saal nayaa ,,,,,,,,,,,

nayaa saal,kuchh kuchh barf se dhakaa huaa, kuchh kuchh kulamulaataa, aaj subah kee chaay se uthaayaa gayaa hai. dekhaa jaae to vahee din lagataa hai jo kal thaa, usase pahale vaalaa din thaa, usase pahale aur usase pahale,aise hee ityaadi, ityaadi. kuchh khaas hai kyaa ? haan taareekh !!! nae saal kaa pahalaa din, nae kailemdar kaa pahalaa pannaa jis par laal maarkar se likhaa gayaa hai, haippee nyoo yiar. sochaa kyon n use hee saarthak kar diyaa jaae. to fir kuchh hamaare parivaar aur kuchh doston ke vichaar aaj ke din ke lie.

anubhav (hamaaraa betaa) -usakaa kahanaa hai ki jo bhee galat kaam kiye hain un ko apanee takhtee se mitaane ke lie ek din nirdhaarit honaa chaahie to nae saal kaa nayaa din bahut shubh hai. nae saal kaa pahalaa din-kleen slet
abheesh-Refresh Point
meraa khyaal-jaise kuchh chnd din jo ab tak sahej kar rakhe hain, vaise hee nae saal kaa nayaa din ho. kuchh pnktiyaan jo mujh ko sarobaar kar den aur vo ahasaas mere saath umr bhar rahe. nae saal kaa pahalaa din-ek khoobasoorat khyaal.
nehaa-"A good marker in time to start something new." nae saal kaa pahalaa din-achchhaa chinh.
kanupriyaa (hamaaree bitiyaa) mujhe samajh naheen aa rahaa ki nae saal ko itanaa kyon mahatv dete hain, ek nayaa kailendar hee to hai. nae saal kaa pahalaa din-saare din mahatvapoorn
anoop kaa kahanaa hai ki samay kee lambee anant yaatraa men har nayaa saal ek meel kaa patthar hai . is ko sveekaar karanaa aur utsav kee tarah manaanaa zarooree hai varanaa safar bahut ’neeras’ ho jaayegaa . halke fulke roop men dekhaa jaaye to ’nayaa saal’ hamen ek aur maukaa detaa hai un sab snkalpon ko fir se doharaane kaa jo ham nen pichhale saal bhee kiye the . zindagee aksar hamen ek se adhik mauke detee hai. pichhale saal kee galatiyaan aur Calories pichhale saal ke saath khatm.

naanee aur daadee ke lie kabhee samay aise rukaa nahee thaa. umr taareekh se naheen par ekaadashee, poornimaa, amaavas, pnchamee se judee thee. kabhee umr poochho to saal yaad naheen rahate the par yah yaad rahataa thaa ki krishn paksh thaa yaa shukl paksh thaa, divaalee se do din pahale thaa yaa fir holee ke aas-paas thaa, bas ye naheen yaad ki vo kitane saal kee ho gaee hain, baal safed ho gae to budhaapaa aa gayaa hai, jodon men dard ho rahaa hai to vah bhee umr dhalane kee nishaanee hai. use sahajataa se sveekaar kar liyaa jaataa thaa. aajakal nayaa saal, saal ke har din ko mukaam denaa chaahataa hai. samay badal rahaa hai aur hameshaa badalataa rahegaa par hamaare kutte ( Winston) ko isakaa aabhaas hai yaa bhee nahee, ye hee soch rahee thee ki lagaa naheen, use sirf apane khaane se matalab hai aur kaun usake saath khelane ke liye taiyaar hai yaa naheen , unhen baahar ghumaane ke liye le jaayaa gayaa yaa naheen . usakee umr binaa kisee maarkar ke hee chalatee hai, ek goof baal ki tarah, gol-gol, aur faree jo yoon hee ghoomatee rahatee hai bahut seedhee saadee see zindagee jisamen kuchh hamaare lie chaahaten aur kuchh apane lie aur khaane ke lie un kee man pasand Special Treat.

aapake lie nayaa saal kyaa hai? aap chaahen to aap bhee feharist men apanaa naam jod sakate hain.

aap sab ko mere aur anoop kee or se nav varsh kee haardik shubhakaamanaaen.

Haiku

Silent road

Mirrors the afternoon sun

A bee drones

Tangerine walk

Flavors wash the Hibiscus

old ruins breathe

Deep eyes

Corner of the facade

Red Bouganvilea

Musky smell

White laundered shirts

Yamuna ghats

Quiet dreams

Driving mirror tilts

Unknown path

Pearls of night

City lights flicker

darkness unfolds

A southern breeze

White pages flutter

in an antique shop

Hazy days of July

A pitcher of sangria

Ice cap melts

Maize fields

A lovers serenade

Robin sings

(25 June while driving )

___________________

mausam kee pahalee barf

chaaron or mausam kee pahalee barf, dhaval, safed, ujalee chaadar see failee huee thee. rooee ke fohe kee tarah barf ghar kee chhaton par aur sadak par bichhee huee thee. subah, sooraj kee roshanee ke binaa hee barf ke ujaale se chamak rahee thee. barf par abhee kisee ke pairon ke nishaan yaa kaar ke taayar ke nishaan naheen bane the. haan kyaaree ke paas kharagosh aur chidiyaa ke paanv ke nishaan dikhaaee de rahe the. tahanee par baithee chidiyaa ne jab apane pnkh fadafadaae to barf neeche dhapp se gir gaee aur doosaree chidiyaa laal bairee khaatee huee vahaan se ud kar doosaree or baith gaee.

thnd kis tnh men dubakee huee thee, pataa nahee lag rahaa thaa. snomain ke pairon men thee yaa usakee naak par baithee huee thee, yaa fir tahanee par tikee huee thee, havaa se jhar kar neeche zameen par padee huee thee. ho sakataa hai un bachchon ke haath men ho jo snobaal banaa kar ek doosare par fenk rahe the. chhat ke kngoore par aaeesikals latak rahee theen, lagaa usee men hai, jab sooraj nikalegaa aur boond tapakegee tab baahar nikalegee.

main kamare men shaal men lipatee huee, thnd ko baahar dhoondh rahee thee. andar fireplace men lakadiyaan jal rahee theen, main alaav par haath tap rahee thee aur paas men garm-garm chaay kaa kap rakhaa huaa thaa, kuchh kitaaben jo pannon men garm ahasaas lie paas rakhee huee thee. aise men thnd kise nahee achchhee lagatee.

ek anoothaa snsaar

hamaare ghar ke paas ek larning saintar hai jahaan main bachchon ko ganit aur angrezee padhaatee hoon. bachchon kee umr lagabhag teen se paanch ke kareeb hai. ye prograam shaam ko chaar baje shuroo hotaa hai. skool se aane ke baad bachche jab aate hain to koee neend se uth kar aataa hai to koee karaate kee klaas se lautaa hotaa hai to koee piyaano seekhane ke baad aataa hai. koee bachchaa thakaa haaraa nidhaal saa to koee bachchaa itanaa haaeepar ki poore din skool men kyaa-kyaa beetaa, do minat men ek lekhak ke samaan poore din kee kahaanee gadh detaa hai. kisee vishesh paatr kee aavashyakataa nahee hotee hai, baat kramabaddh ho ye bhee zarooree naheen, bas kahanaa zarooree hai. sab kuchh mahatvapoorn hotaa hai iseeliye har ghatanaa ko sootr men baandhanaa mushkil hotaa hai. koee badamaashee ke mood men hotaa hai, kisee ko itanee neend aa rahee hotee hai ki vaheen daisk par sar dhulakaa jaataa hai. in sab ke maasoom chehare aur haav-bhaav dekhane laayak hote hain, ronee soorat, bikhare baal, pyaaree see muskaraahat, kisee kee kohanee chhilee huee, kisee kee ungalee par baindaed lagaa huaa hai, to koee saj snvar kar aur baal bade tarateeb se banaa kar aayaa hai, pataa lagaa ki aaj saahib kaa janmadin hai. kris kee aaj hnsee hee nahee thamatee hai. jesan thodee par painsil tikaae pepar par nazaren jamaae baithaa hai to baithaa hee hai. aadi ko aaj nayaa irezar milaa hai. ab har shabd baar-baar mitaayaa jaa rahaa thaa aur daisk kaa sarafes kaagaz ke beech men se nazar aa rahaa thaa. baar-baar bol kar yaad dilaanaa padaa ki kaam khatm karo.


mainne hns kar hailo kee naheen ki saaree gaathaa sunaa dee jaatee hai. lizee ke pitaajee kaam ke silasile men baahar bahut rahate hain, aaj vaapas aa rahe hain, lizee apanee mammee aur daid ke saath paark jaayegee. amar ke ghar men ek chhotaa bhaaee aane vaalaa hai, isee kaaran vo do maheene ke liye nahee aa paayegaa. amit kee daadee indiyaa se aane vaalee hain, vo unhe eyerport lene jaaegaa. mujhe kuchh aataa jaataa hai yaa nahee, isakaa bachchon ko bhee pataa honaa chaahiye. ek din mujhase ye prashn poochhaa gayaa ki kaithee kee aankhen neelee kyoon hai ? saral saa javaab hogaa, maan baap kee jeens kee vajah se, par main galat thee. kaithee kee aankhen neelee isaliye thee kyonki vo bloobairee bahut khaatee hai. raadhikaa jo vaheen par baithee thee vo bhee ab ye bataane ke liye utsuk thee ki usakee aankhen kaalee kyon hain. bahut maasoomiyat se bataayaa gayaa ki usako blaikabaireez bahut achchhee lagatee hain iseeliye usakee aankhen kaalee hain.


elaiks ko gussaa zaraa jyaadaa aataa hai aur mujhe daantanaa bhee usakee adhikaar kee seemaa ke antargat hee aataa hai. mainne apanaa padhaane kaa din badal liyaa thaa to elaiks ko bahut dinon se dekhaa naheen thaa. beech men ek din jaanaa padaa to ailaiks se saamanaa huaa, dekhate hee jhunjhalaa kar bole," Where were you for so many days?" jab bataayaa to jhunjhalaahat men hee bole," I missed you." isake aage aap kyaa kah sakate hain. garmee men ghaas ke saath bahut saare daindalaaeen ug aate hain, ek kism kee veed (mothaa) jisamen peele fool nikalate hain. ketee in peele foolon ke saath do teen jngalee pattiyaan laa kar haath men detee hai aur kahatee hai ye sab mere liye hai. vo fool usake jaane se pahale murajhaa jaate hain par main sab bataur kar ghar le aatee hoon. jab skool men thee to hamaaree baayolojee kee teechar meree pasndeedaa teechar huaa karatee theen par main kabhee bhee himmat naheen jutaa paaee fool pattee dene kee. aaj jab ye sab bachche karate hain to bahut achchhaa lagataa hai.

kyaa tum mujh se shaadee karogee ?

are naheen ! Nothing Personal here . aap jaisaa samajh rahe hain vaisaa naheen hai . vaise bhee jab patnee ke saath blaug likhaa jaa rahaa ho to aisaa likhaa bhee kaise jaa sakataa hai ? :-)

baat ho rahee hai , yahaan par badhate hue prachalan kee . muddaa yah hai ki jab koee purush apanee mahilaa mitr se shaadee ke liye prastaav rakhataa hai to vah ek ahn kshan maanaa jaataa hai aur yaadagaar men shaamil ho jaataa hai . ab is yaadagaar din ko apanee sthaayee yaadon men kaise jodaa jaaye ? kyon n us yaadagaar kshan kee ek ’foto’ yaa ’vidiyo’ le liyaa jaaye ?

kalpanaa keejiye ’baub’ apanee hone vaalee mngetar ’aimilee’ ko shaadee ke liye prastaav rakhane vaalaa hai , us ke dvaaraa kee gaee taiyaaree dekhiye :

maiksikan restorent (jahaan vah do baras pahale mile the) men risarveshan
- ho gayaa .....
sagaaee kee sundar see angoothee us ke bakse se nikaal kar pataloon kee jeb men saavadhaanee se chhupaanaa .
- ho gayaa

aur ab yah dekhiye ....
ek fotograafar jahaan aathavee galee aur ’aistar ples’ milate hain , chhup ke khadaa huaa hai . use hidaayat hai ki jaise hee ’baub’ aimilee ke saamane ghutanon par jhuk kar shaadee kaa prastaav rakhe , vah us kshan ko apane kaimare men utaar le .
hai naa mazedaar baat .

’baub’ kaa kahanaa hai ki vah is kshan ko ’kaimare’ men isaliye kaid karanaa chaahataa hai jis se ki vah apane mitron ke saath ise baant sake . vah apanee mnganee ke prastaav ke baare men sirf baat hee naheen karanaa chaahataa balki vah prastaav kaise aur kahaan kiyaa gayaa , use dikhaanaa bhee chaahataa hai , apane doston ko aur apanee aage aane vaalee peedhiyon ko.

ab yah apane dil men uthane vaalee komal bhaavanaaon kaa ubaal samajh leejiye ki seedhe saadhe log ’shaadee ke prastaav jaise pavitr aur nijee kshan ko saarvazanik banaanaa chaahte hain aur isee chakkar men bechaare ’fotograafar’ ko kabhee jhaadiyon ke beech , kabhee raistaarent ke andhere kone men , kabhee bheed men chhupanaa hotaa hai . us kaa kaam yahee hai ki vah honen vaalee mngetar ke chehare par hone vaalee pahalee pratikriyaa ko ’kaimare’men sahee samay par kaid kar sake .

faishan chalaa hai jindagee ke sabhee mahtvapoorn kshanon ko ek aitihaasik dastaavez kee tarah snjo kar rakhane kaa . myspace aur facebook men aap ko logo ke dvaaraa svayn lagaaye gaye kaee behad nijee chitr aur ’vidiyo’ mil jaayenge .

shaadee ke samay bhee chitr lene me ek nayaa prachalan chalaa hai . var aur vadhu ke kuchh aise anaupachaarik chitr jo un kee jaanakaaree ke binaa liye gaye hon . khaane ke samay har ’mej’ par ek disposable camera chhod diyaa jaataa hai jis se ki mehamaan svayn apanee ’mej’ par baithe any mehamaano ke ’svaabhaavik chitr’ le saken . aise chitron kaa apanaa alag mahatv hai . fir unhen ’aupachaarik chitron’ ke saath milaa kar ek ailbam taiyyaar kiyaa jaataa hai . is sab ko kul milaa kar Photojournalistic Realism kaa bhaaree bharakam naam diyaa jaa rahaa hai .

’baub’ jis nen apane is khoobasoorat kshan ko kaid karane ke liye ’peshevar fotograafar’ par kareeb $400 kharch kiye , kaa kahanaa hai :

"aap jis mahilaa se pyaar karate hain , us ke chitr pooree zindagee le sakate hain lekin shaadee ke prastaav ke samay us ke chehare par aane vaalee muskaan ko dobaaraa kaid naheen kar sakate"

(nyooyaurk taaims men prakaashit ek riport par aadhaarit)

uf! ye garamee !

thodee see chhaanv dekhakar usee taraf sarak gaee. chilachilaatee dhoop aag ke gole barasaa rahee thee. aaj kaa taapamaan 100 digree fairahanaaeet ke kareeb pahunch gayaa thaa. sainteegred men dekhaa jaaye to lagabhag 38 digree hogaa . garmee se behaal, paseene se tarabitar barf kee sillee par letane kaa man kar rahaa thaa. tee. vee aur rediyo par Heat Advisory post kar rahe the ki dhoop men baahar mat nikalo aur Power Outage yadi ho to kyaa kyaa ehatiyaat baratanee chaahiye. bade boodhon kaa kaise khyaal rakhaa jaay. dillee kee garmee yaad aaee to lagaa ye garmee to kuchh bhee naheen par sahan karane kee seemaa hamaare vaataavaran ke anukool hotee hai aur ab itane saal yahaan rahane ke baad ye bhee asahaneey ho gaee hai.

sardee men jab barf padatee hai yaa mausam bahut kharaab hotaa hai tab skool ke praarambh men hee skool ke kailendar men teen-chaar din Snow Day ke liye surakshit hote hain aur mausam ke kharaab hote hee vo istamaal kar liye jaate hain. agar barf n pade aur Snow Days kaa istamaal n kiyaa ho to bachchon ko kuchh din kee apratyaashit chhuttee mil jaatee hai . aisaa hee kuchh is baar huaa aur hamaaree bitiyaa nen usakaa pooraa aanand uthaayaa . binaa bataaye aane vaalee chhuttee kaa mazaa hee kuchh aur hai .

baat garmee kee ho rahee thee. garmee itanee tez hai ki kaee skool jo bees -pachchees saal pahale bane the un men ear kandishanar naheen lagaa huaa hai. bachchon kee tabeeyat kharaab naheen ho iseeliye skool se aadhe din kee chhuttee ho gaee hai. hamaaree skool distrikt men maataa-pitaa kee fon kaal se pareshaan ho kar skool kee veb-saaeet par ye kaipshan thaa ’We know it's hot out there but schools are still open" abhee tak garmee kee vajah se kabhee skool kee yahaan chhuttee naheen huee hai par ab lagataa hai ki kuchh Heat Days bhee surakshit kar dene chaahiye. ghar men baith kar e.see kaa mazaa liyaa jaae aur popasikal kaa bhee.

laayabreree

chhutapan men patrikaaon kaa padhanaa, nndan kee pareekathaa aur chndaamaamaa kee vetaal kathaaon se aarambh huaa thaa. usake baad paraag ghar men aaee aur fir chaachaa chaudharee. doosaree patrikaen bhee aaee par nndan, chndaamaamaa, paraag hamaare yahaan sthaayee roop se vidyamaan rahatee theen. ham sab ko kitaab padhane kaa bahut shauk thaa par hamaare bhaaee ko patrikaaon padhane kaa shauk ek janoon kee tarah thaa. ek-ek chndaamaamaa, nndan aur chaachaa-chaudharee beeseeyon baar padhee jaatee theen. koee bhee patrikaa raddee vaale ko bechee nahee jaa sakatee thee, dheere-dheere patrikaaon kaa anbaar lag gayaa thaa. hamaare ghar men ek bahut puraanee godrej kee alamaaree thee jahaan sab patrikaaon ko aashray mil gayaa thaa. jab kisee bhee mehamaan ke bachche ghar aate the to unakee chaandee ho jaatee thee. usee kamare men unakee baithak jamatee thee. patrikaaon kaa asalee mooly tabhee pataa lagataa thaa.

kitaab padhane kaa shauk thaa iseeliye paas men pustakaalay dhoondhane kaa prayatn kiyaa gayaa. ek milaa jo kisee ke ghar ke baahar ke ek chhote se kamare men banaa huaa thaa. yahaan par gulashan nndaa, karnal rnjeet, dharmayug, paraag, saarikaa, kaadambini, saritaa aadi patrikaaen aur kitaaben sab upalabdh theen. kitaabon kee haalat kaafee khastaa rahatee thee, unako paanch paise men kiraayaa par liyaa jaa sakataa thaa aur do kitaaben hee milatee theen. thode din men ye shauk bhee pooraa ho gayaa thaa. skool aur kaalej kee laayabreree se hee kaafee din kaam chalaayaa gayaa .

yahaan par laayabreree paanch minat kee draaeev par hai. jab bhee jaate hain, dher saaree kitaaben uthaa laate hain. kitanee bhee kitaaben le aaen, koee paabndee naheen hai. haan, kitaaben lautaane men der ho jaae to faaeen zaroor lagataa hai aur kho jaae to kitaab kaa mol denaa padataa hai. shuru shuru men laalach kee vajah se khoob saaree kitaaben le to aate the par adhikaansh binaa padhe hee vaapas karanee padhatee thee. main apanee bitiyaa ke saath jab bhee jaatee thee to chikanee kitaabon ke kavar par rng-birngee tasveeren bolatee theen aur pataa bhee nahee lagataa thaa par haath men das-pandrah kitaaben aa jaatee theen. Marcus Pfister kee ' The Rainbow Fish", Eric Carle kee "Dragons Dragons & other creatures that never were", Shel Silverstein kee "The Giving Tree", Leo Leonni, Nancy Tafuri, Arnold Lobel, Tomie dePaola jaise lekhakon kee kitaaben hamaaree list men hameshaa rahatee theen. New York Times kee best sailar list men se yadi aapako koee kitaab chaahiye aur vo laayabreree men nahee hai to aap unhe bataa sakate hain aur pooraa prayatn kiyaa jaataa hai use laane men. aane par aap ko khabar bhee kar dee jaayegee. . bachchon ke liye story telling sessions hote hain jisake liye yahaan ke lekhakon ko bhee bulaayaa jaataa hai. is prakaar lekhak apanee kitaabon kaa prachaar kar sakate hain aur kitaabon kee bikree men bhee sahaayak hotee hai.

garmiyon kee chhuttee men bachchon ke liye Astronomy, Bird Watching, Chess, Arts & Craft, Science se sambandhit activities hotee hain. ye aap ke upar hai ki aap isakaa kitanaa laabh uthaate hain. bachchon ke liye Reading challenge hotaa hai. jo sabase adhik kitaaben padhataa hai use puruskaar diyaa jaataa hai. bade logon ke liye yahaan sab prakaar kee soochanaaen mil jaatee hain jaise taiks bharane ke liye bhee sahaayataa milatee hai. shahar men yadi koee nayaa aayaa ho to use skool aur kahaan par kyaa upalabdh hai,sab jaanakaaree mil jaatee hai. myooziyam, flaavar sho aur naatak dekhane ke liye yaataayaat kaa bhee prabndh kiyaa jaataa hai. visheshakar ’seeniyar sitizans’ ko yah suvidhaa bahut achchhee lagatee hai . laayabreree har shahar men hotee hai. kitaabon ke saath-saath laayabreree manornjan v vibhinn soochanaaon kaa kendr bhee hai.
is kshetr ke sab bachche laayabreree se jude hue hain.bachche yahaan kaam men madad bhee kar sakate hain aur haaee skool ke vidyaarthee yahaan par chhote bachchon kee homavark men sahaayataa karate hain. ye Homework Helpers ke naam se jaane jaate hain.

laayabreree is shahar kaa ahn hissaa hai aur anivaary bhee.