chaahie rojgaar kaa adhikaar !

aajaadee kee saalagirah sabako mubaarak, behatar bhaarat ke lie ek vichaar – kyaa 100 din ke graameen rojgaar gaarntee, shikshaa kaa adhikaar, soochanaa kaa adhikaar aur jald hone vaale khaady surakshaa kee gaarntee ke baad ab yuvaaon ke rojgaar ke adhikaar ke lie kaanoon bananaa chaahie ? saare yuvaaon ko rojgaar kaa adhikaar snvidhaan de, n hee to berojgaaree bhattaa. agar is yuvaa desh men yuvaaon ko bhavishy ko lekar nishchintataa naheen hogee to naksalavaad bhee hogaa aur aparaadh bhee...

nyaay aur kuchh naheen !

ye virodh hai, us anyaay ke khilaaf jo ab bardaasht naheen.
virodh un saamnton ke khilaaf jo abhee bhee hamaaree soch men saanse le rahaa hai.
hamaare jubaan bnd hain, par seenon men chitkaar hai.

nyaay mile jaldee, kyonki der pahale hee bahut ho gaee hai.
thekedaar thekaa le aur de chuke apanaa faisalaa.

ab faisalaa lenaa hai unhen jinhen hamane chunaa, apane behatar kal ke lie.
hamane hajaaron kadam badhaae, ab ek kdam sarakaar badhaae.

(nirupamaa hatyaa kaand kee seebeeaaee jaanch kee maang karate patrakaar, buddhijeevee aur saamaajik kaaryakartaa, jinhonne 15 maee ko dillee men ek shaanti maarch nikaalaa.)

anokhe bhagat !

aaj jab bhagat sinh kee shahaadat par apane chainal ke lie ek storee likhate vakt kisee ne mujhase poochhaa, ki bhagat sinh ke saath to do aur kraantikaaree sukhadev aur raajaguru bhee faansee chadhe the. to fir bhagat sinh ko hee jyaadaa tavajjo kyon. bhagat sinh ko jyaadaa tavajjo kyon ? savaal n to nayaa hai n hee anokhaa. lekin, bhagat anokhe hain. faansee par chadhne ke kuchh minat pahale tak vo lenin ko padh rahe the. antim ichchhaa thee ki jel kee hee ek mahilaa safaaee karmachaaree ke haath se khaanaa khaanaa. lekin, anokhaapan kyaa hai. bhagat ne 24 saal ke bhee kam umr men itanaa padhaa ki teen baar peeechadee ho jaae. usase jyaadaa unhonne samajhaa. faansee ke teen din pahale unhonne chiththee likhee ki teenon kraantikaariyon par british saamraajy ke khilaaf yuddh chhedne kaa doshee thaharaakar golee maar dee jaae, n ki angrej pulis adhikaaree saaundras kee hatyaa ke jurm men sajaa dee jaae. marane kaa ye junoon kyaa unhen anokhaa banaataa hai, shaayad ye bhee naheen ? unhen anokhaa banaataa hai unake vichaar. koee bhee aandolan yaa koee bhee sngharsh tab tak adhooraa hai jab tak ki yathaasthiti ko dhvast karate hue navanirmaan kee neenv n rakhee jaae. navanirmaan kaa ye nakshaa bhagat sinh ke paas thaa. aisaa naheen ki vo lenin yaa maarksavaadiyon ke raaste par hee bhaarat kaa bhavishy dekhate hain, lekin samaajavaad kee avadhaaranaa ke samarthak to vo the hee. aaj jo vaamapnth ham apane desh men dekhate hain vo bhaarateey parivesh men bilakul apraasngik hai. bhaarateey maanas arth se jyaadaa ek aise aadhyaatmik snsaar kee taraf dekhataa rahataa hai jahaan oonch neech, jaat-paat, raajaa rnk saamaajik vyavasthaa naheen balki kisee aur kee banaaee vyavasthaa hai jise hamen naheen chhednaa chaahie. maamalaa pooree tarah aarthik taane baane men hee naheen gunthaa. bhagat sinh ye samajh chuke the. vo yoonhee naheen ghoshanaa karate hee ki -- main naastik hoon--vo ye bhee bataate hain ki "Why I am Atheist". bhagat chaahate the ki viddhaarthiyon, majdooron aur kisaanon se seedhe snvaad sthaapit karen, lekin unhen isakaa jyaadaa maukaa naheen mil paayaa. lekin, baat to pahunchaanee thee so unhonne soch samajh kar tay kiyaa ki apane aap ko ek udaaharan banaakar desh ke saamane rakh do. aur jaate jaate apanee baat unhonne n sirf apanee lekhanee ke jrie kahee balki adaalatee kaaryavaahee men unhonne angrejee sarakaar ke daleelon kee dhajjiyaan udaa deen. haalat ye huee ki angrej bhagat sinh ko faansee dene men bhee darane lage, iseelie unhen choree chhipe faansee par latakaayaa gayaa aur jalaayaa bhee gayaa. bhagat iseelie anokhe hain. inklaab jindaabaad.

ghaate men kalyaan kaise?

bajat aa gayaa hai, kaheen haay taubaa machee hai to kaheen senseks chhalaange maar rahaa hai. ghabaraane kee koee baat naheen hai kyonki haath jo aam aadamee ke saath hai. lekin, meree chhotee see buddhi men ye nahee samaa paa rahaa ki aakhir ghaataa (raajakoshiy) to sarakaar ko kam karanaa hee hai, kab tak ghaataa kee vyavasthaa chalatee rahegee. samajhadaaree isee men hai ki achchhe samay men is kaam ko kar diyaa jaae, n ho to kam se kam ise shuru to kar hee diyaa jaae. bajat men raajakoshiy ghaataa saadhe chh feesadee se bhee jyaadaa hai. aam log shaayad ise n samajh paaen lekin isakaa asar bade bheetar tak jaate hain, aam aadamee kee jeb ko khokhalaa karane kee had tak. is ghaate men raajyon ke ghaate ko milaa len to fir bhagavaan hee maalik hai. ye kreeb 10 feesadee tak chalaa jaataa hai. yahee haal rahaa to tel knpaniyon ke divaaliyaa hone men der naheen lagegee. laakh karodon kee sabsidee dekar bhee aam kisaanon aam rojpeshaa logon kaa kalyaan hee naheen hotaa. apane aafis ke kaar vaalon ko hasarat bharee nigaahon se dekhataa thaa, ab unamen se kaeeon ne jhaad ponchh kar apanee fatafatiyaa nikaal lee hai. ye dekhakar ajeeb saa dar lagaa ki char chakkavaa par baithane kaa sapanaa kyaa aise hee rah jaaegaa. kyaa meraa bhee kalyaan naheen ho paaegaa. un karodon logon kaa kyaa hogaa jo char chakkavaa aur du chakkaavaa jaise sapanon ke baare men bhee soch naheen sakate hain. chintaa sabase badee meree ye hai ki snvidhaan men darj us shabd kaa kyaa hogaa jo ek kalyaanakaaree raajy kaa hamase vaadaa karataa hai. aise men yaad aatee hai angrejee kee vo kahaavat ki saravaaival aaf d fitest. hamaare shaasak kahate hain ki ham itane majboot ho chuke hain ki is tarah ke mahngaaee ke jhatake ko sah sake. is savaal par charchaa karane kaa vakt aa gayaa hai ki ham poochhen ki fokas kyaa hai kalyaanakaaree raajy yaa raajakoshiy ghaataa.

buraa n maano holee hai...

abhee abhee khbar milee hai ki agalaa nobel shaanti puraskaar amitaabh bachchan ko dene kaa faisalaa kiyaa gayaa hai, isake turnt baad mistar bachchan ne ghoshanaa kee hai ki vo paakistaan kee ek film men leed rol karegen. is film kaa muhoort shaat men obaamaa, manamohan sinh, jaradaaree honge. shaanti aur mel milaap kee is naee koshishon ko dekhate hue paakistaan men baithe daaud aur haafij saeed ne ailaan kiyaa hai ki vo saare glat dhndhe chhodkar shaanti kaa sndesh dene vaalee mistar bachchan kee film men apanaa paisaa lagaaegen. saath hee unake saare jihaadee kashmeer aur aafagaanistaan ke lautakar film men eksatraa aur doosare rol karegen. ek doosaree khbar ke mutaabik sootron ne bataayaa hai ki raamamndir ke mudde se jude tamaam sngathanon ne ye tay kiyaa hai ki is mudde ko adaalat ke bharose chhodkar ab unakaa sngathan sarv shikshaa abhiyaan aur raashtreey svaasthy mishan men bataur svaynsevee kaaryakartaa ke taur par judegen. arth jagat ke khbaron kee baat karen to bhaarateey saankhyikee sngathan ke taajaa aankadon se ye pataa chalataa hai ki bhaarateeyon kee maasik aay tejee se badhte hue amerikiyon kee ausat aay ko paar kar gaee hai. cheen ne agale vittiy varsh ke lie kee gaee ghoshanaaon men kahaa hai ki ab unakee saaree munaafaa kamaane vaalee vyaapaarik ikaaee ab bhaarateey sarakaar ke andar apanaa kaam karegee. ab saare laabhaansh par bhaarateey sarakaar kaa adhikaar hogaa, jahaan cheeniyon ko laabh kaa kuchh hissaa diyaa jaa sakataa hai. ye hissaa kitaanaa hogaa isakaa faisalaa snsad men do tihaaee bahumat se hee kiyaa jaa sakegaa. khel kee khbaron ke baat karen to isee beech paakitaanee khilaadee shaahid afareedee ne tay kiyaa hai ki ab vo gend kee jagah fir se ghar kee daal rotee khaane kee aadat daal legen. is khbar ke turnt baad aastreliyaaee kriket teem ke kaptaan ne unhen bhaarateey maalapue aur gujie bheje hain. aaeeseesee ke vishisht painal ne ye tay kiyaa hai ki agalaa kriket vishvakap chukee bhaarateey upamahaadveep men ho rahaa hai isalie bhaarateey teem ke har maich men virendr sahavaag aur sachin ko har maich men teen teen baar aaut hone par hee aaut samajhaa jaaegaa. is baabat saare kriket khelane vaale deshon ko soochanaa bhej dee gaee hai. sootron ne bataayaa hai ki jimbaabe ko chhodkar saaree teemon ne is sarvasammatee se maan liyaa hai. mausam kee khbaron kee taraf rukh karate hain mausam vibhaag ko taajaa mile faiks men mistar indr jo svarg naamak raajy ke pramukh hain saaf kiyaa hai ki vo agale 50 saalon tak baarish aur maanasoon ko kisaanon kee jrurat kaa dhyaan rakhate hue lagaataar aapoorti jaaree rakhegen. bhaarateey mausam vibhaag ne is prastaav ko maan liyaa hai..........holee ke is vishesh buletin men filahaal itanaa hee. namaskaar, holee kee dher saaree shubhakaamanaaen.

hamaare netaa jee !

are netaa jee to netaa hain, vo nav rason ke jaanate vaale hain. netaajee daraate bhee hain aur mastee men jhumane par majaboor bhee kar dete hain. i‍taavaa se vidhaayak ek injeeniyar ko raudr rup dikhaate hain dhamakaate hain ki doosaraa aureyaa kaand kar degen. vahee aureyaa kaand jisamen ek vidhaayak ne is injeeniyar ko peet peet kar tadpaa tadpaa kar maaraa thaa, kyaa huaa unakaa ab tak jaanch huee ki naheen pataa naheen. itaavaa ke vidhaayak kee himmat to dekhie, aureyaa kaand unake lie sharm naheen balki preranaa kaa srot banaa hai. naam par gaur karen bheemaraav anbedakar. bataane kee jrurat naheen is naam kaa matalab kyaa hai. kab samajhegen ye netaa ki unako dhauns jamaakar shaasan karane ke lie naheen chunaa gayaa hai. vo sevak hain. doosaree khbar, ye vidhaayak pahale raashtrapati raajendr prasaad kee janmabhoomi jeeraadeee se vidhaayak hai. us mittee kaa lesh maatr bhee lagataa hai vo naheen chhoo paae hain. patanaa men pichhale dinon besharmon kee tarah thumake lagaate dekhe gae. vo bhee bhaundee adaaon ke saath, kuchh vaise hee nartakiyon ke saath. aap sabane teevee par dekhaa hogaa duharaane kee jrurat naheen. duharaane kee baat hai ki ham kyon aise janapratinidhiyon ko sveekaar kar lete hain, kyon unake in dhamakiyon ko lekar koee gussaa naheen footataa. main baar baar sochataa hoon ki hamane kyon apane pulis adhikaariyon, netaaon aur sarakaaree vibhaag ke vo tamaam afasaraanon ko ye chhoot de rakhee hai ki aaiye ham par jo marjee kijeee. ham bas aapako khush karake jee legen, kuchh chamache apanaa kaam bhee banaa legen. main sirf kos naheen rahaa isakaa javaab bhee de rahaa hoon, haalaanki vo bhee dooharaav hee hai. vo ye ki is beemaaree kee jad khud hamame hain. kyonki hamaaraa tntr n to savaal poochhane - uthaane kee ijaajt detaa hai n hee use protsaahit karataa hai. koee (ek mukhyamntree)netaa apanee moorti par moorti lagavaataa hai, to koee (ek poorv pradhaanamntree) sareaam gaalee galauj karataa hai.

nayaa saal naee shuruaat !

kal se taarikhon ke kuchh hisse hameshaa ke lie badal jaaegen.
1 janavaree se naee shuruaat karegen.
kyaa ham tum fir nae sire se baat karegen.
is baar ee mel naheen dil se milegen.
is baar mobaail se naheen, gale milegen.
nau-kadee (yaanee naukaree) kee aapaadhaapee chhod, jam kar paartee karegen.
baithakakhaane men charchaa chhod, sadkon par utaregen.
jo glat ho use glat kahegen.
nayaa saal naee shuruaat bane sabako kahegen.