahaa ki vo hotel se khaanaa le aayen. jo jo sabjee hamane laane ko kahaa thaa vo unhen kuchh bhee yaad n rahaa. khair raam raam karate thakaan se choor ham sab kareeb saadhe aath baje ghara pahunche. pataa chalaa ki pati dev khaanaa to le aaye lekin khaas mehamaan navaajee karane ke lie unhon ne chaaval apane haathon se banaane kaa nishchay kiyaa aur jab ham pahunche to vo chaavala abhee banaane jaa rahe the. jab tak chaaval banate bhookh se apanaa dhyaan hataane ke lie siddhaartha jee ne apanaa kaimaraa nikaal liyaa aur lage lene danaadan foto pe foto, kabhee idhar kee to kabhee udhar kee, us saagar kee khaadee kee bhee jo kohare kee vajah se najar naheen aa rahee thee. fish taink men jo machhaliyaan hain unake naam kyaa hai is baata par raveendr jee aur siddhaarth jee men ek chhotee see bahas chal padee. itane log unake baare men baat kar rahe hain ye dekh kar machhaliyaan men ullaasit ho kar naachane lageen. hamen to kisee machhalee kee prajaati kaa naam vaam pataa naheen, hamane kahaa agar mere patidev se poochhane kee galatee kee to fir eka ghnte kaa lekchar nishchit hai behatar yahee hogaa ki khaanaa khaane ke baad poochhen. unhen hamaaraa aaidiyaa jnch gayaa aur ham sab khaane kee tebal par pahunch gaye. kareeb das baje shailesh ne kahaa vo apane dost ke ghar vaapas jaanaa chaahataa hai. hamane bahut kahaa ki bhaaee gappen lag raheen hain yahee rah jaao par vo naheen maanaa.

khair usake jaane ke baad siddhaarth jee hamaare knpyutar par apanee relave kee tikat kaa print aaut nikaalane kee jaddo jahad karate rahe par vaibasaait print aaut lene hee n detee thee. kahatee thee kaagaj barabaad naheen karanaa chaahie, ped bachaao. main kichan snbhaalane chalee gayee, itane men raveendr jee nahaa kar aaye to relave kee vaib saait dar gayee aur fauran apanee mastee chhod print aaut lene kee ijaajat de dee. ham sab khoob hnse. raveendr aur siddhaarth jee ne mere patidev ko bhee blogar banane ke lie ukasaayaa,ham to kab se kah rahe hain ki is biraadaree men shaamil ho jaao. khaira vo is shart par maan gaye ki koee unhen blog banaanaa sikhaa de aur us par foto apaloda karanaa sikhaa de. dekhen ab kis din unakaa blog banataa hai. hamane unhen aofar kiyaa ki hamaaraa angrejee vaalaa blog vo le len. siddhaarth jee aur raveendr jee ke apane kamare men jaane ke baad ham knpyutar par baithe, doosare din hamen prapatr padhanaa thaa aur hamane aaj ke din men jo kuchh doosaron ko kahate sunaa thaa us se judee kuchh baaten usamen jodanaa chaahte the. pee pee tee theek karate karate raat kaa ek baj gayaa.

doosare din jab ham seminaar hol men pahunche to yoonus jee baithe mil gaye aur gappon kaa ek aur daur chal padaa. log to mnch para khade ho kar bloging ke faayade ginavaa rahe the par ham to mnch ke saamane baithe un faayadon ko jee rahe the. kabhee sochaa n thaa ki blog mitron se milanaa itanaa sukhad hogaa ki vakta kaise gujar gayaa pataa hee n chalaa. sukhad yaadon ke silasile men ek kadee aur jud gayee.

seminaar kee riport parikalpanaa ke lie raveendr jee ne buk kar lee hai. is lie vo riport vahaan dekhane ko milegee ek do din baad….:)