bahumukhee pratibhaasnpann honaa ek shaap ...

chitr-googal se saabhaar.

jab aap ke kisee khaas gun kee taareef kee jaatee hai to sun kar khush honaa svaabhaavik hai.
lekin jab aap bahamukhee pratibhaasnpann hon to aap ke gun ,aap kee kaabeeliyat aap ke lie museebaten khadee kar sakatee hai!ye museebaten is hadd tak badh jaatee hain ki aisaa gunavaan honaa aap ko ek shaap lagane lagataa hai.
mere vichaar men kisee snsthaa men naukaree hetu aap jab apanaa see.vee. dete hain to dhyaan rakhiye ..sirf utanaa hee bataaen jitanaa jruree hai.apanee har upalabdhi kaa bakhaan karanaa bhavishy men mushkilen khadee kar sakataa hai.
agar aap ne aisaa kiyaa to achaanak aap ko aisaa ahasaas dilaayaa jaane lagegaa ki aap se adhik yogy aur koee naheen ..adhik se adhik jimmedaariyaan dee jaane lagengee..kahate hain ' na' kahanaa bhee ek kalaa hai.agar aap har kaam ke lie 'main kar loongaa' kahate hain to samajhiye...ki yah sthiti apane paanv par kulhaadee maarane se adhik kuchh naheen hogee! prabndhak ko to sirf apanaa kaam karavaanaa hai use aap se koee sahaanubhooti naheen hotee is baat ko aap ko shuroo men samajh naheen aaegaa lekin jab aap kaa gaay ke samaan honaa aap ko bhaaree padegaa jab n keval maanasik davaab men aa jaaenge balki shaareerik kasht bhee shuroo ho jaayenge,aur is kaa asar aap ke aas paas aap ke saath rahane vaale har vyakti par kisee n kisee roop men padegaa.
kaam kee adhikataa aap ko vivash karegee ki kaam ko ghar bhee le jaayaa jaae.us sthiti men soch sakate hain ki kyaa- kyaa ho sakataa hai...
hadd to tab hogee..jab aap ko yah aabhaas hogaa ki yah prabndhak ko usakee taareefon ke pul baandhaa karataa hai mahaj apane svaarth kee poorti hetu! use to kaam huaa milanaa hai jaise- taise..!us ke lie bali kaa bakaraa aap honge..kyonki aap men 'pratibhaa kaa bhndaar 'hai aur aap ko 'na' kahanaa bhee naheen aataa!yah aabhaas aap ko tab hogaa jab aap us ke saamane apanee behad jenyun samasyaa le kar jaaeeye .chaahe vah aap kee us beemaaree kee ho to aap ke is naukaree ke kaaran huee..'aokyupeshanal 'hai...vo aap kee baat anasunee kar ke aap se apanee majabooree kaa ronaa rotaa hai aur kanvins karane kaa prayaas karataa hai ki aap usakee bataaee jimmedaaree le len ...tab aap bataaen aap ke man men kaise bhaav aayenge??nafarat ke/afsos ke?yaa fir kunthaaen janm lengee ki aise pratibhaashaalee hone se behatar ham moorkh rahate to behatar thaa ,is pratibhaa se milaa kyaa sirf apane shareer kaa nuksaan aur thodaa naam ..jo aap kaa baink belens badhaataa naheen balki khaalee karataa hai .jitanaa aapane kamaayaa usase adhik apanee in pratibhaaon ke kaaran utpann yaan badhee huee takaleefon ke ilaaj men kharch huaa.

chitr-googal se saabhaar.

ichchhaa hogee ki kyoon n ham bhee in sahakarmiyon kee taarah hue jo 'murdon 'kee bhaanti rahate hain.sahee bhee hai.har jimmedaaree se bachane kaa seedhaa tareekaa hai kah den ki hamen kaam naheen aataa yaa aise kar ke deejeeye ki pahalee baar hee kaam dene vaalaa taubaa kar le .kyonki aap kitanaa bhee kaam karen aap ke sahakarmiyon aur aap ko ek hee tankhavaah bhee milatee rahegee...atirikti jimmedaariyon ke koee atirikt paise bhee to milate naheen!
isalie is se pahale 'aap men bhaavon ke ubalate jvaar kaa eksploshana' ho jaae us se pahale hee khud ko eksployata' hone se bachaaen.aur bhavishy men kaheen bhee apane baare men bataate samay saavadhaanee baraten..aur sab se badee baat upayukt avasar par ' n 'kahanaa seekhen..aap kee chuppee aap ke lie ghaatak siddh ho sakee hai!meraa apanaa anubhav yahee kahataa hai..ki bahumukhee pratibhaasnpann honaa ek shaap hai us se adhik kuchh naheen!

jab main 'main' naheen 'hama' hotaa hai...

isee nateeje pe pahunchate hain sabhee aakhir men, haasil e sair e jahaan kuchh naheen hairaanee hai . --------------------------------- justajoo jisakee thee usako to n paayaa hamane is bahaane se magar dekh lee duniyaa hamane ---------------------------------- shaam hote hee khulee sadakon kee yaad aatee hai sochataa roz hoon main ghar se naheen nikaloongaa ------------------------------------- sabakaa ahavaal vahee hai jo hamaaraa hai aaj ye alag baat hai shikavaa kiyaa tanhaa hamane ---shaharayaar----

in pnktiyon ke likhane vaale mashahoor shaayar shaharayaar saahab the. in sheron ko padh kar unakee chhavi ek snvedanasheel shaayar ke roop men dimaag men ban jaatee hai aur inheen pnktiyon ke likhane vaale ke baare men jab koee aisaa bayaan aataa hai jo is chhavi ke vipareet ho..jaisaa ki unakee patnee ne unake maranoparaant diyaa thaa. koee bhee yakeen naheen kar paataa .

yah bhee kaafee had tak sach hai ki ek stree jo kaee saal apane pati ke saath rahee hai vah us ke marane ke baad usake lie galat naheen bol sakatee.

bahut see aalochanaaen huee /bahas hueen........kyaa kisee ne sochaa ki yah sab doshaaropan agar sach hai to fir aisaa kaaran kyaa rahaa jo unhonne aisaa kathit bartaav apane gharavaalon ke saath kiyaa jo unakee 'snvedanasheel shaayar 'kee pahachaan se mel naheen khaataa hai.

Picture by Steven Wilson

manovijnyaan men vyaktitv /pahachaan se sambandhit ek rog Dissociative identity disorder bataayaa gayaa hai jise ham kahate hain ye aam bhaashaa men kahen to kyaa is tarah kaa doharaa vyavahaar ye soch split parsanelitee kee vajah se hai?
dekhaa jaae to ham men se bahut se log aise hain jinakaa doharaa vyaktiv hai magar koee is baat ko sveekaar naheen karegaa kyonki ham khud naheen jaanate ki kis had tak ham is kee chhaayaa men aa chuke hain.

khaasakar kalaa aur saahity ke kshetr se jude log yaa behad snvedanasheel log is rog ke shikaar aasaanee se ho sakate hain.

vistaar men is rog ke baare men fir kabhee likhoongee lekin filahaal yahee sochatee hoon ki ham men se bahut se log aise hain jo jaane -anajaane samaantar do alag -alag zindagiyaan jeete chale jaate hain ,vah bhee aksar vipareet svaabhaav vaalee zindagiyaan!

jab tak koee badee samasyaa naheen aatee hamen khud maaloom naheen chalataa ki ham kahaan aur kaise chal rahe hain? yaa doharaa vyaktitv rakhate hain aur main 'main' ke saath naheen 'ham ' ban kar jeetaa hai ek hee shareer men !

kee bord vaalee....

kuchh dinon pahale hindee kee mahilaa blogaron par do. zaakir kaa likhaa ek bahut achchhaa lekh lakhanaoo ke akhabaar men chhapaa thaa 'kee bord vaalee auraten '..
jis kaa zikr unhonne apane blog par bhee kiyaa.sheershak padh kar thodaa atapataa saa lagaa .sach kahoon to buraa lagaa..kyonki 'auraten' shabd sunanaa kharaab lagataa hai.un par kee bord vaalee auraten!...'mahilaaen' likhaa hotaa to sahee lagataa ..ek blogar ne tippanee bhee dee..'ki tathaakathit blogaron men se kisee ne abhee tak is shabd par aapatti kyoon naheen kee!
us ke javaab men do.zaakir kaa kahanaa thaa ki yah snpaadak kaa diyaa sheershak hai .
main ne bhee post padhee ,likhanaa chaah rahee thee lekin vahaan kuchh likhaa naheen n jaane kyoon yah baat man men ghoomatee rahee..'kee bord vaalee auraten!'
[jnyaat ho ki kee bord kaa kanekshan antarjaal se bhee hai .]
pichhale saal jab main bhaarat gayee tab saathee mahilaa blogaron se bhee milanaa huaa thaa ..baaton -baaton men yah baat bhee saamane aaee ki purushon dvaaraa antarjaal par fesabuk para/aane padhane yaa likhane vaalee mahilon ko 'upalabdha' angrezee men kahen to 'available'! samajhaa jaataa hai.

blog likhanaa jis josh aur utsaah se shuroo kiyaa thaa vah dheere dheere blog jagat /antarjaal men mahilaaon ke prati logon [saamanyath]ke vichaaron
ko jaanate hue kam hone lagaa.

sirf ek padhaa -likhaa samajhadaar tabakaa dikhataa hai jo mahilaaon ko har tarah se sammaan detaa hai jis kee soch kaa daayaraa badaa hai[kyaa vaakaee?].........varnaa antarjaal par aane vaale saamaanyath purush varg hee naheen ghar men baithee mahilaaon kaa [jo khud kuchh karatee varatee naheen hai..sirf tee vee ke aage baithanaa unakaa priy shagal hai ]ve bhee blog likhane vaalee mahilon ko hey drishti se dekhatee hain .unake vichaaron men in mahilon ko kuchh kaam naheen hai yaa unako koee bhaav naheen detaa isalie bhatakatee huee antarjaal kaa sahaaraa letee hain ..ek din fesabuk par bhee yahee padhaa ki jinhen ghar men koee mahattaa naheen milatee vo hee antarjaal par sakreey hote hain ...main naheen jaanatee kyaa sach hai kyaa naheen lekin itanaa zaroor hai ..sadiyon baad bhee aaj bhee purush kee maanasikataa vahee hai vah kabhee naheen chaahataa ki striyaan ghar se baahar dikhen/dekhen .

amooman purush kahate milenge ..main to apanee beevee ko kabhee knpyootar istamaal naheen karane detaa.meree saathee adhyaapikaa hain pnjaab kee rahane vaalee ,unhonne bataayaa ki unake patidev fesabuk par akaaunt naheen kholane dete !aisaa hee kahanaa keral kee rahane vaalee ek saathee teechar kaa bhee hai ki unake yahaan net hee naheen lagavaayaa gayaa ki kaheen vo chet yaa fesabuk n shuroo kar de! dhany hain aise padhe likhe purush jo naukaree karane ke lie beevee ko baahar bhej sakate hain lekin stree blog likhe yaa fesabuk khole to vo kharaab ho jaayegee/yaa kharaab kahalaaegee ?

yah maanasikataa tathaakathit padhe-likhe samajhadaar purushon kee n jaane kab badalegee ki antarjaal par striyon 'kharaab hoteen hain...kyoon naheen sahamat hote ki vahaan unake dvaaraa sakaaraatmak kaary bhee ho sakate hain .
aisee maanasikataa rakhane vaale hee fesabuk yaa antarjaal ke any sthaanon par dikhane vaalee striyon ko prem sandesh bhejate hain .ve sochate hain ki antarjaal par dikhen vaalee har stree 'upalabdh 'hai!
agar koee achchhee soch se kuchh karane ke lie yahaan kadam rakhatee hai to is tarah ke logon ke ghatiyaa prayaason se bold se bold stree kaa manobal bhee toot sakataa hai .
mujhe naheen lagataa ki srishti ke ant tak bhee unakee soch men kabhee koee parivartan aaegaa .

sirf ek varg vishesh ko chhod kar jo pahale bhee sammaan detaa thaa aaj bhee detaa hai .us ke alaavaa any purushon se kabhee koee ummeed 'kee bord vaalee mahilaaon 'aap ko naheen rakhanee hai !yaa fir umr ke us mod par hee aa kar 'kee borda' snbhaalanaa hai jab aap par koee ungalee n uthaa sake .