kedaranath agraval kee ek kavita
jamun jal tum
ret main hoon — jamun jal tum !
mujhe tumane
hriday tal se dhank liya hai
aur apana kar liya hai
ab mujhe kya rat — kya din
kya pralay — kya punarjivan !
ret main hoon — jamun jal tum !
mujhe tumane
saras ras se kar diya hai
chhap dukh-dav har liya hai
ab mujhe kya shok — kya dukh
mil raha hai sukh — mahasukh !
****
aalok shraeevastav kee ek kavita
ek din aayega
ek din aayega
jab tum jis bhi raste se guzarogi
vahin sabase pahale khilenge fool
tum jin jharanon ko chhuogi
sabase mitha hoga unaka pani
jin daravajon par
tumhare hathon kee thapathapahat hogi
khushiyan vahin aayengi sabase pahale
jis bhi shakhs se tum karogi baten
vah nafarat nahin kar paega
fir kisi se
jis kisi ka kandha tum chhuogi
har kisi ka dukh utha lene kee
koovat aa jayegi us kandhe men
jin bhi aankhon men tum jhankogi
un aankhon ka dekha har kuchh
vasant ka mausam hoga
jis bhi vyakti ko tum pyar karogi
chahogi jis kisi ko dil kee gaharaiyon se
sare devadoot sharmasar honge usake aage
chaitra ke thik pahale
patrahin ho gaye palash-vrikshaon par
jaise rang utarata hai
ritu bhigati hai bhor kee os men
vaise hi gujarogi tum ek din
hamari ichchhaon dukhon aur svapnon ke bich se
ek din aayega
jab ham dukhi nahin honge tumhen le kar
tumhen dosh nahin denge
ummiden nahin palenge
par, sachamuch tumhen chah sakenge
tum bhi mahasoos kar sakogi
hamare pyar ka tap .
*****
poora blog jagat premamay ho gaya hai…
By: Lovely kumari on faravari 14, 2010
at 6:25 poorvahn
prem ke falak ko sahi vistar dikhane kee aapakee junbish…
behatarin kavitaen…
By: ravi kumar, ravatabhata on faravari 14, 2010
at 6:31 poorvahn
dono kavitaen man ko chhoo lene vali lagin.
By: meenu khare on faravari 14, 2010
at 7:15 poorvahn
Prem ki anubhutiyon se bhari Kavitayen bahut achhi lagi..
Bahut shubhkamnayen…
By: Kavita Rawat on faravari 14, 2010
at 7:38 poorvahn
bahut sundar dil ko chhoo lene vali prem kavitayen hain. agraval ji aur shraeevastav ji ko badhaee aapaka dhanyavad
By: nirmla.kapila on faravari 14, 2010
at 1:25 aparahn
bahut sundar kavitaen hain…
padhavane ka aabhar.
By: siddharth shankar traipathi on faravari 14, 2010
at 3:29 aparahn
@ nirmala.kapila :
kedaranath agraval (1911–2000)
http://en.wikipedia.org/wiki/Kedarnath_Agarwal
By: priyankar on faravari 14, 2010
at 4:09 aparahn
kedaranath aur aalok ji kee in sundar rachanaon ka aabhar .
By: himanshu on faravari 15, 2010
at 12:59 poorvahn
aalok ji kee kavita to prem ko ek tataka roop de rahi hai. pahale premaspad ke lie aur fir svayan ke lie itani aashaen aur vishvas sanjoe ! inake bare men kuchh aur bataie n.
By: girijesh rav on faravari 15, 2010
at 2:22 poorvahn
donon rachanaen pyari hain …..
By: padmsingh on faravari 16, 2010
at 3:08 poorvahn