baabaa hee bol sakate hain, seeeeo naheen

baabaa se elarjee yaa sachche lokatntr kaa aagrah, aapake bheetar kaun see bhaavanaa adhik balavatee hai?

anek buddhijeevee baabaa ko dutkaarane ko apanaa pahalaa kartavy maan baithe hain, baabaa ke paas bahut saare savaalon ke javaab naheen hai lekin bhrashtaachaar ke khilaaf aisee muhim chalaane koee aur aage kyon naheen aayaa, is savaal kaa javaab bhee unhen khud se poochhanaa chaahie.

bhaarat kee janataa hameshaa se snton, bhikshuon, soofiyon, daraveshon kee sunatee rahee hai. unakee sahaj buddhi kahatee hai, usakee baat suno jo apane nafaa-nuksaan ke fer men naheen hai.

rishiyon kee baat bahut puraanee hai. buddh, shnkaraachaary, gaandhee hee naheen, binobaa, jayaprakaash tak, alag-alag daur men bhaarat kee janataa aise hee logon kee sunatee rahee hai jo netaa naheen, balki snt dikhate hon.

yaa fir peedhee-dar-peedhee jinakaa raaj chal rahaa ho, shaayad yahaan bhee yahee soch hai ki vyakti snyogavash ek khaas khaanadaan men paidaa huaa hai, apane faayade ke lie (neeche se oopar aane kee koshish men) kuchh naheen kah-kar rahaa hai.

anek baar dhokhaa khaane ke baavajood jyaadaatar maukon par saamoohik-buddhimattaa (kalektiv vijdam) kaaragar rahee hai, baabaa raamadev ke maamale men hogee yaa naheen, koee naheen kah sakataa.

baabaa mujhe shuroo se hee pasnd naheen hain, baabaa ke khilaaf dheron savaal uthaae jaa sakate hain, kisake khilaaf naheen uthaae jaa sakate, uthaane bhee chaahie, lokatntr kaa yahee takaajaa hai.

mahaatmaa gaandhee ke naam se judee sattaadhaaree paartee ne unheen kee tarah bin-silaa kapadaa pahanane vaale aadamee ko raatonraat jis tarah agavaa kiyaa usase ghabaraahat, dar, sattaa kaa mad, bevakoofee, aparipakvataa aadi-aadi kaa hee saboot milataa hai.

bhaarat jaise vividhataa vaale desh men yog guroo hone kee vajah se baabaa raamadev sareekhe log hameshaa shnkaa kee najr se dekhe jaaenge. unase aarakshan, paryaavaran, bhoomndaleekaran, saanpradaayikataa jaise pecheedaa raajaneetik muddon par vivaadon se pare akaadamik najriyaa rakhane kee aashaa karanaa bhee faalatoo hai.

vivaadon se bachakar raajaneeti karane kee natavidyaa ve shaayad aage chalakar seekhen, yaa n bhee seekh paaen, lekin is samay ve jo kah rahe hain usamen aisaa kyaa hai jo bhaarat kaa lagabhag har aadamee naheen sunanaa chaahataa, vaise bhaarat men apavaad bhee laakhon men hote hain (janasnkhyaa ke anupaat men).

filahaal maamalaa bhrashtaachaar kaa hai, kaangres kaa prabal vishvaas hai ki nau pratishat vikaas dar kee naav jis nadee men tair rahee hai use koee sookhane naheen denaa chaahataa isalie baabaa raamadev kee baat par log jyaadaa kaan naheen denge.

unhen ye bhee saaf dikh rahaa hai ki bhrashtaachaar ko muddaa banaane kee sadaakt aur bootaa mukhyadhaaraa kee kisee paartee men naheen hai, agar bolane ke lie lab aajaad hote to ghotaalon kee feharist se lais vipaksh mimiyaane se aage jroor kuchh karataa.

isase pahale jab bhrashtaachaar raashtreey muddaa banaa to veepee sinh ke netritv men ("raajaa naheen, fakeer hai" kaa naaraa yaad karie), jin par aajeevan bhrashtaachaar kaa koee aarop naheen lagaa, logon ko unase baakee jo bhee shikaayaten rahee hon.

yahee vajah hai ki annaa hajaare, baabaa raamadev jaise log aage aae hain jo raajaneeti ke maujoodaa khaanche men fit naheen hote, globaaijd duniyaa men khud aarthik shakti banane aur indiyaa ko banaane kee res men naheen hain.

baabaa raamadev, annaa hajaare, medhaa paatakar, arundhati roy, vinaayak sen, irom sharmilaa aur hajaaron gumanaam-benaam-kamanaam log jo kah rahe hain, usamen antar ho sakataa hai, lekin ek baat samaan hai ki ve maujoodaa sattaa, vyavasthaa, kaaryapranaalee, snskriti, aacharan, niyam-kaanoon aur snvedanaaon par savaal uthaa rahe hain.

unase aap sahamat bhee ho sakate hain, asahamat bhee, magar armaty sen se udhaar lekar kahoon to ek 'aargyumentetiv indiyana' hone ke naate aap kaise unhen pulisiyaa dnde se chup karaae jaane ko sahan kar sakate hain.

bahut dhyaan se sunanaa chaahie unako jo aapake bhale kee baat kar rahe hon kyonki vahee aapakaa bahut badaa nuksaan kar sakate hain, bahut dhyaan sunanaa chaahie unako jinakee baat raas naheen aa rahee ho kyonki vaheen koee faayadaa chhipaa ho sakataa hai.

bolanaa aur sunanaa donon chaahie ki usake binaa lokatntr naheen chalataa.