raveendranaath taigor kee jayntee par taajaa teevee kaa laaiv sho

kolakaataah kaviguru aadhe ghnte ke ek laaiv sho seedhaa prasaaran mngalavaarraveendranaath taigor kee jayntee ke avasar par taajaa teevee kee or se kaash daalate hue unakee praasngikataa ko rekhaankit kiyaa. 8 maee 2012 kee raat saadhe aath baje kiyaa gayaa. is kaaryakram men saahityakaar v patrakaar do.abhijnyaat evn raveendr sngeet kaa hindee anuvaad karane vaale daaoolaal kothaaree ne bhaag liyaa aur raveendranaath ke jeevan ke vibhinn pahaluon par pr

jeenaa likhane kee jaddojahad hai

saabhaarh delee nyooj

Sunday, 06 May, 2012

baanglaa film men abhijnyaat ne kiyaa abhinay

saabhaarh prabhaat khabar, kolakaataa, 15/04/12

kolakaataa▪bhroon ke niryaat jaise gnbheer vishay ko pooree shiddat se uthaanevaalee baanglaa feechar film eksaport : mithyaa kintu sottee men hindee ke suparichit kavi do abhijnyaat ne abhinay kiyaa hai. is film men n sirf unhonne ek kavi kee bhoomikaa nibhaayee hai, balki svayn apanee hindee kavitaa sunaaee hai. apane naye kavitaa sngrah khushee thaharatee hai, kitanee der men snkalit kavitaa karatooten kaa kuchh ansh unhonne isamen padh.aa hai. yah seen kolakaataa ke nechar paark men filmaayaa gayaa. apane chhaatr jeevan men do abhijnyaat rngamnch se ju.de the aur us daur men unhonne abhinay aur naaty nirdeshan kiyaa thaa. usake kuchh varsh baad unhonne ek baanglaa dhaaraavaahik pratimaa men abhinay kiyaa thaa, jisamen ek doktar kee bhoomikaa nibhaayee thee. ab vah svayn apane charitr ko hee b.de parade par saakaar kar rahe hain. films bee aaidiyal ke bainaratale banee is film ke nirmaataa prasatr kumaar raay hain, jabaki kahaanee, patakathaa aur nirdeshan sameer banarjee kaa hai. film men aart daayarektar maanik bhattaachaary hain. film kee shooting pooree ho chukee hai. post prodaksan kaa kaam chal rahaa hai.

ek kavi kaa rojanaamachaa

saabhaarhdelee nyooj ektivist, lakhanaoo
25/3/2012

saakaar hone jaa rahaa hai pentar se filmakaar bane sameer banarjee kaa sapanaa

pentar se filmakaar bane sameer banarjee kaa ful lenth feechar film banaane kaa sapanaa ab saakaar hone jaa rahaa hai. unakee pahlee film 'eksaport: mithyaa kintu satya' kee shooting lagabhag pooree ho chukee hai. is film ko lekar ve khaase utsaahit hain kyonki isakee kahaanee, patakathaa aur nirdeshan unheen kaa hai. yah film bhroon kee taskaree par hai jo films bee aaidiyal ke bainar tal ban rahee hai. film ke nirmaataa prasann kumaar raay hain.sameer banarjee ne raveendr bhaaratee vishvavidyaalay se faain aatrs men aanars kiyaa hai. kuchhek saamoohik kalaa pradarshaniyon men bhaag bhee liyaa hai. aainsteen kee film sens par kitaab aur satyajit raay kee filmen 'pather paanchaalee' aur 'ashaani snketa' dekhane ke baad unhen lagaa ki film kee duniyaa unakee ruchi kee hai aur vah unhen pukaar rahee hai. aam jindagee ke yathaarth ko pooree shiddat ke saath vyakt kar sakataa hai to vah sinemaa kaa maadhyam hee hai. unhonne sukumaar raay ke naatak 'avaak jalapaaneeÓ par shaart film banaane kee yojanaa banaayee lekin koee prodyoosar naheen mil rahaa thaa. unhonne naatak ke ghatanaakram ko vyakt karane vaale 300 skech banaaye. fir kalaakaaron ko lokeshan par le jaakar stil shaat shoot kiye. unhen filmakaar mrinaal sen ko dikhaayaa. unhonne prashnsaa kee aur sujhaav diyaa ki vaais ovar karake use bachchon ke lie shaart film banaayen. choonki naatak satyajit raay ke pitaa kaa thaa, so satyajit raay ko bhee apanaa kaary dikhaayaa. unase milee taareef ke baad dooradarshan ke prodyoosar abhijeet daasaguptaa se mile. antat: unhonne vaaisaovar diyaa aur 12 minat kee shaart film banee. yah film lagabhag 10 baar kalakattaa dooradarshan par dikhaayee gayee. isake baad unhonne kaee daakyoomentree filmen banaayeen jisamen film nirdeshak tapan sinhaa par banee film 'e nobal krietara' n raveendranaath taigor ke jeevan men aayee mahilaaon par amitaabh chaudharee ke lekh 'ravi anuraaginee' par aadhaarit angrejee daakyoomentree film 'doj hoo edord taigora' vishesh ullekhaneey hain.sameer kavitaaon men gaharee dilachaspee rakhate hain aur bngalaa ke chaar sheersh kaviyon par 22-22 minat kee shaart filmen banaayee hain jinamen subhaash mukhopaadhyaay, suneel gngopaadhyaay, vishnu de aur vrat chakravartee shaamil hain. in filmon men sngeet diyaa hai bee balasaaraa ne. apanee film eksaport 'eksaport: mithyaa kintu satya' men bhee unhonne kavitaaon kaa prayog kiyaa hai evn hindee kavi abhijnyaat tathaa bngalaa kavi pulak de isamen apanee kavitaaen padhte svayn dikhaayee denge.

hajaaron khvaahishen aisee ki har khvaahish pe dam nikale-naamavar

'hajaaron khvaahishen aisee ki har khvaahish pe dam nikale.' apanee manokaamanaaon ko abhivyakt karane lie gaalib kaa yah sher kahaa prakhyaat aalochak do.naamavar sinh ne. ve haal hee men ek kaaryakram ke silasile men kolakaataa aaye the. prastut hai is avasar par unase do.abhijnyaat se kee gayee lambee baatacheet ke pramukh ansh:
prashn: kaee dashakon tak lagaataar aalochak ke taur par apane rachanaakarm ke baad ab kyaa kuchh karane kee ichchhaa baakee rah gayee hai? vah kyaa hai jo naheen kar paane kaa afasos rah jaayegaa?
uttar: gaalib kaa uparyukt sher main kahanaa chaahoongaa. meree kaee tamannaaen adhooree hain, kyaa kahoon kyaa n kahoon. aur har ichchhaa kaafee balavatee hai.
prashn: likhane ko lekar bhaavee yojanaa kyaa hai?
uttar: umr ke chalate svaasthy sambndhee seemaaen hain. likhane baithane ke lie pahale vaalee oorjaa ab naheen rahee. pahale to main likhane ke lie 9-10 baje raat tak khaa-peekar taiyaar ho jaataa thaa aur raat bhar likhataa rahataa thaa. thodaa bahut din men so liyaa to so liyaa. yah kram aath-das din lagaataar chalataa aur ek grnth taiyaar ho jaataa thaa. ab vyastataaen badh gayee hain. is shahar se us shahar seminaaron tathaa any kaaryonvash jaanaa padtaa hai. to ab jo kuchh bol letaa hoon vahee meraa rachaa huaa hai. isalie log kahate hain ki main maukhik saahity rachataa hoon. ab raat bhar baith kar likhane vaalee oorjaa naheen rahee.
prashn: teen-chaar dashakon tak lagaataar aalochanaa saahity ke sheersh par bane rahane kaa raaj kyaa hai? saahity kee duniyaa men aap kee vahee bhoomikaa hai jo amitaabh bachchan kee sinemaa men hai.
uttar: aalochanaa kee duniyaa kaa amitaabh bachchan kahe jaane kee mujhe khushee hai. mainne kabhee kahaa thaa 'gun naa heraano gun graahak heraano hai' vah galat saabit ho rahaa hai ab to lagataa hai ki ki gun-graahak to bahut hain gunavaanon kee hee kamee ho gayee hai. aap chaahen to isee ko raaj kah len. mujhe khushee hotee hai ki log mujhe lagaataar praasngik maanate rahe hain.
prashn: kisee parivaar men kisee kshetr men jab koee vyakti khyaatipraapt kar letaa hai to usee parivaar ke doosare vyakti kee pratibhaa dab jaatee hai? is sndarbh men apane chhote kathaakaar bhaaee kaasheenaath sinh ke baare men kyaa kahanaa chaahenge?
uttar: meraa parivaar is mith ko todtaa hai. kaasheenaath sinh ne apanaa svatntr vyaktitv aur khyaati arjit kee hai.
prashn: yah to sahee hai lekin ve in dinon apanee kahaanee 'kaashee kaa assee' ko lekar khaasee charchaa men hain. us par film ban rahee hai aur kahaa jaa rahaa hai ki is film ke aane ke baad filmee duniyaa men jo kahaaniyon kaa dharraa hai vah badal jaayegaa. aur choonki film saahity kee tulanaa men ek badaa maadhyam hai log aapako kaasheenaath ngkshasah kee vajah se jaanane lagenge. jaisaa ki harivnsh raay bachchan ke saath huaa hai. saahityetar jagat ke log amitaabh bachchan ke kaaran harivnsh raay bachchan ko jaanate hain.
uttar: mere lie isase badhkar koee khushee naheen ho sakatee ki main kaasheenaath sinh ke bhaaee ke taur par jaanaa jaaoon. kahaanee par to film ban sakatee hai, kavi filmon men geet likh sakate hain par aalochanaa saahity kaa to film meediyaa men istemaal naheen ho sakataa. main yah maanataa hoon ki film saahity se badaa aur paapular maadhyam hai aur aam aadamee par apanee adhik pakad rakhataa hai. main maanataa hoon ki meraa sabase badaa meediyaa mere chhaatr hain. jahaan kaheen bhee meraa koee chhaatr hai vahaan main hoon aur usase jude logon tak meree pahunch hai. mere chhaatr jaanate hain ki javaahar laal neharoo vishvavidyaalay men hindee kee kaisee dhaak mere chalate banee. adhyaapan ke lie mere vahaan pahunchane ke poorv hindee bolane vaale apane ko deen-heen samajhate the aur angrejee vaalaa maahaul thaa, amooman sabhee log angrejee men hee baatacheet karate the. main dehaatee veshabhooshaa dhotee-kurtaa men vahaan pahunchaa thaa aur mainne vahaan dhadlle se hindee men baatacheet shuroo kee. baad men to hindee kee sthiti jeenayoo men itanee sabal ho gayee ki vahaan chhaatrasngh ne apanee bhaashaa ke taur par hindee ko hee apanaa liyaa. vahaan ab jo postar- bainar aadi lagate hain, ve hindee men hote aur hindee kee jo kakshaaen main letaa thaa usamen doosaree bhaashaa ke chhaatr-chhaatraaen v adhyaapak tak pahunch jaayaa karate the.
prashn: aaj jo nayee peedhee saahity srijan men lagee hai usake sndarbh men kyaa kahanaa chaahenge?
uttar: adbhut aur saraahaneey. main yah kahanaa chaahoongaa ki beesaveen sadee men jo kuchh mahattvapoorn lekhan huaa hai is sadee kaa lekhan abhee se hee yah jataa rahaa hai ki vah usase bahut aage hai. ab honahaar rachanaakaaron kee pooree fauj taiyaar hai. upanyaas men to kam lekhan ho rahaa hai kintu kavitaa, kahaanee, aalochanaa in vidhaaon men nayee pratibhaaen ullekhaneey yogadaan de rahee hain aur main nayee peedhee kee rachanaasheelataa ke prati aashvast hoon.
prashn: saahity men ek saahityik dhaaraa ke taur par jis 'janavaad' kee charchaa pichhale dashak men jor-shor se thee, chunaavee raajaneeti men vaamapnthee dalon kee shikast ke usakaa aabhaamndal ksheen ho gayaa hai. kyaa yah maan liyaa jaaye ki yah daur janavaad ke patan kaa yaa uttar janavaad kaa hai?
uttar: pahale to yah samajhen ki janavaad ko saahity kee dhaaraa ke taur par jinhonne abhihit kiyaa vah maakrsavaadee kamyoonist paartee (maakapaa) kaa saahityik morchaa thaa. lekin unakee jo saahityik soch hai, us par to pahale se hee pragatisheel lekhak sngh aur pragativaadee saahity se jude log chal rahe the. yadi janavaad kaa arth mehanatakash majadooron, krishakon v aarthik taur par pichhade logon ke prati sahaanubhooti se hai to vah saahity men hameshaa se hee vidyamaan rahaa hai aur rahegaa. nimn madhyavarg ko bhee usamen jod len.
prashn: buddhijeeviyon men ek digbhram dikhaayee detaa hai kyaa maan liyaa jaaye ki vichaaradhaaraa snkat men hai?
uttar: ek jamaanaa thaa jab vaamapnthee vichaaradhaaraa ke baraks vichaaradhaaraa ke ant kee baat chalee thee. ant kaa matalab vahaan saiddhaantik vichaaron se thaa. kintu main yah maanataa hoon ki aam aadamee yaa dabe kuchale logon kee samasyaaon ke hal kaa sapanaa kabhee naheen marataa aur jab tak manushy men sahee aur galat kaa nirnay lene kee kshamataa bachee rahegee vichaaradhaaraa kaa ant naheen hogaa. manushy reshanal eneemal hai ise vaijnyaanikon ne maanaa hai. manushy hee vah praanee hai jisamen kalaa hotee hai aur har kalaa men kaheen n kaheen vivek hotaa hai. saahity men bhale kuchh log sahee dishaa naheen tay kar paa rahe hon lekin unake andar vivek hai aur ve sahee galat ke dvndv se ubar hee jaayenge. vichaar bhale dhaaraa ke roop men n rahe kintu vichaar to bane hee rahate hain. aur har samaaj men har samay naitikataa ke prashn hote hain bhale hee alag-alag samay men ve alag-alag hon.
prashn: jayapur litarechar festival ke rng-dhng ke sndarbh men yah prashn uthe hain ki kyaa saahity kaa utsav honaa chaahie aur aisaa saahity ke hit men kahaan tak hogaa?
uttar: jayapur men saahity ko lekar jo utsav huaa vah us par pooree tarah se baajaaravaad haavee thaa. ek tarah se saahity ko bechane kee koshish thee. khoob paisaa kharch huaa aur vah ek pradarshan kee tarah thaa. vahaan saahity pramukh naheen rah gayaa thaa saahity kaa pradarshan mukhy thaa. haalaanki saahityik utsavon ko ham aam bhaarateeyon ke jeevan ke any utsavon kee tarah len to koee harj naheen hai. hamaare tamaam teej-tyohaar utsavapoorn hote hain. durgaa poojaa, ganesh poojaa, holee, divaalee, eed, gud fraaide sab utsav hain aur hamen n to inase parahej hai aur naa hee mujhe inamen koee buraaee najar aatee hai. hamaaraa samaaj utsavapoorn hai. hamaare samaaj kaa yah svabhaav hai. yahaan tak ki moharram shok ke judaa maamalaa hai isake baavajood taajiye poore utsav ke roop men nikaale jaate hain. yadi saahity se jude kaaryakram hamaare jeevan men utsav ke roop men aayen to kyaa harj ho sakataa hai.

mahatvapoorn rahee naamavar jee se mulaakaat

hindee saahity ke sheersh aalochak do.naamavar sinh se aaj kolakaataa men kuchh ghnte pahale huee mulaakaat rochak aur atynt mahatvapoorn rahee. is avasar par unase liyaa gayaa eksakloosiv intaravyoo jald.

kavi kedaaranaath sinh kee maan kaa dehaavasaan

prakhyaat kavi kedaaranaath sinh kee maan laalajharee devee naheen raheen. ve 102 saal kee theen. 8 maarch 2012 kee subah paanch baje unakaa nidhan haavadaa men ho gayaa. apanee betee v kedaaranaath sinh kee bahan hemaavatee ke ghar par unhonne apanee antim saans lee. 21 svarnamaee rod, bee gaarden, beeee farst get ke paas, haavadaa men ve kuchh arase se rah rahee theen. usake pahale bhee jab jab sardiyaan aateen kedaar jee unhen haavadaa pahunchaa jaate the kyonki dillee men adhik thnd padtee hai. mrityu ke samay kedaar jee haavadaa men hee the.
unakaa antim snskaar haavadaa ke shivapur shmashaan ghaat men kiyaa gayaa, jahaan kedaar jee ne unhen mukhaagni dee. kedaar jee ke putr suneel kumaar sinh bhee is avasar par upasthit the, vaheen shavayaatraa men aalochak do.shnbhunaath, saahityakaar-patrakaar v mahaatmaa gaandhee antararaashtreey vishvavidyaalay ke kolakaataa kendr ke prabhaaree do.kripaashnkar chaube, sanmaarg ke sampaadak hariraam paandey v patrakaar paramaannd sinh aadi upasthit the. kedaar jee kaa maan kaa shraaddh kedaarajee ke paitrik gaanv chakiyaa men hogaa.
mrity kee dukhad soochanaa mujhe aaj aparaahn do.kripaashnkar chaube se milee, jab mainne unhen holee kee shubhakaamanaaen dene ke lie fon kiyaa thaa. unhonne bataayaa ki ve shmashaan ghaat men hain jahaan kedaar jee kee maan ke antim snskaar kee taiyaar chal rahee hai.
kedaar jee se meree pichhalee mulaakaat 3 maarch 2012 ko huee thee, jab unhonne doharaayaa thaa ki maan kee haalat theek naheen hai. ve jab tak kee mehamaan hain. ve unhen pahachaan naheen rahee hain. ve is umr men avachetanaavastaa men bas apanee maan ko yaad kar rahee hain.
5 maarch 2012 ko mahaatmaa gaandhee antararaashtreey vishvavidyaalay, vardhaa men mulaakaat ke dauraan vishvavidyaalay ke kulapati v kathaakaar shree vibhooti naaraayan raay ne poochhaa ki kyaa kedaar jee kee tabeeyat kharaab hai, mainne bataayaa naheen, unakee maan kee tabeeyat avashy kharaab hai. aur kedaar jee is baat ko lekar adhik pareshaan hain ki jis maan ko ve betarah pyaar karate hain vah unhen apane antim dinon men naheen pahachaan rahee hai. unakee maan apanee maan ko yaad kar rahee hai. bhagavaan unakee maan kee aatmaa ko shaanti de aur kedaar jee dukh kaa yah pahaad dhone kee saamarthy. apanee maan par likhee kedaar jee kee kavitaa yahaan yaad aa rahee hai, jo pooree hindee kavitaa hee naheen vishv kavitaa men apanaa mahatvapoorn sthaan rakhatee hai-
kavitaa kaa sheershak hai-suee aur taage ke beech men

maan mere akelepan ke baare men soch rahee hai
paanee gir naheen rahaa
par gir sakataa hai kisee bhee samay
mujhe baahar jaanaa hai
aur maan chup hai ki mujhe baahar jaanaa hai

yah tay hai
ki main baahar jaaungaa to maan ko bhool jaaungaa
jaise main bhool jaaoongaa usakee katoree
usakaa gilaas
vah safed saadee jisamen kaalee kinaaree hai
main ekadam bhool jaaoongaa
jise is samoochee duniyaa men maan
aur sirf meree maan pahanatee hai

usake baad sardiyaan aa jaayengee
aur mainne dekhaa hai ki sardiyaan jab bhee aatee hain
to maan thodaa aur jhuk jaatee hai
apanee parachhaaee kee taraf
un ke baare men usake vichaar
bahut sakht hai
mrityu ke baare men behad komal
pakshiyon ke baare men
vah kabhee kuchh naheen kahatee
haalaanki neend men
vah khud ek pakshee kee tarah lagatee hai

jab vah bahut jyaadaa thak jaatee hai
to uthaa letee hai suee aur taagaa
mainne dekhaa hai ki jab sab so jaate hain
to suee chalaane vaale usake haath
der raat tak
samay ko dheere-dheere silate hain
jaise vah meraa ftaa huaa kurtaa ho

pichhale saath barason se
ek suee aur taage ke beech
dabee huee hai maan
haalaanki vah khud ek karaghaa hai
jis par saath baras bune gaye hain
dheere-dheere tah par tah
khoob mote aur gajhin aur khuradure
saath baras.

is avasar par kedaar jee kee maan ke sambndh men ek tippanee bhee yaad rahee hai, navabhaarat taaims se yahaan uddhrit kar rahaa hoon.
maan kee jagah
kedaaranaath sinh
abhee do din pahale hee lautaa hoon- maan ko gaanv men chhodkar. vah dillee se do maheene pahale gaee thee aur jab mainne dillee chalane kaa aagrah kiyaa to bolee- naheen, abhee naheen jaaoongee- abhee bahut se kaam hain. kaam koee naheen hai, yah main achchhee tarah jaanataa thaa. fir bhee mainne use vahaan chhod diyaa. ek bade puraane ghar men use akele chhodnaa aparaadh jaisaa lag rahaa thaa. fir mainne sochaa- use apane sahaj parivesh se hataakar dillee men rakhanaa bhee to aparaadh hee hai. aur aisaa aparaadh ham karate hain aur kaee baar is tarah karate hain jaise vriddhaa maan yaa vriddh pitaa ko gaanv se nikaalakar ek uchchatar jeevan leelaa ke parisar men pravesh dilaa rahe hon.

yah sab likhate hue mujhe maan par likhee asnkhy kavitaaen yaad aa rahee hain. ek kavi ne to yahaan tak kahaa thaa ki maan par kavitaa likhee hee naheen jaa sakatee aur shaayad usane galat naheen kahaa thaa. fir bhee maan par kavitaaen likhee jaatee hain aur likhee jaatee rahengee. par aanevaalaa paathak aisee tamaam kavitaaon ko padhkar aanndit hone ke bajaay, aadhunik (uttar aadhunik) samaaj men ek umr kee aanch men pakatee huee maan kee anishchit jagah ke kaaran ek teekhe vidnbanaa-bodh se vichalit hone kee kshamataa bhee khotaa jaaegaa.

yah to maan kee sthiti kaa bakhaan huaa...svayn maan kee drishti men bete kee tasveer kyaa ho sakatee kyaa ho sakatee he, isakaa ek maarmik chitr roosee kavi rasool hamjaatov kee ek chhotee-see kavitaa men milataa hai....kavitaa maan kee or se bete kaa bakhaan hai:

vah jab chhotaa thaa
use bolanaa naheen aataa thaa
vah sirf tutalaataa thaa
aur main usakee har baat samajh letee thee
ab vah badaa ho gayaa hai
aur bahut bolataa hai
par usakee ek bhee baat
meree samajh men naheen aatee.

maan par yah seedhaa-saadaa bayaan aaj kee duniyaa men usakee sthiti par ek talkh tippanee hai.
nothkedaar jee kee yah tasveer pichhalee mulaakaat kee hai, jo mainne mobaail fon se lee thee.

abhijnyaat apane naye saanche v dhaanche ke kavi hain -naamavar sinh

dooradarshan par 7 janavaree shanivaar ko prasaarit 'aaj savere' teevee kaaryakram ke prastotaa suparichit kavi madan kashyap v hindee ke sheersh aalochak do.naamavar sinh
do.naamavar sinhh mere dekhane men yah pahale-pahale sngrah aayaa hai 'khushee thaharatee hai kitanee dera'. aur ek bhoomikaa bhee likhee hai, jisase maaloom hotaa hai is bhoomikaa se ki kavitaa se inakaa jo sarokaar hai, vah bahut gaharaa hai. aur kavitaa ko bahut mahattvapoorn aur shaktishaalee vidhaa ve maanate hain. unhonne kahaa bhee hai vivek-sammat aaveg kee abhivyakti hai kavitaa. to aaveg ke saath vivek jrooree hai ise ve ise maanate hai aur yah unakee kavitaaon men bhee jhalakataa hai. pahalee hee kavitaa jo unhonne dee hai. bhoomikaa n bhee dete to koee harj n thaa lekin inake sarokaar jo hain, bahut gnbheer hain. bhoomndaleekarn aur udaaravaad baajaar vyavasthaa ke beech kavitaa kaa jo maheen jaal bunaa gayaa hai, usamen kavitaa ke lie kitanee jagah rah gayee hai isakee chintaa ke saath unhonne likhee hai. pahalee hee kavitaa inake vichaar ko bhee prakat karatee hai aur unakee kavitaa kaa jo saanchaa aur dhaanchaa hai vah bhee maaloom hotaa hai. 'khushee thaharatee hai kitanee dera'. main sochataa hoon ki koee tippanee karane se pahale is kavitaa ko dekh len
'main daraasl khush honaa chaahataa hoon

main tamaam raat aur din
subah aur shaam
isee koshish men lagaa rahaa taa umr
ki main ho jaaoon khush
jisake baare men main kuchh naheen jaanataa

naheen jaanataa ki theek kis
kis bindu par pahunchanaa hotaa hai aadamee kaa khush honaa
kitanaa fark hotaa hai duhkh aur khushee men
ki khushee aadamee ko kis akshaansh aur sharton aur
kitanee jugat ke baad milatee hai
vah thaharatee hai kitanee der
kyaa utanee jitanee thaharatee hai os kee boond haree
ghaason par
yaa utanee jitanee foote hue andon ke beech chooje
haalaaoki vah samay nikal chukaa hai vichaar karane kaa
ki kyaa naheen rahaa jaa sakataa khushee ke bagair
to fir aakhir men itane din kaise rahaa bagair khushee ke

shaayad khushee kee talaash men jee jaataa hai aadamee
pooree-pooree umr

aur yah sochakar bhee khush naheen hotaa
jabaki use honaa chaahie
ki vah tamaam umr
khushee ke baare men sochataa
aur jeetaa rahaa
usakee kabhee n khatm hone vaalee talaash men'
seedhee-saadee sapaat see lagane vaalee yah kavitaa ummeed ko or ishaaraa karatee hai ki aaj bhee aadamee apanee ummeed ko aur khush hone kee ummeed ko, sabase badee chaah ekamaatr yah rah gayee hai yah naheen ki ham sampann hon, bade samriddh hon, anek aashaaen log paalate hain. koee kraantikaaree baat naheen kahee gayee hai lekin jis dhng se pooree cheej kahee gayee hai, vah kraantikaaree lagatee hai.
madan kashyap- kahane kaa dhng apanaa hai. hriday ko chhoone vaalaa dhng hai.
do.naamavar sinhh savaal yah hai ki khushee bhee to mile lekin milane ke baad vah thaharatee hai kitanee der hai. kareeb unakee paintaalees kavitaaen hain. aur unakee doosaree kavitaa hai 'todne kee shakti'. unakee kuchh kavitaaen unakee betee par hain.
madan kashyap-paanch kavitaaen betee par hain.
do.naamavar sinhh bahut achchhee. usakee aakhiree kavitaa hai 'upalabdhi'. bachchiyon ke baare men bahut see kavitaaen likhee gayee hain lekin jis aatmeeyataa se yah likhee gayee hai, unhonne keval pitaa kee drishti se naheen likhee hain balki maataa-pitaa donon kee drishti likhee hain-
'tum vah ho jahaan mujhamen khud ko paayaa hai tumhaaree maan ne
jahaan ham donon ne mitaa diyaa hai apanaa svatntr astitv
tum hamaaree sndhi ho
tum ho hamaaraa setu
tum ho vah
jahaan se
ham chaahen bhee to laut naheen sakate apane aap tak
tum hamaare sv ke khone kee paribhaashaa ho
tum hamaare vilay kee upalabdhi ho.
tumamen jhaankatee hai meree muskaan
tumhaare svar men hai tumhaaree maan kee taan
tumamen meree sharaaraten kaheen chhipee hain
maan kee aadaten tumamen rachee basee hain
meree snvedanasheelataa tumase bndhee hai
tumhaaree maan kee kaayaa tumamen nadhee hai.
par ham naheen chaahate
tum bano hamaaraa pratiroop
tum paao prakriti se apane hone kee dhoop
apanaa chhnd hee tumhen saadhegaa
ham donon men vah shatru hogaa
jo tumhen baandhegaa.'
madan kashyap-puraane samay se likhee jaa rahee hain aise kavitaaen. madan vaatsyaayan ne likhee hai svaati ke lie. aur us samay se lekar ek lambee paramparaa hai usamen ve kuchh alag jodte hain..
do.naamavar sinhh is kavitaa ke ant men kahaa hai..ham tumako mukt karate hain. yah naheen ki tum hamaaree anukaran ban rahee ho. kuchh hamaare gun ho kuchh maan ke gun hon isake alaavaa bhee tum svatntr ho apanaa vyaktitv praapt karane ke lie. yah apanee betee ko shubhakaamanaa
anek kavitaaen isamen snvaad ke lie,,
madan kashyap- kolakataa kaa jo mahaanagareey jeevan hai, jo lokal men chadhne kaa jo sngharsh hai, vahaan ke yathaarth ko, mujhe lagataa hai vahaan bhee ve ek achchhe kavi ke roop men...
do.naamavar sinhh 'hnsee kee taaseera' ek kavitaa hai, 'karatooten' bhee hain, to yah kavitaaen, 'sapane' ke baare men hain to
madan kashyap-abhijnyaat choonki rahate hain bngaal men, hain to hindee bhaashee hee. vahaan shaayad lambe arase se rahate hain
do.naamavar sinhhapane anubhav kee baat ko likhaa hai ki shaayad unnees saal baad lautaa thaa gaanv aur intajaar kar rahaa thaa kune par baithe lautane vaalon kaa. bachche jo gaye the skool vagairah vagairah... to shahar kalakattaa se jo apane gaanv aate hain, usakaa bhee anubhav hai.
madan kashyap-yah do yathaarth hai vah door-daraaj ke kaviyon ke maadhyam se vyakt hotaa rahaa hai. aur us par dhyaan kam hee jaataa hai logon kaa. mujhe lagataa hai ki hindee kavitaa kee shakti hai vah.
do.naamavar sinhh apanaa ek alag vyaktitv vyakt karataa hai yah aadamee jo aam taur par jo kavitaaen likhee jaatee hain usee tarah kee ye naheen hain.
madan kashyap- yah jo prachalit saanchaa prachalit dhaanchaa hai, hamaare samay men jo kaavy-roodhiyaan hain unase grast naheen hain ye kavitaaen
do.naamavar sinhh bilkul mukt bhaav se apanee chhaap, apane nijeepan kee chhaap unakee har kavitaa men hai. vah cheej aakrisht karatee hai meraa khayaal hai aise jmaane men jab saanche men dhalee kavitaaen dikhaayee padhtee hain shaharon men rahane vaale logon ko to hindee ilaake se dooradaraaj kalakatte men rahataa huaa kavi ek apanee pahachaan alag banaatee huee kavitaaon ko saamane le aayaa hai aur paripakv ho chuke hain kyonki yah saatavaan kavitaa sngrah hai.
madan kashyap- yahaan aate-aate unakaa muhaavaraa ban chukaa hai aur aapane unake us muhaavare kee aur unakee pahachaan ko rekhaankit kar diyaa to ve aur bhee aage jaayenge. aapako bahut bahut dhanyavaad
do.naamavar sinhhaapako bhee.

baanglaa feechar film men do.abhijnyaat kaa abhinay v hindee kavitaa

nechar paark men baanglaa film "eksaporth mithyaa kintu saty" ke ek drishy men baaen se do.abhijnyaat v pulak dev








nechar paark men baanglaa film "eksaporth mithyaa kintu saty" ke set par baaen se do.abhijnyaat, sameer banarjee v pulak dev









kolakaataah bhroon ke niryaat jaise gnbheer vishay ko pooree shiddat se uthaane vaalee baanglaa feechar film "eksaporth mithyaa kintu saty" men hindee ke suparichat kavi-patrakaar do.abhijnyaat ne abhinay kiyaa hai. is film men n sirf unhonne ek kavi kee bhoomikaa nibhaaee hai balki svayn apanee hindee kavitaa sunaaee hai. apane naye kavi sngrah 'khushee thaharatee hai kitanee dera' men sngrahit kavitaa 'karatooten' kaa kuchh ansh unhonne isamen padhaa hai. somavaar 13 faravaree 2012 ko kolakaataa ke 'nechar paarka' men unhonne film kee apanee shooting pooree kee. apane chhaatr jeevan men do.abhijnyaat rngamnch se jude the aur us daur men unhonne abhinay aur naaty nirdeshan kiyaa thaa. usake kuchh varsh baad unhonne ek baanglaa dhaaraavaahik 'pratimaa' men abhinay kiyaa thaa aur ek doktar kee bhoomikaa nibhaaee thee. ab ve svayn apane charitr ko hee bade parade par saakaar kar rahe hain.
film kaa vivaran is prakaar hai-film bee aaidiyal kee prastuti, prodyoosar-prasann kumaar raay, kahaanee, skript aur nirdeshan-sameer banarjee. abhinayh shubhaasheesh mukharjee, arun mukharjee, svaagat, pulakitaa ghosh, vishvajeet chakravartee, mahesh kaushik, chndrachoor, poojaa banarjee, do.abhijnyaat, pulak dev. prodakshan teemh cheef asistent daayarektar-arunaanshu chaudharee, asistent daayarektar-prateeti ghosh, svapan nndee, aranab saah, sameer raay, sinemetrograafee-vinod gautam, editing-krishnaa kaant paal, aart daayarektar-maanik bhattaachaary, sngeet-raajaa raay. kul do raveendr sngeet-jaate jaate ekalaa pathe v jaa haasie jaay. donon kee gaayikaa jayaa vishvaas. film kee shooting kaa kaam lagabhag pooraa ho chukaa hai. kuchh din kee shooting aur bachee hai.

tumhaaraa saath rahe to nark tak kee yaatraa bhee sukhad rahegee-adam gondavee

adam gondavee kee maut kee khabar sadamaa dene vaalee hai. us manahoos subah yah khabar mujhe sabase pahale jayapur se lekhak-patrakaar mitr chndeedatt shukl ne dee. jis saanketik bhaashaa men vah esaemaes thaa usase mujhe sirf yah lagaa ki unakee sehat ko lekar chintit hain aur sarakaar-gairasarakaaree suvidhaaon kee kamee unhen khal rahee hain. sanmaarg ke daftar pahunchaa to bhaashaa v vaartaa donon par unakee maut kee khabar thee. ve ek kraantikaaree shaayar the lekin vyaktitv men utane hee mohak aatmeey aur saadageepasnd. unase kuchhek mulaakaaten hain aur vidishaa se lekar kolakaataa tak sng saath kee yaaden. filahaal unakaa ek patr aapase sheyar kar rahaa hoon aag ugalane vaale shaayar ke komal bhaavon ko vyakt karataa hai. un par aur baaten jald...
5 aprail 1992
priy bhaaee,
aapane kabhee likhaa thaa-kyon achchhe lagate ho kedaaranaath sinh. ab use moort roop dete hue lagabhag 50-60 pej prishthon men samaayojit karake mere paas bhej deejie. yahaan avadh vishvavidyaalay kuchh kaviyon par ek lekh maalaa chhapavaa rahaa hai usakaa snpaadan mere mitr praadhyaapak shree jayanaaraayan budhavaar kar rahe hain. mainne unase vaadaa kar liyaa hai ki kedaar jee par aap likhenge. lekh dhaansoo honaa chaahie ekadam kalejaa faad. maee ke pahale saptaah tak bhej den kripaa hogee.
mainne pahale bhee kahaa thaa shaantiniketan yaa puree ke lie kaaryakram banaaie. vaise tumhaaraa saath rahe to nark tak kee yaatraa bhee sukhad rahegee.
aataa- parasapur, gondaa, uttar pradesh

delee nyooj men khushee thaharatee hai kitanee der kee charchaa

saabhaarh delee nyooj, ham log, 4 disambar 2011

supar blaast

kahaanee
saabhaarhkathaadesh, navambar 2011
duniyaa bhar men dimaagee tanaav se marane vaalon kee snkhyaa men lagaataar izaafaa ho rahaa thaa. yuvaaon aur chhaatron men dimaagee tanaav ke badhane se pooree duniyaa chintit ho uthee thee. kuchh vaijnyaanikon kaa kahanaa thaa ki yah global vaarming ke ghaatak nateezo men se ek hai to kuchh ne aadhunik jeevan shailee ko isakaa kaaran bataayaa. kuchh logon kaa maananaa thaa ki bachchon par adhyayan kaa atyadhik bojh isakaa kaaran hai. kuchh vaijnyaanik faast food, koldadinraks ke sevan ko isakaa kaaran maan rahe the. saamaajik adhyayan se jude vidvaanon kaa kahanaa thaa ki saamaajik moolyon men vighatan aur asurakshaa kee badhatee pravritti isakaa kaaran hai to kuchh ne maataa-pitaa ke beech talaak ko isakaa kaaran ginaayaa thaa. lekin kisee ek nishkarsh tak pahunchanaa kathin thaa. ye ghatanaaen un samaajon men bhee ghat rahee theen jahaan aadhunik jeevan-shailee kaa bahut prabhaav naheen thaa faast food kaa prachalan kam thaa yaa talaak kee ghatanaaen viral theen.

lekin vastu-sthiti yahee thee ki kishoron-yuvaaon men bron hemarej se hone vaalee mauton men lagaataar izaafaa ho rahaa thaa. in mauton kee jaanch ke lie snyukt raashtr ne ek vishesh antarraashtreey prakoshth kaa gathan kiyaa. jisamen bhaarateey dal kaa netritv apratim sinh ko saunpaa gayaa thaa. terah varsheey ikalautee betee shreyaa aur shaastreey sngeet kee gaayikaa patnee shobhaa unake saath rahatee thee. maataa-pitaa uttar pradesh ke jaunapur ke ek gaanv men the. chhattees varsheey apratim ek manovaijnyaanik the aur unhonne saaiko simetik ifekt par kaimbriaaj men shodh kiyaa thaa. haalaanki ganit unakee vyaktigat ruchi kaa vishay thaa, lekin padhaayee ke dinon men ek mitr ke saath unhonne manovijnyaan kee klaas kee thee aur manovijnyaan unhen itanaa bhaayaa ki ganit se emaesasee ke baad manovijnyaan kee vidhivat padhaayee kee aur use hee peshaa bhee banaayaa. ve kolakaataa men ek kendreey snsthaan men kaaryarat the. prakoshth ke gathan ke baad unhen ek vishesh darjaa diyaa gayaa thaa aur unhen jo taask diyaa gayaa thaa keval usee par apanaa dhyaan kendrit karanaa thaa. unhen das logon kee ek teem dee gayee thee jisakaa chayan unhonne vibhinn sarakaaree kaaryaalayon men kaaryarat logon men se kiyaa thaa, jo vibhinn sevaaon men the. unhonne doktaron, shikshaavidon se lekar khufiyaa vibhaag tak ke logon ko apanee teem men liyaa thaa.

-----

apratim kee betee ne pitaa kee hee ruchiyaan paayee thee. ganit se use bhee deevaanagee kee had tak lagaav thaa aur pitaa se zid kar vah ganit kaa vishesh paikej vishvaas thiyaram aaf aaeekyoo laane kee zid kar rahee thee jisase aaeekyoo vikasit hotaa hai. apratim isake ghor virodhee the. unakaa maananaa thaa ki kisee bhee cheez kaa svaabhaavik vikaas hee honaa chaahie. bachchon kaa kad badhaane, unake svaasthy men taabadatod sudhaar karane kee davaaon upakaranon ke istemaal ke saath- saath maanasik kriyaa kalaapon men vriddhi karane vaale taur-tareekon ke bhee virodhee the, jinamen vishvaas thiyaram aaf aaeekyoo bhee thaa.

unakee betee ke ganit ke prati lagaav kee charchaa unake sahakarmiyo men bhee thee aur ek din ek adhikaaree ne unakee betee ke janm din par tohafe ke taur par aaeekyoo thiyaram diyaa to use unhonne use kholakar utsukataa se dekhaa fir apanee aalamaaree men laak kar diyaa.

----

aatnkiyon kaa ek dal pakadaa gayaa thaa aur unake paas se jo cheezen paayee gayee theen unamen aaeekyoo thiyaram bhee thaa. khufiyaa vibhaag se jude unakee teem ke adhikaaree ne jab unhen baat-baat men yoon hee bataayaa to ve ekaaek chaukanne ho gaye. is baat kee charchaa khufiyaa adhikaaree ne unamen isalie bhee kee thee kyonki usee ne yah thiyamar khareedakar apratim kee betee ko janmadin kaa upahaar diyaa thaa.

apratim ke lie yah soochanaa chaunkaane vaalee thee. unhonne apane ghar kee aalamaaree men pade thiyaram ko nikaalakar kaaryaalay le gaye aur use gaur se dekhaa. fir aatnkiyon ke paas se baraamad thiyaram kee kaapee praapt kee. donon kaa milaan karane par unhen ek nayee baat pataa chalee vah yah ki donon hee savaal shuroo to ek tarah se hoten hain ki aatnkiyon ke paas se baraamad savaal chhotaa hai vah aage bahut vistrit naheen hai.

apratim donon kee der tak tulanaa karate rahe kintu aatnkiyon ke paas se aaeekyoo thiyaram ke baraamad hone, usake baajaar men upalabdh thiyaram se snkshipt hone ke sambndh kee padataal men jut gaye.

ve ganit kaa chhaatr hone ke kaaran ve thiyaram kee utpatti v usake vaijnyaanik ke sambndh me padh chuke the kintu unhonne do.vishvaas kee maut kee faailen khulavaayeen jo unakee maut ko svaabhaavik maut kaa maamalaa maanakar do saal pahale hee bnd kar dee gayee theen.

unhonne khufiyaa shaakhaa se madad dee aur kaee chaunkaane vaalee jaanakaariyaan unake haath aayeen. usakaa byauraa is prakaar thaah

ganit men do.mihir vishvaas ko gaharee dilachaspee vishay thee. aur baakee vishayon men ve aksar vah fel hote rahate the. unhen mauzoodaa shikshaa paddhati se isalie bahut saaree shikaayaten bhee theen. unakaa maananaa thaa ki har vyakti har kaary kar hee naheen sakataa. har aadamee kee apanee shaareerik aur maanasik banaavat hai. usakee banaavat kai vishisht ko jaanchane parakhane ke tareeqe shikshaajagat ko vikasit karane chaahie aur kachchee umr men hee usakaa nirdhaaran kar use unheen vishayon shikshaa kaa avasar pradaan karanaa chaahie jisamen usakee gati ho. doosare yah ki saamaany vishayon kaa das varsh tak aur usake baad bhee vishesheekrit vishay ke adhyayan ke nirdhaaran men paas saal aur barabaad karane kee aavashyakataa kyaa hai. ten plas too, plas three, plas too tak kee 17 varsh kee shikshaa ke baad bhee shodh kee maanasik zameen pooree tarah taiyaar naheen hotee kyonki usamen se pndrah varsh ko vidyaarthee kee dimaag vividh vishayon kee aur bntataa rahataa hai aur apane priy vishay ke atirikt bhee any vishayon kaa adhyanan n kiyaa jaaye to aage kee shikshaa kaa maarg avaruddh ho jaayegaa. ve chaahate the ki aathaveen ke baad hee vijnyaan, kalaa yaa vaanijy ke vishayon kaa bntavaaraa ho jaaye aur dasaveen ke baad vishesheekrit ek vishay ke adhyayan kaa suyog chhaatron ko mile jaisaa maastar digree men hotaa hai. isase 17 varsh kee shikshaa ke pahale hee kisee bhee vishay men chhaatr svatntr laayak ho jaayegaa. yahaan tak ki usase pahale bhee. unake shikshaa sambndhee nazariye kee shikshaa jagat men khaasee charchaa thee aur ve vivaadaaspad maane jaate the.

lekin ve shikshaavid naheen kahalaanaa chaahate the ve to bas ganit kee gutthiyon ko sulajhaane men lage the aur ganit ko aam logon ke lie upayogee banane dishaa men prayatnasheel. ve chaahate the ki snkhyaaon kaa yah shushk lagataa snsaar aam aadamee ke jeevan men tabdeelee laaye. unhonne ganit ke kaee sootr diye the aur aise savaal rachane men lage the jisako hal karane se logon kee tark shakti vikasit ho, unakee nirnay kshamataa kaa vikaas ho chaahe aur vah har varg ke lie upayogee ho. har kshetr men kaaragar. ve maanate the ki ganit manushy ke vichaaron ko susngat karane kee ek vidhi ke vikaas men apanee mahatvapoorn bhoomikaa nibhaa sakataa hai. ganit kee saamaajik jimmedaaree kee bhoomikaa mahatvapoorn ho sakatee hai. unhen jo baat saalatee thee vah yah ki sootron ko rat kar ganit hal n kiyaa jaaye. ganit ko haalaanki taarkik vishay maanaa jaataa hai. samasyaa ko samajhane aur usake samaadhaan ke khojane kee kshamataa kaa vikaas hee ganit kaa makasad hotaa hai kintu filahaal yah faarmoolon par aadhaarit hai. yah faarmoole rate jaate hain aur kuchh din ke antar men unhen yaad n kiyaa jaaye to ve dimaag se nikal jaate hain aur ve yaad n rahen to samasyaa ko sulajhaanaa mushkil ho jaataa hai, bhale pooree maikenidajm kaa jaanakaaree ho. ve kuchh aise savaal banaanaa chaahate the jo binaa sootr ke hal ho apanee taarkik shakti ke boote aur usako jaise jaise aage hal kiyaa jaaye vaise vaise usakee nirnay kshamataa kaa vikaas ho.

unhonne barason guzaar diye janopayogee ganit kaa ek savaal banaane men aur unhonne painsaalees saal men ek savaal banaa liyaa. yah ek aisaa savaal thaa jisamen kaee charan the aur har charan par haan aur naa kee gutthiyaan thee aur ekadam vipareet jaane vaalee snbhaavit dishaaen.

is ganit ke is savaal se ve khaase pareshaan bhee hone lage the. yah savaal kaee charanon baad atyadhik jatil hone lagaa thaa aur aur use hal karane men ve asvasthataa mahasoos karane lagate the. dimaagee tanaav badh jaataa thaa. unhen lagaa ki kaheen n kaheen kuchh gadabad hai. unhonne ek snaayuvijnyaanee mitr do.emaes maadhavan se isakee charchaa kee. tanaav adhyayan men madad maangee. do.maadhavan barason tak amerikaa ke ek pratishthit snsthaan men nideshak rah chuke the. filahaal ve bhaarat men ek videshee haaspital ke mentar the. ve baarahaveen kakshaa men saath padhe the. usake baad do.vishvaas ne maith le liyaa aur do.maadhavan ne baayalojee, aur donon kee dishaaen badal gayeen. fir bhee donon ke beech sampark banaa rahaa thaa.

----

donon puraane mitron ne milakar vijnyaan kaa ek aisaa prayog shuru kiyaa thaa jahaan ganit aur snaayavik adhyayan kee saajhedaaree thee. vishvaas ke ganit ko hal karane se paidaa hone vaale maanisak tanaav kaa adhyayan maadhavan kar rahe the. maanasik snvegon ke utaar-chadhaav ke adhyayan ke lie upakaran lagaaye gaye. aur vishvaas ne ganit kaa savaal hal karanaa shuroo kiyaa.

aur paayaa gayaa ki jaisai-jaise charan aage badhataa thaa maanasik tanaav kramashh badh rahaa hai. aur maarke kee baat yah thee ki yah

kramik thaa. usakaa kaaran donon ko yah samajh men aayaa pratyek charan men ek saath hee haan aur naa kaa lagabhag ekasaath aayaa khayaal hee usakaa kaaran hai jisamen se hal karane vaale ko haan yaa naa men se ek ko chunanaa hotaa thaa aur agale charan men aage badh jaanaa thaa. is savaal kee adbhut visheshataa yah thee ki vaastav men haan men aage badhe to bhee agalee raahen khulatee thee aur naa men bhee usee prakaar. aur yahee kram aage badhataa thaa. daraasal is ganit kaa koee sahee hal naheen thaa balki yah ulajhanon kaa

ek silasilaa thaa jisako sulajhaane ke baad doosaree ek aur ulajhan saamane hotee thee.

ab donon ke saamane prashn yah thaa ki is savaal ko aage kitanaa badhane diyaa jaaye ki vah khataranaak n ho. kis had tak aadamee kaa dimaag maanasik snvegon kaa tanaav bardaast kar sakataa hai. vishvaas chaahate the ki manushy kee tanaav bardaast karane kee kshamataa tak hee is savaal ko seemit rakhaa jaaye. aage kaa savaal kaat diyaa jaaye, varanaa vah aadamee kee jaan ke lie ghaatak ho sakataa thaa.

pate kee baat yah hai ki unhonne is savaal kaa kuchh chhaatron par aanshik taur par prayog bhee kiyaa thaa aur paayaa thaa ki is ganit ko hal karane se unake aaeekyoo kaa vikaas ho rahaa hai. is ek ganit ko jitanee baar bhee hal karane kee shurooaat kee jaaye har baar nayaa hee lagataa hai kyonki usake savaal yaad naheen hote yah ganit kee rntat sootrabaddhataa ke vipareet thaa. isalie yah savaal vishvaas ke poore jeevan kee kul upalabdhi ho sakataa thaa kintu ve har tarah ke prayog ke baad hee is savaal ko ganit kee duniyaa men saamane laanaa chaahate the.

unhonne do.maadhavan se kahaa ki ve ab aur jokhimapoorn sthiti kee or badhanaa chaahenge. do.maadhavan upakaranon par chaukasee se nigaah rakhen aur jitanaa tanaav ek aadamee jhel sakataa hai usakee seemaa paar hone se pahale hee unhen siganal den taaki ve aage kaa savaal hal n karen.

aur donon ne prayog shuroo kiye. do.vishvaas ganit hal karane lage aur unake dimaag adhyayan ke lie unake shareer men upakaran lage the. jinakaa adhyayan do.maadhavan upakaranon kee reeding ke sahaare kar rahe the. do.vishvaas hal ke charan badhaate gaye aur idhar upakaran unake dimaagee tanaav kee badhat darshaataa gayaa. vishvaas tanaav badhane ke saath hee asahaj mahasoos karane lage kintu ve aage badhate rahe kyonki unhen yah naheen pataa thaa ki koee manushy adhikatam kitanaa tanaav bardaasht kar sakataa hai. is par to maadhavan nazar rakhe hee hue hain. unakaa aage badhane se ruk jaane kaa siganal abhee tak naheen milaa hai. aur yah kyaa. ekaaek tanaav se mukti kaa unhen ehasaas huaa. ek aisee raahat mahasoos huee jisakaa ehasaas unhen pahale kabhee naheen huaa thaa. aur fir ehasaas bhee gum ho gayaa.

do.vishvaas ke dimaag kee nasen fat gayeen theen, jabaki do.maadhavan ke chehare par muskuraahat thee.

----

do.vishvaas kee maut akhabaaron kee surkhiyon men thee. ganit ke prati ek samarpit vyaktitv ke taur par unhen yaad kiyaa gayaa thaa. aur unake shishy do.shashaank tivaaree ne unakee shok sabhaa ke baad ek pres kaanprens kee thee jisamen do.vishvaas ke banaaye ek ganit ke savaal kaa khulaasaa kiyaa gayaa jisako hal karane se kisee bhee vyakti kaa aaeekyoo badh jaataa hai. yah do.vishvaas kaa vah shodh kaary thaa jisakee charchaa unhonne jeete jee naheen kee thee aur yah unakee zindagee kee kul kamaaee thee. savaal ke nishkarshon par duniyaa bhar men charchaa huee aur aaeekyoo badhaane men use kaamayaab paayaa gayaa. viyenaa men antarraashtreey ganit sammelan men ise maanyataa dee gayee aur vah sammelan do.vishvaas ko samarpit kiyaa gayaa. is avasar par do.vishvaas ke naam par vishvaas thiyaram naam diyaa gayaa aur ganit ke paath¬kramon ke lie maany kar diyaa gayaa. chhaatron ke maanasik vikaas ke snsaadhanon men ek aur izaafaa ho gayaa thaa. yah ganit kaa hal vividh aakarshak sajaavaton ke saath pooree duniyaa ke baazaar men upalabdh thaa.

baakee duniyaa kee tarah do.shashaank bhee apane guru kee maut kee vajah bas yah jaanate the ki unakee maut bron hemarej kee vazah se huee hai. ganit ke savaal se dimaagee tanaav badhane kee pravriti ke prayogon ke baare men ve ekadam naheen jaanate the aur naa hee pooree duniyaa ke ganitajnyon kaa dhyaan is or gayaa.

-----

apratim ke saamane kuchh baaten saaf theen. aatnkiyon ko thiyaram kaa jitanaa ansh hal karane ko diyaa gayaa thaa usase unakaa maanasik tanaav badhataa thaa doosare ulajhanapoorn paristhitiyon men tvarit nirnay lene men bhee vah sahaayak thaa. jo log aatnkiyon kaa istemaal kar rahe the unakaa itanaa hee makasad thaa. aage kaa thiyaram isalie naheen diyaa gayaa thaa kyonki isako hal karane se aatnkiyon kee apanee jaan kaa khataraa thaa.

apratim ne apanee jaanakaariyon ko viyenaa men taask fors kee imarajensee miting men rakhaa. aur fir nayee jaanakaariyon ke aadhaar par yuvaaon kee maut kee jaanch shuroo huee to paayaa gayaa ki jinakee maut huee hai ve kisee n kisee roop men ganit se jude the aur is thiyaram ke alag-alag charanon ko hal karate samay asvasth hone ke baad aspataal jaakar yaa savaal hal karate samay huee thee. paath¬kramon se vishvaas thiyaram hataa diyaa gayaa. baajaar se aaeekyoo thiyaram ke jo bhee roop the vah jabt karake nasht kar diye gaye. thiyaram ko galat saabit karake us par har roop men pratibndh lagaa diyaa gayaa. do.vishvaas ke ganiteey siddhaant ko fareb bataayaa gayaa aur kahaa gayaa ki usase aaeekyoo men vikaas ke saare daave jhoothe hain aur kapol-kalpit hain. alabattaa yah naheen bataayaa gayaa ki unakaa thiyaram khataranaaq aur jaanalevaa hai. isase kaanoon-vyavasthaa men araajakataa fail jaane kaa khataraa thaa aur antarraashtreey star par teevr pradasharnon kee aashnkaa thee. usase aasaan thaa vishvaas kaa maanamardan. galatee daraasal yah bhee thee ki svayn do.vishvaas ne is thiyaram kaa nirmaan to kiyaa thaa kintu svayn unhonne use n to saarvajanik kiyaa thaa aur n hee svayn maanyataa dee thee. vah abhee jaanch-parakh ke star par hee thee aur unakee mrityu ke baad use saarvajanik kar diyaa gayaa thaa jisase yah museebat khadee ho gayee thee.

do.vishvaas ke qaatil do.maadhavan kee faailen taiyaar kee jaane lageen aur unakee gatividhiyon par pahare lagaa diye gaye. ve in dinon dubaee men rah rahe the, jahaan ek antarraashtreey star kee prayogashaalaa unhonne banaa rakhee thee jahaan vijnyaan ke vishayon par kaee prakaar ke kaam hote the.

do.maadhavan se judee saaree soochanaaon kee pal-pal kee jaanakaaree apratim ko milatee rahatee thee. apratim is antarraashtreey khyaati ke vaijnyaanik se poochhataachh karane kee ijaajat intarapol se maang rahaa thaa jisamen dikkaten aa rahee theen. do.maadhavan ne dubaee kee naagarikataa le rakhee thee.

------

idhar pooree duniyaa men mobaail fon, kampyootar aur intaranet kaa rutabaa lagaataar badh rahaa thaa. saath hee saath pooree duniyaa men aatnkee gatividhiyon men inake upayog kee ghatanaaon kee baadh aa gayee thee aur aatnkee mobaail se lekar kampyootar bamon kaa istemaal karane lage the. duniyaa ke alag-alag deshon men mobaail fon aur kampyootar bam samay-samay par fatane lage the jo chintaa kaa kaaran banaa huaa thaa. fon aur kampyootar kaise bam men tabdeel ho jaate hain is baat kee khoj chal rahee thee.

----

apratim ab dillee ke kaaryaalaay men baithane lage the. unakaa parivaar kolakaataa men hee thaa. betee shreyaa kaa maith ke prati rujhaan barakaraar thaa. vah utsaahit thee. supar maith kaampeeteeshan ko lekar. duniyaa men maith ko badhaavaa dene ke lie ek knpanee antarraashtreey star par yah pratiyogitaa karaa rahee thee jisamen ek hajaar vijetaaon ko ek-ek karod kee raashi puraskaar svaroop pradaan kee jaanee thee. pratiyogitaa men bhaag lene ke lie aanalaain naamaankan ho rahe the jisamen shreyaa ne bhee apanaa naamaankan karaayaa thaa. naamaankan ke baad aanalaain suparamaith kaampeeteeshan men bhaag lene kee tithi aur niyamon kee jaanakaaree use ee-mel se mil gayee thee. pratiyogitaa men ghar baithe aanalaain bhaag lenaa thaa. jinake ghar par kampyootar, laipataap yaa intaranet kee suvidhaa naheen thee unhonne pahale hee achchhee khaasee rakam chukataa kar saaibar kaifai men tebul buk karaa lee thee. pooree duniyaa men ek hee samay pratiyogitaa shuroo honee thee. savaal aanalaain bheje jaane the aur aanalaain hee usako hal karanaa thaa. is baat kaa pooraa rikaard usamen rahegaa ki kis savaal ko kitane senkedn yaa minat men kisane hal kiyaa. usee ke aadhaar par moolyaankan honaa thaa. dhaandhalee kee koee gunjaaish naheen thee. pratiyogitaa men bhaag lene ke lie kaee logon ke ghar pahalee baar kampyootar khareedaa gayaa kyonki saaibar kaifai men bhee jagahen buk ho chukee theen.

----

idhar, apratim ko khufiyaa jaanakaaree milee ki do.maadhavan ke risarch sentar men mobaail aur kampyootar se jude kaaryakram bhee banaaye jaate hain to vah chaunkaa.

usane haal kee aatnkee gatividhiyon ke taur tareekon kee jaanch shuroo karavaaee to pataa chalaa ki koee ee-mel maisej aayaa aur use kholate hee mobaail fon dedh minat ke bheetar bam kee tarah fat uthataa thaa. yahee haal kampyootar kaa bhee thaa. koee khaas ee-mel kholane ke dedh minat baad hee kampyootar bam kee tarah fat jaataa thaa.

isakaa matalab kyaa thaa? isakaa do.maadhavan se kis tarah kaa sambndh ho sakataa hai? kyaa do.vishvaas ke thiyaram kee kampyootareekaran kar diyaa gayaa hai? usane tatkaal kampyootar vijnyaan se jude visheshajnyon se sampark saadhaa. unase salaah lee. unase apratim ne poochhaa ki kyaa kampyootar men aisee prograaming kee jaa sakatee hai ki kisee jagah haan aur naa kee sthiti ek saath paidaa ho aur blaast ho jaaye. unhone kahaa aisaa mumakin hai. aur yah bhee mumakin hai ki vah mobaail par esaemaes khulane ke baad ekteevet ho jaaye aur fir bnd karane par bhee bnd n ho blaast ho jaaye. ee-mel se bhee yadi vah prograam bhej diyaa jaaye to vah ekteevet ho sakataa hai aur ee-mel bam men tabdeel ho sakataa hai. daraasal kampyootar ek supar bron hee hai. yadi vipareet tarkon se uthane vaalee veb ko aapas men takaraa diye to blaast ho sakataa hai. sambhavath aisaa hee prograam mobaail fon aur kampyootaron par ee-mel se bhejaa gayaa ho jisase visfot hue.

apratim ne turnt apanee betee ko kolakaataa fon milaayaa. usase supar maith kaampapeeteeshan kee taareekh aur samay pataa kiyaa. vah utsaah men thee. jab unhonne use kaampeeteeshan men bhaag lene se manaa kiyaa to vah rone lagee. aakhirakaar unhonne hee apanee jid chhod dee aur kahaa theek hai bhaag lo aur ek karod men meraa aadhaa hissaa rahegaa. vah is baat par raajee thee.

duniyaa bhar men kaee karod log is suparamaith kaampeeteeshan men bhaag lene vaale the, jisako mushkil se chaubees ghnte bache the. apratim ne taask fos kee viyenaa men inmarajensee meeting kee bulaane kee maang kee aur usamen bhaag lene ke lie ravaanaa ho gayaa. vahaan jo aashnkaa usane vyakt kee use sunakar sabake hosh ud gaye. duniyaa bhar men itanee vyaapak tabaahee kee kalpanaa se log sihar gaye. yah supar maith kaampeeteeshan naheen balki supar blaast kee yojanaa thee, jisakaa prograam do.vishvaas ke thiyaram ke aadhaar par do.maadhavan ne aatnkiyon ke lie taiyaar kiyaa thaa. ghnton baithak chalee ki kyaa upaay hai is pratiyogitaa ko rokane kaa. prachaar se kuchh naheen hogaa dahashat fail jaayegee. aur antath upaay apratim ne hee sujhaayaa.

------

apratim kolakaataa apane ghar lautaa. betee ke chehare par hnsee naheen thee. vah kyon udaas hai kaa javaab usee ne diyaa. vah maith kaampeeteeshan men bhaag naheen le paayee. vah kyaa koee bhee bhaag naheen le paayaa. ain vakt par sarvar dagaa de gayaa. akhabaaron men bhee prakaashit huaa thaa ki itane adhik logon ne supar maith kaampeeteeshan men bhaag lene ke lie log kiyaa ki sarvar baith gayaa. kampyootar teknaalaajee abhee bhee sarvar par nirbhar hai aur yah pranaalee doshapoorn hai. aanalaain pareekshaaon kee vifalataa kee kadee ke itihaas men yah vifalataa sheersh par hai. akhabaaron ne nayee teknaalaajee kaa jam kar maakhaul udaayaa thaa.

haalaanki baad men ek chhotee see ek khabar aayee thee ki vaijnyaanikon ne ek sarvar jaimar taiyaar kiyaa hai aur usakaa chupachaap tareeke se pareekshan bhee kar liyaa gayaa, jo kaamayaab rahaa.

------