kaheen aapako leedaraship ke gur sikhaane vaalee koee seedee mile to bataanaa jroor...!

pichhale hafte aashoo 'saalaa' bolanaa seekh aayaa.

ham pairents ke lie yah badaa kathin samay hai. koee ek pareshaanee ho to kahoon. aur pichhale hafte to aashoo kaheen se 'saalaa' seekhakar aa gayaa hai.

pahale main aapako apanaa parichay detaa hoon. meraa naam aar.el. shreevaas‍tav hai, haaees‍kool men lek‍charar ke pos‍t par hoon. main khud pos‍t grejuet hoon isalie nolej kaa mahat‍v samajhataa hoon. aaj ke daur men ausat kee gunjaaish naheen hai. jo sabase tej hogaa vahee kaamayaab banegaa. isalie hamane apane aashoo ko sabase badhi‍yaa s‍kool men daalaa hai. sabhee haaee k‍laas logon ke bach‍che usamen padhne aate hain. ab aap ise badaaee n samajhen, abhee se aashoo knp‍yootar men gem khel letaa hai. kaar res men to vah kam‍p‍yootar ko bhee haraa detaa hai. aajakal jmaanaa hee kam‍p‍yootar kaa hai, main aashoo ko shuroo se knp‍yootar sikhaa rahaa hoon.

yahaan hamaaree sosaaitee theek naheen hai. aas-pados ke bach‍che din bhar dhamaachaukadee machaate hain. koee gir rahaa hai, to koee ro rahaa hai. kisee ko koee saleekaa naheen. bach‍chon par sngati kaa bahut asar padtaa hai, isalie main aashoo ko bharasak ghar par hee rakhataa hoon. koee jroorat naheen hai, baahar jaane kee. kaheen gir gayaa, koee chot lag gaee to! vish‍vaas sar ke bach‍chon ko dekho, kitane mainars se rahate hain! yahaan ke to bilakul jngalee hain.

aajakal tee.vee. par bahut se jnyaanavardhak kaaryakram aate hain. dis‍kavaree dekho. enimal p‍lenet dekho. par koee bach‍chon ko baandh kar to naheen rakh sakataa. kuchh din pahale aashoo khelane gayaa to gaalee seekh kar aayaa. hamen tab pataa chalaa jab usane apanee mam‍mee se poochhaa "maan 'saalaa' k‍yaa hotaa hai?"

tab se aashoo kaa baahar jaanaa bilakul bnd. ghar par raho. teevee hai. kaartoon pasnd hai to use dekho. knp‍yootar par gem‍s hain, khelo. mainne aashoo ke lie kaee seedee ikatthaa kee hai. gud haibits vaalee seedee hai, sindrelaa kee kahaanee hai, ek seedee men to maith‍s sikhaayaa jaataa hai, en‍saaik‍lopeediyaa bhee hai. yah seedee bhee bade kamaal kee cheej hai. main to hairaan rah jaataa hoon. kaartoon aur pik‍char ke jarie koee bhee vishay bade ach‍chhe tareeke se se samajhaayaa jaataa hai. isake kors ke alaavaa bhee bahut see jaanakaaree mil jaatee hai.

hamaaraa aashoo thodaa sharmeelaa hai. kaheen bhee baaten karate hue sharmaataa hai. main use bol‍d banaanaa chaahataa hoon. kam‍yoonikeshan skil‍s vaalee seedee main usake lie le aayaa hoon. do ek vishayon par aur dhoondh rahaa hoon, banee to hogee hee, par mil naheen rahee hai. are, leedaraship aur teemavark vaalee. mujhe pooraa vish‍vaas hai ki aajakal aise vishay bahut popular hain. kaheen aapako leedaraship ke gur sikhaane vaalee koee seedee mile to bataanaa jroor...!

dene ke lie mere paas salaah ke alaavaa kuchh hai bhee naheen.......!

is desh men berojgaaree bahut badh gaee hai. aajakal ek se badhkar ek intailijent bach‍che naukaree kee talaash men maare-maare fir rahe hain. yog‍yataa kaa koee mol naheen rah gayaa. aap aathaveen-dasaveen paas chaparaasee ke lie vijnyaapan deejie, to bee.es-see., em.es-see. paas logon kee laain lag jaatee hai. sahee aadamee chunanaa badaa kathin ho jaataa hai. oopar se sors sifaarish bhee itanee tagadee, ki samajh men naheen aataa ki kaise manaa kiyaa jaae. pos‍t to ek hee hai, usamen ek hee v‍yakti ko rakhaa jaa sakataa hai. sabakee baat kaise sunen.

main aapako apanaa parichay de doon. main ghaaseedaas vish‍vavidyaalay kaa rajis‍traar do. khatree hoon. yahaan karmachaariyon kee bhartee bord kaa mem‍bar bhee hoon. s‍thaayee aur as‍thaayee shikshakon kee bhartee ke intarav‍yoo men bhee baithanaa padtaa hai. yakeen maanie kisee intarav‍yoo me baithanaa sabase mushkil kaam hai. visheshakar pos‍t teen-chaar hee hon aur um‍meedavaar teen-chaar sau. majbooree men sab ko intarav‍yoo ke lie bulaanaa padtaa hai. n bulaao to ye log kort se s‍te le aate hain, ki main to yog‍yataa pooree karataa hoon, mujhe k‍yon naheen bulaayaa ?

badaa kash‍t hotaa hai, door-daraaj se ladke apanaa soot‍kes lie aate hain. apanee baaree kaa intajaar karate hue pus‍taken padhte rahate hain, ki jaane kaun saa prash‍n poochh len, jaane kaun see baat bach gaee hai use padh len. are moorkhon ! apanee bhramajaal se baahar nikalo. tum‍haare intarav‍yoo kaa koee mol naheen hai. kaun see duniyaa men rahate ho? jise salek‍t karanaa hai, vah pahale hee tay kiyaa jaa chukaa hai. ab kitaaben palatane se tum‍haaree kis‍mat naheen palatane vaalee. jaao! apane ghar jaao ! apanaa aur hamaaraa samay kharaab mat karo.

abhee pichhale hafte kee hee baat hai. pos‍t thee laib tek‍neeshiyan kee. yog‍yataa bee.es-see. honee chaahie. yahee samajh men naheen aataa ki saamane baithe um‍meedavaar se k‍yaa savaal kiyaa jaae?

"em.es-see.! fijik‍s ! frs‍t diveejn ! raait ? " mainne poochhaa.

"jee haan."

"to aap isamen k‍yon aanaa chaahate hain, yah to bahut chhotee pos‍t hai, aaee meen, tum to kaheen lek‍charar, profesar ke lie bhee ep‍laaee kar sakate hain."

"jee haan, par aajakal lek‍charar kee koee pos‍t naheen nikalatee, iseelie...."

"to pee-ech.dee. kar lo. usake baad risarch men apanaa kairiyar banaa sakate ho. kaheen failoship ke lie traaee kiyaa ?"

"jee... naheen."

"k‍yon? tum to bade braait ladke ho, abhee tum‍haaree umr hee k‍yaa hai? saamane pooraa kairiyar padaa hai. abhee padho. risarch karo. koee failoship lekar risarch karane foren bhee jaa sakate ho."

"abhee.. meree faainensiyal pojeeshan theek naheen hai. isalie main filahaal naukaree hee karanaa chaahataa hoon."

"oh ! tum‍hen kuchh knp‍yootar vagairah aataa hai?"

"jee haan sar! mainne chh: maah kaa dip‍lomaa bhee kiyaa hai." vah kuchh ut‍saahit ho gayaa.

"to fir theek hai. main to tum‍hen yahee salaah doongaa ki apane gaanv jaao. aajakal har jagah knp‍yootar par kaam karane vaalon kee dimaand hai. paart-taaim koee kaam kar sakate ho. is tarah tum‍haaraa kharchaa bhee nikal aaegaa. aur saath-saath pee-ech.dee. jroor karanaa."

"par main pee-ech.dee. naheen karanaa chaahataa....!"

"meree salaah maano bete. is naukaree men apanaa samay mat kharaab karo. tum‍hen kaafee aage jaane hai, risarch karo aur desh kaa naam roshan karo. tum jaise honahaar ladkon kee desh ko jroorat hai. theek hai? o.ke.! bes‍t aof lak for yor braait fyoochar."

"thaink‍yoo ... sar. main aapakee salaah yaad rakhoongaa." bolakar vah nikal gayaa.

meree samajh men naheen aataa ki aisee kaun see aafat aa gaee hai. k‍yon log ek chhotee see naukaree ke peechhe paagalon kee tarah toot pade hain. aise honahaar ladke itanee jal‍dee him‍mat haar jaaenge to desh kaa k‍yaa hogaa. shaayad use meree salaah pasnd naheen aaee..... aur fir dene ke lie mere paas salaah ke alaavaa kuchh hai bhee naheen.....!

jo marad apanee aurat ko “bhoolabhulaiyaa” naheen dikhaa sakataa, vah kis kaam kaa...?

meraa naam raamarattee baaee hai. main dishaapur gaanv men rahatee hoon. hamaare dishaapur men kaee aafis hain jinamen bade-bade afasar naukaree karate hain. main in afasaron ke gharon men jhaadoo baratan karatee hoon.

pahale main majdooree karatee thee. majdooree men paisaa to adhik thaa, par kaam roj roj naheen milataa thaa. jhaadoo-baratan, ek to maheene bhar kaa kaam hai aur doosare isamen paisaa bndhaa-bndhaayaa milataa hai. shuroo ke hafte men thodee dik‍kat hotee hai, par baad men jab haath set ho jaae, to kaam fataafat hone lagataa hai. mujhe teen-chaar ghar nipataane hote hain, isalie main kaam jal‍dee hee karatee hoon.

shuroo-shuroo saahabon kee beebiyaan hamaaree harakaton par najr rakhatee hain, par ek baar bharosaa jam jaae to pooraa ghar bhee hamaare jim‍me chhod detee hain. beebiyon ke mere haath kaa kaam bahut pasnd aataa hai.

jitane kis‍m ke saahab, utanee hee kis‍m kee unakee beebiyaan. sab doosaron ke gharon ke andar kee baaten jaanane kee koshish karatee hain. tahaseeladaar saahab kee beebee ghumaa firaakar poochhatee hai ki naayab tahaseeladaar ke ghar itanee raunak k‍yon rahatee hai. naayab tahaseeladaar kee beebee poochhatee hai ki food ins‍pek‍tar ke ghar kaun-kaun aataa-jaataa hai. main to saaf kah detee hoon “bhaee, doosaron ke ghar k‍yaa hotaa hai, mujhe kuchh naheen pataa. haan mere baare poochho to sab sach-sach bataa doongee.” jab apane dil men khot naheen to k‍yaa daranaa.

“rattee baaee, bebee ko do ghnte khilaane (dekh rekh karane) kaa kaam hai. bataa teree najr men koee hai.” naayab tahaseeladaar beebee ne poochhaa.

unakaa ek chhotaa bebee hai. un‍honne mujhase kahaa thaa khilaane ke lie, par mainne manaa kar diyaa. mere paas bilakul taaim naheen hai. aur jitane samay men bach‍chaa khilaane kaa kaam hogaa, utane men to main do ghar aur nipataa sakatee hoon. par mere lie chaar ghar hee kaafee hain. aur jyaadaa ghar pakadne kaa bilakul mood naheen hai.

mujhe gaanaa sunane kaa bahut shauk hai. mainne sabako pahale hee bataa diyaa ki main kaam karate samay rediyo chalaakar sunatee hoon. mnjoor ho to bolo haan, naheen to namas‍te. aur aajakal afsaron ke ghar rediyo to jroor hotaa hai.

hamaare gaanv men koee sinemaahol naheen hai. vahaan se sabase paas kaa sinemaahol bichapuree kaa “sapanaa” hai, jisamen fil‍m dekhane ke lie bichapuree do ghnte bas men jaanaa padtaa hai. jab bhee vahaan koee sinemaa lagataa, usakee khabar hamaare gaanv men bhee lagatee. mujhe fil‍m dekhane kaa bhee badaa shauk hai.

fil‍mo men salamaan khaan meraa fevaret heero hai. jis din aish‍varyaa raay usako chhodkar abhishek bach‍chan se shaadee kee, mainne naayab tahaseeladaar beebee se bol diyaa, “aajakal kee heeroinon ko heero se naheen, heero ke paise se p‍yaar hai.” amitaabh bach‍chan ke paas jyaadaa paisaa hai, isalie vah salamaan ko chhodkar abhishek ke paas gaee. aajakal kaa jamaanaa aisaa hee hai.

“rattee baaee, food ins‍pek‍tar kaa apanee beebee se jhagadaa huaa k‍yaa? achaanak maike kaise chalee gaee?” naayab tahaseel daar kee beebee ne poochhaa.

“pataa naheen baaee. unake ghar k‍yaa huaa, mere ko kuchh naheen pataa.” mainne saaf kah diyaa “baaee. aap mere ghar kee baat poochho to main bataa sakatee hoon. aur doosaron kee baat naheen bataa sakatee.”

“chal-chal. badee aaee sharaafat bataane vaalee.” beebee naaraaj ho gaee. par main jaanatee thee vah jyaadaa der chup naheen baithegee.

“toone apanaa marad k‍yon chhod diyaa?”

“aise hee, vah mujhe pasnd naheen thaa.”

“k‍yaa maar-peet karataa thaa?”

“naheen. vaise to badaa bhalaa aadamee thaa. par mujhe pasnd naheen thaa. badaa knjoos thaa. usane vaadaa kiyaa thaa ki mujhe “sapanaa” men “bhoolabhulaiyaa” dikhaane le jaaegaa, par naheen le gayaa.”

“bas? isee lie use chhod diyaa?” beebee ne badee hairat se poochhaa.

“haan...! iseelie.... aur main apanaa kharchaa khud karane ke lie taiyaar thee. fir bhee meree baat naheen sunataa. use meree koee paravaah hee naheen hai....”

beebee meraa munh dekhatee rahee. main un‍hen bataa rahee thee ki kaise main akelee bichapuree jaakar ‘bhoolabhulaiyaa’ dekhakar aaee. jo marad apanee aurat ko “bhoolabhulaiyaa” naheen dikhaa sakataa, vah kis kaam kaa...? mainne ab doosaraa marad rakh liyaa hai.

kripayaa chalatee gaadee se n utaren....!

pichhale hafte hamaaree bas kaa s‍teeriyo fir kharaab ho gayaa thaa. kaee dinon tak use theek karavaane kaa taaim naheen milaa. parason lnch taaim men pahale s‍teeriyo theek karavaayaa fir lnch kiyaa. jogendar jal‍dee machaane lagaa to lnch aadhe men chhodnaa padaa. knpeeteeshan ke chak‍kar men aajakal apanaa khaanaa-peenaa sab haraam ho gayaa hai.

das din pahale aise hee aage nikalane ke kaaran badarapur men do basen aapas men bhid gaeen aur do saaikil savaar kuchal gae. bas, tab se lekar aaj tak akhbaaron men roj heding aatee, "aaj b‍loolaain ne 4 ko shikaar banaayaa", "aaj 2 ko shikaar banaayaa". aisaa lagataa hai b‍loolaain bas n huee, raakshas ho gaee aur raah chalate logon ko pakad-pakad kar khaane lagee. are main poochhataa hoon log yah k‍yon naheen chhaapate ki aaj b‍loolaain ne paanch hajaar yaa das hajaar logon ko sahee salaamat ghar pahunchaayaa.

thaharie, main yah bataanaa hee bhool hee gayaa ki meraa naam shnkar hai, b‍loolaain kaa draaivar aur kndak‍tar donon hoon. main aur meraa dos‍t jogendar root nnbar 725 men chalate hain. gaadee kabhee main chalaataa hoon, to kabhee jogendar chalaa letaa hai. maalik ko roj ke teen hajaar roopae do, baakee vah aur hisaab naheen poochhataa. hamane saaf kah diyaa hai, hamen roj kee jhik-jhik pasnd naheen. usane traifik vaalon kee pak‍kee seting kar rakhee hai, isalie hamen koee dik‍kat bhee naheen hotee.

sabere kaa samay ach‍chhaa hotaa hai. jyaadaa traifik naheen hotaa. savaariyaan bhee nahaaee-dhoee hotee hain, ham bhee ach‍chhe mood men hote hain. tab main apanaa s‍teeriyo jroor bajaataa hoon. kishor kumaar ke gaane, "pal bhar ke lie koee hamen p‍yaar kar le, jhoothaa hee sahee...!"

log kahate hain, b‍loolaain bas ke kndak‍tar badatameej hote hain, savaaree se seedhe munh baat naheen karate. kahanaa hai to kuchh bhee kaho, ham munh thode hee pakad sakate hain. aap hamase sabere ke samay milie. aapako sab pataa chal jaaegaa. aap, janaab aur saahab ke sivaa aap hamase koee doosaraa shab‍d naheen sun sakate. mere munh se "mere maaee baap, ledij ko seet de do... meree seet par aa jaao..." sunakar jogendar bhee kabhee-kabhee acharaj karataa hai ki shnkar itanaa saleekedaar kaise ho gayaa? yah sab sngeet kaa kamaal hai... kishor kumaar kaa kamaal hai.

shaam ko paanch baje shaadeepur s‍taind se teen chaar ladkiyaan bas par chadhtee hain. yah roj kee savaaree hain. inake aane se pooree thakaavat door ho jaatee hai. fir kishor kumaar kee yaad aatee hai. lataa mngeshakar kee yaad aatee hai. meraa s‍teeriyo aur gaane hameshaa saath dete hain. jogendar bhee dekhataa hai ki main ledeej seet par baithe aadamiyon se haath jodkar seeten khaalee karavaataa hoon. aap taaj‍jub karenge main tikat kaatakar savaaree ko paise lautaate samay "thaink‍yoo" bhee kahane lagaa hoon. aakhir ham bhee ghar parivaar vaale log hain, hamaaree bhee maan-bahanen hain.

mujhe bas ek baat ach‍chhee naheen lagatee, jab ladkiyaan "bhaiyaa" kahatee hain, "bhaiyaa! jraa gaadee rokanaa..." yaa "bhaiyaa! paanch roopae kee tikat denaa...". mainne yah baat ko jogendar ko bataaee to vah isakaa majaak udaane lagaa. main jaanataa hoon, vah meree baat naheen samajhegaa. isake lie mujhe hee kuchh karanaa padegaa.

isalie mainne aaj lnch ke samay gaadee men pichhale daravaaje ke oopar pent se likhavaa diyaa, "draaivar kaa naam -shnkar", "kndak‍tar kaa naam-jogendar", aur agale daravaaje ke oopar likhavaa diyaa, "kripayaa chalatee gaadee se n utaren... draaivar ko bhaiyaa n kahen...!"

he bhagavaan! mere bete ko salaamat rakhanaa....!

pichhale hafte hee meraa betaa raajaa kanaadaa se vaapas lautaa. is baar poore teen saal baad lautaa. hamaaraa ikalautaa betaa thaa, vah kab badaa huaa, kab videsh jaane ke sapane dekhane lagaa, pataa hee naheen chalaa. apane dos‍ton ke saath hee saaraa intajaam kar liyaa aur jab sab-kuchh tay ho gayaa, paise kee jroorat padee, tab hamen bataayaa. us raat sab khaamosh the. kisee ne aapas koee baat naheen kee. raajaa ke paapaa ne raat kaa khaanaa bhee naheen khaayaa. parntu doosare din dopahar tak ek laakh roopae laakar rakh die. is baat ko das saal ho gae, par lagataa hai kal kee hee baat hai.

do saal baad raajaa apane paapaa ke gujrane ke baad aayaa thaa. bataayaa ki vahaan ek badee faik‍tree men maal dhone vaalaa trak chalaataa hai. ach‍chhee kamaaee hai. vaheen usane shaadee bhee kar lee. mujhase kahane lagaa ki "maan too bhee chal. vaheen saath rahenge."

apanaa ghar-dvaar sab yaheen hai. gujr-basar aaraam se ho jaatee hai, ooparale donon maale ke kiraaedaaron kaa kiraayaa baraabar aa jaataa hai. aur fir videsh kaa khaanaa peenaa, bol-chaal kuchh mere pal‍le naheen padtaa. main vahaan jaakar k‍yaa karatee?

is baar bhee saath le jaane kee jid kar rahaa hai. mainne laakh manaa kiyaa par usane ek n sunee. kahataa hai ki "maan, vahaan bhee bahut se mndir guroodvaaraa hain. teraa poojaapaath vaheen ho jaaegaa. bas ek baar too chal." main majboor ho gaee. ab to umr bhee ho chalee hai. tabeeyat theek naheen rahatee aur oopar se yah ghutanaa pareshaan karataa hai. ab to do rotee mil jaae, aur k‍yaa chaahie? mujhe vahaan ke bolachaal aur khaan-paan se k‍yaa lenaa denaa? mainne bhee man banaa liyaa.

padosiyon se gale milane par khoob ronaa aayaa. jaane kab lautanaa ho. ab is jmeen se naataa khatam. teen mnji‍l kaa yah makaan, usakaa saaraa saamaan, thodee bahut khetee, sab-kuchh aune-paune daamon men bech diyaa. havaaee jahaaj se jaanaa hai kahaan dhote firenge?

dil‍lee kaa havaaee addaa dekhaa. are baap re baap ! itanaa badaa hai! lagataa hai pooraa shahar isake andar aa jaaegaa. kaheen bichhad n jaaoon? mainne dar kar raajaa kaa haath pakad liyaa.

andar ek kursee men mujhe ek jagah bithaakar raajaa tikat kaa pataa karane chalaa gayaa hai. havaaee jahaaj men saamaan pahale jamaa karanaa padtaa hai isalie use bhee le gayaa. kah gayaa "maan main tikat kaa pataa kar aataa hoon. saamaan jamaa karane men thodee der lag sakatee hai. too kaheen jaiyo mat. yaheen chup baithiyo."

itane saare bhaanti-bhaanti ke log. pataa naheen chalataa ki kaun hindus‍taanee hain aur kaun videshee. log apanaa ek chhotee haathagaadee se saamaan khud dho rahe hain. ek se badhkar ek seth honge, par lagataa hai yahaan kulee karane kaa rivaaj naheen hai. bahut der ho gaee hai. raajaa lautaa naheen abhee tak.

thodee der pahale raubadaar moonchhon vaalaa sik‍yoritee kaa aadamee aayaa aur poochh-taachh karane lagaa. jaa rahee hoon baabaa, mujhe k‍yaa yahaan apanaa ghar banaanaa hai? yah kamabakht mere peechhe hee pad gayaa. lo, ab much‍chhad apane kisee aur saathee ko le aayaa. isakee besharamee dekho, "maanjee" kahakar baat kar rahaa hai. aur raajaa abhee tak k‍yon naheen aayaa? he bhagavaan, meraa raajaa kaheen raas‍taa to naheen bhool gayaa? itanaa badaa eriyaa hai, jroor kaheen raas‍taa bhool gayaa hogaa. kahaan pataa karoon?

in havaaee adde vaalon ne bade badatameej log bhartee kar rakhe hain. saare nnbar ek ke jhoothe hain, kahate hain, "kanaadaa kee flaait to kab kee chalee gaee. ab aap apane ghar jaao!"

he bhagavaan! is duniyaa men raajaa ke sivaa meraa koee naheen hai. mere bete ko salaamat rakhanaa, kaheen use kuchh ho to naheen gayaa....!

bhagavaan ke kaam men teraa ehasaan naheen chaahie.....!

jay saaneen raam. is baar pndrah din ke lie shiradee jaakar sevaa dene kaa kaaryakram pak‍kaa hai. saaree duniyaadaaree se door poore pndrah din sat‍sng aur sevaa men bitaane kaa maukaa milegaa. sabhee taaj‍jub karate hain ki bhaaee javaahar, tum aisaa kaise kar lete ho? main mus‍kuraa detaa hoon. prabhu kee kripaa ho to har kaam snbhav ho jaataa hai.

meraa naam javaaharalaal sharmaa hai. main navagaanv men feel‍d maleriyaa varkar hoon. main bachapan se hee dharm-karm men ruchi rakhataa thaa. sochataa thaa badaa hokar saadhoo banoongaa. parntu yah grihas‍th jeevan bhee ek tapas‍yaa se kam naheen hai. isamen rahakar jo apane kartav‍yon ko pooraa karate hue, prabhu kaa dh‍yaan karataa hai vahee sabase badaa saadhoo hai.

"shiradee aane jaane ke lie deedee se kuchh udhaar le loon?" mainne pat‍nee se salaah mashavaraa kiyaa.

"theek hai, do teen maheene men chukaa denge. par dharam ke kaam men udhaar lenaa theek naheen hotaa." pat‍nee bolee.

"haan, yah to hai." meree pat‍nee hameshaa samajhadaaree kee baat karatee hai. dharm-karm ke kaam men udhaar lene se usakaa pun‍y naheen milataa. jisakaa paisaa hotaa hai, pun‍y usake naam chalaa jaataa hai.

mere aofis ke jee.pee.ef. men to paisaa hai hee, paanch hajaar nikaal loongaa. paise aur samay kee samas‍yaa to hameshaa banee rahegee. isako lekar dukhee hone se k‍yaa faayadaa?

pahale do chhuttee aur baad men snde milaakar dekhen to kul athaarah din ho jaate hain. isamen pndrah din kee chhuttee ke lie ekamush‍t ee.el. (arjit avakaash) lenaa padegaa. vaise hee yah chhuttiyaan bekaar jaa rahee hain, kuchh upayog men aa jaaengee.

main kal raat aofis se vaapas lautaa.

"k‍yaa baat hai, pareshaan ho?" pat‍nee ne poochhaa.

"baaboo paisaa maangataa hai. kahataa hai ee.el. mnjoor karaane kaa ret dhaaee sau roopae hai. saahab se mnjoor karaanaa padegaa. mainne usase bataayaa ki main dharm kaam ke lie jaa rahaa hoon. baar-baar rik‍ves‍t karane par apanaa pachaas roopayaa to chhodne ke lie taiyaar ho gayaa hai, par saahab ke lie do sau roopae denaa hee padegaa. aur jee.pee.ef edavaans dene kaa ret 10 parasent hai isalie paanch hajaar roopae par 500 to pahale hee kaat lenge. haath men saadhe chaar hajaar hee aaegaa."

"fir k‍yaa huaa?" pat‍nee poochhee.

"fir k‍yaa, main usakee baat maan gayaa. usane naee darakh‍vaas‍t banavaaee. usamen pat‍nee beemaar hai likhavaayaa. abhee sochataa hoon to lagataa hai ki bhagavaan ke darabaar men jaane ke lie ghoos denaa galat hai, isase ach‍chhaa main jaane kaa vichaar chhod doon." main niraashaa ho gayaa.

pat‍nee ne khaanaa parosate hue bolee "aap apanaa dil k‍yon chhotaa karate hain. is kaam men jo ghoos letaa hai galatee usakee hai. aapako apanaa kaaryakram badalane kee jroorat naheen hai. akele aapase thode hee lete hain, sabase lete hain. aap yah maanakar chalo ki yah ghoos naheen fees hai."

bilakul sahee baat hai. mere man kaa bojh halakaa ho gayaa. sabake paap ko lekar main akelaa k‍yon pareshaan hooon? kal hee jaakar baaboo ko bolataa hoon ki apane pachaas roopae bhee le lenaa. bhagavaan ke kaam men teraa ehasaan naheen chaahie.....!

itanee samajhadaaree to vee.aaee.pee. logon men honee hee chaahie....!

meraa naam sat‍yanaaraayan varmaa hai, mndalaa ke faayar briged s‍teshan men draaivar hoon. kaam bade jokhim kaa hai isalie hamaaree s‍peshal trening bhee hotee hai. hamen pooree tarah se mus‍taid rahane kee trening dee jaatee hai. kaee baar to abh‍yaas ke lie dril bhee hotee hai. hamaaree dyootee chaubeeso ghnte kee hotee hai, par bhagavaan kee dayaa se yahaan aag lagane kee ghatanaaen naheen hotee.

yahaan faayar briged kee do gaadi‍yaan hain, jinamen se ek to hameshaa chaaloo haalat men rahatee hai. yah imarajensee sevaa hai n jaane kab jroorat pad jaae, isalie hamaare s‍taaf ko bhee saath rahanaa hotaa hai. aag lagane kaa intajaar karate hue baithaa naheen jaa sakataa, isalie jrooree kaam padne par hamamen se ekaadh use nipataane chalaa jaataa hai. parntu ham is baat kaa pooraa dh‍yaan rakhate hain ki kam se kam ek aadamee teleefon uthaane ke lie to maujood honaa hee chaahie.

garamee ke dinon men hamaaree dyootee sakh‍t ho jaatee hai, din men kaee-kaee chak‍kar lagaane padte hain. raat ko thakaa maandaa lautataa hoon to meree gharavaalee poochhatee hai, "kaun see aag hai jo roj-roj lag jaatee hai?"

meree pat‍nee hee naheen balki kaee logon ko hamaaree aisee dyootee se shikaayat hai.

pichhale dinon frij ke sho room vaale agravaal saahab naaraaj ho rahe the. gaadee unake dukaan ke saamane khadee thee aur raas‍taa jaam ho gayaa thaa.

"faayar briged kee gaadee hai saahab. imarajensee sevaa." main safaaee dene lagaa

"aapako yahaan roj-roj sevaa denee hai to pichhale rod se aaie." agravaal jee jhal‍laae.

"ham bhee k‍yaa karen saahab, vidhaayak jee kaa ghar hai, isalie aanaa padtaa hai." mainne safaaee dee.

"vidhaayak jee se kaho, unakee motar ham theek karavaa denge."

"to aap hee theek karavaa do, hamen bhee roj-roj kee jhnjhat se chhuttee mile...." main bhee chidh gayaa. aaj yah haalat hai hamaaree, ki agravaal hamaaree gaadee ke raas‍te par rok lagaaegaa. ham faayar briged vaale hain, jroorat hogee to tum‍haare ghar ke andar ghus sakate hain.

mujhe vidhaayak jee par bhee gus‍saa aataa hai. maanaa ki garamee men paanee kee tngee hotee hai. kabhee bijalee gol to kabhee motar kharaab ho jaatee hai. aapake ghar kee motar kharaab hai to paanee kaa tainkar mngaaie. nagaranigam vaale isee kaam ke lie hain aur vo baraabar vee.aaee.pee. dyootee men lage rahate hain. itanee samajhadaaree to vee.aaee.pee. logon men honee hee chaahie....

aadhikaarik aadeshon par turnt kaarravaaee karo_______!

aaj hamaare prakaashan vibhaag men ek patr aayaa ki deepaavalee mele men do din kee pradarshanee lagane vaalee hai, usamen apane prakaashan kaa s‍tol lagaanaa hai aur kitaaben pradarshit karanee hai. patr inchaarj ke naam aayaa aur un‍honne aavash‍yak kaarravaaee ke lie mere paas bhej diyaa. kisee pradarshanee men apanaa s‍tol lagaane kaa matalab hai pooraa siradard.

isamen k‍yaa kam kaam hotaa hai? kitaabon ke sndook lie vahaan jaanaa, saaraa kuchh khud hee dhonaa. din bhar kee dyootee aur kitaabon kaa hisaab kitaab. chaay peene, peshaab karane kaa bhee samay naheen mil paataa. pataa naheen rookane aur khaane kee v‍yavas‍thaa hai yaa sab apane jeb se hee karanee padegee. paisaa dekar kitaaben koee khareedanaa naheen chaahegaa aur free kaa saikadon kaitalog kharaab ho jaaenge.

pahale main apanaa parichay de detaa hoon. meraa naam soobedaar sinh hai, parntu mere poore naam se bahut kam log jaanate hain. jabaki aap es.dee. sinh jee ko poochhen to yahaan har koee bataa degaa. main yahaan indaur krishi vish‍vavidyaalay ke soochanaa aur prakaashan vibhaag men kaam karataa hoon. hamaare vibhaag kaa mukh‍y kaam riporton, patr-p‍trikaaon, krishi snbndhee buletinon kaa prakaashan karanaa hai. prakaashan ke kaam men jo log prat‍yaksh roop se jude hain vahee log is kaam kee gnbheerataa, isakee mushkilon ko samajh sakate hain, varanaa aam logon ko yah bade aaraam kaa kaam lagataa hai.

abhee pichhale maah hee kulapati mahoday ne aadesh jaaree kiyaa ki hamaaraa vish‍vavidyaalay apane prakaashan vibhaag ko saarvajanik melon tathaa samaarohon men bhee bhejegaa. isase logon ko hamaaree gatividhiyon kee jaanakaaree hogee, saahit‍y kee bikree hogee, sns‍thaan kaa prachaar-prasaar hogaa, kri‍shakon kaa kal‍yaan hogaa, raajas‍v aaegaa, vijibilitee badhegee...... matalab yah ki ham apanaa sndook uthaa-uthaakar jagah jagah ghoomen aur tnboo lagaaen. bas thelaa lekar galee-galee feree lagaane kee kasar rah gaee hai.

ab patr aayaa thaa to aavash‍yak kaarravaaee karanee hee thee. main deevaalee mele ke snyojak yaadav jee ke paas milane gayaa.

"main indaur krishi vish‍vavidyaalay se aayaa hoon. aapane patr diyaa thaa s‍tol lagaane ke lie. haan vahee, bahut shukriyaa ki aapane mele men bulaayaa. isee baare men kuchh jaanakaaree chaahie. bas paanch minat aapakaa loongaa." main unase badee garmajoshee se milaa.

"jroor jee. dhan‍yavaad to aapakaa hai, jo aap hamaare paas aae. bataaie k‍yaa sevaa karen?" yaadav jee bhee vinamr ho gae.

"s‍tol lagaane kaa chaarj bhee kuchh lete hain?" mainne poochhaa.

"chaarj to hai. par aap krishi yoonivarsitee vaalon se kuchh naheen lenge. aap log vaise hee aa jaaie. ham chaarj praaivet knpaniyon se lenge."

"hamaare teen aadamee honge. unake rookane kee v‍yavas‍thaa k‍yaa hogee?"

"ajee rookanaa k‍yaa hai, subah melaa shuroo hai, shaam ko bnd. din bhar mele men rahie aur shaam ko apane ghar men laut jaaie."

"aap kah to theek rahe hain, par melaa bnd hote hote raat ke aath-nau baj jaaenge aur saamaan lekar hamaare aadamee kahaan pareshaan honge. to unake rookane kee v‍yavas‍thaa to honee hee chaahie."

"haan aapakee baat bhee sahee hai." yaadav jee thodaa neeche utare.

"bhojan kee v‍yavas‍thaa aapakee or se kuchh hai?" main kuchh aage badhaa.

"vahaan food s‍tol honge, vahaan aapake aadamee bhojan kar sakate hain.

"usake paise to dene padenge naa."

"jee haan, vo to hai. hamaaree or se koee aisee v‍yavas‍thaa naheen hai." yaadav jee kuchh aur neeche utar gae.

"hamaare paas kitaabon ke sndook honge to usake lie koee gaadee chaahie. kuchh intajaam ho sakataa hai ki subah le aaen aur shaam ko chhod aaen?"

"naheen gaadee to naheen ho paaegee?" ab yaadav aur utare.

"tab to badee mushkil ho jaaegee yaadav jee. aur mele men darshak kaise honge?"

"yahee shahar ke log honge. sabhee faimilee vaale ghoomane firane aaenge. jhoolaa jhoolenge, kuchh khreedadaaree karenge."

"to unamen hamaare vish‍vavidyaalay kee kitaaben padhne men kisako dilachas‍pee hogee. isamen to riporten, motee-motee kitaaben aur krishi patrikaaen hotee hain. aapako k‍yaa lagataa hai? kitanee kitaaben bik paaengee?" mainne bol yaadav jee ke kort men daal dee.

"ab main k‍yaa bataa sakataa hoon. aap theek kahate hain. in kitaabon kee bikree men mushkil hee hogee. log ghoomane firane aaenge, kitaaben kaun khreedegaa." yaadav jee pooree tarah utar gae.

"to theek hai. bahut-bahut dhan‍yavaad. aapase saaree baaten k‍leeyar ho gaeen. aapake hisaab se is mele ken kitaaben to bikengee naheen, fir s‍tol lagaane kaa k‍yaa faayadaa?" main uthane lagaa.

"jee bilakul. aise to s‍tol lagaane kaa koee matalab naheen hai." yaadav jee uthane lage.

mainne vah patr nikaalaa, us par meree aavash‍yak kaarravaaee pooree ho chukee thee. mainne mele ke snyojak se mulaakaat kee. un‍hen lagataa hai ki s‍tol lagaanaa bemaanee hogaa. isalie s‍tol lagaane kaa vichaar chhod denaa chaahie.

baayodaataa aisaa banaao ki naukaree dene vaalaa vivash ho jaae _____!

aapane gaur kiyaa hogaa ki jab se praaivet tathaa mal‍teeneshanal knpaniyon kaa jor badhaa hai, hamaare yahaan naukariyon men bhartee kee pranaalee men kaafee badalaav aa gayaa hai. pahale im‍tahaan ke nnbaron ke aadhaar par seedhe faisalaa le liyaa jaataa thaa. intarav‍yoo hote bhee the, to naam-maatr ke. ab sarakaaree knpaniyon men bhee log intarav‍yoo aur s‍maartanes ko bahut mahat‍v dene lage hain.

meraa naam je.pee. deshapaande hai. yahaan g‍vaaliyar men baink men kaam karataa hoon. mainne bhee naukaree paane ke lie bahut paapad bele hain. hamaare samay men gaaid karane vaalaa koee naheen thaa. isalie kaafee bhatakanaa padaa. ab koee berojgaar yuvak mujhase salaah maangataa hai to main usakaa pooraa sahayog karataa hoon.

pados kaa ek ladkaa naukaree kee talaash men thaa. ek din vah mere paas salaah lene aayaa. mainne sabase pahale usakaa baayodaataa dekhaa. sabase pahale usamen sudhaar kee jroorat thee. mainne use salaah dee -

"baayodaataa puraane s‍taail kaa hai, aajakal ke hisaab se theek naheen hai. baayodaataa aisaa honaa chaahie ki dekhane vaalaa inpres ho jaae."

"to ise kaisaa banaaen?"

"sabase pahale to ise ulataa kar do. matalab ki jo kuchh isamen neeche hai, vah oopar likho aur jo oopar likhaa hai use neeche karo, jaise isamen tumane apane naam, pitaa kaa naam se shuroo kiyaa hai. yah sab padhne kaa taaim kisake paas hai? ise sabase laas‍t men likho."

"ach‍chhaa!"

"im‍tahaan men kitane nnbar hain, ise bhee baad men le jaao."

"to shurooaat men k‍yaa likhoon?"

"shurooaat men apanee visheshataaen bataao. tum‍haaree visheshataaen k‍yaa hain?" mainne usase poochhaa.

"main padhaaee men tej hoon."

"naheen. yah sab naheen chalataa. isake badale koee doosaree visheshataa socho."

"doosaraa.... main khelakood men av‍val hoon."

"are yaar. inase kaam naheen chalataa. visheshataaen aisee likho ki tum‍haaree parsanailitee kaa pataa chale jaise ki tum frendaship jal‍dee karate ho, tum‍haare andar leedaraship kee k‍vaalitee hai, tum hnsamukh ho, museebat men bhee hnsate rahate ho, vagairah.." maine use samajhaayaa.

"par bhaiyaa yah sab to naheen hain. main frendaship jal‍dee naheen kar paataa."

"jo bhee ho, par likhanaa yahee. samajhe! "

"jee samajh gayaa." vah mere sujhaav se ut‍saahit thaa.

"aur tum‍haaree hobee k‍yaa hai? matalab tum‍hen k‍yaa karanaa pasnd hai?"

"hobee.... fil‍men dekhanaa, sonaa, teevee dekhanaa...."

"yah sab to rahane do. isake badale likho ki tum‍hen maauntaining, traiking, ghoomanaa-firanaa, logon kaa kal‍char s‍tadee karanaa vagairah pasnd hai."

"naheen, sab to bilakul pasnd naheen, yah traiking k‍yaa hotee hai?"

"yah jo bhee ho, likhanaa yahee chaahie."

"jee samajh gayaa."

"aur yah bhee likhanaa padtaa hai ki tum‍haaraa laksh‍y k‍yaa hai. tum apanee jindagee men k‍yaa karanaa chaahate ho?" mainne usase poochhaa.

"main ach‍chhee naukaree karanaa chaahataa hoon. gaadee aur ghar khareedanaa chaahataa hoon."

"dhat tere kee. yah kabhee mat kahanaa. hameshaa kahanaa ki main apane feel‍d men top par pahunchanaa chaahataa hoon. samajhe?" mainne poochhaa.

"samajh gayaa." vah sir hilaayaa.

"aur sabase ant men apanaa naam, pataa, aur apane pitaa kaa naam likhanaa chaahie. samajhe?"

"jee samajh gayaa. pitaa kaa naam k‍yaa likhanaa theek rahegaa. ise asalee likh doon?" vah poochhaa.

main soch men pad gayaa. is par to mainne kabhee sochaa hee naheen thaa.

yahaan andar aanaa elaaood naheen hai_____!

mujhe bahut khushee huee jab meree naukaree lagee thee. paisaa to kam hai, maheene bhar kaa 3000 roopayaa yaani ki rojaanaa ke 100 roopae. maalik kahataa hai ki eemaanadaaree se kaam karo to aage paisaa badhaa degaa.

main bharatakumaar thapaliyaal, gadhchiraulee kaa rahane vaalaa hoon. dos‍ton ke paas dil‍lee ghoomane aayaa thaa aur fir aisaa man lagaa ki yaheen rah gayaa. yahaan dil‍lee men hamaare aasapaas ke gaanvon ke bahut saare log hain jo faik‍tariyon men naukaree karate hai. main hindus‍taan sik‍yoritee men lag gayaa. aajakal meree dyootee sent thomas s‍kool men hai. sik‍yoritee vaale ne s‍kool par sik‍yoritee gaard sap‍laaee kaa thekaa saal bhar ke lie le rakhaa hai. pahale badaa taaj‍jub hotaa thaa hamen tanakhvaah koee aur detaa hai, huk‍m kisee aur kaa bajaanaa padtaa hai.

mujhe vardee pahanakar kaam karane men badaa majaa aataa hai. isamen paisaa to kam hai par povar bahut hai. ham kisee ko bhee aane vaale ko rokakar poochhataachh kar sakate hain. bade-bade log andar jaane ke lie rik‍ves‍t karate hain.

abhee pichhale hafte kee baat hai, meraa mood kuchh khraab thaa. tabhee s‍kool men ek aadamee aayaa, vah shaayad kisee bach‍che kaa baap thaa.

"k‍yaa kaam hai?" mainne usase poochhaa.

"andar aofis men jaanaa hai."

"aofis men k‍yaa kaam hai?"

"are bhaaee, prinsipal se milakar kuchh baat karanee hai." us aadamee ne kuchh rookhe s‍var men kahaa.

"sar, andar jaanaa elaaood naheen hai."

"are, kuchh jrooree baat karanee hai. kaise elaaood naheen hai?" usakaa s‍var aur tej ho gayaa.

"jab tak andar se hamen aadesh naheen hogaa, ham andar naheen jaane naheen de sakate. aapako koee baat karanee hai to fon se karie."

"jrooree baat hai, fon se naheen ho sakatee, mujhe khud milanaa hai, aap meraa kaard prinsipal ko bhijavaaie." vah mujhase jhagadaa karane lage.

"meraa dyootee kaard dene kaa naheen hai. yahaan kaard denaa elaaood naheen hai." main bhee ad gayaa. saalaa, mujhase akad kar baat karataa hai.

"too kaise rok sakataa hai? prisipal kahaan hai? ach‍chhaa tamaashaa banaa rakhaa hai." vah apanaa mobaail fon nikaalakar nnbar milaane lagaa.

"sar, raas‍te se hat jaaie, raas‍te men khadaa honaa elaaood naheen hai." meree ich‍chhaa bhee hai ki prinsipal mujhe khud yahaan se hataa de. aisee vaahiyaat naukaree chhoot jaae to hee theek hai.

agale din thekedaar ne bulavaayaa. thekedaar ne bataayaa ki prinsipal meree taareef kar rahaa thaa. "aise hee man lagaakar kaam karo, khoob tarak‍kee karoge." meree tanakhvaah men paanch sau roopae kee badhottaree ho gaee thee. meree teen din kee chhuttee bhee mnjoor ho gaee thee.

is shahar kaa hisaab-kitaab ab meree samajh men aane lagaa thaa. mainne apane chachere bhaaee ko bhee gaanv se bulaa kar sik‍yoritee gaard men lagaa diyaa hai. use ach‍chhe se samajhaa diyaa hai ki chaahe kaheen bhee dyootee ho, kisee ko bhee andar ghusane mat do. yaad rakho "hameshaa yahee kaho ki yahaan elaaood naheen hai. aane vaalaa jitanaa jyaadaa pareshaan hogaa maalik utane hee adhik khush honge."

vah poochhataa hai, "k‍yon? apane milane vaale ko pareshaan karane se maalik k‍yon khush hotaa hai?"

"isase usakee aukaat kuchh aur badhee mahasoos hotee hai, use lagataa hai "elaaood naheen hai" sunakar aane vaale ke man men raub padtaa hogaa ...."

taareef karo lekin snbhalakara______ !

main kailaash varmaa, digree kolej yamunaanagar men arthashaas‍tr kaa lek‍charar hoon. aaj arthashaas‍tr vishay kee bahut poochh hai. pahale aisaa naheen thaa. pahale jo ladkaa padhaaee men kamajor hotaa thaa kisee tarah digree pooree karane ke lie arthashaas‍tr vishay le liyaa karataa thaa. parntu main aise logon men shaamil naheen thaa. main chaahataa to aasaanee se saains yaa koee an‍y vishay mil sakataa thaa, parntu mainne apanee ruchi se arthashaas‍tr chunaa, aur dekhie, ek se ek hoshiyaar bach‍che arthashaas‍tr padh rahe hain.

yahaan hamaare vibhaag ke log meree doorndeshee aur samajh kaa lohaa maanate hain. kisee bhee baat men main apanee raay sabase ant men detaa hoon k‍yonki meree raay jraa hatakar hotee hain. main aise pahaluon par vichaar karataa hoon jin par kisee aur kee najr naheen jaa paatee. log meree baat sunakar chakit rah jaate hain, "yaar! yah to hamane sochaa hee naheen thaa."

pichhale hafte reedar aaratee sin‍haa ne vibhaagaadh‍yaksh kaa chaarj sam‍haalaa. apanaa puraanaa kamaraa chhodkar vibhaagaadh‍yaksh ke kamare men shift kar liyaa. jaisee ki parnparaa hai, saare log badhaaee dene pahunche. main sabase ant men badhaaee dene pahunchaa.

"maidam, kaangrech‍yooleshns! aapamen to bilakul chenj aa gayaa." aaj maidam khoob saj-dhaj kar aaee theen. aur vibhaagaadh‍yaksh ke pad kaa raub to dekhate hee banataa thaa.

"ach‍chhaa ! k‍yaa chenj aayaa hai?" maidam kee aankhen chamak rahee theen. vah shaayad apanee taareef sunanaa chaahatee theen.

"aap pahale se jyaadaa karmath dikhaaee de rahee hain. kaam men jutee hueen." main jaanataa thaa ki pahale badhaaee dene vaale log nae kamare kee, unake chamak-damak kee khoob taareef kar chuke honge.

"matalab, k‍yaa main pahale kaam naheen karatee thee?" maindam ne doosaraa arth lagaa liyaa.

"naheen, meraa matalab thaa ki pahale aap puraane kamare men apane doosare kaamon men v‍yas‍t rahatee theen...." lagataa hai mainne kuchh glat bol diyaa.

"doosare kaamon men ? yahaan aofis ke itane kaam hote hain, k‍laas, semeenaar, s‍tudents ko gaaid karanaa k‍yaa kaam naheen hote?" un‍honne ukhade lahaje men kahaa.

"main to isalie kah rahaa thaa ki pahale aapake kaam ekedemik hote the, aapake ekedamik kaam to logon ko dikhaaee naheen padte n! ab jab edaminis‍tretiv honge, tab sabako pataa chalegaa." mainne baat ko snbhaalane kee koshish kee.

"haan, sach hai. jab tak doosaron ko tng n karo, kaam kee ginatee hee naheen hotee." maidam ne kahaa. daraasal pahale bhee unake kaam par kaee savaal uthe honge. shaayad iseelie un‍honne yah baat pakad lee.

main khisiyaa kar rah gayaa. man men aayaa ki kah doon, "haan, tumane apanee pooree jindagee lipastik pot kar doosaron kee chugalee kee hai. aaj tak koee kaam naheen kiyaa hai. aur ab bhee naheen karogee. tum‍haare bas kaa koee kaam hai bhee naheen." par chupachaap laut aayaa. main teekaa-tip‍panee naheen balki taareef kar rahaa thaa, par meree raay ko maidam ne glat tareeke se le liyaa thaa. kahate hain n, ki "jaakee rahee bhaavanaa jaisee prabhu moorat dekhee tin taisee."

mainne ek baat aur anubhav kee hai, auraton kee taareef karo to bahut snbhal-snbhalakar. aapakee ach‍chhee bhalee baat se vah k‍yaa matalab nikaal le, aap andaajaa naheen lagaa sakate.

abhee kal kee hee baat hai. mainne baatacheet ke dauraan hal‍ke-ful‍ke mood men apanee pat‍nee se kahaa ki use vakaalat padhnaa chaahie. usamen aisaa gun hai ki vah vakaalat men bahut kaamayaab ho sakatee hai. is par vah naaraaj ho gaee, aur ladne lagee. ab aap hee bataaie, isamen naaraaj hone vaalee k‍yaa baat hai ? vakeel honaa koee gaalee to naheen hai! aur k‍yaa kisee ko kairiyar edavaais denaa bhee glat hai?

hanumaan jee kshamaa karen, paapee pet kaa savaal hai____!

meraa naam raamasharan hai. filahaal main mntraalay ke dip‍tee sekretaree saahab kaa draaivar hoon. filahaal isalie kah rahaa hoon ham draaivaron kaa tabaadalaa hotaa rahataa hai. kabhee ek sekretaree ke paas kabhee doosare dip‍tee sekretaree ke paas. mntraalay men sekretariyon kee kamee naheen hai, alabattaa draaivaron kee kamee jroor hai.

ham hain to draaivar, par saahab log um‍meed karate hain ki ham chaparaasiyon kaa kaam bhee karen. kabhee kabhaar to theek hai, par roj-roj hamen yah pasnd naheen hai. kaee baar saahab ach‍chhe mil jaate hain, hamaaree bhaavanaaon kaa kh‍yaal rakhate hain. koee bevajah daant-dapat karataa hai to ham bhee kah dete hain, "kar do traansafr." bas itanaa sunakar adhikaansh saahab shaant ho jaate hain. traansfr kar to den, par nayaa draaivar milataa itanaa aasaan naheen hotaa.

main apane kaam se matalab rakhataa hoon. apanaa kaam karo aur raam kaa naam lo. andar sekretaree saahab aofis kee gaadee kaa is‍temaal ghareloo kaamon men karate hain. kahate hain, "ghar chale jaao, tum‍haaree aantee ko thodee maarketing karanee hai." isamen kaun see naee baat hai, sabhee aisaa karate hain. jo saahab kaa aadesh hai vahee hamaare lie huk‍m hai aur vahee kaanoon. par saahab kee faimilee (pat‍nee), baap re baap, faimilee ko raajee rakhanaa badaa mushkil kaam hotaa hai. saahab kee faimilee ghadee-ghadee daantatee hain, "meraa thailaa pakado", "yahaan khadaa karo" "tum‍hen mainars naheen hai", "main saahab se tum‍haaree shikaayat kar doongee". ab ledis se bahas kaun kare? main to saahab kaa bahut lihaaj karataa hoon varanaa jee karataa hai beech raas‍te gaadee se utaar doon.

pichhale hafte main aantee jee (saahab kee faimilee) ko b‍yootee paarlar le jaa rahaa thaa. jaane k‍yaa huaa aantee ne aaj bade ach‍chhe se baat kee, "raamasharan tum kaun se bhagavaan ko maanate ho?"

"main sabhee bhagavaan ko maanataa hoon, raam, krish‍n, shnkar....." main darate darate kahane lagaa. meree samajh men kuchh naheen aayaa thaa. lag rahaa thaa ki yadi ek kisee bhagavaan kaa naam loongaa to naaraaj ho jaaengee.

"are naheen, sab naheen ek bataao, kisakee poojaa adhik karate ho?" aantee ne poochhaa.

"main hanumaan kaa bhak‍t hoon. un‍heen kee poojaa roj karataa hoon." mainne kah diyaa. ab k‍yaa karoon, jo hotaa hai so ho.

"ek baat sach-sach bataaoge? tum‍hen hanumaan jee kee ksam hai, k‍yaa saahab is gaadee se kisee maidam ko ges‍t haaus le jaate hain?"

"aantee main aapase jhooth k‍yon baaloongaa?" main hakabakaa gayaa.

"dekho tum‍hen tum‍haare hanumaan jee kee ksam hai, sach-sach bataanaa."

maidam ne badaa buraa fnsaa diyaa. idhar kuaan to udhar khaaee. saahab aofis ke kaam se yaa kisee meeting ke silasile men ges‍t haaus to jaate rahate the. kaee baar pee.aar. aofeesar misej joshee bhee saath jaatee hain. yah sarakaaree gaadee hai, isamen to koee bhee baith sakataa hai. par maindam ko kaun samajhaae? kuchh poochhanaa hai to seedhe saahab se poochho, mujh gareeb ko k‍yon fnsaa rahee ho. yadi mere munh se ek bhee shab‍d glat nikal gayaa to meree naukaree khatare men pad sakatee hai.

"maidam aaj chaahe jisakee ksam de den, main aapase bilakul jhooth naheen boloongaa. apanee dyootee men, mainne apanee jaanakaaree men mainne kisee maidam ko naheen bithaayaa hai."

"dekho, raamasharan tum jhooth bol rahe ho, sach bataao. mujhe sab pataa hai."

"hanumaan jee kee kasam aantee jee, mainne aapake alaavaa kisee maidam ko naheen bithaayaa."

aantee mujh par gus‍saa karane lagee. ab vah apane puraane roop men laut aaee, "tum‍hen mainars naheen hai", "main saahab se tum‍haaree shikaayat kar doongee".

main man hee man bhagavaan se maafee maang rahaa thaa. he hanumaan jee, mujhe maaf kar do. naukaree kee savaal hai. mujhe is museebat se bachaao aur jal‍dee se jal‍dee meraa traansafr kaheen aur kar do.

dhan‍yavaad dhonee, aapane apane baal kataa lie _____!

chitr saabhaar:

sharat jaayasavaal

meraa naam sh‍yaamanaaraayan shivahare hai. madh‍yapradesh men uj‍jain kaa rahane vaalaa hoon aur yahaan ke digree kolej men rasaayan vijnyaan kaa profesar hoon. chhotaa parivaar sukhee parivaar hai aur eesh‍var kee kripaa se tanakh‍vaah bhee ach‍chhee khaasee hai, maje se gujaaraa ho jaataa hai.

meraa ek betaa hai jo is samay dasaveen bord kee pareekshaa men baith rahaa hai. kad-kaathee tnduroos‍t hai aur meree shart abhee se us par fit aatee hai. bhagavaan ne use dimaag bhee ach‍chhaa diyaa hai. main s‍vayn padhaa likhaa hoon aur padhaaee kaa mahat‍v samajhataa hoon. jaanataa hoon ki is umr men padhaaee kitanee jrooree hai. mainne tay kar liyaa hai ki usake kairiyar ke baare men apanee koee raay naheen thopoongaa. jo chunanaa chaahe, chune.

parntu is umr men sahee maargadarshan kee at‍ynt aavash‍yakataa hotee hai. ek pitaa se ach‍chhaa maargadarshak koee aur naheen ho sakataa. usakee draaing bachapan se hee ach‍chhee thee isalie mainne tay kiyaa hai ki usake lie baayolojee vishay ach‍chhaa rahegaa. baayolojee, joolojee aadi vishayon men prektikal men ach‍chhee draaing vaalon ko ach‍chhe nnbar milate hain.

bach‍che kaa man kach‍che ghade kee tarah hotaa hai. isalie mainne use sikhaa diyaa thaa, ghar men koee bhee aataa aur poochhataa "bete bade hokar k‍yaa banoge? to vah tapaak se kahataa "dok‍tar". "shaabaas ! vaah shivahare jee, badaa honahaar betaa hai aapakaa !" usake khilaunon men dok‍tar kee chhotee kit khreed kar le aayaa. khelate samay dok‍tar-dok‍tar khelataa, taaki usake avachetan man men dok‍tar bananaa ach‍chhe se jam jaae.

ab vah badaa ho gayaa hai. is samay vah apanaa samay padhaaee ke alaavaa an‍y gatividhiyon men adhik bitaane lagaa hai. yah bhee theek hee hai, isase bach‍che kaa samagr vikaas hotaa hai. aajakal bilakul kitaabee honaa bhee theek naheen hai. bach‍che men padhaaee ke saath-saath parsanailitee bhee honee chaahie.

do maah vah mere paas aayaa.

"paapaa. pachaas roopae chaahie. baal katavaanaa hai."

"yah lo. par baal katavaane ke pachaas roopae?" main samajh naheen paayaa. yahaan to baal pndarah se bees roopae main kat jaate hain.

"dhonee s‍taail ke pachaas roopae lagate hain."

"k‍yaa?" main kuchh samajh naheen paayaa. dhonee jaisee s‍taail ke pachaas roopae. isake sir par dhonee kaa bhoot kab chadh gayaa? are! dhonee kabhee baal kataataa bhee hai? aur fir ise to dok‍tar bananaa hai. mainne kisee dok‍tar kaa baal dhonee s‍taail kaa naheen dekhaa thaa.

meraa sapanaa bikharataa huaa najr aayaa. mainne use samajhaane kee koshish kee "bhale hee yah pachaas roopae le jaao, kisee doosare kaam men kharch kar lo, par dhonee jaise baal mat rakho."

par usane meree baat naheen maanee, tabhee bhagavaan ne meraa saath diyaa. main dhonee ko dhan‍yavaad detaa hoon ki usane apane baal chhote karaa lie hain.

bhaagachnd maaravaadee ko bi‍jnes kaa nayaa nus‍khaa maaloom naheen hai ___!

meraa naam saajan kumaar sindhee hai. padhaaee 10veen se adhik naheen chal paaee, padhne men man naheen lagataa thaa, aur kuchh ghar kee aarthik sthiti ach‍chhee naheen thee isalie seedhe bijnes men lag gayaa. meraa gupachup (paanee-puree) aur chaat kaa chhotaa saa bijnes hai. shaam-shaam men hee ach‍chhee kamaaee ho jaatee hai. meree saath ke padhe likhe ladke bee.e., em.e. kar abhee bhee ghoom rahe hain, unakee naukaree kaa thikaanaa naheen hai. ach‍chhaa huaa main padhne-likhane ke chak‍kar men naheen padaa, seedhe bijnes men lag gayaa.

maan baap ne meraa naam bahut ach‍chhaa rakhaa hai. saath padhne vaalee ladkiyaan meraa naam lete hue sharamaa jaayaa karatee theen, kuchh to meraa naam hee naheen letee theen, sirf es.ke. kah kar bulaatee theen. khair yah sab to puraanee yaaden hain, ab to bijnes men itane v‍yas‍t hain ki yah sab yaad karane kee furasat hee naheen milatee. hamaare bijnes kaa ek usool hai logon se bol-chaal men vi‍namrataa honaa chaahie. koee kabhee gus‍se men kadaa bhee bol jaae, to usakaa buraa n maano k‍yonki koee bhee aadamee dil se buraa naheen hotaa hai. sabase badee baat yah ki har aadamee ek graahak hotaa hai, aur graahak bhagavaan kaa roop hotaa hai.

mainne kaheen padhaa hai bijnes badhaane kaa ek nuskhaa aur hai - pahale logon se unakaa haal-chaal, ghar-parivaar kee khairiyat poochhanaa chaahie aur fir kaam kee baat karanee chaahie. isase apanaapan badhtaa hai jo laang tarm rileshan banaane ke lie ach‍chhaa hotaa hai. jisane bhee yah baat kahee hai bilakul theek hai. sachamuch, ham kahaan jaa rahe hain ! n duaa n salaam, seedhe-seedhe kaam par aa jaate hain, aajakal kisee ko ek doosare kaa haal jaanane kee furasat hee naheen hai!

ek minat, mujhe ek kaam yaad aayaa. mujhe bhaagachnd maaravaadee se baat karanee hai, unakee dukaan men aaloo aayaa yaa naheen, poochhanaa hai. is ilaake men aaloo ki‍raane kee dukaan men mi‍lataa hai. yah to bhalaa ki aajakal mobaail aa gayaa hai, k‍yaa gjb cheej banaaee hai, kitanee suvidhaa ho jaatee hai isase.

"hailo kaun bol rahaa hai? bhaagachnd se baat karaaie!" maine bhaagachnd kee dukaan men nnbar milaayaa. main bhaagachnd se aaloo thok men khreedataa hoon.

"main bhaagachnd hee bol rahaa hoon bhaayaa."

"namas‍kaar seth jee, main chatakhaaraa se saajan kumaar bol rahaa hoon. kaise hain aap?"

"oopar vaale kee duaa se khairiyat hai." main bhee aise hee naheen chhodne vaalaa. lagataa hai bhaagachnd maaravaadee jee ko yah nus‍khaa naheen maaloom hai.

"aur parivaar men sab kaise hain, baal bach‍che?"

"theek hee hain, tum‍haaree bhaabhee is samay beemaar chal rahee hai. vahee gathiyaa kee shikaayat.. aajakal chal-fir naheen paatee, isalie ek naukaraanee rakh chhodee hai. badaa to mere saath dukaan men hee baithataa hai, usake rish‍tevaale aae the... mainne to unase saaf kah diyaa ki bhaee, kaam dhaam vaalaa ghar hai. abhee to vaapas chale gae hain. jaisaa bhee hogaa fon se bataaenge. doosare nnbar vaale kaa do sab‍jek‍t men tyooshan lagaa diyaa hai fir bhee kahataa hai aur tyooshan padhegaa.. sab kamabakht khaalee karake chhodenge. sabase chhotee vaalee ...."

"are baal bach‍chon kee chintaa chhodi‍e, sab theek ho jaaegaa. bataaie kaam-dhaam kaisaa chal rahaa hai?" ye to raamaayan hee kholakar baith gayaa, mainne ise mobaail se fon k‍yon ki‍yaa?

"baajaar men aajakal badee mndee hai. shaadee kaa seejan aane men teen maheene hain. traansaport vaale apanaa ret badhaane vaale hain. sochataa hoon relave se maal mngaanaa shuroo kar doon, par kharchaa fi‍r bhee dabal kaa dabal hee padegaa. godaam yahaan se door padtaa hai isali‍e yaheen kaheen aasapaas ek aur godaam dhoondh rahaa hoon, teree najr men hai k‍yaa koee jagah bhaayaa?"

"fi‍lahaal to naheen hai, theek hain abhee rakhataa hoon."

"are bhaayaa, yah to bataa ki‍ fon k‍yon ki‍yaa thaa?"

"main poochhanaa chaahataa hoon ki‍ nae maal men aaloo aayaa ki‍ naheen."

"to seedhe-seedhe poochh n, taaim k‍yon barbaad karataa hai? aaloo vaalaa trak kal pahunchegaa. aur kuchh?"

"naheen, itanaa bahut hai." aur mainne jal‍dee se fon kaat di‍yaa. oh, fi‍r galatee ho gaee, mainne fon kaatane se pahale dhan‍yavaad yaa gudabaaee to kahaa hee naheen___!

ul‍te kaa ul‍taa seedhaa hotaa hai____!

meraa naam shivashnkar jhaa hai. main prayogashaalaaon men kaam aane vaale upakaranon ko banaane vaalee vish‍vavikh‍yaat knpanee "traaisan" kee bhaarateey ikaaee men eriyaa asis‍tent mainejar hoon. aap kabhee gudgaanv sthit hamaare aofis aaie. aapako ek pooraa kaaraporet varl‍d dikhaaee degaa. av‍val darje kee frnishing, av‍val darje ke sofe-kaaleen aur av‍val darje kaa s‍taaf. ham apane feel‍d eg‍jeek‍yootiv‍s kaam karane men pooree aajaadee dete hain. anek prakaar kee aarthik sahooliyaten bhee dete hain ki chhotaa-motaa kharchaa karanaa jrooree ho to vah bhee apane s‍tar par kar len, par taaraget se samajhautaa n karen.

mere adhikaaree eriyaa mainejar shree daangar jee bijnes men digree dhaarak hain, aur bahut tej tarraar kis‍m ke afsar hain. in bijnes ke digree dhaarakon kee sabase badee samas‍yaa hotee hai ki yah v‍yaavahaarik naheen hote. kaee baar inake faisale itane av‍yaavahaarik hote hain ki laabh ke bajaae nuksaan adhik hotaa hai. jaise kisee bhee bhale chnge feel‍d s‍taaf par akaaran dabaav banaanaa. ek aur pareshaanee hai ki yah apanee kaabiliyat saabit karane ke lie adheenas‍thon kee um‍meedon se bilakul ulataa nirnay lete hain.

mujhe jab se daangar saahab ke in ulate nirnayon kaa pataa chalaa to mainne unake mutaabik apanee rananeeti badalee.

pichhale maah mere mitr grevaal saahab apanee patrikaa ke lie vijnyaapan maangane aae. bade saj‍jan v‍yakti hain aur unake jarie hamen kaee k‍laaint mile hain. unase meraa yaaraanaa hai aur pablisitee ke fnd se main un‍hen vijnyaapan denaa bhee chaahataa thaa.

mainne grevaal jee se kahaa, "isamen meraa pahal karanaa theek naheen hai. aap eriyaa mainejar daangar jee se seedhe baat karie. unase yah baat jikr jroor karie ki aap mere paas aae the aur main is par raajee naheen hoon."

"par aisaa karane kee k‍yaa jroorat hai? aap s‍vayn hee vijnyaapan denaa s‍veekaar kar k‍yon naheen kar rahe hain. kaan ko ghumaakar k‍yon pakadte hain?" grevaal saahab duvidhaa men pad gae.

"meraa bharosaa karie grevaal saahab. vijnyaapan aapako jroor milegaa par jaisaa main kahataa hoon karie. dh‍yaan rahe ki daangar saahab ke saamane aapako aisaa jaahir karanaa hai ki main isake lie raajee naheen hoon."

vah taiyaar ho gae.

doosare din daangar saahab ne mujhe bulaayaa. unake saamane grevaal saahab kaa patr rakhaa thaa. main samajh gayaa ki grevaal jee kee mulaakaat daangar se ho chukee hai.

"mi.shivashnkar, is patr ko dekhie. aapakee k‍yaa opeeniyan hai?"

"sar! grevaal saahab ke maigajeen kee sarkuleshan itanee adhik naheen hai, isalie mainne un‍hen haamee naheen bharee thee. vaise bhee is saal vijnyaapan kaa bajat pichhalee baar se kam hai."

"parntu grevaal saahab se hamaaree knpanee ke puraane rileshan hain. inake maigajeen kee reputeshan badee ach‍chhee hai. hamen jroor in‍hen hee vijnyaapan denaa chaahie. main isee letar par hee apane kament likh detaa hoon. aap baik ful pej kaa kalar ed de deejie." aur un‍honne us patr par ek not likhakar mujhe de diyaa.

"theek hai sar. aap kahate hain to main ise proses karataa hoon." aur main baahar aa gayaa.

isee ulatabnsee kaa ek anubhav aur yaad aataa hai. yahaan ke ek samaajasevee patrakaar shreevaas‍tav jee aae. unakee b‍laikameling ke kis‍se jagajaahir the. unakaa maksad bhee vijnyaapan haasil karanaa thaa. un‍honne apanaa rootabaa darshaane ke lie apane oonchee pahunch aur meediyaa kee taakt kee baaten bataanee shuroo kar dee. vah aisaa jaahir kar rahe the maanon vah hamase vijnyaapan maangakar hamaaraa kal‍yaan karanaa chaahate hon. theek hai betaa, main bhee dekhataa hoon, tum‍hen vijnyaapan kaise milataa hai.

"aap baithie to sahee, abhee haathon-haath propojal bhejataa hoon. aap aaraam se chaay peejie." mainne chaparaasee ko chaay laane kaa aadesh diyaa.

"thodaa jal‍dee keejiegaa. mujhe kaee kshetron ko ek saath snbhaalanaa padtaa hai. k‍yaa karen? jarnalijm kaa kaam hee badaa jokhim bharaa hotaa hai."

"yah ban gayaa propojal main apane bos ke paas bhejataa hoon, balki khud lekar jaataa hoon."

vah khushee-khushee chaay peekar vidaa hue.

main s‍vayn apane haathon se propojal lekar gayaa. mainne to apanee or se pooree koshish kee, par mere chaahane se k‍yaa hotaa hai?

ek hafte baad shreevaas‍tav jee ko hamaaraa khed patr mil gayaa. hamaare pablisitee bajt men paisaa hee naheen thaa, isalie ham un‍hen vijnyaapan naheen de sake. agale varsh avash‍y prayaas karenge___!

ek kalaakaar hee doosare kalaakaar kaa dard samajhataa hai____!

meraa naam bajarngee devaangan, kalaapathak pramukh, raayapur kaa rahane vaalaa hoon. kalaapathak aisee sarakaaree kalaa mndalee hotee hai jo saans‍kritik kaaryakramon ke jarie sarakaar kee yojanaaon kaa prachaar prasaar karatee hai. mujhe to pataa hee naheen thaa ki aisee bhee koee sarakaaree naukaree hotee hai jisamen kaam gaane bajaane kaa ho. mujhe shuroo se hee gaane bajaane kaa shauk thaa. meree to laataree hee lag gaee thee.

hamen kalek‍tar ke andar kaam karanaa padtaa hai. shuroo men to kaam men majaa aayaa, par baad men badaa bekaar lagane lagaa. hamen greebee hataao, parivaar niyojan, padho-padhaao jaise vishayon par geet gaanaa padtaa. hamaare geet bhee kaheen aur se likhe aate, koee ras naheen, koee bhaav naheen, bas aadesh hotaa geet gaanaa hai. mote-mote afsar, jin‍hen kalaa aur sngeet ke baare men k kh bhee pataa naheen hotaa, vah hamen bataate ki k‍yaa gaanaa hai aur kab gaanaa hai.

samajh lo ham sarakaaree bhaand hain. kisee bhee kaaryakram men jahaan kalek‍tar yaa kisee bade adhikaariyon kaa dauraa hotaa, hamen bhej diyaa jaataa. hamaaraa kaam bheed jutaanaa thaa, jab tak ki kalek‍tar saahab vahaan pahunch n jaaen. pahale bahut buraa lagataa thaa ki koee hamaaraa geet beech men rokakar apanaa bhaashan shuroo kar de, par dheere-dheere isakee aadat ho gaee.

main ab apane kaam men bilakul parafek‍t hoon. aap koee bhee kaaryakram bataaie, eds niyntran yaa poliyaa teekaakaran, usake baare men aadhaa pej likh kar deejie, chutakee bajaate kisee bhee lokageet yaa fil‍mee geet men fit kar sakataa hoon. bas geet taiyaar. aapako majaa naheen aa rahaa hai to isase mujhe k‍yaa. main aapake manornjan kee paravaah karoon yaa apanee naukaree karoon? maaf keejiegaa baaboojee, par badalatee duniyaa ke saath-saath main bhee jeenaa seekh gayaa hoon.

vikaasakhnd adhikaaree, raajas‍v adhikaaree, tahaseeladaar, pnchaayat pramukh aur yahaan tak ki en.jee.o. ke log bhee hamaare chaaron or dolate hain, kahate hain "bajarngee bhaaee, aap jaise kalaakaar kee hamaare kaaryakram men upasthiti jrooree hai." unakaa matalab hotaa ki
ki "bajarngee bhaaee, hamaare kaaryakram men aakar muft men gaanaa-bajaanaa kar do." av‍val to ham har kisee kaaryakram men jaate naheen, yadi gae bhee to aisaa gaate-bajaate hain ki kisee ko sunaaee hee n de. logon ko dholak, haaramoniyam kee aavaaj bas sunaaee detee hai par samajh men kuchh naheen aataa. jab tak aayojak log maaik set karate hain ham do geet gaakar brek le lete hain.

log aakhiree men hamaare man kee baat kah dete hain-"isase ach‍chhaa to naachaa yaa bhajan mndalee bulavaa lete." yahee to ham bhee chaahate hain ki agalee baar naachaa bulavaa len to hamaaree balaa tale. hamen sntosh hai ki hamaaree naukaree pak‍kee hai hamaaraa to kuchh naheen bigadegaa. ab thodaa gaalee khaa lene se, yaa thode ghatiyaa saabit hone se hamaaree kalaakaar biraadaree ke kisee bhaaee ko rojgaar mile to isase ach‍chhee baat k‍yaa ho sakatee hai___!

sarafroshee kee taman‍naa dil men hee rah gaee ____!

meraa naam vinaayak ahiravaar hai, peshaa raajaneeti, reevaa madh‍yapradesh kar rahane vaalaa hoon. sabhee bhaaee bahan apane apane thikaane lag gae hain. thikaane lagane kaa matalab hai ki bhaaee apane pairon par khade ho gae hain, bade kee naukaree to pahale se hee thee, chhotaa kapadon kaa bijnes karataa hai. donon bahanon kee shaadee ho chukee hai. yahaan hamaaree rish‍tedaaree bahut badee hai. meraa maananaa hai ki har parivaar men koee-n-sadas‍y raajaneeti men honaa chaahie. doosaron kaa n sahee, apane ghar men hee itane kaam rahate hain edamishan se lekar tabaadale tak, bijalee-paanee ke kanek‍shan se lekar kort kachaharee tak, ki raajanaitik jaan-pahachaan kee jroorat padtee rahatee hai.

mainne em.e kar liyaa, el.el.bee bhee kar liyaa par naukaree naheen milee. isalie mainne padh likhakar raajaneeti ko apanaa kairiyar banaane kaa nish‍chay kiyaa hai. raajaneeti men padhe likhe netaaon kee hameshaa jroorat rahee hai aur main to shuroo se hee bolane-chaalane men ach‍chhaa rahaa hoon. kaafee vichaar vimarsh kar kaangres paartee kaa kaaryakartaa ban gayaa hoon. hamaare kshetr ke yuvaa vidhaayak hain shree eesh‍var sinh jee, vah meree bahut ij‍jat karate hain. main unakaa bahut hee khaas chelaa ban gayaa hoon.

raajaneeti men nish‍thaavaan tathaa jameen se jude kaaryakartaaon kee bahut jroorat padtee hai. shurooaatee s‍tar par chhichhoraapan theek naheen hai. pahale vichaaradhaaraa ke s‍tar par to paripak‍v ho len, fir yadi eemaanadaaree se kaam kiyaa jaae to sattaa bhee mil jaaegee. janataa kaa kaam ni:s‍vaarth bhaav se karanaa chaahie. filahaal aap sabon kee duaa se apanaa jebakharch nikal hee jaataa hai. meree drishti s‍thaaneey raajaneeti, chhotee motee uthaapakat se kaafee aage hai. main raash‍treey raajaneeti men apanaa dakhal banaanaa chaahataa hoon. raajaneeti men chhaatron kaa netrit‍v karanaa aasaan lagataa hai, par isamen bahut jatilataaen bhee shaamil hotee hain.

us samay ham paakis‍taan ke raash‍trapati musharraf ke bhaarat aagaman ke virodh men janamat taiyaar kar rahe the. chhaatr shakti bahut badee shakti hai. hamaaree neeti rahee hai ki chhaatr netaaon se snpark kar un‍hen apane aandolan men shaamil karate hain. chhaatron men nayaa josh, naee oorjaa hotee hai. ham apane kuchh padaadhikaariyon ke saath yahaan ke medikal kolej men janaaandolan ke lie chhaatron se mile jule to vaataavaran kaafee anukool lagaa. jahaan ek or musharraf kaaragil ladaaee kaa jim‍medaar thaa, hamaare desh men av‍yavas‍thaa failaane ke lie aatnkavaadiyon ko shah dene kee baat kisee se chhipee naheen hai. usee khalanaayak kaa s‍vaagat aaj kendr sarakaaree raaj sam‍maan ke saath kar rahee hai. is sarakaar ko hamaare desh ke aat‍masam‍maan kee jraa bhee paravaah naheen hai! dhik‍kaar hai!

yahaan ke chhaatr netaaon men kaafee ut‍saah thaa, isalie yuvaa vidhaayak shree eesh‍varachnd ne s‍vayn vahaan ek meeting lee.

"saathiyon! koee baat aap sab se chhipee naheen hai. isalie samay barabaad n karate hue main seedhe mudde par aataa hoon. hamaare hindus‍taan ke tukade karane kaa sapanaa dekhane vaale musharraf kaa s‍vaagat ham naheen hone denge. isane hee hamaare kash‍meer par, hamaaree maan bahanon par at‍yaachaar karaayaa hai. ise to goliyon se bhoon denaa chaahie. aur yah sarakaar, amerikaa kee gulaamee kar rahee hai...." eesh‍var jee ne vahaan upasthit sabhee chhaatron kee antaraat‍maa ko hilaa kar rakh diyaa.

isake baad aandolan kee rooparekhaa tay huee.

"to hamane isake lie bhopaal men 11 taareekh ko ek railee kaa aahvaan kiyaa hai. yahaan se pooree tren bharakar jaaegee. vaise to aap logon ke rookane, khaane peene kee v‍yavas‍thaa sab hai, par yadi kuchh gadbadee ho to aap apanaa kharch khud karanaa pad sakataa hai. k‍yaa ham apane desh ke lie itanaa bhee naheen kar sakate?" sabhee chhaatron jaane ke lie taiyaar the.

"aap logon ko apanee kuchh kakshaaen chhodnee padengee, to k‍yaa aap sab taiyaar hain?"

"haan, bilakul taiyaar hain."

"shaabaas! yadi yahaan ke prinsipal ne koee taang adaane kee koshish kee, to k‍yaa unakaa virodh karane ke lie?"

"haan, bilakul taiyaar hain."

"yadi ham ekajut rahe to koee hamaaraa kuchh naheen bigaad sakataa. yah hamaare apane desh ke s‍vaabhimaan kee ladaaee hai. main aap logon ko bataa doon ki yadi prinsipal kal aap logon men kisee ko restiket bhee kar sakataa hai. k‍yaa desh ke lie ladaaee ladne ko taiyaar hai. aap men se kitane log apanee kurbaanee dene ke lie taiyaar hain? apane haath uthaaen!"

saare haath khade ho gae.

"aur kitane log kurbaanee naheen de sakate? haath uthaaen. kisee ke saath koee jabaradas‍tee naheen hai."

ek bhee haath naheen uthaa. sabhee chhaatr desh ke lie apanee kurbaanee dene ko taiyaar the. sabake man men sarafroshee kee taman‍naa jor maar rahee thee. yah mere desh, bhagatasinh aur chndrashekhar aajaad ke desh ke yuvaa hain...!

eesh‍var jee prasan‍n hokar kolej se vidaa hue. un‍honne vishesh taur par meree peeth thonkee.

hamane apane kaaryakartaaon ke saath bhopaal men railee kee, railee bahut ach‍chhee rahee. par us medikal kolej se koee naheen aayaa. sunaa hai unake pareekshaa kee det enaauns gaee thee aur sab apanee padhaaee men jut gae the.
aajakal chhaatr raajaneeti bhee aasaan naheen rah gaee. aur in medikal kolej ke bhagatasinhon ke sarafroshee kee taman‍naa kaa koee bharosaa naheen _____!

chhote shahar kee chhotee maanasikataa_____

meraa naam dee.pee. yaadav hai, em.e., em.es-see., bee.ed. hoon aur sihoraa ke shaasakeey haaee s‍kool men shikshak hoon. sihoraa shahar kaafee tejee se vikaas kar rahaa hai. ab to yahaan em.es-see. tak kaa kolej, do haaee s‍kool, tathaa ek garl‍s haaee s‍kool, do praaivet narsing hom, ek s‍te‍diyam, ek aaee.e.es. koching sentar bhee khul gayaa hai. yahaan se padhe bach‍che desh bhar men apane sihoraa gaanv kaa naam roshan kar rahe hain. ab yah gaanv kahaan rahaa, ach‍chhaa khaasaa shahar ho gayaa hai.

yahaan baayolojee kee kakshaa men adh‍yaapan kaary kar rahaa hoon. pichhale 15 varsh se baayolojee adh‍yaapan ke kshetr men meraa naam hai. aasapaas ke shaharon se vidyaarthee tyooshan padhne mere paas aate hain. par main har kisee ko naheen padhaataa. mere s‍kool se bhee anek bach‍che mere paas aate hain. tyooshan padhnaa yaa n padhnaa chhaatron kee apanee ich‍chhaa par nirbhar karataa hai. main kisee par koee dabaav naheen daalataa, kisee ko main baadh‍y naheen karataa. jise padhnaa hai padhe, jise nahee padhnaa vah s‍vaadh‍yaay kar pareekshaa dene ke lie s‍vatntr hai. apane nnbaron ke lie vah s‍vayn jim‍medaar hogaa. meraa aasheervaad usake saath hai.

yahaan ke logon kee maanasikataa abhee bhee pichhadee huee hai. ek ladkaa hai sundar laal. baarahaveen kaa chhaatr hai. padhne men tej hai. eesh‍var ne use buddhi ach‍chhee dee hai par use isakaa ghamnd ho gayaa hai. mere paas tyooshan naheen padhtaa aur kahataa hai ki s‍vayn hee k‍laas men frs‍t aakar dikhaaegaa. vah ek din prinsipal ke paas shikaayat lekar pahunch gayaa ki yaadav sar ladkon ko prektikal nnbar kam dete hain aur ladkiyon ko nnbar jyaadaa dete hain.

aap to jaanate hain ki chhote shahar ke log aur unakee vaisee hee ochhee maanasikataa. ladkon ko poore samay netaagiree karane, kriket vagairah se furasat naheen milatee. ladkiyaan man lagaakar prektikal men bhaag letee hain. unakee haindaraaiting sundar hotee hai. unakaa maukhik saakshaat‍kaar ach‍chhaa hotaa hai isalie unake nnbar adhik aate hain. ek shikshak ke naate hamen apane chhaatron kaa snpoorn v‍yaktit‍v jaanchanaa hotaa hai. prektikal nnbar aur kisalie hotaa hai?

abhee parason to had ho gaee. vah prinsipal ke paas pahunch gayaa aur kahane lagaa ki yaadav sar neetaa ke sir par haath fer rahe the. neetaa usee kee sahapaathee hai, aur bahut ach‍chhee ladkee hai. meraa lek‍char bade dh‍yaan se sunatee hai. k‍yaa ek shikshak s‍neh se apane vidyaarthiyon ke sir par haath naheen fer sakataa? mainne prinsipal saahab se kah diyaa ki chaahe jisakee kasam khavaa lo, main neetaa ke sir par mamat‍v yuk‍t s‍neh se haath fer rahaa thaa. sundaralaal kahane lagaa ki ham bhee to aapake chhaatr hain, hamaare sar par bhee mamat‍v vaale s‍neh se haath fero. thahar saale! isee mamat‍v vaale haath se teraa tentuaa n dabaa doon_____!

raam! bas das minat aur rooko _____

main snjayanagar dashaharaa samiti kaa adh‍yaksh manoharalaal bol rahaa hoon. jitane bhee darshak aae hain shaanti banaae rakhen aur vah aatishabaajee kaa aannd len. bhagavaan raam bhee apanee vaanar senaa ke saath maidaan men padhaar chuke hain. raavan dahan sheeghr hee kiyaa jaaegaa. mnch par hamaare mukh‍y atithi shree raajesh patel aur unake chhote bhaaee vivek patel, donon aa chuke hain. shree raajesh patel mere bade bhaaee jaise hain aur yahaan ke jaane maane samaajasevak hain, aur janataa ke prem men majboor hokar un‍hen raajaneeti j‍vaain karanaa padaa aur pichhale 10 varsh se raajaneeti men sakriy hain. shree raajesh patel ne is dashaharaa ut‍sav ke aayojan men apanaa bharapoor yogadaan diyaa hai aur hameshaa dete rahenge. main bahujan samaaj paartee ke yuvaa netaa bhaaee kas‍tooree laal se anurodh karataa hoon ki vah mnch par aakar raajesh patel jee kaa s‍vaagat karen.

ab main kapoor j‍velars ke shree nekachnd jain jee se anurodh karataa hoon ki vah bhaaee raajesh patel jee kaa s‍vaagat karen. shree nekachnd ne tan-man-dhan se is dashaharaa samiti ke aayojan men sahayog diyaa hai.

bhaarateey yuvaa morchaa ke shree gumaan bhaaee bhee raajesh patel jee kaa s‍vaagat karen. yah vishaal kunbhakarn shree gumaan bhaaee ke saujan‍y se banaa hai. kripayaa jal‍dee-jal‍dee mnch par aaen. gumaan bhaaee ! aur saath men kamal t‍yaagee bhee aa jaaen.

el.aaee.jee. kal‍yaan samiti ke sachiv shree gautam mndal hamaare netaa shree raajesh patel jee kaa s‍vaagat karenge. kripayaa taalee bajaate jaaen. darshakon se meraa nivedan hai ki ghere ke andar n ghusen. sik‍yoritee gaard aur vaalntiyar udhar dekhie k‍yaa ho rahaa hai?

shree sakhaaraam seth shree raajesh patel kaa s‍vaagat karen.

shree vidyaadhar, seth gajaanan, seth karmachnd shree raajesh patel kaa s‍vaagat karen. teenon ek saath aa jaaen. shree raam jee, apanee vaanar senaa ko sam‍haalie, bas thodee der aur hai, fir putalaa dahan karate hain. darshak kripayaa jal‍dabaajee n karen.

akhnd jaagaran samiti, kal‍yaanagnj ke mukhiyaa shree sukhabeer jee hamaare mukh‍y atithi shree raajesh patel kaa s‍vaagat karenge.

suprasiddh samaajasevak yaaseen bhaaee, shree raajesh patel kaa s‍vaagat karenge. dignbar kurmee, prahalaad solnkee, ganeshachnd maanjhee shree raajesh patel kaa s‍vaagat karenge.

snjayanagar ke pradhaan shree kaalooraam paasavaan mukh‍y atithi raajesh patel kaa s‍vaagat karenge. shree narendr up pradhaan bhee saath aa jaaen. shree raamakhilaavan, shree tejendar khan‍naa, shree .... are, raam jee ek minat aur rookie. bhagavaan raam main aapake haath jodtaa hoon bas das minat aur fir putalaa.... he bhagavaan, baakee kaa s‍vaagat baad men karenge... main raajesh patel jee aur shree vivek patel jee se anurodh karataa hoon ki bhagavaan raam ke saath jaaen aur putalaa dahan men sahayog karen. patel saahab daudkar jaaie, abe raam ! rook ! patel saahab ko saath letaa jaa...

"traansafr kaa kaam hai" kahanaa paryaap‍t naheen hai ____

meraa naam sevaaraam hai. shikshaa vibhaag men naukaree karataa hoon. naheen jee, maas‍tar (shikshak) naheen hoon. aisee kis‍mat kahaan. main to maamoolee saa k‍lark hoon. posting jilaa shikshaa vibhaag mukh‍yaalay, hoshngaabaad men jilaa shikshaa adhikaaree ke saath hai. mere naam kee tarah hee meraa kaam bhee sevaa karane kaa hai.

mujhe shikaayat hai ki aajakal log apane kaamon ko lekar kaafee laaparavaah ho gae hain. koee bhee len-den yaa hisaab-kitaab jubaanee rakhanaa theek naheen hotaa, kabhee bhee dhokhaa ho sakataa hai. abhee pichhale maah kee baat hai. mere paas raamaayan prasaad aayaa.

"yah leejie das hajaar roopae, traansafr kaa kes hai." raamaayan prasaad kaa kaam 'logon kaa kaam karavaanaa' hai. netaaon ke aage peechhe bhee firataa rahataa hai. ladkaa tej hai, aage jaaegaa.

"kisakaa traansafr?" mainne poochhaa.

"tivaraa ke ramesh sharmaa, praaimaree teechar kaa."

saal men ek baar traansafr kaa seejan aataa hai. is samay har sarakaaree naukaree dhaaree shikshak satark ho jaataa hai. jise koee bhool-sudhaar karanee hotee hai, pooraa maukaa milataa hai. koee pardaa naheen hai, har aadamee jaanataa hai ki kaam karaanaa hai to kisase snpark karanaa padegaa.

"darakhvaas‍t kahaan hai?" har kaam ke lie aavedan patr denaa aavash‍yak hotaa hai.

'vo to naheen hai. are aap logon bhee kahaan darakhvaas‍t vagairah ke chak‍kar men pade hain. paisaa pooraa edavaans men diyaa hai, fir k‍yaa dik‍kat hai."

"k‍yaa kaam hai, yah to pataa chale."

"abhee bataayaa n, traansafr kaa kaam hai."

"are bhaiyaa, traansafr rokanaa hai ki traansafr karavaanaa hai?"

"traansafr rokane kaa kaam hogaa...shaayad. koee traansafr karavaane ke paise thode hee detaa hai?" vah hadbadaayaa.

"aise shaayad se kaam naheen chalataa bhaiyaa, pooraa pak‍kaa karo.

"main pak‍kaa kah rahaa hoon traansafr rokane kaa hee kaam hai. aap to bade shak‍kee aadamee hain."

"isamen majaak naheen hai, jindagee kaa savaal hai. aap log kaam ko seeriyasalee liyaa karo." mainne use samajhaayaa. "hamen hajaaron traansafron kaa hisaab rakhanaa padtaa hai. aisaa karo, paisaa yaheen chhod do. jaakar darakhvaas‍t banaa lo, traansafr karanaa hai, kahaan karanaa hai yaa rokanaa hai sab kuchh likhaa honaa chaahie?"

vah bhunabhunaataa huaa chalaa gayaa.

pahale ek baar isee tarah gadbad ho gaee thee. kisee saj‍jan ne apane dush‍man kaa traansafr rimot eriyaa men karane ke lie paise die the, par galatee se unakaa hee traansafr ho gayaa. liyaa gayaa paisaa vaapas to ho naheen sakataa thaa k‍yonki usamen adhikaaree se lekar chaparaasee tak kaa his‍saa rahataa hai, to agale saal do traansafr fokat men karane pade, beij‍jatee huee so alag.

aap hee bataaie "traansafr kaa kaam hai" kahane se k‍yaa k‍leeyar hotaa hai? ab yah baat in jholaa chhaap netaaon ko kaun samajhaae___.

main sach‍che dil se thaakur saahab kee madad karanaa chaahataa hoon___

main padosiyon kee madad karane ke lie hameshaa taiyaar rahataa hoon. baal-bach‍chedaar aadamee hoon. sukh-dukh to lagaa rahataa hai. jab ham kisee ke kaam aaenge tabhee to koee hamaare bhee kaam aaegaa. yadi koee hamaare kaam n bhee aae to k‍yaa huaa, insaaniyat ke naate hamaaraa jo bhee frj banataa hai, use pooraa karanaa chaahie.

mainne ek usool banaa liyaa hai. jahaan bhee maukaa mile madad karane ke lie aage badhnaa chaahie. pados men thaakur saahab ke ghar shaadee hai. main jaanataa hoon ki shaadee kaa ghar hai, isamen hajaaron kaam hote hain. aise men sach‍che padosee kaa dharm nibhaane chalaa gayaa.

"aur thaakur saahab, k‍yaa-k‍yaa kaam bachaa hai?"

"ajee, aapake aasheervaad sab kaam theek hee chal rahaa hai. saaraa kaam kaantraik‍tar ko de diyaa hai. kaitarar, tent vagairah sab vah thekedaar dekhegaa."

"fir bhee aap najr rakhiegaa. in thekedaaron kaa koee bharosaa naheen."

"vo to hai jee, usase roj-roj milakar poore kaam kee riport letaa hoon. vaise, bataate hain ki ye thekedaar badhi‍yaa aadamee hai."

"aur mere laayak koee sevaa?" mainne poochhaa. hamaare jamaane men...mujhe yaad aataa hai ki gaanvon men ham ladke mil julakar saaraa kaam karate the. yah thekedaar vagairah to aaj aae hain. gaanvon men aap abhee bhee jaa kar dekhie, khaanaa parosane se lekar baaraat kee pooree khaatiradaaree tak kaa kaam gaanv vaale mil jul kar hee karate hain.

"abhee to naheen, jab lagegee to bilakul yaad karenge jee. aapako naheen kahenge to kisako kahenge."

"bilakul thaakur saahab, koee bhee kaam ho, koee bhee jroorat ho to aadhee raat ko aavaaj deejiegaa......"

"ek chhotee see samas‍yaa hai.... hamaare ghar bahut se mehamaan aa gae hain. kaafee bheed ho gaee hai. yadi aapake ghar men ek kamaraa mil jaae to kuchh logon ko usamen rookavaa sakate hain."

"haan k‍yon naheen...par..." main kuchh bolataa rook gayaa. mujhe yaad aayaa ki mere saas-sasur bhee to aane vaale hain.

"ab k‍yaa bataaen thaakur saahab, mere saas-sasur bhee kal hee aane vaale hain. vo thahare boodhe log. aise men kamaraa denaa to snbhav naheen ho paaegaa. yadi aap chaahen to kaheen kiraae se lene ke lie talaash karoon?"

"naheen. filahaal to naheen. jab lagegee tab dekhenge. are haan, aapake ghar paanee kaa badaa dram hai. vah ekaadh hafte ke lie mil jaataa to...? daraasal paanee kee khapat bahut badh gaee hai, isalie...."

"jroor, k‍yon naheen." mainne kahaa. tabhee mujhe dh‍yaan aayaa ki aajakal paanee kee katautee chal rahee hai. kaee baar nal ek hee taaim aataa hai, aise men dram dene se gadbad ho jaaegee. "oh, thaakur saahab, aapako to pataa hee hai, mere saas-sasur aa rahe hain, boodhe log hain, to paanee kee khapat badh jaatee hai. main maafee chaahataa hoon, yadi aap kahen to main kisee tent vaale se baat karoon, unake paas ek‍s‍traa dram hotaa hai."

"naheen koee baat naheen, filahaal to kaam chal hee rahaa hai. jab aisee naubat aaegee to main khud hee tent vaale se baat kar loongaa."

"koee aur kaam ho to avash‍y bataaiegaa."

"jroor. are haan, aapake yahaan ek silendar ek‍s‍traa hai k‍yaa? hamaaraa gais vaalaa aaj shaam tak dileevaree karegaa."

"gais... " mujhe yaad aayaa ki ek baar hamane isee tarah ek din ke lie silendar pados ke khaan saahab ko diyaa thaa. ek hafte tak un‍honne silendar naheen lautaayaa aur isee beech hamaaree gais kht‍m ho gaee thee.

"hamaaraa silendar bhee khaalee padaa hai. hamane to do teen din pahale buk karaayaa thaa, par pataa naheen k‍yon.. abhee tak aayaa naheen, main aaj pataa karataa hoon."

"koee baat naheen jee, main kaheen aur dekh letaa hoon."

"aur koee baat ho to aap nis‍snkoch...."

"yah bhee koee kahane kee baat hai?"

main bahut sharmindaa hoon, aur kisee n kisee tarah thaakur saahab kee koee madad karanaa chaahataa hoon. meree apanee vivashataaen hai, isee kaaran... par yakeen karen. main sach‍che dil se unakee madad karanaa chaahataa hoon.

mere ghar men jo kalesh hogaa, usakaa kaun jim‍medaar hai___?

aaj main kaishiyar kee pos‍t se ritaayar ho rahaa hoon. mujhe bahut khushee ho rahee hai, ki ab main apanaa pooraa samay bach‍chon ke saath bitaa sakataa hoon. is vidaaee paartee men meree pat‍nee naheen aa sakeen, parntu mere donon bete tathaa daamaad aae hue hain. vah jo kaimare se foto kheench rahaa hai, meraa badaa ladkaa hai. main bahut aabhaaree hoon ki aap logon ne koee aisaa-vaisaa chutakulaa naheen sunaayaa hai.

man badaa imoshanal ho rahaa hai. main daraasal dehaat kaa hoon isalie baat-baat par mere munh se gaalee nikal jaatee hai. is naukaree ke dauraan kaee logon se meree gaalee-galauch huee. saik‍shan haid se ek baar jootaa-chap‍pal bhee ho chukaa hai, k‍yonki un‍honne meree chhuttee s‍veekaar naheen kee thee. parntu mujhe yah jaanakar bahut ach‍chhaa lag rahaa hai ki aap logon men kisee ne bhee meree baaton kaa buraa naheen maanaa hai. jaisaa ki saik‍shan haid ne abhee bataayaa main saaf dil kaa aadamee hoon, jo kuchh jubaan par aataa hai bol jaataa hoon. koee baat apane dil men naheen rakhataa. yah ach‍chhee k‍vaalitee hai.

apanaa saaraa chaarj mainne pahale hee de diyaa hai, parntu saik‍shan haid kee sarvis buk chhipaakar rakhee thee. mujhe aisaa lag rahaa thaa ki vah ritaayarament ke samay kaa k‍lem dene men kuchh dik‍kat kar sakate hain. parntu mere k‍lem kaa chek aa chukaa hai. sar, mujhe maaf kar deejie, aapakee sarvis buk daravaaje ke paas vaalee kebinet ke sabase nichale khaane men hai.

mere ghar men bhee kuchh jalapaan kee v‍yavas‍thaa hai. mainne dhol bajaane vaalaa bhee bulavaa liyaa hai, aur meree ich‍chhaa hai ki main haar pahanakar dhol bajavaate hue juloos nikaalakar apane ghar jaaoon. aap sabhee jo apanaa galaa tar karanaa chaahate hain, kripayaa juloos men mere saath ghar chalen.

aapane sab ne milakar raadhaa-krish‍n kee yah sundar moorti mujhe upahaar dee hai. mainne sunaa hai ki pahale saras‍vatee kee moorti pasnd kee thee, par kuchh logon ko dhaaranaa hai ki mujhe raadhaa-krish‍n adhik soot karate hain, chalo koee baat naheen. yah bhee bhagavaan hain.

saik‍shan haid ne meraa lagabhag saaraa k‍lem aaj hee dilavaa diyaa, isake lie main aabhaaree hoon. par abhee bhee in‍hen jaraa bhee ak‍kal naheen aaee hai. haar pahanaate aur raadhaa-krish‍n kee moorti dete samay daant faadkar foto khinchavaayaa, par chek ko sabako kholakar k‍yon dikhaa rahe hain___!

isamen saadhe saat laakh roopae likhe hain, yah bhee jor se padhkar sunaa diyaa hai. aap to vaahavaahee loot gae. ab mere ghar men isake lie jo kalesh hogaa, usakaa kaun jim‍medaar hai___?

agale saal inakaa bhee ritaayar hone kaa nnbar hai. main apane saathiyon se praarthanaa karataa hoon ki saik‍shan haid saahab ko apane k‍lem kaa chek bhent karen to usamen deree naheen honee chaahie. koee kaam ho to beshak mujhe bulavaa len. main free men inake k‍lem ke lie bhaag-daud karane ko taiyaar hoon. inakaa chek, ritaarayarament vaale din hee inake saare parivaar ke saamane dikhaakar, foto khinchavaakar bhent honaa chaahie.

itanee mnhagaaee men nayaa p‍yaar kahaan milegaa____

meraa naam surendar hai. hamaaraa gaam dasaratapur hariyaanaa men padtaa hai jee. hamaare gaanv men bekaaree bahut hai. meraa men kaam to lohaar kaa hai. main apanee dukaan ko varkashop kahataa hoon. ab aap hee bataao, jis dukaan men lohe kaa kaam hotaa ho, use varkashop kahanaa k‍yaa galat hai.

aaj main aapako apanaa dukh bataataa hoon jee. meree aadhee umar ho gaee par mere maan baap ne meree shaadee naa karee. kahate hain ki kaheen ladkee naheen milatee. unakaa bhee k‍yaa dosh. hamaare ilaake men bahut kam ladkiyaan hain jee, to shaadee ke lie ladkee naheen milatee.

par main haath-pe-haath dharakar naa baithaa. kaafee bhaagee-daudee kee to jaakar ek nepaal kee chhokaree milee. poore paanch hajaar nakd dene pade. usase shaadee karee. tab jaakar jindagee men kuchh raunak aaee. paisaa to fir aa jaavegaa par ek baar umar nikal gaee to naa aane kee.

meraa ek chacheraa bhaaee thaa jee, umar men mere se badaa thaa aur vah bhee chhadaa (avivaahit) thaa. usane badaa dhokhaa kiyaa mere saath. vah mere ghar aataa-jaataa rahataa thaa. main bhee sochataa, meree gharavaalee se thodaa hns-bol letaa hai to isamen mujhe k‍yaa dik‍kat hai. yah gaanv to aap jaanate hee ho, yahaan to regis‍taan hai jee. isamen janaanee ke paas ghadee do ghadee baithane se koee tasal‍lee paave hai to isase jyaadaa pun‍y kaa kaam koee naheen hotaa.

vah meree gharavaalee ko bhagaa le gayaa aur vah isee gaanv men doosare ghar men rahane lagee hai. mainne usase bahut jhagadaa kiyaa par ab vah yahaan aane ko raajee naheen hai. kahatee hai usee ke saath rahoongee. main apane chachere bhaaee se faujeedaaree to kar naheen sakataa thaa. isamen khoon-kharaabaa bhee ho sakataa thaa. so main pnchaayat gayaa.

mainne pnchon se kahaa ki mujhe apanee gharavaalee vaapas chaahie. use kabhee koee dukh-takaleef diyaa ho to meree glatee. par un‍honne meree baat naa sunee. meree gharavaalee kahatee hai ki ab use mere chachere bhaaee se p‍yaar ho gayaa hai so vah usee ke saath rahegee. mainne pnchon se kahaa ki meree gharavaalee lautaa de, chaahe mere se paanch hajaar aur le aur apane lie doosaree le aae. par pnchaayat ne faisalaa sunaa diyaa ki isamen jabaradas‍tee naheen chal sakatee. yadi isakee marjee hai to vah mere chachere bhaaee ke saath hee rahegee. par isake lie mainne jo paanch hajaar kharch kie the, use mujhe lautaane kaa huk‍m sunaa diyaa.

meree samajh men naheen aataa ki mere p‍yaar men k‍yaa khot thee. main bhee to jee-jaan lagaa ke p‍yaar karataa thaa. paanch hajaar roopae vaapas to mil gae hain par ab mnhagaaee bahut badh gaee hai. itane men aisee sundar janaanee kahaan milagee.

meraa abhee bhee apane chachere bhaaee se mel-jol banaa huaa hai. main ab usake ghar aataa-jaataa hoon. jab tak koee doosaree naheen mil jaatee, isee se hns-bolakar gujaaraa karanaa hai____

ham kathaa keertan karane vaale log hain, hamaaraa rahan-sahan bilakul saadaa hai....

meraa naam harisharan shaas‍tree hai. ab aapase k‍yaa chhipaanaa, shaas‍tr vagairah kee koee upaadhi naheen milee hai. jaati se sharmaa braahman hoon. raamakathaa kahataa hoon to bhak‍tajanon ne s‍vayn hee shaas‍tree kahanaa praarnbh kar diyaa, to theek hai. jaakee rahee bhaavanaa jaisee, prabhu moorat dekhee tin taisee. aap hamen prem se jis naam se pukaaren, usee naam se ham aapakee sevaa men haajir ho jaaenge.

pahale main kathaa, shaadee-b‍yaah, havan it‍yaadi karavaataa thaa. par kahate hain n ki jnyaanee vahee hai jo samay ke saath parivartit ho jaataa hai. meree roochi bhee bhagavatkathaa kahane men thee. log kathaa shailee kee prashnsaa karate the, to mainne bhaagavat tathaa raamakathaa kahanaa praarnbh kar diyaa. ab dher saare bhak‍t ho gae hain.

aajakal logon kee pasnd kaafee badal gaee hai. log ham saadhuon se n jaane kaisee kaisee aas lagaae rahate hain. koee chaahataa hai ki main un‍hen yog kee baareekiyaan bataaoon, to koee jan‍mapatree banavaanaa aur padhvaanaa chaahataa hai. badee mushkil ho jaatee hai.

bhak‍ton kaa vish‍vaas todne kaa jee naheen karataa. isalie haath aur maathaa vagairah dekhakar bhavish‍y to bataa hee detaa hoon. vipattiyon kaa tod poochhate hain, to un‍hen havan it‍yaadi ke upaay bataa detaa hoon. rat‍n pahanane kee salaah main naheen detaa k‍yonki darataa hoon ki koee kisee pukharaaj yaa moonge kee angoothee lekar aa jaaegaa aur sahee hai yaa galat, jaananaa chaahegaa to use sntush‍t karanaa kathin ho jaaegaa.

aadh‍yaat‍m ke kshetr men maang aur poorti kaa adh‍yayan karane ke baad mainne raamakathaa aur bhaagavat ke kshetr men kaam karane kaa nish‍chay kiyaa hai. gosaanee tulaseedaas bhee kahate hain ki raamakathaa sunane se hajaaron yajnyon kaa fal anaayaas hee mil jaataa hai.

kathaa ke samay do-chaar bhak‍t haaramoniyam tathaa mnjeere men sngat bhee dete hain, jisase kathaa aur keertan kaa milaa julaa sngeetamay aadh‍yaatmik vaataavaran ban jaataa hai. ye log to vishuddh sngeetakaar hain, hamaaree tarah saadhoo-snt naheen hain, isalie inakaa paarishramik to denaa hogaa. aap to samajhate hain, kathaa men inakaa mahat‍v kitanaa adhik hotaa hai.

meraa apanaa to koee kharchaa naheen hai. aashram ke lie jo uchit lage de deejiegaa. rahane kee chintaa bilakul n karen. aap jaise kisee grihas‍th ke ghar men rah loongaa. main bhojan bhee ek hee taaim karataa hoon. do rotee doodh ke saath, bas aur kuchh naheen. koee taam jhaam mat kariegaa. doosare taaim bas ek katoraa kaajoo, kishamish aur falaahaar karataa hoon. subah naash‍te men saadaa haluaa desee ghee men banavaa deejiegaa. aur peene ke lie do gilaas gaay kaa autaayaa huaa doodh aadhee katoree shahad ke saath de deejie.

sap‍taah men do din to upavaas hee rahataa hoon. upavaas ke din maatr chiraunjee aur kishamish kaa sevan karataa hoon. isee tarah kuchh knd mool, fal-fool khaakar, gau maataa kaa doodh peekar....... are kahaan chale jajamaan.....sunie to...... mere saath mere kuchh chele bhee hain jo jay-jayakaar karane ke lie saath hee chalate hain..... ye log bhee shaakaahaaree hee hain.........

knp‍yootar chalaanaa bach‍chon kaa khel naheen hai___

main yoonivarsitee men profesar hoon, ritaayarament ke lie chaar saal bache hain. ab apanee baat k‍yaa bataaoon, yahaan badee politik‍s hai. jo tailented log hain un‍hen aage badhne kaa maukaa hee naheen milataa. mujhe bhee har kdam men badee faait karanee padee hai.

abhee do maah pahale kee baat hai. dipaartament men knp‍yootar aayaa. use hed saahab ne apane kamare men lagavaa liyaa jabaki mere kamare men laganaa chaahie thaa, k‍yonki mainne yoo.es. men risarch vark ke dauraan knp‍yootar par bahut kaam kiyaa thaa. isalie mujhe hee maaloom hai ki knp‍yootar kitanaa so‍festiketed ins‍trooment hotaa hai, aur use kaise haindal karanaa hai. khair, jab doosaraa knp‍yootar aayaa to usake lie mainne pooree faait kee aur apane kamare men rakhavaa liyaa.

mujhe koee pareshaanee naheen hai, aap bhee aaie, isamen kaam keejie aur ach‍chhe se dhak kar chale jaaie. par mujhe lagataa hai ki yahaan indiyaa men logon ko ise theek se haindal karanaa aataa naheen hai. sahee galat-salat batan dabaate hain aur khraab kar dete hain.

abhee parason hee mainne suneel ko daantaa. abhee tenpareree hai par jab tab kaam karane ke bahaane munh uthaae knp‍yootar par baith jaataa hai.

"sunie mis‍tar, aap is knp‍yootar cheyar dheere baithaa karie. yah badaa so‍festiketed hotaa hai. isamen jhoolaa mat jhoolie."

"oke sar. main dh‍yaan rakhoongaa."

"aur aap itanee tejee se keebord par batan k‍yon dabaate hain. ek-ek akshar baaree-baaree se jaane deejie. ek saath kaee akshar bhejate hain tabhee to knp‍yootar haing ho jaataa hai."

"bat sar, keebord par batan to..."

"ab aap mujhe mat samajhaaiye, kopee-pes‍t karane ke lie aapako edit men jaanaa chaahie. aap shaartakat se kar lete hain. main aapase badaa hoon isalie aapake bhale ke lie bataataa hoon ki jindagee men kabhee bhee shaartakat apanaanaa theek naheen hai."

"par isamen shaartakat...."

"aap isamen m‍yooji‍k kaise chalaate hain. it ij not mend for m‍yooji‍k. aapako m‍yoojik sunanaa hai to alag saaund sis‍tam le aaie...."

"soree sar, main...."

"aaee vont elaaoo yoojles vark hiyar! aap bataaie mujhe ise paasavard lok kaise kiyaa jaataa hain?"

"sar, jahaan tak meree jaanakaaree hai paasavard kaa proveejn naheen hai."

'ach‍chhaa !! main itanaa to jaanataa hoon ki paasavard sis‍tam har knp‍yootar men hotaa hai. aap mat bataaie, main isake injeeniyar se poochh loongaa. get aaut!"

pataa naheen k‍yaa, aaj kal ke launde aap ko fan‍ne khaan samajhate hain. main tab se knp‍yootar chalaataa hoon jab tum paidaa bhee naheen the. jab jee chaahaa, binaa haath pair vaash kie knp‍yootar men aa jaate hain. kaheen isamen vaayaras aa gayaa to?