anahad nad

(1944 – 2006)

janakavi kailash gautam (1944 – 2006) viral prajati ke gitakar the . lokabhasha ka anupam chhand aur lokasanvedana se gahari sanprikti unakee kavitaon aur giton ko vishisht kism ke aatmiy-prakash se bhar deti hai . aanchalik bimbaon se paripusht lokarag kee ek anoothi bayar bahati hai unake giton men . paramparik samaj aur manaviy sanbandhon ke tootane ke ek prachchhann karun-sangit — ek dabi karah — ke sath nostailjiya kee ek antardhara unakee kavita men hamesha vidyaman dikhaee deti hai. yahan tak ki bahari taur par hasy-vyangy ka bana dharane vali kavitaon men bhi pid kee yah rekh spasht lakshait kee ja sakati hai. ve khud bhi vaise hi the . aatmiyata se bhare-poore,hansamukh aur haradil ajiz . ‘ganv gaya tha,ganv se bhaga’,'amavasa k mela’,'sab jaisa ka taisa’,'ganhi ji’, aur ‘kachahari n jana’ jaisi unakee kavitaen/git lokapriyata ka manak ban gae the. ‘baboo aanhar maee aanhar’ jaise git kabiri parampara ke bina nahin aa sakate the. bisavin sadi ke aadhunik hindi giti-kavy ka agar koee theth poorvi gharana hai to kailash narad usake pratinidhi kavi-gitakar hain . hindi ke poorab ang ke apoorv kavi.

‘sir par aag’ kee bhoomika men pro. doodhanath sinh ne thik hi likha hai ki : “kailash gautam koee dudhamuhen kavi nahin hain ki unaka parichay dena jaroori ho. lekin jo kavi fan aur faishan se bahar khada ho usase log parichit hona bhi jaruri nahin samajhate. kyonki aksar logon ka dhyan to saundaryashastra kee bani banayi shraeniyan khinchati hain. kailash gautam us khanche men nahin antate. vah khancha unake kam ka nahin hai ya ve us khanche ke kam ke nahin. isaka sidha matalab hai ki yah kavi apani kavitaon ke liye ek alag aur aur vishisht saundaryashastra kee mang karata hai.”

kailash gautam ke git apane skool-kolej dinon se hi dharmayug tatha any patraikaon men padhata raha tha . aur unaka bad prashansak tha . vivah ke bad mere chhote bhaee,visheshakar kanu , apani bhabhi kee hansi ko lakshait karake kailash ji kee kavita ‘badakee bhauji’ kee panktiyan bar-bar duharaya karate the . yah kavita us samay dharmayug ke kisi ank men bahut aakarshak dhang se chhapi thi . janavari 2006 men shantiniketan men aakashavani kee svarnajayanti par aayojit kavi sammelan men mujhe unake sath kavy path karane ka aur unake sath do din rahane ka mauka mila . jab unhen ‘badakee bhauji’ se sanbandhit yah parivarik prasang bataya to ve bahut prasann hue aur mujhe khinchakar gale se laga liya . kavita prastut hai :

badakee bhauji

jab dekho tab badakee bhauji hansati rahati hai
hansati rahati hai kamon men fansati rahati hai.
jharajhar jharajhar hansi honth par jharati rahati hai
ghar ka khali kona bhauji bharati rahati hai॥

dora deh katora aankhen jidhar nikalati hai
badakee bhauji kee hi ghanton charcha chalati hai.
khud se badi umar ke aage jhukakar chalati hai
aadhi rat gae tak bhauji ghar men khatati hai॥

kabhi n karati nakhara-tilla sada rahati hai
jaise bahati nav nadi men vaise bahati hai.
sabaka man rakhati hai ghar men sabako jiti hai
gam khati hai badakee bhauji gussa piti hai॥

chauka-choolha, khet-kiyari, sani-pani men
aage-aage rahati hai kal kee agavani men.
pidha deti pani deti thali deti hai
nikal gaee aage se billi gali deti hai॥

bhauji donon hath daudakar kam pakadati hai
doodh pakadati dava pakadati dam pakadati hai.
idhar bhagati udhar bhagati nacha karati hai
badakee bhauji sabaka chehara bancha karati hai॥

fursat men jab rahati hai khulakar batiyati hai
adarak vali chay pilati pan khilati hai.
bhaeeya badal gaye par bhauji badali nahin kabhi
sas ke aage ulte palla nikali nahin kabhi॥

hari nahin kabhi mausam se satakar chalane men
git badalane men hai aage rag badalane men.
munh par chhinta mar-mar kar nanad jagati hai
kauva ko nanadoee kahakar hansi udti hai ॥

buddhoo ko bemasharaf kahati bhauji fagun men
chhoti ko kahati hai gari-chiraunji fagun men.
chhthe-chhamase ganga jati puny kamati hai
inakee-unakee sabakee dubakee svayan lagati hai॥

aangan kee tulasi ko bhauji doodh chadhati hai
ghar men koee saut n aaye yahi manati hai.
bhaiya kee baton men bhauji itana fool gayi
dal parosakar baithi roti dena bhool gayi॥

***

adam gondavi (1947-2011)

1.

hindoo ya muslim ke ahasasat ko mat chhediye
apani kurasi ke lie jajbat ko mat chhediye

hamamen koee hoon, koee shak, koee mangol hai
dafn hai jo bat, ab us bat ko mat chhediye

gar galatiyan babar kee thin; jumman ka ghar fir kyon jale
aise najuk vakt men halat ko mat chhediye

hain kahan hitalar, halakoo, jar ya changez khan
mit gaye sab, qaum kee auqat ko mat chhediye

chhediye ik jang, mil-jul kar garibi ke khilafa
dost, mere majahabi nagmat ko mat chhediye .

2.

muktikami chetana abhyarthana itihas kee
yah samajhadaron kee duniya hai virodhabhas kee

aap kahate hain jise is desh ka svarnim atit
vo kahani hai mahaz pratirodh kee, santraaas kee

yaksha prashnon men ulajh kar rah gaee boodhi sadi
ye parikshaaa kee ghadi hai kya hamare vyas kee ?

is vyavastha ne naee pidhi ko aakhir kya diya
seks kee ranginiyan ya goliyan salfas kee

yad rakhiye yoon nahin dhalate hain kavita men vichar
hota hai paripak dhimi aanch par ehasas kee .

***

 aalok dhanva kee ek kavita

jiladhish

tum ek pichhade hue vakta ho

tum ek aise virodh kee bhasha men baolate ho
jaise rajaon ka virodh kar rahe ho
ek aise samay kee bhasha jab sansad ka janm nahin huaa tha

tum kya sochate ho
sansad ne virodh kee bhasha aur samagri ko vaisa hi rahane diya hai
jaisi vah rajaon ke zamane men thi

yah jo aadami
mez kee doosari or sun raha hai tumhen
kitane karib aur dhyan se
yah raja nahin jiladhish hai !

yah jiladhish hai
jo rajaon se aam taur par
bahut zayada shikshait hai
rajaon se zayada tatpar aur sanlagna !

yah door kisi kile men —  aishvary kee nirjanata men nahin
hamari galiyon men paida huaa ek ladaka hai
yah hamari asafalataon aur galatiyon ke bich pala hai
yah janata hai hamare sahas aur lalach ko
rajaon se bahut zayada dhairy aur chinta hai isake pas

yah zayada bhram paida kar sakata hai
yah zayada achchhi tarah hamen aajadi se door rakh sakata hai
kadi
kadi nigarani chahie
sarakar ke is behatarin dimag para !

kabhi-kabhi to isase sikhana bhi pad sakata hai !

****

hamare samay kee prarthanaen 

nadiyo !
tum yon hi bahati raho 
dharati ko sinchati hara-bhara 
karati 
manush‍yon aur shesha 
jiv jagat ke jivan ko 
sunishchit karati. 

parvato !
tum yon hi ade raho
vividhatamay vana‍s‍pati ko 
dharan karate hue 
badalon se mitrata ko pukh‍ta rakhate hue. 

badalo !
tum garajo chahe jitana bhi 
barasate raho 
itana-bhar zaroor ki 
tal-talaiya labalab rahen 
kuen j‍yada lanbi ras‍si 
kee mang n karen. 

soory !
tum prakash aur oosh‍ma ka 
sanchar karate raho
dharati ko hara-bhara rakho 
foolon ko khilao 
un‍hen rang do- gandh do 
aur falon ko ras se 
malamal karate raho. 

dharati man !
hamen dharan karati raho 
par han hamen 
tum‍hare layaq yani 
behatar manush‍ya 
banate chale jane ko 
prerit karati raho 
kabhi-kabhi dandit bhi karo 
lekin p‍yar bantati raho 
abadh aur anavarata 
hamari anjuri khali n rahe. 

aur samudr !
tuma 
nirantar uthale 
hote ja rahe 
ham manush‍yon ko 
thodi apani gaharaee 
dete chalo.

****

tomas traaansatraomar

ek maut ke bad

pahale vahan ek sadama tha
jisane pichhe chhod di thi ek lanbi, jhilamilati poonchh puchchhalatare kee
yah hamen rakhati hai ‍antarmukhi, bana deti hai tivi kee tasviron ko barf kee tarah sard
yah jam jati hai telifon ke taron kee thandi boondon men
shit ke dhoop men ab bhi kee ja sakati hai skee dhire-dhire
brash ke madhyam se jahan kuchh pattiyan latakee hain
ve lagati hain jaise purani telifon nirdeshikaon ke fate panne
nam jinhen thand ne nigal liya hai
dil kee dhadakan sunana ab bhi kitana sundar hai
par akasar parachhaeen sharir kee tulana men adhik sach lagati hai
samuraee piddi-sa lag raha hai
kale ajagar jaise shalkavale apane kavach ke bagal men .

*****

hindi anuvad : priyankar palival

aprail aur maun

vasant parityakt pad hai
velavet-si kali khaee
bina kisi soch-vichar ke mere najadik reng rahi hai
chamakate dikh rahe hain to
sirf pile fool
le jaya ja raha hoon main apani parachhaeen men
jaise kale dibbe men voyalin
jo main kahana chahata hoon sirf vah bat
jhalak rahi hai pahunch se door
jaise chamakati hai chandi
soodakhor kee dukan men .

*****

hindi anuvad : priyankar palival

nikah kee mubarakabad ke sath prastut hai sadyavivahit yuva kavi farid khan kee ek kavita :

dada ji saikil vale

main jyon jyon bada hota gaya
meri saikil kee oonchaee bhi badhati gaee
aur un sabhi saikilon ko kasa tha
patana kolej ke samane vale ’dada ji saikil vale’ nana ne

ashok rajapath par daudati, chalati, rengati

zayadatar saikilen unake hathon se hi kasi thin

poora patana hi jaise unake chakke par chal raha tha
hanf raha tha
gantavy tak pahunch raha tha

vahan se guzarane vale sabhi, vahan ek bar rukate zaroor the
sat siri akal kahane ke lie
chakke men hava bharane ke lie
nae plastik ke hatthe ya jhalar lagavane ke lie
chay pi kar, sans bhar kar, aage badh jane ke lie

pachhiya chale ya puravaiya
poori fiza men unake hi panp kee hava thi

hamare skool kee chhutti jaldi ho gaee thi
ham sabane ek sath dada ji kee dukan par brek lagaya
par dada ji kee dukan khali ho rahi thi
taqriban khali ho chukee thi
mujhe vahan saikil men lagane vala aaeena dikha
mujhe vah chahie tha, mainne utha liya
idhar udhar dekha to vahan unake ghar ka koee nahin tha

sham ko chhah baje dooradarshan ne pushti kar di
ki indira gandhi ka dehant ho gaya

char din bad skool khule aur hamen ghar se nikalane kee ijazat mili
shahar, tedhe hue chakke par ghisat raha tha

hava sab men kam kam thi

skool khulane par ham sab fir se vahan ruke, hamesha kee tarah
mainne aaeene ka dam chukana chaha
par dada ji, guru nanak kee tarah sir jhukae nirvikar se baithe the
unake klin shev bete ne mere sir par hath fer kar kaha,  ’rahane do’
ek danavir dan kar raha tha aaeena

usake bad log apane-apane chakke men hava alag-alag jagah se bharavane lage.
usake bad har gali men pachas paise lekar hava bharane vale baithane lage.

****

anurag vats

ginati

ab jab kahin kuchh nahin kee sakhi hai to tumhara
janaboojhakar mere pas bhool gaya klachar hai.
main usase aadatan khelata hoon, magar ehatihat se
ki kahin tumhari aavaz baraj na de.
aur toot gaya to tumhari tarah vaisa hi milana namumakin.

humayoon’j tomb, shakuntalam thiyetar aur paranthe vali gali
tum sath le gaee. ab ve meri yad ke naqshe men hain, shahar dilli men kahin nahin.

yooth bhi.
use akele padhana asanbhav hoga mere lie.

mera hara kurta haingar ka hokar rah gaya hai.
mano use tumhare hathon ne dulara hi nahin.

aasamani adalat men mujhe mujarim karar diya gaya hai.
saza barasat kee sunaee gaee hai…had hai!
…aage koee apil nahin…

sach poochho to tumhara esarake mujhe chidhata hai.
halanki main roman holide chav se dekh sakata hoon.

fir bhi main aajiji men nahin, bahut itminan men florentino ariza ke
53 sal, 7 mahine aur 11 din-rat ko apana mukammal thikana bana raha hoon.
par itani umr milegi faramina ?

***

anurag vats kee aur kavitaen yahan padhen :

http://vatsanurag.blogspot.com/2011/01/blog-post_27.html